Leita í fréttum mbl.is

Bloggfærslur mánaðarins, janúar 2009

Ísland lærir hratt: það fór finnsku og sænsku leiðina strax. En getur Samfylkingin lært?

Ísland lærir hratt: það fór finnsku og sænsku leiðina strax

Samkvæmt skrifum írska hagfræðingsins og fyrrverandi seðlabankamanns David McWilliams þá er hin svokallaða "finnska & sænska leið" - sem Morgunblaðið hefur meðal annarra verið duglegt við að auglýsa upp á Íslandi - nú þegar ekin á fullum hraða af Íslandi. Ísland brunar nú á þessari hraðbraut sem einungis er fær þjóðum sem eiga sína eigin mynt og sem Samfylkingin vill útiloka að Ísland geti keyrt á í framtíðinni. Það er þessi leið sem til dæmis um það bil 19 til 32 Sammála Hagfræðingar (1932SH) vilja loka á fyrir Ísland. Bakhjarl þessara aðila til varanlegrar efnahagslegrar þrautargöngu Íslands og til varnar því að velmegun geti haldið áfram að myndast á Íslandi, er sjálfur stjórnmálaflokkurinn Samfylkingin og einnig ASÍ. En fyrir þá sem vita það ekki þá er Samfylkingin stjórnmálaflokkur á Íslandi sem í stuttu máli er hægt að kalla Alþýðubandalagsfylkingarflokkinn með konu eina í fararbroddi sem blaktir nú sem gulblá dula með blóðrauðum borðum og kögri við fölnaðan hún gömlu flaggstangar Alþýðuflokksins.

1932SH er alls ekki óalgengt fyrirbæri

En það merkilega við þessa leið sem 1932SH hafa þó ekki komið kláru auga á ennþá - hvorki á Íslandi né á Írlandi, nema kanski einn - er að það var einmitt þessi leið sem var farin strax á fyrsta degi kreppunnar á Íslandi. En hvernig má vera að allir þessir hagfræðingar hafa ekki tekið eftir þessu? Hvorki á Íslandi né á Írlandi? Jú, það er vegna þess að þessir 1932SH voru svo uppteknir í stanslaust 5 ár við að vera alveg sammála um að það sem fram fór á einmitt þessum síðastliðnum 5 árum væri al gott fyrir Ísland. Ein megin orsök þess að Ísland á í miklum erfiðleikum núna er einmitt sú að þessir 1932SH voru bundnir einskonar þagnarskyldu við hvorn annan. Þagnarskyldu á oft mjög háum launum hjá til dæmis launaveitu Sigga Samfó. Þeir nenntu einfaldlega ekki að rjúfa þagnarskylduna af ótta við að tapa andlitinu og að falla þar með í ónáð hjá hinu "almenna áliti" hjá upplýsingaveitu Sigga Samfó. Þessvegna er heldur ekkert að marka 1932SH núna því þeir eru aftur uppteknir við að verja sinn slæma málstað fram í rauðann dauðann. Andlitunum skal bjargað, sama hvað það mun kosta Ísland.

Þetta hefur einnig gerst á Írlandi segir David McWilliams. "Það er til of mikils ætlast að hægt sé að biðja um "no bullshit" álit þessara manna þó svo að Írland standi frammi fyrir 10% samdrætti í þjóðarframleiðslu á þessu ári og jafnvel þjóðargjaldþroti". Þetta eru þær aðstæður sem hinir 1932SH á Íslandi vilja einnig koma Íslandi í.

Down_from_the_heavens_up_from_the ashes_Finnland1

Rangt 1 og 2

En hvað var rangt við ályktanir Moggans, 1932SH og Sigga Samfó um sænsku og finnsku leiðina út úr eigin banka- og efnahagskreppu á tíunda áratug síðustu aldar? Jú ályktunin sem þeir draga er nefnilega sú efnahagsbati þessara tveggja þjóða hafi haft eitthvað að gera með inngöngu landanna í Evrópusambandið nokkrum árum seinna. En þetta er eins al rangt og það getur orðið. Alveg kol rangt. 

Down_from_the_heavens2

Það sem læknaði og kom þessum tveim löndum út úr kreppunni var hinsvegar massíf gengisfelling sænsku krónunnar og finnska marksins. Massíf gengisfelling! Þetta bjargaði þessum löndum frá því að falla um koll. Sjálfspynting Svía og Finna hætti skyndilega því það var ýtt á "sleppa" takkann. Bindingin var rofin við bryggjupollann og skipin sigldu aftur. Með gengisfellingu gátu þessi lönd unnið sig út úr vandamálunum á sama hátt og Ísland er að vinna sig út úr vandamálunum núna. Pappírsframleiðsla Finna var seld í dollurum og Volvóar, Scaníur og vélar Svía fóru mikið til útlanda.

Samverslun Finna og Svía var einnig sterk. Einnig hefði Nokia varla átt séns án gengisfellingar. Þetta tryggði það að þegar mestu örþrifakreppunni linnti þá voru útflutningsfyrirtækin ennþá til staðar í þessum löndum til að leiða samfélagið aftur á braut velmegunar. En þó hefur Finnland aldrei alveg komist úr úr kreppunni því það fór út í það að taka upp evru. Þetta má lesa út úr atvinnuleysistölum Finnlands og út úr hagvaxtartölum þeirra. Finnar fengu því sjúkdóminn eurosclerosis. Núna eru því neyðarpakkar aftur á dagskrá í Finnlandi.

Finnska markið 1990-1999 

Mynd: rof fastgengisstefnu við EMS og gengisfelling finnska marksins 

 Sænska krónan 1990-1999

Mynd: rof fastgengisstefnu við EMS og gengisfelling sænsku krónunnar 

Lesefni: Down from the heavens, Up from the ashes

Hvað geta Írar með evrur gert núna, drepist?

Ef hvað með Íra? Hvað geta þeir gert sjalfum sér til hjálpar? Ekkert, minn kæri lesandi, ekkert nema að drepast evrudauðanum. Nei, þetta er víst ekki alveg satt og rétt hjá mér. Írar geta nefnilega reynt að gera eitt. Takið vinsamlegast eftir orðinu "reynt". Þeir geta nefnilega reynt að fara þá leið sem Alþýðusamband Íslands er svo hrifið af. En hvað heitir þá þessi leið Gunnar? Jú hún heitir launaleiðin. Lækka launin væni minn, lækka laun og lækka laun. Þetta er ekki finnska leiðin og ekki sænska leiðin. Þetta er evruleiðin. Lækka laun og skera niður velferðarkerfið næstu 10 árin samfleytt. Eymd í boði Samfó og ASÍ í 10 ár.

Þrautargangan 

Opinberir starfsmenn í Lettlandi hafa til dæmis nú þegar samið um 25% launalækkun og enn meira er í vændum. Einkageirinn mun fylgja á eftir og allt verður skorið massíft niður.

Mannfjöldi Lettland 1992-2008 

Vandamál Letta er bara það að hagstofa Lettlands mun ekki ná að uppgötvað nógu fljótt að þjóðin er farin burt úr þessu landi sem gékk í Evrópusambandið eftir að kommúnistar níddu það niður. Þetta er Lettlandið sem vill fá evru sama hvað það kostar því þá er hægt að andast inni í evrulandi í lokin og láta evrulandið borga. Lettneska þjóðin mun nefnilega fara mikið til Norðurlandanna og þeir sem komast ekki með, gamlingjarnir, verða einir eftir. Því mun IMF og ríkisstjórn Lettlands sitja í sameiningu yfir hálf tómum efnahagsreikningum um alla næstu eilífð eftir aðeins örfá ár.

Fæðingartíðni Lettland 1970-2006 

Þetta veit ríkisstjórn Lettlands, nema náttúrlega að hún sé jafn vitlaus og Samfylkingin og ASÍ. Getur það hugsast? Nei, varla. Þess vegna hugsa ég að ríkisstjórn Lettlands viti að Lettland er búið að vera sem samfélag. Að það sé ekki hægt að snúa þróuninni við því hvar ættu þeir að sækja vinnuafl í framtíðinni? Engin börnin fæðast þar og þjóðinni fækkar svona mikið. Hver ætti að borga fyrir velferðina? Ég held því að ríkisstjórn Lettlands sé ekki eins vitlaus og Samfylkingin og ASÍ og að hún hugsi sem svo að "það er óhjákvæmilegt að Lettland muni hverfa af vettvangi heimsins sem þjóð og það er einnig óhjákvæmilegt að Evrópusambandið muni verða eitt ríki í framtíðinni". Tveir óhjákvæmilegir atburðir. Því sé best fyrir þjóðina að koma sér sem fyrst á miklu stærra elliheimili. Þessvegna er ríkisstjórnin viljug til að fórna öllu því litla sem hún hefur í höndunum núna til þess eins að taka upp myntina sem á að leiða þá algerlega og óafturkvæmt inn í Evrulandið. Svona munu Lettar komast í sameiginlegt efnahagslegt sjálfsmorð Evrópusambandsins og því sitja við sama borð þegar þrotabúið kemur til skiptana.

Launafrysting er annað er launalækkun 

Launalækkun er allt annað og þúsund sinnum erfiðari en t.d. sú launafrysting sem Þýskaland setti sér sjálft í Þýskalandi í samfleytt 10 ár (halló ASÍ), eða frá 1995-2005. Þjóðverjar fengu nefnilega ekki launahækkun í heil 10 ár og þetta bitnaði einnig á okkur hér í Danmörku ásamt fleiri nágrannaríkjum. Að frysta laun er allt annað en að lækka laun. En af hverju Gunnar? Jú vegna þess að þá fer fólkið bara. Það fer jafnhratt og það kom til dæmis til Írlands þegar Írar voru að byggja sér hurðarása um báðar axlir. Það er orðið jafn auðvelt að fara eins og að koma svo sjálft útstreymið og flóttinn mun einnig eiga sér stað það hratt að hagstofurnar munu ekki ná að festa tölur á minnkun vinnufals fyrir næsta fund í fjárlaganefnd þingsins.

Meira lesefni: Why Latvia Needs To Devalue Soon - A Reply To Christoph Rosenberg 

Rauðgula hættan á Íslandi 

Það hættulega sem er að gerast á Íslandi núna er það að til stóraukinna valda er kominn flokkur sem er svo innilega heimskur að það nálgast landráð í óvitaskap. Þarna á ég við Alþýðubandalagsflokkinn Samfylkinguna, sem núna er laus við það litla jarðsamband sem Sjálfstæðisflokkurinn reyndi að veita henni.

Ein af ástæðunum fyrir því að fólk á Íslandi eignast jafn mikið af börnum eins og Ameríkanar gera, samanborið við restina ef Evrópu, er sú staðreynd að Íslendingum finnst þeir vera öruggir á Íslandi. Öruggir í eigin fullvalda ríki. Þeir trúa á framtíð landsins. Ef þessi trú hverfur þá hverfur einnig þjóðin. Maður gæti því freistast til þess að álykta að Alþýðubandalagsflokksfylkingunni sé mjög annt um að koma Íslandi á hausinn því þá væri hægt að koma skríðandi til ESB og biðja þá um ímyndaða hjálp og innlimun og telja svo kjósendum á Íslandi trú um að Ísland þarfnist þessa. Allar gjörðir og ályktanir Samfylkingarinnar benda einmitt í þessa átt.

  • Skýr skilaboð frá ESB segir formaður og hleður því gagnrýnislaust tvöfaldri Versalaánauð upp á þjóðina til þess eins að tjónkast ESB krötunum
  • Forsætisráðherranum hótað öllu illu ef hann samþykkir ekki
  • Alþýðubandalagsflokksfylkingin var mesti stuðningsaðili glapræðisstefnu bankanna
  • Allir sem gagnrýndu voru gerðir að athlægi í upplýsingaveitu Sigga Samfó 
  • Hundrað ára mission impossible Samfylkingarinnar við að koma Íslandsvini númer eitt fyrir kattarnef, Davíð Oddssyni. Sama hvað það kostar
  • Vildu alveg endilega fá IMF til að setja Íslandi afarkosti svo hægt sé að hefja þrautargönguna strax
  • Vilja halda vöxtum háum til að venja fólkið við þrautargönguna svo Ísland megi í náinni framtíð fremja efnahagslegt sjálfsmorð með hinum krötunum inni í Evrópusambandinu

Getur þetta orðið verra?

Fyrri færsla

SA: Heimilin þola ekki skattahækkanir


SA: Heimilin þola ekki skattahækkanir

SVARTHOLIÐ

Heimilin þola ekki skattahækkanir

Þessi orð Vilhjálms Egilssonar formanns Samtaka Atvinnulífsins ættu að standa brennimerkt ofaní skrifborðsplötur allra stjórnmálamanna núna og á næstunni.

Skattahækkanir eru vísasta leiðin til að drepa hagavöxt. En hagvöxtur er einmitt það sem vantar núna. Þeir sem hafa gert lítið úr þýðingu þess að þjóðartekjur á hvern þegna skipti höfuðmáli þegar frammistaða hagkerfa er mæld, ættu að skoða fallið í þjóðartekjum með ferskum augum núna og minnast þess að eilífu að skattahækkanir drepa alltaf hagvöxt. Alltaf.

Það sama gerir einnig óhófleg útþensla hins opinbera því hún býr alltaf til of mörg léleg störf og of mörg léleg afleidd störf sem skila litlu öðru en kostnaði og ræna dýrmætum starfskröftum frá þeim atvinnugreinum sem skaffa peningana í kassann hjá hinu opinbera. Atvinnugreinar sem þurfa á þeim að halda þegar uppsveiflan er komin í gang og til að koma í veg fyrir þensluverðbólgu vegna launaskriðs þegar málin lagast aftur. Þá er ekki gott að allir vinni hjá ríki og bæ því þá hættir fjármögnun velferðarsamfélagsins að geta átt sér stað. Það þarf alltaf að muna það að stjórnmálamenn vita allra síst hvernig á að fara með peninga. Annars værum við öll rík, en svo er ekki.   

Vilhjálmur Egilsson, framkvæmdastjóri Samtaka atvinnulífsins, kallar eftir stefnu þeirra sem hyggjast mynda nýja ríkisstjórn og varar eindregið við því að hækka tekjuskatt einstaklinga meira en orðið er. „Þá er verið að veita fjölmörgum fjölskyldum náðarhöggið sem eru að berjast við það að standa í skilum,“ segir Vilhjálmur á síðu samtakanna en þar er vitnað til orða hans á báðum sjónvarpsstöðvunum við vegna stjórnarslita og myndunar nýrrar ríkisstjórnar.

 

Öll fréttin á AMX

SA: Heimilin þola ekki skattahækkanir 

Fyrri færsla:

Fjármagnsþurrð á evrusvæði. Ekki hjálpar evran Slóveníu 


Fjármagnsþurrð á evrusvæði. Ekki hjálpar evran Slóveníu

Slóvenía tók upp evru þann 1. janúar 2007.

Núna á þetta land í miklum erfiðleikum sökum fjármagnsþurrðar því enginn vill kaupa skuldir af ríkisstjórn Slóveníu. Þetta segja m.a. FT Deutschland og Forbes í dag. Ríkisstjórn Slóveníu hefur verið að reyna að afla fármagns til þess að geta fjármagnað björgunarpakka til handa efnahags landsins. Ætlunin var að afla eins miljarða evra sem átti að nota til þess að búa til efnahagslegan björgunarpakka. En engir kaupendur af skuldabréfum ríkisins hafa sýnt áhuga. Fjármálaráðherra Slóveníu varar nú við fjámagnsþurrð.

Svipað ástand er að myndast í mörgum smærri og stærri löndum myntbandalagsins.

Samkvæmt evruáhugamönnum er þetta það sem átti ekki að geta gerst ef maður væri í þessu myntbandalagi Evrópusambandsins.

Ef þú værir fjárfestir, myndir þú vilja fjárfesta í landi þar sem:

  • ríkið ræður engu um gjaldmiðil landsins
  • ríkið ræður engu um peningastjórn landsins
  • ríkið getur ekki fellt gengið og ræður engu um gengið
  • útflutningur bíður afhroð vegna þess að gengið er alltof hátt fyrir þig
  • lækka þarf laun almennings með handafli yfir mörg ár
  • ríkið er algerlega háð því hvernig gengur í Þýskalandi & Frakklandi og þar gengur næstum alltaf allt illa
  • ríkið er meðlimur í hnignandi efnahagskerfi sem vantar 194 milljón nýja utanaðkomandi þegna fyrir árið 2035 til þess eins að viðhalda núverandi velferð og vinnuafli hinna 15 eldri landa Evrópusambandsins
Umboð seðlabanka Evrópusambandsins 
 
Nei, það myndir þú ekki vilja. Það eru nefnilega til miklu betri fjárfestingakostir. Glitnir Banki skrifar því í dag um: Ágætlega heppnuð skuldabréfaútboð á Íslandi.
 
 
 
Barnaskapur Samfylkingar á Íslandi . . 
 
Sá stjórnmálaflokkur sem hefur eins miklar og stórar væntingar til stofnunar eins og Seðlabanka Íslands og peningastefnunnar eins og Samfylkingin hefur til Seðlabanka Íslands er að mínu mati óhæfur til að sitja í sjálfri ríkisstjórn Íslands. Allar breytingar á högum og innviðum Seðlabankans eru dæmdar til þess að valda gráti og vonbrigðum hjá Samfylkingunni og öllum landsmönnum einnig, því það er ekki hægt að lifa upp til svona óraunhæfra og barnalegra væntinga til svona stofnunar.  Þetta er skrípaleikur, þráhyggja og því skaðvaldur í íslenskum stjórnmálum núna. Samfylkingunni væri nú og sennilega í fyrsta skipti á stuttri æfi sinni hollt að huga að því hvað sjálfu Íslandi er fyrir bestu og ekki eingöngu hvað Samfylkingunni þóknast sem hið undirgrafandi pólitíska afl á Íslandi í núverandi aðstæðum. Að koma með svona barnalegar kröfur í miðju IMF-prógrammi er stórhættulegt fyrir landið og nálgast landráð. 
 
. . og höfnunarárátta varaformanns Sjálfstæðisflokksins bætir blýgráu ofaná rautt
 
Þorgerður Katrín Gunnarsdóttir sem er varaformaður Sjálfstæðisflokksins eins og er, hefur einnig látið alvarlega þráhyggju byrgja sér sýn á vandamál þjóðarinnar. Fyrst segir hún að bandarískir aðilar sem tjáðu sig um komandi efnahagsvandamál Íslands hefðu þurft á endurmenntun að halda snemma árs 2008. Seinna segir hún einnig - og þrátt fyrir stórkostlega aðkallandi vandamál þjóðarinnar - að hugmyndir um þjóðstjórn á Íslandi hafi verði tímaskekkja þá þegar í október mánuði:
 
Við erum með mjög samhenta ríkisstjórn sem er algjörlega einhuga í því að það þurfi að takast á við þessa stóru erfiðleika sem við stöndum frammi fyrir, sem eru náttúrlega gengi krónunnar og efnahagsmálin í heild. Það eru raunverulegu vandamálin, ekki það hvað seðlabankastjóri segir eða einhverjir forstjórar fyrirtækja. Við þurfum að tala saman, en ekki svara fyrir einhverjar svona hugmyndir sem koma innan úr embættismannakerfinu.“ 
 
Það má þó segja Þorgerði Katrínu til hróss að hún, öndvert við Samfylkinguna, skildi að embættismannakerfið er einmitt embættismannakerfi.
 
 
Fyrri færslur:

 


Allt ykkur sjálfum að kenna

Þýskalandi hrakar hratt

Fyrir tveim mánuðum spáði Alþjóða Gjaldeyrisjóðurinn (AGS) 0,8% samdrætti í þýska hagkerfinu fyrir árið 2009. Í gær gaf AGS hinsvegar úr nýja hagspá fyrir þýska hagkerfið. Í þessari nýju hagspá hafa væntingar AGS til Þýskalands fallið svo mikið að spáin hljóðar uppá 2,5% samdrátt fyrir 2009, með verulegri hættu á að samdrátturinn geti orðið enn verri og meiri. AGS spáir einnig í raun 0,0% hagvexti í Þýskalandi árið 2010. Á aðeins tveim mánuðum hafa væntingar AGS til þýska hagkerfisins fallið þrefalt. Í raun segir AGS með þessu að hagspár þýsku ríkisstjórnarinnar séu óraunhæfar og að kreppan verði dýpri og lengri en ríkisstjórnin gerir ráð fyrir. Þetta mun veðra mesti samdráttur í þjóðarframleiðslu Þýskalands frá lokum seinni heimsstyrjaldar. 

AGS segir einnig að hinar miklu áherslur þýska hagkerfisins á útflutning auki enn frekar hættuna á að þýska hagkerfið festi sig í hagvaxtargildru um langan tíma. Samkæmt tölum frá efnahagsmálaráðuneyti Þýsklands féll útflutningur um heil 10,6% frá október til nóvember og aftur um 10-11% frá nóvember til desember. Þetta er geigvænlegur samdráttur og margir bíða því með kvíða eftir næstu hagvaxtartölum frá Þýskalandi. 

Danmörku batnar ekki

Þessa dagana fara fram umræður í þingheimi Danmerkur um hugsanlega upptöku evru. Í því sambandi eru sjónarmið stjórnmálaflokka og atvinnulífs rædd. Í gær lét aðalbankastjóri eins stærsta banka Danmerkur í ljós álit sitt á þessu hugðarmálefni forsætisráðherrans, Anders Fogh Rassmusen. Það var bankastjóri Jyske Bank, Anders Dam. En Jyske Bank er einn stærsti banki Danmerkur og er greiningadeild hans á sviði gjaldeyrisviðskipta talin ein sú besta hér í landi. Það lá við að Anders Dam froðufelldi af bræði þegar honum var boðið að tjá sig um málið. Samkvæmt dagblaðinu Jyllands Posten sagði Anders Dam eftirfarandi um evrumál forsætisráðherrans:

"Ríkisstjórnin hefur sjálf bruggað þá súpu sem hefur ýtt dönskum bönkum út í þá krísu sem þeir eru í núna. Fjármálaráðherrann (Lene Espersen) kom svo og gerði ástandið ennþá verra en orðið var með því að lýsa því fyrirfram yfir að danskir bankar skyldu ekki eiga von á neinni aðstoð frá danska ríkinu. Þar með býr hún sjálf til blöðruna sem svo springur þegar kreppan skellur á fyrir alvöru. Svo segir ráðherrann eftir á að þetta sé allt bönkunum að kenna. Það er mjög þægilegt að geta komið með svona predikun", hvæsti Anders Dam á eftir ríkisstjórninni".

Anders Christian Dam

Hann heldur áfram og segir: "skattastoppið og afborgunarlaus húsnæðislán sem ríkisstjórnin ber ábyrgð á leiddi til útlánabólu sem er hið eitraða hanastél ríkisstjórnarinnar sjálfrar. Þetta er beinlínis hægt að rekja til ríkisstjórnarinnar sjálfar. Svo komið þið með þennan fáránlega hjálparpakka til bankanna. Af einhverjum óskiljanlegum ástæðum kallar ríkisstjórnin þetta fyrir hjálparpakka. Ég hef aldrei heyrt um hjálparpakka þar sem maður byrjar á því að innheimta 35 milljarða danskar krónur af bönkunum fyrst og segir síðan við þá, nú skulum við koma og hjálpa þér. Hvernær hefði stærsti flokkur ríkisstjórnarinnar sem alltaf hefur verið landbúnaðarflokkur komið svona fram við sjálfan landbúnaðinn?"

Allt ykkur sjálfum að kenna

Anders Dam heldur enn áfram og segir: "Ég hélt satt að segja að ég væri statisti í bíómynd þegar ég í gegnum fjölmiðla sé forsætisráðherrann koma í þessa fjölmiðla og segja við þjóðina "þarna getið þið séð hvað það kostar að vera ekki með í evru". En svona er hið pólitíska spil. Þar er tekið mið af hér og nú aðstæðum án þess að gera sér það ómak að rannsaka ástæðurnar fyrir því hvernig stendur á því að málin eru komin í þessar ógöngur. Það er eingöngu vegna stefnu ríkisstjórnarinnar sjálfrar að seðlabankinn neyddist til að hækka vexina. Þetta er ykkur að kenna frá upphafi til enda".

Söludeild verkefnastjórnarinnar

Núna á sem sagt að reyna, eina ferðina enn, að selja Dönum evrur með því að höfða til ótta augnabliksins. Já kjósa aftur og aftur. Ef það kemur ekki rétt út úr þá kýs maður auðvitað aftur. Svo koma fjölmiðlar oft og "hjálpa" til við verkefnið. Þannig fór einnig hér í Danmörku. En danska ríkisútvarpið þurfti þó að éta ofaní sig villandi útreikninga um að húsnæðislán væru ódýrari ef Danmörk væri með evru. Útreikningar sjónvarpsins náðu aðeins til eins árs. Enginn tekur húsnæðislán til eins árs. En í mörg ár hafa vextir verið lægri í Danmörku en á evrusvæði. Bara akkúrat ekki á meðan útreikningar sjónvarpsmanna fóru fram.

Kæri lesandi. Ert þú borgaralega þenkjandi?

Skyldir þú vera í vafa um hvort þú ert borgaralega sinnaður eða ekki, hugsaðu þá bara smástund um Evrópusambandið. Ef það streyma um þig heitir straumar við tilhugsunina um hið yfirríkislega bákn sem á heima í heimsins ljótasta bæ, þá ertu sennilega ekki borgaralegur, heldur ertu líklega sósíalisti eða sósíaldemókrati. Þetta er náttúrlega ekki sjúkdómur og heldur ekki ólöglegt, en gengur þó sem betur fer oftast yfir með aldrinum, nema í fáum undantekningartilfellum. Þetta er því miður ekki al slæmt fyrir þig því margir sósíalistar hafa mikil og afgerandi áhrif á samfélagið, samfélaginu sjálfu til mikils skaða. Sem dæmi má nefna suma stjórnmálamenn, blaðamenn, háskólamenntaða menn, kennara, uppeldisfræðinga, listamenn o.s.f.v. sem vilja ala Evrópu upp á ný í eitt skipti fyrir öll. En fáir þú hinsvegar höfuðverk, ógleðitilfinningu, fyllist efasemdum og haldir fyrir nefið og augun við tilhugsunina um fýluna frá endlausum nýjum lögum og reglugerðum sem eru framleiddar á sjálfvirku erlendu færibandi í aðalstöðvum Evrópusambandsins - og sem eiga eftir að verða lögin og reglurnar fyrir þig - eða við tilhugsunina um þá beturvitandi massamargmiðlun sem fossar út úr 170.000 manna her embættismanna heimsveldis ESB, já þá ertu sennilega borgaralega innstilltur eða jafnvel með snert af frjáls- og frelsishyggju innbyggða í þinn persónuleika. En bíddu aðeins með að rústa einhverju í þínu nánasta umhverfi þegar þú lest þessi orð mín kæri lesandi, þetta eru ekki allt saman mín orð. Mörg þeirra eru sótt hingað hjá sagnfræðingnum Mikael Jalving hér: EU på kvalmegrænsen. Þetta er ekkert nýtt. 

Hausinn í sandinum á Íslandi 

Að vera að ræða um Evrópusambandið í þeim aðstæðum sem eru ráðandi núna á Íslandi er sú ömurlegasta skemmdarverkastjórnmálastarfsemi sem hægt er að hugsa sér, enda er það einkennandi fyrir þetta fyrirbæri sem nefnist Evrópusambandið að það hagnast alltaf á óförum annarra því það er alltaf notað sem verkfæri óttans þegar eldur brennur undir þjóðum og þegar þegnarnir missa trú sína á lýðræðislega kjörinni forystu landanna og stofnana lýðræðis þeirra. Að hafa svona óttaverkfæri til umráða til að grafa undan undirstöðum þjóðfélaganna er því mikil óskastaða fyrir verkefnastjórana í Evrópusambandinu. Já verkefna-stjórana. Það er því dapurlegt að Sjálfstæðisflokkurinn skuli hafa látið hálfpartinn þvinga sig til yfirhöfuð að ræða þessi mál núna. Þetta er svipað og að stinga hausnum í sandinn og vona að veðrið verði bara gott þegar hann verður dreginn upp úr svaðinu aftur. Evrópusambandið mun ekkert geta gert fyrir Ísland. Það myndi einungis gera öll mál ennþá erfiðari fyrir alla þegna Íslands og krefjast þess að altlaga yrði gerð að velferð allra Íslendinga. Þetta er eins öruggt og að sólin kemur aftur upp á morgun.

Þessvegna er það einnig ákaflega dapurlegt að Morgunblaðið sé að missa sitt gamla góða jarðsamband við Ísland. Sambandið við jörðina sem er ættjörðin okkar. Morgunblaðið er nefnilega rekið eins og verkefni og því stýrt af verkefnastjóra eins og er. 

En hið ótrúlega virðist samt ennþá vera að gerast á Íslandi því nú hafa landsmenn bráðum horft í heil 5 ár uppá aðfarir 32_sammála_hagfræðinga um hve mikið þeir glöddust yfir því í heil 5 ár að ofurölvaður fjármálageiri Ísland hoppaði stanslaust á og nýddi niður gjaldmiðilinn okkar, íslensku krónuna. Hefur einhver séð 32 sammála hagfræðinga áður? Nei það hefur enginn. En gróft sagt þá eru hagfræðingar aldrei sammála um neitt enda eiga þeir ekki að vera það því það er ekki hægt. Alltaf þegar maður heyrir um að svona menn séu sammála eða að það ríki svokallaður "vísindalegur consensus" innan fræðigreinar sem er samfélagsfræðigrein, og ekki eðlis- jarð- eða veðurfræði, þá veit maður að það er um verkefni að ræða.

Verkefnið & verkefnastjórarnir

Eilífðarverkefnið

En ESB verkefnið stoppar aldrei og því er aldrei hægt að njóta neinna ávaxta þess því um leið og verkefnið stoppar þá þarf að fara út í það að vinda ofan af skuldabréfavafningum verkefnastjóra Evrópusambandsins, því öll þau skref sem Evrópusambandið hefur tekið byggja alltaf á þeirri forsendu að þau séu háð því að næstu skref séu einnig tekin. Á Þann hátt er þegnunum haldið í verkefninu. Verkefnastjórarnir sjá alltaf til þess að verkefnið endi aldrei því þá þorna fjárveitingarnar upp og þeir eiga á hættu að missa vinnuna við verkefnið.

Maður skyldi þó ætla að þetta verkefni hefði skilað þeim árangri að þeir þegnar sem Evrópusambandið langar svo mikið til að stjórna og ala upp á ný - og undir nýjum formmerkjum um nýtt og einhlýtt þjóðareinkenni, sem auðvitað er ekki til ennþá - hefðu orðið varir við þann framgang sem Evrópusambandið er alltaf að skála fyrir niðri í Ljótabæ. Að þegnarnir hefðu því brugðist við öllum framförunum og farið út í það að njóta nú loksins ávaxtanna með því að leggja grunninn að eigin hamingju með því að stofna til heimilis og eignast börn og buru sjálfum sér og samfélaginu til heilla og ávinnings. En nei svo er aldeilis ekki. Í staðinn - og alveg í takt við aukna stærð verkefnisins - þá gera þegnarnir lítið annað en að vinna hörðum höndum að því að útrýma því samfélagi sem Evrópusambandið er að búa til fyrir þá. Þeir fjölga sér nefnilega ekki. Þeir megna ekki einu sinni að standa stað, samfélagslega séð. Nei. En hvað gera þeir þá? Jú þeir fara út í það að útrýma því samfélagi sem evrópusambandið bjó til fyrir þá! En hvurnig má þetta vera? Er þetta svar þegnana við verkefnastjórn Evrópusambandsins? Að útrýma þjóðfélögunum með því að neita að eignast þau afkvæmi sem ættu að bera uppi framtíð þessa sambands? Á að henda þessari grús í grjótmulningsvél sambandsins? Já kanski er þetta svar þegnana. Það vantar nefnilega um 200 milljón nýja einstaklinga í Evrópusambandinu til þess að viðhalda núverandi vinnuafli og velmegun. Vantar þá fyrir árið 2035 og þeir þurfa að koma utanfrá.

En þetta gildir bara alls ekki um okkar kæra Ísland. Þetta er ekki staðan á Íslandi meðal annars vegna þess að sjálfstæði og fullveldi er einnig hugarástand sem leiðir af sér sjálfsbjargarhvöt og sjálfsbjargarviðleitni sem mun tryggja áframhald þjóðfélags okkar.

Evrópusambandið er ekki neitt annað en verkefni og því stýra hinir svokölluðu verkefnastjórar verkefnanna.

Mikið er í steik í Evrópusambandinu núna og fer versnandi með hverjum deginum sem líður. Ef einhverntíma hefur verið dregin röng ályktun um jafn örlagaríkt mál og um stöðu Íslands á meðal þjóðanna, þá er það þessi vitsmunalega ESB villa sem mun alltaf standa efst á blaði allrar sögu Íslands um mistök þjóðarinnar, ef af verður. 

Ömurleg tíðindi berast frá Íslandi

Geir H. Haarde

Þær fréttir hafa borist í dag að forsætisráðherra Íslands, Geir H. Haarde, sé veikur. Þetta þykir mér ákaflega miður að heyra. Ég sendi hér með Geir og fjölskyldu hans mínar bestu og hlýjustu kveðjur með óskum um að hann nái fullum bata. Það er búið að vera mikið og þungt álag á forsætisráðherranum undanfarna marga mánuði. Oft var sárt að horfa uppá það ömurlega hlutverk sem að honum var rétt við það að þrífa upp stubbana eftir svall fjármálageirans. Þetta var sérstaklega erfitt fyrir hinn fyrrverandi fjármálaráðherra Geir H. Haarde, sem hafði staðið fyrir því að Ísland var orðið skuldlaust sem sjálfstætt ríki

Fyrri færsla

Forsíða 


Angela Merkel fer á dráttarvélanámskeið

Andlitið á efnahagsmálaráðherra Þýskalands er ekki eins skemmtilega harðlínulegt í dag og andlitin eru á harðlínuritstjórn verkefnatímarits Evrópusambandsins á Íslandi, Morgunblaðinu. Eins mikið og andlitin á ritstjórn Morgunblaðsins eru frosin föst á meðan esb-svipan er miskunarlaust látin keyra á bök allra óttasleginna Íslendinga - og engum til gæfu nema einum - þá er Morgunblaðið, alveg eins og ESB, alveg búið að steingleyma að það er til heimur fyrir utan einmitt þetta vesæla efnahagslega öryrkjabandalag Evrópu, EÖE. Ritstjórn Morgunblaðsins er clueless á flest í sambandi við Evrópusambandið og framtíð þess og því verulega hættuleg sjálfstæði og hinu þjóðlega fullveldi Íslands eins og er. En kanski breytist þetta aftur ef ritstjórnin skyldi fara að hugsa um þjóðarhag allra Íslendinga aftur, með vissri viðkomu í raunverulekanum.

En eins og er - verð ég að játa - þá er hávertíð fyrir Evrópusambandið því það getur einungis vaxið og nærst í óttaástandi og á vesæld annarra. Þetta ber að hafa í huga þegar skoðuð eru þau ríki sem hafa gengið í ESB undanfarin 20 ár eða svo. Þau voru nefnilega öll gjaldþrota nema þrjú - og voru öll að flýta sér burt frá rústum fyrirrennara ESB og sem nú er að stórum hluta til gengið í Evrópusambandið sjálft. Já, gamla Sovét gékk í ESB.

Beðið eftir Bandaríkjunum: Kafli I 

En andlitið á efnahagsmálaráðherra Þýskalands hrundi því miður í gær er hagvaxtarspá hans breyttist úr von í lömun og ótta. Núna er hann - og með góðri aðstoð herra fjármálaráðherra- og klodsmajor Peer Steinbrück - komin niður í MÍNUS 2.5% hagvöxt fyrir árið 2009. Þetta endar náttúrlega á MÍNUS 4% eins og Deutshe Bank segir og kanski jafnvel á mínus 5-6% eins og ég óttast sjálfur.

Bedid_eftir_BNA1

Angela Merkel má því miður ekki vera að þessu því hún er núna á dráttarvélanámskeiði að læra hvernig maður plægir eina trilljón evrur af skuldum niður í jörðina - jörðina sem hún hélt að hún ætti - og helst án þess að nokkur taki eftir því. Þýskir bankar munu nefnilega bráðum koma með 100.000 trukka og sturta þessu hlassi niður á blettinn hennar.

Það er nefnilega komið í ljós að hagkerfi Þýskalands er gallað. Það inniheldur ekki sjálft lengur neina þá hvata sem geta hugsanlega leitt til hagvaxtar í nútíð og framtíð. Það er nefnilega orðið að elliheimili því á þessu ári verður helmingur allra kjósenda í Þýskalandi orðnir sextugir þegar þeir þurfa að kjósa hana Angelu aftur. Ekki sexytugir heldur sextugir. Hún Angela veit einnig að hin 15 gömlu lönd Evrópusambandsins vantar um það bil 194 miljón nýja skattborgara fyrir árið 2035 til þess eins að viðhalda núverandi og vanmáttuga vinnuafli sambandsins. Og það sem verra er þá þurfa þessar 194 milljón manns að koma utanfrá. Semsagt, koma frá öðrum löndum en þó helst frá öðrum hnöttum. Vandamálið er nefnilega einnig það að enginn vill búa í Evrópusambandinu lengur því hnignunin er svo mikil og hröð. Innfæddir flýja því sum löndin sín og neita að eignast afkvæmi þar. Þeir vilja nefnilega eiga von um betri framtíð á bjartari stað.

Það er því ekki von að Ítalir láti sitt eftir liggja í hnignunarferli Evrópusambandsins fyrst Þjóðverjar sjálfir hafa ekki lengur trú á framtíð lands síns. Þjóðverjar eiga jú að vera eimreiðin sem allt snýst um í Evrópusambandinu. Ítalir munu fara létt með þetta og tekst því á aðeins 27 árum að hækka meðalaldur þjóðar sinnar um heil 10 ár, frá árinu 1992 til 2020. Þetta tekst svona hratt og vel vegna þess að konur á Ítalíu eignast engin börnin.

italy_median_age 

Beðið eftir Bandaríkjunum: Kafli II  

Núna er því beðið eftir Bandaríkjunum. Beðið eftir að Bandaríkin dragi hið máttlausa og aflvana elliheimili Evrópusambandsins í gang aftur. En biðin verður löng. Þetta veit Angela Merkel mjög vel og því verður ekkert aðhafst til að koma í veg fyrir eitt né neitt í Þýskalandi. En af hverju ekki? Jú, Angela Merkel veit og hefur sagt að kynslóða-breytingaáföllin munu hefjast fyrir alvöru um miðjan þennan áratug. Það er einfaldlega ekki hægt að stofna til nýrra skulda því það mun ekki verða neinn til að borga þær í framtíðinni. Það verða svo fáir skattgreiðendur í Þýskalandi sem geta staðið undir stórauknum skuldum því hvaðan ættu þeir að koma? Það fæðast nefnilega svo alltof fá börn í Þýskalandi og hafa gert lengi. Ef skuldir þjóðarinnar verða auknar stórlega þá munu allir skattgreiðendur framtíðarinnar, börn Þjóðverja, neita að starfa og þéna peninga í þeirri skattpínungu sem þá yðri að vera þar.

Beðið eftir Bandaríkjunum: Kafli III  

Því verður bara beiðið. Já - beðið eftir kraftaverki að vestan. Allur sá smávegis framgangur sem var í þýska hagkerfinu á síðastliðnum 3 árum, eftir alkul í heilan áratug, varð vegna bólu á frármála og húsnæðismörkuðum Bretlands, Spánar og Austur Evrópu.

Nú er því bara að bíða og bíða. Bíða eftir Bandaríkjamönnum. Þetta veit Mogginn bara ekki ennþá. En einusinni vissi hann þetta þó. En það var bara áður en óhappið gerðist.  

Tengt efni

The second Great Depression að hefjast í Evrópusambandinu

Forsíða þessa bloggs 


Írland á leið í gjaldþrot með evrur? EUROBUST H/F Group

Kaldar staðreyndir um það hvernig Írland getur orðið verra en Ísland innan í evru

Írski hagfræðingurinn, seðlabankamaðurinn og rithöfundurinn David Mc Williams, er ekki einn af hinum þekktu þrjátíu og tveimur og sammála íslensku hagfræðingum sem hinn hagfræðingurinn, Charles Wyplosz, gerði að athlægi og dufti á 20 línum (eða svo) í nýlegri útgáfu verkefnatímarits Evrópusambandsins á Íslandi, Morgunblaðinu.

Could the unthinkable come to pass here? Could Ireland default on its sovereign debt? The answer is yes. Such a disaster is now quite possible. In the same way as a family can end up losing the house, the car, everything, a country, too, can fail to make its repayments. At the moment, such thoughts are heresy; but so, too, was questioning the property boom a mere four or five years ago.
Back in 2003 or 2004 when people questioned the property boom and its driver, the debt splurge by the bankers, we were ridiculed and dismissed. We were labelled mavericks. We were told that it was “dangerous” to even suggest such things because we might “talk down the economy”.
I remember being labelled “unpatriotic” by a politician in 2004 following an appearance on ‘Prime Time’ when I described the property market as a “scam” operated by “an unholy alliance of bankers and property developers”.

 

EUROBUST P

Þessi írski hagfræðingur, hann David Mc Williams, telur að Írar verði að gera ráð fyrir því að verða gjaldþrota sem ríki innan í evrusvæðinu vegna þess að írskir bankar hafa hagað sér eins og kálfar sem komust í kraftfóður. Þeir sem hafa prófað að gefa kálfum fóðurblöndu úr fötu vita hvernig gusugangurinn er. Það skvettist og slettist út um allt og fatan fer stundum á hvolf og innihaldið sullast þvergörðum. Svona slettust peningarnir einnig út úr íslenskum bönkum til íslenskra útrásarmanna út um næstum alla Evrópu. Frá hægri til vinstri tóku íslenskir bankar ódýrt lánsfé frá evrusvæði og eyddu því í að reyna að fylla upp hafið á milli Evrópu og Íslands með myntpeningum. En það tókst ekki og nú er allt sokkið í sæinn handan við bæinn. Allt horfið og hafið spegilslétt aftur. Það tók ekki einusinni eftir þessu. Já hafið er þakklátt.

EUROBUST I 

Svipað gerðist einnig á Írlandi á undanförnum árum. Á Írlandi eru peningarnir hinsvegar steyptir fastir innan í múrsteinum sem enginn vill eiga og því standa núna um 300.000 tómar íbúðir og grotna niður. Það er búið að fylla á tóma peningatanka bankanna á Írlandi einu sinni og nú vantar meira. Aftur er komið gat í gólfið og sjórinn fossar inn undir ríkiskassann. Ríkiskassinn er að reyna að fylla á tóma tankana aftur en það gengur erfiðlega því Írska ríkið þarf að bjóða miklu hærri ávöxtun á þeim ríkisskuldabréfum sem prentsmiðja írska ríkisins er að reyna að prenta þarna í kjallaranum undir ríkiskassanum. Þessi bréf á nú að reyna að selja til fjárfesta, en þeir eru orðnir verulega tortryggnir því pappírinn er orðinn svo blautur. AGS í írsku dyragættinni?

EUROBUST I 

Núna segir sem sagt David Mc Williams að Írar verði að undirbúa sig undir það sem átti ekki að geta gerst þegar sérfræðingar myntbandalags ESB hönnuðu meistaraverkið. Þetta meistaraverk sem er búið að kosta Evrópusambandið getuna til hagvaxtar. Sérfræðingarnir gleymdu nefnilega að gera ráð fyrir að einkageirinn í myntbandalaginu gæti smyglað því sem á mannamáli er kallað lánsfjáráhætta (credit risk) yfir á ríkissjóði evrrulanda og gera úr því nýja vöru sem heitir gjaldþrotaáhætta ríkissjóða (sovereign default risk). Ekki veit ég hvað sérfræðingurinn Charles Wyplosz segir við hönnunargöllum þess bandalags sem er alltaf meira og meira er að líkjast hinu efnahagslega öryrkjabandalagi Evrópu, EÖE. 

EUROBUST G 

En þetta hefur sem sagt gerst núna. Áhættumistök bankanna eru orðin að gjaldþrotaáhættu ríkissjóðs Írlands. Mynt Írlands reyndist Írum ónýt því hún getur ekki gert það sem myntir eiga að gera undir svona kringumstæðum - FALLA og auka samkeppnishæfileka útflutnings til þess að halda uppi atvinnu og áframhaldandi skattatekjum ríkissjóðs svo hægt sé að borga og borga! Borga og borga. Seðlabanki Írlands er nefnilega ekki á Írlandi og þjónar heldur ekki Írlandi og myntin er heldur ekki írsk og þjónar heldur ekki þegnum Írlands. Þið vitið, þeim þegnum sem núna eiga að borga brúsann. Nei, núna þarf að lækka laun með handafli, skera niður ríkið og skera undan hagvexti því gengi myntarinnar er svo alltof alltof hátt miðað við allt á Írlandi. Svo annaðhvort þurfa Írar að taka þetta út í gjaldþroti ríkisins eða í 25 ára massífu atvinnuleysi og fólksflótta frá Írlandi. Þetta verður svo kórónað með mssífum skattahækkunum og flótta fyrirtækja. Þeir hafa jú reynsluna Írarnir í því að flýja landið sitt.

EUROBUST S 

Þetta var sagan um galdrapappírinn evru. Lesið allan pistilinn hans David Mc Williams hér: Cold facts of how we could be ‘Iceland inside the euro

PS: Það er alger óþarfi fyrir verkefnaritstjóra EÖE á Íslandi að lesa þessa grein David Mc Williams því þeir eru hvort sem er frelsaðir um alla eilífð og því ekki í sambandi við raunveruleikann. Því bendi ég þeim á að syngja áfram lagið EUROKLANG

 

|_________________EURO KLANG______________|. í físmoll

| ___________así___ruv______sam_fylkz____._a,__|  Und einen evra

| _______a_._______a_______aj#0s_____aWY!400._ | EU faðmi við öll

| __ad#7!!*P____a.d#0a____#!-_#0i___.#!__W#0#___ | und Heidi Boroso

| _j#'_.00#,___4#dP_"#,__j#,__0#Wi___*00P!_"#L,___ | in Euro himmel

| _"#ga#9!01___"#01__40,_"4Lj#!_4#g_________"01_ | Brussel wunderland

| ________"#,___*@`__-N#____`___-!^___________ | kommen sie morgen

 91356 | _________#1____sviða kjammar?__nein____| und bifröst voila

tralla tralla la la: 

: : Viðlagið er úr Wiðlagazjóð ESB. Textahöfundur er vel þekktur fræðimaður 

Hugleiðing dagsins

Eru Kínverjar hugsanlega að undirbúa massífa gengisfellingu? Ég spyr því samkvæmt heimildum þá kostar orðið nánast ekki neitt að flytja vörur frá Kína til Evrópu og Ameríku. Allt stopp: Asia-Europe Shipping Rates Drop to Zero  

Fyrri færsla:

Tengt efni 

Tilkynning frá írska fjármálaráðuneytinu

The second Great Depression að hefjast í Evrópusambandinu

Hin Seinni Stóra Heimskreppa að hefjast í Evrópusambandinu?

Greining Glitnis greinir frá því í dag að Alþjóða Gjaldeyrissjóðurinn (AGS) vanti fjármuni í áframhaldandi aðstoð við ríki Jarðar og þá einkum til aðstoðar við hin svokölluðu nýmarkaðslönd.

En það sem er umhugsunarvert í góðum pósti Glitnis í dag er að miklir fjármunir sjóðsins hafa farið í að hjálpa löndum í Evrópusambandinu og nágranna þess Úkraínu.

Hjálp  

Það eru ekki allir sem gera sér grein fyrir því hvaða erfiðu ástæður liggja á bakvið þessar lánveitingar. En í sundurliðun Glitnis segir að stærsta fjárveitingin hafi farið til Úkraínu. Sundurliðun:

  • Úkraína fékk 16,4 miljarða dala frá AGS
  • Evrópusambandsríkið Ungverjaland fékk 15,,7 miljarða dala frá AGS
  • Evrópusambandsríkið Lettland fékk 1,7 miljarða dala frá AGS
  • Serbía fékk 518 miljónir dala frá AGS

En hvað er það sem meðal annars er svona erfitt í Úkraínu? Jú ein af ástæðunum fyrir stórkostlegum vandamálum Úkraínu - og allra landa Austur Evrópu, sem flest eru nú komin inn í Evrópusambandið - er sú að fólkinu fækkar og þá sérstaklega ungu fólki. Þetta er einnig sú þróun sem er vel á veg komin í eldri og stærri löndum Evrópusambandsins. Þar er þróunin bara ekki komin á sama stig og í Austur Evrópu, ekki ennþá.

Fæðingar og dauðsföll í Úkraínu 

Mynd: fæðingar og dauðsföll í Úkraínu 

Árið 1989 fæddust 700.000 börn í Úkraínu en tíu árum seinna eða árið 1998 fæddust einungis 400.000 börn í Úkraínu. Þetta er 40% fækkun fæðinga á aðeins 10 árum! Þetta þýðir að á næsta ári munu um 650.000 18 ára ungmenni hugsanlega geta bæst við við vinnuafl Úkraínu. Menn geta svo ímyndað sér hvaða áhrif þessi fækkun barnseigna hefur á samfélag Úkraínu og á alla eftirspurn eftir vörum, þjónustu og fjárfestingum sem alltaf fylgja nýju ungu fólki sem er að stofna heimili, börn og buru.

Fólksfjöldi í Úkraínu 

Mynd: fólksfjöldi í Úkraínu  

En það sem er öllu og miklu verra er það að árið 2016 mun Úkraína aðeins fá um 400.000 nýja einstaklinga til starfa á vinnumarkaði sínum. Þá mun atvinnuleysi að sjálfsögðu minnka á pappírnum en samfélagsvélin mun samt verða orðin svo aflvana að hún mun ekki geta dregið hlassið með öllum þeim sem sitja í lestinni fyrir aftan eimreiðina og bíða eftir því að greiðslur berist fyrir farmiðanum frá hinu opinbera. Skattatekjur munu verða af svo skornum skammti, því hver á að vinna þá vinnu sem á að skila skattatekjunum og hver vill fjárfesta í nýjum atvinnurekstri í landi sem er á leiðinni til að útrýma sjálfu sér. Einnig vilja erlendir aðflytjendur síður flytja og búsetja sig í löndum sem eru að staðna eða útrýma velmegun á þennan hátt. Þetta er einnig sú þróun sem við erum byrjuð að sjá hinum gamla - og að því er virðist - lífsþreytta kjarna hinna eldri landa Evrópusambandsins.

Fæðingartíðni í Úkraínu

Mynd: fæðingartíðni í Úkraínu - til að samfélag geti viðhaldið sér sjálft þá þarf hver kona að meðaltali að eingast a.m.k. tvö börn á æfi sinni.

 

Það er meðal annars vegna þessa sem ég álít að Evrópusambandið sé að fara á hausinn því aðeins fáir munu vilja fjárfesta þar í framtíðinni, því hvar á að sækja vinnuafl sem vill láta féfletta sig í skattpíningar-paradís sem þar verður að vera því það þarf jú að fjármagna rekstur hinnar ofurstóru og peningaþyrstu opinberu eimreiðar samfélagsins. Atvinnuþátttaka er hneyksli í flestum löndum Evrópusambandsins einmitt nú þegar. En þetta á aðeins eftir að versna. 

En hverjir eiga peninga í klemmu í Austur Evrópu? Jú að sjálfsögðu bankakerfi Evrópusambandsins! Þessir peningar munu brenna stór göt í vasa hluthafa í stærstu bökum Evrópusambandslanda. Ríkið hvar ertu? 

Líkur lífslengdar í Úkraínu - aldur

Mynd: Líkur æfilengdar í Úkraínu, ár 

Íslenska V8 aflvélin 

Það er því ekki undarlegt að sendinefnd AGS til Íslands segi að Ísland muni ná sér hratt aftur því hin öfluga V8 strokka aflvél íslenska samfélagsins, sem er algerlega einstök, mun geta þénað hratt inn það sem tapast hefur því þegar 83 af hverjum 100 þéna peninga og leggja inn í bú þjóðarframleiðslunnar, þá munu þeir miklu hraðar geta náð tökum á erfiðri aðstöðu heldur en í samfélögum þar sem aðeins 56 af hverjum 100 vinna og þéna peninga. Svo einfalt er þetta.

Eurosclerosis 

Ef þegnar Evrópusambandsins eru svona ákafir í að útrýma sér sjálfir þá meiga þeir það mín vegna. Allt í lagi. En það er alveg ástæðulaust að Ísland smitist af þessum samfélagssjúkdómi sem ber nafnið Eurosclerosis. Hvorki Ísland né Bandaríkin eiga við þennan sjúkdóm útrýmingarþráhyggju að stríða. Þess vegna munu bæði þessi lönd halda áfram að spretta hröðu spori fram úr efnahag Evrópusambandsins, eins og þau eru einmitt alltaf að gera, ár fyrir ár. Þess vegna er einnig hægt að halda gulrótinni ferskari á Íslandi og í Bandaríkjunum því skattar þegnana þurfa ekki að nálgast 60.000 feta lofthæðir til að standa undir fitusprengdum rekstri eimreiðar hins opinbera og sjúka áætlunarbúskapar í ESB.

Allir góðir bændur vita að hugsi þeir ekki fyrir framtíðinni með því að sá það miklu að þeir eigi útsæði afgangs til að getað sáð vel fyrir næstu uppskeru á næsta ári, að þá verður einmitt lítil sem engin næsta uppskera og hungrið mun sverfa að.

Brussel 

Það er því ekki að ástæðulausu að hagvöxtur Evrópusambandsmanna er alltaf að verða lélegri og lélegri í takt við að áhrif eyðingarafla Evrópu aukast. En eyðingaröflin, Eurosclerosis, eru með aðalstöðvar sínar í borginni Brussel sem er bær í Belgíu og staðsett á meginlandi Evrópu. Það er þar sem tilraunastofan með öllum sýklunum er staðsett. 

Uppfært (13. janúar 2009)

Kæru lesendur. Einn lesenda þessa bloggs skrifaði athugasemd við þennan pistil. Hana má lesa í athugasemdum sem fylgja pistlinum hér að neðan. Lesandinn setti útá að ég tengdi málefni Úkraínu við málefni Evrópusambandsins. En eins og ég skrifaði í fyrstu línum þessa pistils þá hafa fjármunir AGS farið í að hjálpa löndum í Evrópusambandinu og nágranna þess Úkraínu. En ég birti ekki sambærilegar myndir/tölur/upplýsingar um öll lönd Evrópusambandsins. Hér með bæti ég úr þessu með því að bæta inn eftirfarandi fjórum næstu myndum sem sýna vandamálið í hnotskurn. Seinna mun ég koma með sundurliðað og nákvæmt yfirlit yfir öll lönd Evrópusambandsins. Þetta er alvarlegt mál fyrir framtíð Evrópusambandsins og er kanski best lýst með eftirfarandi tveim myndum:

folksfjoldaspaEU_001 

 Mynd: Spá um þróun fólksfjölda í Evrópusambandinu fram til ársins 2060 

 

folksfjoldaspaEUx002 

Mynd: Atvinnuþáttaka kvenna og fæðingartíðni í löndum Evrópusambandsins og hinsvegar á Íslandi. Ísland sker sig alveg gersamlega út úr myndinni

 

germany_feritily

Mynd: fæðingartíðni í Þýskalandi, stærsta landi evrusvæðis, frá 1970

 

einkaneysla_thyskaland

Mynd: þróun einkaneyslu í Þýskalandi frá 1971 

 

Mikilvægasta náttúruauðlind Evrópusambandsins í útrýmingarhættu. Fólkið sjálft. 

Cesifo hugveitan hélt ráðstefnu um fólksfækkunarvandamál Evrópusambandsins í München í Þýskalandi árið 2007. Samkæmt fyrirlestri prófessor Hans Werner Sinn þá vantar hin 15 gömlu lönd Evrópusambandsins 194 milljón innflytjendur fram til ársins 2035, til þess eins að viðhalda núverandi vinnuafli, sem þó er orðið frekar lítilfjörlegt og vesælt fyrir.Samkvæmt útreikningum Sameinuðu Þjóðanna þá er þessi tala miklu miklu hærri. Hún er svo há að ég þori ekki að nefna hana hér. Hvernig halda menn að hagvöxtur verði í svona Evrópusambandi? Hangvöxtur á evrusvæðinu hin síðastliðin 14 ár er næstum sá allra lélegasti í OECD - og ekki verður hann betri í framtíðinni.  

Mynd til umhugsunar

Óendurnýjanleg auðæfi 

Hin mikilvægasta og að því er virðist hin óendurnýjanlegasta auðlind Evrópu - fólkð sjálft. Náttúruauðlind í útrýmingarhættu

Þetta vandamál er óþekkt á Íslandi og verður svo á meðan Ísland heldur sér sem sjálfstæðu og fullvalda ríki á eigin íslensku forsendum. Frelsið og sjálfstæðið er okkar dýrmætasta auðlind. Það virkar afskaplega vel, en það þarf að iðka það að staðaldri. Það þrífst ekki í spennitreyju Evrópusambandsins. Frelsið er eldsneyti hugans. 

Tengt efni:

Gleðifréttir úr gamla heiminum í ESB

Breytt mynd af ESB - höfuðstefna  


Dell Computer yfirgefur evrulandið Írland. Bretar farnir að óttast um orkuauðlindir sínar

Dell Computer yfirgefur evrulandið Írland

Einn stærsti tölvuframleiðandi í heiminum, hið bandaríska fyrirtæki Dell Computer frá Texas - og sem einnig er næst stærsti atvinnurekandi á Írlandi ef starfsmannafjöldi er notaður sem mælikvarði - hefur ákveðið að hætta framleiðslu á Írlandi. Um 2000 manns munu missa vinnuna hjá Dell á Írlandi. Framleiðslan verður flutt út fyrir evruland og til Lodz í Póllandi. Dell Computer hefur staðið fyrir um 5% af innanlandsframleiðslu Írlands og einnig fyrir um 4% af öllum peningaútlátum í Írska hagkerfinu. Eina huggunin fyrir Íra er sú að Dell mun um sinn halda áfram með 2000 manna starfsemi á Írlandi, utan framleiðslugeirans, aðallega í bæjarfélögunum Limerick og Dublin.

Michael Dell stofnandi Dell Computer

Dell Computer var stofnað árið 1984 af Michael Dell sem þá var nemandi við háskólann í Austin í Texas. Michael Dell er einn mesti brautryðjandi heimsins í framleiðslu, sölu og dreifingu tölva á góðu og samkeppnishæfu verði beint til fyrirtækja og neytenda um allan heim. Núna starfa um 88.000 manns hjá Dell á heimsvísu og velta fyrirtækisins er um 61 miljarðar Bandaríkjadalir. 

Þetta hefði væntanlega ekki gerst ef Írska pundið hefði ennþá verið gjaldmiðill Írlands því þá hefði gjaldmiðill Íra getað aðlagað sig að efnahagsaðstæðum á Írlandi í stað þess að þjóna Írum sem pólitískur gjaldmiðill Evrópusambandsins, sem er sérhannaður fyrir Þýskaland og Frakkland. Þessi nýi gjaldmiðill Írlands hefur nú hækkað um 100% miðað við gengi stærsta gjaldmiðils heimsins, Bandaríkjadals, frá því árið 2001.

Dell hóf starfsemi sína á Írlandi árið 1987 eða um 11 árum áður en evra varð mynt Íra. Mikill framgangur Írska hagkerfisins hófst um svipað leyti er Írar hófu lækkun skatta í landi sínu og minnkun ofurstærð hins opinbera geira úr 53% af þjóðarframleiðslu Írlands og niður í 34%. Þessi lækkun skatta á Írlandi hefur alltaf mælst illa fyrir hjá stjórnendum Evrópusambandsins sem hafa aðsetur sitt í borginni Brussel í Belgíu á meginlandi Evrópu. Líklegt er að Írland hafi nú fest sig í vef hagvaxtargildru Evrópusambandsins, eins og öll önnur ríki hafa einnig gert eftir að hafa verið nokkuð lengi í Evrópusambandinu.

Arið 1973 var árið sem Írland gékk í Efnahagsbandalag Evrópu og sem - þrátt fyrir loforð margra forsætisráðherra EB landa - breyttist svo seinna meira í Evrópusambandið og það eftir einungis 20 ára sameiningarferli, árið 1993. Núna er þetta Evrópusamband að fá sína eigin stjórnarskrá, að kröfu embættis- og stjórnmálamanna sambandsins, en þó í andstöðu við marga þegna sambandsins, en þeim verður ekki gefinn kostur á að láta í ljós álit sitt á þessu máli.

Atvinnuleysi á Írlandi er núna 8,7% og hefur aukist um 70% á síðustu 12 mánuðum. Atvinnuleysi ungmenna undir 25 ára aldri á Írlandi er um 18%.

Á síðasta ári fluttu bæði Yahoo og Google Evrópuaðalstöðvar sínar frá ESB og til Sviss. Einnig hafa Aribus flugvélaverksmiðjurnar flutt hluta af starfsemi sinni frá löndum Evrópusambandsins og til Bandaríkjanna vegna hins háa og ósamkeppnishæfa gengi evru 

Hér er hægt að lesa meira um þann efnahagsframgang sem aldrei fylgdi í kjölfarið á mynt evrópusambandsins eins og lofað var [Lestu mig]

Núna segja margir hagfræðingar að næstum allt Evrópusambandið sé einnig að biðla til Bandaríkjamanna - með því að bíða með nauðsynlegar efnahagsaðgerðir sér til eigin framdráttar - með því að aðhafast lítið sem ekki neitt í eigin húsi og í staðinn bíða eftir að geta selt Bandaríkjamönnum áhöld, vélar og verkfæri til þess að byggja það sem nú á að byggja og bæta innan landamæra Bandaríkjanna á næstunni. Fyrir Evrópusambandið mun því mikið ráðast af því hvernig Bandaríkjamönnum tekst til í sínu heimalandi á næstu árum.

Margir á Íslandi hafa undanfarið eflaust heyrt marga hagfróða menn tala um að seðlabankar séu lánveitendur til "þrautvarna" fyrir banka og fjármálastofnanir í flestum löndum nema á evrusvæðinu. En núna segja margir þekktir hagfræðingar að það sé hagkerfi Bandaríkjanna sem virki sem neytandi heimsins til þrautvarna (e. worlds consumer of last resort). En sjálfur efast ég þó nokkuð um að þetta verði raunin í þetta skiptið því Bandaríkjamenn eru sjálfir staðráðnir í því að stórauka áherslu á sinn eigin útflutning á næstu árum. 

[slóð til heimilda & tengt efni: Dell Computer yfirgefur evrulandið Írland]

 

Bretar farnir að óttast um orkuauðlindir sínar

José Manuel Barroso

Í gær birtu nokkur bresk dagblöð þá frétt að formaður Evrópusambandsins, Portúgalinn José Manuel Durão Barroso, hefði sagt að eignarhald orkuauðlinda landa Evrópusambandsins þyrfti að færa yfir á hendur Evrópusambandsins og þannig verða einskonar "sameign" alls Evrópusambandsins. Það þyrfti að sameina nýtingu orkuauðlinda innan sambandsins á svipaðan hátt og gert hefur veirið á auðlindum sjávar innan lögsögu allra landa í Evrópusambandinu.

José Manuel Barroso á að hafa sagt að það verði settar heimildir fyrir þessu í nýju stjórnarskrá Evrópusambandsins og gat þess í leiðinni að þessar heimildir væru nú þegar inni í nýju stjórnarskránni sem flest ríki sambandsins hafa eða eru að viðtaka einmitt núna.

Tilefni þessara ummæla eiga að vera krísan sem nú ríkir í orkubúskap landa Evrópusambandsins og sem virðist vera töluvert háður því hvernig tekst til í samskiptum við stjórnmálamenn í Kreml í Rússlandi. 

[slóð til heimilda & tengt efni: Bretar óttast um orkuauðlindir sínar]

Tengt efni

Auður er ekki sjálfgefinn þó myntin stækki

Forsíða þessa bloggs

Forsíða


Auður er ekki sjálfgefinn þó myntin stækki

Dansk valutakurspolitik i et EU-økonomisk perspektiv

Danska hugveitan Ny Agenda, sem hefur sem markmið að skoða stöðu Danmerkur innan Evrópusambandsins og í hinu alþjóðlega samfélagi og að stuðla að auknu lýðræði í Danmörku, hefur nú birt nýja skýrslu eftir prófessor Jesper Jespersen við háskólamiðstöðina í Hróarskeldu. Titill skýrslunnar er

"Dönsk peningastefna í ljósi efnahagsmála Evrópusambandsins"

Mikilvægustu niðurstöður skýrslunnar eru þær að séu efnahagsmál myntbandalags Evrópusambandsins skoðuð í ljósi síðustu 10 ára þá hafa þau lönd sambandsins sem hafa tekið í notkun sameiginlega mynt Evrópusambandsins, notið minni hagvaxtar og efnahagslegra framfara en þau lönd sem hafa haldið sinni eigin mynt. Hér er átt við Stóra Bretland, Svíþjóð og Danmörku. Þar að auki bendir skýrslan á að þróun efnahagsmála evrulanda hafi verið mjög misjöfn og það bendir til innri spennu á milli svæða og landa innan myntbandalagsins.

Skýrslan bendir sérstaklega á þann möguleika að Danmörk taki upp sömu peningastefnu og Svíþjóð og Stóra Bretland þ.e.a.s. að Danmörk rjúfi bindingu dönsku krónunnar við evru og láti mynt sína fljóta frjálsa á gjaldeyrismörkuðum.

Tegundir peningamálastefnu

Höfundurinn kemur inná ýmsar tegundir peningamálastefnu og nefnir m.a. að frjálst fljótandi myntir geti stundum verið gerðar að skotmarki spákaupmennsku ef það séu færslur alþjóðlegrar fjármálastarfsemi sem séu ráðandi á markaði myntarinnar. En höfundir nefnir þó að þetta eigi nær eingöngu við um stórar myntir sem séu m.a. notaðar í gjaldeyrisforða á alþjóðamarkaði. Þetta eigi því fyrst og fremst við um myntir eins og dollar, evru og yen. Þessar stærri myntir geti því sveiflast mjög kröftuglega, sem á tíðum hefur neikvæðar afleiðingar fyrir skipulagningu innflutnings og útflutnings á vörum og þjónustu. Litlar myntir minni landa eiga ekki við þetta vandamál að stríða nema að alveg sérstakar aðstæður séu ríkjandi eins til dæmis við þær aðstæður sem sáust á Íslandi haustið 2008.

Hægt er að nálgast skýrsluna í heild sinni hér:

Dönsk peningamálastefna hin síðustu 10 ár í ljósi efnahagsmála Evrópusambandsins og EMU 

 

Um höfund skýrslunnar

Cand. Polit. Jesper Jespersen, f. 1948 Ph.D. & dr. scient. adm.

 

  • Fuldmægtig í Det økonomiske Råds sekretariat, 1995/76 og 1980/84
  • Ph.d. i international økonomi fra Det europæiske Universitet, Firenze, 1979
  • Lektor i international finansiering, Copenhagen Business School, 1986
  • Professor i samfundsøkonomi på Roskilde Universitetscenter, 1996
  • Medlem af ØMU-udvalget nedsat af Rådet for Europæisk Politik, 2000
  • Carlsberg fellow, Churchill College, Cambridge University, 2001/02 og 2004/05
 
Tengt efni: 

 


mbl.is Þarf stöðugri gjaldmiðil
Tilkynna um óviðeigandi tengingu við frétt

Morgunblaðið fellur um 80% á barnaskólaprófi í reikningi

Fallinn 

Fréttin eftir blaðamann Morgunblaðsins, Björgvin Guðmundsson, segir:

 

Í krónum talið hækkuðu erlend lán gríðarlega mikið á síðasta ári og greiðslubyrði þyngdist. Ástæðan er sú að krónan veiktist um 80% gagnvart öðrum gjaldmiðlum

 

Sönn frásögn af óförum gjaldmiðils Íslands, í höndum banka og fjölmiðla, væri hinsvegar svona

Gengi íslenksu krónunnar féll mest um tæp 49% á 365 dögum á árinu 2008 gegn evru. Fallið gegn japanska yeni varð um það bil á tímabili 57% vegna þess að japanska yenið hækkaði svo mikið í verði á gjaldeyrismörkuðum í fjármálafárviðrinu að jafnvel íslenska stál & demants evra Morgunblaðsins féll um 25% í verði gagnvart yeni og breska pundið hrapaði um 35% gagnvart yeni þó svo að bankakerfi Bretlands sé í ríkistryggðri öndunarvél Gordons Brown. Fallið hefur minnkað mikið síðan það var verst er bankar Íslands urðu gjaldþrota úti í Evrópusambandinu.

Því er gengi yens ekki eins hátt lengur eftir að bankarnir eru loksins látnir (sjá andlátstilkynningar nr. 1 til 29.598 í Morgunblaðinu) og eru því hættir að riðlast ofan á krónunni okkar sem því hefur braggast töluvert aftur eftir þennan níðing. Heilsufar gjaldmiðlaparsins evra/dollar er hinsvegar það fjörlegt ennþá að þau dönsuðu í gær og í fyrradag í stærstu tveggja daga gengissveiflu síðan árið 1999, er evran hrasaði um 4,1% í þessum tveggja daga dansleik við dollar - já, íslenksu Stál & Demants Evru Morgunblaðsins (SDEM) varð svona óglatt að hún datt.  

Lesa Morgunblaðið ?

Þetta, mínir góðu lesendur, er fallið sem varð að 80% fallinu í höndum Morgunblaðsins, svona eins og hækkun húsnæðis(ó)lána almennings varð í höndum hinna íslensku banka(ó)ráðgjafa og álitsgjafa Egilssilfurs þeirra sem einnig gékk bessergang á gullfótum um allt Ísland á síðasta ári. Það er ekki skrýtið þó allt sé á hausnum þegar fjölmiðlarnir eru ekki ennþá búnir að ganga í gegnum vorprófin í fyrsta bekk í sínum lífslanga barnaskóla í Silfri Moggans. Eiginlega hefði átt að standa í fréttinni að það hefði verið Morgunblaðið sem skyndilega veiktist um 80% á síðasta ári.      

Mikið hefur verið rætt um gengisfall íslensku krónunnar undanfarið og hafa sumir gengið svo langt að lýsa hana "ónýta" því hún hafi fallið allt að 100% eins og þeir sem kláruðu barnaskólann hafa sagt og skrifað. En ekkert getur fallið um 100% án þess að verða að engu. Þessum aðilum til upplýsingar hef ég áður bent á að gengi íslensku krónunnar er fallið eins og að ofan greinir. 

Þetta gerðist þegar næstum allt íslenska bankakerfið lagðist gjaldþrota á hausinn ofaná mynt okkar Íslendinga. Þetta er dálítið meira en evran féll á 22 mánuðum árin 2000-2001 vegna vantrausts, en þá féll hún um 30% gagnvart dollar, - og það þrátt fyrir sameiginlegar björgunaraðgerðir seðlabanka ESB og Bandaríkjanna í tvígang.

Núna vinnur seigur, duglegur og sveigjanlegur gjaldmiðill okkar Íslendinga, aleinn og sem ofurmenni - og þrátt fyrir Moggann - dag og nótt við að afrugla hagkerfið aftur. Hann mun einnig í leiðinni koma í veg fyrir Evrópusambandslegt atvinnuleysi hjá launþegum á Íslandi, hann þjónar nefnilega Íslendingum þessi gjaldmiðill okkar. Það þarf meira til að ganga frá svona góðum gjaldmiðli en heilt gjaldþrota bankakerfi á vaxtarhormónum og herskáa Breta. En gjaldmiðillinn okkar á svo sannarlega betri meðferð skilið en þá meðferð sem hann hefur mátt þola síðastliðin mörg ár. En seig er hún krónan okkar. Hefði einhver annar gjaldmiðill þolað þessa meðferð? (Ónýtir gjaldmiðlar) 

Svona lítur 94% fall út  

En ef mönnum langar að skoða hvernig 94% fall lítur út á blaði þá ættu þeir að skoða þessa mynd hér að neðan. Þetta er mynd af því hvernig málin standa með hnattvæðinguna núna, eftir að fjármálageiri heimsins fékk fast sæti á klósettinu í öryggisráðinu heima hjá mömmu sinni, ríkinu. En Baltic Dry vísitalan, sem var stofnuð árið 1744, mælir hvað það kostar að panta vöruflutninga á höfum heimsins núna. Enginn mun bóka neina fragt nema að hann ætli að flytja eitthvað. Núna ætlar heimurinn greinilega ekki að flytja neitt að ráði lengur því þessi vísitala er fallin um 94%. Hnattvæðingin er því komin á þann stað sem hún var fyrir ca. 25 árum. Það er ekki skrítið þó að það sé að koma ísöld í hagkerfum víða um heim. Þessi mynd er ákaflega glæsileg og áhrifamikil. En afleiðingarnar verða ekki glæsilegar. En þetta er allt saman Seðlabanka Íslands og Davíð Oddssyni að kenna, valdamesta manni og seðlabanka í heiminum

baltic_dry_index_bloomberg 

 

Og svona lítur flökt íslenksu krónunnar út

Flökt okkar góðu íslensku krónu er mun minna og mun hættuminna en flökt íslenskra stjórnmálamanna á einu ári og sjö dögum. Hér er sönnunin fyrir því

 

 

 


mbl.is Erlend íbúðalán til ÍLS
Tilkynna um óviðeigandi tengingu við frétt

Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband