Leita í fréttum mbl.is

Bloggfærslur mánaðarins, desember 2015

Sovétríkin áttu í vandræðum - það er eðli lögmætislegra krypplinga

Borodin: einn af hinum Fimm

Í dag er tungutrixið það að segja að Evrópusambandið eigi í "vandræðum". Að þess vegna sé ekki "rétti tíminn" til að ganga í það á meðan svo er. Í þessu liggur að úti við endimörk einhvers sem einhvern tíma lýkur, finnist rétti staðurinn til að ganga í vandræðalaust Evrópusamband. Að einhvern tíma opnist allt í einu gluggi sem kallaður sé "rétti tíminn" til að hoppa út um hann og inn í Evrópusambandið. Þetta er tær klikkun

Sovétríkin áttu í vandræðum. Þau áttu reyndar alltaf í vandræðum. Þau voru ekkert nema vandræði. Það vita allir núna. Ein samfelld vandræði fyrir alla

Evrópusambandið hefur alltaf átt í vandræðum. Alltaf og stanslaust, enda er lögmæti þess ekkert. Átt í vandræðum með þau ríki sem eru í því. Kallað er sífellt eftir auknum völdum til þess að ráða við ríkin sem eru í því. Til að má þau smám saman út svo að European Union eins og Soviet Union, geti virkað sem það misfóstur sem það er. Hér er beiðið eftir algerlega engu, nema ef væri endalokunum

Halda menn virkilega að það sé bara einhver einn smá snefill af viti í því að vera bara smávegis nátengdur svona fyrirbæri eða hvað þá að ganga í það. Hvers vegna ganga menn ekki strax í það að má Schengen af Lýðveldinu Íslandi. Og síðan að henda öllu EES út eins og það leggur sig. EES er eins og vírus fyrir Ísland. Það veikir Lýðveldið

Fyrri færsla

Reiðmenn ESB: Nú er bara að bíða eftir komandi bankaáhlaupi á Ítalíu


Reiðmenn ESB: Nú er bara að bíða eftir komandi bankaáhlaupi á Ítalíu

Rauður hestur: Þegar lambið lauk upp öðru innsiglinu -

Með því að ljúga ítalskan almenning fullan með hinu innsiglaða fjármálalega reglugerða-þvæluverki fjögurra-reiðmanna Evrópusambandsins, sem ríða nú á hvítum til bleiks með fólkið inn í endalok álfunnar, að já, þá hefur þeim tekist að sannfæra saklausan ítalskan almenning um að koma sparifé sínu þannig fyrir í þessu esb-hverfi-evrubanka-kerfi Ítalíu, að sparnaður hans hefur af bankakerfinu verið notaður til að halda uppi vonlausum rekstri ríkissjóðs í hinu vonlausa Evrópusambandi sem er auðvitað að kála honum

Frá 2008 til í dag hefur bankakerfið þannig keypt og gleypt ítölsk ríkisskuldabréf fyrir 300 miljarða evra fyrir sparnað fólksins. En ekki nóg með það. Sölumenn bankanna undir reglugerða-þvæluverki fjögurra-reiðmanna Evrópusambandsins, frá hvítum til bleiks, tókst að koma stórum hluta þessa sparifjárs almennings þannig fyrir, að nú þegar bankakerfið að niðurlotum er komið, sökum rotnandi lánasafna vegna esb-aðildar og evruupptöku, að já, þá vill svo heppilega til að nýjar "bankabjörgunarreglur" taka stóran hluta þessa sparifjár almennings eignarnámi og þurrka þar með almenning alveg út sem forgangslánadrottna í bönkunum. Skiljanlegt er því að fólk fyrirfari sér á Ítalíu eins og ég skrifaði um í gær. Fólkið er bara þurrkað út og farið er með það eins og rusl

Þetta er svona því að ítalska bankakerfið býr við ónýtan ítalskan seðlabanka sem býr við ónýtan ECB-aukaseðlabanka Þýskalands. Sökkvandi ítalska bankakerfinu sem býr við tvo ónýta seðlabanka vantaði ríkisskuldabréfin til að henda þeim sem veðtryggingum upp í kjaftinn á ECB-sogrörsseðlabanka Þýskalands, til að geta svo hlaupið heim með þá evrupeninga sem fengust út á þau, til að stinga þeim svo upp í kjaftinn á seðlabanka Ítalíu, sem stakk þeim svo upp í kjaftinn á glötuðum ríkissjóði ESB-stjórnmálamanna Ítalíu. Þar sat fyrirmennið ECB-seðlabankastjórnandi sem forsætisráðherfan sjálf. Ókjörinn! Svona er að missa allt fullveldi í peningamálum

"The difference is that World War I was a tragedy, not a crime. "Monetary union is a tragedy and a crime.""Bernard Connolly

Við hverja umferð af ponzi-ferðum Ítala og annarra brennandi evrulanda upp í súrheysturna ECB, þá lækkar evran ögn í gengishafinu, og út skipast ögn fleiri þýskir gámar til Kína frá Hamborgarhöfn. Og svo koll af kolli. Því fleiri eldar sem kvikna í Evrópu, því fleiri þýskir gámar hendast út frá Hamborg og því fleiri nágranna-keppinautum er kálað. Svo lengi sem Þýskaland á öxli Lotharinga græðir, og öll önnur Evrópa tapar, mun þetta halda áfram. Þetta er hinn fullkomni og ávallt tilætlaði stealth örvunarpakki hins deyjandi Þýskalands á valdaöxli Lotharinga. EMU, þ.e. hið peningapólitíska myntbandalag ESB, er algerlega skrúfað saman eins og það er í þessum eina eina tilgangi. Að Þýskaland á valdaöxli Lotharinga geti riðið Evrópu út í gegn, fyrir ekki neitt

Nú er bara að bíða eftir því að Suður-Ítalía sameinist Norður-Afríku aftur í leit að auknu vogarstangarafli gegn því sem koma skal. Því ekki hefur sameining norður-afrísku Suður-Ítalíu og Norður-Ítalíu gengið upp enn. Ekki frekar en sameining Austur- og Vestur Þýskalands hefur gert. Þó eru liðin meira en 100 ár

Riðið er því hratt á hestum fjórum svo að reiðmenn Evrópusambandsins, frá hvítum til bleiks, geti athafnað sig á álfunni áfram. Heimsstyrjöldin er svo brátt handan við hornið eina, til handa reiðmönnum þeim. Þar verður kannski loksins hægt að á og þurrka af sér, þegar allra síst viðrar. Skeina sig þar á friðarverðlaunum Nóbels

Evrópusambandið hlýtur að vera öflugasta eyðileggingarvopn mannkyns á eftir kommúnismanum. Fimm hundruð milljón manns sambandsins búa nú í púðurtunnum þar sem peningar allra liggja á kistubotni Þýskalands. Þýskaland hefur eyðilagt Evrópu einu sinni enn. En þeir verða sóttir. Þeir verða sóttir

ÚT MEÐ SCHENGEN OG EES STRAX! - LENGI LIFI FRJÁLST ÍSLAND

Fyrri færsla

Ítalía: ellisparnaður í evrum gerður upptækur


Ítalía: ellisparnaður í evrum gerður upptækur

Ítalskur karlmaður á eftirlaunaaldri framdi sjálfsmorð er hann komst að því að bankinn hans hafði gert allan ellisparnað hans upptækan. Í fyrstu lotu er hér um að ræða að minnsta kosti 130 þúsund manns í svipaðri stöðu í fjórum "litlum" bönkum á Ítalíu, sem eru í hópi smærri fjármálastofnana í hinu gangandi gjaldþrota bankakerfi Ítalíu í evrum, sem verið er að reyna að "bjarga" með því að gera peninga fólksins upptæka

Málið hefur ekki farið hátt undir innrásarhvatningu Angelu Merkel til innanfrá eyðileggingar hennar á Evrópu undanfarið, en fjallað er þó um það í blöðum á Ítalíu og í Financial Times um helgina. Í Evrópusambandinu undir evru ríkir nú fjárkúgun, peningaskömmtun og eignaupptaka

Í tilfelli þessa ákveðna fórnarlambs evruaðildar Ítalíu, þá hafði maðurinn keypt spariskírteini og geymt sparnað sinn í þeim. Eftir 50 ár sem viðskiptavinur í bankanum tók bankinn peninga mannsins til að troða þeim ofan í seðlabanka Ítalíu sem tróð þeim svo upp í ECB-sogrörsseðlabanka Þýskalands í Frankfurt, ásamt fjármunum þessara 130 þúsund sparifjáreigenda í fjórum af endalaust mörgum gjaldþrota bönkum landsins. Bönkum sem allir eru að drepast vegna evruupptöku. Enginn hagvöxtur hefur verið á Ítalíu frá því að landið tók upp evru. Enginn!

Bankakerfi Ítalíu er því orðið þannig að ein erlend trilljón evra er úti að synda og sökkva í vanskilum. Opinberlega uppgefin vanskilatala er 200-300 miljarðar evra, en enginn hefur neina góða né sanngjarna ástæðu til að trúa henni

Ríkissjóður landsins er þurrausinn sökum algerrar fjarveru hagvaxtar vegna evruupptöku. Og hann hefur litla aðra möguleika til umráða í handjárnum myntbandalags Evrópusambandsins, en með stigmagnandi illráðum og Brusselsku þvaðurblaðri að gera peninga fólksins á einn eða annan hátt upptæka til að reyna að bjarga sér frá handjárnuðu ríkisgjaldþroti í evrum Þýskalands. Massíft og stáltryggt esb-atvinnuleysið áratugum saman hefur aðstoðað dyggilega við súgþurrkun skattatekna hins tóma ríkissjóðs Ítalíu. Allar tekjur ríkissjóða koma frá atvinnustarfsemi. Engar aðrar tekjur eru til

Fjármálahrunið árið 2007 hófst með því að þrír fjárfestingasjóðir franska stórbankans BNP-Paribas í evrum gátu ekki greitt út þá peninga sem fólk átti inni í þeim. Þeir lokuðu á úttektir. Fólk og fyrirtæki gátu ekki nálgast peningana sína. Þetta breiddi fljótlega úr sér sem vantrausts-hringar í leðjupolli á millibankamarkaði, sem fraus smám saman alveg gersamlega til og kom af stað lausafjárþurrð á heimsmarkaði. Þannig hófst fjármálakreppan um næstum alla veröld - og sem við hér á Íslandi kynntumst svo sem bankahruni

Það verður fróðlegt að fylgjast með evru Evrópusambandsins starta formlega styrjöldinni sem hún hefur verið að úða fulla af start-vökva síðastliðin 15 ár. Evru-púðrið er nú að verða endalaust að umfangi og sprengigetu. Og prentað er og prentað til að reyna að láta start-vökvann í sprengihólfinu gufa upp ásamt öllum eignum allra í evru-fjármálakerfinu, sem er gjaldþrota. Tómatrauð eru augu ESB-seðlabankastjórans því orðin og slettast flóttalega til í tóftum súrkáls

Kaupið aldrei neinar fjárskuldbindingar í evrum. Og allra síst spariskírteini. Það er alveg sama á hvern veg þetta fer þarna í Evrópu. Heimsálfan er algerlega ónýt til frambúðar, þökk sé Evrópusambandi Þýskalands og Frakklands. Þetta reddast ekki. Út með EES-samninginn áður en hann dregur okkur lengra niður í svaðið. Út út út STRAX!

Fyrri færsla

1980: Jimmy Carter bannar öllum Írönum að koma til Bandaríkjanna


1980: Jimmy Carter bannar öllum Írönum að koma til Bandaríkjanna

Forseti Bandaríkjanna 1980

Í dag: Í Bretlandi er sögð vera í gangi söfnun eiginhandaráritana (undirskriftasöfnun) á glansmyndapappír góða-fólksins, svo að hægt verði með þeim veifandi áritunum að banna Bandaríkjamanni einum, er Donald Trump heitir, að koma til Bretlands. Þessi söfnun er í gangi vegna þess að Trump þessi embættislausi maður á að hafa sagt að banna ætti öllum múslímum að koma til Bandaríkjanna þar til vitað er með vissu hvað sé að gerast í furðuheimi þeirra, sem nú um daga er að stofna kalífat hér og þar og sem George W. Bush forseti varaði við árið 2007

Líklega er voða-góða-fólk Bretlands hrætt við að hugsanleg koma Trumps til Bretlands geti stöðvað stofnun katífats múslíma þar í landi, því ekki hafa Bretar neinn kosningarétt í Bandaríkjunum eftir að þau urðu fullvalda og sjálfstætt ríki. Svo varla getur verið um neitt annað að ræða

Enn fremur gerir köngulóarfyrirtækið Google vafranotendum þess fyrirtækis nú kleift að má út og útiloka nafnið "Trump" frá því að birtast rétt á vefsíðum sem skoðaðar eru í vafra þess. Fyrirmyndin er líklega sótt til Microsoft, sem útilokaði liti, nafn, krækju og búmerki Netscape-vafrans frá því að birtast rétt á þeim vefsíðum sem Internet Explorer vafri fyrirtækisins sýndi á meðan hann var að leggja undir sig markaðinn. Google fjarlægði fyrr á þessu ári slagorðið "dont be evil" af stefnuyfirlýsingarskilti fyrirtækisins

Sagt er að þetta sé algerlega glæpsamlegt af manninum Trump að segja. Þar með virðist voða-góða-fólkið vera að stimpla Jimmy Carter fyrrverandi forseta Bandaríkjanna sem einhvers konar glæpamann, vegna þess að hann bannaði öllum Írönum að koma til Bandaríkjanna er ríkisstjórn Írans neitaði að bjarga lífi og láta lausa þá Bandaríkjamenn sem teknir voru í gíslingu í sjálfu sendiráði þeirra í sjálfu landi klerka-múslíma-ríkisstjórnar Írans. Gíslarnir voru þar í haldi í meira en 400 daga

1 2 3 4 5 6 7 8 9 10 11 12 13 14 15 16 17 18 19 20

En svo gerðist það 20 mínútum eftir að Ronald Reagan sór embættiseið sinn sem 40. forseti Bandaríkjanna, að gíslarnir voru látnir lausir. Tuttugu mínútur Reagans í embætti enduðu 440 daga martröð 52 starfsmanna Bandaríkja Norður-Ameríku í Íran

Herferðin gegn Trump á þessum síðustu og verstu tímum voða-góða-fólksins, er farin að minna dálítið á þá Evrópu-herferð sem varð til á móti Ronald Reagan þegar hann sóttist eftir að komast í framboð sem forsetaefni í sínu eigin landi. Og meira að segja varaði Evrópu-herferðin alla þá tíð sem hann sat sem þjóðkjörinn forseti Bandaríkja Norður-Ameríku - og meira að segja gott betur en það

Fyrri færsla

Kanslarína Þýskalands, Angela Merkel, komin á listann


Kanslarína Þýskalands, Angela Merkel, komin á listann

Time Magazine hefur krýnt Angelu Merkel til "manns ársins" sem er að líða og sem skrifast og segist vera 2015 e.Kr

Tímaritið telur að kanslaraínan hafi komið í veg fyrir hrun evrunnar og þar með komið í veg fyrir hrun Evrópu. Ekki er enn vitað hvort að þetta hrunfyrirkomulag Evrópu slái til á ný með því að láta Schengen falla. En við það fall á evran að falla og sem svo mun láta Evrópu falla ofan á þið vitið ekki hvað

Það skemmtilega við það að vera kosinn maður ársins er það að árið 1938 krýndi sama tímarit herr Adolf Hitler til manns ársins það ár og þá væntanlega fyrir að viðhalda stöðugleika í álfunni með því að vera einræðisherra hennar frá 1934-1945. Og árið eftir, þ.e. 1939, var sjálfur Jósef Stalín fjöldamorðingi Sovétríkjanna af tímaritinu kosinn maður ársins það árið. Það með varð allt gott, eins og allir vita

Þetta er kannski tímanna tákn. En Hamsun mundi þó tímana tvenna í skógi einum þar sem eitt sinn stóð kofinn alveg einn

Fyrri færsla

Hefði sennilega aldrei verið sviptur fálkaorðu ef hann væri af erlendu bergi brotinn


Hefði sennilega aldrei verið sviptur fálkaorðu ef hann væri af erlendu bergi brotinn

Hugverk frá bannaða landinu eilífa, Rússlandi - 1978 upptaka

Sigurður bankamaður hefði aldrei verið sviptur rétti til að bera fálkaorðuna ef hann hefði verið af erlendu bergi brotinn. Það tel ég víst. Því hefðu menn ekki þorað eins og pólitíski rétttrúnaðurinn er nú. En hann er bara ekki sá sami og ríkti undir banka- og fjármálabólunni. Hefur kannski einhver, já bara einhver, tekið eftir því? Munið að þetta voru hetjurnar ykkar og það er ekki alfarið þeim að kenna að þeir urðu það

Það er alveg sama hvernig þessu er snúið og velt, þetta er frekar ósæmilegt og þetta er frekar ódrengilegt. Þetta er refsing sem á ekki rétt á sér og þetta er of langt gengið miðað við það sem á undan er gengið

Sigurður bankamaður hefur án efa margt gott látið af sér leiða og það verður aldrei frá hinum föllnu íslensku bönkum tekið, að hreint starfslega séð (operational) gerðu þeir miklu betur en flestir aðrir bankar annarra landa gerðu og sýndu mikinn dugnað og djörfung. Hugsmíðin (koncept) um hina "alþjóðlegu fjármálamiðstöð" var hins vegar alveg gerónýt frá upphafi. Það var sá sementlausi sökkull geirans sem byggt var á. Og hann var að mörgu leyti pólitísk hugsmíði sem engu vatni hélt frá byrjun. Sökkulinn var vanhugsaður af öllum aðilum

Hér hefði sá stjórnsýslulegi líkami er veitti Sigurði orðuna átt að axla smávegis ábyrgð á sínum eigin gjörðum og taka út sína refsingu sem menn. Taka þetta lítilræði á sig og horfa svo fram á veginn. Mistök er einungis hægt að forðast algerlega með því að aðhafast aldrei neitt. Bara aldrei gera neitt. Hefði hann neitað að taka við orðunni á sínum tíma, tja hvað þá? Hefði bankinn þá hrunið ofan á orðunefnd, eða hefði orðunefnd þá stefnt Sigurði fyrir hroka? Allir eiga að vinna heimavinnuna sína, líka orðunefnd

Dómstólar eru að fjalla um mál Sigurðar. Þeir munu komast af niðurstöðu. Hér er vegið lágt að löskuðum manni fyrir neðan mittisstað í miðjum málaferlum. Og það finnst mér ei réttlátt

Orðunefnd útstillir hér smáu stássi og það er ekki sérlega fögur sjón, finnst mér. Ekki miðað við þá sjálfmúgsefjun sem kom veitingunni til leiðar

Uppskeruhátíð Evrópusambandsins


mbl.is Sviptur rétti til að bera orðuna
Tilkynna um óviðeigandi tengingu við frétt

Uppskeruhátíð Evrópusambandsins

Tilvistarkreppa evru. Þetta er myntin sem átti að "bjarga Evrópu" en sem nú er að sprengja hana í tætlur. Ekki lengur forsíðupláss fyrir þær fyrirsagnir á kreppukorti ESB. Það er frátekið fyrir annað hotstuff - tikk takk

Grikkland að deyja vegna evru og esb. Ekki er lengur forsíðupláss á esb-kreppukortinu fyrir fréttirnar af dauða Grikklands vegna plássleysis. Peningaskömmtun ríkir þar eins og í full blómstrandi sovétríki, - í evrum, væni minn - tikk takk

Portúgal við það að springa stjórnmálalega í loft upp vegna evruknúins niðurskurðar og esb-aðildar. 1930 atvinnuleysi ríkir þar. Kemst á blaðsíðu fimm, neðst - tikk takk

Finnland að hefja sólarlag sitt vegna evruupptöku. Framtíðin kolsvört. Fær forsíðupláss á kreppukorti ESB einu sinni í mánuði næstu tvo mánuði. Útförin mun svo þaðan í frá fara fram í kyrrþey sökum plássleysis - tikk takk

Stjórnlaust esb-skapað innflæði af ósamrýmanlegu geimverufólki við tilvist heilbrigðs þjóðríkis, er í einkaboði kanslaraínu Þýskalands - konunni sem eyðilagði Evrópu - að leggja esb-fúna og esb-laskaða innviði esb-landa í rúst og borgararnir eru að brjálast af reiði. Þeir muna vel hvernig landið þeirra var áður en esb kom og eyðilagði það. Þessi kreppustappa fær um þessar mundir forsíðupláss á kreppukorti esb vegna þess að rétt núna nær esb-skapaða púðurtunnan Úkraína ekki að kveikja í alveg allri forsíðu kortsins - tikk takk

Pólitískur esb-skapaður dirty-dísill Volkswagen sem er að kæfa borgarana í ESB, mallar hægt og rólega gjaldþrotagraut sinn handa VW, og sem mun kosta pólitískt rotið Þýskaland meira en Grikkland áður en dauði þess fyrirtækis opnar forsíðurnar handa því á ný - tikk takk

Árás esb-innfluttra fjöldamorðingja á borgara á götum úti í París er komin á blaðsíðu 3 því kreppuforsíða ESB er fullbókuð af örvæntingafullum impótent kústskafta hernaðarviðbrögðum esb-velda er kyssa afa sinn sem rjómaekta strákústar - tikk takk

Rússland bankar á dyrnar og næsta högg mun henda hurðinni af hjörum sem ekki eru lengur til - tikk takk

Bankakerfi Ítalíu er gjaldþrota og 40-50 prósent útlána þess rotna bara burt. Tómatrauð augu ítalska ECB-seðlabankastjórans víkja því ekki af Print á meðan peningakálið súrnar svart í Þýskalandi - tikk takk

Katalónía vill ganga úr Spáni - tikk takk

Bretland vill út og Danir segja nei nei nei - tikk takk

Plastkarlar- og kerlingar sambandsins koma því saman til að stappa á stálinu í kengruglaðri samkomu í ofaní bunker í París, tottandi þumla af skelfingu við sjálfa sig

Ef evran fellur þá fellur Evrópa - ha ha ha, þvílík vitfirring!

Ef Schengen fellur þá fellur evran - ha ha ha, þvílík vitfirring!

Ef þetta andskotans Evrópusamband hefði aldrei verið stofnað þá væru borgarar Evrópulanda ekki í þann mund að hefja allsherjar flótta frá heimahögum sínum áður en allt þeirra springur þar í loft upp. Þá væri Sámur frændi þar enn til að passa þetta meginland taparanna. Og þá væru brunarústir hagkerfanna ekki að verða svona í laginu eins og þær eru í dag - tikk takk.

Uppskera Evrópuófriðarbandalagsins er loksins að komast í hús

Fyrri færsla

Rannveig ristaði DDRÚV


Rannveig ristaði DDRÚV

Að hugsa sér. Að DDRÚV ríkisútvarpið "með alla þessa veltu" skuli ekki getað lokað álverinu í Straumsvík með kastljósi. Þeir reyndu að loka Samherja, en tókst það heldur ekki

Ef það er eitthvað sem þetta Ríkisútvarp AusturBerlínar Reykjavíkurborgar getur gert þá virðist það ekki vera rekstur. Nei, DDRÚV getur bara velt. Velt og velt og velt byrðinni yfir á þig og mig. Ekkert markaðsverð er þar á neinu. Tekjurnar eru bara óendanlegar. Þær koma bara, alveg sama hvað

Þarna var landsmönnum sem borga undir þetta geimveru apparat boðið upp á kennslustund í einkarekstri að hætti DDRÚV; veltu-rekstrinum. Þið vitið, veltan skapar allt

Mér finnst loksins orðið því sem næst alveg örugglega og farvegslega því sem næst hárrétt að láta "óháðan og utanaðkomandi fagaðila" eins og til dæmis, tja, segjum bara Davíð Oddsson rannsaka velturekstur Ríkisútvarpsins því að marxistinn Joly er upptekin. Bara svona til að ganga úr skugga um að þessi veltustofnun sé ekki alveg örugglega að beita þjóðina nægu andlegu ofbeldi fyrir að borga veltu þess og gott betur en það. Þetta andlega ofbeldi hlýtur að vera kynbundið, annað getur ekki verið, því bæði konur og karlar eru að loka á það sem veltur út úr DDRÚV. Það er að minnsta kosti ekki staðbundið, því þetta er að gerast út um allt án afláts

Það getur varla verið rétt að þetta samkommahús þjóðarinnar eigi að fá að halda þessari kommaveltuveitu sinni áfram eins og hún er

Fyrri færsla

Sósíalistar elska atvinnuleysi


Sósíalistar elska atvinnuleysi

Fáninn

Fullveldisdaginn 1. desember 2015

****

Hvers vegna? Vegna þess að þá geta þeir haldið dópsölum embættis- og stjórnmálamanna opnum og stækkað framboð sitt af sósíalisma í fleiri útibúum hans

Dópsölur stjórnmálamanna hafa sumstaðar náð þeim merka áfanga að þrír af hverjum fjórum kjósendum eru á framfærslu hins opinbera á einn eða annan hátt. Þetta veitir sósíalistum langþráð völd fyrir öllu lífi fólksins

Og ekki nóg með það heldur spýta dópsölur stjórnmálamanna út reglum og reglugerðafargani eins og að úr vélbyssum væri, með þeim árangri að svo gott sem alla einkaneyslu þarf nú orðið að blástimpla fyrst inni í sósíalista höfðum dópsalanna áður en almenningur þorir orðið að neyta hennar

Einkaneysla frjálsra einstaklinga er þar með gerð ofsa-ljót en dópsala embættis- og stjórnmálamanna er hins vegar talin merkilegri, betri og göfugri en þær ákvarðanir sem fólkið tekur sjálft fyrir sig og sína

Og hver kýs svo undan sér dópsölu embættis og stjórnmálamanna? Það gerist ekki fyrr en við fullt og helfrosið sovét. Þegar og þar sem allir eru að drepast úr fátækt á ný, nema auðvitað dópsalaelítan sjálf

Þannig virka fátæktarskjaldborgir sósíalista. Og þess vegna vilja þeir neyða Ísland inn í Evrópusambandið hvað sem það kostar, þar sem atvinnuleysi er massíft og krónískt áratugum saman. Og er Straumsvík þar með talin siguráfangi á þeirri leið. Að eyðileggja sem mest hér heima er eina stefnan þeirra

Sósíalistar eru þeir sem eru: 1) sósíaldemókratar 2) kommúnistar og 3) nasistar þ.e nationalsozialismus. Þeir sækjast eftir að þjóðnýta; 1) sjálf stjórnmálin 2) atvinnutækin og 3) fólkið sjálft. Þessa skulið þið ávallt varast

Fyrri færsla

Lærdómurinn af Straumsvík

Tengt

Paul Krugman valtar yfir ESB-sósíalistann Þor­vald­ Gylfa­son­


Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband