Leita í fréttum mbl.is

Bloggfærslur mánaðarins, október 2015

Hætt að flagga í hálfa stöng vegna "erlendra ferðamanna"

E. "How do you like the Iceland we hate?"

Ís. "Hvernig líkar þér ónýta Ísland?"

- Albert Einstein

Framvegis verður líklega bara flaggað í hálfa stöng á óendanlega skipulagsbreyttri Húsavík ef að "erlendir ferðamenn" skyldu biðja um það og þar með setja bæjarstjórnina á safn fyrir "erlenda ferðamenn"

Það er náttúrlega agalegt að þurfa að segja "erlendum ferðamönnum" frá því að flaggað sé í hálfa vegna einmitt þess að enginn þjóðhöfðingi sé við- né látinn, heldur vegna þess að einn þeirra sem borgaði brúsann fyrir bæjarstjórnina sem er á bænum, sé einmitt látinn. Að flaggað sé vegna brottfarar hans, en ekki þeirra sem þiggja launin frá honum, né úrkomu "erlendra ferðamanna" niður í buxur bæjarstjórnar, sem þar með loksins er orðin "normal"

Veghefillinn, - kom sá og sigraði. Hmpf!

Fyrri færsla

Svíþjóð í aðskilnaðar-sjálfsmorði fólks og ríkis


mbl.is Hætt að flagga í hálfa stöng
Tilkynna um óviðeigandi tengingu við frétt

Svíþjóð í aðskilnaðar-sjálfsmorði fólks og ríkis

Skattafjármögnuð útgjöld vegna innlendra og er erlendra flóttamanna Svíþjóðar eru orðin slík að menn eru farnir að gera því skóna að efnahagur landsins muni sigla í algert ú-lands þrot innan 10 ára

Þegar ég tala um innlenda flóttamenn þá á ég við flótta stjórnmálaelíta landsins frá þjóðinni sem var. Erlendir flóttamenn eru svo þeir sem koma frá löndum sem þegar eru orðin Svíþjóð eins og hún verður: þ. e. misheppnuð ríki; e. failed states

Hinar opinberu tölur um flóttamannavandann er reynt að tala niður og fela á aðskilnaðar vettvangi elíta landsins, en á þessu ári er kostnaðurinn talinn nema helmingi af ríkisrekstri heilbrigðiskerfis eða helmings allra útgjalda til varnarmála. Á næsta ári mun kostnaðurinn nema öllum útgjöldum ríkisins til heilbrigðiskerfisins og fara fram úr útgjöldum landsins til varnarmála. Slíkt er pólitískt hórdæmi Svíþjóðar orðið

Stutt er í að lánshæfnismat Svíþjóðar fari í ruslið, ríkið krypplist og verði Mið-Austurlönd. Að ungt fólk yfirgefi landið þannig að gamlingjarnir einir verði eftir, eins og gerst hefur í öllum fyrrverandi Sovétríkjunum, þar sem 40 þúsund kirkjur voru brenndar og anddyrin inn í aðskilin helvíti opnuð í restinni

Fyrri færsla

IBM tekur 30.000 Apple Mac tölvur í notkun


IBM tekur 30.000 Apple Mac tölvur í notkun

120725_jobs_flips_off_ibm1

Steve Jobs og þið sjáið hvað

Á sex mánuðum hefur IBM tekið í notkun 30.000 Apple tölvur innanhúss í fyrirtækinu og 130.000 Apple tölvutæki. Og meðal annars með þeim árangri að notendur Apple Mac tölva hjá IBM hafa aðeins í 5 prósent tilfella samband við hjálparstöðvar (help-desk). En þegar um PC-Windows notendur er að ræða þá þurfa 40 prósent þeirra á hjálp að halda frá hjálparstöð. Sem sagt, frá 40 prósent og niður í 5 prósent bara við það eitt að skófla Microsoft út af skrifborðunum. Aðeins eina hjálpar-persónu (support) þarf til að styðja við bakið á hverjum 5375 Mac notendum (1:5375) í stað 1:70 þegar um PC-Windows er að ræða. Þetta eru ótrúlegar tölur

One stat that particularly stood out was that 5% of Mac users call the help desk, compared to 40% of PC users. This shows how simple it is for the staff at IBM to use the Mac platform, and reflects the hard work the team has done to make the experience seamless: JNUC | AI | Glósur

IBM er harðkjarna tæknifyrirtæki á sviði vél- og hugbúnaðar eins og Apple og engin smá smíði. Þeir hafa ákveðið að 400.000 manna starfsemi þeirra verði Apple væn. Náið samstarf er hafið á milli Apple og IBM um sameiginlega hugbúnaðarþróun og notkun innviða. IBM hefur tekið Apple tölvu-platforminn í notkun bæði innanhúss og utan: borðtölvur, fartölvur, síma og spjaldtölvur, allt knúið Apple OS X stýrikerfinu og iOS, sem er einn og sami hluturinn að grunni til en á mismunandi tækjum

Þetta er nú frekar fyndið því að í dag er Apple fjórum sinnum verðmætara fyrirtæki en IBM og bara hagnaður Apple einn og sér slagar upp í hálfa ársveltu IBM. Velta Apple er tvisvar sinnum stærri en velta IBM. Fyrirtækin er þó ekki hægt að bera saman, því að IBM er með 400.000 manns að störfum við að halda ríkisstjórnum, ríkjum, fjármálaheiminum og stórum hluta veraldarinnar gangandi á kjarnasviðum sem almenningur ber venjulega aldrei augum

Ginni Rometty forstjóri IBM og Tim Cook forstjóri AppleSjálfur hef ég unnið á og notað mörg tölvukerfi. Það fyrsta var Unix á Vax frá DEC. Svo MS-Dos líkið og MS-Windows 3.1, 98, 2000 og XP og Linux í of mörgum útgáfum af gagnslausri milljón. En árið 1993 fjárfesti ég og fyrirtæki mitt í miðlægu IBM AS/400 kerfi og um það leyti keypti ég fyrstu Apple Mac tölvuna mína. Ekki var til baka snúið þrátt fyrir ýmsa irriterandi útúrdúra í Windows-heimi

Bestu tölvu- og stýrikerfi sem ég hef kynnst eru frá Apple og IBM. Þar kemst ekkert ekkert ekkert með tærnar þar sem þessi fyrirtæki hafa hælana í tölvun

Ég man ennþá eftir því þegar einn kunningi minn sýndi mér Mac tölvu árið 1985. Og ég man enn hve vonsvikinn ég varð. Ekki nóg með að Mac tölvan hans komst öll fyrir á einu horni skrifborðs, heldur var það sem kom á skjáinn í litum! Já í litum og svo var mús! Þá var ég að nota MS-Dos og MS-Multiplan, en hann var að nota MS-Excel í litum. Þá var Excel bara framleitt fyrir Mac. Mér fannst ég vera alger lúði

Það er auðvitað ekki hægt að ræða þetta mál við flesta MS-Windows notendur og Stokkhólmaða Windows-stjóra því þeir hafa aldrei kynnst neinu öðru en Windows. Og margir þeirra hafa svo í framhaldi af því hoppað úr þeirri ösku og yfir í alelda Android, sem Google hendir sem gratís auglýsingamolum út um gluggana hjá sér til ráðþrota símaframleiðenda, sem einkum framleiða vörubíla, þvottavélar, jarðýtur og alls konar á meðan líkið af Nokia brennir gatið stærra niðri í maga Microsofts

Það verður aldrei hægt að taka það frá aumingja Microsoft að þeir stóðu fyrir nýrri öld í tölvun: svartri miðöld - the dark age of computing. En þetta er þó algerlega tilgangslaust að ræða þegar ekkert viðmið við neitt annað er til staðar. Það versta í tölvuheiminum eru þó smíðendur viðskipta- bókhalds- og ársreikningsforrita. Leiðinlegt er fyrir þau fyrirtæki að mála sig svona út í horn vegna tölvulegrar tröllskessunar. Þau deyja út með Microsoft

Fyrri færsla

Bein markaðsfræsla og beint stjórnleysi


Bein markaðsfræsla og beint stjórnleysi

Hrein Unun

Styrmir Gunnarsson skrifar um að svo kallaðir klíkunetverksmiðlar (e. social networks) sem á fínna máli og til fegrunar eru kallaðir "samfélagsmiðlar", innihaldi hreint ekki allt þjóðfélagið af því að svo mörg "samfélög" þjóðfélagsins séu ekki viðstödd á þeim

Þannig er "háskólasamfélagið", hvað sem það nú er, ekki viðstatt á þessu neti beinnar markaðsfærslu, sem áður kom út á pappír. Og svo eru "stjórnmálaflokkarnir", hvað sem það nú er, heldur ekki að taka þátt í klíkusamfélagsnetinu. Þetta er eðlilegt, því að stjórnmálaflokkar hafa stofnað sig fyrir löngu síðan og þá þarf því ekki að stofna upp á nýtt með hverju nýju auglýsinganeti sem fæðist. Meðlimir og kjörnir fulltrúar þeirra eru þó samt nokkuð frjálsir gjörða sinna, ólíkt meðlimum klíkunetverksmiðla sem ritstýrt er af eigendum þeirra, þ.e hluthafastjórn Facebook sem tifar sem FB-ticker á Nasdaq kauphöllinni

Það er hægt að loka hlutafélaginu Facebook Inc á einu augnabliki með til dæmis gjaldþroti og þá er það óefnislega "samfélag" að sjálfstöðu algerlega aftengt samfélaginu --sem heitir reyndar þjóðfélag-- og herra Allir sjást þá ekki lengur naktir úti að synda, en eru það samt

Það er ekkert breytt í þessum heimi þó svo að viðskiptalíkan fjölmiðlunar sé að breytast hratt með tilkomu Internetsins. Það er í raun það eina sem hefur gerst. Tilkoma Internetsins breytti --án þess að stjórnendur prentmiðla tækju svo gjörla eftir því-- viðskiptalíkani prentmiðla og sem einnig reka vefmiðla, þannig að nú kaupa þeir tekjustofna sína beint af auglýsinganetverkum (auglýsinga-samfélögum) eins og til dæmis Facebook og Google

Þetta eru "skýjatölvunarfyrirtækin" og þau eru og verða ákaflega ákaflega skýjuð (clouded) fyrirbæri öfugt við til dæmis Apple og IBM sem eru heiðskýr (unclouded) harðkjarna tæknifyrirtæki sem þéna peninga sína til að geta búið til enn betri tækni sem ekkert venjulegt fólk veit að það muni þurfa á að halda. En það er hið raunverulega og sanna hlutverk tæknifyrirtækja. Að vita allt miklu betur en þú. Annars eru þau ekki raunveruleg tæknifyrirtæki

Þessu er algerlega öfugt farið á auglýsingasamfélagsmiðlum eins og Facebook og Google. Þar ert þú sjálfur vara þessara fyrirtækja. Þau nota þig, en þú ekki þau

Þeir sem húka lokaðir inni á innri-vef fyrirtækisins Facebokk Inc. eru orðnir svo einangraðir inni í klíkum sínum að þeir vita varla lengur að þeir eru að nota sjálft hið frjálsa Internet til að loka sig af og sem ber uppi hið innra net klíkunetverkanna, þ.e. auglýsingasamfélagið

Vefportal-viðskiptahugmynd eins og til dæmis strik.is og allir þeir portalar sem í dot.com bólunni urðu að dufti er hún hrundi, er nú hingað komin sem "samfélagsmiðlar"

Viðskiptalíkan prentmiðla mun breytast. "Ókeypis" viðskiptauppskrift ókeypis-dagblaða er ónýt af því að viðskiptalíkan þeirra er ónýtt. Dagblöð með áskrifendum munu aftur neyðast til koma sér upp sínum eigin auglýsingadeildum sem vinna samtvinnaðar og markvisst með áskriftarlíkani þeirra, í stað utanhúss auglýsinganetverka sem vinna gegn áskriftarlíkani þeirra á skrifandi stund - og sem eru að rústa þeim. Gagnkvæmir hagsmunir útgefenda og auglýsenda eru hættir að fara saman þannig að útgefendur eru stjórnlaust að missa neytendur sína vegna þessara hagsmunaárekstra við auglýsinganetverkin, sem er nákvæmlega sama um alla þeirra borgandi kúnna langt inn í framtíðina

Karl Rove var nú helvíti góður með sínar "direct mail" póstendingar á sínum tíma. Auglýsinganetverkið Facebook Inc. mun þar engu um breyta. Direct mail er og verður bara direct mail, bæði á pappír og í pixel

Það sem hins vegar er raunveruleg og viðfangsverðug spurning, er hvort að þessi beina markaðsfærsla undir dulnefninu "samfélagsmiðlar" leiði til beins stjórnleysis sem kálar lýðræðinu. Þið þekkið þetta frá síðustu bólu, bankabólunni

Einu sinni klæddust byltingaröflin lopapeysum til að villa á sér heimildir. Þar logaði hins vegar bara rautt ljós fyrir innan

Fyrri færsla

Varðandi landamæri ríkja


Varðandi landamæri ríkja

Smá þankastrik varðandi landamæri ríkja sem hugtak

Landamæri ríkja eru algerlega huglægt fyrirbæri --þ.e. þau eru ekki efnislegt fyrirbæri-- og þau eru sem slík hvorki hönnuð, ákveðin né sett til að þau séu "virt", heldur til að þau séu af staðfestu varin og að hirt sé um að þau séu ávallt verjanleg undir verjanlegu stjórnarfari. VARNIR er það sem gerir að landamæri ríkja eru "virt"

Landfræðileg lega getur unnið með vörnum ríkja á jörðu niðri eða á móti þeim. Atlantshafið er til dæmis ákaflega voldug vörn. En jafnvel því er hægt að klúðra með staðföstum aulaskap á pappír

Séu landamæri ríkja ekki "virt" þá þýðir það að þau séu óverjanleg, eða að þau séu með vilja gerð óverjanleg eins og til dæmis í Evrópusambandinu. Séu gerð að aulalandamærum

Um leið og landamæri ríkja eru gerð óverjanleg með til dæmis aulahætti og ESB-aðild, þá sogast sjálfstæði og fullveldi viðkomandi ríkis inn á það sem hægt er að kalla "kauphallargólf hins pólitíska sektors". Þar verða bæði fullveldið og sjálfstæðið að pólitískri skiptimynt sem verslað er með. Verða að pólitískum söluvarningi

Við þetta myndast heill gegnrotinn pólitískur sektor (ESB-mafían) sem stundar pólitíska spákaupmennsku með fullveldi og sjálfstæði þjóða í sínu eigin ríki

Þar með andar ríkið í höndum ókjörinnar umboðslausrar elítu út anda sínum, gefst upp og deyr úr eurosclerosis

Þjóðin sem átti þetta ríki sem heimili sitt (þjóðríki) verður þá heimilis- og varnarlaus þjóð. Og allir vita hvað verður um heimilis- og varnalausa þjóð. Það sáu menn ákaflega vel á meginlandi Evrópu vorið 1945

Í dag ríkir 1930-stjórnarfar á meginlandi Evrópu á ný, þökk sé Evrópusambandinu

Og sú klukka tifar, tikk takk, tikk takk . .

Fyrri færsla

"Made in Germany" stendur fyrir svik, prettir og hneyksli


"Made in Germany" stendur fyrir svik, prettir og hneyksli

Hvað er eiginlega að í Þýskalandi, er spurt í nágrenni þess. Allir þessir svika og pretta skandalar í Þýskalandi hafa ömurleg áhrif, skrifar Die Presse í Austurríki

Deutsche Bank, hið fjármálalega flaggskip Þýskalands, hefur tekið þátt í nær öllum þeim svindl- og pretta númerum jarðkringlunnar sem á annað borð hefur komist upp um. Stjórnarformaður póstsins, Deutsche Post, er sendur í fangelsi fyrir að hafa falið miljarða í leyndum hirslum í Liechtenstein til að komast hjá sköttun. Og nú er bílaframleiðandinn Volkswagen kominn út úr skápnum sem svindlnúmer. Fyrirtækið hefur svindlað á milljónum viðskiptavina og yfirvöldum í tugum landa. Hvað er eiginlega að í þýsku atvinnulífi? Er þetta hin svo kallaða "vél" sem á að knýja meginlandið áfram?

Er nema von að spurt sé svona? Þýskaland er svo rotið að innan að ólíklegt er að neitt annað land komist með tærnar þar sem það land hefur hælana í mórölskum tvískinnungi, svikum og prettum í atvinnulífi, stjórnmálum, menningu og upplognum titlum, afrekum og prófgráðum stjórnmálastéttar landins

Þinginu og stjórnmálum landsins er stjórnað af morkinni þríhyrndri utanþings elítu banka og iðanaðrafyrirtækja og esbhólista sem tekist hefur að troða öllu meginlandinu ofan í vasa sinn með aðstoð álíka rotinnar stofnunar einveldis elíta, Evrópusambandinu. Og sem tekist hefur í gegnum það að að handjárna 18 lönd við þetta utanþings fyrirbæri í gegnum einn tómann, gatslitinn, ónýtan og illa þefjandi iðnaðarþýskan og pólitískan skítapening er nefnist evra

Og hér heima pissa Þýskalands fetishistar ennþá af hrifningu í blautar buxurnar. Þetta er stórmerkilegur sjúkdómur og verðugt rannsóknarefni. Hvað skyldi liggja á bak við hann?

Fyrri færsla

Grafið undan landbúnaðarkastalanum Íslandi

Tengt

Þýskaland felur skuldbindingar ríkissjóðs í skattaskjólum

Bandaríkin enn að njósna? Skidegodt!


Grafið undan landbúnaðarkastalanum Íslandi

Widen the moat. Now!

Stórkallaleg Vouge þráhyggja Mjólkursamsölunnar (MS) í sambandi við Kóka Dóla viðskiptauppskrift samsteypunnar á erlendu skyri erlendis, er heimskuleg og hlægileg

Hún er heimskuleg vegna þess að hún fyllir kastalasíki íslensks landbúnaðar upp með þurrum sandi og örendir þar með viðskiptalíkan alls landbúnaðar Íslands

Í stað þess að fylla kastalasíki íslensks landbúnaðar upp með banvænu eitri fyrir keppinautana til að drekkja sér í, þá vinnur samsteypan dag og nótt við að bjarga þeim

Hagsmunir íslensks landbúnaðar og MS-samsteypunnar fara ekki saman. Svo einfalt er það

Fyrirtækið er að grafa undan sérstöðu íslensks landbúnaðar og að eyðileggja fyrir honum hér heima í kastala hans, með því að fylla kastalasíkið Atlantshafið upp með þurrum sandi. Það kastalasíki ætti samsteypan hins vegar að fylla upp með kviksyndi til að drekkja universal keppinautum í - og að stækka síkið á hverjum degi alla daga ársins alveg

Og það ætti að vera eina markmið samsteypunnar. Að eitra fyrir erlendum keppinautum með því að gera kastalann að Fort-Knox virki úr því massífa gulli sem íslenskur landbúnaður er

Á meðan samsteypan er með hugann erlendis við kók-uppskriftir og sandburð, þá hugsa allir hérlendis og erlendis um það dag og nótt, hvernig þeir geti kálað henni með því að gera allt hér heima í kastalanum miklu miklu betur en gert er

Hmpf!

Fyrri færsla

Þjóðnýting í kjölfar ESB-landamæra öngþveitis


Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband