Neyðarástand Evrópusambandsins

Þið hafið öll, nema Ríkisútvarpið, tekið eftir því sem er að gerast í Evrópusambandinu. 

Hvað segir ástandið okkur? Jú, þar ríkir neyðarástand. Og hefur ríkt þar síðan árið 2009. En hvað er svona merkilegt við það? Jú, verið er að gera neyðarástandið varanlegt. Það var einmitt þetta sem gerðist þegar Adolf Hitler komst til valda. Hann komst til valda í gegnum neyðarástand sem sagt var svo alvarlegt að það var gert varanlegt. Í skjóli neyðarástands og neyðaraðgerða er hægt að gera svo margt sem annars er ekki hægt. 

Fyrir Ísland hefur þetta þýtt það að skyldu hrekkjusvín bregða fæti fyrir Össuri Skarphéðinssyni utanríkisráðherra á Keflavíkurflugvelli, með því að leiða hann inn í vitlausa flugvél sem tæki hann til Washington til að bera þar upp erindi sitt við að framselja sjálfstæði og fullveldi Íslands til Bandaríkjanna, þá myndi samstundis koma maður með bréf út úr bandaríska sendiráðinu á Íslandi, og sá myndi ganga beint til verka sinna í forsætisráðuneytinu við að hefja framsal á Össuri Skarphéðinssyni til Íslands þar sem hann kæmi sér vel fyrir í ríkisréttinum vegna tilraunar til landráða.

Munurinn á þessu öllu er sá að búið er að stofna Bandaríki Norður Ameríku og þar ríkir lýðræðislegt stjórnarfar. Í Evrópusambandinu ríkir hins vegar varnalegt neyðarástand eins og það sem kom Vidkun Quisling til valda í Noregi og víðar. Það er um að gera að koma sér inn undir hattinn á meðan neyðarástandið og rússneska rúllettan með fullveldi þjóðanna í Evrópusambandinu ríkir. Of seint er að hefjast handa þegar símanúmeri Kissingers hefur verið klístrað út um allt í símaskrá þjóðanna. 

 

Aular!

Málefnaleg umræða um evru og ESB

Hér eru málefnin og umræðan;

 

Myntin evra — og efnahagsstjórn 17 ESB-ríkja undir henni — var fyrsta mynt sinnar tegundar og henni var lýst sem einstakri. Hún, myntin og efnahagsstjórnunin undir henni, átti að vera byggð á setti af vissum reglum = regluverki, reglusetti.

Þessi mynt er nú mörgum ríkjum ónýt og verri en engin. Og efnahagstjórnin undir henni er einnig ónýt og líklega verri en engin. Algert stórslys e. disaster Evrópusambandsins eins og Wolfgang krónískur evrufíkill Munchau lýsir hér.

 

Quick-fix will create a political monster - The eurozone’s experience of rules-based governance has been a disaster

 

Ekkert hefur áunnist. Flestu hefur verið tapað. Evrópa stendur sundraðri en nokkurn tíma frá lokum seinni heimsstyrjaldar. Miðflótta þeytivinduafl myntarinnar hefur verið slíkt. Efnahagsstjórn undir þessari mynt hefur reynst banvæn fyrir smá og stór ríki. Mesti mismunur á milli efnahagsþátta ríkja myntbandalagsins hefur aldrei verið meiri en nú.  

Seðlabanki þessarar myntar átti að vera fyrsta flokks. Það var okkur sagt. En undir hans yfirumsjón var efnahagur evruríkja lagður í rústir. Meðal annars með ofsafengnu stjórnlausu flæði illa fengins og afbakaðs fjármangs sem sprengdi efnahag margra landa Evrópu aftur á steinaldarstig nútímans. Atvinnuleysið er komið á meira en Hitlerskt stig. Fram hjá þessu er ekki hægt að horfa. 

Hver ber ábyrgð á þessu misfóstri? Hver ætlar að taka pokann sinn? Hvenær ætla evrumenn hérlendis að biðja okkur afsökunar á að hafa kynnt þennan Frankenstein fjármála fyrir Íslendingum sem verandi fyrsta flokks fyrirbæri? Það gæti orðið fróðlegt að heyra. Siðanefndir fræðimannafélaga og Alþingis Íslendinga bíða eftir afsökun ykkar og Ríkisútvarpsins.

 

Ein og stök er og verður þessi gereyðingarmynt í sögu Evrópu.

 

Fyrri færsla

 

Engar útgönguleiðir úr ESB 

Engar útgönguleiðir úr ESB

 

Það þýðir ekki að kjósa, því þá er bara kosið aftur og aftur þangað til það kemur niðurstaða sem er Brussel þóknanleg. Bratislava veður látin kjósa aftur. Í gærkvöldi sagði Slóvakía nei, en þá eru endurkosningar strax komnar í pakkann. Já, endurkosningar!

 

Slóvakar sögðu að verið væri að biðja þá um að sýna perversa samstöðu um brot evruríkja á grunnreglum ESB með atkvæðagreiðslunni um björgunarsjóð evrunnar. Þetta væri ekki sú evra sem þeir tóku upp.

 

Slóvaíka tók upp evru 1. janúar 2009 og mælist nú atvinnuleysi þar 13,4 prósent þrátt fyrir að tíundi hver Slóvaki hafi flúið landið í atvinnuleit og það hafi öll Samfylkingarvopnin; ESB-aðild, evrur og hina svo kölluðu "Evrópuvexti" Össurar.

Eins og Rómarríkinu, þúsund ára ríki nasista og Sovétríkjunum, þá er Evrópusambandinu ætlað að endast að eilífu. Engar útgönguleiðir eru til og verða aldrei gerðar. Þessi þrjú eru öll afurðir úr evrópska apótekinu. Þetta er í pakkanum sem ekki er til sýnis. Þetta er kjánum ósýnilegt eins og þegar Þjóðverjar kusu vissan mann til valda vegna atvinnuleysis, vanmáttar og eymdar. Það sem á eftir kom var ekki upphaflega í pakkanum. Það kom í pakkann seinna. Kom bara.

Eftir 25 ára búsetu í Evrópusambandinu minnist ég algengustu röksemdafærslna fársjúkra Evrópusambandssinna um ESB og flest sem því tilheyrir; "jú þetta er bara eins og að fá sér brunatryggingu", sögðu þeir hvað eftir annað þegar kjósa átti um hitt eða þetta. Nú er Evrópusambandinu sjálfu hins vegar lýst sem brennandi bygginu með engum útgönguleiðum og það af sjálfum utanríkisráðherra Bretlands. Það er svo gott að hafa fengið sér brunatrygginguna um leið og maður fuðrar upp.

Ég fer að hallast að því að það sé þrátt fyrir allt rétt og satt að engin leið sé út úr Evrópusambandinu nema í formi ösku í gegnum skorsteina eilífðarinnar. Það þýðir ekki að kjósa um neitt varðandi ESB, því þá er bara kosið aftur og aftur um pakkann þangað til þú nennir ekki meiru. En loga mun þó lengur í fullveldi sumra ríkja en annarra.

 

Desember 2010;

 

Forseti slóvakíska þingsins, Richard Sulik, skrifaði þá í blaðagrein í Hospodarske Noviny: "ESB lofaði okkur stöðugum og traustum gjaldmiðli. Því lögðum við mikið á okkur við að uppfylla skilyrðin fyrir evruupptöku. Okkur hafði verið lofað stöðugum gjaldmiðli byggðum á vönduðu og traustu regluverki. Tveimur árum síðar er hins vegar dapurlegt að sjá að þessar reglur og regluverkið allt er ekki eins fyrir öll löndin, svo maður komi sér nú hjá að þurfa að segja að engar reglur gildi um myntina í þessu myntbandalagi. Tíminn er kominn til að við gerum okkur áætlun-B, hættum að treysta blint á það sem leiðtogar evrusvæðis segja, segjum okkur úr myntbandalaginu og tökum aftur upp okkar eigin mynt." - sjá; Slóvakar vonsviknir með evru. Bjuggust við gjaldmiðli. Vilja skila henni.

Evran gæti leitt til hruns á heimsvísu

"Evrópuvextir" Össurar nú komnir í 73,197 prósent

Það góða við það að vera í myntbandalagi Evrópusambandsins er hið geysilega efnahagslega öryggi sem tilveran í myntbandalaginu býður þjóðríkjum þess uppá. Til dæmis býður evrumatseðill dagsins upp á samþykki Slóvakíu eða hrun (Bratislava or bust) 

Evrópuvesti Össurar hefur nú hneppt Grikkland í 73,2 hnappagöt evrufangelsis landsins. Þetta er vaxtaprósentan á tveggja ára lánum til gríska ríkisins og á lánum til fimm ára er krafist 29,4 prósent ársvaxta af gríska ríkinu á meðan Ísland með krónuna fær fimm ára lán á alþjóðelgum mörkuðum á 5,2 prósent vöxtum. Skuldatryggingaálagið á Grikkland er aðeins 5200 punktar. 

Ef við hefðum ekki íslensku krónuna sem bæði sverð og skjöld lýðveldis okkar værum við enn verr stödd en Grikkland er í dag - eftir 30 ár þess í Evrópusambandinu og 9 ár í evrum.

 

A brief note on the situation in Greece: A report published by the Labour Research Institute, belonging to the General Labour Union (GSEE) of private sector workers has predicted rapid deterioration. Officially more than 790,000 are currently out of work. The real numbers are higher because many are not counted due to logistical reasons.

ESB-Amen 

 

The young coming into the labour market are hit hardest, with unemployment of those between 15 and 29 years rising above 40 percent. This feeds the emigration wave.

ESB-Amen 

 

Some of the well-off are leaving as well. Andreas Kallisteris dropped a lucrative consultant’s job at the ministry of employment to follow his wife and son to Berlin. His wife, a self-employed translator, was also doing well, but decided to go.

ESB-Amen

 

"We are thinking not to ever return," Kallisteris, a highly skilled professional involved in policy making for years told IPS. "I can’t influence the future and I cannot affect the choices made by a failed administration and political system. There are no prospects for this country.

ESB-Amen

 

"I am leaving behind me a place that is becoming a desert. With the departure of the best human resources, phenomena like the rise of extreme right and underdevelopment will become acute social issues soon. I will only return if and when this generation that runs the country pulls out."

 

Evra-Amen og apavatnið

Svo eru það

• Portúgal
• Spánn
• Írland
• Ítalía 
• Lettland
• Litháen 

Finnland hefur plan B

Utan ríkis Finnlands ráðherra landsins sagði að Finnland hefði svo kallað Plan_B ef tilvistarkreppa myntbandalags Evrópusambandsins versnaði meira skyndilega en hún skyndilega hefur gert, til dæmis í Ríkisútvarpinu á Íslandi. Þetta opinberaði ráðherrann í dagbók sem hann heldur úti á interneti Internetsins.   

Finnsk dagblöð segja að ráðherrann hafi ekki opinberað í dagbók sinni hver þessi áætlun bé sé. Sérfræðingar efnahagsmála deila óvissunni um þetta plan bé ráðherrans með finnskum almenningi sem eins konar sameiginlegu getverki þjóðarinnar.  

Það er fínt að ráðherrann hafi áætlun bé tilbúna, segir blaðið. En það væri ennþá betra ef Finnland hefði sína eigin áætlun_A, því hingað til hefur landið ekkert aðhafst annað en að fylgja plani A stærstu ríkja evrusvæðisins. Og það plan segir dagblaðið að sé í besta falli gagnslaust því kreppan hafi ekki endað heldur hefur hún bara versnað og breitt úr sér. 

Eins og allir vita nema Ríkisúrvarpið þá hefur þetta plan A stærstu ríkja evrusvæðisins valdið mesta samdrætti í hagkerfi Finnlands síðan 1918. Hvorki meira né minna. Styrkur evrunnar er óumdeilanlegur. Nú fer hin upplýsta umræða um evruaðild Finnlands líklega og loksins að leggja úr svona eins og einni vör.

 

Does Finland have even a Plan A? 

Tvö bankahrun á evrusvæðinu um helgina

Dexia; Stórbankinn í eigu Frakka, Belga og Lúxa

Þessum stórbanka sem að mestu hefur stundað lánveitingar til ríkja og sveitafélaga hafði áður verið veitt neyðaraðstoð árið 2008. Og þessi evrulands stórbanki stóðst með glans álagsprófanir seðlabanka Evrópusambandsins fyrir aðeins þrem mánuðum og fimm sekúndum síðan.

 

Að þessi sinni komu þrjár ríkisstjórnir evrulanda þeysandi að björgun bankans um helgina með því að búta hann í sundur svo hvert ríki fengi útaf fyrir sig eitt munnstykki hvort til að blása fjármunum skattgreiðenda þar inn um. Bankinn var sem sagt þjóðnýttur að hluta til í þrem löndum og er nú kominn hærra í súrheysturn mikillar menntunar. Kominn alla leið í þekkingarsamfélagið. Öll þrjú hafa löndin verið í ESB og evrum frá upphafi.

 

Max Bank í Danmörku 

 

Max banki í Danmörku brá sér í gjaldþrot á laugardagskvöldið. Það síðasta sem hluthafar og fjármálaeftirlitið heyrði frá þessum banka í ágúst var það að allt gegni svo vel og að bankinn væri á réttri leið. En eins og við höfum áður séð; Þeir bankar í Danmörku sem hafa verið viðriðnir fasteignamarkaðinn virðast geta farið á hausinn á nokkrum klukkustundum. Þetta er þá níundi bankinn sem fer í þrot í Danmörku og þá eru 99 eftir. Danmörk hefur verið í ESB síðan 1973 og í tveim af þrem fösum myntbandalags Evrópusambandins síðan 1. janúar 1999 (ERM II).

• Október 2011 Max Bank
• Júní 2011 Fjordbank Mors
• Febrúar 2011 Amagerbanken
• Nóvember 2010 Eik Bank Danmark
• Mars 2010 Capinordic
• Ágúst 2009 Fionia Bank
• Febrúar 2009 Løkken Sparekasse
• September 2008 Ebh Bank 
• Ágúst 2008 Roskilde Bank

Vinsælustu lög þjóðríkjanna á evrusvæðinu hafa nú verið flutt um borð í ESB Titanic; Hér er eitt þeirra í flutningi Max Raabe

 

1929

 

Quick-fix will create a political monster 

 "The eurozone’s experience of rules-based governance has been a disaster." [ - ] "The minimally sufficient regime is subject to an unalterable paradox: it is motivated by a search for a solution that is politically more acceptable than a fiscal union. Yet, in designing such a system you end up with a political monster"

Wolfgang Münchau - 9. október 2011

 

Ekki hægt að endurfjármagna það sem aldrei var fjármagnað

Mynd; Forsíða Financial Times í dag 

Ég skil ekki þessa frétt. Hvernig er hægt að endurfjármagna það sem aldrei var fjármagnað frá fyrstu tíð. Réttara væri að segja fólki í evrusvaðinu að endurgerð- og lengd var hengingaról ríkissjóða viðkomandi landa um háls þeirra með því að skjóta framtíðarfé viðkomandi skattgreiðenda inn í tóma banka í stað þess fés sem ekki var þar fyrir hendi vegna þess að það var tapað og glatað.

Endurfjármögnun fyrir mér þýðir það að menn endurnýji gömul lán með nýjum lánum og oftast á betri kjörum.  

En hvernig getur annars staðið á því að bjarga þarf þessum bönkum núna sem með glans stóðust álagsprófanir seðlabanka Evrópusambandsins fyrir aðeins nokkrum mánuðum. Er verið að gera grín að okkur?

Átti Össur sæti við borðið? Eða var Jóhanna þarna borðliggjandi. Stóð eitthvað af Steingrími þarna út af? Hvað er að gerast með ESB-skjaldborgina? Þetta er afar dularfullt.

Í þessum ógnvekjandi aðstæðum sem eru að myndast í peningamálum heimsins vildi ég helst eiga mín verðmæti í íslenskum krónum eða í alþjóðlegri mynt sem væri bökkuð upp af The U.S Military.

Takk

Styðja endurfjármögnun banka

Menntunarskjaldborgin

Svona gengur hún fyrir sig;

Með endurheimtingu fullveldis og sjálfstæðis Íslands árið 1944 tókst okkur loksins að klekja út hæfilegum grunni af menntafólki sem að mestu bar fullveldi, sjálfstæði og velfarnað lýðveldis okkar með gleði og vissum ákafa fyrir brjósti sér.

Svo gerðist það óhjákvæmilega. Ísland efnaðist því velmegun vegna hagvaxtar áhættutöku undir fána fullveldis kom sá og sigraði fátækt 700 ára þrælavistar Íslendinga sem gólfmotta undir öðrum ríkjum. En hér verða menn af afli að muna að velmegun er ekki það sama og velferð. Þar á milli skilur allur himinn og öll höf.

Til varð fólk sem fæddist á þeim stökkpalli sem forfeður okkar byggðu. Það fór of margt að halda að það væri þarna á stökkpallinum vegna þess að það væri svo menntað. Yfirbyggingin tók að rísa. Og hún varð hratt svakalega stór. 

Þessi yfirbygging fékk vitrun. Hún menntaði og menntaði fólk sem yfirbyggingin hærra uppi sagði að vantaði svo í hinum nýa heimi sem yfirbyggingin hátt hátt uppi var einmitt að skapa; til dæmis fjármálamiðstöðina Ísland. Svo mikill skortur varð á menntuðu fólki því yfirbyggingin sagði að þetta væri framtíðin og át allt menntað fólk hrátt.

Því þurfti að mennta enn fleiri. 19.000 manns fóru háskóla. Þá varð skortur á minna menntuðu fólki og það vandamál var leyst með því að flytja inn minna menntað fólk til að vinna störfin sem allt menntaða fólkið hafði yfirgefið til að vinna við miðstöðina uppi í turninum.

Svo hrundi allt. Þá varð innflutta fólkið atvinnulaust og það menntaða nokkuð líka. Þetta vandamál segir menntaða fólkið að verði að leysa með því að ýta þeim sem eru nokkuð menntaðir enn hærra upp í turninn svo það geti vegna vissra kraftaverka fengið vinnu sem er ekki til. Svo þarf að mennta minnst menntaða fólkið meira svo það komist hærra upp í turninn.

Svo fara þeir sem þora að taka áhættu að taka hana á ný og hjólin fara að snúast dálítið aftur. En þá er búið að mennta alla svo mikið að flytja verður inn nýtt fólk sem vill vinna störfin sem eru fyrir neðan turninn og halda honum uppi. Það segir fólkið hærra uppi í súrheysturninum að sé nauðsynlegt að gera.

Svo hrynur allt aftur. Þá þarf að mennta það fólk sem síðast var flutt inn svo það komist hærra upp í turninn þar sem gasið er mest. 

Svona gengur þetta koll af kolli þangað til allt samfélagið fer í gjaldþrot og allir verða fátækir því turninn féll með alla þá sem ekki þorðu að taka áhættu og fóru á menntaríkið. Hann, turninn, féll ofan á litla kapítalistann sem tekur áhættuna. Sovétríkin fóru einmitt hámenntuð lóðrétt á hausinn.

Asnar

 

 

PS; Á þessu laugardagskvöldi andaðist danski miðsjálenski Max bankinn með deildir sínar í Faxe, Haslev, Korsør, Skælskør, Slagelse, Sorø og Vordingborg. Hann varð gjaldþrota. Honum þraut gjaldið. Hlutabréf bankans höfðu lækkað um 71,5 prósent frá áramótum. Rotnandi fasteignamarkaður fór með bankann í gröfina. Hér þarf greinilega mun meiri menntun; Max Bank er krakket.

 

PS2; Danmörk tók upp "þekkingarsamfélagið" fyrir 20 árum, engum til gagns, en flestum til ógagns og skattgreiðendum allra mest. 

Skjaldborgin; Húsnæðisverð fallið um 75 prósent á Írlandi

Einar dýrustu fasteignir Írlands sem fyrir hrun áttu að kosta 58 miljónir evra, fást nú fyrir 15 miljónir evra. Fást fyrir einn fjórða. Kaupendur eru flúnir evrumyntina sem lagði efnahag Írlands í rústir. Eftir sitja brunarústir skattgreiðenda sem bíða eftir byltingu. Húsnæði almennings er hrunið um 50 prósent í verði og búist er við að fallið geti orðið 70 prósent.  

Sama er að segja um fjórtán af tuttugu stærstu fyrirtækjum á hlutabréfamarkaði Portúgals. Evrulandið þeirra er hrunið og komi í útrýmingarhættu. Þau eru að flytja fjáfestingar og aðalstöðvar sínar frá Portúgal evrusvæðisins og yfir til fyrrum nýlenda landsins; Angóla, Mozambik og Brasilíu.

Forsætisráðherra Íslands er fúin og flúin úr raunveruleiknaum. Hún hefur aldrei prófað að reka fyrirtæki hvorki á Íslandi né í ESB. Hún er opinber áhættufæla úr Alfhól.

 

Sést hefur einnig til Gylfa ASÍ á flæðiskeri stöddum við að starta upp fyrirtæki í evrum Grikklands á 80 prósent skipbrotsvöxtum Össurar, sem af honum kallast einu nafni; "Evrópuvextir"

 

Jóhanna er flúin inn í veruleika Ríkisútvarpsins. Hún býr nú í sjónvapinu á meðan Íslensk fyrirtæki flýja skattastefnu hennar. Þetta er hin torgreinda efnahagsstefna frú Skjaldborgaraskoðunarínu af Íslandi. Aðkoma aula sem renna saman í farveg og standa út af borðum. Hún veit ekki neitt betur en, hefur ekki heyrt neitt annað en. Hún er að skoða.   

 

 

Krækja á útlensku: Irish Trophy Home Plunges 75% in Price as Property Millionaires Disappear 

 

 

  

Snúast þýsk stjórnmál gegn evruþátttöku Þýskalands?

Mynd; Aðalstöðvar þýska seðlabankans í Frankfurt

 

Meirihluti Þjóðverja vilja taka þýska markið upp á ný, eða 54 prósent landsmanna. Sé spurt í fyrrverandi Austur-Þýskalandi þá vilja 67 prósent Þjóðverja fá þýska markið innleitt á ný. Þessi skoðanakönnun Forsa á vegum Stern-útgáfunnar gefur til kynna að komi nýtt stjórnmálaafl fram undir fána endurreisnar þýska marksins þá myndi sá flokkur fá 18 prósent atkvæða í kosningum.

Hans-Olaf Henkel, fyrrum forseti samtaka þýsks iðnaðar (BDI) og heiðursprófessor við háskólann í Mannheim, segir að ef flokkur Frjálsra demókrata megni ekki að kom þessu máli í gegn, þá sé hann reiðubúinn að ganga til liðs við nýjan stjórnmálaflokk sem tæki sig af þessu máli.

 

Having been an early supporter of the euro, I now consider my engagement to be the biggest professional mistake I ever made. Hans-Olaf Henkel, Financial Times 29. ágúst 2011 

Föstudagur þessi endaði svo á því að Fitch lækkaði mat sitt á lánshæfni og greiðslugetu ríkissjóða Ítalíu og Spánar. Ástæðurnar eru hin miklu nánu tengsl beggja við tilvistarkreppu evru myntarinnar. Horfur beggja landa eru sagðar neikvæðar. Portúgal situr enn á aftökubekk Fitch og bíður úrskurðar matsfyrirtækisins, sem mun koma bráðlega.

 

Gauksklukkupakki ESB-ríkisstjórnar Íslands sló þarna einn Össur enn og tifar taktfast áfram á "Evrópuvöxtum" hans úr Morgunblaðsgreininni þriðjudaginn þann 12. október 2010.

 

Bíðið við, það er einum Össuri meira hér; Matsfyrirtækið Moody's setti næstum samtímis evrulandið Belgíu á aftökubekinn með það fyrir augum að lækka lánshæfnismat belgíska ríkisins vegna versnandi aðgengi landsins að fjármangi (þið vitið, peningum til láns) á viðráðanlegu verði á evrusvæðinu. Peningum sem ráðgert er að nota til að bjarga stórbankanum Dexía frá gjaldþroti þarna inni í miðjum kjarna evrusvæðisins á allt að 82 prósent Evrópuvöxtum Össurar á lánum til tveggja ára. 

 

Krækjur

 

Stern; Deutsche sehnen sich nach der D-Mark

Handelsblatt; USE = EUDSSR

TAZ; Henkel wirbt für Anti-Euro-Partei

Bloomberg; Spain, Italy Credit Ratings Are Lowered by Fitch on European Debt Crisis