Leita í fréttum mbl.is

Bloggfærslur mánaðarins, desember 2008

Enginn vildi evru - eða hvað?

Gleðilegt nýtt ár 

Enginn vill evru - nema Íslendingar - eða hvað ?

Talsmenn myntbandalags Evrópusambandsins hafa fyrst og fremst alltaf verið menn draumanna, þ.e. draumóramenn. Þessi nýi draumur hinna svokölluðu Evrópumanna - draumurinn um sameiningu Evrópu - tók við af gömlum draumi margra eldri Evrópumanna, en sem þó og með ofsahraða, breyttist í næstverstu hrollvekju allra tíma hinn fyrri helming síðustu aldar. Embættismenn, vissir stjórnmálamenn og vissir atvinnurekendur áttu sér þennan nýja draum um nýtt sameiningartákn fyrir betri blómum í högum hinnar stríðshrjáðu og þreyttu gömlu Evrópu. Því já, gömul og þreytt er hún að verða blessunin hún Evrópa okkar. En núna er jafnvel þessi nýi draumur einnig farinn að fölna all verulega.

Austur og vestur Berlín 

Sumir menn hagfræðinnar eiga sér einnig þennan sama draum og takið hér vinsamlegast eftir orðinu “sumir”. Orðið sumir þýðir yfirleitt sumir, nema þegar það er misnotað. En það undarlegasta er þó að það hefur aldrei verið almenningur eða þegnarnir sjálfir sem hafa átt sér þennan draum um sameinaða Evrópu. Landamæri þjóða gilda nefnilega einnig fyrir menningu þeirra. Innrásir eru innrásir, sama hvort þær eru gerðar með skriðdrekum, orðum eða pennastrikum. Það er nefnilega svo að hin eina raunverulega bylting sem hefur komið frá fólkinu sjálfu í Evrópu var hin fræga bylting sem kom neðan frá og sem fór mjög friðsamlega fram. Hér er ég að tala um fall kommúnismans í Evrópu - bylting sem loksins kom frá fólkinu sjálfu. En kommúnisminn var þjóðfélagsleg bylting sem upphaflega kom að ofan og var dregin eins og lambhúshetta yfir hausa þegna Evrópu. Þessi bylting kom úr hausum menntamanna og embættismanna. Í dag hefðu þessir menn kanski verið kallaðir “Evrópusinnar” því boðskapur þeirra hefði náttúrlega verið all flóknari, þróaðri og meira “spunninn” en hann var í byrjun 20. aldar, því öll erum við börn okkar tíma, við verðum víst að muna það.

Kohl_Mitterrand

En hvað varðar hina nýju pólitísku mynt Evrópu - því pólitísk er myntin evra fyrst og fremst - þá hafa þeir sem borga brúsann, þótt undarlegt megi virðast, aldrei verið talsmenn fyrir þessu þjóðþrifamáli fyrrverandi forseta Frakklands, François Mitterrand og aðstoðarmanns hanns, Jacques Delors. Þeir sem vita eitthvað um tilurð evrunnar vita að hún varð til í einskonar fjárkúgunarferli Frakka gegn Þjóðverjum þegar sameina átti austur- og vestur Þýskaland í eitt ríki. Að frumkvæði Frakka skilyrtu Bandamenn sameiningu Þýskalands því skilyrði að löndin gengju saman í efnahagslegt hjónaband í myntbandalagi.

Frá því þetta gerðist þá hafa sumir, en þó ekki allir, nágrannar þessara styrjaldarhrjáðu þjóða ákveðið að taka sömu pilluna, en þó við sjúkdómi sem var og er ímyndaður. Þessi hugsanavilla er eins og að segja: "ef nágranni minn gengur með hækjur þá vil ég einnig ganga með hækjur". Ég vil fá sama sjúkdóm og nágrannar mínir til þess að geta gengið með hækjur. Ég vil vera eins og hinir í götunni.

Tíminn mun svo dæma þetta sem enn eina þráhyggjuna á borð við gullfætur, silfurfætur og flest önnur þau tiltök í stórpólitík sem dregin eru eins og lambhúshettur yfir höfuð þegnanna - af þeim “sér betur vitandi” mönnum. Við ættum þó alltaf að muna að suðumark fólksmassa er alltaf hættulegast þar sem “sameiningin” er hve mest. Sagan segir okkur að það sé þar sem ný þjóðernisleg átök brjótast fyrst út og sem svo hæglega geta breytst í borgarastyrjaldir, ef jarðvegurinn er nógu hagstæður og ef vonbrigðin eru nógu mikil og sterk. Vonbrigðin sem svo oft koma þegar embættismenn og stjórnmálamenn geta ekki afhent þá vöru sem lofað var.

Það sem lofað var þegar pólitískri mynt Evrópusambandsins var ýtt úr vör

vonin

Evran átti að skila okkur sem búum hér í Evrópusambandinu því sem næst gulli og grænum skógum. Frægastir og vinsælastir voru spádómar hagfræðings nokkurs sem er kenndur við rósina. Þessi hagfræðingur er þó ekki kenndur við hana Eddu Rós okkar á Íslandi, nei nei - og heldur ekki við fullt af rósum uppi í rúmi a la Piaf style. Nei, hagfræðingurinn heitir bara Andrew Rose og ritgerð hans, “Ein mynt - einn markaður” (One Money, One Market) er hið áhrifamesta skrifverk allra tíma um hin geigvænlegu væntanlegu jákvæðu efnahagslegu áhrif sameiginlegrar myntar Evrópusambandsins. Samkvæmt þessu riti áttu viðskipti á milli evrulanda að þrefaldast (300%) og sem afleiðing átti evrusvæðið að verða ríkast. Það er kanski vegna þessarar ritgerðar Andrew Rose að forystuembættismenn Evrópusambandsins sömdu Lissabon 2000 marmið Evrópusambandsins, rétt fyrir síðustu aldamót (hér er hægt að lesa um þau markmið og hvernig Evrópusambandinu gengur að ná þessum markmiðum:(Breytt mynd af ESB - höfuðstefna)). En hve tíminn líður hratt segi ég bara. Það eru semsagt 10 ár síðan evran var sett í umferð. Síðan þá hefur þetta gerst:

Þjóðverjar harma ennþá missi gjaldmiðils síns, D-mark. Þjóðverjar voru alltaf ánægðir með þessa mynt sína. Hún var þeirra eigin mynt. Almenningur í Þýskalandi er ekki ánægður með evru og vill fá sína eigin mynt aftur.

Ítalía hefur ekki efni á að hafa evru sem gjaldmiðil lengur og hefur raunar aldrei haft efni á því. Allt gengur illa á Ítalíu og almenningur á Ítalíu kennir evru um ófarir lands síns. Það sama gerir einnig forsætisráðherra Ítalíu.

MENNINGARMUNUR

Spánn naut þó viss efnahagslegs uppgangs frá því evran kom. En þetta er því miður næstum einungis efnahagslegur uppgangur sem átti sér stað á húsnæðismarkaði Spánar og sem var afleiðing alþjóðlegs flæði fjármagns sem fyllti flest lönd heimsins með bólufjármagni. Fyrir Spán eru afleiðingarar m.a þær að núna sitja þeir uppi með allt að eina miljón tómar og óseldar nýbyggðar íbúðir sem enginn vill kaupa. Þetta tifar núna eins og tímasprengja undir fjárhag Spánar og bankakerfis evrulanda. Það er núna búið að loka á fjármagnsflæði til spánska bankageirans inni í miðju evrusvæði. Atvinnuleysi ungmenna undir 25 ára aldri á Spáni er núna um 28-30% og atvinnuleysi allra er um 13% og mun að líkum fara uppí 22-24%, eins og það var frá 1992 til 1998, þegar niðurtúr hagkerfis Spánar mun botna árið 2010 eða 2011.

Grikkir höfðu aldrei efni á evru og hafa það ekki enn. Þeir þurftu að fórna miklu af lífsgæðum almannaheillinnar til þess að geta tekið upp evru árið 2002. Þær óeirðir sem við sjáum í Grikklandi í dag eiga m.a. rætur sínar að rekja til þeirra fórna sem þurfi að færa í almannaheilla-kerfi Grikklands á altari inngönguferlisins inn í nýju myntina. Niðurskurður á almannaheilli var það heillin. Atvinnuleysi ungmenna undir 25 ára aldri í Grikklandi er núna um 22-25%. Jú jú, það hlýtur að vera gott fyrir Grikkland að hafa núna “sterkan gjaldmiðil”. En það er bara eitt stórt vandamál kæru lesendur. Sterka myntin gerir hagkerfi Grikklands gersamlega ósamkeppnishæft. Er gott að hafa mynt sem bregst svona við áföllum? Þegar útflutningsmarkaðir evrulanda hrynur, hvað gerir sameiginlega myntin þá til að hjálpa þegnunum? Jú hún HÆKKAR! Hún gerir lífið ennþá verra fyrir þegnana! Til hvers á maður að hafa svona mynt? Uppá punt? Gjaldmiðillinn á að þjóna fólkinu og ekki að virka sem háborg eða himnaríki fyrir spákaupmenn gjaldeyrismarkaða.

Vonirnar um meiri og stærri verslun og viðskipti á milli evrulanda urðu einnig að dufti á þessum fyrstu 10 árum evru. Núna er það mat bjartsýnustu hagmanna að verslun og viðskipti á milli evrulandanna hafi einungis aukist um 5-15% á þessum 10 árum. En þá spyr ég: hvað hefur verslun og viðskipti á milli allra landa í hinni miklu hnattvæðingu undanfarinna 10 ára vaxið mikið? Er það ekki miklu meira en þetta? Er þessi 5-15% aukning ekki einungis afleiðing af því sem gerst hefur UTAN evrusvæðis? Sumir hagmenn taka svo djúpt í árinni að verslun og viðskipti hafi alls ekki aukist neitt eða jafnvel minnkað (Philip R. Lane: The Real Effects of European Monetary Union)

Óendurnýjanleg auðæfi 

Mynd: í Evrópusambandinu er það fólkið sjálft sem er að verða hin mikilvægasta og að því er virðist næstum hin óendurnýjanlega náttúruauðlind Evrópu í útrýmingarhættu. Ungu fólki fækkar svo hratt og mikið. Um þetta er m.a. fjallað í nýrri bók sem er í smíðum hjá hagfræðingnum Edward Hugh sem ber nafnið: Population, the Ultimate non-Renewable Resource? 

Núna nýtur efnahagur Breta góðs af fallandi gengi pundsins. Pundið bregst við breyttum efnahagsaðstæðum á eðlilegan hátt og Bretar munu ekki halda sumarfríin sín í evrulandi á meðan gengi evru er ekki tengt við raunverulegar efnahagsaðstæður þar í löndum. Það sama gera Svíar og Norðmenn því þessi lönd hafa mynt sem er beintengd við efnahagsaðstæður og virkar fyrst og fremst fyrir þegnana í þessum þjóðfélögum. Danir fara núna til Svíþjóðar til að kaupa í matinn, láta gera við bílinn eða til að fara til tannlæknis, því Danmörk er eitt af Norðurlöndunum en þó bundin föst við gengi evru. Ísland er einnig hátt á blaði sem áfangastaður þessara þjóða því nú hafa þær efni á að fara til Íslands eftir að gengi íslensku myntarinnar tengdist raunveruleikann hratt á ný.

En hvað gera atvinnulausir Spánverjar núna í þessu myntsvæði evru? Gera þeir eins og Bandaríkjamenn gera? Þegar launþeginn í Detroit missir vinnuna þá flytur hann til Phoenix í nýja vinnu eða jafnvel eitthvað ennþá lengra innan Bandaríkjanna. Þetta er ekkert mál því hann talar ensku sem er töluð í öllum Bandaríkjunum sem einnig eru undir einni stjórnarskrá. En mun Katalóníubúinn frá Spáni flytja til Berlín eftir vinnu? Nei það muna hann ekki gera því í fyrsta lagi þá talar hann ekki þýsku og í öðru lagi þá er 18% atvinnuleysi í Berlín og er búið að vera það áratugum saman. Nei, Katalóníumaurinn mun ekki flytja neitt. Hann fer bara á kassann heima hjá sér og bíður kanski eina heila kynslóð eftir því að atvinnuástand lagist í landi sínu. En biðin verður löng fyrir vin okkar frá Katalóníu. Atvinnuleysi hin síðustu 28 ár í ESB er búið að vera um 8-12% allann tímann. Það er því ekki að ástæðulausu að ESB er alltaf að dragast aftur úr efnahag Bandaríkjanna og Íslands. Alltaf breikkar bilið með hverju árinu sem líður fyrir Evrópusambandið.

Útúrdúr. Nýtt vefsetur mitt - helgað sjálfstæði Íslands www.tilveraniesb.net

Já kæru lesendur, ég hef opnað nýtt vefsetur sem ég hef helgað áframhaldandi sjálfstæði íslenska lýðveldisins. Ég vil svo heitt og innilega að Ísland haldi áfram að vera fullvalda og sjálfstætt ríki og að það iðki af fullum krafti það frelsi sem Ísland barðist svo hart fyrir. Því frelsi sem hefur gert Ísland að einu ríkasta og besta samfélagi í heiminum í dag. Það blæs á móti núna já, en þessi mótbyr mun ekki vara að eilífu. Hér eru til dæmis myndir af því atvinnuástandi sem þegnar landa evrusvæðis hafa þurft að gera sér að góðu hin síðustu 28 ár: Atvinnuástand hin síðustu 28 ár í evrulöndum 

Það eru ýmsir aðrir fróðleiksmolar á þessu vefsetri sem ennþá er í byggingu og sem mun halda áfram að vera í byggingu á meðan ég er. Einnig mun ég útbúa nytsama nestispakka handa þeim sem vilja sækja á ýmis erlend mið og markaði. En til að byrja með mæli ég eindregið með að sem flestir lesi greinina mína um frelsið, ESB og evru: Lestu mig fyrst. Þessi grein birtist áður í síðustu haustútgáfu Þjóðmála. Jæja en áfram með þennan pistil hérna á Moggablogginu. 

Ný Argentína inni í Evrópusambandinu?

Það eru ýmis teikn á lofti um að þó nokkur hluti af löndum Evrópusambandsins séu að breytast í nýja Argentínu beint fyrir framan nefið á embættis- og stjórnmálamönnum sambandsins. Þetta mun ég skrifa grein um á næstunni. Kanski er einhver sem man eftir vélbyssuhreiðrunum fyrir utan erlenda banka í Argentínu hér á árunum. Alþjóða Gjaldeyrissjóðurinn man vel eftir þeim. 

Stöðugleikinn

10 þýsk frostmörk

Eins og fyrr er greint þá hefur stöðugleikur Evrópusambandsins verið mikill. Næstum því ekkert hefur gerst á þessu efnahagssvæði sem rekja má til viðurvistar sjálfs Evrópusambandsins, annað en stöðnun. Þó svo að ESB hefði aldrei verið fundið upp þá þýðir það samt ekki að þjóðir Evrópu hefðu setið aðgerðalausar, horft í gaupnir sér og beðið eftir að frelsari með penna og áætlanir stigi niður frá himnum einn góðan eða slæman veðurdag. Þjóðir geta alveg sjálfar, Ísland er besta sönnunin fyrir því. En núna mun fyrir alvöru reyna á getu seðlabanka evru (ECB). Það er nefnilega fyrst núna að það mun reyna að fullu á getu þessa seðlabanka til að standa við orð sín um stöðugleika. Hann brást illilega á undanförnum árum því vextir á evrusvæði voru lengi alltof lágir. Þessi stefna bankans stóð fyrir mikilli bólumyndun og spákaupmennsku í efnahag evrusvæðis. En það sem býður bankans núna er þó miklu miklu stærra verkefni en verkefnin hans hafa verið á undanförnum árum. Núna verður stærsta verkefni þessa seðlabanka að reyna að halda verðlagi stöðugu eftir að veðbólguþrýstingur er horfinn vegna þess að bólugrafnir efnahagir eru hrundir saman yfir herðar þessa seðlabanka Evrópusambandsins.

En biddu nú hægur Gunnar. Hvað áttu við með að það þurfi að halda verðlagi stöðugu þegar verðbólgan er að mestu horfin? Jú kæru lesendur. Núna þarf seðlabanki evru að tryggja að allt verði ekki einskis virði á evrusvæðinu. Þetta er alger andstæða verðbólgu og nefnist verðhjöðnun. Vítahringur verðhjöðnunar er miklu erfiðari viðfangs en vítahringur þrálátar verðbólgu og hann er hin últímatíva hryllingsmynd allra þeirra sem eiga peninga og þar á meðal eru allir fjárfestar. Allir vita að fjárfestar hræðast mjög afleiðingar verðbólgu. Afleiðingar verðbólgu er nefnilega hin óhjákvæmilega verðbólgubarátta með háum stýrivöxtum og neikvæðum gjöfulleika á peningamarkaði fyrir fjárfestingar, því aðeins fáar fjárfestingar hafa í sér búandi það mikla innbyggða arðsemi að þær þoli mjög háa vexti á þeim fjármunum sem er varið til fjárfestinga og atvinnusköpun. Því dregur úr umsvifum og fjárfestingum þegar vextir eru háir og sem afleiðing lækkar verðbólga þ.e. ef markaðurinn er skilvirkur.

En verðhjöðnun er allt annað mál. Þá er nefnilega ekki hægt að beita stýrivaxtavopninu því vextir geta ekki orðið lægri en núll. Í verðhjöðnunarástandi þá þarf að borga bankanum peninga fyrir að geyma peningana þína á öruggum stað. Neysla dregst mikið saman því allir eru að bíða eftir að hlutirnir verið ennþá ódýrari og munu því fresta innkaupum á meðan verðlag er ennþá að lækka og lækka. Neytendur bíða með innkaup og fjárfestum dettur ekki í hug að fjárfesta í neinu því það verður kanski að engu eða lækkar mikið í verði. Hlutabréf verða minna virði. Það er því að bíða og vona að verðhjöðnunin nái botni sínum, að jafnægi náist eða að vöxtur taki við sér. En í svona ástandi þá eru það fyrst og fremst þeir seðlabankar sem hafa himneskt og beint samband við skattgreiðendur sem geta gert eitthvað í málunum. Til dæmis þá er seðlabanki Bandaríkjanna (The Federal Reserve) í himnesku beinu sambandi við vasa skattgreiðenda í gengum sameiginleg fjárlög bandaríkja norður Ameríku, sem eru um 22-25% af þjóðarframleiðslu Bandaríkjanna. Þessutan þá er seðlabanki Bandaríkjanna EKKI sjálfstæð og óháð stofnun eins og svo margir halda. Hann er undir beinni stjórn sambandsríkisstjórnar Bandaríkjanna og hefur það sem eina markmið sitt að sjá til þess að efnahagur Bandaríkjanna vaxi og að atvinnuástand sé þar gott. Þetta fróma hlutverk The Federal Reserve hefur forgang fram yfir að halda verðlagi stöðugu. The Fed veit að verðlag kemur í öðru sæti þegar virkilega ríður á að sýna styrk til þess að sporna við alvarlegum hættum sem steðja að þessari stærstu efnahagslegu dráttarvél heimsins og allra tíma. (Remarks by Governor Ben S. Bernanke; Deflation: Making Sure "It" Doesn't Happen Here)

leavingtheamerican

Hérna mun seðlabanki evru eiga mjög erfitt með að fóta sig því hann hefur ekki aðgang að neinum fjárlögum eins né neins til að flytja peninga til á þá staði á myntsvæðinu þar sem þeir eiga að vera og þar sem þeirra er mest þörfin. Það munu því verða ríkisstjórnir evrusvæðis sem þurfa að vinna þessa vinnu. ECB mun einungis horfa á getulaus á meðan evrusvæðið hrynur, hægt en örugglega. Hann mun ekki geta búið til þá nauðsynlegu lágmarks verðbólgu sem verður að vera til staðar til að búa til hagvöxt. Einnig gera há-aldraðir þegnar Evrusvæðis allt miklu erfiðara viðfangs. En það virðist vera orðið þannig í Evrópusambandinu að fólkið sjálft er að verða hin stærsta óendurnýjanlega náttúruauðlind Evrópu. Evrópusambandið þarf því ekki að hafa áhyggjur af óendurnýjanlegum hefðbundnum náttúruauðlindum sínum. Þær munu koma til af sjálfum sér, ef áfram heldur eins og nú horfir til með hina hröðu fækkun ungs fólks í Evrópusambandinu. (Gleðifréttir úr gamla heiminum í ESB)

En gallinn er sem sagt sá að það eru engin sameiginleg fjárlög fyrir myntsæðið og ríkisstjórnir evrulanda eru aldrei og verða aldrei sammála um eitt né neitt hvað varðar sameiginlegar aðgerðir. Þýskaland vill ekki gera neitt enda eru þeir svo vanir að allir geri alltaf allt fyrir þá. Að allir aðrir togi hagkerfi sín í gang svo Þýskaland megi stunda útflutning til hagkerfa þeirra. En það er alls ekki víst að Bandaríkjamenn nenni eina ferðina enn að draga aðaldráttarvél evrusvæðisins í gang. Bandaríkjamenn þurfa nefnilega að stórauka sinn eigin útflutning. Þá mun allt ESB þurfa að biðja bænirnar sínar, oft og af mikilli eljusemi. Leggjast á bæn og biðja til Ameríku um að þeir sjá aumann á “okkur hér í gömlu Evrópu”, einu sinni enn (The eurozone depends on a strong US recovery)

Ekkert hefur nefnilega komið út úr þessu Evrópusambandi og mynt þess, nema skriffinnska og visnun vöðvaafls frelsisins hjá aðildarríkjunum. Ekkert sem hefði ekki komið þó svo að ESB hefði aldrei orðið til. Núna er því ekkert eftir fyrir ESB annað en að bíða. Bíða eftir mömmu - þeirri mömmu sem getur ekki afhent vörurnar eins og hún lofaði. 

Ætlar Ísland að verða Ítalía norðursins? Nei takk!

Forsíða þessa bloggs

Tengt efni: Hindrar evra atvinnusköpun ? 


Undarlegt þetta Evrópu-samband

Hmmm . . . 

. . . undarlegt, en það virðist vera svo að allt sem kemur nálægt þessu Evrópusambandi fari næstum því sjálfkrafa á hausinn, nema náttúrlega að gamla heima-ríkið komi og hjálpi til, því ekki gerir ESB það, svo mikið er víst. 

Núna er það mjög þrálátur orðrómur um að Danske Bank sé að fara á hausinn inni í miðju Evrópusambandinu sem vekur athygli þeirra sem eiga peninga í vissum pappírum, eða réttara sagt, þeirra sem héldu að þeir ættu peninga í vissum pappírum. Það er því miður mjög mikið að gera núna hjá talsmönnum Danske Bank við að bera til baka frekar lífsseigan og Íslandslegan orðróm sem virðist lifa sínu eigin langa og þráláta lífi um að bankinn sé að fara nedenom og hjem

euflag-fewstars

Öll útrás Danske Bank til Írlands og baltísku landanna virðist vera að hengja þá í snöru esb-frelsisins núna. Ríkisstjórn Danmerkur segist vera að undirbúa björgunarhring uppá 100 milljaðra DKK til bankanna hér í þessu ESB landi. Þetta eru ca 2400 miljarðar ISK og kemur ofaní allt annað sem hefur verið kastað til bankanna. Þetta er ca. hálf miljón ISK á hvert mannsbarn í Danmörku.

Viðskiptavild Danske Bank uppá 23 miljarða DKK virðist alveg óvart hafa gufað upp fyrir hraðbyri á írska og baltíska hafinu inni í lögsögu ESB. Þessvegna er sennilega verið að kasta þessum björgunarhring af því að þetta heyrir jú væntanlega undir sjávarútvegsmálin þarna á ballarhöfum Írlands og baltísku landanna. En hvað veit ég. Það er því gott að við höfum marga sérfræðinga til að segja okkur frá því hvernig málin standa. Sérfræðingar frá Danske Bank segja okkur til dæmis að bankageirinn "hafi það fínt" og hafi næga peninga. Því spyrja aðrir danskir sérfræðingar hvervegna það sé þá þörf á þessum monster-pakka til bankanna? En hvað veit ég.

Hlutabréf í Danske Bank hafa fallið um 80% frá hámarki sínu fyrir tveim árum. Núna er gengið aftur komið niður til sultaráranna 1997, eða niður í fimmtíukallinn. 100 milljaðrar DKK gufaðir upp.  Går den, så går den. Jammen det er jo bare dejligt!

Markedet frygter minus i Danske Bank

Eksperter sår tvivl om bankpakke

Danske Bank i dramatisk rygtestrøm 

Ekki veit ég hvað hamingjumála-kommissar ESB segir við þessu öllu. Er ekki hægt að setja einhverjar fleiri reglur um að allt eigi að ganga vel í Evrópusambandinu? Ég spyr bara! 

Það er því gott að Ungir Sjálfstæðismenn hafi alltaf vitað að ekki er allt gull sem glóir sem stjarna á bláum bakgrunni. Einusinni var bakgrunnurinn víst rauður. En núna er hann blár. Það þykir sumum ögninni betra. 

 

  

En þetta lagast allt bráðum 

Núna eru einungis 374 dagar eftir þangað til við verðum ríkust hér í Evrópusambandinu, samkvæmt teljaranum efst til hægri hérna á þessari vefsíðu. Ég get varla beðið - ó hve ég hlakka til !  

Fyrri færsla: Saxo Bank 10 púnkta völvuspá fyrir 2009

Forsíða 


Saxo Bank 10 púnkta völvuspá fyrir 2009

Saxo Bank 10 púnkta völvuspáin fyrir 2009 er svona

1. Alvarlegar óeirðir í Íran vegna hruns olíuverðs

2. Skortur á eftirspurn mun þvinga olíuverð niður til 25 dollara fatið

crude25ar 

3. Vegna uppgufunar á tekjum og á eignum á húsnæðismarkaði í BNA, ásamt stórauknum fjármagnskostnaði mun S&P vísitalan falla niður til vísitölustigs 500 (ca -44% frá núverandi stöðu)

4. Evrópusambandið fer í það að berja á ríkisstjórnum margra ESB-landa vegna stóraukins halla fjárlaga hjá þessum ríkissjóðum. Ítalía mun gera alvöru úr hótunum sínum og yfirgefa evru og myntbandalagið fyrir fullt og allt.

5. Ástralski dollarinn mun falla um 35% gagnvart japanska yeni. Hrun á hrávörumarkaði mun fá alvarlegar afleiðingar fyrir ástralska hagkerfið

 SVARTHOLIÐ

6. Evran mun til að byrja með falla um ca 35% frá núverandi gengi gegn Bandaríkjadal. Svo mun hún hækka aftur (muna: að stöðugleiki er bæjarfélag í Langtíburtustan © GR)

7. Hagvöxtur Kína mun hrynja saman niður í 0,00% (muna að Kína þarf ca 7% hagvöxt til að geta staðið í lappirnar). Þetta mun fá alvarlegar afleiðingar fyrir Kína.

8. Þau lönd í Evrópusambandinu, - það efnahagssvæði sem sumir formenn Sjálfstæðisflokksins og Samfylkingarinnar vilja binda Ísland fast við, - sem eru að bíða eftir að taka upp evru og eru nú bundin evru munu verða fyrst til þess að yfirgefa myntbandalag evrulands (lækningin). Gengi þessara gjaldmiðla mun verða sett frjálst og falla mikið vegna fjármagnsflótta 

commoditiy25ar 

9. Reuters/Jefferies CRB vísitalan mun falla um 30% eða niður til 150. Þetta er til vitnis um massífa spákaupmennsku í hrávörum sem fékk herra og frú framboð & eftirspurn til að missa jarðsambandið undanfarin nokkur ár.

10. 2009 verður árið þar sem fyrstu gjaldmiðlar sumra ríkja í Asíu munu bindast kínverska gjaldmiðlinum yuan. Þessi lönd eru að leita að nýjum viðskiptalöndum því eftirspurn frá Vesturlöndum verður svo lítil

"Það er nú ekki hægt að segja að það sé lengur djarft að kalla þetta verstu efnahagskreppu nokkurntíma, hún er það nefnilega. Spár okkar hafa því miður reynst réttar að mestu leyti fyrir það ár sem nú er næstum liðið. Það sem áður þótti geggjað er núna allt orðið að raunveruleika". Saxo spáði til dæmis fyrir um gjaldþrot íslenku bankanna - fall S&P um mera en 25% - olíuverð upp til 175 dala - neikvæðan hagvöxt í Bretlandi.

"Þetta er ekki einu sinni smá geggjað lengur", segir Saxo Bank.

Mín eigin spá er sú að gömlu góðu dagarnir eru komnir aftur (what?). Já, komnir til að vera. Allt sem heitir stöðugleiki er saga ein. Ekkert mun verða stöðugt nema óróleikinn, stórar og ótrúlegar sveiflur. Sannkölluð wilde ride. Þessum tímum getur unga fólkið ekki munað eftir, það liggur í hlutarins eðli (þetta gildir einnig um unga stjórnmálamenn, ráðherra og embættismenn). Unga fólkið mun því krefjast kraftaverka af ríkisstjórnum margra landa og þar á meðal frá ríkisstjórn Íslands, sem hún náttúrlega mun ekki getað afhent í glansandi pökkum inni í skuldsett ryðfrí burstuð eldhús horfinna tíma á afborgunum. Þetta verður því miður ansi burstað. Margir ungir "business menn" munu ekki þekkja landslagið lengur og því missa fæturnar í hrauninu. Áttavitinn virkar ekki lengur því pólarnir hafa flutt sig og munu ekki koma í leitirnar fyrr en eftir nokkur ár

Svo er allt hitt sem Saxo Bank nefnir ekki hér. En mun Ísland ná að fara úr einu gjaldþrotinu í annað á innan við áratug? Það gékk ekki beint vel síðast: Gengið á gullfótum yfir silfur Egils. Þess er hægt að geta hér að forstjóri Saxo Bank er einn helsti og virkasti baráttumaður fyrir því að Danmörk taki EKKI upp evru. Kanski verður íslensk króna (ISK) besti gjaldmiðill ársins 2009 (first in first out, FIFO). Hver veit. 

Lauslega þýtt úr Børsen | CNBC Europe WSJ og fleiri stöðum: | Saxo Banks 10 vilde forudsigelser for 2009 | Saxo Bank Predicts 2009 Will Hit all Economic Lows - MarketWatch |

 

Forsíða þessa bloggs

Fyrri færsla: | Hvaða hagvöxt? | 


Hvaða hagvöxt?

Í frétt Morgunblaðsins segir

  • IMF í andstöðu við evrópska seðlabankann "Með því að beina spjótum sínum að Evrópusambandsríkjum er Strauss-Kahn kominn í beina andstöðu við Jean-Claude Trichet, seðlabankastjóra Evrópu, sem einmitt í gær hvatti til evrópska ráðamenn til að gæta strangs aðhalds í ríkisfjármálum og lántökum, jafnvel þótt þeir verðu fjármunum til að örva efnahagslífið.Trichet hvatti Evrópulöndin til að halda sig við umdeildan sáttmála ESB um stöðugleika og hagvöxt sem setja takmarkanir á lántöku yfirvalda og heildarskuldir. Strauss-Kahn sagði hins vegar að nú ætti að ýta gildandi reglubók til hliðar og setja nýjar reglur til að takast á við þær miklu efnahagslegu ógnir sem hann taldi sig sjá framundan".

Er verið að meina þennan hérna hagvöxt? Sá næstum allra lélegasti hagvöxtur í OECD síðustu 14 ár. Alltaf að verða minni og minni í takt við aukin völd Evrópusambandsins og útbreiðslu myntar þess

Mr G1

 Hagvöxtur herra G1

 

 Stöðugleikur ESB

 

Það berast því núna eftirfarandi gleðifréttir frá efnahagsmálum Evrópusambandins

Þýskalandi er spáð mínus 3-4% hagvexti (sem er fjórum prósentustigum minna en ekki neitt) á næsta ári. Þetta mun draga allt evrusvæðið langt niður og nógu langt niðri er það nú þegar og búið að vera síðustu 30 árin 

[ Frankfurter Allgemeine has cracking scoop this morning, having obtained an internal memo from the economics ministry, which expects a slump in growth of more than minus 3 per cent for next year, by far the worst economic decline in German post-war history ] eurointelligence

Athugið að Þýskaland er 27,3% af efnahag evrusvæðis. Hagspáin fyrir 2009 fyrir Þýskaland hefur þróast svona undanfarið, alltaf að versna og mun halda áfram að versna a.m.k alla næstu 12 mánuði:

apr +1.6% | júl +1.2% | okt +0,3% | des -3% og spá Deutsche Bank segir | des -4% |  

Það er ekki undarlegt að forstöðumaður IMF hafi þungar áhyggjur

Fyrst fer fjármálamarkaður evrusvæðis og raunar alls heimsins í alvarlegustu kreppu síðan 1914. Á Íslandi var hann þegar hruninn árið 2006 svo þar þurfti aðeins að blása líkið ofaní kistuna. Í kjölfarið hrynur svo útflutningsmarkaður Evrópusambandsins, og mun halda áfram að hrynja allt næsta árið. En hvað gerir hinn góði gjaldmiðill Evrópusambandsins þá? Jú, HANN HÆKKAR ! (svitna hér). Ef ég væri Strauss-Kahn myndi ég einnig hafa þungar áhyggjur, því það er ljóst að engir peningar heimsins munu duga til að draga evrusvæðið upp úr þeirri kreppu sem er að koma yfir þetta aldurshnigna efnahagssvæði. Spánn er að sökkva í sæ, Ítalía einnig, Þýskaland er að lamast (aflvél evrusvæðis) og Grikkland er að verða gjaldþrota. Þetta er hvorki meira né minna en um 60% af evrusvæðinu! Svo mun Frakkland fylgja á eftir þegar þeir eru búnir að þurrausa ríkiskassann hjá herra herra forseta forseta G1. Þá verður 85% af evrusvæðinu í dýpstu kreppu frá lokum seinni heimsstyrjaldar.

Stóra spurningin er því aðeins þessi. Hvernig keppu munum við sem búum hérna í ESB fá? Munum við fá U-kreppu, V-kreppu eða L-kreppu. L-kreppan er allra verst því þar hrynur allt og heldur sér hrundu í allt að 20 ár. En já, það er sennilega svona sem það er að búa í öldruðum hagkerfum, allt visnar þar mjög hratt (Gleðifréttir úr gamla heiminum í ESB)

 

 ====================================

Fyrri færsla: Hvað mun nýi sjálfstæðisflokkurinn heita?

Forsíða þessa bloggs 


mbl.is Strauss-Kahn varar við þjóðfélagsróstum
Tilkynna um óviðeigandi tengingu við frétt

Hvað mun nýi sjálfstæðisflokkurinn heita?

 

 

Fáninn 

 Hvað mun

nýi sjálfstæðisflokkurinn

heita? 

 

 

 

====================================

Sjálfstæðisuppgjöf tilkynnt í útlöndum 

Einn kostur, ekkert val 

==================================== 

Forsíða þessa bloggs 

 

Fyrri færsla: Hvað þarf til þess að drepa nýju stjórnarskrá Evrópusambandsins ?

 

 MBL0150206

Mynd Morgunblaðið: formaður og varaformaður Sjálfstæðisflokksin kveðja - landið?- eða sjálfstæðisflokkinn?

"Jeg tror ikke Island har noe valg etter den knekken vår valuta har fått". 

Þorgerður Katrín Gunnarsdóttir varaformaður Sjálfstæðisflokksins - Einn kostur, ekkert val

Er útrás Sjálfstæðisflokksins hafin? 

Með því að smella hér getið þið skoðað útgáfu dagsins af Klassekampen. 

Meira 

Hvaða kröfur gerði ESB vegna Icesave?? 

 Vladimir Lenin sagði -

"besta leiðin til að henda samfélagi eða samfélagsskipan úr stólnum, er að pilla við gjaldeyri þess. Því þá mun manni takast að grafa undan trú flestra á valdhöfum og á sitjandi samfélagsskipan. Þá mun manni jafnvel takast að grafa undan trú harðsvíruðustu kapítalista á markaðssamfélagi sínu". Þegar verðgildi og eignir flytjast til á tilviljunarkenndan hátt, og þar sem allir eru Birnir og Bearish, jafnvel án þess að vita af því. Allir verða spekúlantar án þess að vita af því. Og þeir munu alltaf spekúlera á móti markaðinum, á móti þeim sem eiga verðmætin. Bjarnaröld ríkir. Ísar og ísbirnir koma. Lenín verðbólga

 

Þetta hefði verið einfalt

 

Í viðtalinu við norska blaðið Klassekampen sagði varaformaður Sjálfstæðisflokksins að það væru peningamálin sem þyrftu að komast í lag strax. En þá hefði varaformaður Sjálfstæðisflokksins, sem greinilega hefur minna en ekkert vit á peningamálum, átt að hlusta á aðvaranir Seðlabanka Íslands. En  í stað þess sagði hún honum að þegja. Svona varaformaður, og sem er haldinn svona skelfilegu þekkingarleysi á málefnum Evrópusambandsins, og ofan í það að vera clueless í peningamálum, ætti ekki að vera formaður fyrir eitt né neitt, og allra síst varaformaður stjórnmálaflokks sem hingað til hefur haft sjálfstæði Íslands sem hornstein og leiðarljós stefnu sinnar.

 

Sem menntamálaráðherra ætti hún einnig að vita manna best að það þarf greinilega að loka eitthvað af skólum sem kenna á háskólastigi á Íslandi, því aldrei hefur eins mikið magn af hámenntuðum fíflum horft eins fast, lengi og aðgerðarlaust á eins fáa fábjána sem fengu góðfúslegt leyfi þeirra til að keyra Ísland í þrot á meðan þeir svo horfðu á nafnspjöldin með titlunum sínum hátt uppi á vegg. Það er fleira rotið en bara eitthvað í Danmörku. Mikið!

 

Afleiðing en ekki orsök

 

Því lagðist allt bankakerfið gjaldþrota úti í evrópusambandinu ofaná gjaldmiðil Íslands heima hjá sér? Enginn gjaldmiðill þolir svona meðferð. Enginn! En af því að krónan okkar er góður gjaldmiðill þá lifir hún af og vinnur aleinn sem ofurmenni, dag og nótt, við að afrugla hagkerfið aftur. Krónan mun einnig í leiðinni koma í veg fyrir Evrópusambandslegt atvinnuleysi hjá launþegum á Íslandi, hann þjónar nefnilega Íslendingum þessi gjaldmiðill okkar. Það þarf meira til að ganga frá svona góðum gjaldmiðli en heilt gjaldþrota bankakerfi á vaxtarhormónum í vasanum á útrásar kumpánum, vanhæfa menntamenn, herskáa Breta og lamaða fjölmiðla. En gjaldmiðillinn okkar á svo sannarlega betri meðferð skilið en þá meðferð sem hann hefur mátt þola síðastliðin mörg ár. En seig er hún krónan okkar. Hefði einhver annar gjaldmiðill þolað þessa slæmu meðferð? Nei og aftur nei. Ónýtir gjaldmiðlar


Hvað þarf til þess að drepa nýju stjórnarskrá Evrópusambandsins ?


Eitt stykki ný stjórnarskrá fyrir 500 milljón manns, takk fyrir

3 stjórnarskrár

Það þurfa öll 27 lönd/héruð í Evrópusambandinu að segja já við nýju stjórnarskrá Evrópusambandsins til þess að hún geti tekið gildi. Öll löndin/héruðin þurfa að samþykkja þá stjórnarskrá sem þau eiga að lifa og búa undir. Þetta eru engin smá mál sem stjórnarskráin nær yfir:

  • Efnahags-málin
  • Gjaldmiðla-málin
  • Peninga-málin
  • Félagslegu-málin
  • Landbúnaðar-málin
  • Sjávarútvegs-málin
  • Umhverfis-málin
  • Vinnumarkaðs-málin
  • Skatta-málin
  • Réttarfars-málin
  • Umferðar-málin
  • Neytenda-málin
  • Menningar-málin
  • Stjórn-málin
  • Utanríkis-málin

Nei nei og nei 

Í byrjun var ákveðið að leyfa kjósendum að kasta atkvæði um þessa 400 blaðsíðna stjórnarskrá sem á að stýra 500 milljón manns. Það hlýtur að standa sitt hvað á þessum 400 blaðsíðum. En hvað gerðist þá?

  • Frakkar sögðu nei
  • Hollendingar sögðu nei
  • Írar sögðu nei

Þetta eru 3 nei. En hvað gera menn þá? Jú það á ekki að leyfa þessum 500 milljón manns að segja hvað þeim finnst um þessa nýju stjórnarskrá. Það eru nefnilega næstum 500 milljón fábjánar í þessu bandalagi, samkvæmt skilningi þeirra sem taka ákvarðanir um þetta mál fyrir einmitt þessar 500 milljónir manns. Hreint ótrúlegt þetta Evrópusamband að ætla að byggja nýtt ríki með 500 milljón manns sem eru of vitlausir til að geta vitað í hvernig þjóðfélagi þeir vilja búa. Herra félagi Leonid Brezhnev hinn sálugi hefði varla getað slegið þessum hroka við.

Er hægt að drepa hana? Hvað þarf til? Byltingu? Verkföll? Óeirðir? Upplausn?

Er yfirhöfuð hægt að drepa þessa stjórnarskrá? Er hægt að láta hana detta niður dauða og sýna sig aldrei aftur? Þessu reynir varaformaður Evrópunefndarinnar að svara í einhliða viðtali við okkur hérna á moggabloggiu. Hvað þarf til?

Viðtal við Margot Wallström, varaformann ESB

Margot Wallström 

 Smella hér að neðan til að horfa á viðtalið

Margot Wallström on Newsnight (Treaty of Lisbon rejection) 

Hvernig á að lesa nýju stjórnarskrá Evrópusambandsins?

Því svarar til dæmis einn af ráðgjöfum Vaclav Klaus forseta Tékklands, Petr Mach, hér . Tékkinn Petr Mach fór einnig einu sinni í heimsókn til Brussel til að tala um hversu áætlanir Evrópusambandsins líktust mikið áætlunum Sovétríkjanna. En einn aðalmunurinn, sagði Petr Mach, væri sá að 5 ára áætlanir Sovétríkjanna lögðu mesta áherslu á að það væri þungaiðnaðurinn sem ætti að fá Sovétríkin til að ná hagsæld Bandaríkjamanna. En í Evrópusambandinu voru það hinsvegar tölvur sem árið 2000 áttu að fá Evrópusambandið til að ná hinni miklu hagsæld Bandaríkjanna fyrir árið 2010. Þetta voru því tvennar en mjög ólíkar áætlanir. Ein var einungis til fimm ára og studdist við kola- og stálverk. Hin áætlunin var hinsvegar til 10 ára og studdist við tölvur og internet, eða svo nefnda "upplýsingatækni". Ræðan hans Petr Mach frá þessari jómfrúar Brusselferð er hér.  

En hérna erum við allt í einu komin út í allt annað er stjórnarskránna. Við erum farin að tala um Lissabon 2000 markmið Evrópusambandsins, en þau ganga út á það (já meira að segja ennþá) að Evrópusambandið verði samkeppnishæfasta og ríkasta hagkerfi heimsins árið 2010. Hérna er hægt að lesa um hvernig þetta gengur hjá Evrópusambandinu: Breytt mynd af ESB - höfuðstefna

 

The main objective of the Lisbon Agenda, that Europe should become "the most competitive and most dynamic economy in the world by 2010," might sound like an innocent or even a good idea to the people who have been living in the West for decades. But to those who used to live under the Communist rule in Central Europe, such slogans about catching up with the United States sound all too familiar. The difference is that instead of promoting information technology, the communist planners put more emphasis on heavy industry. Whereas coal and steel used to be the fashion fifty years ago, now it is computers. But the principle remains the same – the politicians believe that they are better qualified than the people in a free market to decide how much money should be invested and in what industries. This principle did not work under communism, and it will not work this time either. 

 

Fyrri færsla: Forsætisnefnd Evrópusambandsþingsins notar Tékkland sem dyramottu

Forsíða þessa bloggs 


Forsætisnefnd Evrópusambandsþingsins notar Tékkland sem dyramottu

Kæru lesendur

Jæja, mínar dömur og herrar, þá er komið að því að herra G1 þarf að láta af störfum sem forseti Evrópusambandsins. En þessi herra G1 er nafnið sem gárungarnir í Frakklandi hafa gefið forseta sínum, Nicolas Sarkozy, því í þeirra huga hagar forseti þeirra sér eins og að hann sé mikilvægasti maður í heiminum. En að vera forseti er mikilvægt og þungt embætti. Í Þýskalandi eru menn með tvo titla til dæmis kallaðir Herr Doktor Doktor. Því yrði þetta herra forseti forseti Nicolas Sarkozy G1. En hvað væri Frakkland án ESB núna? Það væri því miður, fyrir Nicolas Sarkozy, einungis Frakkland. Eitt fyrrverandi fyrrverandi Frakkland. 

Mr G1

En hver tekur við formensku Evrópusambandsins af Nicolas Sarkozy? Jú það er forseti Tékklands, Vaclav Klaus - og margir herr herr í ESB eru því mjög svo kvíðnir. En sem liður í undirbúningi Tékklands fyrir komandi formennskuna þá átti sér stað hæst markverður fundur í kastalanum í Prag í Tékklandi, núna síðastliðinn föstudag. Þar komu nefnilega í heimsókn ýmsir menn vopnaðir evrópusambandskízkum fánum, skammaryrðum, móðgunum, hótunum og fyrirlitningu í stórum skömmtum frá Evrópusambandinu. Þetta voru á mannamáli þrýstibullur hinna hreintrúuðu á þingi Evrópusambandsins. Hvað annað! Grænir fyrir járnum af korrekt hugsjónum hins hreina póltíska rétttrúnaðar hinna svokölluðu Evrópumanna.

igsfade

Þeir sem eru ekki sammála rétttrúnaði svona manna á rétttrúnað eru yfirleitt stimplaðir sem and-evrópskir og jafnvel sem hafandi hættuleg pólitísk sjónarmið, eins og fjármálaráðherra Danmerkur sagði að forstjóri fjárfestingabankans Saxo Bank væri haldinn, einungis vegna þess að hann er á móti því að Danmörk taki upp evru og vill berjast gegn því. Já, "hættuleg pólitísk sjónarmið". Sjálfur er ég til dæmis "fjandsamur og anti-evrópusinni" af því ég vil að Evrópa fái að halda áfram að vera Evrópa, en verði ekki United States of Europe, eins og markmiðið er.

Skyldi einhverntímann í heiminum hafa verið til eins stór pólitískur gjaldmiðill og evran? Ég efast um það, því ekkert hefur þessi gjaldmiðill gert fyrir hagkerfin sem nota hana, annað en að búa til eymd og volæði fyrir þegnana. Mikið, stöðugt og stanslaust atvinnuleysi og nánast engan hagvöxt allann tímann sem hún hefur flotið sem óskamynt spákaupmanna á gjaldeyrismörkuðum.  

En hvað fór fram á þessum fundi þarna í Prag? Var það vorið í Parg sem var komið aftur? Nei því miður, ekkert vor er komið þar ennþá. Ekki einusinni pínu pínu lítið vor

Hérna kemur það 

Bloggvinur minn Hjörtur J. Guðmundsson hefur þýtt yfir á Íslensku það afrit sem tekið var á fundinum í Prag. Á fagmáli heitir þetta víst "transcript". En forseti Tékklands varð svo reiður eftir þennan fund með Evrópusambandsmönnum að hann birti afskrift af því sem fór fram á fundinum. Mínar dömur og herrar, ég gef ykkur hér með fundinn á íslensku, þökk sé þýðingu Hjartar J. Guðmundssonar

 

Forseti í fullvalda ríki??

 

Fyrir þá sem hafa áhuga á að lesa þetta á erlendu tungumáli þá eru hér nokkrar vefslóðir 

Heimasíða forsetaembættis Tékklands (www.hrad.cz), þar sem þetta birtist fyrst (hér keyrt í gegnum Google þýðingu)Minutes of the adoption of the European Parliament delegation to the President of the Republic Vaclav Klaus og Ceske Noviny skrifar einnig um þennan merka atburð: Klaus criticises behaviour at meeting with MEPs as unprecedented

En það er einnig meira af hættulegum hlutum hér 

Á heimasíðu Václav Klaus forseta Tékklands er einnig að finna þessa hér gein sem sennilega myndi flokkast undir "hættuleg pólitísk sjónarmið". Tíu ár með evru, ástæða til fagnaðar? Ten Years of Euro: A Reason for Celebration?


Nýtt Þjóðmál útkomið. Seðlabankinn og þjóðfélagið

Sælir kæru lesendur

Ég leyfi mér að vekja athygli á nýútkominni vetrarútgáfu Þjóðmála, sem er útgáfa númer 4 árið 2008. Þar skrifa ég 10 blaðsíðna grein sem ber heitið:

Seðlabankinn og þjóðfélagið

Hugleiðingar í tilefni af linnulausum árásum á Seðlabanka Íslands og íslensku krónuna

 Efnisyfirlit greinarinnar

  • Bókavinur minn André Kostolany
  • Seðlabankinn og gjaldþrot ríkja
  • Þegar seðlabankinn í Danmörku fór til Þýskalands
  • og Færeyjar einnig – nálægðin við samfélagið
  • Til varnar stefnu seðlabanka á opinberum vettvangi
  • Langhlaup en ekki spretthlaup
  • Eru seðlabankar mikilvægir?

Brot úr inngangi greinarinnar fer hér

Þjóðmál : Vetur 2008 Númer 4 2008

Þokan í Frankfurt er mér minnisstæð því þar fór grátt í grátt svo oft saman og hljóp síðan yfir í blýgrátt við enda dagsins. Ég er að tala um gráu þokuna og gráu steinsteypuna við innkeyrsluna í þýska seðlabankann, Deutsche Bundesbank. Gráar Mercedes Benz bifreiðar komu brunandi upp að varðskýlinu sem ennþá er þarna fyrir framan þennan gráa seðlabanka Þýskalands. Enginn vissi hvort nokkur væri inni í þessum gráu bifreiðum því rúðurnar voru svo dökkar. En stuttu seinna komu nokkrir gráir menn í gráum jakkafötum fram í sjónvarpinu og sögðu aftur nei. Þetta endurtók sig mörgum sinnum í nokkur ár. Nei, nei, engin stýrivaxtalækkun núna. Þetta var bankinn sem gárungarnir kölluðu Bunkers-bankann, með tilvísun í sprengjuheld þýsk steinsteypubyrgi úr fyrri styrjöldum sem hafa verið ekki svo fátíðar á þessum slóðum hin síðustu hundrað ár. Nei og aftur nei. Allir biðu í eftirvæntingu, en enginn vissi neitt eða gat gert neitt. Hvað munu þessir gráu menn í þýska seðlabankanum gera núna? Munu þeir lækka vextina?

Smellið á myndina til að skoða greinagott efnisyfirlit Þjóðmála, eða bara hér  ]

Ég hvet þá sem vilja landi og þjóð okkar vel að lesa þessa grein í Þjóðmálum, því þar er komið inn á hluti sem lítið hafa verið uppi í þeirri örþrifaumræðu sem ennþá geisar á Íslandi. Umræðan um grundvöllinn fyrir farsælli tilveru þjóðarinnar í sjálfstæðu Íslandi. Ekki er allt sem sýnist . . . 

En það er miklu meira en þetta í Þjóðmálum 

Það er magt fleira athyglisvert og fróðlegt í þessari fjórðu útgáfu Þjóðmála þetta árið - árið 2008 sem mörg okkar seinna munum minnast sem annus horribilis

  • Ragnar Önundarson skrifar um efnahagsmál og rifjar upp varnarorð sín um hvert stefndi í fjármálalífi þjóðarinnar og sundurgreinir ennfremur þann vanda sem við var að etja
  • Hannes Hólmsteinn Gissurarson dregur fram í dagsljósið nýjar upplýsingar um veru Íslendinga í byltingarskólum í Moskvu á fjórða áratug 20. aldar
  • Björn Bjarnason skrifar um þjóðrembu útrásarinnar
  • Davíð Þorkelsson fjallar um lagaumhverfi nýs bankakerfis
  • Geir Ágústsson heldur uppi varnarorðum fyrir kapítalismann
  • Margt fleira

[ Ritið Þjóðmál fæst í öllum bókabúðum Pennans og Eymundsson, bensínstöðvum Olís og nokkrum fleiri stöðum. Einnig er hægt að kaupa einstök hefti og gerast áskrifandi í Bóksölu Andríkis (Vef-Þjóðviljinn). Þá er hægt að gerast áskrifandi og kaupa einstök hefti í síma 698-9140. Þjómál kostar 1.300 krónur. Útgefandi Þjóðmála er Bókafélagið Ugla, Hraunteigi 7, 105 Reykjavík, sími 698-9140 ]

Forsíða þessa bloggs

fyrri færsla: Mesti fjöldi gjaldþrota í Danmörku. Íslenskir bankar aftur á hausinn? 


Mesti fjöldi gjaldþrota í Danmörku. Íslenskir bankar aftur á hausinn?

Mesti fjöldi gjaldþrota í Danmörku frá því mælingar hófust

Gjaldþrot hlutafélaga í Danmörku nóvember 2008

Nóvember mánuður fer því miður inn í sögubækurnar sem vesti nóvember mánuður gjaldþrota hlutafélaga í Danmörku frá upphafi mælinga. 524 hlutafélög voru lýst gjaldþrota í þessum mánuði. Þetta er 83% aukning frá því á sama tíma á síðasta ári. Þær atvinnugreinar sem urðu verst úti voru "allt sem hefur með fasteignir að gera" og svo "allt sem hefur með flutninga að gera". Þetta rímar ágætlega því þeir bransar sem verða fyrst fyrir barðinu á samdrætti er einmitt flutningar. Menn ættu að staldra aðeins við hugtakið flutningar. Undanfarna áratugi hafa flutningar átt góða daga vegna þess að hnattvæðingin hefur flutt atvinnutækifærin til staða sem ennþá bjóða uppá vinnuafl sem gengur fyrir kolum og lágum launum. En ekki nóg með það þá hafa "góðu" störfin einnig flutt með þeim lélegu. (Antallet af konkurser sætter rekord) 

Krónan okkar á fáa tækifærissinna sem vini núna 

Mikið hefur verið rætt um gengisfall íslensku krónunnar undanfarið og hafa sumir gengið svo langt að lýsa hana "ónýta" því hún hafi fallið allt að 100%. En ekkert getur fallið um 100% án þess að verða að engu. Þessum aðilum til upplýsingar vil ég benda á að gengi íslensku krónunnar er fallið um 49% gagnvart evru á síðustu 365 dögum (uppfært: 4/12 '08: nú er fallið 47% síðustu 365 daga eftir 8% styrkingu dagsins). En 365 dagar eru eitt ár samkvæmt mínu dagatali. Þetta gerðist er næstum allt íslenska bankakerfið lagðist gjaldþrota á hausinn ofaná mynt okkar. Þetta er dálítið meira en evran féll á 22 mánuðum árin 2000-2001 vegna vantrausts, en þá féll hún um 30% gagnvart dollar, - og það þrátt fyrir sameiginlegar björgunaraðgerðir seðlabanka ESB og Bandaríkjanna í tvígang. Núna vinnur seigur, duglegur og sveigjanlegur gjaldmiðill okkar Íslendinga, aleinn og sem ofurmenni, dag og nótt við að afrugla hagkerfið aftur. Hann mun einnig í leiðinni koma í veg fyrir Evrópusambandslegt atvinnuleysi hjá launþegum á Íslandi, hann þjónar nefnilega Íslendingum þessi gjaldmiðill okkar. Það þarf meira til að ganga frá svona góðum gjaldmiðli en heilt gjaldþrota bankakerfi á vaxtarhormónum og herskáa Breta. En gjaldmiðillinn okkar á svo sannarlega betri meðferð skilið en þá meðferð sem hann hefur mátt þola síðastliðin mörg ár. En seig er hún krónan okkar. Hefði einhver annar gjaldmiðill þolað þessa meðferð? (Ónýtir gjaldmiðlar)

Svona lítur 94% fall út  

En ef mönnum langar að skoða hvernig 94% fall lítur út á blaði þá ættu þeir að skoða þessa mynd hér að neðan. Þetta er mynd af því hvernig málin standa með hnattvæðinguna núna, eftir að fjármálageiri heimsins fékk fast sæti á klósettinu í öryggisráðinu heima hjá mömmu sinni, ríkinu. En Baltic Dry vísitalan, sem var stofnuð árið 1744, mælir hvað það kostar að panta vöruflutninga á höfum heimsins núna. Enginn mun bóka neina fragt nema að hann ætli að flytja eitthvað. Núna ætlar heimurinn greinilega ekki að flytja neitt að ráði lengur því þessi vísitala er fallin um 94%. Hnattvæðingin er því komin á þann stað sem hún var fyrir ca. 25 árum. Það er ekki skrítið þó að það sé að koma ísöld í hagkerfum víða um heim. Þessi mynd er ákaflega glæsileg og áhrifamikil. En afleiðingarnar verða ekki glæsilegar. En þetta er allt saman Seðlabanka Íslands og Davíð Oddssyni að kenna, valdamesta manni og seðlabanka í heiminum.

baltic_dry_index_bloomberg

 

Aðild að Evrópusambandinu virðist skaða mörg ríki þess í kreppunni

Það virðist vera að eyðileggja efnahag flestra ríkja Evrópusambandsins að vera í Evrópusambandinu núna því þau þora ekki að gera neitt sem getur bjargað þegnum þessara landa frá hörmungum þeirrar kreppu sem núna er að hefja hinn glæsilega feril sinn. Spánn er kominn með 13% atvinnuleysi núna, sem eru 3 miljónir atvinnuleysingja. Það er gott að það séu lausar 1 miljón tómar íbúðir handa þeim á Spáni. Ljóst er að efnahagsástand ESB mun halda áfram að versna í að minnsta kosti 14-18 mánuði í viðbót og mun kanski botna snemma árs 2010 eða jafnvel enn seinna. Það er því líklegt að atvinnuleysi á Spáni muni nálgast 20% seint á næsta ári. Þar næst er það atvinnuleysi Slóvakíu sem er núna komið í 10%, svo er það Frakkland sem er með 8,2% atvinnuleysi eins og það hefur haft síðastliðin 25 ár eða svo, svo kemur Ungverjalandið með 8,1% atvinnuleysi og á hælum þess er Portúgal og allt evrusvæðið með 7,7% atvinnuleysi sem er dálítið mikið hærra en það var frá því ESB var fundið upp. Þar næst er Lettland, Írland, Þýskaland og Ítalía. Þetta er atvinnu laust Evrópusambandið. Að ganga í ESB núna eða á næstu árum væri því eins og að ganga í Bandaríkin árið 1931.

Sögur herma að Alþjóða Gjaldeyrissjóðurinn (IMF) hafi svo miklar áhyggjur af Grikklandi núna að þeir álíta að það munu þurfa að bjarga öllu Grikklandi frá hruni (samkvæmt skrifum fyrrv. hagfræðings IMF Simon Johnson). Einnig er talið líklegt að evrubinding Lettlands, Eistlands og Litháen sé að eyðileggja efnahag þessara landa svo mikið að þau muni neyðast til að brjóta bindinguna við evru á næstunni og fella gengið. Fjármálaráðherra Lettlands, Atis Slakteris, hefur staðfest að gengisfelling hefur komið til tals í viðræðum ríkisstjórnar Lettlands við IMF, en að ríkisstjórnin standi enn fast á að gengið verði ekki fellt. En IMF er núna að búa sig undir að bjarga þessum löndum Evrópusambandsins frá afleiðingum aðildar þeirra að Evrópusambandinu. En hvaða ESB lönd verða svo næst?

Tölur geira fjármála herma að það sé búið setja spánska fjármálageirann í sótthví inni í miðju evrusæðinu! Hvernig getur þetta gerst? Átti ekki evra að lækna allt svona? (The Spanish Crisis In A Nutshell) Ætla menn að segja mér að spænskum bönkum sé ekki treystandi? En eins og sumir vita þá hafa hlutabréf í stærstu bönkum Evrópusambandsins fallið um meira en 80% á síðustu 16 mánuðum. Þeir hluthafar sem ennþá eru eftir með bréf sín sofa ekki vel á nótunni því þeir eru svo hræddir - og ekki að ástæðulausu - um að bankinn þeirra verði þjóðnýttur á morgun, þarnæsta dag, eða daginn eftir þann dag. Dagar koma. Einhver sem vill eiga hlutabréf í þjóðnýttum banka?

Evrusvæðið getulaust og í gildru vansköpunar evru 

Wolfgang Munchau segir í grein í þýska Financial Times í dag að Þýskaland og evrusvæði séu bráðum að verða lokuð og læst föst inni í Keynesian liquidity trap (lausafjárgildru). En svona gildra virkar þannig að vextir nálgast núll og peningastjórnin er ófær um að örva efnahaginn með hefðbundnum aðgerðum í peningastjórn (monetary policy) því hún er engin hjá Þýskalandi og þetta mun smita allt evrusvæðið. Peningar munu því verða hamstraðir til þess eins að geyma þá á öruggum stað og burtu frá eyðileggingu á fjármála og peningamörkuðum í stað þess að þeim sé fjárfest. Efnahags-frostið kemur svo vegna skorts á fjárfestingum og svo mun vítahringur verðhjöðnunar taka við og afgreiða okkur inn til dyra helvítis. Allt þessari blessaðri getulausu og geldu peningastjórn á evrusvæðinu að kenna. Evran er mynt án vöðva. Seðlabanki Bandaríkjanna þarf ekki að glíma við svona tómar tunnur af engu, lamaða vöðva ríkisfjármála (fiscal policy) sem vinna á móti hvor öðrum eins og í geðklofa líkama. En fjárlög ESB eru 2-3% af VLF ESB og ECB getur ekki búið til eitt né neitt úr lofti. Fjárlög sambandsríkja Bandaríkanna eru um 23% af VLF í BNA. Munu ísar og ísöld koma í ESB? 

Eins og Íslendingar vita þá á Seðlabanki Íslands núna allt sitt púður þurrt og geymt á öruggum stað. Þegar þetta púður verður tekið í notkun á Íslandi þá munuð þið sjá hvers megnugt íslenska hagkerfið verður. Þið eigið þetta allt til góða. Lækkun stýrivaxta mun gera margt mjög gott fyrir íslenskan efnahag. En þegar þetta gerist þá mun ECB löngu verða orðinn skotfæralaus.   

Eftir áföll er ferli ferskra fjármuna oftast svona: 1) fyrst fara þeir til hlutabréfamarkaðarins 2) svo fara þeir til fyrirtækja 3) svo fara þeir til fjárfestinga 4) svo koma þeir til til neytenda í launum og framgangi 5) svo fara þeir inn í húsnæðismarkaðinn 


barroso

Borroso leikur hlutverk sitt vel áfram sem hinn ábyrgðarlausi lýðskrumari fyrir ESB

Í útvarpsviðtali við eina franska útvarpsstöð segir þessi formaður ESB - sem ekkert hefur sést til í fjármálakreppunni, samkvæmt gagnrýni Þjóðverja - að Bretland hafi aldrei verið nær því að taka upp evru en þeir eru núna. Hver sagði þetta spyr útvarpið. Jú þeir menn sem skipta máli í bresku samfélagi. Höfum við heyrt þetta einhversstaðar áður kæru Íslendingar?

 

"I don't mean to say that it will be tomorrow and I know that the majority in Britain are still opposed, but there is a period of consideration under way and the people who matter in Britain are currently thinking about it"
                 Jose Manuel Barroso forseti

 

Þýðing: ég veit að þetta verður ekki á morgun og ég veit einnig að almenningur er á móti evruupptöku en þeir sem skipta máli í bresku samfélagi eru að hugsa um þetta. Þarna höfum við hið rétta andlit ESB. Þetta er lýðskrumarinn frá Brussel sem hér talar fyrir hönd þeirra sem "skipta máli" í bresku samfélagi. Þú og ég skiptum ekki máli í huga þessa manns. Því fer Henry Nitzsche ekki fögrum orðum um þetta Evrópusamband í tölu sinni hér í þýska þinginu og kallar hann þar nýju stjórnarskrá Evrópusambandsins fyrir nýja Versalasamninga fyrir Þýskaland (enskur texti)   

Reyna Íslendingar að koma bönkum sínum á hausinn aftur?

Mér líst afskaplega illa á þá hugmynd að láta erlenda banka koma inn í bankarekstur á Íslandi núna við þær aðstæður sem núna ríkja á Íslandi og í ESB og sem munu ríkja á næstu árum. Þetta gæti þýtt að bankarnir gætu hugsanlega farið á hausinn aftur eða þurfa að loka aftur því stór hluti af bankageiranum í Evrópusambandinu á eftir að fara á hausinn eða að örðum kosti verða þjóðnýttur. Ef stór hluti bakageirans verður þjóðnýttur í ESB þá verður að loka og draga síg út úr bankarekstri á Íslandi eða selja bankana til Íslendinga aftur, ef þeir þá geta keypt það til baka sem þeir ætla að gefa frá sér núna. Northern Rock bankinn þurfti til dæmis að loka í Danmörku þegar bankinn var þjóðnýttur í Bretlandi því ríkisfyrirtæki meiga ekki (allavega ekki ennþá) reka banka í útlöndum. Erlendir bankar munu einnig nota Íslendinga eins og mjólkurkýr á næstu árum sé þeim gefinn kostur á því. Þetta eru hrapalleg mistök að mínu mati, og sérstaklega séð með tilliti til atvinnulífsins því bankar í ESB munu alls ekki geta sinnt skyldum sínum við atvinnulífið á næstu árum. Þeir munu kyrkja allan hagvöxt a la Japan. Sem dæmi má nefna að Danske Bank var gagnrýndur harðlega fyrir að þurrka mistökum og tapi sínu yfir á Færeyinga í síðustu bankakreppu, en þá var Danske Bank með bankarekstur í Færeyjum. 

Forsíða þessa bloggs

Ég mæli með Hindrar evra atvinnusköpun? 


Skrár tengdar þessari bloggfærslu:

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband