Leita í fréttum mbl.is

Bloggfærslur mánaðarins, júlí 2015

Er Evrópusambandið rottueitur?

Vegna: Nóbelsverðlaunahafi líkir aðhaldspólitík við rottueitur (góður vefur Styrmis Gunnarsonar)

Hvað segir þetta okkur? Jú, þegar heilar eins og Hugo Dixon og Amartya Sen taka svona til lýsingarorðanna, þá sýnir það okkur, venjulegu fólki, að á ferðinni er viðfangslegt fyrirbæri sem greinda menn skortir orð og hugsanir til að lýsa og hvað þá til að takast á og glíma við

Reynt er að taka á hinu slímuga marglyttulega málefni er nefnist Evrópusambandið, með því að líkja því saman (e. analogy) við eitthvað sem menn þekja og vita hvað er: til dæmis rottueitur. Sem passar og ágætlega, en samt ekki svo vel að það gagnist

Sannleikurinn er sá að Evrópusambandið er þannig úr garði gert að það er ekki hægt að líkja því saman við neitt þekkt fyrirbæri. Það er ekki hægt að hætta að taka það rottueitur, því mörg löndin sem eru á því eru orðin rottueitrið sjálft

Ekkert mál er eins illa til þess fallið að stjórnmálamenn og kjósendur geti, alveg sama hvað þeir reyna, tekið á því og myndað sér sanna skoðun á því, nema með því að verða samtímis eitrið sjálft. Þeir þurfa að búa í eitrinu í 30-40 ár til að skilja það og hafa augun opin allan tímann, sem er afar erfitt sem verandi fárveikur

Að ganga í ESB er allt örðuvísi en að "taka stökk" eða bara gera "eitthvað í sínum málum". Það er best hægt að líkja því við að panta sér 10 ára tíma hjá tannlækni, sem svo dregur úr manni flestar tennurnar á þessum 10 árum. Hægt, en bítandi eru tennurnar dregnar út þér. Þar sem þú heitir ekki Þýskaland eða Frakkland þá færðu enga deyfingu þar sem svíður mest. En tannlaus verður þú smá saman. Og það er ekki hægt að setja gömlu tennurnar í aftur ef þú sérð eftir þeim seinna

Þegar þú svo ert orðinn tannlaus, þá magnast öll vandamál þjóðarinnar vegna þess að sjálfstæðar litlar þjóðir þola ekki að missa flugbeittar tennur frelsis, sjálfsákvörðunarréttar og fullveldis. ESB mun aldrei geta skaffað þér gömlu tennurnar aftur eða komið í stað þeirra gömlu sem bitu svo vel. Það verður alltaf hálft bit

En þá munt þú bara biðja Brussel um mjúka fæðu og sleikja þann grautarvelling sem þaðan mun út leka til smábarnanna í norðri, sem héldu eitt slæmt andartak að ESB væri lausn vandamála þeirra. Þá verða börnin þakklát og kyssa sleifina - tannlaust

Já. Takir þú rottueitur í langan tíma þá detta tennurnar sjálfkarfa úr þér. Svo að því leyti má taka undir samlíkinguna - með mikilli ánægju

Að losna við þetta rottueitur er ekki hægt. Sjúklingurinn verður einfaldlega að deyja og það mun hann gera. Engin lausn er til. Eitrunin er varanleg og afleiðingarnar fyrir veröldina verða algerlega skelfilegar

Myndband, Bernard Connolly:

Flash: En hvað nú ef þeir eru ekki geðbilaðir? - (non Flash)

Fyrri færsla

Lars Christensen í þrælkunarbúðir?


Lars Christensen í þrælkunarbúðir?

Vegna, Fastgengi: afneitun veruleikans í gær

Nú er það svo að litlar myntir sveiflast minna en stórar myntir. Þó svo að íslenska krónan sé "lítill" gjaldmiðill á alþjóðlegan stórfjármála mælikvarða, þá skilgreinir og smíðar einmitt smæð hennar stærð þeirra afla sem geta virkað á flökt hennar. Enginn getur gert áhlaup á krónuna með stærra afli en hún sjálf hefur, nema stjórnmálamenn. Svo að því leyti situr krónan við sama borð og dalur og pund

En ástæðan fyrir því að stórar myntir sveiflast meira en smærri myntir er sú að það er einmitt í "stóru" myntunum sem hin stærstu alþjóðlegu fjármálakerfi veraldar eiga heima. Og er það hin spekúlatífi hluti hins alþjóðlega fjármálakerfis (og fjárstraumar þess hluta hans) sem er orsakavaldur þeirra stóru sveiflna sem þessir stóru gjaldmiðlar verða fyrir

Litlar myntir eru ekki vel til þess fallnar að hýsa alþjóðlegt fjármálakerfi. Það ætti öllum að vera ljóst nú

Fastgengi hverju nafni sem það nefnist er afneitum á veruleikanum og sú afneitum mun alltaf leiða til þess að öfl framboðs og eftirspurnar, sé þeim afneitað, munu brjótast út annarsstaðar í hagkerfinu sem vanskapningar og krypplingar sem krypplað og afbakað geta sköpun velmegunar sem er undirstaða velferðar

Fáum dettur víst lengur í hug að innleiða fastgengi á hækkunum eða lækkunum á húsnæðisverði eða á verðlagningu á eignarhlutum í fyrirtækjum (hlutabréfum). Hækkun húsnæðisverðs vegna eftirspurnar hefur neikvæð áhrif á þá sem eru að kaupa sér húsnæði í fyrsta sinn. Á þá að banna eftirspurnarhækkun á húsnæðisverði og miðstýra verði þess?

Ekkert alvöru þjóðríki með alvöru hagkerfi getur bundið verðið á gjaldmiðli sínum við eitthvað án þess að enda sem örkumla hagvaxtarríki, eins og öll ESB-löndin sem tóku þátt í ERM urðu krónískt fyrir, og sem standa nú samanlagt sem versta efnahagssæði veraldar - og með Danmörku sem eitt stærsta stjörnuhrapið á hagvaxtarhimni OECD ríkja. Danmörk verður sífellt hlutfallslega fátækara land vegna afneitunar stjórnmálamenna á veruleikanum

Í Danmörku er ekki hægt að láta einn sæmilegan banka fara í þrot af ótta við að fall hans muni grafa undan pólitísku fastgengi dönsku krónunnar við evru svo honum þarf því í staðinn að henda yfir á herðar skattgreiðenda af tillitssemi við fastgengið og þá pólitík sem á bak við það liggur

Öll gengisbinding er pólitík. Og öll gengisbinding endar ávallt sem rotin pólitík af því að hún er einmitt pólitík

Að vera stjórnmálaflokkur sem byggir pólitík sína upp í kringum einn pening - pólitískan pening - er vitfirra og totalitarism, eins og ávallt hjá sósíalistum, eins og sést

Lars í þrælkun og útlegð?

Skondin tilviljun í ljósi þessarar umræðu. Daninn Lars Christensen, sem er Íslendingum með eyru/øre nokkuð kunnur, lýsti því yfir á Bloomberg í síðustu viku að Danmörk ætti að leggja niður hina trúarlegu bindingu dönsku krónunnar við evru. Viðtalið má sjá hér

Viðbrögðin í Danmörku munu verða þau að Lars verður gerður útlægur og settur þrælkunarbúðir sem trúarlegur glæpamaður. Hann er hættur hjá Danske Bank og getur því nú sjálfstæður talað sem frjáls maður, en slíkt má ekki gerast í ERM-lendum ESB

Meginefni viðtalsins er þó hið dauðvona Finnland í handjárnum stálfátæktarevru, þar sem forsætisráðherra landsins grenjar nú á 5 prósent launalækkun á öll laun í landinu svo að hann geti haldið áfram að borga reikninga sína til ESB [húsaleigan (fyrir geymsluplássskjól Finnlands í brennandi húsi)] og öll flugin til Brussels handa sér og Olle Rehn á fyrsta klassa

Finnland hefur tekið við af Þýskalandi sem hinn sjúki maður Evrópu af því að landið tók upp evru (handjárnað fastgengi með peningapólitískri-steglu). Og gert allt "rétt" sem ESB-elítan bað landið um. Meira að segja skorið undan sjálfu sér og er því orðið getu- og meinlaus skriðdýranýlenda ofan í vasa Þýskalands

Finnland var lengi notað sem plakatdrengur ECB-sogrörsseðlabanka Þýskalands ásamt Írlandi

Grein: Áhlaupið á íslensku krónuna

Fyrri færsla

Fastgengi: afneitun veruleikans


Fastgengi: afneitun veruleikans

Heilaskurðaðgerð eina lausnin?

Það dettur mér helst í hug er Jón Baldvin Hannibalsson slær því fram að "fastgengisstefna sé eina lausnin" og svo náttúrlega einnig þeim framslætti hans, eins og venjulega, að "krónan sé ónýt"

Þetta tvennt er það eina sem eftir stendur af 40-50 ára áróðri eins einstaks sósíaldemókrata og þess konar stjórnmálaflokka á baki hans, fyrir sjálfu Evrópusambandinu og myntbandalagi þess

Og alltaf er það eina eina lausnin sem kynnt er enn til sögunnar. Nú er það "fast gengi" sem á að tryggja sósíalista-krötum framhaldslíf á Íslandi

Evran var nefnilega frá byrjun ekki það sem hún var sögð vera, segir Jón Baldvin. Og þar með varð Samfylkingin heldur ekki það sem hún var sögð vera. Jafnvel kjósendur hafa fattað það. Ekkert nýtt er hér

Hvað fleira segir Jón Baldvin, að sé ekki eins og það var sagt vera? Jú, allt Evrópusambandið! Það er ekki það sem sambandið var sagt vera. Ja hérna. En jafnvel þar er ei heldur neitt nýtt. Kjósendur hafa ávallt fattað það

Sprunginn sandur

Það eina sem enn er eins og það var rækilega sagt vera, er sem sagt krónan okkar. Og hvenær fáum við svo, minn kæri Jón, að vita það að krónan okkar sé ekki eins og hún, af þér og flokkum þínum, er sögð vera? Því ekki þarf annað til, minn kæri Jón, svo að allt verði í stakasta lagi og blessað til að vera. Bara eina setningu Jón - og allt verður þá aftur ekki eins og það var sagt vera. Að vera eða ekki vera, það er spurningin Jón

Sprengisandur er ei heldur það sem hann er sagður vera. Hann var ekki sandur áður en hann sprakk. Það gat hann ekki. En hvað var hann þá? Áður en hann var sagður og skrifaður sprengisandur

En hvað ert þú? Og hverju getum við treyst frá og með svo sem nú? Jú fastgenginu, auðvitað. Hinu fasta gengi: teiknimyndaseríum seðlabanka!

En samt tek ég nú hattinn ofan fyrir þér

Evrópa er hér með fallin

Fyrri færsla

Hvaða bandamenn?


mbl.is Fastgengisstefna eina lausnin
Tilkynna um óviðeigandi tengingu við frétt

Hvaða bandamenn?

Framhaldið á fölsku og hættulegu lífi Evrópusambandsins mun að miklu leyti velta á því hvaða bandamenn veraldar munu frá og með nú styðja þvingaða sameiningu Evrópu undir einveldi eins einstaks penings ókjörinna elíta

Kolrangt utanríkismálaútkíkk Bandaríkja Norður-Ameríku frá 1871, byggt á röngum forsendum og einfeldningsskap, studdi aulalega við falska sameiningu Þýskalands. Sú tálsýn hélt lengi vel, byggð á þeirri sameiningu, að um sama væri að ræða þegar að málum elíta Evrópusambandsins kemur

Bandaríkin höfðu rétt fyrir sér að því leiti að um samrunaferli í Evrópu væri að ræða, en álit þeirra var byggt á jafn röngum forsendum og sameiningin sjálf. Sameining Þýskalands var síst minna tímastillt ófriðarsprengja og rotin fyrir Evrópu og alla veröldina, en sá blekkingarleikur sem fram fer á Evrópusambands-stóriðnaðarskala samskonar elítuafla í dag

Hvaða sönnu bandamenn? mun ESB eiga í framtíðinni þegar hinum vestræna (Anglosphere) hluta veraldar er orðið nokkuð ljóst að allt annað en frelsi, lýðræði, velmegun og vestrænn kapítalismi ræður för á leið Evrópusambandsins til einræðis undir gervilýðræði og PR-filtruðum eitursstrókum elítuveldis ESB. Og það með gegnrotið Hegelskt genetískt Þýskaland sem einu aflvél og sem aðeins getur framleitt áframhaldandi hörmungar vegna fölsunarinnar 1871. Já, allt það sem til dæmis Roosevelt fyrirleit og aflúsaði því blint annan en rangan mann

Berlín lítur á Rússland sem næsta, nánasta og eftirsóttasta nágranna sinn. Þau 12 ríki og 160 milljónir manna er liggja á milli Berlínar og Kremlar, eru í augum Berlínar sama ruslið og ávallt áður á andlega geðklofnu landakorti Berlínar, sem er enn það sama og síðast. Það áhrifalausa rusl kemur Berlín ekki að neinum notum, heldur er það bara sama gamla ruslið og síðast. Þetta veit Pútín ákaflega vel og malar mjúkt

Hegelskum díalektsima fjármálaráðherra Þýskalands hefur nú verið stillt út í alla búðarglugga Þýskalands. Hann lætur svo sannarlega í eyrum eins og heima hjá sér núna

Einkennin á sjúkri og falskri sameiningu brutust síðast út úr þessum sömu búðargluggum Þýskalands árið 1933. Í Evrópu er tíminn nú talinn þar

Dynkurinn verður stór þegar Evrópa fellur í Bandaríkjunum. Og þegar Sámur frændi hoppar sannfærður af

Fyrri færsla

Hefur Evrópusambandinu tekist það?


Hefur Evrópusambandinu tekist það?

Hefur Evrópusambandinu tekist að skapa nægilega mikla, djúpa og eyðileggjandi kreppu innan þess, svo að hún dugi sambandinu til að kynna til sögunnar stofnun Stórríkis Evrópu? (NSU)

Allt slæmt sem er að gerast í löndum Evrópusambandsins og sérstaklega í evruríkjum er Evrópusambandinu að kenna. Myntbandalagið er stærsta manngerða fjármálabóla og fjárglæfrastarsemi veraldar og hún er sprungin. Afleiðingarnar eru ekki bara fallnir bankar. Nei afleiðingarnar eru fallin ríki

Það sem myntin evran átti frá upphafi að gera var að sprengja Evrópu í tætlur. Fyrirrennari myntarinnar var ERM I og II. Það fyrirkomulega virkaði alltaf sem drápsvél velmegunar allan þann tíma sem það keyrði. Það var eins og lömunarveiki fyrir lönd Evrópusambandsins. Þegar það lyf hafði fengið að renna sitt skeið og eyðileggja nógu mikið, voru sjúklingarnir loksins orðnir það aðframkomnir að hægt var að kynna næsta þrep meðferðarinnar. Heróín handa þeim. Það heróín er evran (EU Economic and Monetary union: EMU)

Það efni hefur nú skapað svo alvarleg áföll og varanlega kreppu fyrir þau lönd sem eru á því, að enginn herafli hefði getað komið eins djúpri og varanlegri eyðileggingu í kring

Spurningin núna er því þessi: Er evrusvæðið orðið nógu skemmt og eyðilagt til að hægt sé að kynna fyrir löndum þess sjálfa lokameðferðina?

Fyrri færsla

Viðskiptaráð Íslands geri upp í grískum evrum


Viðskiptaráð Íslands geri upp í grískum evrum

"Maastricht viðheldur valfrelsi: Eitt mikilvægasta hagsmunamál Íslendinga í dag er fyrirkomulag gjaldmiðilsmála og aflétting gjaldeyrishafta. Það hvaða gjaldmiðil þjóð notar skiptir talsverðu máli, sérstaklega litlar þjóðir sem eru verulega háðar utanríkisviðskiptum. Fyrir slíkar þjóðir er það grundvallaratriði að gjaldmiðill þeirra sé viðurkenndur á alþjóðamörkuðum."

Viðskiptaráð Íslands, nóvember 2012 e.Kr

Evra Grikklands er viðurkennd á alþjóðamörkuðum

  • En þar er bannað að nota hana því hún er pólitískur peningur Þýskalands
  • Hún er undir ströngum höftum og þolir ekki sömu hard-core notkun og íslensk króna íslenska þjóðríkisins
  • Evru Grikklands er fjarstýrt frá Þýskalandi því hún er mynt Þýskalands
  • Grikkland á engan gjaldeyrisforða, hann er núll og evrumynt þess er ónothæf
  • Landið getur því ekki bjargað sér og er gjaldþrota í Kredit-Maatrix
  • Evra Grikklands hefur lokað á allt aðgengi gríska ríkisins að alþjóðlegum fjármálamörkuðum árum saman. Gersamlega
  • Sama saga hefur verið á Írlandi og í Portúgal og á Spáni
  • Allt bankakerfi Grikklands hefur staðið ónothæft og lokað í þrjár vikur og svo mun verða árum saman í ýmsum tilbrigðum
  • Kauphallir eru lokaðar og þriðjungur fyrirtækja vilja flytja úr landi
  • Miðstýrð peningaskömmtun ríkir, verri en var í Sovétríkjunum
  • Almenningur má ekki nálgast spari- og ráðstöfunarfé sitt hvorki heima fyrir né erlendis
  • Enginn fær lán

Evran er sovétríki peningamála og peningapólitísk kúgunarvopn. Sama sagan var á Kýpur. Og sama sagan mun verða í fleiri evrulöndum; höft, peningapólitísk fjárkúgun, fullt sovét, myntþrældómur, gereyðing velmegunar og efnahagsleg steinöld að lokum. Sannkölluð friðarstyrjöld

Hagkerfi sósíalista Evrópusambandsins á alls ekki að vera peningaknúið í framtíðinni. Það sagði sósíalistíski meiri-hluta formaðurinn á evruþinginu, kommúnistinn herra Schulz. Það á að vera knúið hinum sterka-vilja hinnar pólitísku myntar sem kennd verður við Adolf og hinar gömlu myntbandalagsáætlanir evrópsks yfirvalds hans frá 1942. Sjá gamla teikningin: Europäische Wirtschaftsgemeinschaft - Berlin 1942

ESB- og evrusjúklingarnir Viðskiptaráð Íslands, Félag atvinnurekenda, Samtök atvinnurekenda, Samtök iðnaðarins, ASÍ og ESB-Bifröst hafa stungið sér í vitsmunalegt Gúlag og eru gjaldþrota, þjóðinni til skaða. Sómakenndin ætti að leysa þau upp, laun ættu að borgast til baka og peningum meðlima ætti að skila, haldi þessi vitleysa áfram. Það væri hið rétta til að koma í veg fyrir enn hörmulegra viðskiptaóráð þessara "samtaka"

Tengt: um fyrirkomulag myntmála hins evrópska efnahagssvæðis 1942 og meðhöfund þess, Dr. Bernhard Benning, sem svo sat í Bundesbank Direktorium fram til 1972: Spurningatími um sósíalisma og ESB

Fyrri færsla

Hollande Frakka kallar á stofnun "ríkisstjórnar evrusvæðis"


Hollande Frakka kallar á stofnun "ríkisstjórnar evrusvæðis"

French President Francois Hollande called for the creation of a euro zone government and for citizens to renew their faith in the European project, which has been weakened by the Greek crisis | Reuters

Já þetta er svona. Á evrusvæðinu er nú kallað eftir stofnun “ríkisstjórnar evrusvæðis” og hvatt er til "endurnýjunar á trú manna" á Hitlevru þess. Takið eftir: ekki er kallað eftir neinum kosningum, heldur stofnun eða e. "establishment for the establishment". Og boðuð er hert og enurnýjuð evrutrú

Hvað er að manninum? Af hverju ríður Hollande "forseti" ekki bara einn á vaðið og gefur Grikklandi peningana sem þá vantar og sem eftir 16 ára EMU-ryksugun liggja á kistubotninum heima í Þýskalandi í formi þúsund miljarða evru viðskiptahagnaðar þess eina lands við önnur evrulönd og umheiminn á fölsku gengi undir EMU (stærri en sá kínverski)

Honum er frjálst að gefa. Gefðu þeim peningana Hollande. Þú ert forseti Frakklands, er það ekki? Næst getur svo Ítalía gefið Grikkjum peningana. Svo Portúgal og svo Írland. Svo getur Samfylkingin gefið Grikkjum gjaldkera þess flokks og sem þá af fúsum og frjálsum vilja mun láta peninga meðlima þeirrar evru-stjórnmálahreyfingar af höndum: ganske gratis. Hugsið ykkur, sósíalistar Evrópu hafa stofnað stjórnmálahreyfingu í kringum pening. Skítapening!

Ég Gunnar kalla því eftir stofnun ríkisstjórnar míns prívat seðlabanka, donk. Æðislegt maður!

Það er ekki eins og að engar ríkisstjórnir séu til á evrusæðinu. Þær eru bara undir Hitlevru þeirra stjórnmálamanna sem nú falast eftir því að troða sér að jötunni sem ókjörin yfir-ríkisstjórn yfir hinum ríkisstjórnunum. Þetta batnar með hverjum deginum sem til einskis líður á hitlersku myntsvæði Evrópusambandsins. Hvenær er friðarstyrjöldin. Hvað er klukkan?

Social-networks

Enn hef ég ekki séð neinn deila hagnaði sínum af neinu í þessu svo kallaða "deilihagkerfi" sem er ekki til. Flestir reyna hins vegar að deila kostnaði og sérstaklega stofnkostnaði. Eins og samvinnufélögin sem fóru á hausinn vegna allrar samvinnunnar við samvinnuna

Auðvitað vilja allir koma ónýttum jaðartækjum sínum á nýja netverkið og koma þeim í vinnu fyrir peninga. En samt ekki deila hagnaðinum með neinum, heldur bara tapinu. TCP/IP er því alveg ágætt. Að sumu leyti betra en X25. En það er bara kapítalisminn sem þorir að deila hagnaði og það er það sem skiptir öllu máli. Hitt er húmbúkk. Ég skal skaffa ykkur netverkið, þið sjáið svo um sósíalið. Takk fyrir, - og kaupið nú Facebook-bréfin af mér á Facebook

"Nýja hagkefið" (e. the "New Economy") sem varð til í fjölmiðlum þegar dot.com bólan var að byggja sig upp til stórsprengingar í aðdraganda aldamótanna, átti einnig að vera komið algerlega til frambúðar. Aldrei yrði samdráttur aftur, bara vöxtur. Það var til dæmis bara einn virtur hagfræðingur í Danmörku (hæ Torben M. Andersen við AAU) sem stóðst mátið að hoppa á þann vagn til að tryggja sig persónulega gegn því að líta út sem viðrini í augum hinna trúandi. Og hann hafði auðvitað rétt fyrir sér; nýja hagkerfið var ekki nýja hagkerfið, það var bara bóla. "Deili" afréttur fyrir afglapa. Ég þakka honum ávallt

Fyrri færsla

Gott að evran er dauð


Gott að evran er dauð

Sem betur fer hlustaði íslenskur almenningur á okkur í landinu sem kynntum fyrir honum rauneðli Evrópusambandsins og myntbandalags þess á meðan ólæsir stjórnmálamenn föðruðu sig fyrir útsendingar þokulúðrasveita sinna

Sem betur fer hlustaði íslenskur almenningur ekki á fíflin í landinu. Og þessi fífl í landinu hafa sem betur fer verið einangruð inni í Samfylkingu, Vinstri grænum og Bjartri framtíð

Allt saman nöfn á herbúðum fyrir ESB-fífl og allt saman öfugheiti sem í raun standa fyrir Elítufylkingu, Rústandi kommúnistasteypu og Svörtum dauða um alla framtíð fyrir alla. Ofan í þetta kemur svo brædd klessan af Járnbjánum Íslands

Hin pornógrafísku þjóðfélags-, efnahags- og hag- fræði úr Hegelskum aðalstöðvum ESB í Þýskalandi hafa þó mitt í eyðileggingu ESB á Evrópu borið eitt manngæskulegt skemmtiatriði upp á fjöruborð þjóðarinnar; Jú, samanborið við fjármálaráðherra Þýskalands er Össur Skarphéðinsson verðugur útnefningar til Nóbelsverðlauna í efnahagsmálum. Svo mikið er víst og svo ömurlegt er ástandið á meginlandi taparanna í NSU (New Sovét Union) og EMMA (European Monetary Madness Area) undir ECB-sogrörsseðlabanka Þýskalands ofan í önnur evruríki

Að reyna að skipa Grikklandi í fimm ára útlegð frá evru sannaði svart á hvítu fyrir umheiminum að evran er framhald af hryðjuverkavopninu ERM og að því er beitt sem kúgunarvopni á þau evruríki sem fikta til dæmis við lýðræði. Myntbandalagið er framhaldsryksuga Þýskalands ofan í önnur evruríki og til helvítis með allt lýðræði og hinn gubbandi "frið" sem þetta ESB-klessuverk elíta Evrópu hefur útbíað veröldina í

Það var gott að fjármálaráðherra og kanslaraína Þýskalands skyldu drepa evruna um helgina, daginn og reykfyllta nóttina eftir að til handalögmála kom á fundi fjármálaráðherra evruríkja

Evran er nú dauð. Hún hangir um hálsa líkfylgdar evruríkja þar til að sú fylgd kiknar. Ríkja-líkfylgdin á göngunni miklu sem kiknar undan evruokinu og fer þýsk niður í gröfina er leiðtogarinn mikli tosar inn trollið sitt

Þetta er þá í þriðja skiptið sem að Þýskaland afdalamanna meginlandsins leggur Evrópu í rúst. Handalögmál afdalamanna Evrópu heitir ESB og er úrkynjun

Fyrri færsla

ESB-lyfið brátt tekið úr umferð


ESB-lyfið brátt tekið úr umferð

Ef að aðild að Evrópusambandinu væri lyf, þá væri búið að taka það af markaðnum og stinga framleiðanda þess í steininn

Grikkland er búið að vera á ESB í 34 ár. Það er nú því sem næst örent ríki. Einn fjórði hluti hagkerfis þess er horfinn undir stjórn ESB, ECB og AGS

Skuldahlutfall hefur því sprungið út og upp í gegnum gufuhvolfið og út í geiminn. Greiðslugetan er þornuð upp. Skattatekjur eru súgþurrkaðar og lánshæfninni þar með útrýmt. Atvinnuleysi er tvöföld hraðbraut til Hitlers

Önnur ríki hætt komin á lyfinu eru: Frakkland, Spánn, Portúgal, Ítalía, Eistland, Lettland, Litháen, Kýpur, Írland og Austur-Evrópa

Þeir sem selja og framleiða lyfið eru; Þýskaland og deyjandi öldrunarhagkerfi þess ríkis. Það þarf á tekjum frá sölu lyfsins að halda, því annars gæti það ekki staðist og myndi falla saman af krónískum skorti á eftirspurn. Frakkland hefur hins vegar neyðst til að snúa sér að ESB-kópí-lyfja-framleiðslu til að lifa af í þessum dópsölubransa

Á Íslandi hefur ESB-lyfið meðal annars verið markaðsfært undir nöfnunum Evrópuvextir Össurar, Stöðugleikaskjaldborg Jóhönnu og Ósvikið stjörnuhrap Steingríms

Viðskiptahagnaður Þýskalands við önnur evruríki sem eru á lyfi þess er því nú 1000 miljarðar evra. Því marki var þegar náð árið 2010. En það var til þessa eins sem ESB-lyfið, sem er mjaltavél, var framleitt og sett í umferð. Restin er hreint sölugas og imperial-pólitík

Fyrri færsla

ECB-seðlabanki bíður átekta í vasa


ECB-seðlabanki bíður átekta í vasa

Nú bíður hinn rammpólitíski ECB-seðlabanki Evrópusambandsins eftir því hvað stjórnmálamenn annarra ESB-landa (þ.e.a.s. Þýskalands og Frakklands) hafa að segja um málefni hinna þjóðkjörnu sem búa í Grikklandi. Líklega mun hann halda kyrkingar-taki sínu á bankakerfi Grikklands fastlæstu áfram, eða eins lengi og það hentar stjórnmálamönnum í Þýskalandi og hverfandi Frakklandi á meðan þeir funda um afrek evrunnar. ECB er seðlabanki gangster-eininga elítu-stjórnmála meginlands Evrópu

En kannski er Hollande Frakklandsforseti svo upptekinn á niður- og útskurðarnámskeiði sínu hjá Þýskalandi, að hann hefur ekki tíma til að mæta á komandi neyðarfundi ESB númer núll í tíunda veldi, um hinar hroðalegu kjósendahamfarir í Grikklandi. Hann var nefnilega, svo seint sem í maí 2012, kosinn til endurnýjaðra valda (ha ha ha!) í embætti forseta Frakklands vegna einmitt loforða hans um að svo yrði aldrei. Það var sem sagt hann sem sagðist ætla að gera það sem Grikkir gerðu í gær; að snúa af braut niðurskurðar og partasölu ESB-landa uppi á skurðarborði Þýskalands, sem er heimsmeistari í efnahagslegum sjónhverfingum á kostnað annarra ásamt hagfræðilegu ólæsi að eilífu

Galíleó: "Já en en gengið er nú samt til"

Fyrri færsla

Samfylkingar-?asistar: "brú málamiðlunar brennd niður"


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband