Leita í fréttum mbl.is

Bloggfærslur mánaðarins, september 2016

Kjörfylgi Deutsche Bank komið niður í einn tölustaf - og fundi frestað

Screen Shot 2016-09-30 at 07.20.55

Þá gerðist það. Kjörfylgi Deutsche Bank í evrum fór niður í einn tölustaf í morgun. Úr þremur tölustöfum niður í einn - á 8 árum

Graham sagði að hlutabréfamarkaðurinn sé eins og kosningavél. Eina hlutverk hans er að birta kosninganiðurstöður. Hann býr ekki til neitt annað, frekrar en búðarkassi sem býr til tölur með hávaða

Bankinn starfar á öllum sviðum; fjárfestingar, fyrirtæki, almenningur, greiðslumiðlun, gjaldmiðlar, húsnæðislán, hið opinbera, tryggingar, spákup, sjóðir, afleiður, sjóðsstjórn, eignasýsla og þar fram eftir götum, sem og einnig liggja út um alla Evrópu og enn lengra. Tvö þúsund útibú bankans eru í Þýskalandi og tæplega þúsund erlendis, sem flest eru í evrulöndum í stórkostlegum vandræðum. Í ríkjum þar sem þorri almennings og vel rekin fyrirtæki geta ekki lengur borgað af lánum sínum í bankanum - og hafa ekki getað árum saman

Áhlaup almennings á bankann heima í Þýskalandi yrði ekkert grín, ef svo skyldi fara. Og enn verra erlendis. Þýskur almenningur myndi undir áhlaupi á bankann grandskoða hvern einasta evruseðil með stækkunargleri og ekki líta við neinum sem ekki væri prentaður og gefinn út af þýska seðlabankanum. Algert öngþveiti myndi skapast, virðiskreppa skella á og fara eins og eldstormur um landið

Þetta er dáliðið merkilegt mál. Deutsche Bank er einu ári eldri en sjálft Þýskaland, stofnaður 1870. Og það er einmitt það sem er svo skelfilega galið. Hér er ljóslifandi komið enn eitt sönnunargagnið fyrir því hvað Þýskaland stendur fyrir: algerri stöðnum og því sama og síðast. Fullkominni stöðnun. Bankinn ætti alls ekki að vera til lengur. En af hverju er hann til? Jú vegna þess að hann er sjálf ríkisstjórn Þýskalands, en ekki fólkið og þing þess. Og svo er ætlast til að önnur lönd í ESB geti keppt við land eins og Þýskaland þar sem ríkisstjórnin er banki sem gengur um Evrópu með peningapólitískt vald þeirra í rassvasanum

Öllu sem Angela Merkel kemur nálægt tekst henni að klúðra. Hún er búin að vefja Deutsche Bank svo kyrfilega um hálsinn á sér að bankinn er að kyrkja hana. Hún er að kafna. Hún þorir ekki að taka neinar ákvarðanir í neinum málum - fyrr en þau eru komin á óviðráðanlegt stig. Þýskaland er að verða stjórnlaust. Pólitískur stöðugleiki þessa svo kallaða "akkeris" meginlands Evrópu og um leið Evrópusambandsins sem liggur í tætlum, er farinn. Hvað mun taka við?

Deutsche Bank var stofnaður undir enduruppsetningarfasa Fyrsta ríkisins (e. Holy Roman Empire). Þriðja ríkið fór með Þýskaland til fjandans - og heiminn allan. Hvað stendur þá eftir. Jú Deutsche Bank!

Nú þarf því að láta hendur standa fram úr ermum og bjarga bankanum. Og svo ótrúlega vill til að í dag er föstudagur og á mánudag verður einnig lokað vegna fagnaðarhalda misheppnaðasta geópólitíska atburðar í Evrópu á nýrri tímum; endursameiningu Þýskalands! Þetta eru þá heilir þrír dagar sem stjórnvöld hafa til að reyna að kæla málið niður. En til fjandans með landið og allt það bull og staðleysu eins og ávallt. Bankanum verður að bjarga, eins og venjulega. Stífa verður beinagrindasafn bankans af svo það hrökkvi ekki upp úr kistunum, öllum til sýnis, með þekktum látnum og núlifandi andlitum á. Fjármögnun byggingaframkvæmda í pólskum bæ er nefnist Auschwitz, bankareikningar Gestapo, beinagrindasafn síðustu sameiningar og þar fram eftir glötuðu gatnakerfi bankans, sem fyrir skömmu sat á þremur af hverjum fjórum stjórnaratkvæðum í öllum helstu fyrirtækjum landsins. Þetta yrði verri leki en Chernobyl. Þynna steypuna strákar!, þá rennur hún hraðar ja!

Styttist nú í nýja enduruppsetningu Þýskalands (reconfig). En fyrst kemur wipe-out og svo install, eins og ég skrifaði um í gær

Þjóðin er hinsvegar að hoppa í björgunarbátanna, sem hún heldur að séu ennþá til. Hún vonar og heldur að þeir séu þarna enn, þ.e. þjóðríkið og landamæri þess. En hörð verður lending þýskrar þjóðar. Líf hennar í einkaþrælabúðum þýskra elíta hefur fært henni lítið annað en elítuknúnar hörmungar. Og sú seinasta, í langri röð elíta, er sjálf stóðelítan Evrópusambandið og flest sem henni tengist, langt inn í alla afkima þýskra stjórnmála. Viðbrögð þjóðarinnar við ástandinu geta hreint úr sagt orðið algerlega skelfileg

Ekki þori ég að hugsa um enn eitt sjálfsmorðið í allt-í-lagi undirheimum þýskra stjórnmála. Upplausn Evrópusambandsins heldur áfram og ekkert afl getur stöðvað þá þróun

Í næstu götu í Evrópu gerist frekar lítið nema þetta

Allsherjarráðstefnu Rétttrúnaðarkirkjunnar hefur nú verið frestað. Halda átti hana í sumar, eftir 1229 ára hlé. Sú síðasta var haldin árið 787. Hvað skyldi nú hafa komið fyrir í Konstantínópel síðustu daga? Eða jafnvel í Moskvu? En í Konstantínópel er biskupssetrið fyrir 250 milljón manns í 180 þúsund manna söfnuði sem er þar enn. Eitthvað hlýtur að vera að gerast á austurvæng Evrópu. Tja og mja, en já

í  K O N S T A N T Í N Ó P E L  !

esb hvað..?

Fyrri færsla

Þegar allt breyttist: hvað gerist næst?


Þegar allt breyttist: hvað gerist næst?

Á sunnudaginn skrifaði ég um Hinar fjórar Evrópur (langt). Þetta verða Íslendingar að taka alvarlega

Útflutningsfíkn landa eins og Þýskalands (helmingur VLF), Rússlands og Asíu getur ekki lengur gengið upp vegna þess að heimurinn breyttist varanlega 2008. Stærðargráða breytinganna er á pari við síðustu stóru breytingar: þ.e. 1930, 1945 og 1991. Stórar breytingar eru í vændum og þær munu ekki fara friðsamlega fram

Ef halda á friðinn í heiminum, bara nokkurn vegin, þá verða stærstu útflutningaháðu ríki jarðar að grundvallar-breyta sér og hvernig þau virka: fara í enduruppsetningu (reconfig)

Þegar lönd, og eins og í þessu tilfelli, allt Austurhvel jarðar (EvrAsía), þurfa að fara inn í nýjan enduruppsetningarfasa, þá er næsta skref ávallt útþurrkun (wipe-out) og á eftir útþurrkun kemur innsetning (install)

Til einföldunar þá er svæsnasta útgáfa enduruppsetningar-ferlisins svona: hrun => stríð/bylting => nýr veruleiki

Bandaríkin eru ekki útflutningsháð, þau flytja aðeins 13 prósent landsframleiðslunnar út og helmingur þess magns fer til Kanada og Mexíkó. Ekkert fylki Bandaríkjanna er háð útflutningi til Evrópu né Asíu. Bandaríkin eru því hlutfallslega ónæmust fyrir þeim ofur-breytingum sem standa fyrir dyrum á veröldinni

Stór hluti þess fjármagns sem varð til á síðasta skeiði sögunnar, sem hófst 1991, mun hafa litla möguleika á að komast í vinnu á ný, nema þá kannski helst í eyðileggingu á því sem þá varð til, en sem almenningur fyrir neðan efri-miðju hagnaðist ekki á. Sá hluti stökk í gömlu björgunarbátana, þjóðríkið og landamæri þess, og stendur vopnaða varðstöðu um þá. Þeir eru það eina sem verndar þennan hluta og þeir eru Biblíusöguleg hönnun. Þetta skilur glóballar 1991-elítan ekki. Og hún skilur ekki Trump. En Trump er fram til þessa eini forsetaframjóðandi Bandaríkjanna sem skilur peningapólitík

Í dag er líklega árið 1912 og 1932 á Austurhveli jarðar

Fyrri færsla

Styrjaldarástand: Reykjavík myrkvuð, byltingin hafin


Styrjaldarástand: Reykjavík myrkvuð, byltingin hafin

Paradís

TIL-KYNNING

ÖREIGAR ALLRA GATNA! SAMEINIST UM MIG, BORGARSTJÓRANN

Næsta skref er svo að borgaryfirvöld Sovétríkis Reykjavíkur ætla að bjóða erlendum ferðamönnum að ráðast inn í íbúðir fólks til að slökkva þar ljós sem ónáða kynstofninn erlenda ferðamenn í útrýmingarhættu

Ef hægt er að tala um sveitamennsku á Íslandi, þá er þetta hún

Þjónusta borgarinnar við erlenda ferðamenn er frá og með nú innbyggð í alla rafmagnsreikninga og gatnagerðargjöld holudeildar. Gjörið svo vel - borgið við kassa eitt, fyrir ekki neitt

Hér varð nefnilega hrun

Götulýsing var sett upp í borginni á kostnað skattgreiðenda svo að hægt væri að auka þægindi erlendra ferðamanna með því að slökkva á henni undir framköllun á grenjandi erlendum ferðamennum

Allt slökkvistarf í Reykjavíkurborg er nú miðstýrt. Munið það

Sovétríki Reykjavíkur pr. 29. september 2016

Sovétborgarstjóratrúðurinn í Reykjavík

- í samstarfi við Ukraine InTourist

Erlendir ferðamenn athugið: ný sending af uppstoppuðum Íslendingum komin í allar ferðamannagildrur, - miðstjórnin

Erlendir ferðamenn athugið: amma mín er til sýnis á laugardögum klukkan 15, - allir

Næst verður Íslendingum hent út af sjúkrahúsunum, svo að erlendir ferðamenn geti hvílst og jafnað sig á ekkanum

Fyrri færsla

Ég horfði á Trump og Clinton glíma í kappræðum


mbl.is Ljósleysið framlengt til miðnættis
Tilkynna um óviðeigandi tengingu við frétt

Ég horfði á Trump og Clinton glíma í kappræðum

Presidential Candidates Debate 26 sept 2016

C-Span: horfa

Eftir að hafa horft á viðburðinn, get ég ekki tekið undir það sem margir fjölmiðlar matreiða sem sigur Hillary Clinton. Þetta var ekki fallegt og pent, það er ekki hægt að segja. En fallegt og pent er of oft einungis fallegt og pent

En ef ég væri óákveðinn bandarískur kjósandi, þá myndi ég ganga út frá þessari samkomu hugsandi að minnsta kosti það, að Trump væri skófla sem skófla myndi skilvirkar fyrir mig næstu átta árin en sú skófla sem Hillary hefur haldið um skaftið á í 23 ár. Að Trump sé sennilega sá sem er meiri "doer" eða framkvæmdamaður. Sé nógu frústreraður með stöðuna eins og hún er, og vaði því betur eld og brennistein fyrir mig, en frú Clinton sem, orðin er hluti af skóflunni

Það er erfitt að skilja afstöðu fjölmiðla sem taka þá stimpla gagnrýnislaust í notkun sem að þeim er rétt, hvað Donald Trump varðar. Það er barnalegt og brexit

Það er eitthvað sem segir mér að þau jákvæðu viðbrögð sem menn segja að hafði orðið á mörkuðum, séu ekki til komin vegna þess að markaðurinn hafi komið auga á sigurvegara. Ég held að ef um jákvæð viðbrögð markaðarins hafi verði að ræða og sem hægt er að tengja við kappræðurnar, séu þau vegna svars Donalds Trump er þau bæði voru spurð að því hvort þau myndu virða niðurstöðu kosninganna

Svar Hillary var það að hún "styddi lýðræðið". En svar Donalds var mun betra, þó svo að honum tækist snilldarlega að láta alla standa á öndinni í biðröð eftir því, á meðan hann í tærri snilld notaði síðustu sekúndurnar til að sýna Ameríkönum nýju skófluna undir 200 prósent extra athygli. Svarið var þetta: ef að Hillary yrði sigurvegarinn þá myndi hann "að sjálfstöðu styðja hana 100 prósent!" Þarna stækkaði Donald Trump mjög

Og þarna létti markaðnum. Honum er alveg hjartanlega sama hver verður forseti og honum hefur alltaf verið nákvæmlega sama um það. En hann vill fá niðurstöðu. Ekki óöryggi um niðurstöðu kosninga og óvissu; e. gridlock. Það fékk hann. Donald sá fyrir því og hann einn skildi mikilvægi þess. Þess vegna gaf hann þetta svar. Strategískt

Mér finnst Donald vera strategískur. Klunni á sinn hátt, en þannig er hann. Sannfærandi um það mikilvægasta; að hann ætli að verða forseti Bandaríkjamanna, en ekki forseti annarra sem engan kosningarétt hafa í kosningunum um hver verður þjóðarleiðtogi þjóðríkis Bandaríkjamanna. Og það er gott fyrir Bandaríkin og um leið gott fyrir allan heiminn

Þegar í embættið er komið, þá er forsetinn þrátt fyrir allt ekki nema 1/3 af ríkisstjórninni. Þetta er engan veginn sú sprengja sem fjölmiðlar hafa blásið upp. Það er meira að segja fínt að fá durg svona inn á milli. Eitthvað verða allir þessir vegheflar að fá að hafa að gera á komandi árum, við að hefla forsetann til. Tekst þeim það? Það efast ég um. Því Donald þarf einnig að sigra 2020. Og það veit hann

Fyrri færsla

Ættum við að setja ný lög um píraterí ?


Ættum við að setja ný lög um píraterí ?

Þjófnaður er bannaður með lögum. Siðferði þeirra laga kemur úr hinum Heilögu ritningum sem byggðu upp Vesturlönd og sem eru hornsteinn þeirra, og sem menn fá í dag laun fyrir að hata. Greidd og borguð út af Vesturlöndum

Ég veit ekki betur en að til dæmis Reykjavík sé byggð á jörð Snorra og Kirkjunnar og sem hún gaf stofnendum þess þéttbýlis, sem síðan og svona hörmulega hefur alið af sér fólk þessara sorpsamtaka. Betur hefði Kirkjan aldrei gert þetta, því þá væru þessir atvinnu röflarar ekki til í dag. Ég tala nú ekki um jörðina Bessastaði

En hvar skyldu nú afsölin vera? Má ég nokkuð biðja um að fá þau augum litið. Og hvar eru Goðorðin. Hvar eru þau? Sýnið mér afsölin takk

Það sama gildir um marga þéttbýlisstaði landsins. Þeir eru byggðir á jörðum sem Kirkjan gaf þeim með þeim skilmálum sem þetta stóð vitfirringa vill banna

Er þá ekki næsta skref að banna hjálparstofnun Kirkjunnar að ganga á holóttum götum hins vinstra þéttbýlis sem til varð úr gjöfum hennar. Eða að leita til heilbrigðiskerfisins? Ríkið er að verða búið að tæma Kirkjuna. Hví allt þetta hatur?

Síðast þegar svona sorp flæddi inn í stjórnmálin þá óx úr því gereyðingaraflið Stalín og Hitler og sem í málefnaskrám vatteraðir voru "góðum ásetningi" - báðir hötuðu þeir Kirkjuna heitt og innilega

Hvar er nú Roundupið mitt . .

Halló!

Dramatísk þróun í heimsviðskiptum


mbl.is Vilja afnema lög um kirkjulóðir
Tilkynna um óviðeigandi tengingu við frétt

Dramatísk þróun í heimsviðskiptum

Í gær skrifaði ég um þann misskilning og tortryggni sem gætir hjá sumum hér á landi hvað varðar verðbólgumælingar og húsnæðislið neysluverðsvísitölunnar. Einfaldast hefði verið fyrir þessa aðalila að hringja í Hagstofuna eða Seðlabankann. En hér er málið úrskýrt á mannamáli

Alþjóðaviðskiptastofnunin (WTO) var að birta endurskoðaða spá fyrir heimsviðskiptin á þessu ári. Í annað skiptið á skömmum tíma lækkar stofnunin spá sína fyrir árið sem er að líða. Alla leið niður á þann vöxt sem varð reyndin 2009 eða kreppuvöxt

Jótlandspósturinn segir að þetta sé dramatísk þróun: aðvörunarmerki

Útflutningur Þýskalands, sem er útflutningaháðasta hagkerfi veraldar, af þeim stærri, hefur fallið bratt á milli ára, eða um tíu prósent, samkvæmt mælingu um daginn. Þetta gæti þýtt mikinn samdrátt í Þýskalandi á næstunni

Skýrsla AGS júní 2016 bls. 42: "Deutsche Bank appears to be the most important net contributor to systemic risks in the global banking system."

Fjármálaflaggskip landsins, Deutsche Bank, heldur áfram að falla í virði á mörkuðum og er fall hans síðan í maí 2007 orðið 90 prósent. Frá 102,66 niður í 10,27 evrur. Það sem bankinn á í sjálfum sér er 90 prósent minna virði

Er það kredit bankans til útflutningsbransa Þýskalands sem er að fuðra upp? Er bankinn dulbúinn útflutnings-niðurgreiðandi ríkisstjórnar Angelu Merkel? Er hann að fuðra upp þess vegna? Er hann að reyna að halda útflutningi landsins gangandi með því að fjármagna taprekstur útflutningsgeirans? Þetta veit ég ekki með vissu, en Landesbanka-lyktin liggur yfir öllu bankakerfi Þýskalands, ávallt. Þeir eru aldrei þar sem þeir segjast vera þegar að peningum kemur

Þýskir stjórnmálamenn eru og hafa alltaf verið á kafi í banka- og tryggingakerfum landsins. Þrír stærstu bankar Þýskalands hafa setið á allt að 3/4 af öllum stjórnaratkvæðum í öllum stærstu fyrirtækjum landsins. Hvað gerist til dæmis ef að BIS hótar að loka DB úti frá alþjóðlega færslukerfinu, eins og gerðist þegar uber útflutningsháð Japan sprakk, nema að eiginfjárstaða bankans sé bætt. Hver á að hella nýju fé ofan í bankann? Ekki vill markaðurinn gera það, eins og sést á bréfaverðinu. Hann hendir bréfum bankans frá sér. Enginn lítur við bankanum jafnvel þó svo að hann sé í galdrapeninginum evru (tálsýn röflandi íslenskra evrusjúklinga á blaðurlaunum)

Ég trúi engum fréttum sem koma frá þýskum stjórnvöldum né þýsku fjármála- og viðskiptalífi. Ástæðan er sú að ég bjó á meginlandi Evrópu í tæplega 30 ár. Í túnfæti Þýskalands

Teiknin á lofti í alþjóðamálum eru vægast sagt ekki góð. Spurningin um stríð eða frið verður áleitnari. Prófsteinninn á fullveldi og sjálfstæði þjóða verður varla þyngri en undir spurningum um stríð eða frið. Spurningin um sjálfa gersemi þjóða: um sjálfsákvörðunarréttinn. Hvað gerist við þær aðstæður þegar fullveldi og sjálfstæði þjóða er að stórum hluta komið til varðveislu hjá ókjörinni og fjarlægri elítustofnun langt í burtu, sem bara virkar alls ekki við þannig aðstæður, né heldur við núverandi aðstæður. Verður þá ekki sú upplausn og það óöryggi sem ríkir í ESB í dag, næsti bær við öngþveiti og kaos? Mun meginland Evrópu brjálast á næstu árum? Það hefur áður gerst

Balkanskagi: Recep Erdogan var í Króatíu í apríl. Vladimir Putin var helgi í Slóveníu í júlí. Joe Biden heimsótti Belgrad í ágúst. Michael Roth var þar í þessum mánuði. Dmitry Medvedev kemur þangað í október, auðvitað. Vinsælir þessir skagamenn. Serba lýðveldið (Srpska) sturtaði Dayton niður um helgina. Og um leið öllu ESB. Fleiri Balkan-lönd munu gera hið sama

Fyrri færsla

HICP verðbólguvísitala ECB og húsnæði - endalok reiðufés í evrum [u]


HICP verðbólguvísitala ECB og húsnæði - endalok reiðufés í evrum [u]

HICP er samræmd mæling á verðbólgu í þeim löndum ESB-báknsins sem hægt er að mæla eitthvað sem er samræmt og samanburðahæft. Það hefur ekki enn náðst samkomulag um hvernig húsnæðisliðurinn komi inn í vísitöluna því að þetta er þáttur sem er mjög ólíkur á milli landa. Hann er því einfaldlega ekki hafður með af því að það er ekki hægt að hafa hann með. Þessi samræmda mæling er því ónothæf að mörgu leyti, því að hún mælir ekki verðbólguna nema að hluta til, eða réttara sagt, hún er ekki tæmandi. Til dæmis mælir hlutabréfavísitala X bara verðbólgu vissra hlutabréfa. Það er hægt að búa til vísitölu verðlags yfir næstum hvað sem er

Öll lönd hafa því sína eigin CPI eða vísitölu neysluverðs eins og hún er hér. Það er hún sem gildir. Það er hún sem mælir. HICP er allt annað. Hana er meira hægt að nota til að mæla samkeppnishæfni vissra liða á milli landa. Og það er ECB seðlabankalingurinn sem ræður þessu (ákvæði númer 7 CON/98/34 - 1999/C 285/07). Hann notar þetta HICP fyrirbæri til að styðja við peningapólitískar pyntingar sínar á ERM II og evrulöndum, - loka löndum, fella ríkisstjórnir, hóta forsætisráðherrum, koma ríkjum sem makka ei rétt á kné, loka peningakerfum landa, ákveða peningaskömmtun til almennings og svo framvegis. Og þess utan þá verður fyrir alla muni að koma í veg fyrir að lettnesk eða frönsk húsnæðisverðbólga ráði Þýskaland af dögum, opinber framfærslubyrði þýska öldrunarríkisins er nefnilega svo gott sem verðtryggð

Skattakerfi landa eru svo mismunandi. Og það fer eftir þeim hvernig húsnæðismarkaðurinn er og það fer eftir hundrað hlutum öðrum hvernig hægt er að mæla verðþróun húsnæðis. Ef enginn á húsnæði sitt þá gefur auga leið að nota verður verðþróun húsaleigu. Ef engin íbúð er seld í landinu, hvernig á þá að mæla verðþróun húsnæðis - eins og í þeim evrulöndum þar sem enginn fær lán. Ef til dæmis allir hafa borgað húsnæði sitt upp í topp, en engin eða lítil velta er til staðar á húsnæðismarkaði, þá þarf að notast við þá útreikninga sem yfirvöld nota í skattakerfinu til að ákveða virði þess að búa án útgjalda í eigin húsnæði. Það er miðstýrt mat - sovéskt

Svona er endalaust hægt að nefna til sögunnar alls konar vandkvæði á þessum mælingum. Á Íslandi er húsnæðisverð notað, af því að leiguverð gefur ekki rétta mynd, því sá markaður er svo oggu pínu lítill og skakkur

Maður sem er með allt dregið fyrir alla glugga mun ekki koma auga á hve gott er fyrir utan gluggana. Og of margir hér á landi hafa það þannig. Á bak við það svartnætti sem þeir búa sér til, horfa þeir í gegnum skráargatið á það sem þeir halda að sé paradísin ESB. En fyrir utan skín Ísland og ber af á flestum sviðum, miðað við sinubrunavöllinn ESB

Svo, það er bara að henda tómu pitzukössunum út, tæma öskubakkana og draga frá. Við blasir gamla góða Ísland. Það er ekki farið neitt. Og ekki er verið að ræna neinn

[uppfært] Eins og ECB aukaseðlabanki Þýskalands segir:

"Harmonised Indices of Consumer Prices (HICP) are designed for international comparisons of consumer price inflation. HICPs are used for the assessment of the inflation convergence criterion as required under Article 121 of the Treaty of Amsterdam and by the ECB for assessing price stability for monetary policy purposes. The ECB defines price stability on the basis of the annual rate of change of the euro area HICP."

Svo næst þegar þú heyrir að "verðbólga á evrusvæðinu" sé þetta eða hitt, þá veistu að mælingin er fölsk og að hún er jafnframt afar villandi. Og þú veist um leið að allar stýrivaxtaákvarðanir ECB eru teknar á röngum forsendum fyrir flest önnur evru-lönd en Þýskaland og alltaf því í hag, því þar eiga svo fáir sitt eigið húsnæði. OECD mældi árið 2006 hve stórt frávikið í HICP var frá réttri verðbólgu og var það þá heil 15 prósent! Í Bandarísku vísitölu neyslusverðs (CPI) er húnsæðisliðurinn fjórðungur vísitölunnar, því þar eiga svo margir sitt eigið húnsæði (OOH vísitöluliðurinn = owner occupied dwellings). Evru-seðlabankinn er því að byggja allar stýrivaxtaákvarðanir sínar á aðstæðum í Þýskalandi.

Afleiðingarnar fyrir mörg önnur evrulönd en Þýskaland hafa verið skelfilegar því að raunstýrivextir þessa ECB-aukaseðlabanka Þýskalands voru svo lengi neikvæðir og sköpuðu stærstu fjármálabólu mannkynssögunnar. Brenndu þar með hagkerfi margra evrulanda til grunna í þeim eina tilgangi að skapa þar eftirspurn eftir þýsk-framleiddum vörum, sem bankakerfi Þýskalands lánaði þeim fyrir, þ.e. fjármagnaði. Þau lánasöfn eru að brenna til ösku, þýska bankakerfið riðar til falls, ríkisstjórnir falla, lönd eru í rúst og ófriður er að brjótast út í Evrópu. Þýskaland er þvi bóla. Útflutningsbóla sem er að byrja að springa

****

Margir hafa spáð endalokum reiðufés. Svo virðist sem að sú spá sé að ganga eftir í Deutsche Bank, fjármálaflaggskipi Þýskalands og eins stærsta banka veraldar. Peningar bankans eru að verða búnir. Hvar endar þetta. Hrunið í dag á skrifandi stund er tæplega 7 prósent. Verðið á hlutabréfum í bankanum marrar við það að vera bara einn tölustafur núna. Það er fallið úr þremur tölustöfum. Síðast þegar fallið niður var svona flott þá sögðu áhrifamenn og bankastjórar Lehmans að "það versta væri yfirstaðið". Angela Merkel vísaði því þess vegna óbuguð á bug í dag að þýska ríkið myndi bjarga bankanum. Ef hún vísar því á bug í annað sinn, þá þýðir það að bankinn mun með öryggi lenda í fangi hennar og þýska ríkið verða að bjarga honum frá gjaldþroti eða þjóðnýta hann - í evrum. Enginn í Evrópu muna hafa hugrekki Bandaríkjamanna og láta gagnslaust dótið rúlla áður en það kyrkir sjálft hagkerfið. Það styttist kannski í þýska byltingu. Nema að FBI loki bankanum alla leið frá Stuttgart Ameríku ja og setji hann á hryðjuverkasamtaka listann. Hvað gerist þá? Ég bara spyr

Fyrri færsla

Hinar fjórar Evrópur (langt)


Hinar fjórar Evrópur (langt)

Evrópa skiptist í fjóra hluta. Þeir hafa oft minna með hvorn annan að gera en Ísland hefur með Mongólíu að gera.

1) Suður-Evrópa eða Miðjarðarhafs-Evrópa sem nær niður að eyðimörk Sahara. Miðjarðarhafið deilir ekki Suður-Evrópu í sundur, heldur tengir hana langt inn í Norður-Afríku, eins og menn sjá á fólksflóðinu sem fossar þaðan úr gamla Rómarríkinu. Suður-Evrópa er ekki löt, eins og reynt er að gefa í skyn, heldur er hún nú orðin fangi á röngu pólitísku áhrifasvæði, þ.e. á áhrifasvæði Þýskalands. Tyrkland er mjög vel á efnahagslegu lifi í dag, það er til dæmis að smíða skipin okkar, og það er á sæmilegu efnahagslegu lífi vegna þess að það er ekki í Evrópusambandinu. Hagvöxtur þar hefur verið kraftaverki nærri. Þetta er sönnunargagn þessa hluta Evrópu fyrir því hvað er að drepa alla Suður-Evrópu: Það er að segja ESB Þýskalands, en ekki leti

2) Þýsk-Norður-Evrópa, norðan eldveggs Alpafjalla, sem ávallt og að eilífu klýfur álfuna náttúrulega. Sumir vita enn hvað þessi hluti Evrópu er; hann er núverandi pólitískt sprengjuhólf álfunnar, því að Þýskaland er mjög nýlega stofnað veldi, sem enn þann dag í dag er að ryðja sér til rúms á meginlandinu og í heiminum. Þýskaland enduruppsetur Evrópu (reconfig) af því að það er nýtt veldi. Reconfig fylgir oftast útþurrkun (wipe-out) til að geta sett upp nýtt stýrikerfi (install) sem svo stjórna mun dótinu

Sameining Þýskalands 1871 eyðilagði þann frið sem þó stundum var í álfunni að hluta til og endursameining Þýskalands 1990, með þreytulegu samþykki Bandamanna, er misheppnaðasti geopólitíski atburður álfunnar á nýrri tímum. Hann mun tryggja varanlegan ófrið í Evrópu næstu 500 árin. Hann mótaði það Evrópusamband sem er að kyrkja Evrópu í dag

Frakkland er orðið svo þýskt að margir Frakkar álíta að nú sé við það að verða síðasti séns á að afþýska landið. Frakkland hélt um tíma að Evrópusambandið væri nokkuð sniðugt búr til að halda Þýskalandi uppteknu við föndur innan í. En þeir sjá nú, að svo var ekki. 1990 breytti svo miklu. Frakkland er áfram þungbúið vel viðhöldnum kjarnorkuvopnum, því að upp úr Hollandi í ESB, hefur enn ekki vaxið fjallgarður eins og er í frönsku suðri. Það er því jafn berskjaldað í norðri og áður

3) Austur-Evrópa, sem er frekar slæmt hugtak yfir Intermarium sem Pólverjinn Józef Pilsudski skilgreindi þó nokkuð vel. Austur-Evrópa er múrverkið á landamærum lífs og dauða. Þar mæta mótmælendur og universal kaþólikkar rétttrúnaðarkirkjunni, sem negld er þúsund metra niður í þjóðarjörðina, með tröllasaum. Og þarna mætir öll kristni álfunnar íslam

4) Sæfara-Evrópa sem er Skandinavía að hluta til, Bretlandseyjar og stundum Ísland. Þar kunna menn á skip. Restin af Evrópu er í pollagöllum innanklæða og plaskar á innpollum álfunnar. Strandlengja Noregs nær yfir hálfan hnöttinn, eða 25 þúsund kílómetra og strandlengja Íslands nær héðan til Afganistan, sex þúsund kílómetra. Strategísk þjóðaröryggisvörn Íslands á alla vegu er Atlantshafið, en hin strategíska dýpt lands okkar fram til síðasta dags allra daga, er hins vegar Washington. Lönd sem búa við úthöf og siglanlegar ár, verða alltaf ríkari en pollagallalönd

Enginn sem býr í Frakklandi hefur tilfinningu, náttúrulega samúð né samstöðu með Austur-Evrópu. Þýskaland álítur í pólitískri sál sinni að næsti nágranni þess í austri, sé Rússland. Þýska sálin hoppar því í höfðum þýska aðalsins yfir 120 milljón manns Austur-Evrópu, og álítur þær að mestu rusl og segir innvortis að hún samþykki Rússland upp að landamærum Póllands. Austur-Evrópa á engan bandamann í Evrópusambandinu utan Intermarium, eftir að Bretland fór. Eini raunverulegi bandamaður Austur-Evrópu er Bandaríki Norður-Ameríku

Austur-Evrópa er umferðarljós á innrásarhraðbraut lágsléttu Norður-Evrópu inn í Rússland. Um hana hafa farið Pólska samveldið, franskur Napóleon, þýskur Vilhjálmur annar og heill Hitler. Þetta svæði er án náttúrulegra landamæra. Og það sem meira er, þetta svæði álfunnar liggur landfast upp að landmassaríki Rússlands, sem hefur næstum engin náttúrleg landamæri sér til varnar. Landsvæði Rússlands er svo gott sem óverjanlegt. Það er því af Rússum notað sem örmögnunar-strategískur drekkingarhylur á heimska innrásarheri. Framboð heimsku er alltaf ótakmarkað eins og sést á stofnun Evrópusambandsins

Pólland er í öðrum heimi á annarri plánetu en til dæmis Frakkland. Enginn í Frakklandi mun koma Pólverjum til hjálpar nokkru sinni, af þeirri einföldu ástæðu að afkvæmi Frakka eru ekki Pólverjar, eins og Vestamannaeyingar í eldgosi eru skilgetin afkvæmi Íslendinga. Eðli þjóðernistilfinningar manna er sama eðlis og móðurást þeirra er. Hún liggur í erfðum okkar og án hennar værum við útdauð. Enginn í Þýskalandi mun heldur koma Austur-Evrópu til hjálpar. Og enginn mun fórna lífi sínu fyrir Evrópusambandið. Enginn. Eini bandamaður Póllands er Bandaríki-Norður Ameríku, og önnur ríki í Intermarium. NATO er ekki bandamaður Póllands nema á pappír sem háður er neitunarveldis uppsetningu þeirrar herlausu samkundu. Eini herafli NATO er Bandaríki Norður-Ameríku og Bretland. Restin af NATO er kústskaft

Evrópusambandinu, sem er hrynjandi, er í dag haldið saman með þýsku valdi og peningapólitísku ofbeldi. Þýskaland þolir ekki að missa nein lönd úr hinum svo kallaða þýsk-hannaða "innri markaði" ESB, án þess að fara í sitt fimmta þjóðargjaldþrot. Það flytur, með peningapólitísku ofbeldi útflutningsdópistans, út helming landsframleiðslu sinnar og helmingur þess helmings fer til hins innri-markaðar, sem minnkar um 20 prósent þegar Bretland mannar hafskip sín á ný

Rússland mun aldrei gefa Úkraínu upp á bátinn. Ekki frekar en Bandaríkin samþykja Texas sem rússneskt áhrifasvæði. Á næsta ári verður herafli Rússlands sennilega búinn að fylla tankinn og standa klár til Úkraínuferðar. Enginn mun hreyfa legg né lið, gerist það, nema Bandaríkin sem eru að hella hraðsteypu niður í undirstöður Intermarium. Bandaríki Norður-Ameríku munu aldrei þola að Þýskaland gangi í Úral-hjónaband með Rússlandi þegar innri markaður þess er þurrausinn, sem hann er að verða, og smám saman burt-floginn. Þátttöku Bandaríkjanna á meginlandi Evrópu í Síðari heimstyrjöldinni ber að skoða í því ljósi: Milljón manns sendir alla leið frá Vesturhveli jarðar yfir í þetta Austurhvel jarðar árin 1941-1945. Það var ekki góðmennska sem réði þeirri för, heldur þjóðaröryggisstefna Bandaríkjanna

Þjóðaröryggisstefnur landa byggjast á og taka alltaf mið af því versta hugsanlega sem getur gerst. Geri þær það ekki, þá breytast þær í þjóðar-óöryggisstefnur

Staðan í þessari Evrópu í dag er sú, að barist er í blóðugum hernaðarátökum í túnfæti álfunnar á suðurhlið, í Norður-Afríku, og innan hennar í austri. Og það rýkur meira og meira úr pípulögnum Balkanskaga-tappans niður til vítisvélar íslam, sem kveikt hefur að minnsta kosti 50 ára langan sinubruna í suð-austur túnfæti Evrópu, þ.e. í Mið-Austurlöndum sem eru í blóðugum enduruppsetningarfasa (reconfig) og sem enda mun líklega sem nýtt kalífat (install). Tyrkland mun verða endurunninn herra þess, verði Íran það ekki. Það eru bara þrjú alvöru lönd í Mið-Austurlöndum: Ísrael, Tyrkland og Íran. Restin er óstjórnlegt sull. Verið er nú skrifa núll yfir gamla install Bretlands og Frakklands í þessum hluta heimsins. Hvorki Bretland, Frakkland né Bandaríkin hafa lengur þörf fyrir að hafa afgerandi áhrif í heimshlutanum eins og er. Enginn utanaðkomandi mun handtaka þróunina. Að skrifa núll tekur sinn tíma. Að innan er Evrópa að falla saman undan þunga og ofbeldi Evrópusambands Þýskalands

Þeir sem sjá ekki hvað er að gerast né hugsa um hvað gerist næst, eru annaðhvort sérfróðir bjánar eða pírataðir niðurhalsafglapar með lokað próf úr fáfræðistofnun Samfylkingarmanna við Nautheimskuvík, eru í marxískri alþýðuskólun hjá geðklofnu VG eða í bankagreiningardeildaklúbb Viðreisnarmanna, sem réðst að seðlabankanum og lýðveldi Íslendinga, og þar sem partur þessarar samsteypu afglapa eru hálaunaðir opinberir starfsmenn er spyrja þá sem borga launin þeirra, hvort að Frakkland sé nú í Evrópusambandinu. Og þetta er ekki lygi. Taka þarf upp 19. aldar landafræðikennslu í skólum landsins, það er alveg greinilegt

Evrópa er einu sinni enn komin í reconfig fasa. Næst kemur wipe-out og síðan install. Hún verður óþekkjanleg, einu sinni enn. Og kernel hennar, Þýskaland, er óþekkt stærð, eins og áður. Þýskaland er óstöðugleikaaflvél Evrópu og veikasti hlekkurinn í efnahagsmálum álfunnar. Það mun annað hvort fara í nýtt þjóðargjaldþrot eða austur. Enginn veit hvað verður. Þannig virka nýir og ó-aflúsaðir kernels

Fyrri færslur


Hann er bara einn þriðji af ríkisstjórninni

Þarna á ég við forseta Bandaríkjanna. Séð var fyrir því að hann hefði ekki mikil völd. Hann hefur þó samt töluverð völd, en þau eru ekki mikil. Svo var Washington komið fyrir út í mýri, svona til frekara öryggis

Koma þyrfti helst þessari Reykjavík sem fyrst fyrir út í mýri, fyrst að þetta með þingstaðinn er alveg ónýtt. Nema þá að hún sé þá þegar þangað komin. En það sýnist mér oft og iðulega. Framboðslistar til kosninganna í Weimar lýðveldinu voru þó aðeins fleiri. En hver er munurinn

Á ögurstund lagði Patton andlega og uppbyggjandi áherslu á að sveinar hans gætu sem sigurvegarar snúið heilir heim, og stoltir svarað barnabörnum sínum spurningunni: "afi, hvað gerðir þú í átökunum miklu?" Svar þeirra þyrfti þá ekki að verða; "ég skóflaði skít í Louisiana"

Í Reykjavík þarf lágróma svarið við fullveldis-átaka spurningu barnanna því alls ekki að verða svona: "ég skóflaði skít inn á alþingi."

Ábyrgð kjósenda er mikil. Hún er þar öll, - hjá þeim. Það er ekki hægt að segja sig úr atkvæði sínu, þó svo að þér sé hent úr þínu atkvæði, eins og gerðist 2009. Gerðu þér vandlega grein fyrir atkvæði þínu. En gerðu samt aldrei neinum manni grein fyrir atkvæði þínu á sama hátt og gerðist út í mýri 2009. Svíktu ei sjálfan þig

Nú hafa Bandaríkin hörfað heim. Dregið sig út úr gamla heiminum, þar sem fimm milljarðar af öllu mannkyninu búa, sem er um það bil sjö komma fimm. Mann-kyn þýðir mannkyn, nema úti í Reykjavík

Bandaríkin eru komin í sömu upphafsstöðu á skákborðinu og þau höfðu komið sér fyrir í í aðdraganda 1917 og 1941. Allir vita í hvaða ástandi gamli heimurinn á Austurvelli Austurhveli jarðar var þá, og hvað Bandaríkin gerðu þá: mikilvæg ártöl þessi tvö, 1917 og 1941. Fleiri munu líklega bætast við. Líkurnar á því hafa margfaldast á síðustu tíu árum. Gamli heimurinn -á landmassa EvrAsíu- er nær óþekkjanlegur, miðað við 2006. Hrunið varð ekki hér, heldur þar. Og sú staðreynd er ekki vorboði. Austurhvellur er ekki vorboði

Bandaríkin hafa aldrei verið einangrunarsinnuð, þó svo að sumir haldi því fram. Þau voru bara að reyna að halda sér utan við gamla heiminn, burtu frá honum, til þess að hafa krafta og getu til að handtaka gömlu hjónin herra og frú geggjun hins gamla heims, á réttum tíma og réttum stað, og reka svo stóra fleyginn í hjartastað. Þetta geta eingin önnur ríki jarðar gert. Og þetta geta þau af því að þau hafa höfin bæði tvö - á og undir sínu valdi. Já höfin. Algerlega á sínu valdi. Þjóðaröryggisstefna Bandaríkjanna er sú. Henni pillar enginn forseti við

Látum þá í gamla heiminum berjast við hvorn annan, því að á meðan þeir gera það, þá berjast þeir ekki við okkur. Við sjáum þeim báðum fyrir sömu birgðaþjónustu, þar til þeir örmagnast. Þetta gildir einnig fyrir okkur

Hafið er stórt og okkar vörn. Eyðileggið hana ekki

Fyrri færslur


Kolin hitna enn frekar undir landamæra-stöðu Evrópu

Sendiherra Belgíu í Frakklandi hefur verið kallaður á teppið hjá frönskum yfirvöldum í París. Franska lögreglan handtók tvo belgíska lögreglumenn fyrir að aka 13 förumönnum (e. migrants) yfir frönsku landamærin og inn í Frakkland og hún yfirheyrði belgísku lögreglumennina í fjóra tíma

Belgíska lögreglan hótar nú að fara í verkfall taki ríkisstjórn landsins, sem er brothætt, ekki af öll tvímæli um hvernig handhefja eigi löggæslu og landamæraeftirlit Belgíu. Dyflinnar-kerfið virkar ekki og er í molum. Schengen virkar ekki og er í molum. Endurhýsingar reglur ESB virka ekki og eru í molum. Evrópusambandið virkar ekki og er í molum. Stjórnleysi færist yfir álfuna

Í Þýskalandi sýna rannsóknir að aðeins hundrað tuttugu og fimm föru- og flóttamenn af þrjú hundruð og fimmtíu þúsund sem eru í atvinnuleit, hafa fengið vinnu í 30 af stærstu fyrirtækjum landsins. Hlutfallslega eru þetta þá 0,0357 prósent. Frá þessu greindi DDRDK. Hagsmunir fara ekki saman. Flóttamenn eru í leit að skyndigróða til að senda hann heim, úr landi. En fyrirtækin sækast ekki eftir þannig starfsfólki. Föru- og flóttamennirnir kunna ekki tungumálið, eru illa menntaðir og sú menntun sem þeir hafa, er ekki réttindalega hægt að viðurkenna án þess að eyðileggja réttindi annarra og almennt. Sótt er því í láglaunastörf, verkalýðsfélögum Þýskalands til mikils ama og ótta. Þau heyja harða baráttu gegn risavöxnum láglaunageira landsins, sem slær sífellt botninn úr lægstu launum sem eru svo hrikalega lág að milljónir af heimilum með tvo útvinnandi í fullu starfi, neyðast samt til að vera á bænum að hluta til

Telst hinn risavaxni láglaunageiri Þýskalands til pólitískra afreka sósíaldemókratans Gerhard Schröder, sem var kanslari Þýskalands frá 1998 til 2005, og sem situr nú sem stjórnarformaður í fyrirtæki hins rússneska orkufyrirtækis Gazprom

Handlesblatt er svo ég viti til, fyrsta þýska blaðið sem spyr þeirrar spurningar í fullu dagsljósi hvort að stærsta og kerfislega mikilvægasta fjármálastofnun Þýskalands, Deutsche Bank, sé komin í þá stöðu að ríkisstjórn Angelu Merkel verði að bjarga bankanum frá gjaldþroti eða þjóðnýta hann. Um leið fellur Ítalía og önnur lönd á barmi evruskapaðs þjóðargjaldþrots í ESB

Barist er nú í vopnuðum stríðsátökum á jöðrum Evrópska landmassans, og innan Evrópu hitna kolin dag fyrir dag. Fleiri spennu- og ófriðarsvæði innan Evrópu eru ennfremur að hitna upp. Austurhvel jarðar, þ.e. Evrópu-Asíu-landmassinn, er nú kominn í sömu eða svipaða uppstillingu á hinu geopólitíska skákbretti eins og hann var í aðdraganda Síðari heimsstyrjaldar. Þessi staða hefur ekki sést síðan þá. Pólitískur strúktúr þessa helmings jarðkringlunnar er að leysast upp

Hvað Bandaríkin varðar, þá hafa þau hörfað heim og eru einnig komin í sömu geopólitísku stöðu á skákbrettinu og var þegar Síðari heimsstyrjöldin skall á. Og þau munu halda sig víðsfjarri Austurhveli jarðar og spara kraftana, nema í beinni samvinnu, framhjá NATO, við strategískt ákveðin lönd á ákveðnum pólitískum háhitasvæðum, eins og til dæmis Pólland. Kyrrahafsflotinn heldur þó enn siglingaleiðum opnum. Fáir hafa enn gert sér grein fyrir þessari framvindu þjóðaröryggisstefnu Bandaríkja Norður-Ameríku. Forsetakosningar skipta hér engu máli og hafa engin áhrif á geopólitíska þjóðaröryggisstefnu Bandaríkjanna. Hún stendur algerlega óhögguð frá því að bandaríska lýðveldið varð til

Ísland, ásamt Bandaríkjunum og Bretlandi, er á Vesturhveli jarðar

Fyrri færslur

ESB-fræðingarnir: evran mun ekki lifa af

Íslenskri táningsstúlku nauðgað í Danmörku


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband