Leita í fréttum mbl.is

Bloggfærslur mánaðarins, júlí 2017

Strekkt björt strigakerling á fúnum ramma

Allir hljóta að sjá hér hversu létt bráð þessi mannenska verður ef á hana reynir. En vonandi kemur aldrei til þess að á hana reyni, því land okkar og þjóð á betra skilið er strekkta sjálfselsku hennar á þeim fúna ramma sem flokkur hennar er. Hún sæmir sér vel við hliðina á evrusvitabol fjármálaráðherrans. Ég skammast mín fyrir að vera Íslendingur þegar ég sé svona sjálfsdýrkun í praxís. Maður vonaði að fúnir strigapokar þessara evruflokka væru þykkari en þeir eru. En svo er ekki. Þetta er ruslflokkurinn. Skyrbjúgur dómgreindarskorts er hér með staðfestur sem ólæknandi sjúkdómur þeirra

Fyrri færsla

Já, breytingar ganga ekki þegjandi fyrir sig


mbl.is Hélt að myndin væri „fótósjoppuð“
Tilkynna um óviðeigandi tengingu við frétt

Já, breytingar ganga ekki þegjandi fyrir sig

Þeir sem héldu að nýkjörinn forseti Bandaríkjanna myndi sitja sem punt- og föndurdrengur í embættinu við að breyta Bandaríkjunum, vaða villur vega. Það er einmitt svona sem breytinga-stjórnmál ganga fyrir sig. Það er ekki hægt að breyta neinu nema með því að henda því fyrst í loft upp. Þannig ganga stórar breytingar fyrir sig. Varla óskar góða fólkið sér blóðuga byltingu? - því þetta sem fyrir augu ber er þrátt fyrir allt hinn friðsami máti við að framkvæma breytingar, innan ramma hins lýðræðislega stjórnarfars

Þeir sem segja að ekki sé hægt að treysta Bandaríkjunum sem leiðtoga hins frjálsa heims á meðan þeir í næstu setningu heimta að honum sé bolað frá völdum, eru ekki lýðræðislega sinnaðir. Þeir menn vilja engar breytingar, heldur vilja þeir punt- og föndurforseta áfram við völd

Heimurinn hefur aldrei treyst Bandaríkjunum. Heimurinn hefur ávallt unnið gegn Bandaríkjunum, einfaldlega af því að heimurinn hefur viljað halda í sín eigin völd, hvert ríki fyrir sig. Og helst þannig að Bandaríkin borgi brúsann fyrir þau. Sá tími er nú liðinn

Þýskaland og Frakkland brugðust Bandaríkjunum hrapallega þegar til þeirra var leitað. Bæði ríkin fögnuðu því kjöri Obama, en komu samt nákvæmlega eins fram við hann eins og Bush. Gerðu ekkert, sérstaklega af því að það var auðveldara fyrir þau að bregðast Obama heldur en Bush. Af því að Obama var meiri drusla en Bush. Það kostaði þau ekkert

En nú er það ekki drusla sem situr í Hvíta húsinu. Þessi tvö skjálfa því og Þýskaland heldur örvæntingarfullt um illa fenginn peningapoka sinn. Ekki nóg með það að Þýskaland borgaði aldrei skaðabætur til fjölskyldna fórnarlamba Nasismans (þeir greiddu aðeins þeim sem lifðu Helförina af), heldur bíður nú nýtt skaðabótamál (réttmætt eður ei) á hendur Þýskalandi fyrir fyrstu Helför landsins og sem fram fór í Namibíu undir þýska keisaranum um aldamótin 1900. Þeir sem halda að það ríki, og næsti nágranni þess í vestri, geti leitt hinn frjálsa heim, hljóta að vera á afar sterkum lyfjum

En nú er sem sagt kominn nýr forseti í Hvíta húsið og hann hefur í höndum sér umboð frá þjóðinni til að kála multilateral ófreskjunni (fjölþjóðaismanum) sem er að ganga frá veröldinni með samsærum þess isma gegn þjóðunum. Því meiri læti því nær kjarna málsins er Trump kominn með öxi sína

Ef menn vilja fylgjast með málunum þá ættu þeir að horfa á það sem Trump gerir, en ekki það sem hann segir. En öllum má hins vegar vera orðið ljóst að Demókratar eru að verða jafnbrjálaðir út í forsetann sinn og þeir voru þegar Lincoln ætlaði að taka þrælana af þeim. Í dag er það mulitlateral-isminn sem þeir vilja ekki missa, þ.e. hið alþjóðlega þrælahald. Þeir óttast um veldi sitt 

Þetta er bara rétt að byrja

Fyrri færsla

Rússlandi komið fyrir á byrjunarreit


Rússlandi komið fyrir á byrjunarreit

Séð frá þilfari USS Eisenhower: Átta þúsund tonna tundurspilli bandaríska sjóhersins snúið við á títuprjónshaus

****

Þeir sem fylgjast með vita hvers vegna refsiaðgerðir voru settar á Rússland. Það var vegna formlegrar yfirtöku landsins á Krím, sem tilheyrt hafði Úkraínu og gerir það enn

Stuttu síðar setti Rússland í gang hinar hefðbundnu áróðurs- og svimaaðgerðir í sovéskum stíl. Þeim var ætlað að koma vestrænum andstæðingum landsins úr jafnvægi og skapa innbyrðis deilur. Þetta tókst um tíma í Bandaríkjunum þar sem rifist hefur verið um "þátttöku" Rússlands í forsetakosningunum. Þátttaka Rússlands í þeim var náttúrlega engin, því þeir höfðu ekki kosningarétt í þeim. En allskyns reyk- og speglaaðgerðir Rússlands hafa hins vegar valdið deilum innan Bandaríkjanna og á vissan hátt lamað þau og valdið sundrung

En þeim kafla lauk í gær þegar bandaríska þingið ákvað að herða refsiaðgerðirnar gegn Rússlandi svo um munar. Frá og með nú verða þær ekki mjúkar eins og þær hafa verið, heldur harðari og víðtækari. Rússland hefur þar með skotið sig í báða fætur með gamaldags sovétaðferðum sínum. Og sá sem látinn verður blæða fyrir hina misheppnuðu herferð áróðurs- og svimaaðgerða, verður væntanlega sá sem stjórnaði þeim, þ.e. forsetinn Pútín. Þetta var það eina sem Rússland hafði efni á: þ.e. lyklaborðsaðgerðir

Það er skoðun bandaríska þingsins að Vestur-Evrópa sé einn af orsakavöldunum fyrir því hvernig málum er komið. Vestur-Evrópa hefur markvisst unnið að því að veikja varnir Úkraínu og landa Austur-Evrópu með því að aftengja sérstaklega Úkraínu frá strategísku mikilvægi hennar fyrir alla Evrópu. Vestur-Evrópa hefur saman með Rússlandi unnið að því dag og nótt að orka frá Rússlandi til Vestur-Evrópu þurfi ekki lengur að fara um Úkraínu, heldur sé henni veitt framhjá henni til Vestur-Evrópu. Ráðist Rússland inn í Úkraínu og inn í Pólland, þá muni það ekki lengur kosta lönd Vestur-Evrópu neitt því orkan frá Rússlandi fljóti áfram til hennar þó svo að allt sé í báli og bruna á austurvígstöðvunum, sem Bandaríki Norður-Ameríku hafa skuldbundið sig til að verja. Þannig að á meðan bandaríski herinn og hermenn Austur-Evrópuríkja þyrftu að berjast fyrir lífi sínu og landa sinna, þá gætu lönd Vestur-Evrópu, sérstaklega Þýskaland, haft það gott í sófanum á meðan upplýstur himinn í austri er baðaður í blóði annarra landa, sem þar með væru einnig að verja sjálfa Vestur-Evrópu. Vestur-Evrópa myndi þá hafa auðveldað Rússlandi að ná Úkraínu á sitt vald

Það er þessa vegna sem bandaríska þingið ákvað að láta einnig þá gjalda sem eiga í beinum orkuviðskiptum við Rússland. Og þar með erum við komin að Þýskalandi, sem er yfir-nurlari Evrópu. Í stjórn dótturfélaga rússneskra orkufyrirtækja situr sósíalistinn Gerhard Schröder, fyrrverandi kanslari Þýskalands

Svo þá er hringum lokað og Rússland er komið á byrjunarreit á ný. Engin útþensla þess hefur borgað sig og allar aðgerðir þess hafa misheppnast. Mest vegna klaufaskapar og dugleysis öryggisþjónusta landsins, sem aðeins hafa náð þeim árangri að reita Bandaríkjamenn enn frekar til reiði. En það eru fyrst og fremst Bandaríkin sem bera hitann og þungann í vörnum Austur-Evrópu gegn Rússlandi og ef til vill einnig gegn Þýskalandi. Þetta þvingar Þýskaland til að hugsa sig um og melda hreint út um hvar og með hverjum það stendur. Fróðlegt verður að fylgjast með útreikningum Þýskalands. Þeir eru samkvæmt venju óúreinkanlegir því Þýskaland er óútreiknanlegt gerviland ofið umhverfis pening. Sem sjálfbært land á það ákaflega litla framtíð fyrir sér, vegna þess að stofnun þess árið 1871 snérist fyrst og fremst um að þýsk þjóð væri að mestu efnahagsleg hugmynd, eins og Evrópusambandið er í dag, eins og sést langa vegu að

****

Í stórfurðulega sérkennilegum sumarafleysinga-leiðara Morgunblaðsins í dag er fjallað um svo kallaða "upplýsingatækni". Já, sú tækni er öll komin frá bandaríska hernum. Apple fann upp þó nokkuð. Microsoft fann upp ekkert. Facebook fann upp minna en ekkert, og eldgamla stafrófið kemst ekki einu sinni fyrir á Twitter. Morgunblaðið varð upplýsingatæknilegur "samfélagsmiðill" um leið og það var stofnað og byrjaði að koma út árið 1913. Hraðinn var bara annar. Í dag hafa svo kallaðir "samfélagsmiðlar" minna samfélagslegt gildi en einn vatnsdropi hefur í miðju Þingvallavatni. Hraði þvælu bætir ekki þvælu og gerir hana ekki að upplýsingum með aðstoð tækni. Upplýst þvæla er og verður áfram þvæla. Hún minnkar velmegun því hún tefur fyrir landsframleiðslunni með þvælu

1. Bandaríski herinn fann upp örgjörvann til að stýra kjarnorkuvopna-eldflaugum sínum á nákvæmlega rétta staði í Sovétríkjunum

2. Bandaríski herinn fann upp farsímann til samskipta í herleiðöngrum

3. Bandaríski herinn fann upp GPS til að staðsetja sig í herleiðöngrum

4. Bandaríski herinn fann upp stafrænu myndavélina til að geta hætt að henda Kodak-filmupökkum frá njósnagervihnöttum til jarðar

5. Bandaríski herinn fann upp það sem varð DOS

6. Bandaríski herinn fann upp Internetið til að flytja vísindaleg kjarnorkuvopnagögn á milli rannsóknarstöðva

7. Og bandaríski herinn lét gera fyrir sig gagnagrunninn sem er Oracle í dag

En bandaríski herinn má ekki hafa einkaleyfi á neinu. Það er honum óheimilt. En séu hins vegar uppfinningar bandaríska hersins ekki ríkisleyndarmál lengur, þá eru uppfinningar hans látnar renna til almennings. Úr þessu hefur einkafyrirtækjum þó ekki enn tekist að bæta einum eyri við landsframleiðsluna né framleiðni síðustu marga áratugina. Það gerði hins vegar bandaríski herinn. Það er engin lítil nýsköpun í gangi í dag. Bara blaður. Nema í bandaríska hernum

Fyrri færsla

Frakkland að falla?


Frakkland að falla?

Það er átakanlegt að verða vitni að því að fyrsta verk nýkjörins forseta Frakklands skuli þurfa að vera það hlýðnast niðurskurðarstefnu Þýskalands. Og enn meira niðurlægjandi er það fyrir Frakka, að þurfa að skera niður það sem vernda á frönsku þjóðina gegn einmitt þeim sem fyrirskipar niðurskurðinn - og sem kom honum til leiðar með því að grafa undan efnahag Frakklands

Þýskaland hristir jólatré sitt Frakkland, og af því fellur strax yfirmaður franska hersins. Þetta er hreint með eindæmum. Hvenær skyldi hristingnum ljúka og ljósin slokkna á evruseríunni. Það verður fróðlegt að fylgjast með sólarlagsmálum Evrópu á næstu árum. Þegar myrkraverkin koma og tala

Svona er að vera nágranni svarthols. Þá þarf maður eitthvað til að halda sér í. En hvað?

Hinn nýkjörni franski forseti hefur hér með tryggt sér franska herinn á móti sér næstu 5 árin. Hver skyldi nú hlaupa til og gerast bandamaður forsetans gegn hernum. Franska þjóðin? Varla

Fyrri færsla

Visegrad-löndin í ESB kvarta yfir lélegum ESB-matvælum


Visegrad-löndin í ESB kvarta yfir lélegum ESB-matvælum

Hópur Mið-Evrópuríkja í Evrópusambandinu segja að ESB-löndin í vestri selji þeim sérstakar lélegri útgáfur af matvælum sem eru þeim seld undir þekktum vörumerkjum. Að komist sé þannig í kringum að gæði þekktra vörumerkja í matvælaiðnaði séu eins, sama hvar þau eru seld

Vestur-ESB býr til sérstakar lággæða útgáfur af mat til að selja okkur undir þekktum vörumerkjum sem blástimpla eiga það sem í pakkningunum er. Við höfum rannsakað innihaldið og vitum að það er lélegra, segir forsætisráðherra Slóvakíu

Þetta er að þróast alþjóðlegan matvæla-skandal, segir forsætisráðherrann. Ríkin í vestri nota þekktu vörumerkin sín til að dulbúa tvöfaldar útgáfur af matvælum. Fólkið okkar tekur þessu sem móðgun. Það ætti ekki að vera þannig að í Þýskalandi innihaldi sami rétturinn nautakjöt, en þegar í mitt land hann er kominn þá er sama varan gerð úr kjúklingaleifum og seld sem sama vara undir sama vörumerki

Rannsakendur í Tékklandi og Ungverjalandi halda því fram að mikillar gæðatvöfeldni gæti í innihaldi matvæla eins og brauðs, mjólkurdufts og til dæmis súkkulaðisósu, svo að nokkrar tegundir matvæla séu nefndar til sögunnar 

Þó svo að fyrirtækin uppfylli lög um vörumerkingar, þá segja lögin ekki að hárefnagæðin í vörumerkjum eigi að vera eins í þeim á öllum mörkuðum. Þetta kom fram í fréttum um málið í Financial Times í gær:

FT: Visegrad Four group of EU states complains of inferior food imports

Og alþekkt er í Evrópusambandinu að matvælaeftirlitið er að stórum hluta til í höndum framleiðendanna sjálfra - og mafíusamtaka sem ráða stórum hluta hagkerfa sambandsins

Í Evrópusambandinu gildir óskrifaða reglan um tvöfeldni þeirra sem mestu ráða, um flest. Tvöfalt siðgæði. Tvöfeldni laganna. Tvöfeldni peningastefnu. Tvöfeldni hvað varðar regluverkið. Tvöfeldni réttlætis. Tvöfeldni í gæðum matvæla og þar fram eftir götum

Þegar ég sé erlent korn- og moldarkaffi undir þekktum erlendum vörumerkjum komið í hillur versalana hér á landi, í stað fyrsta flokks varanna frá Te og Kaffi, sem Simmi æskuvinur minn sálugi stofnaði, þá geng ég út og nenni helst ekki að koma þar aftur

Ég reyni alltaf að kaupa fyrst og fremst íslenskar vörur, því þær eru oftast bestar og hreinni. Ég bjó sjálfur í ESB í tæplega 30 ár og þekki svikna fákeppnis-úrganginn þaðan þegar ég sé hann í verslunum hér á landi

Það er óskiljanlegt að Íslendingar haldi oft að erlend vara sé betri en íslensk og að þeir treysti yfir höfuð erlendum matvæla-vörumerkjum, eftirliti og framleiðendum fyrir horn. Fæstir virðast ófærir um að ímynda sér hversu háþróuð svikin og prettirnir eru á flestum sviðum á matvælamörkuðum ESB-landa

Fyrri færsla

"Skattaafsláttur væri skynsamlegur" suðið


"Skattaafsláttur væri skynsamlegur" suðið

Frétt: Skattaafsláttur væri skynsamlegur

Athugasemd: Ef fólk hefur ekki efni á að gerast eigandi í fyrirtæki án aðkomu ríkisins, þá hefur það sannarlega ekki efni á að tapa peningunum

Allir þeir sem kaupa hlut í fyrirtækjum verða að vera tilbúnir að tapa þeim öllum. Menn eiga ekki að kaupa neitt nema að hafa efni á því. Hlutabréf er skírteini fyrir eignarhlut í fyrirtæki. Og honum fylgir skynsemdarábyrgð og mikil heimavinna. Og þess utan verður þú ekki þátttakandi í rekstrinum, heldur ertu passífur/óvirkur eigandi. Það er hins vegar stjórn fyrirtækisins sem fær laun fyrir að stjórna því. Venjulega allt allt of há. Þannig að því sem haldið er fram í fréttinni ("hvetja almenning til þátttöku í atvinnurekstri") er einfaldlega ekki rétt með farið

Þess utan er sá hlutabréfamarkaður að mestu ónýtur og í besta falli hættulega flöktandi sem stjórnast af skattafrádrætti veittum af stjórnmálamönnum frá ári til árs. Hvað er að mönnum. Halló! Vilja menn ekki vandaðan markað?

Þegar fólk óskar eftir því að kaupa hlut í fyrirtæki verður ástæðan fyrir þeim kaupum að vera bjargföst trú á fyrirtækinu sjálfu, vörum þess, þjónustu þess og stjórnendum þess. Hafi maður ekki þessa trú á maður alls ekki að kaupa heldur selja strax

Þessi markaður kemst líklega ekki í gang fyrir en að bankar og fjármálastofnanir koma aftur í Kauphöllina samhliða því þegar tveir í sömu götu gera allt í einu það sama, því þá fylgja hinir á eftir þeim til að tryggja sig gegn því að vera álitnir asnar (e. hedging against the neighbor). Þannig mun þetta byrja, þ.e. þess sem óskað er eftir í viðtengdri frétt. Og svo mun það sem beðið er um hrynja þegar allir í götunni eru loksins komnir um borð og þar með allir orðnir sömu grasasnarnir á ný

Svona gengur þetta á eyrinni, og mun alltaf ganga þannig

Um leið og ég frétti af því að fjölda-frú X og fjölda-herra Y séu komin með stóran hlut í fyrirtækinu Z-eta, þá sel ég hlut minn og bíð eftir næsta hruni og kaupi hann aftur fyrir slikk þegar blóð þeirra hjónanna flýtur niður eftir götunni. Það get ég, af því að ég var eini maðurinn í götunni sem hlustaði ekki á sérfræðinga

Raunverulegir fjárfestar eru maraþonhlauparar. Þeir hlusta ekki á svona sveiflusuð og þeir sjá ekki svona sveiflu-sérfræðinga. Þeir þurfa þess ekki, af því að þeir vissu frá upphafi hvað þeir voru að gera. Þeir unnu heimavinnuna. Að fjárfesta er að leggja fram peninga sína með fullvissu um að fá enn meira af þeim til baka

Það er mjög erfitt að ávaxta fé. Mjög erfitt. Þess vegna eru svona margir blankir og hafa ekki efni á að tapa því litla sem þeir eiga. Og þar við situr um sinn. Vinsamlegast gerið heimavinnuna ykkar upp á nýtt. Þetta suð ykkar er ekki nógu gott. Om igen!

Það þarf enga svona steingelda afsökun til að lækka skattana. Það er nóg að horfa bara á þá og það sem eftir er í pyngjunni, til að sjá að þeir eru allt allt of háir. Niður með skattana!

Hins vegar myndi ég veita fólki mikinn og glæsilegan skattaafslátt fyrir að eignast þriðja barnið sitt - og þau sem á eftir koma. Það myndi ég gera án þess að hugsa mig um í eina sekúndu. Af hverju er þetta ekki gert!

Fyrri færsla

Árin 1917 - 1985 - 1991 og 2008 voru afgerandi tímamót


mbl.is Skattaafsláttur væri skynsamlegur
Tilkynna um óviðeigandi tengingu við frétt

Árin 1917 - 1985 - 1991 og 2008 voru afgerandi tímamót

Í samfellt 500 ár hafði landmassi Evrasíu, þ.e. Evrópa og Asía á Austurhveli jarðar, drottnað yfir veröldinni með heimsveldum sínum. Flest sem gerðist í heiminum gerðist frá austri og yfir til vesturs. En þessi yfirburðarstaða Austurhvels jarðar í veröld mannanna, breyttist skyndilega á því sem næst einni nóttu þegar Vesturhvel jarðar gerði innrás frá vestri og yfir til austurs. Bandaríkin réðust frá vestri inn á landmassa Evrasíu í austri, til að koma á valdajafnvægi í Evrópu, þannig að enginn einn myndi ráða yfir skaganum Evrópu, sem stendur út úr meginlandi Rússlands. Þetta var 1917

Þriðjaheims-landið Bandaríki Norður-Ameríku sendi þarna meira en milljón manns frá Vesturhveli jarðar yfir til Austurhvels jarðar til að skakka leik. Þau gengu á land gamla heimsins frá nýja heiminum. Þetta hafði aldrei áður í sögunni gerst. Og þetta ár breytti heiminum fyrri fullt og allt

Bandarísku borgarastyrjöldinni lauk 1865, þar sem hálf milljón Bandaríkjamanna misstu lífið. En aðeins 30 árum síðar framleiddu Bandaríkin helming alls þess sem framleitt var á plánetunni

En aðeins 52 árum síðar, eða 1917, senda þeir meira en milljón manns frá vestri til austurs, sjóleiðina yfir næstum því hálfan hnöttinn, til að koma þar á því valdajafnvægi sem þeim þóknaðist. Þarna breyttist flest í heiminum. Ný heimsskipan komst á

Og árið 1985 var einnig merkilegt því þá hætti Atlantshafið að skipta Bandaríkin mestu máli. Verslun og viðskipti við Bandaríkin sjóleiðina yfir Kyrrahaf, tóku fram úr Atlantshafsviðskiptunum. Evrópan var orðin það lítil fyrir Bandaríkin

Önnur mikilvæg tímamót urðu svo árin 1991 og 2008

Árið 1991 féll síðasta heimsveldi Evrópu með því að Sovétríkin hættu að vera til. Frá og með þeim degi var ekkert veldi með heimsáhrif lengur til í Evrópu. Fimm hundruð ára sögu Evrópu sem landmassi heimsvelda, lauk þarna fyrir fullt og allt. Og það sem meira var. Eina stórveldið í heiminum, Bandaríkin, höfðu þá ekki enn fattað að þau sjálf voru eina veldið í heiminum með getu til að hafa áhrif og beina völdum hvert sem var og hvenær sem var, um alla plánetuna. Þetta var aldrei ameríski draumurinn og þetta var aldrei í sjálfu sér markmið, heldur gerðist þetta með því að restin af veröldinni gekk frá sjálfri sér hálfdauðri

Svo kom árið 2008. Þar hrundi um sjálfa sig niðurstaðan og lærdómurinn sem dregin var af 1945. En hún var sú að sérfræðingar yrðu, gætu og ættu að stjórna heiminum að miklu leyti. Allir kannast við ESB, AGS, Sþ, World Bank, OECD, WTO, "sjálfstæði" seðlabanka og fjármálaeftirlit, sovétflokka teknókrataveldis Evrópusambandsins og flesta háskólana

Þessir risavöxnu turnar sérfræðinga höfðu, þvert á gefin loforð, einfaldlega keyrt heiminn í svo mikla klessu árið 2008 að hann hefur ekki enn, 10 árum síðar, rétt úr sér. Sérstaklega ekki í Evrópu þar sem sérfræðin var mest og tilbeðin hve ákafast í ESB. En einnig í Asíu og Bandaríkjunum. Þessir svo kölluðu sérfræðingar voru ekki sérfræðingar. Platón sagði að læknir sem getur ekki læknað sjúkling sinn sé ekki sérfræðingur. Á hann má ekki setja titilinn sérfræðingur

Átökin um fjölþjóðaismann (e. multilateralism) eru ofarlega í umræðunni um þessar mundir, en sá ismi er afurð sérfæðinganna. Hann er lítið annað en eitt stórt núll og ekkert er á bak við kenningar hans um svo kölluð frjáls viðskipti fjölþjóðaismans. Bara tómið eitt og að sjálfsögðu há laun sérfræðinganna sjálfra - og öskuhaugar fjölþjóðaisma þeirra frá 2008

Og heimurinn getur ekki rétt úr sé á meðan sérfræðingar ráða. Það er einfaldlega ekki hægt. Þeir reyndust heiminum næstum því verri en engir. En þeir sitja enn klístraðir við stólana og það er enn erfiðara að losna við þá en gömlu kóngana og hirðir þeirra. Þess vegna er til dæmis stuðningur Repúblikana við háskóla í Bandaríkjunum snarfallinn niður í aðeins 40 prósent - og á hann eftir að falla enn frekar og djúpt

Heimurinn mun ekki rétta úr kútnum á ný nema með ofboðslegum hamförum. Þannig gengur enduruppsetning hans eftir áföll ávallt fyrir sig. Og í þetta skiptið, eins og svo oft áður, með þeirri nýju heimsstyrjöld sem er að hreiðra um sig í veraldarhafinu. Beyglan er því miður svo stór, hugmyndafræðilega illkynja og klístruð föst, að ekkert minna dugar í þetta skiptið

Heimsstyrjaldir eru ein flóknustu fyrirbæri tilverunnar. Þess vegna gapa allir þegar startskotið gellur. Hvenær það kemur veit ég ekki. En ég veit hins vegar að það mun koma og er að koma. Enginn getur komið í veg fyrir það. Enginn. Það eina sem hægt er að gera er að verja sig. Og það kann Ísland ekki því það er orðið sérfræðingum að bráð

Við erum sem betur fer á Vesturhveli jarðar -í nýja heiminum- því þar mun eina stöðugleikann verða að finna næstu hrunduð ára. Þetta er viss sárabót í gjöf frá heppninni góðu. En jafnvel hana er hægt að eyðileggja

Fyrri færsla

Fjármagnsflóttinn frá Evrópu eykst


Fjármagnsflóttinn frá Evrópu eykst

Vegna pólitísks óstöðugleika hafa auðlegðarsjóðir margra fullvalda ríkja pakkað peningum sínum saman og yfirgefið Evrópu. Fjárfestingum þeirra í Evrópu er sjálfhætt vegna þeirrar stöðu sem Evrópusambandið hefur komið álfunni í

Hrunið er næstum algert því aðeins 17 milljarðar af 70 milljarða dala fjárfestinum sjóðanna standa eftir. Fjárfestarnir hafa aðallega flúið með fé sitt til Bandaríkjanna. Þessu greinir Financial Times frá í dag

Íslenskum lífeyrissjóðum verður varla stætt með neinar fjárfestingar á vegum íslenskra sjóðsfélaga á meginlandi Evrópu næstu árin, þ.e. á meðan meginland Evrópu kemur sér upp nýrri heimsstyrjöld til að rústa sér í. Sviðin jörð og viðstöðulaus Rubicon-hlaup eru orðin helsta starfsheitið fyrir allt sem viðkemur Evrópusambandinu og mölbrotnum löndum þess

NATO getur ekki virkað og þrifist á sviðinni jörð einni saman. Og framhaldið fyrir Evrópu verður því ákaflega langdregin kvöl. Þar sem NATO getur ekki virkað undir upplausn Evrópusambandsins, þar mun heldur ekkert annað geta virkað

Það er því líklega aðeins tímaspursmál hvenær íslenskum lífeyrissjóðum verður með lögum bannað að fjárfesta í Evrópu, því afar skrítnir hlutir eru að gerast á hinum gamla Berlín-Parísaröxli imperíal heimsveldisdraumanna á meginlandi Evrópu

Fyrri færsla

Kína ræður ekki við Norður-Kóreu


Kína ræður ekki við Norður-Kóreu

Það sem allir hefðu átt að vita, er nú að opinberast fyrir mörgum. Sannað er nú að Kína hefur lítil sem engin áhrif í heimshluta sínum. Það ræður ekki við Norður-Kóreu á neinn hátt. Það sem Kína er búið að segja heiminum og sérstaklega Bandaríkjunum áratugum saman, um áhrif þess í Norður-Kóreu, er ekki orðanna virði. Kína er áhrifalaust ríki

Kína er því aðeins með stöðu smáríkis þegar til kastanna kemur. Það hefur notað orðagjálfur og falskar yfirlýsingar til að koma sér í mjúkinn hjá eina stórveldi heimsins, Bandaríkjunum. Það er of veikburða til að hafa þau áhrif á nágranna sína sem það hefur svo lengi sagst hafa og notað sem vogarstangarafl gagnvart Bandaríkjunum

Ofan í þetta koma síðan skrautskrifaðar hagtölur ríkisstjórnar Kommúnistaflokksins, eins og að sjálfsögðu var sama sagan í Sovétríkjunum þar til þau hrundu. Halda verður blekkingarvef kommúnistaflokksins áfram hangandi klístruðum við spegla- og reyksali flokksins, hvað sem það kostar

Kína er svo fátækt land þegar útlendar deildir Bandaríska hagkerfisins við sjávarsíðuna eru dregnar frá, að heilabúgarður DDRÚV á jörð í Afríku hefði frekar átt að standa þar í 45 gráðu halla úti í hrísgrjónabala, blaðrandi um ástandið, eins og þeir gerðu í Líberíu í stað þess að tala við þau stjórnvöld í landinu sem ábyrg eru fyrir ástandinu. Þar ætti DDRÚV að koma fólki sínu fyrir til að spyrja um það sem þeim kemur ekkert við, eða, af hverju eru þjóðartekjur á mann þarna í bölunum í Kína aðeins tveir dalir á dag, sem er það sama og er í Líberíu. Þetta bvaðr og bla bla blaður um hin vondu okkur, er löngu hætt að virka, nema þá ef væri á batikbomsu kerlingastóð Vesturlanda, með deyjandi afkvæmi sín úr mislingum í poka á bakinu, skyldi þeim yfir höfuð hafa auðnast að koma einu slíku -en því sem næst vangefnu- afkvæmi í veröldina fyrir fimmtugt með aðstoð hins opinbera opinbera

Kína er staðnað og fallandi ríki. Fall þess mun að sjálfsögðu skapa öldur og usla í veraldarhafinu, er það sekkur sem sovéskur steinn. Japan er þar af leiðandi rísandi ríki í þessum heimshluta, enda ekki með þúsund milljón fátæklinga og kommúnistaflokk hagandi sem risavaxna legsteina um háls sér

Kína, Japan og öll Kórea voru á sama hrísgrjóna-stiginu fyrir 150 árum síðan. Kína og Norður-Kórea fóru fjöldamorðaleið sovésku miðstjórnarinnar í Kreml og eru því stálfátæk ríki, en Japan og Suður-Kórea fóru leið Vesturlanda til velmegunar

Kínverski flotinn er slappari en Japanski flotinn og kínverski flugherinn er slappari en Japanski flugherinn. Kína hefur hér með sjálft sannað að landið er áhrifalaust og til einskis nýtt til lausnar á vandamálunum er liggja sem rjúkandi ruslahrúgur á landamærum þess

Landgönguskipið USS America hefur nú verið gangsett og sent til aðgerða í Kyrrahafinu. Meðfylgjandi USS San Diego sjóflutningaskip bandaríska flotans hefur einnig verið gangsett til aðgerða á sömu slóðum. Þessi tvö bera fjögur þúsund landgönguliða og græjur. Tvö til þrjú flugmóðurskip bandaríska flotans eru á sveimi í heimshlutanum og strategískar sprengjuflugsveitir Bandaríkjanna á Guam-eyju eru í viðbragðsstöðu og á stanslausum æfingum með bandamönnum nálægt Kóreuskaga

Japan sættir sig minna og minna við ógnina frá Norður-Kóreu með hverjum deginum sem líður. Suður-Kórea er skiljanlega hrædd og veit ekki í hvorn fótinn hún á að stíga. Bandaríkin snúa nú við síðustu steinunum í leit að friðsamlegri lausn á vandamáli sem ekki verður leyst nema með vopnavaldi. Það vita allir, en kjósa samt ekki að trúa

Þegar lætin byrja mun Kína kenna Bandaríkjunum um að hafa eyðilagt upplognar samningaviðræður Peking við Norður-Kóreu og auðvitað ekkert gera. Kína bíður síðan átekta eftir því að Bandaríkin, Japan og Suður-Kórea leysi vandamálin á dyraþrepum þess án þess sjálft að þurfa að lyfta litla fingri til lausnar

Kína og Rússland halda áfram að selja Norður-Kóreu olíu til að hella á eldinn. Rússlandi sárvantar peninga því olíuverð er svo lágt og fimm milljón tonna korn-uppskerubrestur þar í landi komst í fréttir í gær. Enginn veit hvað gerist næst, annað en það sem verður að gera. Og það munu Bandaríkin sjá um að gera. Að því loknu munu Bandaríkin gera viðeigandi ráðstafanir varðandi kínverska blekkingamúrinn

Sem sagt: Kína er sökkvandi en Japan er rísandi. Þetta mun valda usla. Tyrkland er rísandi en Þýskaland er sökkvandi. Rússland er einnig sökkvandi en Pólland og Rúmenía eru hins vegar rísandi. ESB er búið að vera og Ítalía er búin að vera. Síðast þegar svona öldustaða kom upp í heiminum, var árið 1930. Við erum stödd þar núna. Þau lönd sem eru sökkvandi munu ekki hverfa þegjandi inn í nóttina. Lætin verða mikil er búa þarf til pláss fyrir þau ríki sem eru rísandi í veraldarhafinu

Ný kerfislæg heimsstyrjöld er því aftur að hreiðra um sig í veraldarhafinu og það er ekkert hægt að gera við því. Ekkert annað en að verja sig. Tíminn er kominn á ný, því sagan er aftur mætt til leiks. Fríinu frá henni er lokið

Fyrri færsla

Sovésk leikskólabörn í Reykjavík með milljónir á mánuði


Sovésk leikskólabörn í Reykjavík með milljónir á mánuði

Ekki vantar að ausið er miklu fé í ábyrgðarlausa borgarstjórn Reykjavíkur, sem sæmt hefði sér vel við stjórn verstu sovétríkja. Þarna taka vinstri-pólitísk leikskólabörn í ofstopafullum sandkassaleik sér milljónir greiddar hvern mánuð úr vösum borgaranna, án þess að hafa minnstu hugmynd um hvað að þeim lýtur af ábyrgð og skyldum. Óreiða og gerræðislegt stjórnarfar ríkir í rekstri höfuðborgar Íslands. Og svæsinn hugmyndafræðilegur ofstopi er orðinn helsta kennimerkið fyrir rekstur hennar

Þessir Samfylkingaflokkar verstu pólitísku gangster-eininga sem sést hafa um aldir, virðast svo gerilsneyddir ábyrgðartilfinningu að ekkert nema feitt og flott vinstra líf á kostnað borgaranna frá blautu barnsbeini getur útskýrt þessa ábyrgðarlausu hegðun og ofstopa. Ef þetta er afrakstur velferðarríkis, þá er því sjálfhætt

Launin sem sturtað er ofan í þá eru greinilega spillandi há. Það hlýtur að vera lágmarkskrafa að þeir sem ábyrgir eru í málum Reykjavíkurborgar, séu látnir greiða laun sín til baka fyrir að hafa ekki stjórn á þeim málum sem þeim er trúað fyrir. Og sá sem ábyrgur er fyrir Reykjavík er borgarstjóri hennar. Það fær hann laun sín fyrir. Annars er hann úti að aka og á ekki laun skilið. Afsögn hans hlýtur að vera næsta mál á dagskrá

Þessa pólitískt subbulegu óstjórn höfuðborgar Íslands þarf helst að draga fyrir dómstóla. Hún virðist orðin svo siðferðislega spillt að ekkert minna en stór reikningur og eignamissir dugar

Það eina sem mér dettur í hug varðandi pólitískar gangster einingar Reykjavíkurborgar, er níðandi Jóhönnustjórn Samfylkingar og Vinstri grænna

Merkilegt er hversu illa innréttaður vinstri vængur stjórnmálanna virðist almennt vera orðinn. Bæði fyrirbærin eru farin að minna á umboðslausan rekstur og pólitískan súrrealisma Evrópusambandsins. Taka þyrfti höfuðborgarréttindin af Reykjavík

Og ekki hrópa ég húrra fyrir hægri mönnum í borgarstjórn. Þeir virðast of margir orðnir samdauna í sandkassanum, sbr. geggjunaráform um vitsmuna- og  fjármálalegan stórbruna í samgöngumálum inn í svarta framtíðina, verði geggjun þessa fólks látin ráða för. Flest þetta fólk í bæjarstjórn virðist hafa misst vitið

Utanríkisráðuneyti Ísraels sendi frá sér fréttatilkynningu í gær um skaðræðisstörf George Soros. Hana má lesa hér. Eins og kunnugt er nær ofstopafullt hatur borgarstjórnarmeirihluta Reykjavíkur langt út fyrir landsteinana. Í ráðstjórnarhúsinu við Tjörnina orna vinstrimenn sér við hatur á kostnað borganna, sem þeir fyrirlíta

Fyrri færsla

Falskrar fréttir ESB um fríverslun


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband