Leita í fréttum mbl.is

Bloggfærslur mánaðarins, febrúar 2015

Öryggismál borgarana

Fyrir þá sem hafa ekki velt fyrir sér sjálfum tilvistargrundvelli ríkisvaldsins og þar með ríkisstjórna(r), þá skal þess hér getið að hann er að vernda líf, limi og eigur borgarana. Enginn æðri tilvistargrundvöllur né markmið eru til sem réttlætt getur sjálfa tilvist, tilurð og rekstur ríkisvalds borgarana betur. Þetta kemur alltaf á undan öllu öðru.

Þetta, ríkisvaldið, er það sem borgararnir geta ekki skaffað sér hver og einn fyrir sig, né framkvæmt sjálfir. Þess vegna höfum við stofnað ríkisvald, lögreglu, dómsvald og dómstóla. Það höfum við borgarnir ákveðið.

Skyldu þeir sem kosnir hafa verið til að sinna þessu starfi, gera sér grein fyrir þessu? Eða eru þeir nokkuð stjórnleysingjar á þingi og einberir dulbúningar inni við beinið. Þegar til kasta þeirra kemur?

Halló?

Fyrri færsla

Dönsk króna, kolakynding og Apple


Dönsk króna, kolakynding og Apple

Ákvörðun Apple Inc. um að byggja 166 þúsund fermetra gagnaver við Viborg á miðju Jótlandi —langt hins vegar þess fjarlægðarpunktar frá Kaupmannahöfn sem nestispakkalausar krákur snúa fluginu við— er í algerri andstöðu við áróður danskra atvinnurekenda um að enginn myndi vilja fjárfesta í Danmörku ef að Danmörk tæki ekki upp evru. Um þessar mundir er danska krónan undir stóráhlaupi danskra atvinnurekenda sem henda frá sér evrum og kaupa fyrir þær krónur

Hvað skyldi danski seðlabankinn segja við þessari ákvörðun Apple sem mun þýða innflæði af erlendum peningum? Skyldi hin pólitíska sjálfspyntingarbinding dönsku krónunnar við evru þola þessa fjárfestingu? En danski símsvara-seðlabankinn hefur af ótta við aukið fjármagnsinnflæði bannað dönsku telefax-ríkisstjórninni í Kaupmannahöfn að gefa út og selja ríkisskuldabréf. Áfallahjálp til loftbelgja Kaupmannahafnar hefur nú umsvifalaust verið skipulögð

Við skulum heldur ekki minnast á kolaknúin raforkuver Danmerkur sem með miklu öryggi sjá landinu og fyrirtækjum þess fyrir viðvarandi raforku og verða það varaafl sem Apple mun stóla á

Þegar harðir diskar innan skamms úreldast sem tækni þá mun með litlum tilkostnaði verða hægt að breyta þessum húsakynnunum í vörugeymslur, sem þá verða alveg ágætlega staðsettar. Þær sleppa við skattabrúnna yfir Stórabeltið. Gagnaverið kemst þá kannski fyrir í ísskápum mötuneytis starfsmanna. Írland fékk samskonar gjöf frá Apple Inc. í dag, enda er landið 20. stærsta eyja veraldar

Hefðu sérfræðingar Íslands, sem er 18. stærsta eyja veraldar, getað togað heilabú sitt út úr raflagnameðferð rafmagnssæstrengs niðri í Apavatni, og þess í stað að haldið haus og fjárfest í gagnaflutningagetu (með tvöföldu re·dun·dan·cy) á milli heimsálfa, þá hefði Ísland með miklum ágætum getað fengið þessa fjárfestingu. En þar sem hugarorkan fer í að berja hausnum í grjót þá er þetta auðvitað eins og það er, þ.e. heilabrot

Um það bil 18.300 manns vinna hjá Apple í 19 löndum í Evrópu og er þetta stærsta einstaka fjárfesting fyrirtækisins í heimsálfunni. Um daginn vígði Apple nýjar aðalstöðvar í Ísrael sem skarar framúr með einum besta tæknigeira veraldar

Það verður fróðlegt að sjá framan í framhaldslífsstykkið Margrethe Vestager (R) —sem eytt hefur öllu lífi sínu í að eyðileggja Danmörku og hlotið að verðlaunum framhaldslíf í Brussel eftir dauðann heima— er hún sem "samkeppniskommissar Evrópusambandsins" mun skoða teikningarnar af gagnaveri Apple í ónýtri Danmörku; "hvernig gat þetta gerst", mun hún spyrja

Heima í Bandaríkjunum munu þeir alþjóðlega háu skattar á fyrirtæki sem áttu að bjarga fátæklingum landsins frá ríkidæmi, halda áfram að sogast í fjárfestingar og atvinnutækifæri erlendis

Njósnastofnanir Hegelskrar Evrópu hafa ekki enn opinberlega sagt frá því hversu fegnar þær eru vegna gagnaflutninganna til Viborg. Þetta mun auðvitað auðvelda þeim vinnuna mjög, þótt hljótt fari enn

Frá árinu 2004 og fram til ársins 2012 sögðu helstu "tele-greinendur" Danmerkur að fyrirtækið Apple ætti engan séns á markaði fyrir síma af neinu tagi og ennfremur að Apple sem computing platform væri dauðadæmt. Þessir greinendur sáu danska bankakerfinu fyrir greiningum í 15 ár og hrundi það því árið 2009 þannig að fjórir björgunar-bankapakkar hafa nú verið útskrifaðir. Og svo hafa þeir vogunarsjóðir sem í áskrift eru hjá hinum sömu hámenntuðu greinendum því einnig skilað af sér 7 sinnum lélegri ávöxtun en Pétur og frú Pálína á allsberri vísitölunni hafa hjálparlaust gert hin síðustu 6 árin

Raufarhöfn við risavaxna Melrakkasléttu ætti að hafa beint samband við Apple í Kaliforníu eins og Viborg gerði, því fælingarmátt stofustássins Útflutningsráð í Reykjavík, sem er höfuðborg DDRÚV, skyldi enginn vanmeta

Fyrri færsla

Fjarvistarsönnun ESB frá sjálfu sér; að punta sig með Gyðingum


Fjarvistarsönnun ESB frá sjálfu sér; að punta sig með Gyðingum

"Án Gyðinga í Evrópu er engin Evrópa", er nú sagt. "Án evru er engin Evrópa", var líka sagt. Þetta heyrir maður þessa dagana og þessi árin. Þetta er því miður bara einföld þjóðnýting í þágu samrunans og ekkert annað. Hvað verður næst; Án ESB er engin Evrópa?

Reyndar er eina leiðin sem fær er til að bjarga Evrópu sú, að leysa Evrópusambandið upp með rótum og kalla bandarískt setulið á vettvang. Það mun gerast þó síðar verði. Því það verður þá ákaflega bráðnauðsynlegt. En ólíklegt er þó að bjargvætturinn nenni á vettvang í það skiptið því að Bandaríkin eru ekki umboðslaust ESB-sukk. Þau þola ekki hvað sem er

Evrópusambandið; “Sjáið nú hvað ég er búinn að eyðileggja land mitt mikið í ykkar þágu, ég hlýt því að fá vinnu hjá ykkur”. Já vinnu hjá ykkur við elítuveldi ykkar yfir nú því sem næst ónýtri Evrópu. Það er svona sem stjórnmálin spila í Evrópu. Fólkið kýs stjórnmálamenn í aðildarlöndunum. Þeir komast þá til valda. En um leið og það gerist þá hefja þeir styrjöldina gegn þessum sömu kjósendum sem komu þeim til valda. Það gera þeir til að tryggja sér vinnuna og framhaldslífið í Brussel, er þeim verður sparkað út. Og einnig til að tryggja sér nauðsynlega vernd gegn kjósendum á meðan þeir eru að eyðileggja löndin sín. Tryggja sig í söðlinum. Ístað hans er made in Brussel. ESB hefur þjóðnýtt það. Það versta sem gerst gæti fyrir Brussel er sá óhugnaður að til valda skyldu komast stjórnmálamenn í einu landi Evrópusambandsins sem engan áhuga hafa á framhaldslífi í Brussel. Að þeir myndu fyrst og fremst gæta hagsmuna kjósenda sinna. Svo rotnir og svo andlýðræðislegir eru grunnstólpar Evrópusambandsins. Þeir eru frá fæðingu algerlega andlýðræðislegir. Svona hafa sjálf stjórnmálin í Evrópu verið þjóðnýtt í þágu sambrunans. Þau er með öðrum orðum ekki lengur stjórnmál, heldur dulbúið einræði

Gott dæmi um þetta ferli ESB-þjóðnýtingarinnar er sá endalausi straumur innflytjenda fá Mars og ESB í þágu samrunans sem þessir stjórnmálamenn án umboðs frá fólkinu hafa fossað inn í aðildarríkin í Evrópu, sem þeir ætla þannig með gúrkuaðferðinni að leysa upp, svo að vald þeirra á endastöð lýðskrumaranna í Brussel verði nú staðsett þar áfram, þeim til handagagns, áframhaldandi illa fenginna fjármuna og valda. Þetta er nefnilega bara tollabandalagið, ekki satt? Saklaus jólapakkinn sjálfur. Öll þeirra vinna í Brussel snýst um peninga, kontról og völd og lítið annað. Þannig er vinna þeirra í musteri umboðsleysisins. Ágætis ömurlegt eintak af svona ferli má finna á blaðsíðu 17 í hinu prentaða athugasemdakerfi Morgunblaðsins við raunveruleikann og fáránleikann í ESB í dag. Vestager leggur þar blóm yfir pólitík sína

Í þessu viðvarandi ferli hafa stjórnmálaembættismenn og DDR-ríkisfjölmiðlar ESB-Evrópu eðlilega unnið ómetanlegt skemmdarverk á þjóðríkinu Ísrael, sem er viðurkennt heimili Gyðinga frá 1949. Þá skemmdarverkastefnu verður nauðsynlega að framkvæma til að viðahalda dagskrárefni Evrópusambandsins númer eitt; að þjóðríkið sem manngæskuberandi stofnun sé ónýtt. Að aðeins Evrópusambandið sé því lögmæt og nauðsynleg stofnun yfir Evrópu. Þeir hafa komið sér þannig fyrir í svaðinu sínu í Brussel, að nú sjá nytsamir einfeldningar þjóðríkið Ísrael fyrir sér er þeir heimsækja og skoða gamla Auschwitz evrópskra sósíalista, sem þá þjóðnýttu fólkið báðum megin gaddavírs- og rafmagnsgirðinga þess

Svo, kæru vinir, það er hundrað þúsund sinnum meiri en full þörf á því að forsætisráðherra Ísraels, Benjamin Netanyahu, ávarpi nú Gyðinga í Evrópu með þeim orðum að Ísrael sé heimili þeirra og að þeir séu velkomnir heim. Án þjóðríkis Gyðinga í Ísrael væri hörmulega illa komið fyrir Gyðingum í Evrópu í dag. Áróðurinn gegn Ísrael í evrópskum fjölmiðlum, evrópskri umræðu og stjórnmálum hefur verið svo massífur að það væri algerlega ábyrgðarlaust af Netanyahu að ávarpa ekki Gyðinga í Evrópu með þessum hætti. Þeir verða að fá þetta að vita beint frá honum

Andstæðingar þjóðríkisins í Evrópu stukku pr. automatík strax upp úr ESB-söðli sínum til að gera forsætisráðherra Ísraels tortryggilegan. Svona rotin er Evrópa Evrópusambandsins orðin. Án fjarvistarsönnunarinnar “Gyðingar í Evrópusambandinu”, munu allir sjá hvers konar ESB-drullumalli þeir eru fastir í. Það má náttúrlega ekki gerast. Gyðingum skal því áfram fórnað á altari ESB-hugmyndafræðinnar, sem er jafn pervers og hugmyndafræði Sovétríkjanna var

Eftir að sömu tegundar sósíalistar Evrópu myrtu sex milljón Gyðinga fyrir nokkrum áratugum síðan, þá kemst þvaðurheimspeki Evrópusambandsins um hinn meinta tilvistargrunn sinn —að þjóðríkið sem stofnun sé ónýtt og sem krefst þess að þjóðríkið Ísrael er loksins varð heimili fyrir þjóð án ríkis, verði sem allra fyrst rifið niður til grunna og aflögmætt— hér í ferleg vandræði, því það er ekki gott til afspurnar fyrir Evrópusambandið að það sjáist svart á hvítu hvað verður um þjóðir er þær missa heimili sín. Þess vegna, og til enskis annars, þarf Evrópusambandið á Gyðingum að halda. Svo vélræðislega þjóðnýtingarlega ömurlegt sem það nú er. Enginn nema forsætisráðherra Ísraels ber hag Gyðinga í Evrópusambandinu sér fyrir brjósti

En sjálf tilraunaþjóðin, Gyðingar, gaf hins vegar skít í Perpetual Peace: A Philosophical (Schizophrenial) Sketch hans Emmanuels Kants sem fór aldrei út fyrir þorp sitt og hvers verk var fyrsta elítutæra skóflustungan niður í öskubakka meginlandsins í uppgreftri afglapa eftir þjóðríkisbananum Evrópusambandinu. Þjóðin Gyðingar stofnaði því þjóðríkið Ísrael og fékk sér vopn til að verjast með. Aldrei aftur, segir sú þjóð. Í þessu stóra samhengi heimilisleysis hefði þjóðin Íslendingar líklega dáið út

En hér heima rembast gelgjukrónískir embættis- og stjórnmálamenn við koma þjóðríki Íslendinga fyrir kattarnef inni í Evrópusambandinu. Þeir nytsamir einfeldningar leika sér að eldinum. Þeir leika sér að eldinum. Hélt ég að nóg væri komið frá þeim. En svo er greinilega ekki

Fyrri færsla

Evrópusambands-þýskur Weimarmöguleiki í Grikklandi? ja


Evrópusambands-þýskur Weimarmöguleiki í Grikklandi? ja

Þýskaland endurheimtir Weimar “lýðveldi” í Grikklandi

Þjóðverjum ætti ekki að verða skotaskuld úr að laga þessa stöðu (sjá frétt að neðan), þar sem 1/4 hluti evru-hagkerfis Grikklands er nú horfinn samkvæmt skipun frá öxulveldissprota Berlín-Parísar yfir Evrópusambandinu. Samdráttur er nemur tæplega þremur heilbrigðiskerfum. Er því Grikklandið þeirra eftir þrjátíu og þriggja ára viðvarandi björgunaraðild að Evrópusambandinu komið í verri stöðu en Þjóðverjar grenjuðu yfir að ríkti í Weimarlýðveldinu vegna stríðsskaðabótakröfu Frakklands et.al. á hendur þeim. Slíkt er afl Evrópusambandsaðildarinnar. Þjóðverjar sögu þá að Versalasamningarnir væru að eyðileggja Þýskaland og neituðu að borga meira

Bíddu. Var Þýskaland þá ekki rekið úr Evrópu? Nei, þeir borguðu bara ekki og rændu svo og rupluðu og drápu og slátruðu

Ráku svo Bandaríkjamenn ekki Þýskaland úr Evrópu eftir seinni heimsstyrjöldina? Gáfu þeir Þýskalandi nokkuð nýja framtíð? Dældu þeir nokkuð gjöfum í þýskar þjóðir í formi Marshall aðstoðar? Gáfu þeir eftir það sem Þýskaland skuldaði Bandaríkjunum? Og greiddi Þýskaland stríðsskaðabætur samkvæmt Versalasamningum? Ef já, hve mikið borguðu þeir?

Jú, þeir greiddu fjórum sinnum minna en styrjaldarhrjáðir Bandaríkjamenn gáfu þeim með Marshall aðstoðinni sem endurbyggði borgir, vínakra, opnaði námur og greiddi Þjóðverjum ellilífeyrir sinn

Þetta fór sem sagt fram í Evrópu eftir að Þýskaland rændi gullforða Grikklands og sem Marshallaðstoðin gerði þeim kleift að hluta til að senda aftur suður og niður til Grikklands. Í alt greiddi Þýskaland 2,1 prósent af þjóðartekjum landsins í stríðsskaðabætur frá 1919 til 1931, er Hitler stöðvaði greiðslurnar til að geta byggt sláturhúsið German Reich yfir meginlandi Evrópu. Ný endurbygging þess undir fánum Evrópusambandsins fer nú hins vegar fram. ESB er fjarvistarsönnun Þýskaland og Frakklands frá fortíðinni. Henni trúa vissir fábjánar einfeldningar á Íslandi

Ætlar svo þetta Þýskaland —sjálft meginland taparanna— nokkuð að reka Grikkland úr myntbandalagi Evrópusambandsins AG? Þeir geta alveg ætlað það, já. Þeim væri mjög vel trúandi til að óska sér þess. En þeir munu ekki gera það svo lengi sem von er á einum túkalli með gati frá gríska lýðveldinu upp til kínverja Evrópu

Þeir rændu jú gullforða Grikklands á sínum tíma. Og öll þýska þjóðin vissi hvað þjóðkjörinn stjórnmálamaður þeirra var að aðhafast öll valdaár hans í Kansleríinu frá 1932 til 1945. Vissi það mjög vel

Sagt er að þjóðverjar séu svo "duglegir". Ef þeir eru það, hvers vegna er landið þá svona hlutfallslega fátækt miðað við sagðan dugnað? Hvað er að? Hvert hafa peningarnir farið? Af hverju er Þýskaland ennþá rekið sem þrælabúðir?

Jú, visa peninga vantar og er því rétt er að geta þess hér að Grosswirtschaftsraum Deutschlands (þ.e. Evrópusambandið AG) hefur fjármagnað yfirtöku sambandsins á Evrópu. Fjármagnað styrkjaskólpveitur Evrópusambandsins. Það hafa þeir því miður gert. Til hvers annars en til bættrar samkeppnisaðstöðu halda menn að þetta ríki á sínum tíma hafi af prins Bismarck verið klaskað saman. Þetta ríki sitt þola Þjóðverjar ekki. Það er og verður því aldrei til friðs, eins og sum önnur fyrirtæki sem tekið var af úr kassa borgarana til að stofna. Þýskar þjóðir verða því áfram ávallt hlutfallslega fátækar, stjórnsýsla elíta landsins er þaað öflug. Slíkur er hinn Hluthafafallslegi stöðugtlekandi

Fyrri færsla

Kynþátta úthreinsun aftur hafin í Evrópu


mbl.is Telur samkomulag enn mögulegt
Tilkynna um óviðeigandi tengingu við frétt

Kynþátta úthreinsun aftur hafin í Evrópu

Í Evrópu er staðan orðin þannig að etnísk úthreinsun er þar hafin einu sinni enn. Stjórnmálamenn og yfirvöld gangast nú í það þarfa verk að hreinsa tungumál Evrópubúa af orðum og hugtökum sem tengjast kynþáttum, þjóðum og þjóðarbrotum. Orðið Dani þýðir allt í einu ekki Dani. Það þýðir hvað sem er annað

Það er Evrópuvélarrúm vinstri manna, sósíalisminn, sem eins og verjulega stendur fyrir kynþáttaúthreinsunum og skurðgreftri nýs árfarvegs fyrir fjöldamorð í Evrópu

En eitt orð er þó —eins og alltaf áður— undanskilið frá hreinsunareldi vinstri manna. Það er orðið Gyðingur. Það er og verður áfram notað til að lýsa kynþætti sem sósíalistar hata um alla Evrópu. Orðið Arabi og múslími þýðir hins vegar Dani, Svíi eða Frakki og ýmislegt annað sem unnið er að í aðalstöðvum eyðileggingar í Brussel

Brussel hefur lengi sagt að Evrópa sé ónýt nema að því tilskyldu að Evrópusambandið komist til meiri og meiri valda og bjargi henni. Eins og allir menn með ekkert vit vita, vinna menn alltaf ákafast fyrir og ausa fjármunum sínum annarra sem mest í að bjarga því sem ónýtt er. Hví vera að bjarga heilu meginlandi þar sem allt gott er jafn slæmt og allt vont 

Þarna er náttúrlega engin mótsögn í neinu. Nei nei. Og svo segir sambandið auðvitað að kristnin skuli ekki lengur teljast með sem sá þáttur samfélaga Evrópu sem nokkurs virði sé. Evrópa á kristni ekkert að þakka né að kenna um, og það fyrirbæri á því engan þátt í að móta neitt í sögu Evrópu, sem hófst auðvitað árið 1993

Það er því í aðalstöðvum ófirðarins og eyðileggingarinnar í Brussel, algerlega horft framhjá þætti hennar í mótun Evrópu hin síðastliðnu 2015 ár. Alveg eins og var í Þriðja ríki Adolfs Hitlers og í Sovétríkjum, sem bæði voru háborgir sósíalismans og fjöldamorða. Þar var sá þáttur í sögu Evrópu, kristnin, einnig þurrkaður út

Velkomin til Evrópu. Vertu velkomið Evrópumennið mitt. Loksins! Þetta gengur alveg skelfilega vel. Nýtt auðkenni er okkur fætt

Strengjabrúðkaupið er hafið, kæru vinir. Sú níunda í meðferð strengjabrúðuhljómsveitar Evrópusambandsins skilar sér alltaf svo vel: dansið á meðan hljómsveitin sú spilar, dansaðu inn í unterganginn þinn

Nú get ég víst ekki lengur sent Dönum neinar samúðarkveðjur, því hverjir eru þeir? Hvar skyldi ég nú hafa búið og starfað í 25 ár?

"Sovét Ísland, óskalandið, hvenær kemur þú?"

Ó ESB-Ísland, borgarastyrjöld, hvenær kemur þú!

Fyrri færsla

Spurt er: Hvaða sögubækur lest þú eiginlega?


mbl.is Árásarmaðurinn 22 ára Dani
Tilkynna um óviðeigandi tengingu við frétt

Spurt er: Hvaða sögubækur lest þú eiginlega?

Í athugasemd við bloggfærslu mína í gær;

Dresden 1945: frekar hráslagaleg söguskoðun, þykir mér

- sem fjallar um loftárásirnar á Dresden í febrúar 1945, er ég af eftirfarandi tilefni spurður eftirfarandi spurningar

"...héldu Rússar sér fast í kristin gildi Kirkjunnar"

Virkilega? Hvaða sögubækur lest þú eiginlega?

Svar

Í fyrsta lagi myndi ég aldrei lesa sögubækur sovéskra yfirvalda og áhangenda þeirra sem þýða myndi að allar sögubækur í skólakerfi sovéskra yfirvalda væru á andlegum bannlista hjá mér

Hefði ég nauðbeygður verið skólaður í svoleiðis skólakerfi þá hefði ég sem vöggugjöf frá foreldrum og ættmennum mínum haft til varnar innbyrðis í heilabúi mínu það sem kom þar inn með móðurmjólkinni. Og myndi ég ávallt ráðfæra mig við þá þekkingu, lífsskoðun og lífssiði yrði ég bombarderaður af andkristnum áróðri yfirvalda undir terror-ríkisstjórn glæpamanna á borð við Jósef Stalín, heilaskaðaðan mafíuforingjann Lenín og önnur glæpaverkfæri Kommúnistaflokks sósíalista

Frá því ári er 1917 nefnist voru meðlimir Rússnesku kirkjunnar um það bil 100 milljón manns (af ca. 160 milljóna heildarmannfjölda Tzar-Rússlands) sem deildu sér niður á 67 biskupsdæmi, með 55 þúsund kirkjum, með 57 þúsundum presta og 1500 klaustra með 95 þúsund munkum og nunnum

Komst svo Glæpaflokkur Kommúnistagengis Sovétríkjanna til valda og brenndi á árunum frá 1917 til 1929 um það bil 16 þúsund kirkjur niður á því tímabili. Á tímabilinu frá 1929 til 1939 (hinn Stóri terror Stalíns) stóð glæpagengi Kommúnistaflokksins enn fremur fyrir eyðileggingu á 24 þúsund kirkjum til viðbótar, þannig að á því herrans ári 1939, voru aðeins rúmlega 15 þúsund kirkjur eftir í Sovétríkjunum öllum. Þúsundir af prestum voru teknir af lífi á þessu tímabili og annað eins var sent í Gúlag Kommúnistaflokksins til niðurrifs og mannlegrar sem andlegrar tortímingar sósíalismans

Staðan í kringum 1940 var sú, að aðeins voru þá eftir 20 prósent af þeim 55 þúsund kirkjum sem voru í ríkinu áður en Kommúnistaflokkur glæpagengis Leníns og Stalíns rændu völdum. Hefðu yfirvöld þá framkvæmt skoðanakönnun, hefðu líklega núll prósent fólksins gefið til kynna að það aðhylltist Kristni og kristin gildi, því skoðanafrelsi var ekki leyft undir oki kommúnisma nómenklattúrískra yfirvalda og terror þeirra. Sama saga gildir að mestu leyti í öðrum kommúnistaríkjum sósíalista

Fólki var refsað og það tekið af lífi fyrir skoðanir sínar. Stjórnarskrá Sovétríkjanna og dómstólar þeirra leyfðu aðeins kommúnisma sem lífsskoðun og lífsmáta innan landamæra þeirra (að því leyti líkist hún heimspekilegum grunnstólpum stjórnarskrár, lagabálka, stofnana- og dómskerfis Evrópusambandsins, sem leyfir aðeins samrunahugmyndina í hinum heimspekilega grundvelli er stofnanir sambandsins hvíla á). En kommúnisminn og marxisminn var fluttur inn til Rússlands frá aðalstöðvum Helgels í Þýskalandi, sem er á meginlandi Evrópu. Ekki er því skrítið að Rússar hræðist Evrópusambandið í dag

En annað gilti hins vegar um þann kristna fjársjóð sem Kirkjan hafði plantað í hugum fólksins. Þau fræ hjálpuðu Rússum í gegnum terror kommúnistagengis Sovétríkjanna þar til hugarfarslega gereyðandi lífsskoðun þeirrar samkundu hundi til grunna ofan á fólkið með ömurlegum afleiðingum, eins og allt sem ekki er manninum samkvæmt og ekta á endanum gerir

Í dag eru 150 milljón manns í Rússnesku kirkjunni á veraldarvísu og yfir 70 prósent af lögráða fólki í Rússlandi aðhyllist Kirkjuna þó svo að kirkjusókn sé þar í sömu vandamálum og hér heima í ríki DDRÚV og sósíalista Íslands. En uppi í höfðinu vísaði landakort Kristninnar fólkinu veginn undir terror kommúnismans. Án þess vegvísis hefði lítið verið eftir til að snúa til baka til; nema maurabúskapar í maurabúi, þ.e. mannlegs svartnættis

Langi menn að fræðast frekar um kommúnismann, þá bendi ég til að byrja með á eftirfarandi fjórar bækur sem þrjár eru listaðar hér í dálknum til hægri:

1) Bent Larsen: Gulag og glemsel - Um sorgleik Rússlands og minnistap vesturlanda.

2) Niels Erik Rosenfeldt: Stalin - Diktaturets anatomi.

3) Þór Whitehead: Sovét-Ísland, óskalandið. Kommúnistaflokkur Íslands var deild í heims-byltingarsambandinu Komintern, sem stjórnað var frá Moskvu. Yfirlýst markmið flokksins var: Bylting og stofnun Sovét-Íslands. Hér lýsir Þór Whitehead í fyrsta sinn í samfelldu máli undirbúningi flokksins að byltingu í landinu og viðbrögðum íslenska ríkisins. Bókafélagið Ugla gefur út.

4) Hannes Hólmsteinn Gissurarson: Íslenskir kommúnistar (ISBN: ISBN 978-9935-426-19-2). Almenna bókafélagið gefur út og segir réttilega: "Í þessari sérlega fróðlegu og vel skrifuðu bók er rakin saga íslenskra kommúnista í máli og myndum frá því að Brynjólfur Bjarnason tók þátt í götuóeirðum í Kaupmannahöfn haustið 1918 og fram til þess að þau Margrét Frímannsdóttir og Svavar Gestsson þáðu boðsferð til kommúnistaflokks Kúbu haustið 1998. Óslitinn þráður var frá fyrstu aðdáendum kommúnismans til hinna síðustu. Nú hafa allar myndir af Stalín verið teknar niður í betri stofum á Íslandi en eftir stendur, að hreyfing íslenskra kommúnista náði hér meiri áhrifum en víðast annars staðar í lýðræðisríkjum, ekki aðeins í stjórnmálum heldur einnig í verkalýðshreyfingu og menningarlífi".

Kveðjur

Nafni þinn Gunnar (meðlimur Íslensku þjóðkirkjunnar sem sósíalistískur forsætisráðherra Íslands 2009-2013 e.Kr., Jóhanna Sigurðardóttir, kvaðst íhuga að segja sig úr)

**** DANMÖRK og DDRÚV 14. febrúar 2015 **** 

PS: Í gær varð Danmörk, að sögn þarlendra yfirvalda, fyrir "verstu hryðjuverkaárás í nýrri tíma sögu landsins". Hvorki meira né minna! Hvað gerir þá sósíalistastofnunin DDRÚV í aðalfréttatíma þess dags hér á Íslandi, sem er eitt Norðurlandanna?

Jú, hryllingsatburðurinn í Danmörku er alls ekki fyrsta frétt í aðalfréttatíma stofnunarinnar! Þó svo að Ísland sé eitt af Norðurlöndunum! Sem fyrsta frétt var hins vegar af sporbraut kominn gervihnöttur hins pólitíska spuna sem stofnunin hefur undanfarna daga spunnið gegn fjármálaráðherranum og bagatelliseringu þess á orsakasamhengi eins atburða í Frakklandi um daginn. Sú aðgerð DDRÚV undanfarna daga og vikur neyddi því stofnunina til að forgagnsraða fréttum í aðal"fréttatíma" þess í gær, en ekki raunveruleikinn eins og hann valt fram. Skömmin neyddist því til að bíta í sjálfa sig og éta sig inn í höfuð sitt í gær og er það alls ekki í almannaþágu. Fjármunum og tíma stofnunarinnar er varið í að halda gervihnöttum þess á sporbraut við DDRÚV-snyrtistofu raunveruleikans. Smá meiki er klaskað framan í áhorfendur á hverjum degi þannig að úr verði helst á endanum; klessa

Þetta sýnir að DDRÚV flytur okkur ekki fréttir úr raunveruleikanum eins og hann er og veltur fram, heldur flytur það okkur boðskapsdagskrá (prédikun) sem er ekki raðað saman samkvæmt raunveruleikanum eins og hann gerist og veltur fram. Honum er raðað saman samkvæmt boðskapsdagskrá stofnunarinnar, sem er viðvarandi hápólitískur fréttaflutningur er nálgast áróður

RÚV starfrækir forgangs pólitíska dagskrá á kostnað skattgreiðenda (e. political priority agenda) og því ber öllum að taka fréttaflutningi þess með stórum fyrirvara, eins og var í Sovétríkjunum undir Sannleikanum - Pravda

Fyrri færsla

Dresden 1945: frekar hráslagaleg söguskoðun, þykir mér


Dresden 1945: frekar hráslagaleg söguskoðun, þykir mér

Frekar undarleg þykir mér þessi bloggfærsla hins ágæta höfundar um loftárásirnar á Dresden þessa dagana árið 1945, þ.e. þann 13. til 15. febrúar það ár. Færslan er í sjálfu sér ekki slæm, en ýmislegt vantar. Því get ég ekki látið eftirfarandi skrif mín vera. Athugasemdirnar eru —sumar, því miður— athyglisverðar í ljósi töluverðs gamaldags og undarlegs Þýskalandsáhuga hérlendis. Þar á ég bæði við Vestur- og Austur-Þýskalönd þá og nú

Þann 5. febrúar 1945, á Möltu-ráðstefnu Bandamanna, héldu herforingjar fund. Sovéski herinn sagði að herdeildir Nasista-Þýskalands væru að flytja sig í gegnum Nasista-hernumda Evrópu Þjóðverja og handlangara þeirra til Austur-vígstöðvanna, og notuðu þeir til þeirra flutninga samgönguvegamót og samskiptamiðstöðvar borganna; Berlínar og Leipzig og Dresden. Sovéski herinn krafðist að Bretar og Bandaríkjamenn hæfu massífar loftárásir á þessi vegamót flutninga og samskipta. Mannfall Rauða hersins í styrjöldinni var þá orðið algerlega skelfilega óásættanlegt. Einnig hefur ef til vill og vonandi skipt máli að þurrka sem mest út af járnbrautaneti Þýskalands, því að á aðeins átta vikum höfðu Þjóðverjar flutt 425.000 Gyðinga á þessu járnbrautaneti til slátrunar í útrýmingarbúðum Þjóðverja, sem lágu út um gjörvallt yfirráðasvæði þeirra. Þær milljónir og aftur milljónir Gyðinga sem slátrað var af Þjóðverjum, voru fluttir í gripavögnum Deutsche Bahn (DB) ríkisjárnbrauta þessara í gegnum oft prúðbúnar og ný-fánum klæddar borgir Þýskalands

Deutsche Bahn þjónar í dag Þýskalandi dyggilega og er ennþá í eigu ríkisins. Án þeirra hefðu stóriðnaðarmorð þýska ríkisins á milljónum og aftur milljónum Gyðinga ekki getað gengið eins hratt og snurðulaust fyrir sig og þau gerðu. Enginn vann við Deutsche Bahn, að sögn þýsku þjóðarinnar eftir stríðið. En í dag vinna þar allt í einu um 300 þúsund manns

Þýskaland má líklega ennþá þakka fyrir að hafa ekki að hluta til verið þurrkað út af landakortinu. Berlín má sennilega enn þann dag í dag þakka fyrir að hafa ekki verið jöfnuð algerlega við jörðu

Adolf Hitler var kosinn til valda af Þjóðverjum. Einn versti aðskilnaður ríkis frá hinu æðra umboði varð þegar Hitler fékk umboð sitt frá þinginu —e. the Enabling Act of 1933— til að troða universal boðskap Ritninganna niður í sömu ruslatunnur og Stalín hafði þá þegar yfirfyllt í gervöllum Sovétríkjunum, með þeim endalokum sem svo urðu. Það voru Ritningarnar sem gáfu manninum hið takmarkaða ríkisvald, en ekki öfugt. Enda var nasisminn svo dæmdur til dauða í Nuremberg, fyrst og fremst samkvæmt brotum gegn Ritningunum þ.e.a.s hinu æðra og universala umboði

Loftárásirnar á Dresden voru gerðar á síðustu mánuðum styrjaldarinnar, sem enginn vissi þá hvenær myndi enda. Tækninni og getu hennar, miðað við upphafsár styrjaldarinnar, hafði þá fleygt verulega fram, enda var þörfin á þeim framförum algerlega lífsnauðsynlega knýjandi. Nasista-Þýskaland var þekkt fyrir að notafæra sér út í ystu æsar hina allra nýjustu tækni á hverjum tímapunkti styrjaldarinnar. Hefði Nasista-Þýskaland ráðið yfir þeirri tækni sem beitt var á Dresedn, þá hefðu þeir notað hana á almenna borgara Bretlands og hernumdu ríkjanna frá 1939 og jafnvel fyrr. Hefði Nasista-Þýskaland ráðið yfir kjarnorkusprengjum, þá hefðu þeir notað þær á almenna borgara Bretlands, Bandaríkjanna, Sovétríkjanna og hin hernumdu lönd um leið og sú tækni hefði verið af þeim tilbúin til notkunar. Enginn minnsti vafi er á því. Þeir hefðu alltaf notað alla fáanlega tækni á hverjum tímapunkti til slátrunar á óbreyttum borgurum hvar sem þeir hefðu náð að koma henni við. Og Bandamenn vissu aldrei á neinum tímapunkti styrjaldarinnar um hvaða horror-tækni þeir áttu von á að standa augliti til auglitis við frá hendi Nasista-Þýskalands. Það er óumdeilanlegt

Eftir-stríðs söngurinn um Dresden er aðeins sorgleg tilraun til hráslagalegrar söguendurskoðunar á því sem var óumdeilanlega eitt það ömurlegasta sem Bandamenn neyddust til að gera til að binda enda á horror sósíalismans. Bæði nasismi og kommúnismi eru sósíalismi

Þýskaland dagsins í dag hefur lítið sem ekkert með þessa atburði að gera, að minnsta kosti enn sem komið er. Það fólk sem byggir Þýskaland í dag er ekki það fólk sem stóð undir sprengjuregninu yfir Dresden og það fólk er heldur ekki það fólk sem stóð fyrir þörfinni á að þetta var gert. Það er ekki við það að sakast. Hugtakið "þjóðareign" er hvorki eins sterkt né endingardrjúgt og sumir nytsamir sakleysingjar halda bláeygðir fram í dag. Þær kröfur sem heyrst hafa frá Grikklandi í dag um stríðsskaðabætur frá því þá, eru óréttmætur fáránleiki. Þýskaland þá, er ekki Þýskaland dagsins í dag. Að minnsta kosti ekki enn sem komið er, eins og stendur. En það vekur þó óneitanlega skuggalega athygli að ný-fánum klætt Evrópusamband dagsins í dag, hefur ekki hið tvöfalda umboð. Reyndar hefur það ekkert umboð frá neinum. Það er umboðslaust

Evrópskir sagnfræðingar eru sumir hverjir nú komnir á þá skoðun að Evrópusambandið muni enda sem borgarastyrjöld í Evrópu. Hvers vegna skyldu þeir vera komnir á þá skoðun? Því má vel halda fram að seinni heimsstyrjöldin hafi verið borgarastyrjöld Evrópu númer tvö

Fyrri færsla

Furðulegt með sósíalista og hin svo kölluðu "mannréttindi"


Furðulegt með sósíalista og hin svo kölluðu "mannréttindi"

Það kemur úr hörðustu átt að sósíalistar séu skyndilega farnir að grufla yfir mannréttindamálum og að þykjast láta sér annt um þau. Vita þeir ekki að það var réttarríkið sem ól af sér mannréttindin?

Fáir hafa barist eins ötullega gegn réttarríkinu eins og sósíalistar hafa gert. Þeir börðust gegn réttarríkinu með ofbeldi og undirróðri og allt fram undir síðustu aldamót voru þeir jafnvel algerlega andsnúnir þingræði. Þeir höfðu vopnaða byltingu á dagskrá sinni fram undir það síðasta. Undir ríkisstjórn þeirra var boðað til leshringa í Marx-Lenínisma í höfuðborg Íslands, Reykjavík, svo seint sem árið 2012

Sósíalistar höfðu á dagskrá sinni að kollvarpa réttarríkinu sem ól af sér réttindi manna með lögum í anda Krists, sem predikaði að einstaklingurinn væri einstakur og fæddur frjáls

Hinn frjálsa einstakling hafa sósíalistar hins vegar oftast reynt að hneppa í ánauð og haft mikið á móti kristninni sem þeir sjálfir njóta forréttindanna af að búa saman með nágrönnunum sínum undir

Sósíalistinn Jóhanna Sigurðardóttir sem með sósíalistunum Steingrími J. Sigfússyni og Össuri Skarphéðinssyni sátu hér við ömurlega fengin völd, hótaði meira að segja á tímabili að segja sig úr Íslensku þjóðkirkjunni

Í praxís hefur stjórnarfar sósíalista alltaf leitt af sér aðför að réttarríkinu => sem leiðir af sér engin mannréttindi => sem leiðir af sér ófrið og stjórnleysi og þann jarðveg sem ill öfl þrífast best í. Evrópusambandið er til dæmis orðið slíkur jarðvegur. Þar hefur meira að segja risið upp furðufyrirbæri sem komið hefur sér upp sínum eigin lögum undir yfirríkislegum dómstóli; Evrópudómstólnum (e. "European Court of Justice”, ECJ) sem byggður er á alræðislegi lagaheimsspeki (e. totalitarian concept)

Það er að segja fyrirbæri þar sem sem lög, dómar og túlkanir dómstóls sem byggir lagaheimspeki sína á f. "Une certaine idée de l’Europe" eða "hinni sérstöku hugmynd um Evrópu(sambandið)" ræður ríkjum og sem í grundvallaratriðum er ekki ósvipuð alræðisleg heimspeki sem lög og dómstólar Sovétríkjanna byggðu tilvist þess terror-ríkis gegn einstaklingnum upp á

Þess vegna hóf Vinstrihreyfingin-grænt framboð leshring um Marx-Lenínisma í höfuðborg Íslands, Reykjavík, á stjórnarfarsári sósíalista númer þrjú, 2012 e.Kr.

Eftir aðeins 10 ár undir ríkisstjórn sósíalista hefði réttarríkið Ísland orðið óþekkjanlegt, slíkur er ofstopi þeirra. Í ljósi þessa ber að skoða hina illa tilkomnu aðildarumsókn þeirra að Evrópusambandinu

Fyrri færsla

ESB er sama stefna og leiddi til heimsstyrjaldarinnar fyrri


ESB er sama stefna og leiddi til heimsstyrjaldarinnar fyrri

[Úr orðabók ESB: Populist = ekki sammála okkur í Brussel: a person who holds, or who is concerned with, the views of ordinary people]

Og hver var sú stefna. Jú sú sama stefna er frá fæðingu liggur að baki Evrópusambandinu; heimsvaldastefna (Imperialism) útþenslustefna, miðstýring, myndun nýs sovétríkis, elítustefna, ófriðarstefna. Evrópusambandið er að eðlisfari elíta, ófriðarverkefni

Aðeins ein lífsbjargandi lækning er til við heimsvaldastefnu Evrópusambandsins. Að kalla verndandi þjóðríkið Bandaríki Norður-Ameríku á vettvang til að leysa það upp

Bandaríkjamenn eru sérfræðingar í brottförum. Þegar þeir eru kallaðir á vettvang til að bjarga veröldinni frá skrímslum eins og Evrópusambandinu, þá eru þeir að verki loknu snöggir að pakka saman og fara heim

Þeir eru sérfræðingar í exit, því heima í hinu frjálsa ríki sínu vilja þeir helst vera. En rétt eins og er —því miður— þá eru þeir uppteknir við að stinga hausnum í sandinn. En það mun lagast

Evrópusovétríki fara á hinn bóginn aldrei heim fyrr en þau eru neydd til þess eða þegar þau rekast á óhagganlegar stærðir. Rússland er til dæmis frekar óhagganleg stærð

Evrópusambandið er slæmt. Því til sönnunar þarf ekki að horfa lengra en til sósíalistanna á Íslandi sem eru helstu aðdáendur þess; Sem alltaf hafa dáð ófrelsið, kúgunina og fátæktina; Sovétríki, Kúbur, Rúmeníur, Albaníur, Austur-Þýskalönd, samyrkjubú, hungursneyðar og neyð almennings

Sósíalistar sjá sér nýja möguleika í Evrópusambandinu; það er orðið að þeirra skjaldborg. Það varð það frá og með 1. nóvember 1993. Í því sjá þeir nýtt samyrkjubú, musteri fátæktar. Gamla Sovétið horfið, en nýtt yfirríkislegt er hér komið

Fyrri færsla

Áhlaup danska seðlabankans á dönsku krónuna; Úthýst dönsk króna


Úthýst dönsk króna

Efnahagsleg djúpfrysting Danmerkur í ESB

Hagvöxtur á Norðurlöndum 2000-2013 - Hagtölur Norðurlanda 2014

Mynd: Vísitala hagvaxtar á Norðurlöndum - Hagtölur Norðurlanda 2014

Hvað hefur danska krónan nú gert af sér? Af hverju hefur danski seðlabankinn neyðst til þriggja refsi-stýrivaxtabreytinga á innan við hálfum mánuði? Þann 19. janúar, svo þann 22. janúar og síðan 29. janúar. Þetta er eitt stykki stýrivaxtabreyting þriðja hvern virkan dag. Nú er svo komið að hinir neikvæðu refsistýrivextir danska seðlabankans eru komnir niður í mínus hálft prósentustig og bankar landsins brenna af reiði og segja að gengisbindingar refsing myntsnillinga landsins verði látin bitna á hinum almenna borgara með refsivöxtum á bankainnistæðum. Hvað hefur danska krónan gert af sér? Af hverju er þetta ERM2 mas Danmerkur að verða eins og súrkálið í myntbandalagsgúlagi Evrópusambandsins?

Jú, það er þannig, að danskt atvinnulíf hefur ekki trú á evrunni og tekur heim þá peninga sem það á í evrum og skiptir þeim yfir í danskar krónur, því atvinnulífið (þ.e. dönsk fyrirtæki, því danskur almúgi má ekki eiga gjaldeyrisreikninga í brothættu bankakerfinu) er svo hrætt við að danska krónan hækki í verði við einmitt það sem dönsk fyrirtæki eru hér með að gera. Í hinum endanum á ERM-geðsjúkrahúsi Evrópusambandsins stendur svo danski seðlabankinn með sveittan skallann við að prenta krónur og kaupa fyrir þær evrur atvinnulífsins —sem bankinn vill þó helst ekki eiga, því hann hefur sömu ótrú á henni og danskt atvinnulíf— til þess að reyna að halda einmitt dönsku krónunni niðri gagnvart evru svo að allt atvinnulíf landsins leiti ekki enn frekar úr landi og ofan í niðurfall myntbandalagsins, því þar væri hægt að staðsetja og kaupa inn vinnuafl af launþegum á lúsarlaunum og framleiðslugetu fyrir brot af því sem svoleiðis kostar heima í Danmörku, sérstaklega þegar og ef danska krónan hækkar í verði gagnvart ESB-niðurfallinu. Hin samfellda 15 ára innvortis sníkjudýra gengisfelling Þýskalands gagnvart ERM og evrulöndum virkar (e. "Germany’s beggar-they-neighbor relative wage deflation") eins og Krugman orðar það réttilega hér

Danir halda áfram, þessa dagana sem alla aðra daga, að tönglast á því að þeir séu jú í ERM2 með "gagnkvæma gengisbindingu" við evru og að ECB-seðlabanki Evrópusambandsins muni þar af leiðandi koma þeim til aðstoðar við að verja krónuna. Hvernig getur svo þessi falska eftirvæntingarhjálp gegn dönsku atvinnulífi farið fram? Hvernig getur ECB aðstoðað Dani í þessu máli? Jú, það getur hann alls ekki, því ECB getur ekki prentað danskar krónur til að halda gengi hennar gagnvart evru niðri. Það sem ECB-seðlabankalingurinn getur hins vegar gert —og er að gera— er að halda áfram að eyðileggja löndin sem búa við myntina evru á sama hátt og allt sem Danir hafa bundið myntina sína við síðastliðin 80 ár, hefur eyðilagst og reynst landinu verra en gagnslaust peningalegt þvaðurblaður í endalausum bunum hinna talandi stétta landsins

  • Silfurmyntfóturinn frá 1838 hundi
  • Gullmyntfóturinn frá 1873 hrundi
  • Alþjóðlegi gullfóturinn hrundi í kreppunni 1930
  • Fastgengi við Pundið hrundi
  • Bretton Woods hrundi í byrjun 1970
  • ERM/EMS hrundi 1992
  • Og myntbandalag ESB og ERM er að hrynja núna

Hrannast nú logandi evrueignir upp í forðabúri danska seðlabankans og það er ekki skemmtileg staða fyrir neinn seðlabanka að vera í. Evrupeningurinn er orðinn svo eitraður að enginn vill hafa það skemmda epli í miklum mæli sinni tunnu, sem breytist þá í púðurtunnu. Að kvöldi föstudags 30. janúar; Og ekki nóg með það, heldur hefur danski seðlabankinn nú mælst til þess að ríkisstjórn landsins gefi ekki út frekari ríkisskuldabréf af ótta við þá peninga sem þá myndu leita til landsins og auka þar með enn frekar eftirspurn eftir krónum og hugsanlega þrýsta gengi hennar gagnvart evru enn frekar upp. Slæmt, því það hindrar danska ríkið í að endurnýja ríkisskuldir á lægri vöxtum á meðan þeir fást. Svo hér eru frjáls markaðsöflin ekki velkomin frekar en fyrri daginn, því Danmörk er fyrir löngu orðið DDR-Light, innan sem utan að hætti ESB

Borðliggjandi er að hið sjálfskipaða sadó-masókistíska peningalega þrönga plús/mínus 2,25 prósent fráviksband dönsku krónunnar gagnvart evru, falli ofan í hið víðara plús/mínus 15 prósent band ERM2. Það hrun myndi í núverandi aðstæðum þýða minnst 15 prósent gengishækkun dönsku krónunnar gagnvart evru og það veit danskt atvinnulíf að er algerlega raunhæfur möguleiki. Þess vegna hendir það evrum sínum í seðlabankann og fær í staðinn krónur

Ekki þarf að fara lengra aftur í tímann en til ársins 2000 er þetta sama danska atvinnulíf þóttist hrynja til grunna nema að því tilskyldu að landið tæki upp einmitt þær sömu evrur sem hið sama danska atvinnulíf er nú að henda frá sér af ótta við þriðja gráðu brunasár á fingrum og fótum þess. Svo mikið er að marka hin stefnumótandi snillimenni er standa við stjórnvöl þess

Það er hráslagalega hlálegt að allar þessar bindingar-aðgerðir danskra peningayfirvalda hin síðastliðnu 80 ár, til að verja landið fyrir frelsi á peningamörkuðum, hafa skilað Danmörku mölbrotnu inn í klúbb hagvaxtarlausra landa með örmagnaðri- og þverrandi velferð að launum

Já, hún danska krónan sjálf, hefur ekkert af sér gert. Það eru hins vegar massaframleiddir stjórnmálalegir myntfábjánar landsins, fæddir með genetískan þrælsótta stjórnmálastéttar Danmerkur, sem hafa gert í buxur almennra borgara landsins allar götur frá 1982, er stéttin tjóðraði dönsku krónuna við staur niðri í Þýskalandi. Tjóðraði hana við þess lands rass sem Danmörk hefur gert sig að bólu á

Það verður spennandi að fylgjast með hinni úthýstu peningapólitísku martröð er dönsk króna nefnist. Hún er þræls peningastefna er síðustu 30 árin hefur skilað Danmörku af sér sem efnahagslegum hagvaxtarkrypplingi. Og alið af sér DDR-þjóð sem gerir of mikið ekki neitt og sem ekkert getur lengur að gert í landi sínu, því búið er að ESB-eyðileggja landið innanfrá. Danmörk er næstum því heimsmeistari í lélegum hagvexti og í fjarvistum efnahagslegra framfara. Aðeins ESB-Finnland og ESB-Ítalía eru að slá landinu við í efnahagslegu niðurbroti. Og allt saman út af nokkrum óætum svínum

Fyrri færsla

Umræðan um umræðuna eftir að "ÉG" flutti úr landi


Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband