Leita í fréttum mbl.is

Bloggfærslur mánaðarins, apríl 2009

Ónýta þýska skipafélagið sekkur. Þarf Þýskaland að leita til IMF?

Þýska skipafélag Evrópusambandsins 

Þér eruð vitni að stofnun hins nýja evrópska skuldabandalags. Það mun eiga að heita Evrópuskuldasambandið - skref II - The European Debt Union (EDU)

Er þetta ekki dásamlegt. Að vera sjálf vélin í Evrópusambandinu og ætla að fá sér hinn versta niðurtúr meiriháttar lands í hinum vestræna heimi, síðan 1930. Þýskaland, mínar dömur og herrar, ætlar að skera burt heil 6% af þjóðarframleiðslu Þýskalands á þessu ári. En þetta er ekki nóg. Þeir ætla að skera burt meira á næsta ári. Þýska ónýta skipafélagið mun þá skreppa saman um 7-8% á 24 mánuðum. En bíðum bara. Það mun koma meira. Það mun koma meira því skipstjórar þýska skipafélagsins eru haldnir sjúklegri afneitun. Þeir eru fyrst að viðurkenna núna að það er til heimur

Ætla að bíða eftir að heimurinn togi þá upp úr svaðinu

En hvað ætlar þessi aflvana vél hins dauðadæmda Evrópusambands að gera í málunum? Ekkert mínar dömur og herrar, ekkert. Þeir eru nefnilega í myntbandalagi. Ha ha ha

"Economy minister Karl-Theodor zu Guttenberg said the slump was almost entirely due to the collapse of exports, insisting that a "global revival" will restore growth next year"

 

Pathetic pathetic pathetic pathetic

Þeir ætla að bíða eftir að heimurinn togi þá í gang aftur. Auðvitað, auðvitað. Bíða og bíða. Þetta er alveg 100% í anda Evrópusambandins. Lélegasta hagvaxtarsvæði heimsins og hið verðandi stærsta elliheimili í heiminum, ever. (Gleðifréttir úr gamla heiminum í ESB)

Plús - peningaleg þýsk þurrkví ECB á evrusvæði

Innistæður fyrirtækja á evrusvæði eru að þorna upp, hverfa!  

Eurozone bank deposits fall at fastest rate since Depression. Professor Tim Congdon from International Monetary Research said company bank deposits in the eurozone have begun to contract at rates not seen since the early 1930s, threatening severe damage in coming months unless the European Central Bank shifts gears fast 

 

Öll fréttin: Germany contracts 6pc as eurozone bank deposits fall at fastest rate since Depression

Tengt efni 

 Fyrri færsla


Forsíða þessarar bloggsíðu 


Alþýðuhreyfingin gegn ESB-aðild Danmerkur krefst rannsóknar

Vilja að löggjafahlutverk Evrópusambandsins verði rannsakað

Fokebevaegelsen logo

Eftir að nýleg athugun í Þýskalandi hefur leitt í ljós að 84 prósent af þeim lögum sem sett voru í Þýskalandi frá 1999 til 2004 komu frá Evrópusambandinu, krefst danska Folkebevægelsen mod EU at rannsakað verði hve mikið Evrópusambandið ráði yfir lagasmíði Danmerkur. "Eins og við upplifum þetta þá hefur ESB fyrir löngu farið yfir strikið. Við sjáum hvað eftir annað að ESB og EF-dómstóll þess hefur krafist að lög danska þingsins séu ógild og lög og reglur ESB séu sett í staðinn og yfir dönsk lög - að ósk Brussel".

Það þóttu talsverð tíðindi í Danmörku þegar aðalforstjóri hins árangursríka danska og alþjóðlega fjárfestingarbanka Saxo-Bank gékk í Folkebevægelsen mod EU. Hann sagðist leggja "mannorð sitt að veði" í baráttunni gegn því að Danmörk taki upp mynt Evrópusambandsins, evru . "Við viljum ekki að "afdalamenn" í mið og suður Evrópu stýri peningamálum dönsku þjóðarinnar. Þau mál eru of mikilvæg til að setja í vald annarra en okkar sjálfra". Í efnahagsspá Saxo Bank fyrir árið 2009 gerir bankinn ráð fyrr að Ítalía geri alvöru úr hótunum sínum og yfirgefi myntbandalagið 

Fyrir nokkru gerði breska Bruges Group úttekt á því hvort Bretland gæti ennþá talist sjálfsætt og fullvalda ríki (sjá: mynd). Útkoman var neikvæð

Bretland no longer an idependent state 

Sjá einnig:Er Bretland ennþá sjálfstætt og fullvalda ríki? 

Eistland kemst ekki með í myntbandalag ESB fyrr en 2013

Þetta segir lánshæfnismatsfyrirtækið Fitch's rating. Eistland gékk í ESB fyrir 5 árum síðan þ.e. árið 2004. Gangi spá Fitch's eftir mun það taka Eistland 10 ár að komast inn í myntbandalag ESB. Lánstraust Eystrasaltsríkjanna þriggja - Lettland, Litháen, Eistland - er nú svipað og lánstraust íslenska ríkisins, sem þó stendur með hrunið bankakerfi í maga sínum. Ekki eru þó bankakerfi þessara ríkja hrunin, ennþá. En munurinn er sá að íslenska ríkið er að tæma magann og þá mun magapína íslenska ríkisins hætta

Fitch's rating heldur því fram að Evrópusambandið muni standa fast á öllum inntökuskilyrðum inn í myntbandalagið því sambandið sé hrætt við að hleypa þar inn nýjum löndum sem eiga á hættu að brotna niður undan hinum efnahagslega og pólitíska sársauka sem því fylgir að uppfylla skilyrðin. Þetta gæti leitt til þess að löndin vilji yfirgefa myntbandalagið aftur og það gæti haft þær afleiðingar að önnur lönd taki uppá því sama

Fitch believes that the EU authorities remain disinclined to "premature" euro adoption for fear that a country might subsequently find itself unwilling or unable to bear the economic and political cost of adjustment within the euro area, and even possibly seek to leave it, triggering contagion to other countries within the single currency (sjá einnig: Nýja Argentína er í ESB og heitir að minnsta kosti Lettland)

 

Á mannamáli myndi þetta þýða að ESB óttist hrun myntbandalagsins ef svona aðstæður skyldu koma upp. Þegar myntbandalagið var stofnað uppfyllti aðeins eitt land öll inntökuskilyrðin, svo núna er Evrópusambandið hugsanlega orðið reynslunni ríkara

Öll undirbúningsvinnan við evru var hastverk og lítið sem ekkert var farið eftir skoðunum akademískra hagfræðinga og sérfræðinga á forsendum og skilyrðum fyrir því að svona myntsamstarf gæti heppnast vel. Werneráætlunin frá 1970 var því tekin fram aftur, eftir að hafa verið kistulögð árum saman, stílfærð og sett í framkvæmd. Aðeins eitt land af ellefu uppfyllti öll upptökuskilyrðin þegar ákveðið var hvaða lönd gætu tekið upp evru, nefnilega Lúxemburg, en Werneráætlunin er verk Pierre Werner fyrrverandi forsætisráðherra Lúxemburgar (sjá: Þrífst frelsið í faðmi ESB og evru

 

Anders Dam: EMU høring Folketinget 

Forstjóri Jyske Bank sammála Saxo Bank um ókosti evru

Forstjóri Jyske Bank, Anders Dam, hefur einnig lýst yfir að hann telji Danmörku best borgið utan myntbandalags Evrópusambandsins. Jyske Bank er næst stærsti banki Danmerkur. Í ræðu sinni fyrir framan evru-nefnd danska þingsins hellti forstjórinn sér yfir röksemdafræslu forsætisráðherra Danmerkur. Hann benti á að fjármálakreppan væri yfirvöldum á evrusvæðinu sjálfum að kenna. Hann benti á að sænska ríkið, sem stendur alveg fyrir utan myntbandalagið, nýtur mun betri og lægri vaxtakjara á lánsfjármörkuðum en öll þau lönd sem eru í myntbandalaginu, þar með talið Þýskaland sjálft (neikvæður vaxtamunur/spread við Þýskaland). "Það kæmi mér ekki á óvart að markaðurinn álykti sem svo að sænska ríkið sé betri skuldari, til legnri tíma litið, en löndin í myntbandalaginu vegna þess að Svíþjóð hefur sína eigin mynt". Þessi mynt Svía, segir Anders, gerir það að verkum að Svíar hafa betri verkfæri til að tryggja að skattatekjur - og þar með greiðslugeta sænska ríkisins - þorni ekki upp í takt við að atvinnuástand versni og útflutningur stoppi vegna lélegrar samkeppnishæfni sem kemur þegar lönd ráða engu um gengi og vaxtastefnu gjaldmiðla sinna.

Í lok ræðu sinnar sagði Anders Dam: "Forsætisráðherrann segir okkur að allir sjái að það kosti að standa utan við myntbandalagið. Þá segi ég: ekkert jafnast á við góða hagstjórn - og ég heiti ekki Allir ". Hér er myndbandið með ræðu Anders Dam: Anders Dam kritiserer regeringen til euro-høring 

Tengt efni

Fyrri færsla

Fjölmiðlarnir unnu Alþingiskosningar á Íslandi: sigur RÚV 


Fjölmiðlarnir unnu Alþingiskosningar á Íslandi: sigur RÚV

SIGUR RUV.002

Þá er kosningabaráttu fjölmiðlafólks Íslands lokið. Lýðræðið tapaði.

 

Rúmlega 71% kjósenda kusu ekki ESB-Samfylkinguna

- eina flokkinn sem hafði ESB sem aðalmál á stefnuskrá sinni. Greinilegt er að þjóðin vill ekki ganga í ESB

Sjálfstæðisflokknum refsað hrikalega fyrir svik við sjálfstæðisstefnuna

Sjálfstæðisflokkurinn lét Samfylkinguna teyma sig burt frá sjálfstæðisstefnunni á asnaeyrunum. Hin nýja forusta flokksins verður að taka til og endurbyggja strekan flokk á upphaflegum grunni sjálfstæðisstefnunnar. Ég treysti því

 

Samfylkingin og Sjálfstæðisflokkurinn settu fullveldi Íslands í hættu með því að stoppa ekki skuldsetnignu banka og fjármálageirans

 

Eftirlit með fjármála- og bankakerfi Íslands brást algerlega í höndum Samfylkingarinnar.

Samfylkingin brást algerlega sem samstarfsaðili í ríkisstjórn á örlagastundu. Leynd dagskrá flokksins hefur hrúgað miklum skuldum á þegna Íslands - miklum skuldum. Samfylkingin er núna skuldugasti stjórnmálaflokkur í sögu Íslands. ESB þráhyggja Samfylkingarinnar hefur kostað íslenksa skattgreiðendur offjár og sóað dýrmætum tíma í miðju björgunarstarfi í ekki neitt - með stuðningi Framsókarnflokksins 

 

Banka Hindenburg Íslands 2008

  

Vinstri Grænir eru sigurvegarar 

Það eru Vinstri Grænir sem standa sem sigurvegarar. Ég óska þeim til hamingju með sigurinn. Vinsamlegast farið vel með valdið og takið það alvarlega. Afstýrið að Ísland verði selt. Afstýrið nýútrásar landsöluáformum Samfylkingarinnar   

Krónan mun bjarga efnahag Íslands, - ekki ríkisstjórn 

Gjaldmiðill Íslands mun bjarga efnahag þjóðarinnar með sínum stóra sveigjanleika. Hann mun tryggja líf og samkeppnisaðstöðu útflutnings- og verðmætasköpunar og halda skipinu gangandi. Krónan vinnur nú dag og nótt við að afrugla hagkerfi Íslands eftir hræðilega misnotkun. Þetta VERÐA menn að skilja. Enginn gjaldmiðill þolir svona meðferð án áfalla. Óhóflega skuldsettum fyrirtækjum verður refsað hræðilega fyrir lélega stjórnum og stefnumörkun. Þau munu fara á hausinn eins og bankarnir því þau þola ekki mótbyr. Eftir mun standa skógur með sterkum trjám sem þola storm. Svo mun vaxa nýr og heilbrigður skógur, sem gefur arð 

Það er kreppa um víða veröld 

Hagnaður fyrirtækja í S&P 

Hagnaður fyrirtækja mun almennt bíða afhroð um allan heim. Þó munu þau fyrirtæki sem lærðu vel og vandlega í fyrri kreppum standast raunina. Þau eiga oft sand af peningum til að verjast dauða og skulda ekki einn einasta aur í mörgum tilfellum. Þau geta því tekið þátt í næstu uppsveiflu og malað gull. Dæmi: mörg tæknifyrirtæki sem lærðu mikið í dot.com hruninu. Myndin sýnir hagnað fyrirtækja í hinum ýmsu kreppum. Þykka línan sem teigir sig niður þarna lengst til vinstri á myndinni, sýnir hrun hagnaðar fyrirtækja í S&P vísitölu BNA núna, - miðað við fyrri stórar kreppur. Búið ykkur undir það sama

 

Fyrri færsla:

Ég skora á alla sjálfstæðismenn Íslands að kjósa

Tegnt efni: 

Jón Baldur Lorange 

Frost kyrrstöðunnar færist yfir þjóðfélagið

ESB-frétt dagsins

Spánn: atvinnuleysi mælist nú 17,4% 


Ég skora á alla sjálfstæðismenn Íslands að kjósa

Kæru Íslendingar

Núna er runninn upp sá tími sem kemur yfirleitt ekki þegar kosið er um málefni hér í Evrópusambandinu. Þú skalt fara út í dag og kasta atkvæði þínu á íslenskan stjórnmálaflokk. Á flokk sem ber hag Íslands fyrir brjósti sér

Sjáðu kæri lesandi. Málin eru nefnilega þannig að þú átt ekki landið Ísland. Það er landið sem á þig. Þannig er það að vera Íslendingur. Þetta rann upp fyrir mér þegar ég eftir 25 ára dvöl í ríki Samfylkingarinnar í ESB var uppi í Hvalfirði að tína bláber í fyrra. En eiginlega var það systir mín sem benti mér á þetta. En ég vissi að þetta var rétt þegar hún sagði þetta við mig.

Olíumálverk: Þórdís Rögnvaldsóttir 

Í dag skaltu fara út og kjósa Ísland. Þér verður ekki boðið uppá að kjósa aftur líki þér ekki úrslitin. Ísland er sem betur fer ekki í Evrópusambandinu þar sem kosið er aftur og aftur þangað til það kemur "rétt" út úr kosningum

Þjóðir Evrópusambandsins eru hvað eftir annað látnar éta úrslit kosninga ofaní sig aftur. Kjósa aftur og aftur ef Samfylkingunni í ESB finnst ekki koma rétt út úr kosningunum. Ef eitthvað er, þá hefur ófriðarhættan aukist í Evrópu með tilkomu Evrópusambandsins. Lýðræðisþjóðir fara nefnilega ekki í stríð við aðrar lýðræðisþjóðir. En það gera hinsvegar lönd og svæði þar sem lýðræði er á undanhaldi. Lýðræðið er einmitt á undanhaldi í Evrópusambandinu. Því hefur ófriðarhættan aukist í takt við aukin völd Evrópusambandsins. Þetta er staðreynd. En Samfylkingin í ESB vill ekki að þú fáir að vita þetta

Njóttu kosta Íslands  

Njóttu þess að á milli Íslands og Evrópusambandsins er hálft Atlantshaf og heill Norðursjór sem verndar Ísland. Þetta hefur oft komið sér afskaplega vel og aldrei háð Íslandi. Njóttu þess að þurfa ekki að búa í sama herbergi og 80 milljón Þjóðverjar og 60 milljón Frakkar, ásamt öllu því lausa sem fylgir í túnfæti margra landa gömlu og þreyttu Evrópu. Sérstaða Íslands er mikill kostur. En Íslandi fór fyrst að vegna vel eftir að landið varð sjálfstætt og fullvalda ríki. Vöðvar frelsisins þola ekki spennitreyjur á borð við Evrópusambandið. Þá visna þeir og hverfa

Þetta er ekki svona hér hjá okkur í Evrópusambandinu. Ef löndin hefðu notið þessara kosta einstakrar landlegu Íslands, hefðu margar þjóðir Evrópu aldrei gengið í Evrópusambandið. Ekki gengið í ESB til þess eins að láta reka kosningaúrslit ofan í sig aftur og aftur þangað það til það kemur rétt út úr þeim fyrir suma

Ég kaus Sjálfstæðisflokkinn 

Kjóstu því landið þitt. Þú vilt ekki að aðrir eignist landið þitt, því þá eignast þeir þig í leiðinni. Sjálfur kaus ég Sjálfstæðisflokkinn. Ég gerði það eftir að vinur minn á Íslandi hafði tekið persónulegt loforð af nýjum formanni flokksins um að flokkurinn myndi ávalt halda áfram að vaka yfir sjálfstæði og fullveldi Íslands. Sjálfstæðisflokkurinn er og verður sjálfstæðisflokkur Íslands. Skyldi þér ekki hugnast að kjósa Sjálfstæðisflokkinn þá bendi ég á Frjálslynda flokkinn og Vinstri Græna sem eru ekki landsölu flokkar. Ég hef að minnsta kosti valið að trúa því. En það er trú Íslendinga á landinu okkar sem hefur alltaf flutt fjöll þegar á þarf að halda. Núna er sá tími 

En menn ættu þó alltaf að muna að blessuð mannskepnan er þannig innréttuð að hún vaknar á morgnana og fer fram úr rúminu í þeirri von að henni vegni aðeins betur í dag heldur en í gær. Að uppskeran verði ekki minni í dag en í gær - og jafnvel meiri. Þetta er eðli mannsins. Ef manninum finnst hver dagur enda á því að honum ávannst aðeins minna í dag en í gær, þá mun maðurinn halda sig í rúminu (sjá ESB). Sem víti til mikils varnaðar eru flest ríki með of mikilli og ráðandi vinstrimennsku, - og Evrópusambandið. Þau eru víti til vanraðar því þau vinna oftast á móti þessari frumþörf mannsins

Ég vona svo sannarlega að við þurfum ekki öll að breiða upp fyrir haus eftir þennan kosningadag. Ég er alls ekki viss um að allir stjórnmálamenn og því síður kjósendur þeirra skilji þetta. Skilji þetta ekki fyrr en eftir langa rúmlegu

Gefðu þjóðríki Íslands atkvæði þitt 

Þjóðríki er fyrirkomulag sem er best. Það er staðreynd. Ég hvet því alla sjálfstæðismenn til að kjósa. Ekki kasta frá þér atkvæði á myllu niðurbrots þjóða

Blómin munu vaxa í garði Íslands á ný, sannaðu til. Ekki gefast upp þó á móti blási um stundarsakir

 

ESB-frétt dagsins:

Spánn: atvinnuleysi mælist nú 17,4% 

Fyrri færsla:

WSJ: Afturganga vandamála þýska Weimar lýðveldisins? 


WSJ: Afturganga vandamála þýska Weimar lýðveldisins?

Wall Street Journal skrifar í dag um það sem þeir kalla

 

"The Weimar Complex"

 

The Illustrated Road to Serfdom Planners

 

Nánar á heimasíðu minni. Einnig síðustu tölur yfir nýjar pantanir til iðnaðarins í ESB. Þær komu út í gær og líta alls ekki vel út:  Afturganga vandamála þýska Weimar lýðveldisins?

 

Hugrenning

Myndin hér að ofan er frá: The Illustrated Road to Serfdom 

Eftir: Friedrich A. Hayek 

 

Fyrri færsla

Evra: Frankenstein peninga og fjármála Evrópu?


Evra: Frankenstein peninga og fjármála Evrópu?

Þýskar evrur eftirsóttar

Stjórnmálamennirnir hafa búið til fjármálalegan Frankenstein í Evrópusambandinu, segir fransmaðurinn Chrarles Gave

Lesið nánar hér á heimasíðu minni: Evra: Frankenstein fjármála? 

 

Fyrri færsla

20 sammála Írskir hagfræðingar

Forsíða þessarar bloggsíðu 

  


20 sammála Írskir hagfræðingar

20 sammála Írskir hagfræðingar - gegn - 32 sammála hagfræðingum á Íslandi

Eilífðarverkefnið

Við höfum á undanförnum mánuðum hlýtt á stutta lagstúfa 32 sammála íslenskra hagfræðinga í þokulúðrasveit Samfylkingarinnar á Íslandi. Lúðrasveit þessi segir samhljóma að Ísland bjargist alveg sjálfkrafa frá afleiðingum frekar illa rekinna bankastofnana á Íslandi og frá dauðadái Fjármálaeftirlitsins, ef það aðeins afsali sér fullveldi og auðlindum Íslands yfir til Evrópusambandsins. Margir þessara 32 hagfræðinga unnu þó sjálfir í þessum hrundu fjármálastofnunum á meðan Fjármálaeftirlit Samfylkingarinnar hélt verndarhendi yfir þeim og gerði þeim kleift að koma fjármálum Íslands á hliðina

Það sem er þó nýtt í málefnum lúðrasveita hagfræðinga er það að nú hafa 20 sammála Írskir hagfræðingar stofnað með sér lúðrasveit á Írlandi. En Írland þjáist af þeim kosti, samkvæmt áliti 32 sammála íslenska hagfræðinga, að vera í Evrópusambandinu og einnig í sjálfu myntbandalagi Evrópusambandsins. En lagaval þessarar írsku lúðrasveitar er samt alveg öndvert við lagaval 32SH á Íslandi. Tóntegundin er einnig önnur. Á Írlandi segja nefnilega 20SH að það þurfi að þjóðnýta alla stærstu banka Írlands og það geti ekki gengið nógu hratt fyrir sig. Þessir 20SH segja að núverandi mynt landsins (evra) - og allar þær ríkisábyrgðir sem búið er að gefa út til handa írskum bönkum - nægi alls ekki til að bjarga landinu. En eins og sumir vita þá skall efnahagslegt fárviðri á ströndum Írlands síðasta haust. Þetta fárviðri var þó að mestu leyti írsk framleiðsla. Framleidd með miklum stuðningi frá sjálfum Lykla Pétri í ESB og einnig borið undir álit 32SH og Banka-Samfylkingarinnar á Íslandi. Hér á ég auðvitað við seðlabanka Evrópusambandsins, aðalstöðvar Evrópusambandsins, myntbandalag Evrópusambandsins og hinn innri markað Evrópusambandsins. En þetta virðast vera stofnanir og fyrirbæri sem virka hvergi nema í ímynduðum heimi 32SH og Banka-Samfylkingar Íslands. Ekkert af þessu hefur a.m.k. virkað á sjálfu Írlandi.

Það verður að þjóðnýta bankakerfi Írlands til að auka trúverðugleika þess 

20SH á Írlandi segja í stuttu máli að bankakerfi Írlands sé læst fast niðri í frystikistu og gjaldþrota í praxís. "Við álítum að það sé sama hvað gert er. Markaðurinn álítur að bankakerfi Írlands sér frosið. Það sé því mikilvægt að bankakerfið sé afþýtt með því að ríki skattgreiðenda á Írlandi (ekki Brussel) taki allt bankakerfið yfir, þjóðnýti það og komi að minnsta kosti þeim hluta þess í gang aftur sem hefur brýna samfélagslega þýðingu".

Einnig segja 20SH að "það verði að þjóðnýta bankana til þess að vernda þær mörgu evrur írskra skattgreiðenda sem eru inni á reikningum í írskum bönkum. Það verði að auka trúverðugleika írskra banka því annars flýr þetta fjármagn".

Já það var nefnilega það. Akkúrat. Írska ríkið, skattgreiðendur, þurfa nú að gangast í ábyrgð fyrir þeim myntbandalagsvasapeningana sem þeir eiga og skulda í írskum bönkum. Já, auðvitað. Hvað annað? Þetta er þrautarganga, ekki þrautarvarnir. Írskir skattgreiðendur þurfa sem sagt núna einnig að gegna því seðlabankahlutverki sem þeim var talið trú um að væri þeim ávalt til handa í borginni Frankfürt á meginlandi Evrópu. Lofað af ESB "sérfræðingum" þegar þeir á sínum tíma voru lokkaðir inn í þetta myntbandalag Evrópusambandsins. Núna komast þeir ekki út úr þessu bandalagi aftur. Reyndar komast Írar aldrei út aftur. Aldrei.   

Ertu dauður banki eða ekki? 

Kæri lesandi. Næst þegar þú ferð í göngutúr og rekst á banka sem virðist vera að dauða kominn, þá skaltu spyrja bankann um þetta: "ertu dauður banki?" Ef bankinn svarar: "nei nei, ég er ekki daður, ég er bara með erlenda mynt í magnum og fastur í myntbandalagi sem önnur lönd stýra. Ríki skattgreiðenda mun koma og lífga mig við". En hér skaltu vara þig. Þetta er nefnilega merki þess að bankinn veit ekki að hann er dauður. Þetta er hættulegur banki því þú getur átt á hættu að hann ráðist á þig og plati út úr þér peningana í gegnum bakdyrnar. En ef bankinn svarar spurningunni hinsvegar á þessa leið: "já ég er dauður banki, steindauður. Ég fór á hausinn því ég datt ofaní tunnu sem var full af eitruðu áfengi. Tréspíritus sem gerði mig fyrst blindan og svo dauðan". Þarna þarftu ekki að vara þig á neinu sérstöku. Bankinn er heiðarlega á hausnum. Hann veit að hann er dauður og mun ekki plata peninga út úr þér til þess eins að láta þig halda að hann sé lifandi.

Afturgengi 32SH hljómplatna, eða hvað? 

Aldrei aftur

En þetta er bara ekki það lag sem 32SH og Banka-Samfylkingin flytur okkur á Íslandi. Reyndar er lag þeirra alveg öfugt við það sem 20SH spilar á Írlandi. Kanski gengur hljómplatan afturábak á Íslandi?

Kæru Íslendingar. Gangið endilega og endanlega í Evrópusamband Banka-Samfylkingarinnar. Þá getur þetta nefnilega ekki orðið verra nema að því leyti að þú kemst aldrei út úr Samfylkingunni aftur. Evrópusambandið er nefnilega eins flokka kerfi alveg eins og í gömlu Sovétríkjunum. En Sovétríkin tilheyrðu fyrstu kynslóð áætlunarbúskaparsamfélaga - og eru eiginlega úrelt núna. Nýtt er komið í stað þess. Að vera á hausnum innan í Evrópusambandinu er svo gaman. Þá þarf ekkert að hugsa eða gera. Ekkert annað en að drepast. Lærið nú af Írum, Lettum, Litháum, Eistlendingum, Spánverjum, Ítölum, Portúgölum og Grikkjum. Lærið.

Gengi evru er ekki gott fyrir alla. Það gegnir ekki 

Evran fellur og fellur, en bara ekki nógu mikið. Evra Evrópusambandsins er núna fallin um tæp 20% gagnvart dollar á síðustu 12 mánuðum og um tæp 5 á síðasta mánuði. En það er bara ekki nóg. Þetta gengi evru gagnvart öðrum mikilvægum gjaldmiðlum er ennþá 50-60% of hátt fyrir Lettland, Eistland, Litháen, Spán, Ítalíu, Portúgal og Grikkland. En þá segi ég. Af hverju fella þau þá bara ekki gengið til að bjarga sér út úr þeim stórkostlegu vandamálum sem löndin eru í? Fyrst gengi evrunnar er svona alltof hátt fyrir þessar þjóðir, af hverju gera þær þá ekkert í málunum? Kæru lesendur, þetta er víst ekki svona einfalt. Kjáninn sem ég er, ætti ekki að segja svona því þetta er nefnilega mjög viðkvæmt mál. Þetta má ekki segja. Má ekki segja á vissum stöðum á Íslandi og heldur hvergi í ESB. En jú. Lettland mun fella gegnið. Það sama mun Eistland og Litháen gera. Þessi lönd munu fella gengið um ca 50-60% í sumar eða haust. Þetta er einnig nýleg ályktun sérfræðinga stærsta banka Bretlands.

<><><> SÍMSKEYTI AÐ HANDAN <><><>

HUGLEIÐING DAGSINS

Argentina

1) Since 1991, the peso has been fixed to the dollar at a one-to-one rate under a currency board system. Þökk sé slæmum ráðum IMF 
1 Peso = 1 Dollar

 

<><><>

2) "All of our economy ministers have gone to Harvard -- to learn what? To rob the country?" said one frustrated woman, voicing widespread anger at a political class seen as corrupt and inept.(FT)

 

<><><>

3) With Argentina devaluing its peso over the weekend,
the conventional economic wisdom finally got its way.
Wall Street Journal, editorial, 2002-01-08

<><><> SÍMSKEYTI ENDAR <><><> 

Eitthvað verður að brotna. Á gegnið að brotna eða vilt þú brotna? Hvort viltu? 

Ef gengið fær ekki leyfi til þess að gefa eftir eða brotna, þá verður eitthvað annað að gefa eftir eða brotna í staðinn. Ef það er gegnið sem fær leyfi til þess að gefa eftir eða brotna þá bjargar það yfirleitt útflutningsatvinnuvegunum. Þá geta þessir atvinnuvegir betur keppt við vörur sem framleiddar eru undir gengi annarra mynta og kanski mynta landa sem engu ráða um peningamál sín.

Umboð seðlabanka Evrópusambandsins

Þetta þýðir að þú munt betur geta haldið þínu lífi áfram, því það munu peningar halda áfram að koma inn í samfélag þitt. Kanski af skornari skammti en áður, en koma þó. En það mikilvægasta er þó að útflutningsatvinnuvegirnir þurfa ekki að brotna niður og fara á hausinn. Þeir munu ekki tapa þeirri markaðshlutdeild og mörkuðum sem þau hafa keypt dýrum dómi með mikilli vinnu og dýrum fjárfestingum áratugum saman. Þau munu ennþá verða til staðar í þjóðfélaginu þegar kreppunni lýkur. Þá munu þessir atvinnuvegir dæla peningum inn í samfélagið í formi aukinna og verðmætari útflutningstekna, hærri launa, fleirri starfa og afleiddra starfa, meiri og betri hagnaðar sem svo er hægt að fjárfesta á ný. Þeir munu standa sterkt að vígi og koma efnahag landsins á hraðferð upp á við á ný. Algveg eins og lyf sem virka.

Annars brotnar samfélagið 

En fái gengið ekki að gefa eftir þá mun útflutningsatvinnuvegunum ekki vegna vel, því gengið fyrir kostnaðargrundvöll þeirra er alltof hátt, eins og í tilfelli Írlands og fleirri landa sem ekkert gengi hafa. Þá verður það þú, efnahagur þinn, atvinna þín, lífskjör þín og samfélags þíns sem mun þurfa að brotna niður. Þá verður margt slæmt ennþá verra. Mun verra. En það versta er þó að langtíma atvinnuleysi sest að í þjóðfélagi þínu og mun smá saman grafa undan öllu samfélagi þínu. Fyrirtækin fara úr landi, til svæða sem bjóða betra og samkeppnishæfra gengi, skattar hækka því skatttekjur minnka. En það sem er enn verra er að fólkið sem knýr verðmætasköpunina mun einnig fara. Það fer nefnilega þangað sem betri og meiri atvinna býðst og þar sem hæfileikar þeirra eru betur umbunaðir - til lengri tíma litið.

Núna er rétti tíminn til að halda fögnuð 

Þessvegna er full ástæða til að allir Íslendingar haldi fögnuð núna. Þeir geta nefnilega sturtað niður í klósettinu núna. Það geta Írar alls ekki. Núna ætti því að halda uppá að bankanir eru raunverulega dauðir. Alveg steindauðir. Sturtaðir niður og nýjir eru á leiðinni. Það ætti því að efna til erfidrykkju fyrir alla landsmenn Íslands. Það er allt í lagi að bjóða 32SH með, því þeir eru hvort sem er hálffullir ennþá, eða hálftómir. Stúta því næst nokkrum góðum lítrum af vökva, éta slátur, harðfisk, svið, súran hval, SS pylsur, lambahryggi og lærvöðva. Halda uppá þetta og dansa. "Bankarnir eru dauðir, steindauðir, dauðir eins og sauðir".

Svo kemur nýr dagur og þá á að fara í gömlu vinnufötin aftur og hamast. Vinna, vinna, byggja og bæta. Bras, as, þys og gustur. Þetta hefur alltaf verið einmitt svona og verður aldrei örðuvísi. Aldrei á meðan Íslendingar hafa ennþá sál sína. Á meðan 20SH á Írlandi eru að koma bönkum Íra niður í langtíma, aflvana og mynt-bandorma hrjáðu meltingarfæri írskra skattgreiðenda til þess að auka á trúverðugleika galdrabandalagsins, þá eru Íslendingar löngu komnir yfir timburmennina og fyrir löngu búnir að byggja nýjan bát. Skip sem kemur drekkhlaðið að landi. Áhöfnin verður svo ánægð og gamlir og góðir söngvar munu hljóma á ný 

Børsen: Tyve økonomer: Nationaliser bankerne

Irish Times: opinion piece 

Fyrri færsla

Ágrip sögu Íslands: Ísland varð sjálfstætt lýðveldi þann 17. júní árið 1944

Forsíða þessarar bloggsíðu 

 

<><><><> 

Annað símskeyti að handan hefur borist

Viðauki 20SH - 20 sammála írskir hagfræðingar

 <><><><><><><><>

  1. Karl Whelan, professor of economics, dept of economics, UCD
  2. John Cotter, associate professor of finance, Smurfit School, UCD
  3. Don Bredin, senior lecturer in finance, Smurfit School, UCD
  4. Elaine Hutson, lecturer in finance, Smurfit School, UCD
  5. Cal Muckley, lecturer in finance, Smurfit School, UCD
  6. Shane Whelan, senior lecturer in actuarial studies, school of mathematics, UCD
  7. Kevin O’Rourke, professor of economics, Trinity College Dublin
  8. Frank Barry, professor of international business and development, school of business, Trinity College Dublin
  9. Pearse Colbert, professor of accounting, school of business, Trinity College Dublin
  10. Brian Lucey, associate professor of finance, school of business, Trinity College Dublin
  11. Patrick McCabe, senior lecturer in accounting, school of business, Trinity College Dublin
  12. Alex Sevic, lecturer in finance, school of business, Trinity College Dublin
  13. Constantin Gurdgiev, lecturer in finance, school of business, Trinity College Dublin
  14. Valerio Poti, lecturer in finance, DCU business school
  15. Jennifer Berrill, lecturer in finance, DCU business school
  16. Ciarán Mac an Bhaird, lecturer in finance, Fiontar, DCU
  17. Gregory Connor, professor of finance, department of economics, finance and accounting, NUI Maynooth
  18. Rowena Pecchenino, professor of economics, department of economics, finance and accounting, NUI Maynooth
  19. James Deegan, professor of economics, Kemmy School of Business, Limerick 
  20. Cormac Ó Gráda, professor of economics, UCD

 


Ágrip sögu Íslands: Ísland varð sjálfstætt lýðveldi þann 17. júní árið 1944

Aldrei aftur 

Ísland varð sjálfstætt lýðveldi þann 17. júní árið 1944 

Þar með höfðu Íslendingar öðlast full yfirráð yfir eigin málum og slitu öll pólitísk tengsl við danska konungsríkið sem Ísland hafði þá verið hluti af síðan 1397 en þar áður norska konungsríkinu frá 1262. Áður en Íslendingar komust undir erlend yfirráð höfðu þeir verið sjálfstætt ríki frá landnámi um 870. Áður en Íslendingar glötuðu sjálfstæði sínu höfðu ýmsir valdahafar í Noregi gert sér vonir um að leggja landið undir sig og jafnvel ráðgert innrásir með hervaldi en ekki látið verða af því . . . . 

 

Lesið alla greinina hér: Ágrip sögu Íslands

 

Fyrri færsla:

ESB: Segir Austurríki vera á leiðinni á hausinn

Forsíða þessarar bloggsíðu


ESB: Segir Austurríki vera á leiðinni á . . . . á . . . . á hausinn

Nóbelsverðlaunahagfræðingurinn Paul Krugman segir að Evrópusambandsríkið Austurríki sé að fara á hliðina á eftir Íslandi og Írlandi. Krugman segir að bankakerfi Austurríkis sé núna í svo mikilli hættu vegna útrásarherferðar til Austur Evrópu að búið sé að veðsetja stóran hluta af þjóðarframleiðslu Austurríkis. Auðvitað fyrir skuldbindingum bankanna á þessum slóðum

Ekki er hægt að segja að Austurríkismenn séu ánægðir með þessar vangaveltur hagfræðingsins í Nýju Jórvík. Reyndar segir viðskiptaráðherra Austurríkis, Björgvin G. Sigurðsson, . . . (hlé) . . . afsakið . . . 

Reyndar segir fjármálaráðherra Austurríkis, Josef Pröll, að vangaveltur Nóbelsverðlaunahagfræðingsins séu byggðar á vanþekkingu hans á málefnum og bankakerfi Austurríkis. Einnig segir fjármálaráðherra Josef Pröll að þessi gagnrýni byggist á öfundsýki yfir velheppnaðri útrás austurrískra banka til Austur Evrópu, þar sem þeir hafa náð verulegri markaðshlutdeild

Alger misskilningur

Réttum 7 vikum áður en bankakerfi Íslands hrynur til grunna var eftirfarandi sagt á íslensku

Frambjóðandi Samfylkingarinnar 2009

Þann 5. ágúst 2008 sagði bankamálaráðherra Íslands, yfirmaður Fjármálaeftirlitsins, viðskiptaráðherra Samfylkingarinnar og núverandi frambjóðandi Samfylkingarinnar, Björgvin G. Sigurðsson, eftirfarandi um bankakerfi Íslands:

"Auðvitað skortir ekki úrtölur eða þá sem telja sig knúna til að tala útrás og fjárfestingarævintýri Íslendinga erlendis niður. Þannig eru nú hlutirnir einu sinni og því er það mikilvægt nú þegar hægir tímabundið á útrásinni vegna þrenginga á erlendum mörkuðum að halda frábærum árangri þessara flaggskipa atvinnulífsins okkar ríkulega til haga. Þetta eru okkar voldugustu fyrirtæki og nokkrar af helstu undirstöðum efnahagskerfis okkar til lengri tíma". 

Hvar liggja Austurríkismenn á ósýnilegu banka-landakorti Fjármálaeftirlits Íslands og frambjóðenda Samfylkingarinnar? Hvergi.

Simon Johnson tók saman eftirfarandi banka-landakort síðasta haust. Þetta er banka-landakort sem nær allar greiningadeildir íslenskra banka, banka-hagfræðingar þeirra, háskólahagfræðingar og 32 sammála hagspekingar á íslandi töluðu sjaldan eða aldrei um á opinberum vettvangi á Íslandi. Ekki heldur kom þetta bankalandakort úr í morgunkornum eða Íslandsálagskortum Glitnis, Kaupþings og Landsbankans. Kortið kom aldrei til umræðu á þessum auglýsingadeildum bankanna. Aðeins einn maður talaði um þetta kort og varaði við þessari þróun, ítrekað og á tungumáli sem allir haglærðir menn hefðu átt að skilja betur en allir aðrir. Þessi eini maður var Davíð Oddsson, þáverandi seðlabankastjóri.

Stjórnmálaflokkurinn sem bar ábyrgð á bankamálum Íslands gerði það því að fyrsta forgangsverkefni sínu að koma Davíð Oddssyni út úr Seðlabanka Íslands. En vegna alls þessa getur bankamála- og viðskiptaráðherra Íslands 2007-2009, yfirmaður Fjármála-eftirlits Íslands árið 2008 og núverandi frambjóðandi Samfylkingarinnar árið 2009, sagt með alveg hreinni samvisku að hann hafi aldrei vitað eitt né neitt. Því sé hann í framboði á ný, fyrir Samfylkinguna. Þvílík hörmung.

Hvar er þjóðstjórnin sem ætti að vera við full störf á Íslandi núna? 

Bara ef Davíð Oddsson væri leiðtogi þjóðarinnar núna. Hann er einn af fáum góðum mönnum Íslands sem getur tekist á við svona risastór og erfið verkefni sem bíða Íslands og Íslendinga á næstu árum. Leiðtogi sem alltaf er trúr sinni sannfæringu. Hann er ekki lufsa. Og af hverju í ósköpunum er ekki þjóðstjórn við full störf á Íslandi núna og ekki þessi Óstjórn sem núna situr. Af hverju? Svar: vegna þess að þá getur Samfylkingin ekki keyrt hina einu og svo lengi leyndu dagskrá sína í friði. Þetta er eina málefnið á dagskrá Samfylkingarinnar, nefnilega, að gefa útlendingum Ísland. Að koma Íslandi og auðæfum þess undir Evrópusambandið. Gefa Ísland burt. Jarða og gefa Ísland eins og við höfum þekkt landið okkar svo lengi. Í 1000 ár. Þetta er eina málefni Samfylkingarinnar og það getur ekki beðið á meðan þjóðin er hædd og örvæntingarfull. Því án ótta Íslendinga á Samfylkingin ekki séns. Ekki séns. Það er nefnilega eðli Evrópusambandsins að auðgast og vaxa í óttanum. Í óttaköstum þjóða stækkar það. 

Skuldbindingar ýmissa bankakerfa miðað við landsframleiðslu

Mynd: Skuldbindingar ýmissa bankakerfa miðað við landsframleiðslu landa þeirra 2007

Tengt efni

Fyrri færsla

Forsíða þessarar bloggsíðu 


Skrár tengdar þessari bloggfærslu:

Vélarbilun í gerfihjarta ESB: spáir 12% samdrætti í þjóðarframleiðslu Þýzkalands

DIETER WERMUTH

Frohe Ostern! 

Á blogg sínum - "eðlishvöt hjarðarinnar" - kemur fyrrverandi aðalhagfræðingur Citibank, Dieter Wermuth með páskaopinberun sem mörgum ætti að vera orðin ljós fyrir all nokkru. Hann spáir að þjóðarframleiðsla Þýskalands muni dragast saman um hvorki meira né minna en 11,5% á þessu herrans ári 2009. Verði þetta raunin mun eldum og brennisteinum rigna yfir stóran hluta Evrópusambandsins og alls evrusvæðisins á næstu árum. Dieter gefur ekki mikið fyrir hagspár seðlabanka Evrópusambandsins. Hann segir þær misvísandi, alltaf eftirá og að þær reyni stöðugt að fegra útlitið með því að gefa okkur falskar vonir um að þetta verði allt saman miklu betra í "næsta skipti" (sjá hér nánar um hagvaxtargildru Evrópusambandsins: Lestu mig )

Eurointelligence fjallar um spá Dieter Wermuth með þessum orðum

The German blog Herdentrief extrapolated from some recent data to conclude that German GDP could have fallen by some 11.5% annualised during Q1. This estimate is based on the available data for January and February, and the data for employment and inflation for February, which he explains in a very detailed calcuation. Q2 will start with a huge inventory overhang. The recession, he concludes, is on the verge of turning into a depression (Could German GDP have declined by 11.5% annualised during Q1?)  

 

Dánarfregn og jarðarför3

Bloggsíða Dieter Wermuth á Zeit Online: Herdentrieb » Frohe Ostern - reales BIP könnte um 11,5%

Við skulum vona, en þó vera við öllu búin 

Okkar allra vegna skulum við vona að þessi hagspá fyrir Þýskaland gangi alls ekki eftir. En ég er samt ansi bjartsýnn á að spáin muni þó ná að rætast - og vel það

Iðnaðarframleiðsla Þýskalands, Indlands og Malasya

 

Mynd: Iðnaðarframleiðsla Þýskalands, Indlands og Malaysia

Takk til RGE Monitor og Rebecca Wilder (World economic reports (April 8-15)

Fyrri færsla

Nýjustu hagvaxtartölur: leiðréttar og nýjar hagvaxtartölur ESB og EEA

Forsíða þessarar bloggsíðu 


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband