Leita í fréttum mbl.is

Bloggfærslur mánaðarins, mars 2012

Nýtt normal - a new normal - hefur myndast

Að í rústum evrulands skuli enn einn og einn draga andann anno 2012

Eins og lífið í neðanjarðarbyrgjum. Sem stóðust hvað?

Allir búnir að gleyma því að evran átti að bjarga Evrópu frá því sem varð þess valdandi að hún er nú komin niður í byrgin. Og frá því sem nú er að gerast í rústum hennar. Þetta var boðskapurinn frá 1992 til 2002. Þannig var lyfið selt

En sjúklingurinn þoldi ekki evru-lyfin

Hann verður því fyrst að verða heilbrigður til að geta þolað þau, er okkur sagt nú.

En hvað var þá að sjúklingnum í upphafi? Af hverju var hann settur á lyfin?

Svona myndast nýtt normal. En áhrifin og afleiðingarnar verða hins vegar stigmögnun (escalation). Þið vitið hvers

ESCALATION
 
Fyrri færsla
 

1960: Sovétríkin brátt stærsta hagkerfi heimsins

Kauphöllin í New York
N.Y.S.E.
 
Þessu spáðu hagfræðingar á sjöunda áratugnum. En hvað kom fyrir? Jú þjóðnýtt hagkerfið fjárfesti samkvæmt ákvörðun og 5-ára áætlunum ráðamanna í fávitum. Brunnu þar fávitar. Frelsið vantaði algerlega. Og um leið eyðilagði þjóðnýting auðlinda landsins sjálfsábyrgð og áhættutöku allra og þar með umhverfið allt. Þetta varð eitt stórslys, mannlegt, efnahagslegt sem umhverfislegt blóðbað í boði stjórnvalda. Fátæktin sigraði. Þjóðin dó í taprekstri auðlinda sinna upp í háls.

Í dag er það Kína sem á að vippa Bandaríkjunum af pinnanum sem stærsta hagkerfi heimsins. But, it ain't gonna happen. Líklega aldrei. Hvað gerðist og hvað er að gerast? Jú í fyrsta lagi er frelsið í Kína enn í handjárnum. Þjóðnýttar barnsfæðingar samkvæmt ákvörðunum "ofur viturra" stjórnvalda áratugum saman, eru nú sprungnar út í eyðilagðri demógrafíu. Þjóðnýtt og ríkisvætt hagkerfi Kína fjárfestir mest í fávitum. Brenna þar nú margir fávitar. Öngvum til gagns en flestum til ógagns. Sökkul frelsisins vantar þar algerlega enn. Um leið eyðilagði þjóðnýting auðlinda Kína sjálfsábyrgð allra og umhverfið allt. Kína er eitt gangandi stórslys, mannlegt sem umhverfislegt stórslys í líkfylgd Sovétríkjanna. Þar er einkaneysla í öllu hagkerfinu ekki stærri en eitt franskt brauð.
 
Pettis has long argued that Chinese GDP is overstated because it’s failed to account for misallocated investments and environmental degradation 

Á meðan eru sjálf stjórnmálin í löndum Evrópusambandsins þjóðnýtt á ný af einmitt yfirstjórn ókjörinnar elítu Evrópusambandsins. Hver verður næsti leikur Evrópusambandsins: A repaly? Kemur Adolf Annar í nýjum búningi? Hve langan tíma höfum við? Í gangi er nú hin önnur 10-ára áætlun Evrópusambandsins. En þar gengur allt aftur á bak. Eins og við mátti búast.
 
Fyrri fræsla
 

ESB-fyrirtækjalöggjöfin í myrkri Kastljóss

Í Kastljósi þriðjudaginn 27. mars 2012 var ekki fjallað neitt um fyrirtækjalöggjöf Evrópusambandsins. Og aldrei hefur þessi þráni þáttur DDR-ríkissjónvarpsins heldur beint kastljósi sínu að því af hverju íslenskir útrásarvíkingar gátu aldrei neitt á fyrirtækjamarkaði Bandaríkja Norður-Ameríku. Allt fór alltaf fram í ESB. Hvers vegna? Hvað er að? Hvar köstuðu menn nú af sér ljósinu?

En í staðinn fengum við —auðvitað með óbeinum orðum— að vita að útgerðarmenn Íslands væru svo gott sem ennþá glæpamenn, eins og alltaf. Sjómenn hlunnfarnir —eins og alltaf— og að atvinnugrein þessa mætti helst með axarofforsi ríkisstjórnarinnar fella frá trjástofni hagkerfis íslenska lýðveldisins og — eins og alltaf — hinnar eilíft útvarpsónýtu krónu þess. Allt var þetta auðvitað sagt með óbeinum orðum. Stalín ER góður: bryddað er hér með upp á upplýstri umræðu um þann ljósvakageisla úr sendimöstrum DDRÚV.

Í ESB-löndum leggja efnahagsrannsóknardeildir yfirvalda yfirleitt ekki í hin alþjóðlegu fyrirtæki ESB-landa. Og sem oftar en ekki greiða engan skatt. Allt lendir á launþegum. Efnahagsbrotadeildir yfirvalda einbeita sér aðeins — þægindanna vegna — að smáfiskum sjávarins. Þau stóru stóru sleppa. 

En hér á landi er þessu ekki farið svo. Hér höfum við nefnilega samstillt átak Kastljóss DDRÚV með alla ríkisstjórn landsins og seðlabanka hennar að baki sér. Og nú er lagt til atlögu við hina efnahagslegu tilveru Íslendinga í landi sínu. Þetta er forrétturinn að Evrópusambandsaðildinni. Landinn kemur svo þar á eftir með hækjur handa mölvaðri þjóð. Stalín ER góður. Fátækasta lén Svíþjóðar, Norrbotten, hefur frá árinu 1995 til ársins 2013 — þ.e. frá upphafi til enda — greitt 7,9 miljarða sænskra króna í nettógreiðslur til Evrópusambandsins. Sem sagt; lygi frá upphafi til enda. Hvít lýgi, vel að merkja. Sögð á sovéskan hátt.

Næst hljótum við að fá að fylgjast með húsleit DDR ríkisútvarpsins í stjórnarráðinu eftir allsherjar kosningaloforðum Steingríms J. Sigfússonar, flokksforingja Vinstri grænna. Eins og sumum er kunnugt, þá sækja þingmenn umboð sitt til kjósenda. DDRÚV gæti því sýnt okkur Evrópusambandsumsóknar umboð Steingríms frá kjósendum, þegar kastljós stofnunarinnar dettur og hverfur ofan í það. Þá er svarthol Ríkisútvarpsins fundið.

Hér hlýtur bankabylting að hafa farið fram.
 
Lýðheilsa

Nú hafa menn komist að því að fleiri umferðarslys og meira manntjón verður ef ökummenn hafa opið fyrir Ríkisútvarpið á meðan þeir aka Martröð. Það skal því bannað. Áður fyrr féllu ökumenn bara í djúpan svefn. Svo komu svefnpillur. Úthvíldir óku þá betur. En svo voru þær bannaðar. Eins og tóbakið sem átti að selja úr apatrektinni. En bara til útvaldra yfirvalda. Hvað segir Umhverfið við þessu!
 
Fyrri færsla
 
 

Stýrivextir virka, alltaf

Það er einmitt þess vegna sem kvartað er undan þeim. Þó svo að þeir virki ekki alveg einir, eins og skot og samtímis út um allan heim, þá virka þeir samt. Alltaf. 

Það tekur um það bil fjögur ár að berja niður miðlungs einnar tölu verðbólgu. En það fer þó einnig eftir því hversu trúverðugt sjálft verðbólgumarkmiðið er, sem unnið er að. Fyrir ungt land og unga ekki_esb_elli_þjóð sem ennþá er að byggja upp land sitt eftir nýlendutíma, þá myndi ég segja að ákveðin verðbólga sé afar eðlileg og af hinu góða. En það þarf samt að hafa stjórn á henni. Og það er hægt með stýrivöxtum og verðbólguvísitölu sem viturlega er tilstillt og tekur ekki fullt mið af mest flöktandi þáttum hennar.

sedlabanki_logo2
Mikilvægasta verkfærið er þó hinn alhliða Þórshamar seðlabanka gagnvart ríkisstjórn, þingi og aðilum atvinnumarkaðs. Þórshamar þessi er vandmeðfarin og mikil bygging. Hann er þegjandi ósýnilegt loforð um gagnkvæma tortímingu á ríkisstjórninni, stefnu hennar, þinginu öllu og aðilum vinnumarkaðs, ef út af strikuðum stíg seðlabankans er farið og þegar unnið er gegn honum. Þessi terrorbalance verður að vera til staðar. Skýr og óvéfengjanlegur. Að nota hann er bæði list og erfitt handverk. En lærist samt.

Hin nýja peningastefna seðlabankastjóra á hendur íslenska ríkinu (mér og þér), sýnir skemmdarverk ríkisstjórnar Jóhönnu Sigurðardóttur á Seðlabankanum í ólíðandi skæru ljósi. Hún er bein afleiðing myrkraverka. Og Seðlabankinn á því á hættu og er reyndar þegar að breytast í framköllunarherbergi ríkisstjórnar Jóhönnu og Steingríms; þ.e.a.s í myrkrakompu.

Þjóð sem berst í bökkum og þjáist eftir áföll á meðan veruleikafirrt ríkisstjórn fær ekna til sín peningastefnu úr seðlabanka í ökubifreið með lögfræðingi, veit að um mikið meira en meiriháttar myrkraverk er hér um að ræða.

Hér batnar ekkert á meðan þessi umboðslausa svikamylla Jóhönnu og Steingríms er við nokkur völd. Það voru grátleg ófyrirgefanleg mistök að nauðga og rúlla yfir sjálfan Seðlabanka lýðveldisins í bankahruninu. Hreint grátlegt og ófyrirgefanlegt skemmdarverk. Þvílík sóun á uppbyggingartíma, orku og tækifærum hefur hvergi sést. Allt skemmdarverkið og afleiðingar þess skrifast á hina mörgu reikninga hinnar tæru vinstristjórnar, sem komst til valda á vafasaman hátt.
 
Það eina sem við getum gert er að byggja nýjan Þórshamar til að rústa aðför ríkisstjórnar Jóhönnu og Steingríms að öllu hér.
 
Seðlabankinn er stofnun sem þjóðin þarf að geta reitt sig á og þótt vænt um þegar sótt er að henni. Stofnun sem er lögmætur Þórshamar fólksins gegn ógnarstjórn eins og þeirri sem hér er nú.

Meira um seðlabanka hér: Seðlabankinn og þjóðfélagið
 
Fyrri færsla
 
 

Að tryggja sig gegn hagsæld; DDRÚV stofnar leshring um samyrkjubú ESB

Samyrkjubú í Sovét - teiknimynd af hagnaði og velmegun
Teiknimynd af hagnaði og velmegun á landsbyggðinni.
 
Nú hafa Vinstrihreyfingin grænt framboð (áður rautt) og Rauður vettvangur (áður blóðrauður) stofnað í samhneigingu leshring um Marx-Lenínisma (þjóðarmorðin). Þetta er nokkurs konar leshringur um hagnaðinn af nýja ESB. Þarna læra menn að lesa ársreikninga Evrópusambandsins sem enginn hefur þorað að skrifa um né upp á síðastliðin fimmtán ár. Mikið áræði og mikil áhættutaka fer þarna fram, eins og þetta rauða fólk þekkir svo vel úr þessu einkaframtaki sínu. Þjóðnýting öndunar- og veiðarfæra er svo næst efst á dagskrá.
 
Það var því ekki seinna vænna en að hinn verndaði vinnustaður DDRÚV fylgdi í fótspor fiskimanna sinna og gerði Landann loksins að ESB-leshring. Það eina sem ég hef getað horft á í DDRÚV hingað til er Landinn. En nú er ESB-áróður stofnunarinnar komin þangað inn líka og ég hættur að geta horft upp á þessar aulaþreskivélar höfuðborgarsvæðisins gera sig að fílfum og fara í leshringi á vegum ESB-klíkunnar, sem síðan ekur græn og glöð með einn tannstöngul heim í einu í hverri ferð.

Gott dæmi um tryggingu gegn hagsæld er að leyfa DDRÚV að vera til eins og það er. Þið sjáið afrakstur DDRÚV á uppstilltri mynd sjónvarpsins á hverju kvöldi, þar sem hvítu er nú ESB-logið út og suður um landsbyggðarstyrki ESB, sem aldrei hafa verið veittir í Svíþjóð né Finnlandi. Svíþjóð og Svíar hafa aldrei fengið eina krónu í styrk frá ESB og landsbyggð Svíþjóðar hefur aldrei fengið eina evru í neinn styrk til neinna byggðamála. Peningajöfnuður Svíþjóðar gagnvart ESB hefur alltaf verið afar neikvæður: þ.e.a.s Svíar hafa alltaf þurft að greiða með sér öll árin í ESB; senda peninga landsbyggðar sinnar til landa ESB þar sem þeir verða að styrkjadópi í sukki- og svínastíu ESB-spillingarveldisins; Hverjir fá og hverjir þurfa að borga.

Hagnaður af DDRÚV er enginn, nema fyrir ESB-elítuna. Viðskiptavinir þess eru öngvir og þjóðartap stofnunarinnar er stórt á hverju ári. Ef áróðursdeild DDRÚV væri lögð niður þá gæti þar staðir eftir ágætis þjóðarútvarp, menningararfur, en ekki ómenningarherfi þetta.

Fyrir nokkrum árum horfði ég á sænskan sjónvarpsþátt. Hann fjallaði um þann klofning sem varð í sænska samfélaginu þegar vindar jafnaðarmennsku blésu hvað harðast í því þjóðfélagi - og þegar sænskir jafnaðarmenn lögðu stóran hluta gamla bændasamfélags Svíþjóðar í rúst með nýjum áætlunarbúskap og nýju samfélagsskipulagi. Margir áttu um sárt að binda mjög lengi. Um 500 smábýli voru leyst upp á hverjum degi undir rauðum vettvangi.

Rætt var við fyrrverandi nemendur í skóla nokkrum í einu af fátækari hverfum Stokkhólms. Þeir lýstu skólagöngu sinni á þessum tímum á átakanlegan hátt. Það sem skapaði samstöðu og samheldni meðal nemenda í skólanum var sú hefndarlega "samhyggð" að sýna ekki betri árangur en sá lélegasti gat sýnt í bekknum. Þeir tóku sig af sínum á þennan hátt. Þarna datt mér eftirfarandi í hug: þetta er kjörin leið til að tryggja sig gegn hagsæld (e. hedge against prosperity). Síðan þetta var, er Svíþjóð örlítið breytt. En margir þessara nemenda urðu þó neðanveltu í því sænska samfélagi sem varð seinna meir.

Þetta er eins konar DDRÚV. Bara það lélegasta er þar nógu gott. 

Að ganga ekki í takt

Að ganga ekki í takt
Konan mín sagði mér frá því að það hefði komið heimspekingur í danska sjónvarpið. Hann var þá að gefa út bók. Þetta var rétt eftir hrun. Hann sagði að Adolf Hitler hefði orðið mjög ánægður með samfélagið í dag. Hvað meinarðu?, spurði fréttamaðurinn vandræðalega. Jú hann vildi að við gengjum öll í takt. Lýðræðið væri sett til hliðar sagði heimspekingurinn Søren Gosvig Olesen. Í dag hlýða menn og gera eins og þeim er sagt. Til dæmis fer öll þjóðin eftir því sem heilbrigðisyfirvöld segja. Spuna meistarar stjórnvalda gegna hlutverki áróðursráðuneytis.
 
Og svo er það DDRÚV. Það er rammgerður ósnertanlegur spunameistari stjórnvalda sem sífellt byggir út þetta fílter stjórnmálamanna gegn fólki og lýðræði í landinu. Spunnið er þykkt fílter gegn fólkinu. Háborg spunans er Evrópusambandið sjálft. Sovét nútímans.

"Þetta er rétt hjá honum Gunni, enginn hefur lengur góðan rétt á að segja neitt sem brýtur í bága við pólitískan rétttrúnað í dag", bætti konan mín svo við. "Sjáðu bara umhverfismálið" sagði hún. Það er hið svo kallaða hlýnunarmál sem hún á við - og fjölmiðlana. "Hmm já, þetta er kannski rétt hjá honum," sagði ég við konuna mína. Svo labbaði ég burt. Á leiðinni að skrifborðinu datt mér í hug að vandamálið í myntbandalagi Evrópusambandsins núna væri það að Grikkland gengi ekki í takt - bara alls ekki í takt.
 
 
Fyrri færsla
 
 

Þjóðarsátt náð um ónýti forsætisráðherra

Hér hafa sumir kallað eftir þjóðarsátt. Henni hefur nú loksins verið náð með því að rúmlega 82 prósent landsmanna eru ekki ánægðir með störf Jóhönnu Sigurðardóttur forsætisráðherra. Og 77 prósent landsmanna eru óánægðir með störf Steingríms J. Sigfússonar, sem er umboðslaus umsækjandi inn í Evrópusambandið. Fullkomlega umboðslaus þingmaður og flokksforingi í því máli

Sátt hefur einnig náðst meðal þjóðarinnar um Icesavemálið. Því 98 prósent höfnuðu ráðstjórnarríkisvaldsbeitinu Jóhönnu, Steingríms og félaga í því máli. Þjóðarsáttin í því máli var staðfest með tvöföldu sleggjuhöggi þjóðarinnar yfir hendur þessa fólks. Síðan kom hæstiréttur og ógilti verknað ríkisstjórnarinnar í stjórnarskrármálefnum lýðveldisins. En dómi hans sópaði þetta fólk bara undir teppið. Þetta er hrikalegt. Svívirðilegt

Af hverju er þá þessi ríkisstjórn hér enn?  Með hvaða leyfi kjósenda og í hverra nafni stendur umsókn Íslands inn í Evrópusambandið? Þjóðin hefur ekki veitt ríkisstjórninni neitt umboð fyrir henni. Því fer fjarri. Þingmenn sækja umboð sitt til kjósenda. Þetta er ekki öfugt, nema í sovétríki
 
Út með þessa sovésku ríkisstjórn og út með umsókn hennar inn í Evrópusambandið
 
Þjóðarsátt er um ekkert minna en það

 
 

Aæi prøver sgu igen

Ég vinn fyrir fólkið
 
Eiginfjárkröfur til stofnunar hlutafélags í Danmörku eru 500.000 DKK. Þetta hlutafélagsform heitir Aktieselskab (hlutafélag) og er skammstafað A/S.

Eins og við vitum flest þá eiga öll fyrirtæki sér upphaf og endi. Fjarlægðin frá upphafi fyrirtækis til endaloka þess, er háð hæfileikum stjórnenda fyrirtækisins til að breyta og aðlaga sig og fyrirtækið að nýjum aðstæðum. Í stuttu máli – hæfileikinn til að breyta fyrirtækinu á réttan hátt og á réttum tíma er afgerandi fyrir lífslengd þess.

Gott dæmi um lífvænlega stjórnun er Kaþólska Kirkjan. Hún er sennilega elsta "fyrirtæki" heimsins. Þeir hafa það sem fáir aðrir hafa. PanAm lifði frá 1927 til 1991.

Afar slæmt dæmi um lífvænlega stjórnun voru og eru Sovétríki kommúnista. Þau lifðu aðeins í nokkra áratugi — fimm árum lengur en flugfélag—  en yfirmönnum þess, frá Lenín til Andrómedupúff, tókst þó að kála á milli 30-60 milljónum starfsmanna sinna. Sem sagt á aðeins nokkrum áratugum. Ríki þeirra varð ekki einn stór kirkjugarður, heldur eitt stórt blóðbað. Fæstir náðu að verða jarðsettir.

Leshringur?
Þegar að því kemur að stjórnendur geta ekki staðið við Aktieselskab sitt af því að eiginfé fyrirtækisins hefur kannski verið notað upp til að dekka tap eða taprekstur, þá þarf að hætta rekstri, leysa upp félagið, eða þetta hér; stofna Anpartsselskab, skammstafað Aps, sem krefst aðeins 80.000 DKK í eiginfé. Þetta kalla gárungarnir fyrir "Aæi prøver sgu igen". Ég prófa aftur. Bankinn, lánadrottnar og birgjar taka þó ekki sérlega mikið mark á svona Aps félagsskap.

Mér datt þetta í hug þegar ég las um . . tja, ég veit varla hvernig ég á að segja frá þessu . . þögn . . pípan, half & half, eldspýtur . . púff . . púff . . harðfiskur, kók, lýsi, hangikét . . kaffi . . gúlp . . afsakið . . hérna kemur það . .  já, að "Reykjavíkurfélag Vinstrihreyfingarinnar – græns framboðs og Rauður vettvangur halda í sameiningu leshring um Marx-Lenínisma." Það var einmitt það, já. Þetta er ekki einu sinni lygi.

Vinstri grænir - leshringur um marx-lenínisma 22 mars 2012
Af hverju ekki bara segja okkur eins og er: að þetta sé leshringur um Evrópusambandið. Nema að þeir séu komnir út í aæi prøver sgu igen. Út í Aps. "Hvað gerðum við vitlaust síðast." Er það nokkuð þannig? Nema að þetta sé bara auðhringur ríkisins um Marx-Lenínisma Aps. Hér er: leshringur um Marx-Lenínisma
 
Hold da kæft mand! 
 
Fyrri færsla
 

Norðmenn illa upplýstari en Íslendingar

Russian Flying Fortess K-7

Flugvél forsætisráðherra. A Brussel-flying fortress.

Sendierindreki ESB sem var af finnskum uppruna á Íslandi áður en land hans hvarf ofan í ESB, hefur sagt að upplýsingaskortur sé nokkuð útbreiddur á Íslandi. Að vera haldinn upplýsingaskorti lýsir sér ekki þannig að viðkomandi sé fyrirmunað að afla sér þeirra upplýsinga að sjö af hverjum tíu Íslendingum, sem hafa skoðun, vilja hvorki ganga né sigla Íslandi inn í Evrópusambandið. Aldrei.

Nei, þessi skortur lýsir sér á sama hátt og í Noregi. Sökum þess hve Norðmenn eru illa upplýstir segja næstum hundrað af hverjum hundrað Norðmönnum sífellt hærra og hærra nei við því að verða upplýstir með hraða ESB-ljóssins. Þá vitum við það. Þetta er allt saman skorti á upplýsingum að kenna. Hversu miklar upplýsingar skyldi þurfa til svo skortur ESB-skyrbjúgsins hverfi?

Hvernig veit maður hvort gjaldmiðill lands er hruninn eða ekki?

Jú, þegar afleiðingar gjaldmiðilsins eru svona: 

  • Það þarf ekki lengur að greiða launþegum laun fyrir vinnu sína. Þeir fást fyrir ekki neitt
  • Atvinnuleysi þeirra er rokið upp í 15 prósent
  • Enginn getur fengið lán, enda óþarfi
  • Því húsnæði kostar ekki neitt lengur. Verðmæti þess er horfið

A Sober Look: Why Ireland is the place to move your business

Allir sem eru ekki alltaf að flytja til Finnlands, ættu nú að flýta sér að flytja til Írlands. Og sérstaklega íslensk fyrirtæki. Þeir eru nefnilega með evrur. Hér er ræða Gylfa Arinbjarnarsonar forseta ASÍ um klettinn sem er í skuldahafi Írlands

Ó. Uppfært: On second thought, hold off moving that business to Ireland

Fyrri færsla

Innvortis fjármálaleg borgarastyrjöld: hvað er það?

Tengt

Rolf Englund: Euron har redan kollapsat

PS; Í Sovétríkjunum höfðu þeir það gott sem voru í æðstu opinberum stöðum eða höfðu aðgang að dollurum. Á Írlandi er evru-ástandið í landinu orðið þannig að þeir einir sem hafa bestu og tryggustu stöður hjá hinu opinbera — eða eru að öðrum kosti í vinnu hjá erlendum stórfyrirtækjum — geta fengið lán til húsnæðiskaupa. Og þá fá þeir ekki meira en sem svarar til 60 prósentum af kaupverði (bls. 14). Og svo er það ASÍ


Innvortis fjármálaleg borgarastyrjöld: hvað er það?

 
Evru- og ERM II svæði Evrópusambandsins, mars 2009
Þegar fjármálakreppan skall á myntsvæði evru og allt brást
- nema saklausir skattgreiðendur
- fjármálalegur störuleikur eftir Gunnar Rögnvaldsson
 
E. Hlutabréfamarkaðir byrjuðu að gefa sig

V. Hlutabréf banka- og fjármálastofnana urðu verst úti því hér var einmitt bankabóla að springa

R. "Fjármálamiðstöðin Írland" sem átti orðið mikið undir bankastarfsemi komið, horfði fyrst evrulanda á hlutabréfaverð banka- og fjármálastofnana nálgast fastfrosin blómabeð millibankamarkaðs evrusvæðis á ljóshraða. Sumir bankar áttu aðeins fjögur cent eftir niður í ekki neitt, eftir hafa fallið frá 21 evru hátindi og niður í það núll sem þeir eru enn þann dag í dag

U. Í örvæntingu — og af því að Írar vissu að þeir höfðu enga mynt né seðlapressu — þá ákvað ríkisstjórnin að gangast í ábyrgð fyrir öllum skuldbindingum innlendra banka í landinu. Þetta var örvænting áttavilltra manna og gert til að reyna að sporna við því að allir peningar færu á brott til útlanda úr bankakerfi landsins. Þetta er að sumu leyti sænska EMS-örvæntingar-líkanið frá því í nóvember 1992. En Svíar gátu þetta þá, af því að þeir áttu sína eigin mynt og seðlabanka — og gátu í kjölfarið fellt gengi sænsku krónunnar um 35 prósent til að koma hjólunum í gang á ný — og þannig varðveitt ytra lánstraust og greiðslugetu ríkissjóðs sem þurfti þá ekki, einnar myntar vegna, að þurrausa út í ekki neitt í atvinnuleysisbætur. Sænska ofurríkið er þó ekki, 20 árum síðar, alveg komið út úr bönkunum enn

S. Við þetta minnkaði fjármagnsflóttinn frá Írlandi nokkuð og hrun hlutabréfaverðs fjármálastofnana landsins hægði dálítið á sér

V. En við þetta hófst ofsafenginn fjármagnsflótti frá þeim evruríkjum sem gáfu ekki út auknar ábyrgðir handa sínum bönkum. Hlutabréfaverð þeirra féll hraðar og hraðar. Fjármagnsflótti úr löndum þeirra jókst og jókst  þannig að eiginfé bankanna tók að gefa eftir og nálgast lögleysu

A. Þá kom ríkisstjórn Austurríkis sem peningalegur klæðaumskiptingur út úr skápnum og gekkst í auknar ábyrgðir fyrir sínu bankakerfi
 
Ð. Þar með voru fordæmin sett á myntsvæðinu og þau ríki sem gengust ekki í auknar ábyrgðir fyrir sínum bankakerfum, gátu valið um að horfa á hlutabréfaverð fjármálastofnana sinna keyrt niður í jörðina og peningana yfirgefa landið — þ.e. flýja til þeirra evrulanda sem buðu betri ábyrgðir - eða að öðrum kosti hósta upp þeim ábyrgðum sem þeim af bjálfum í Brussel hafði verið sagt að aldrei myndu þurfa að koma til. Löndin væru jú í skjóli stærstu fljótandi peningavitleysu heimsins; þ.e. í myntbandalagi Evrópusambandsins og seðlabanka þess. Þeim hafði verið sagt að sóttvarnargirðing Maastrichtsáttmálans myndi koma í veg fyrir að áhættutöku einkageirans væri smyglað svona yfir á herðar skattgreiðenda (ríkissjóðs). En nú er Maastrichtsáttmálinn sem sagt brotinn í spón og orðinn að gjalli á 20 ára afmæli sínu.

I. Þarna geisaði eins konar innvortis fjármálaleg borgarastyrjöld á milli evruríkja. Ríkin yfirbuðu hvert annað með ábyrgðum til þess að reyna að sporna við fjármagnsflótta og hruni hlutabréfaverðs fjármálastofnana í sínu landi, hvert fyrir sig. Svona er að vera á hættusvæði

Ð. Danska ríkisstjórnin, sem síðar varð að láta undan þrýstingi, kom frekar seint út til að veita aukna bankaábyrgð. Og í þeirri fréttatilkynningu sem danska ríkisstjórinn sendi frá sér, voru nokkrir frekar óljósir punktar um það winding-up company (hluti af Finansiel Stabilitet) sem átti að taka sig af föllnum bönkum undir líkfylgd ERM-II fyrirkomulagsins. Þetta varð til þess að Danske Bank í mars 2009 var aðeins hársbreidd frá því að verða lagður í rúst með þeim 30 krónum sem eftir voru af 230 króna hlutabréfaverði bankans. Danmörk er í ERM II og því bundið á báðar fætur og hendur. Hún varð að hlýða hjörðinni til heljar, því annars væri hætta á gengishruni og þá myndi umsaminn svo kallaður gagnkvæmur "ERM-II stuðningur" frá ECB-seðlabanka Evrópusambandsins gufa upp eins hratt og hann gerði gagnvart seðlabanka Bretlands, haustið 1992. Ný fréttatilkynning var því send út í hasti til að reyna að róa markaði, hindra fullkominn fjármagnsflótta úr landinu og þurrð. Nú er svo komið að fjórum björgunarpökkum hefur verið hent til bankakerfis Danmerkur og sá fimmti er í smíðum. Því góði minn, Þýskalandið sjálft hefur nefnilega varið einum stærsta hluta landsframleiðslu allra evruríkja til bjargar sínu eigin bankakerfi. Þýskaland ræður alltaf í praxís. Og þú fylgir eftir sem ESB hundur

Þegar þarna er komið sögu er peningagólfið á myntsvæði ECB-seðlabanka evrusvæðis orðið að eggjaskurn. Það er orðið svo þunnt að hundrað þrjátíu og sex tommu snjóþrúgur þurfti að panta fyrir hættuför bankastjórnar ECB út á það. Einn maður, stuttu síðar, stóð þó af eigin sannfæringu nægilega uppréttur til að geta náð því að kasta af sér þvaginu yfir lotnar axlir kanslara Þýskalands. Hún fékk í kjölfarið hárþurrku að gjöf frá Braun. Þetta var Axel Weber seðlabankastjóri Þýskalands, sem síðan gekk út og hætti af beinum viðbjóði. En vatn hans situr þó enn á sínum stað. Framundan er því browning burst lagning fyrir öll lönd ESB í hárþurrku kanslarans

Og þarna sitja þessar ríkisstjórnir og Brussel evrulanda nú, með makkverk sín. Heimavinnan fór aldrei fram. Af evrum urðu þær apar. Gagnslausasta mynt veraldar var svo illa upp hugsuð að Evrópa liggur nú í rústum, hennar vegna

Það var gott að á Íslandi sátu ekki svona aular í forsæti og við peningavöld haustið 2008. Það hefði orðið óbærilegt fyrir okkur öll. Fullveldi Íslands var þá notað og sjálfstæð íslensk króna gerði þeim það mögulegt. Annars værum við bust
 
Það þarf að nota vöðva frelsisins. Annars visna þeir
 
. . framhald gæti orðið á sögu þessari
 
Fyrri færsla
 

Sögulegur árangur á evrusvæðinu; fyrsta ríkisgjaldþrot í sögu iðnvæddra ríkja

Fæðingar- og erfðagallar myntbandalags Evrópusambandsins. The Economist desember 1996
Í fyrsta sinn í sögu þróaðra iðnvæddra ríkja OECD, hefur ein mynt í sjálfu sér og ein aðild að Evrópusambandinu samhliða einni evruupptöku, skilað af sér því einstaka framlagi til hagsögu nútímans, að skuldatryggingar verða nú greiddar út vegna ríkisgjaldþrots iðnþróaðs ríkis. Vel að merkja vegna ríkisgjaldþrots iðnþróaðs evruríkis.

Það er ekki tilviljun að eina ríkisgjaldþrotið í sögu OECD skuli verða í evruríki og að vandamálið í heild sé hið stærsta síns eðlis í mannkynssögunnni. Þessar mittisbombur myntbandalagsins eru að innbyggðu snjóbolta-eðlisfari sínu engin smásmíði. Evruríkissjóður grísku þjóðarinnar er hér með að hluta til og grunni dæmdur sem verandi gjaldþrota. Skilgreindu greiðslufalli e.Credit Event hefur þar með verið hleypt af og lýst yfir hjá ISDA. Evruríkissjóður gríska lýðveldisins gat ekki og getur ekki staðið við fjárskuldbindingar.
 
den første kreditevent, der udløser CDS-kontrakter på et industrialiseret land
 
Eru þetta endalokin? The Economist nóvember 2011
Fórnarlömbin eru þeir sem urðu fyrir og keyptu evru-áróðurinn og evru-ríkisskuldabréfin af Brusselbandi Evrópusambandsins. En í síðasta enda er það sjálf gríska þjóðin sem þarf að gjalda fyrir þetta misheppnaðasta fyrirbæri í peningasögu heimsins; evruna. Og sem afleiðing ríkir þar nú hrikalegt ástand. Að evran væri Frankenstein fjármála var ekki ofsagt hjá Charles Gave í apríl 2009.

Hvað gerist næst í evruríkinu? Portúgal? Spánn? Ítalía? Frakkland? Þýskaland?

Andlit þeirra seðlabankasýslumanna sem stóðu á auglýsingaskiltum evrunnar, þegar hún var stofnuð og henni hleypt af út í peningaumferð, minna mig óneitanlega nokkuð á þessa mynd hér, sem sýnir ykkur bankamálaráðherra Íslands áratugum saman. Sjón er oft sögu ríkari, nema kannski í þessu tilfelli
 
Fyrri færsla
 
 
Krækjur 

Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband