Wuhan-veiran: hvað er að frétta?

Sleppti Kína veirunni lausri á Vesturlönd?

Þegar að kommúnistastjórn Kína komst að því að Wuhan-veiran sem annað hvort eða ekki slapp út úr rannsóknarstöð í höndum kínverska hersins –sem er einkalífvöður kommúnistaklíkunnar gegn fólkinu í landinu– þá varð rauðu kommúnistastjórninni í Peking fljótlega ljóst að loka þyrfti landinu strax með því að banna allar ferðir og flug til og frá Wuhan til annarra staða í Kína og að hólfa yrði landið af og stöðva allar ferðir fólks inn eða út úr þeim sóttvarnarsvæðum sem sett voru upp. Á þessum tímapunti vissi Peking að Kína hafði tapað viðskiptastríðinu við Bandaríkin og að lokanir vegna veirunnar ásamt viðskiptahallokinu gagnvart Trump myndi leggja hagkerfi þess svo að velli, að allir Kínverjar myndu sjá rautt-á-hvítu að kommúnistaveira alræðisflokksins, frá 1921, var algerlega nakinn, og lítið annað en default-endurtekning á sovéskum gereyðingarstjórnmálum fyrir alla þá sem þannig veiru koma nálægt, innanlands sem erlendis

En hvað gera rauðir Kína-kommar þá? Jú þeir ákveða að halda beinu flugi frá Wuhan til Bandaríkjanna og Evrópu opnu næstu 10 dagana eftir að Kína hafði verið lokað niður, því klíkan í Peking hugsaði sem svo, að fyrst að við sjálfir höfum lagt efnahag landsins í rúst með okkar eigin klodsmajor-fávisku, svipað og ómálga barn heldur að það hafi náð aldri til að hafa stjórn á vesturlenskt uppfundinni fólksbifreið, þá ætlum við sko ekki að fara einir niður með flaggið. Við tökum hina með okkur í fallinu. Við látum útflutning Wuhan-veirunnar með beinu flugi til Vesturlanda ganga óáreitt fyrir sig næstu 10 dagana og það mun tryggja okkur að Vesturlönd falli eins mikið og mögulegt er

Japan

Japanska ríkisstjórnin hefur þegar hafist handa við að aðstoða fyrirtæki landsins við flutning frá Kína, með beinni ríkisfjárhagsaðstoð. Fyrsti fjárstuðningur japanska ríkisins var kynntur í vikunni. Nikkei

Olíuharmleikur Rússlands

George Friedman, strateg, segir að Karl Marx hafi haft rangt fyrir sér. Endurtekning sögunnar gengur þannig fyrir sig að farsinn kemur fyrst og síðan kemur harmleikurinn, en ekki öfugt

"I think Marx got it wrong. The farce came first. The tragedy may come second"

Rússland er enn þriðjaheimsland með fyrstaheims herafla. Já, Pútín er sterkur leiðtogi miðað við Brjésnjéff og Yeltsin, en Rússland er samt enn það sem Marx sagði að það væri: Vonlaust afturúr fyrstaheims ríkjum, og enn algerlega háð verðinu á þeirri hrávöru sem fyrstaheimsríkin verðleggja með eftirspurn þeirra. Spáir dr. Friedman því að Rússland sé annað hvort á tröppum nýs og endurreists stalínisma eða "einhvers annars". Þetta "eitthvað annað" er ekki strategía, frekar en ferðamannaiðnaður Valhallar, sem flaðrað hefur upp um Kína eins og kjölturakki sem gengur fyrir túkalli með gati. Enginn hefur áhuga á pípulögnum Rússlands lengur og allra síst á NordStream2. GPF

Kína eitrar fyrir Spáni

Meira en þúsund starfsmenn í spánsku heilbrigðskerfunum hafa verið settir í sóttkví vegna hlífðarbúnaðs sem keyptur var frá Kína. Hann reyndist jafn gallaður og stjórnarfarið í Kína og er verið að reyna rekja smitleiðir þess hjúkrunarfólks sem notaði búnaðinn. En það er afar erfitt, því enginn veit enn hversu mikið notað var af honum í heilbrigðiskerfum sjálfsstjórnarhéraða Spánar. El Pais

Það er hörmulegt og jafnframt grátbroslegt að sumir á Vesturlöndum skuli enn trúa bara einu orði sem frá Kommúnistaflokks-Kína kemur, og að fjölmiðlar hér í löndum skuli jafnvel leggja slíkt til jafns við það sem frá lýðræðisríkjum Vesturlanda kemur. Það sýnir hversu glataðar menntastofnanir Vesturlanda eru orðnar. Engu sem frá Kína kemur ætti neinn að trúa. Ekki einu sinni dagsetningum

Marel stendur sig og sannar í Bandaríkjunum

Á meðan matvælavinnslustöðvar reknar með ódýru og innfluttu þræla-vinnuafli í Bandaríkjunum hafa hrunið niður eins og spilaborgir vegna Wuhan-veiru smita, þá halda vinnslustöðvar knúnar íslensku hugviti Marels áfram að færa Bandaríkjamönnum mat á borðið úr kjúklingaversmiðju Costco í Nebraska

"Costco bought much of the production technology from Marel, a firm in low-population, high-wage Iceland where engineers had to develop labor-saving machines to strip the expensive meat from fish and poultry." Breitbart

Þarna eru tvær milljónir kjúklinga verkaðar á dag, þökk sé snilli Marels og laun starfsmanna eru þar af leiðandi miklu betri. Geri aðrir betur!

Við ættum frekar að beita tveimur milljónum óinnflutts suðfjár á landið okkar, en sískítandi erlendum ferðamönnum, og koma okkur upp hátæknivæddri ullar- og matvælaframleiðslu og skipa frystum matarafurðum út til Vesturheims, ásamt því að þróa frystitækni til hins ýtrasta, eins og Marel hefur tekist með vinnsluna. Betra er að styrkja girðingar sauðfjárbænda en að styrkja hraðvöxt klósettpappírsrúlla af aspartegund upp í loftið. Nóg er komið af lítilsnýtri hobbý-snobb trjárækt út um allar trissur. Sauðfé græðir landið og étur kannski lúpínuhörmungar okkar í leiðinni. Úr þessu gæti orðið ný atvinugrein á sviði matvæla- og textíltísku sem byggt gæti upp nýtt Herning-Ikast-svæði að jóskri fyrirmynd, en sem Danir glutruðu á gólfið með því að flytja framleiðsluna úr landi til þrælanda. Þetta er ekki hægt að flytja úr landi. Tísku- og textílsýningar á sviði ullarframleiðslu og vefnaðar gætu orðið árviss viðburður á Íslandi, í stað gargandi látalæta á klikksvæði vinstrimanna í 101. Sjálfur borða ég aðeins ærhamborgara og lít ekki við öðru. Þeir eru ófáanlegir um allan heim, nema hér um sveitir

Grænland á leið til sjálfstæðis

Danir sem hvorki hafa efnahags- né varðstöðulega burði til að gæta öryggis Grænlands, og ekkert vita hvað fram fer í því landi, sem er 21-sinnum stærra en Ísland, sjá nú póstkorta-nostalgíu dönsku 120-manna elítunnar og krúnunnar –sem flestu sannarlega ræður í því ósjálfstæða landi í klóm ESB– hrynja eins og þá spilaborg sem sem hún er. Bandaríkin eru að opna ræðismannaskrifstofu í Grænlandi og koma með 1,7 milljarð króna með sér í heimamund, sem Grænland á skallanum í klóm danskrar 120-manna elítu þiggur með þökkum. Bandaríkin fara að mestu framhjá dönsku póstkortaelítunni og eru einbeitt í því að styðja Grænlendinga til fullveldis og sjálfstæðis undir bandarískum verndarvæng á sviði tilvistarlegra öryggishagsmuna, eins og Ísland, en með aðstoð Íslands, þ.e. sé þessu kalli svarað með öðru en reiðikasta- og bjálfaháhoppum Bjarna Ben og Guðlaugs Þórs, sem virðast algerlega utanveltu og vitsmunalausir gervimenn þegar að strategískum þjóðaröryggis,- og utanríkispólitískum málefnum íslenska lýðveldisins kemur. Hafa þeir sannað sig sem verstu leiðtogar Sjálfstæðisflokksins frá upphafi. Þeir eru reyndar ekki sjálfstæðismenn, heldur meira í ætt við fyrrverandi sjálfstæðismenn á borð við Þorgerði, Þorstein Pá og Benedikt Jóhannesson evrumenni. En nú fá þeir fyrrnefndu um stundarsakir tækifæri til að afsanna dugleysið í þessum efnum. Allir vita hins vegar að Bjarni Ben er ágætur fjármálaráðherra, en það er bara ekki nóg fyrir Ísland, komi hin höndin og rústi öllu á 12 ára fresti með þvælu kratisma og glóbalista. Hér er tækifæri, því allir loftkastalar vinstrimanna standa nú tómir. Bergmálandi 30-ára þvælur þeirra úr austri. WSJ

Ferðamannaiðnaður er ekki undirstöðuatvinnugrein

Furðulegt er að heyra stjórnmálamenn halda því fram að ferðamannabransinn sé undirstöðuatvinnugrein. Þetta lýsir átakanlegri fávisku, því að um afleidda aukabúgrein er að ræða og sem björgunarbátar Íslands –sjávarútvegur, landbúnaður og fullveldi– hafa skaffað skilyrðin og undirstöðurnar fyrir. Ferðamannaiðnaður er af engisprettutegund og öll þau lönd sem satsa á hann verða fátæktarríki til frambúðar. Þetta verða menn að muna og þetta glapræði má ekki endurtaka

Er Alþjóðaheilbrigðisstofnunin WHO búin að vera?

Mike Pompeo utanríkisráðherra Bandaríkjanna sagði í fyrradag að það sé alls óvíst að Bandaríkin komi aftur að fjármögnun WHO – OG – jafnvel ekki að sjálfum þeim stofnunum sem sú stofnun hangir á. Auðvitað hlaut að koma að þessu því að stofnun Sameinuðu þjóðanna átti alls ekki að verða vasapókerstofnun einræðisherraríkja. Fari Bandaríkin, er WHO búið að vera og S.þ. breytist í Þjóðarbandalagið sem nú er til húsa í einu kjallaraherbergi í tómu húsi við Genfarvatn

Ísland hefur staðið sig best af Norðurlöndunum

NORÐURLÖND
Dauðsföll á hverja MILLJÓN íbúa af völdum Wuhan-veirunnar:
föstudagur, 24. apríl 2020
=============
Svíþjóð 213 (Bandaríkin sem heild eru með 152)
Danmörk 70
Noregur 36
Finnland 32
Ísland 29
=============

Láum oss ekki glopra þessu niður. Förum varlega. Stríðið er ekki búið. Leyfum ekki mission-kreep að eyðileggja sigurvonir okkar. Við fórum í þetta stríð til að hafa sigur. Enn sem komið er standa 14 ríki Bandaríkjanna sig þó enn betur en Ísland

Svíþjóð 

Næstum daglega deyja nú álíka eða fleiri af völdum Wuhan-veirunnar í Svíþjóð, en öll þau dauðsföll sem orðið hafa í Noregi, af hennar völdum. Hér erum við að horfa á eins konar nómenklattúrískt og hálf-sovéskt gjaldþrot Svíþjóðar, þar sem fólki er fórnað á altari perverta pólitískra hugmynda. Aðalsstöðvar gjaldþrota sóttvarnarstofnunar Evrópusambandsins og Schengenfirrunnar er einmitt staðsett þarna. Frystigámar með látnum Svíum sem alla æfi hafa borgað hæstu skatta í heimi, hrannast nú upp sem spilaborgir stjórnmála- og embættismanna, fyrir utan sjúkrahús landsins. Alls hafa 2152 Svíar látið lífið og á sú tala kannski eftir að tvöfaldast. Síðasta sólarhringinn misstu 131 Svíar lífið: sjá hér

Fria tider

Fyrri færsla

Wuhan-veiran: Blaðamannafundur Hvíta hússins 8. apríl 2020

Wuhan-veiran: Blaðamannafundur Hvíta hússins 8. apríl 2020

Frá vefsetri Hvíta hússins á YouTube; Blaðamannafundur 8. apríl 2020; Heimsfaraldur kínversku Wuhan-veirunnar

****

Alríkisteymi Donalds J. Trump forseta hélt enn einn blaðamannafundinn vegna kínversku Wuhan-veirunnar í dag. Fundarstaður er að sjálfsögðu Hvíta húsið. Alla daga situr forsetinn með teymi sínu og hlustar á ráð þess ásamt þau sem ráðherrar ríkisstjórnar hans koma með. Síðan tekur forsetinn þær ákvarðanir sem taka þarf og bræðir daglega saman þá heildstæðu hernaðaráætlun sem Bandaríkin síðan keyra málið samkvæmt. Passa þarf að valda ekki fleiri dauðföllum síðar með því að taka rangar ákvarðanir núna, sbr. hið harkalega niðurskurðarprógramm sem viss stór evrulönd í evruskuldakreppunni ákváðu að þvinga yfir Grikkaland og sem leiddi til bylgju af sjálfsvígum er fjórðungur gríska hagkerfisins var sviðinn burt undan Grikkjum á evrubálinu

Blaðamannafundir Trumps ná því til allra áhrifasviða faraldursins á öll 50 ríki Bandaríkjanna. Allt er að gerast þarna; og "ef þið eruð með ríkisstjóra sem er að bregðast ykkur, þá leitið til mín, því ég er hér til að bjarga ykkur", sagði forsetinn en bætti um leið við að þess sæjust sem betur fer lítil merki. Blaðamaður reyndi að spyrja forsetann um hráolíumál Bandaríkjanna, en fékk ekki að spyrja spurningarinnar því hann vissi ekki hvað hún kostaði. "Ef þú veist ekki hvað olían kostar þá ættir þú ekki að spyrja um þau mál", sagði Trump og snéri sér að næsta blaðamanni

Meirihlutaleiðtogi Demókrata í fulltrúadeildinni, Nancy Pelosi, heimtar til dæmis STRAX rannsókn á fölsunar-þætti Kína í málinu og hvernig Bandaríkin ýti því landi sem lengst út í hafsauga. Rúsínubóndinn og prófessorinn Victor Davis Hanson segir að það svari til þess að krafist hefði verið rannsóknar á mannfalli Bandaríkjamanna í innrásinni í Normandý á meðan á innrásinni stóð. Þetta mun koma síðar sagði hann

Steve Mnuchin fjármálaráðherra Trumps sagðist í viðtali ekki búast við því að bandaríska þingið þurfi að setja sérstök lög sem skipa bandarískum fyrirtækjum að loka niður í Kína og koma sér heim. Hann sagði að þau myndu sennilega sjá um það sjálf. Þau ummæli hans munu væntanlega æsa Demókrata enn meira upp, þannig að hver veit hvað gerist næst

En þarna má sjá alríkisteymi Trumps segja bandarísku þjóðinni frá því hvað verið er að gera á öllum sviðum, hver staðan er og hvernig horfurnar eru. Sumar stóru bandarísku sjónvarpsstöðvarnar sem ná til alls landsins hafa valið að sýna ekki suma þessa blaðamannafundi eða klippa hluta þeirra burt, því þær óttast að fundirnir auki vinsældir forsetans sem þær fá flestar tekjur sínar frá fyrir að hata – og eru jafnvel ekkert að fela það og segjast gera út á að vera á móti forsetanum, eins og CNN hefur til dæmis sagt

Dánartalan í Þýskalandi tók óvæntan kipp upp á við í dag, þannig að þar létust 333 og nýjum tilfellum fjölgaði um 5633 manns. Skilst mér að fáir hafi búist við þessari aukningu. Frá Ítalíu berast þær fréttir að varaforseti ítalska þingsins hafi tætt Evrópusambandsfánann niður af skrifstofu sinni og að margir bæjar- og sveitastjórar Ítalíu hafi gert hið sama, skrifar Ambrose Evans-Pritchard á breska Telegraph. Segir hann jafnframt að ný hægri-ríkisstjórn bíði í hliðarsölum með um 50 prósent stuðning þjóðarinnar í bakið og að hún sé með bara-ítalskar en ekki Brusselskar lausnir í töskunni. Ansa segir að kafli-tvö á Ítalíu þýði að enginn ferðist um landið í sumar. Varðberg skrifar að 93 þúsund manns séu fastir um borð í nú óskemmtiferðaskipum í annað hvort bandarískum höfnum eða undan ströndum landsins

Ennfremur berast fréttir af því að faraldurinn hafi blossað upp að nýju í Hong Kong, og að Japan sé enn á ný á leið inn í hertar aðgerðir. Telegraph segir í Front Bench tölvupósti blaðsins að Kínverska ríkisstjórnin hafi ekki hugmynd um smit- og dánartölurnar í landinu því landshéruð kommúnistaríkisins þori ekki að senda slæmar fréttir inn til aðalstöðva Kommúnistaflokksins í Peking. Óstaðfestur orðrómur um að 12 milljón símaáskrifendur séu skyndilega horfnir úr uppgjörum hafa verið á sveimi. Sem kunnugt er fást fáar tölur frá Kína staðfestar, svipað og reglan var um Sovétríkin sálugu. Kommúnistastjórnin hefur meira að segja orðið uppvís að því að láta verksmiðjur ganga tómar til að reyna að blekkja hagtölumenn með tölum um raforkunotkun

Þeir sem sjá fyrir sér að breska ríkisstjórnin standi við þá ákvörðun sína að heimila kínverska Huawei-fyrirtækinu að bjóða í bara hluta af innviðum 5G-netverks Stóra-Bretlands í smíðum, rétti upp þriðju höndina

Enn sem komið er standa 30 af 50 ríkjum Bandaríkjanna sig betur en Ísland þegar að mannfalli á hverja milljón íbúa kemur; sjá hér. En þetta kann að sjálfsögðu að breytast þar vestra og hér heima, miðað við það að páskar eru framundan, og lönd og ríki eru stödd á mismunandi stað á tímaás heimsfaraldurs kínversku Wuhan-veirunnar

Fyrri færsla

Hvernig er staðan í heimsfaraldri kínversku Wuhan-veirunnar?

Hvernig er staðan í heimsfaraldri kínversku Wuhan-veirunnar?

WUHAN-VEIRU MARTRÖÐIN

Mynd: Dauðsföll í Wuhanveiru-heimsfaraldrinum á hverja milljón íbúa. Staðan þann 6. apríl 2020. Smellið vinsamlegast á myndina til að sjá hana skýra (eða hér: bein krækja). Nánar hér

****

NÚ JÆJA. HVERNIG ER STAÐAN?

Þessi mynd sýnir samanlögð dauðsföll á hverja milljón íbúa. Hún er ekki falleg. Nei, hún er sorgleg. Ísland er ekki að standa sig sérlega vel miðað við landfræðilegar aðstæður og þjóðarhætti. Við erum með aðeins einn inngang inn í landið okkar, og hann er fullkomlega auðveldur og framkvæmanlegur til herts eftirlits og viðeigandi sóttvarna, og við erum afar strjálbýlt land. Og hér býr þjóð sem yfirleitt er öll á sömu blaðsíðunni þegar eitthvað bjátar á. Við erum heldur ekki land "almenningssamgangna" og þurfum sem betur fer ekki að hýrast í pestartúbum lestar- og neðanjarðarbrauta tvisvar á dag. En það er samt það sem vinstri-borgarstjórnin í Reykjavík hefur efst á sinni pervertu pólitísku dagskrá, með fyrirbærinu "þéttingu byggðar" - plús eitt síldartunnupakkað sjúkrahús út í mýri fyrir heila þjóð á 18. stærstu eyju veraldar. Ef ekki væri fyrir einkaframtak Kára DeCode þá væri sýnataka okkar á hverja milljón íbúa á borð Gíbraltar og Lúxemborg, og þar með hvergi nándar nærri eins mikil og hjá bræðrum okkar, hinum skynsamlega íhaldssömu Færeyingum. Og Svandís-sovét hefur notað allar sínar vökustundir til að koma einkaframtakinu í heilbrigðismálum endanlega fyrir kattarnef. Það vita allir, og sést það langa vegu að

Menn verða að horfast í augu við að blossi faraldurinn upp aftur verður ekki tekið á honum með sömu silkihönskum og eyrnapinnum og gert var hér og víða annars staðar á Vesturlöndum í byrjun þessa máls. Ekkert þróað ríki mun þola né líða að þurfa að fara í gegnum þessa sömu martröð vanrækslu og sofandaháttar á ný. Öllum gömlum og gildum sögubókum um sóttvarnir og skynsamlega almenna varúð hafði verið hent fyrir róða. Þau lönd, sem enn sem komið er skara fram úr, eru til dæmis Vísegrád löndin fjögur og Færeyjar. En það kann auðvitað að breytast, því lönd og heimshlutar eru alls ekki stödd á sama staðnum á tímaás kínversku Wuhan-drepsóttarinnar

Þannig; að það er ýtrast mikilvægt að hlustað sé á skynsamar raddir eins og þeirra Frosta Sigurjónssonar og Ólínu Þorvarðardóttur. Það er mjög brýnt. Ekki þýðir að stinga hausnum í sandinn og láta sem svo að Landlæknir –sem að mestu leyti aðeins er Borgarlæknir– og Sóttvarnarlæknir, séu neitt annað en ófullkomnir embættismenn. Þetta er ekki gagnrýni heldur staðreynd. Ég sjálfur er til dæmis ekki fullkominn, eins og flestir lesendur kannast við. Það er hroðalega leiðinlegt að vera fullkominn, því þannig manneskja, sé hún til, getur ekki tekið framförum. Ég vona því að ég verði aldrei fullkominn

HVAÐ ER AÐ?

En sé myndin hér fyrir ofan höfð í huga þá er áberandi hversu illa lönd Vestur-Evrópu standa sig í þessu máli, en þó sérstaklega ferðamannalöndin. Það kann þó að breytast í takt við faraldursferðina á tímaásnum. En ég efast samt um það. Lönd geta ekki verið þróuð ríki svo lengi sem þau ætla sér að lifa á erlendum ferðamönum að miklu leyti. Þau lönd verða alltaf smám saman vanþróaðri og vanþróaðri og hlutfallslega fátækari og fátækari

BANDARÍKIN

Bandaríkin standa sig enn sem komið er mjög vel. Mega-stórborgir á borð við París og New York eru erfiðir staðir þegar að farsóttum kemur. Í gær var staðan í Bandaríkjunum þannig að 36 af 50 ríkjum þeirra höfðu staðið sig betur en Ísland, þegar að dauðsföllum á hverja milljón íbúa kemur. Á síðustu 8 dögum hafa Bandaríkjamenn tekið milljón sýni til viðbótar og eru nú komin upp á tvær milljónir sýna. Mjög stutt er síðan að skriffinnskuveldi embættismanna í heilbrigðismálum viðurkenndu og samþykktu sýnatökugræjur og aðferðir við greiningu sýna. Í þeim efnum eru aðferðirnar margar og mismunandi eftir löndum, sem sýnir að embættismenn eru auðvitað mismunandi eftir því hvar þeir eiga heima og gengu í skóla

Þeir sem hafa haft fyrir því að fylgjast með blaðamannafundum forseta Bandaríkjanna og alríkisteymi hans í glímunni við kínverska Wuhan-veiru málið, vita að fátt af því er rétt sem Trump-truflaða haturspressan á Vesturlöndum skrifar í sneplum sínum um kínverska Wuhan-veirumálið í Bandaríkjunum. Besta sönnun í þeim efnum var þegar hinn upplýsti einræðisherradæmis-aðdáandi ESB-Bifrastar kom út úr kalkkofahýði sínu í gær og lýsti yfir algleymishamingju með að ókjörnir embættismenn séu við næstum öll völd í málinu hér á Íslandi

Þeir sem hafa fylgst með blaðamannafundum embætta Land- og Sóttvarnarlæknis og Víðis löggu, vita einnig að þar hafa menn unnið mjög gott verk, en sem alls ekki er hafið yfir hvorki endurskoðun né gagnrýni, enda hefur sóttvarnalæknir okkar ítrekað undirstrikað að þannig á það að vera. Og Víðir lögga hefur frábeðið sér "Ísland er best" hjal í þessu máli. Við erum góð já, en gætum hins vegar vel verið mun betri

Mynd: Wall Street Journal

****

TVÖ NÝ HUGTÖK

Tvö enskumælandi hugtök eru nú að komast í notkun í heiminum:

1. Post-Plague Order (eftirpestar-heimurinn)
2. Economic Ice Age (efnahagsleg ísöld)

Henry Kissinger skrifar í WSJ að með tilurð heimsfaraldursins sé heimurinn breyttur til frambúðar og um alla eilífð. Vesturlönd voru tekin í rúminu og verða að bregðast við með því að byggja aftur á þeirri góðu og upplýstu hugmynd frá upphafi siðmenningar, að borgarmúrar voru reistir til að vernda þá sem þar búa. Þeir voru síðan færðir út þar til að þeir umluktu allt ríkið. Sé þetta ekki gert og meira til mun kvikna í veröldinni. Endurheimta veður þjóðaröryggið í lýðræðisríkjum og sjá fyrir því að líf okkar sé í okkar eigin höndum, en ekki annarra. Sóttvarnir verður að ofur-efla og birgðum af öllu í þeim efnum verður að hrúga upp á algerum stórskala og það getur ekki gerst nógu hratt. Kissinger sér yfirleitt stóru myndirnar manna best. Lesa má grein hans hér

GOS-KATLA xD GÝS Á NÝ

Önnur af tveimur Gos-Kötlum Sjálfstæðisflokksins, ráðherrann Þórdís Kolbrún, er enn með höfuð sitt fast í strategískum öskubakka þess sem eftir er af Sjálfstæðisflokknum í Valhöll og sem virðist óendanlega stór bakki. Séu fyrstu viðbrögð Bjarna Benediktssonar og Guðlaugs Þórs skoðuð, þá sést þar mjög svo gjörla hversu takmarkaðar tengingar við veruleikann þeir hafa. Næstum alls engar. Enda var það Bjarni sem tók Ísland inn í AIIB-veiruhreiður kínverska kommúnistaflokksins og gafst fyrirfram upp í raforkumálum þjóðarinnar, eins og í Icesave

Mynd: Wall Street Journal

****

FRÉTTIR AF BJÁNUM

Nú er það sem dýrkað var á altari glóbalismans orðið að "tail-risk-event" (fyrirsjáanlega ófyrirsjáanlegri áhættutöku) sem matsfyrirtækin eru að byrja að kortleggja. Skuldbindingar stórfyrirtækja í "glóbal-supply-keðjunni" hafa ekki verið bókfærðar rétt og alls ekki færðar á réttu "risk weighted" reikningana í bókunum. Þetta á sennilega eftir að verða "credit-event mega-strúktúr" sem fer að byrja að falla eins og spilaborg í kjölfar kínverska Wuhan-veiru-faraldursins. Á fagmálinu þýðir "credit event" greiðslufall. Flækjustig keðjunnar þýðir einnig aukna hættu á deilum og styrjaldarátökum, eins og sést ágætlega í Evrópusambandinu í dag, þar sem skammta verður jafnvel verkjalyf fyrir sjúklinga í heilbrigðiskerfum landa, á meðan þau ásaka hvort annað um að stela nýjum birgðum af einföldum hlutum á borð við andlitsgrímum frá hvort öðru. Samþætting, samruni og samhæfing er ófriðarvaldur

Venjulegur bíll er til dæmis gerður úr 25 þúsund hlutum. Enginn bílaframleiðandi í "Post Plague World" mun lengur sætta sig við að þeir hlutir séu framleiddir hjá 2000 til 2500 birgjum um allan heim (suppliers). Fáir en öflugri birgjar í næsta og nánasta nágrenni verður krafan, og þeir verða að vera í löndum sem eru strategískir bandamenn "okkar" vegna sameiginlegra þjóðarhagsmuna, og sem "við" getum treyst. Það mun líka minnka pappírsvinnuna, því hún er ofboðsleg eins og er. Algerlega óstjórnanlega rosaleg, sagði til dæmis Toyota, sem nýlega lét rannsaka þetta mál og fann út að um 2000 til 2500 birgja/suppliers var að ræða þegar að framleiðslu einnar venjulegrar bifreiðar kemur

Það tekur sig ekki að minnast á ferðamannabransann hér. Hann er einfaldlega steindauður til margra næstu ára. Enda má hann aldrei verða annað en sjálfsprottin aukabrúgrein sem öll lönd geta verið án, og ættu að setja sér sem markmið að vera án, nema að markmið þeirra sé að verða kryppluð fátæktarríki til frambúðar

Mynd: Wall Street Journal

****

WHO: ALÞJÓÐASTOFNUNIN SEM BRÁST

Leiðari Wall Street Journal í gær var ómyrkur í máli. Þar eru lygar og svik kínverska kommúnistaflokksins raktar í Wuhan-veirumálinu og sagt er frá því að á Bandaríkjaþingi sé rætt um að hefja rannsókn á þeim óskapnaði og hvernig hann teygir sig inn í innsta og rotna búr Alþjóðaheilbrigðisstofnunarinnar (WHO). Þar situr pólitíkus við völd og sem spilar með Kína á móti heiminum. Bandaríkin ættu að taka alþjóðasamtök í gegn og best væri að byrja það verk með því að stöðva fjármögnun WHO

World Health Coronavirus Disinformation
The coronavirus pandemic will offer many lessons in what to do better to save more lives and do less economic harm the next time. But there’s already one way to ensure future pandemics are less deadly: Reform or defund the World Health Organization (WHO).

Last week Florida Senator Rick Scott called for a Congressional investigation into the United Nations agency’s "role in helping Communist China cover up information regarding the threat of the Coronavirus." The rot at WHO goes beyond canoodling with Beijing, but that’s a good place to start.

The coronavirus outbreak began in Wuhan, China, sometime in the autumn, perhaps as early as November. It accelerated in December. Caixin Global reported that Chinese labs had sequenced the coronavirus genome by the end of December but were ordered by Chinese officials to destroy samples and not publish their findings. On Dec. 30 Dr. Li Wenliang warned Chinese doctors about the virus, and several days later local authorities accused him of lies that "severely disturbed the social order. [..]

On Jan. 30 Dr. Tedros also said that "WHO doesn’t recommend limiting trade and movement." President Trump ignored the advice and announced travel restrictions on China the following day, slowing the spread of the virus. U.S. progressive elites echoed WHO and criticized Mr. Trump. WHO didn’t declare the coronavirus a pandemic until March 11. Allur leiðarinn er hér

ÞJÓÐARSTOFNUNIN THE FEDERAL RESERVE

Stjarnan í efnahagsmálum veraldar núna er sennilega bandaríski seðlabankinn. Menn og lönd virðast sammála um það. En sá banki er sem kunnugt ekki nein "alþjóðastofnun". Hann er þjóðríkisstofnun og þess vegna virkar hann. Segja má að í þessu heimsfaraldursmáli hafi alþjóðastofnanir fallið fyrstar af öllu sem fyrir honum falla. Það er gott, því þær eru orðnar fullar af einræðisherradæmum og oft mun verri en engar. Við þurfum að segja skilið við þær margar og líka þá stjórnmálamenn sem dýrka þær. Númer eitt er að losna við EES og Schengen áður en þær tvær stofnanir glóbalista taka okkur af lífi

****

Pete Drake: Lagið Forever 1964

EITT LAG ENN

Eitt ljúft lag í lokin. Það varð vinsælt um víða veröld svo seint sem 1964. Sjálfur heyrði ég hins vegar ekki þessa tækni í notkun fyrr en sennilega hjá Peter Frampton í laginu Show Me the Way 1975. Það var líklega Bell Telephone Laboratories sem fann tæknina upp, svo að Winston Churchill og Franklin D. Roosevelt gætu talað saman á öruggan hátt í Síðari heimstyrjöldinni, með aðstoð fyrstu stafrænu samskiptatækni veraldar. Hún hét SIGSALY og vó 50 tonn:

Fyrri færsla

Wuhan-veiran: Öllum bókum var hent og fálmað er í blindni

„Ég vil að þetta sé rætt“