Leita í fréttum mbl.is

Bloggfærslur mánaðarins, júní 2016

Bretland er farið og mun aldrei snúa aftur í þennan félagsskap

Sú staðreynd að eitt helsta og traustasta lýðræðisríki veraldar hefur yfirgefið Evrópusambandið, sannar svart á hvítu að Evrópusambandið var aldrei í þennan heim sett til að koma í kring neinu sem bara líkist sameiginlegum lausnum á neinu

Bretland er fimmta stærsta hagkerfi veraldar. Það er einnig fimmta sterkasta herveldi heimsins og eina ríkið í Evrópu sem beint getur herstyrk sínum á veraldarvísu, í þágu málstaðar og þvingað fram lausnir í hans þágu fyrir því sem Vesturlönd standa fyrir

Stutt er síðan að Bretland bjargaði meginlandi Evrópu frá sjálfu sér. Nú hefur hinum þremur til sex sem byrjuðu að vinda upp á sig í brunarústum síðustu sameiningar Evrópu, tekist að eyðileggja Evrópu það mikið aftur, að varla mun verða úr bætt. Meginland Evrópu er að sparka sér aftur út úr Vesturlöndum, og það gengur bara ansi vel

Bretland er farið úr þessum félagsskap og mun aldrei snúa aftur. Vonandi mun þetta þýða það fyrir okkur Íslendinga að hinn ömurlegi EES-samningur verður tekinn upp til gagngerrar endurskoðunar og jafnvel sagt upp af okkar hálfu. EES samningurinn er fyrir lögnu orðinn svæsin, þungt lamandi og kæfandi tímaskekkja

****

Í dag lýsti Alþjóða Gjaldeyrissjóðurinn því yfir að Deutsche Bank væri áhættusamasta og jafnframt hættulegasta fjármálastofnun veraldar og að bankinn væri ógn við fjármálamarkaði heimsins. Þessu greinir Wall Street Journal frá í dag. Og þetta veit kanslari Þýskalands auðvitað mjög vel. Og hún hefur vitað þetta, ásamt fyrirrennara hennar, í 20 ár. Þau hafa bæði stýrt þessum banka, innan sem utan þings, allan þennan tíma. Þannig er og hefur Þýskalandi ávallt verið stjórnað: fyrst og fremst utan-þings

Fyrri færsla

Sérfræðingarnir reiðir vegna Brexit

Krækja

WSJ: Deutsche Bank Poses Greatest Risk to Global Financial System, IMF Says


Sérfræðingarnir reiðir vegna Brexit

Það hefur verið sorglegt að fylgjast með mörgum fjölmiðlum og sérfræðingum í bæði aðdraganda og kjölfar þjóðaratkvæðagreiðslunnar um útgöngu Bretlands úr Evrópusambandinu

Al- og þjóðlegir blaða- og fréttamenn og svo kallaðir sérfræðingar, stunduðu massífan hræðsluáróður í aðdraganda kosninganna. Svo grímulaus var áróðurinn að ég átti erfitt með að trúa mínum eigin augum. Miðlar og sérfræðingar sem maður hélt að væru alvöru miðlar og gáfumenn, reyndust bara vera venjulegar fyllibyttur úr Norður-Kór EU. Hjá mér var þetta dálítið eins og þegar krakkar sjá foreldra sína fulla í fyrsta skiptið. Þeir fara hjá sér - já, ég fór hjá mér

En öllu verra er þó að fylgjast með þessum fréttamiðlum og sérfræðingum í kjölfar kosninganna. Þá voru sérfróðar fyllibytturnar orðnar svo reiðar að froðan sem haldið hafði verið í skefjum og bar bara rétt við tungur og penna þeirra fram að kosningum, jáhm; hún frussaðist þá bara út um allt eins og að stífa hefði brostið. Ég þurrkaði hvað eftir annað af tölvuskjánum hjá mér, en þetta hélt bara áfram. Þá hætti ég að láta græjur mínar undir þetta og sparaði við mig sérfræðina

Þessi reiði sérfræðinga, blaða- og fréttamanna á sér bara eina skýringu; breska þjóðin hafði loksins talað, og þar kom í ljós að hún var fyrir löngu hætt að hlusta á þessa aðila. Þess vegna er öll þessi reiði núna. Og hún er ekki úr fólkinu sjálfu, heldur úr sérfræðingunum. Við sjáum þetta einnig hér heima. Sérfræðingarnir eru einfaldlega orðnir gjaldþrota, og það vita þeir. Þess vegna eru þeir svona reiðir. Varla neinn hlustar á þá lengur

Styttist nú í stórtæka þjóðnýtingu bankakerfa meginlands Evrópu

Fyrri færsla

Þegar Danmörk sagði nei við ESB-martröðinni


Þegar Danmörk sagði nei við ESB-martröðinni

Árið 1992 sagði Danmörk nei við Martraðarsáttmálanum, kenndan við borgina Maastricht. Danska ríkisútvarpið DDRDK fékk þá námsmenn sem unnu kauplaust í aðalstöðvum Evrópusambandsins til að sitja í afmyndunarverum sínum til að fordæma og hneykslast yfir neiinu og öllu því "eldra" en tveggja vetra fólki sem sagði nei

Það kom svo í ljós að þetta unga fólk vann kauplaust hjá ESB í þeirri von að það myndi síðar frá vinnu útá að hafa borið pappíra sambandsins á borðin og snert þá. Það myndi líta vel út í "ferilskrá" þeirra. Þá var 11 prósent atvinnuleysi í Danmörku því að stjórnvöld höfðu svo sovéskt dyggilega unnið hart að eyðileggingu danska hagkerfisins, til þess eins að það loksins gæti lagst með delerium-evros inn á geðdeild ERM II. Þetta ERM II er pyntingaklefinn fyrir evruupptöku og gasklefi velmegunar. Evran er þriggja fasa pynting

Og ein af mörgum slæmum afleiðingum hennar er sú að mjög stór hluti ungs fólks í Evrópusambandinu má teljast heppið ef það fær launaða vinnu fyrir fertugt. Og það eignast heldur ekki börn, framtíðin er svo kolsvört

Þess skal getið hér að DDRDK er þó bara DDR-Light útgáfan af DDRÚV. En báðar eru stofnanirnar málgögn vinstrimanna og væru alls ekki til í dag ef að gamla KGB hefði ekki vísað þeim veginn til hins "upplýsta einræðis"

Á föstudaginn átti sér svo stað stærsti og mikilvægasti pólitíski atburður í Evrópu frá því að Berlínarmúrinn féll 1989. Í kvöldfréttatíma DDRÚV var náttúrlega ekki pláss fyrir þann raunveruleika. Algeran forgang hafði hin hannaða pólitíska sírenufréttasería stofnunarinnar um Ónýta Ísland. Sú frétt var þá klár úr hinni pólitísku framleiðsludeild DDRÚV og varð því að vera númer eitt þann dag, eins og flesta aðra daga. Ísland er ónýtt, skal, hvað sem það kostar, verða sýnt, þó svo að logarnir frá brennandi Evrópusambandinu teygi sig alla leið hingað upp til Íslands. Ekkert skal stoppa herferð okkar gegn þeim sem halda okkur uppi, er mottó DDRÚV. Við erum stærsta sundrungarafl Lýðveldisins og stoltir af því

Í sáttmálum ESB stóð þarna árið 1992 að þjóðaratkvæðagreiðsla Dana myndi stoppa Martraðarsáttmálann. Ef að öll ríki segðu ekki já, þá myndi martröðin einfaldlega hætta. En það gerði hún auðvitað ekki, eins og kjósendum hafði verið lofað er þeir voru blekktir inn í sambandið. Martröðin hélt bara áfram og það sama gerðist þegar Martraðarstjórnarskrá ESB, Lissabonsáttmála, var kosinn út með öskrandi neii í Frakklandi, Hollandi og Írlandi

Svona er Stalín-ESB. Og þar borða menn stálevrur og njóta nýrrar stálfátæktar. Það er einfaldlega ekki hægt að kjósa Stalín-ESB burt. Ef þetta endurtekur sig einu sinni enn, þá eru það vopnin sem verða látin tala. Það eina sem brátt er eftir í vopnabúri borgaranna, því Stalín-ESB verður að fara. Nema að menn vilji ESB-Norður-Kóreu. En það er þangað sem Evrópusambandið er að leiða álfuna í brátt 60 ár

Draumur ESB-sinna á Íslandi mun þá kannski rætast - og loksins snúa rétt; að þeim sjálfum! Og nú er einn Norður-Kóreu maðurinn kominn á Bessastaði. Loksins tókst það!

Fyrri færsla

Guðni Th. nýr forseti Íslands [u]


Guðni Th. nýr forseti Íslands [u]

Hah! Það snjalla við þetta allt saman er að eftir aðeins 4 ár, er kosið aftur. Það er það góða við að vera Íslendingur. Þetta er tær snilld, þetta lýðræði og sjálfstæði lýðveldis okkar í eigin málum. Tær snilld

Óska ég hér með Guðna Th. til hamingju með sigurinn og bið ég hann að fara vel með valdið. Heill forseta vorum. Húrra húrra húrra húrra húrra!

[u] En einu verð ég þó að bæta við. Hefði Davíð Oddsson ekki boðið sig fram, þá hefði Guðni þurft að glíma við Ólaf Ragnar Grímsson í kosningabaráttunni um embættið. Alls óvíst er að Guðni hefði sigrað Ólaf, og ætla ég ekki að segja til um það

Var það kannski Davíð sem tryggði að þjóðin fengi þrátt fyrir allt þann forseta sem hún í raun vildi? Hún vildi greinilega ekki reyndan mann í embættið. Og það fékk hún. Bæði Guðni og Halla eru óreynd og samanlagt standa þau fyrir 66 prósent af fylginu. En þjóðin hefði ekki hafnað Ólafi, því trúi ég ekki

Hafa ber í huga að Davíð fannst Ólafur hafa setið helst til of lengi. Sjálfur vildi ég fá reyndan mann. Ég hefði kosið Ólaf hefði Davíð ekki gefið kost á sér og ég kaus Davíð af því að hann er reyndur, sterkur, duglegur og heiðarlegur maður sem ann hinni íslensku þjóð afar heitt. En ég er ekki þjóðin og hefði hvorki kosið Guðna né Höllu. Ég er bara ég. Minnsti minnihluti lýðveldisins. Einn maður. En ég á samt afar erfitt með að trúa stórum reiknivillum upp á Davíð Oddsson. Hann er of snjall og reyndur til að geta framleitt stórar villur, nema af ásetningi

Ef til vill á Guðni þrátt fyrir allt sigurinn að einhverju leyti Davíð Oddssyni að þakka. Ég efast dálitið innra með mér um að Davíð hafi í raun óskað eftir að sigra. Að minnsta kosti ekki brennandi. En ég er, eins og áður sagði, bara ég - og þjóðin fékk sinn óreynda mann, þ.e.: hún fékk greinilega það sem hún vildi. Þetta eru einungis mínar persónulegu vangaveltur. Er ég kannski úti að aka?

Kærar kveðjur til allra

Fyrri færsla

Í dag ætla ég að kjósa Davíð í fyrsta skiptið


Í dag ætla ég að kjósa Davíð í fyrsta skiptið

Hann ætla ég að kjósa fyrir forseta í dag

Það er mér sannur heiður að fá að kjósa Davíð fyrir forseta Íslands. Ég fyrir mína parta ætla algerlega að kjósa þennan mann því að Davíð Oddsson er einn mesti Íslendingur sem uppi hefur verið

Ég er þakklátur fyrir að fá þetta tækifæri til að kjósa Davíð að minnsta kosti einu sinni á æfi minni. Illu heilli var ég fjarverandi frá landi mínu í samfleytt 25 ár. En ég horfði ávallt með öfundaraugum upp til fósturjarðarinnar á meðan Evrópa hélt áfram að hrynja allt í kringum mig öll árin eftir að Evrópusambandið tók völdin af þjóðríkjunum frá og með 1986, með aðstoð nytsamra vesalinga. En hér heima fól þjóðin Davíð umboðið hvað eftir annað. Hann fór afskaplega vel með það umboð. Enda sást það langt að, um víða veröld, svo leitun var að öðru eins og hér vannst á þeim tíma

En Davíð kom aldrei til að kollvarpa neinu. Hann kom til að uppfylla. Og hann uppfyllti og sveik ekki. Enda kosinn aftur og aftur. Vinstri vængur stjórnmála í leit að málstað þoldi þetta náttúrlega ekki og þolir ekki enn, því að sá vængur virðist einungis hafa áhuga á því að kollvarpa, ef til vill eðli sínu samkvæmt

Það er alveg sama hverjir eru "ráðandi" þessa stundina, alltaf skal klisja vinstrimanna kollvarpsvængsins vera sú að kollvarpa verði "ráðandi öflum". Séu þeir sjálfir "ráðandi aflið", þá kollvarpa þeir sjálfum sér. Sé jafnvel Lenín þeirra við stjórn, þá þarf að kollvarpa honum til að kollvarpi þeirra verði ekki kollvarpað af honum, og fari á hausinn, því án kollvarps þessa geta þeir ekki verið

Kröfugöngur þessara kollvarpara eru gengnar á gullskóm með rauða fána við gylltan hún í Dior-drögtum í dag. Ný krafa sem ekki er hægt að uppfylla er sett fram, til að kollvarpa því sem enn stendur uppi. Öll framboð DDRÚV hafa gengið út á að kollvarpa. Og ég hef horft upp á heil tvö framboð DDRÚV til forseta á örskömmum tíma. Það er alveg hreint ótrúlegt að þetta kollvarp DDRÚV skuli vera svona. Og að það skuli yfirhöfuð vera til, sem kollvarp

Ég get ekki annað séð en að talsmenn hins mölbrotna vinstri vængs þjóðarinnar séu algerlega án málstaðar í dag, og grilli kollvörpur bæði í vinnunni og á kvöldin. Og þetta þarf maður að borga fyrir þó svo að ég nánast neiti að láta pynta mig með kollvarpi þeirra lengur

Ég ætla auðvitað ekki að kjósa þetta kollvarps-framboð DDRÚV. Ég ætla að kjósa Davíð Oddsson, ektamanninn hennar Ástríðar hjúkku. Það ætla ég, því ég veit hvað hann stendur fyrir. Hann stendur fyrir þann væng sem enn flýgur

Takk Davíð fyrir að gefa kost á þér. Hattur ofan

Fyrri færsla

Bretland sparkaði Evrópusambandinu út - og úr landhelginni


Bretland sparkaði Evrópusambandinu út - og úr landhelginni

Bretinn Anthony Eden

Mynd: Anthony (EFTA) Eden

Föstudagur, 24. júní 2016 kl. 06:07

Sultartangarsókn Evrópuhræðslusambandsins mistókst í Bretlandi. Öll atkvæði eru nú talin. Og vinsamlegast athugið, atkvæðin eru ekki teygjanleg. Ef við skoðum niðurstöðurnar eins og þær eru núna kl 06:07 þegar öll atkvæði í öllum kjördæmum hafa verið talin, þá eru þær svona:

England:
========
Förum út úr ESB sögðu: 53,4 prósent
Brennum áfram inni í ESB sögðu: 46,6 prósent
Kjörsókn: 73,0 prósent (28,45 miljón greiddu atkvæði)

Norður-Írland:
==============
Förum út úr ESB sögðu: 44,2 prósent
Brennum áfram inni í ESB sögðu: 55,8 prósent
Kjörsókn: 62,9 prósent (789 þúsund greiddu atkvæði)

Skotland:
=========
Förum út úr ESB sögðu: 38 prósent
Brennum áfram inni í ESB sögðu: 62 prósent
Kjörsókn: 67,2 prósent (2,679 milljón greiddu atkvæði)

Wales:
======
Förum út úr ESB sögðu: 52,5 prósent
Brennum áfram inni í ESB sögðu: 47,5 prósent
Kjörsókn: 71,7 prósent (1,626 miljón greiddu atkvæði)

Allt Stóra Bretland:
====================
Förum út úr ESB sögðu: 51,9 prósent
Brennum áfram inni í ESB sögðu: 48,1 prósent

 

Bless ESB

Fyrri færsla

Forsetaframboðs-unnendur tyggjó-sjálfstæðis kenna Kúrdum allt


Forsetaframboðs-unnendur tyggjó-sjálfstæðis kenna Kúrdum allt

Forsetaframbjóðandinn Guðni Th. gæti kennt Kúrdum að lifa lífinu svakalega vel undir tyggjó-sjálfstæði Kúrda í tyggjó-ríki sem býr við tyggjó-landamæri

Guðni Th. er frambjóðandinn sem segir að sjálfstæði og fullveldi okkar sé bara "teygjanlegt hugtak". Þetta þyrfti hann endilega að kenna Kúrdum. Kenna þeim allt um kosti tyggjómennsku, og það, að þeim sé mun "betur borgið" sem tyggjóklessa meðal þjóða

Guðni Th. forsetaframbjóðandi er að reyna að sannfæra þjóðina um að miklu betra sé að taka reynsluleysi sitt út á heilli þjóð fyrst, þ.e. öllum almenningi, frekar en á sjálfum sér. Hann telur það til einhverskonar mannkosta að hafa ekki verið "viðloðinn" neinar, nix nada, "stjórnmálahreyfingar" -þ.e. æðstu málefni æðstu stofnana sjálfstæðra þjóða; þ.e. þjóðþingin sem fara með þjóðmálin- og hefur hann engar skoðanir sem hann þorir að standa við. Það telur hann til mannkosta forseta á kostnað almennings. Hann segist ennfremur ekki hafa sagt og gert það sem hann hefur sagt og gert. Hleypur frá sjálfum sér á harða kani

Einu sinni þótti það góð latína að taka reynsluleysi sitt út á sjálfum sér fyrst. Geta og gera eitthvað sem máli skiptir og jafnvel að taka ábyrgð á þeim gjörðum sínum undir sínu eigin flaggi, áður en lagt er til atlögu við að bjóða sig fram sem þjónn og talsmaður almennings. Jafnvel að hafa verið rekinn eða farið á hausinn fyrir eigin vélarafli fyrst. Gert mistök og lært af þeim

En Guðni Th. er því miður bara nýprentaður víxlill úr prentsmiðju Samfylkingarflokka. Þegar í embættið hann er sestur, þá fylla munu þeir þennan víxil sinn út. Alveg út

Á meðan vinnur landslið Íslands í knattspyrnu þá sigra sem aðeins er hægt að vinna með hart sótt og stálhert fullveldi og sjálfstæði þjóðarinnar meitlað fast inn í toppstykkið. Frelsið er nefnilega vöðvabúnt heilans; þjóðfrelsið sem fæðir og klæðir einstaklingsfrelsið, það er vöðvabúnt heilans. En í hjartanu það býr

Kýs ég því Davíð

Fyrri færsla

Norski olíusjóðurinn býr sig undir pólitíska upplausn og styrjöld  


mbl.is Guðni enn efstur en fylgið minnkar
Tilkynna um óviðeigandi tengingu við frétt

Norski olíusjóðurinn býr sig undir pólitíska upplausn og styrjöld

Í byrjun vikunnar birti Financial Times frétt þess efnis að auðlegðarsjóður Norðmanna, sem í daglegu tali nefndur er "norski olíusjóðurinn", sé að ljúka við að undirbúa sjóðinn undir styrjöld í kjölfar: pólitískrar upplausnar, innrásar, borgarastyrjaldar eða valdaráns

Það er norski seðlabankinn sem ber ábyrgð á þeim þjóðarauð Norðmanna sem í þessum sjóði er. Í honum hafa safnast tekjur sem fullveldi og sjálfstæði Noregs ól af sér

Þegar síðasta sameiningarafl Evrópu fór um álfuna með samruna sinn, þá var það nánast reglan að sú sameining Evrópu hæfist á því að tæma seðlabanka landanna og senda fjármuni og gullforða þjóðanna í sameiginlegan sjóð í Berlín, til að fjármagna sigurför sameinarans um álfuna og útrýmingu þjóðríkjanna

Það er mikilvægt fyrir norsku þjóðina og kjörna fulltrúa hennar að hún hafi möguleika á að nálgast fjármuni sína þegar friðurinn í Evrópu er orðinn það mikill undir Evrópusambandinu, að stjórnmálin séu loks að fullu uppleyst. En þangað stefnir Evrópa. Öll stjórnmál í Evrópusambandinu hafa þegar verið þjóðnýtt í þágu eins málstaðar: samrunans

Fyrri færsla

Er Guðni Th. brunagildra?

Krækja

Norwegian oil fund draws up contingency plans for war (fyrirsögn FT var síðar breytt)


Er Guðni Th. brunagildra?

Persónan Guðni Th. er frambjóðandi. Hann er að bjóða fram sjálfan sig sem forseta í forsetaembættið. Kjósendur eiga rétt á að vita hvað frambjóðandinn hefur af skoðunum sem móta munu þjónustu hans við ættjörðina

Sjálft forsetaembættið er nýtt. En ættjörð þjóðarinnar er það hins vegar ekki. Það tók íslensku þjóðina 700 ár að koma sér og ættjörðinni undan erlendu yfirvaldi. Og þegar það gerðist, að við urðum frjáls þjóð, þá gat íslenska þjóðin reist upp forsetaembætti sem Guðni sækist eftir, sem kórónu á fullveldi og sjálfstæði ættjarðar og þjóðar. Svo frjáls varð hún, þjóðin á ættjörð sinni, að ákveðið gat hún þetta sjálf. Að reisa embættið

Guðni Th. forsetaframbjóðandi hefur þá skoðun fram að færa, að sé boðið nógu mikið og hátt, að þá áliti hann, að ættjörðin og þjóðin skuli renna á ný undir erlent vald, með því að ganga í Evrópusambandið. Hann vill leiða þjóðina burt frá sigrum og frelsi og aftur undir erlent vald. Og ættjörð hennar líka. Og landhelgina líka

Það er ekki gaman að skrifa þetta, aðeins 72 árum eftir 1944. Og það er ekki gaman að hlusta á þennan málflutning frambjóðandans. Hann er ekki boðlegur íslenskri þjóð

Hann vill líka kollvarpa stjórnarskrá Íslands, af því að, segir hann, hér varð hrun og að "einhverju þurfi að breyta". Bara sí svona. "Einhverju þarf að breyta", segir hann. En stjórnarskrá er ekki "eitthvað". Af hverju breytti Guðni Th. ekki bara sjálfum sér og stóð með landi sínu og rétti þjóðar á meðan hann gat það sem frjáls maður. Sem frjáls maður standandi á því frelsi sem forfeður okkar sköffuðu honum. Af hverju var það ekki hægt Guðni Th. forsetaframjóðandi?

Nú er vinsælt, eins og stendur, að segja að Evrópusambandið sé eins og "brennandi hús". Þetta er sérstaklega ámótleg og átakanleg lýsing frá því fólki sem barist hefur hart fyrir einmitt því að við værum nú þegar lokuð sem þjóð og ættjörð inni í þessu brennandi húsi. Hefði það fólk ráðið, þá værum við einmitt þar: lokuð inni í brennandi húsi

Þetta fólk segir líka, að núna sé ekki rétti tíminn, "eins og sakir standa núna" - þ.e.a.s að núna sé ekki rétti tíminn til að láta brenna þjóðina og ættjörð hennar. Það segir Guðni Th.. Hann segir "eins og sakir standa núna"

Mín spurning er því þessi: Er Guðni Th. brunagildra?

Evrópusambandið hefur að minnsta kosti alltaf verið brunagildra, frá upphafi

Fyrri færsla

Fásisminn - er það Austurvöllur?


Fásisminn - er það Austurvöllur?

Davíð Oddsson bein krækja.

Ég kýs Davíð.

Páll Vilhjálmsson klórar sér eðlilega í höfðinu vegna skrifa heimspekings (hér)

Tja, hvað á maður að segja.. pípan.. púff.. harðfiskur.. kaffi.. lýsi.. og mja..; Heimspekingurinn gæti hugsanlega átt við Austurvellinga sem iðka það sem kalla mætti fárra-isma og sem vel hugsanlega er hægt að klambra saman í fásisma. Getur þetta verið rétt hjá mér? Kannski er hægt að bæta svo kölluðum "aðgerðarsinnum" við, til að gera myndina af fásisma skýrari

En hvað um það, herra Adolf Hitler var sósíalisti, en ekki fasisti. Hann lét helst skjóta aðalinn. Og flokkur hans hét Nationalsozialistische Deutsche Arbeiterpartei og stefna hans var nasismi, þ. Nationalsozialismus

Stalín var líka sósíalisti

Hefði sósíalismi Adolfs Hitlers sigrað, þá hefði allt Þýskaland orðið eins og Austur-Þýskaland varð undir sósíalisma Stalíns og handlangara hans, eftir stríð

Og öll Evrópa líka, eins og hún er smám saman að verða undir Evrópusambandinu, þar sem verið er að koma á her-lýðræði (d. militant demokrati). Ég skrifaði um stjórnarskrár þessara tveggja stórríkja í fyrradag, í færslunni Her-lýðræði Evrópusambandsins. Um stjórnarskrár Stalíns og ESB, sem enginn kaus

Allir verða að ganga í takt í Evrópusambandinu, Guðni Th. forsetaframbjóðandi líka, en þangað vill hann inn. Til að ganga í takt. Hann vildi ganga í takt í Icesave málinu. Ganga í takt með ESB

Tengt

21. mars 2012

Konan mín sagði mér frá því að það hefði komið heimspekingur í danska sjónvarpið. Hann var þá að gefa út bók. Þetta var rétt eftir hrun. Hann sagði að Adolf Hitler hefði orðið mjög ánægður með samfélagið í dag. Hvað meinarðu?, spurði fréttamaðurinn vandræðalega. Jú hann vildi að við gengjum öll í takt. Lýðræðið væri sett til hliðar sagði heimspekingurinn Søren Gosvig Olesen. Í dag hlýða menn og gera eins og þeim er sagt. Til dæmis fer öll þjóðin eftir því sem heilbrigðisyfirvöld segja. Spuna meistarar stjórnvalda gegna hlutverki áróðursráðuneytis...

Að ganga ekki í takt

Fyrri færsla

Her-lýðræði Evrópusambandsins


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband