Leita í fréttum mbl.is

Færsluflokkur: Stjórnmál og samfélag

Engir rafbílar segir Apple

LÍKAR ÞETTA

Ginni Rometty forstjóri IBM og Tim Cook forstjóri Apple

Jarðsamband: Arftaki Steve Jobs hjá Apple, Tim Cook forstjóri Apple - í samræðum við Ginni Rometty nýlega fráfarandi forstjóra IBM

****

TÍMINN STILLTUR RÉTT

"Oft er hægt að vera stoltur af því sem maður aldrei gerði", sagði Steve Jobs

Þess vegna tilkynnti Apple í gærkvöldi að fyrirtækið muni ekki fara út í framleiðslu á rafbílum. En Apple Inc. hefur í meira en 10 ár lagt stund á rannsóknir á fyrirbærinu. Í gær tilkynnti Apple svo að niðurstaðan af þeim rannsóknum sé sú að framtíðin spili ekki með þeim sem framleiða og selja rafbíla

Apple cancels secretive electric car project in shift to focus on AI
FT UK homepage, 27 Feb 2024 21:16
Company ends decade-long research effort as electric vehicle industry loses momentum | krækja

Satt að segja held ég að Apple hafi aldrei á neinu tímabili álitið að rafbílar væru annað en veruleikafirrt leikrit sem fyrirtækið neyddist til að þykjast taka þátt í vegna þrýstings frá bæði stjórn og svo kölluðum "aðilum markaðarins" og æpandi sértrúarsöfnuði stjórnmálamanna, fjölmiðla, sérfræðinga og tæknitæknum á borð við keppinauta

Og nú þegar allur rafbílabransinn er kominn í hinar verstu ógöngur með sína fyrirfram vonlausu tækni, þá hefur Apple álitið að nú væri rétti tíminn til að melda hreint út með það að þeir ætli sér áfram að vera stoltir af því sem þeir létu aldrei tilleiðast að taka þátt í, þrátt fyrir gífurlegan utan að komandi þrýsting

Ef það er eitthvert fyrirtæki sem þekkir takmarkanir rafhlöðutækninnar, þá er það Apple

Það er aðdáunarvert að hafa svona getu til að humma þvælur fram af sér og komast vel frá því. Bréfin í Apple eru að minnsta kosti ekki niður-á-við eftir tilkynninguna. Þau eru upp-á-við

Það skemmtilega er síðan það að Apple sagði við sama tækifæri að þeir myndu flytja hluta af þeim mannskap sem fengist hefur við "rafbílana" yfir í "gervigreindarrannsóknir". Að segja slíkt er sterkur leikur því þannig verst fyrirtækið rétttrúnaðarkirkju þeirrar "tækni" og getur hummað þá þvælu fram af sér eins og þeir hummuðu rafbílaþvæluna burt. Þ.e. á meðan verið er að sturta henni niður. Og það mun taka tíma, því fúlgurnar í gervigreindarbólunni eru orðnar stærri en þær voru í dot.com bólunni þegar fjárfestar gengu á vatni

["þvaðrið um gervigreind undanfarin ár var að sjálfsögðu ekkert annað en múgsefjun á borð við "deilihagkerfið", "fjártækni-fyrirtæki", "græna hagkerfið", "rafmyntir", "sjálfkeyrandi bíla", "örbrugghús", "ping-pong-borð" og "rafmagnsbíla" ásamt þeirri staðreynd að allar þessar þvælu-bólur eiga heimkynni sín innan í risabólu-þvættingnum um "hlýnun jarðar af mannavöldum"] | hér

Innilega til hamingju með góða og rétta ákvörðun Apple. Tímasetningin er stjórnviskulegt afrek

Fyrri færsla

Grafa upp gamlar sprengjur og senda áleiðis til Úkraínu


Grafa upp gamlar sprengjur og senda áleiðis til Úkraínu

Púðurframleiðsla í BNA 2023-04-26

Mynd: Wall Street Journal 26. apríl á síðasta ári: Púðurframleiðsla í hvellhettur alls herafla Bandaríkjanna 2023

****

SKOTFÆRASTAÐA NATO-RÍKJANNA EKKI LENGUR ÞURRAUSIN

Sérfræðingar Hugveitu atvinnulausra viðskiptafræðinga í vestrænum varnarmálum (Havvv) telja að NATO-ríkin --sem í 30 ár hafa neitað að fjármagna varnarmátt bandalagsins undir viðstöðulausri útþenslu þess í austur-- hafi heldur betur dottið í lukkupottinn með því að finna í jörðu niðri í Bretlandi gamlar ósprungnar sprengjur úr Síðari heimsstyrjöldinni. Rússar sem unnu þá heimsstyrjöld í Evrópu, segja að þessar sprengjur séu að öllum líkindum þýskar. En þeir segja einnig að það vanti kústskaftið á þær, þannig að óvíst sé hvort í þeim heyrist ef þær springa. Framan á þessum sprengjum er þó sjálfbært höfuð af notuðum strákústum og telja sérfræðingar Havvv að það muni öllu máli skipta, því þar með verða sprengjurnar vistvænar og sjálfbærar á skaftinu. Unnið er nú að því að senda þessar sprengjur til Úkraínu með óseljanlegum nýjum og notuðum Tesla-rafbílum, því öruggt þykir að þeir komist aldrei á áfangastað - og verði örugglega ekki stolið

Púðurskúrinn 2023-04-26

Mynd: Wall Street Journal 26. apríl á síðasta ári: Púðurframleiðsluskúr alls herafla Bandaríkjanna 2023 að utan

****

Síðasta púðurframleiðsla stóru NATO-landanna sprakk í loft upp í Bandaríkjunum fyrir nokkrum árum og er verið að endurbyggja hana með innfluttu vinnuafli og með aðstoð raforku framleiddri úr rússnesku úrani, sem knýr 60 prósentur af framleiðslugetu bandarískra kjarnorkuvera. En Bandaríkin hættu sjálf framleiðslu á úrani á síðasta áratug síðustu aldar. Úranið í orkuver Bandaríkjanna kemur því að mestu frá Rússlandi og fyrirtækjum Rosatom í Kasakstan. Bandaríkin hafa fram að þessu látið sér mjög annt um að ríki Evrópu noti ekki innflutta orku frá Rússlandi, því þau sjálf þurfa á henni að halda. Svipað gildir um örgjörva þar vestra og er því gripið til þeirra hvar sem til sjálfvirka þvottavéla næst

Fyrri færsla

Geðsýki ræður NATÓ-för


Geðsýki ræður NATÓ-för

STUNDARFJÓRÐUNGI Í GRÁTUR

Theresa May - gettu hvað

****

HVORT SKYLDI ÞAÐ NÚ VERA?

Í 15 ár vöruðu Rússar NATO-ríkin við útþenslu bandalagsins í austur. Og þegar Berlínarmúrinn féll var Rússum lofað að NATO myndi ekki þenja sig eina tommu lengra út í austur. Ekki eina tommu! Prinsippið um að ríki geti ekki aukið þjóðaröryggi sitt á kostnað þjóðaröryggis annars ríkis á sérstaklega við um nágrannaríki. Gæti menn ekki að sér þá getur komið til stríðs

Í dag er sagt að Rússar séu að munda sig við að ráðast inn í hin og þessi ríki Evrópu. Í gær var hins vegar sagt að þeir gætu ekkert og væru ekkert, nema þá helst núll og nix. Og að engin ástæða væri til að hlusta á neitt sem frá þeim kæmi, enda var það ekki gert, heldur bara í þá potað og potað í heil 15 ár

Í eftirrétt hjá vitfirringaveldi NATO í Brussel er svo boðaður fastur úrgangur af hlaðborðum hugsýkisveitna hinna nú innvortis rotnandi NATO-ríkja, sem viðstöðulaust boða að rússneska hagkerfið sé á stærð við baunina inni í hausnum á tvíburatrúðnum Johnson-Biden, eða jafnvel melónu á Ítalíu. Allar, næstum undantekningarlaust, eru þessar hugveitur vesturlanda mannaðar fábjánum af verstu sort; háskólamenntuðum menntasnobbs-sérfræðingum í apafræðum og sem nú þegar hafa rústað vesturlöndum, eins og bæði finnst og sést

Maður gapir af undrun yfir heimsku þeirra sem láta sig hafa það að boða að gangi ríki-X ekki í NATO að þá ráðist Rússar á það - og ef það gengur í NATO þá ráðist Rússar líka á þá af því að það gekk ekki í NATO fyrr en klukkan kallaði núll fimm eftir miðnætti. Sem sagt: gangir þú ekki í NATO þá ráðast Rússar á þig, því það er svo mikil vörn í NATO. En ef þú gengur ekki í NATO þá er einnig sagt að þá muni Rússar ráðast á NATO af því að þú ert ekki í því. Allir vita að þetta er grjónaþvæla af verstu stríðsmangara-sort

En það sem er hins vegar mun verra, er að þetta afhjúpar einnig lygaþvættinginn sem viðhafður var að miklu leyti í Kalda stríðinu á vesturlöndum. Nú trúir fólk næstum engu af því sem þá var sagt hér heima og víðar um það. Nú sér óbilað fólk nefnilega hvernig NATO-skápurinn sá er innréttaður

Dagskrá Adolfs Hitlers gagnvart Rússlandi frá því í júní 1941 ræður því enn för innan NATO. Það var nefnilega eftir allt saman ekki kommúnisminn sem NATO snérist um - og í nýlegu viðtali við ítalska dagblaðið Corriere della Sera staðfestir Angela Merkel einmitt það, því hún segir þar "að Kalda stríðinu hafi aldrei lokið vegna þess að þar tókst ekki að gera útaf við Rússland". Þá vitið þið það

Og aldrei á ævinni hefur maður séð annað eins samansafn af framleiðnitortímandi fáráðlingum sem eru svo miklir heimsmála-sérfræðingar að þeir eru með öllu óhæfir til að vera hluti af raunhagkerfum vesturlanda, sökum yfirnáttúrlegrar sérfræðiþekkingar sem aðeins getur átt við um atburði í teiknimyndasögum á öðrum plánetum. Fari þetta framleiðnitortímandi fíflaveldi sérfræðinga til fjandans, því það á alls ekki heima á vesturlöndum. Svona fífl geta varla lengur átt heima hér, því tilvist þeirra er að kála vesturlöndum og hagkerfum okkar öllum

Og auðvitað er hrun í aflátsbréfalegri guðfræðisölu rafbíla út um öll þessi nú vesælu vesturlönd co2-klerkaveldisins. Geymsluþol algjörs trúarbragðaþvættings er ekki lengra en þetta. Það sama á við um rafbíla og NATÓ-PLATÓ. Þvættingurinn um þessi fyrirbæri lifir ekki veruleikann af. Lifir ekki sérfræði-gangster-element vestrænna stjórnmála af. Þarna þarf greinilega ekki að gróðursetja fullt af sænskum trjám --á þeim stendur ekkert-- því við erum nú þegar með heilan frumskóg af þeim, hér og nú!

Kannski lagast þetta þegar Mexíkó gengur í kínverskt varnarbandalag og herstöðvar þess opna við suðurlandamæri Bandaríkjanna. Það styttist óðum í þá stöðu sýnist mér. Áætlunin óhugsandi gæti jafnvel sannað það nú þegar. Skjalaskáparnir fyrir hinar og þessar "áætlanirnar" voru ekki bara í Moskvu. Rússar fylgdust því að sjálfsögðu vel með og gera enn. Þeir vita að geðsýkin og vitfirringin kom úr vestri, öldum saman

Fyrri færsla

"Að sögn" háttsettra í loftbelg


mbl.is Líklegt að ráðist yrði á Keflavíkurstöð í stríði
Tilkynna um óviðeigandi tengingu við frétt

"Að sögn" háttsettra í loftbelg

Joe Biden Poland Screen Shot 2023-02-23

Mynd: Aumkunarverður Joe Biden forseti Bandaríkjanna skríður upp tröppurnar í forsetaflugvél Bandaríkjanna í Póllandi í fyrra. Athugið að skriðhallinn á Biden þarna í stiganum er nákvæmlega sá sami og sést á myndinni af sovésku S-75 loftvörnunum sem skutu B-52 sprengjuþotur Bandaríkjanna niður yfir Víetnam. En þar háðu Bandaríkin stríð við svo gott sem varnalaust fólk og sem þau töpuðu, eins og öllum þeim stríðum sem Bandaríkin hafa stofnað til í kjölfarið

****

"Að sögn" (í fréttalygahætti) háttsettra Pentagónara hyggjast Rússar með þessu sprengja Bandaríkin úr hlátri innan skamms. Og það getur verið hættulegt fyrir úrkynjunarmiðstöðina Hollywood, sem þá yrði af tekjum til að múra sig inni og stunda varasprengingar

Óttast er nú, "að sögn" háttsettra, að loftbelgurinn Pentagon breytist í alvöru loftbelg sem tengist internetinu á jörðu niðri í Bandaríkjunum, eins og sá kínverski gerði og sem skotinn var niður yfir Bandaríkjunum í fyrra. Því miður er enn ekki vitað hvort að kínverski loftbelgurinn sá hafi greitt fyrir beintenginguna við gagnsleysismiðstöðvar Pentagons. En þar er aðalbrandari Bandaríkjanna varðveittur með aðstoð 128-skyndibítandi heilabilana

Klepptæka Pentagonliðið þarf að finna upp eitthvað fréttnæmt á hverjum degi, því annars standa gagnsleysismiðstöðvar þess naktar - og með öllu óverjanlegar

Fyrri færsla

Skuldir Bandaríkjanna smámunir miðað við allt hitt


mbl.is Rússar taldir vilja kjarnavopn á sporbaug
Tilkynna um óviðeigandi tengingu við frétt

Skuldir Bandaríkjanna smámunir miðað við allt hitt

Upptaka: Frækileg för Rússa, en vestrænar bifreiðar á jörðu niðri glíma í dag við sama skynjarahelvíti og Rússar glímdu við þarna úti í geimnum árið 1985

****

SKULDIR, VERÐBÓLGA OG STÖÐNUN HNIGNUN

Skuldastaða hins opinbera í Bandaríkjunum er smámunir miðað við flest önnur verst-rænd lönd vesturlanda vegna þess hversu lágir skattar í Bandaríkjunum eru sem hlutfall af landsframleiðslu. Greiðslugeta Bandaríkjanna er því óendanlega stór miðað við til dæmis næstum öll ríki ESB-Evrópu

Skattar sem hlutfall af landsframleiðslu Bandaríkjanna eru í kringum 27 prósentur. En í löndum Evrópusambandsins –þar sem kúlakar (sjálfseignarbændur) valda pólitískum usla í dag með því að standa í vegi fyrir nýja rauðkommagræna evrópumenninu– eru skattar komnir upp í og yfir 40 prósentur af landsframleiðslu. Greiðslugetan í erfiðu árferði er því ekki lengur til staðar í ESB-löndunum, nema þá með því að dauðrota þá sem enn hafa fyrir því að standa fyrir landsframleiðslunni - og þá um leið einnig þá sem neyta hennar og nota. Þannig er það ekki í Bandaríkjunum, enn sem komið er

Ef það er eitthvað sem Bandaríkin þurfa ekki að hafa áhyggjur af núna, þá er það skuldastaðan. Margt annað er hins vegar orðið þannig að Bandaríkjamenn ættu frekar að hafa þungar áhyggjur af því. Til dæmis hafa Bandaríkin fyrir langa löngu tapað vopnakapphlaupinu við Rússland og eru á leið með að tapa því gagnvart fleiri ríkjum. Þau hafa einnig tapað tækni-, menningar- og menntakapphlaupi. Bandaríkin eru að því leytinu í innvortis hrunferli

Álykta því ég; að seðla-Powell sé hér frekar að undirbúa komandi 20-ára verðbólgutímabil þar sem skuldir verða brenndar niður, því hann veit ofurvel að ekkert þýðir að eiga við stjórnmálamennina. Þannig losuðu því sem næst þjóðargjaldþrota Bretar sig við skuldirnar vegna Síðari heimsstyrjaldarinnar. Með verðbólgubruna. Jerome Powell stendur því við vaskinn núna og þvær hendur, fyrirfram; "seðlabankinn varaði ykkur við, en þið stjórnmálamenn sinntuð málinu ekki"

Verðbólgan er ekkert á förum á hratt innvortis rotnandi Vesturlöndum, þó svo að pásur myndist inn á milli. Bíðið þið bara...

BEINTENGT ?

Victor Davis Hanson - um fall Rómarveldis - í vestri

Fyrri færsla

Forsetinn og meiri-hluta-þvættingurinn


mbl.is Skuldastaða Bandaríkjanna ósjálfbær
Tilkynna um óviðeigandi tengingu við frétt

Forsetinn og meiri-hluta-þvættingurinn

Grettir Björnsson leikur hina mögnuðu og ódauðlegu Austfjarðarþoku eftir Inga T. Lárusson

****

UM FREKAR STUNDVÍSAN ÞVÆTTING Í AÐDRAGANDA FORSETAKOSNINGA

Ef kjósa á um hvar höfuðborg lands á að vera, þá er nóg að úr því sé skorið með því að sá bær eða sú borg sem fær flest atkvæði hljóti kosningu sem höfuðborg. Óþarfi er krefjast þess að sú borg sem fái meiri hluta atkvæða kjósenda sé valin, því sú staða næst yfirleitt aldrei, nema þá með því að beita gervilýðræði sem felst í því að fækka valkostum þannig að enginn kjósandi fengi þá niðurstöðu sem hann óskar sér, eða jafnvel niðurstöðu sem fengi minni raunverulegan stuðning en fyrsti bær á listanum fengi þegar menn láta sér nægja að sá bær sem fái flest atkvæði verði fyrir valinu

Til dæmis er hálf einræðisherralegur forseti Frakklands, samkvæmt endalaust útópískum stjórnarskrám í óteljandi útgáfum, yfirleitt kosinn í tveimur umferðum þar sem niðurstaðan í síðari umferðinni er allt önnur en niðurstaðan úr þeirri fyrri. Þarna eru kjósendur yfirleitt ekki að fá það sem þeir vilja heldur er verið að etja þeim gegn hvor öðrum til að koma í veg fyrir að niðurstaðan úr fyrstu umferðinni ráði úrslitum. Þarna ganga þá kosningarnar út á að koma í veg fyrir X eða Y, í stað þess að stuðla að því að þjóðarviljinn eins og hann best getur orðið nái fram að ganga. Þetta er hræðslukerfi. Ekki er verið að láta þjóðarviljann eins og hann í raun er koma til að minnsta kosti framkvæmda eins og best getur orðið. Þarna mun alltaf ríkja ófriður og fátt ganga upp nema þá helst það að koma í veg fyrir eitthvað, í stað þess að stuðla að einhverju. Þetta kerfi jafngildir því að brenna niður þá bæi eða borgir sem hlutu kjör sem höfuðborg þar til aðeins einn bær eða borg stendur eftir á listanum og sem þá er sjálfkjörin. Slíkt er ekki lýðræði heldur hræðsluræði

Aþena hin forna var slæmt dæmi um meirihluta-hræðsluræði fyrir hádegi, og annað eftir hádegi

Forseti Íslands er höfðingi þjóðarinnar eins og hún best getur komið sér saman um. Hann er höfuðborgin í mannsmynd og hann gæti haft aðsetur hvar sem er í landinu, ákveði Alþingi það

Reykjavík ætti til dæmis, að mínu mati, ekki að vera höfuðborg Íslands lengur, því hún er að breyta sér í gettó og sveitarstjórnarfarslegt misfóstur á borð við Heiðnikirkjuveldi háskólans, þar sem turn-truntur predika ýtrasta þvætting úr turnspírum. Reykjavík á titilinn sem höfuðborg landsins ekki skilið lengur. Reykjavík er búin að vera. Hún er mannfjölda hræðsluræði aðeins. Forseti Íslands býr því ekki þar, skiljanlega, því þar myndi hann farast

Forsetinn er fyrstur meðal jafningja, oftast nær. Og þannig á það að vera. Innfluttur konunglegur plebbi, annar af tveimur, frá Danmörku, er það ekki

Allir forsetar Íslands hafa verið miklu betri en lögsambærilegir forsetar erlendis

Gleðilegt nýtt ár  

Fyrri færsla

Gervigreindar-fellibyl í vatnsglösum lokið


Gervigreindar-fellibyl í vatnsglösum lokið

Snilld: Sprett úr spori með Gretti Björnssyni - eftir Grettir Björnsson

****

BYL SLOTAR

Eftir að 12-mánaða fellibylur af bjánum í vatnsglösum lagði sig í síðustu viku, þá stendur það eitt eftir að gervigreind snýst um betri kóða en ekki greind, því tölvur geta aldrei orðið greindar né öðlast neitt í líkingu við gáfnafar, né heldur framleitt neitt slíkt. Tölvur eru og verða dauðir hlutir og munu því aldrei aldrei geta það sem lifandi fruma getur: fjöldaframleitt samtíma- og eftirmenn sína sjálf

Gervigreinda spjallmennið sem í 12-mánuði hefur leikið svo marga grátt, hefur nú sem undarverk lagt sig til hinstu hvílu fyrir tilstilli jafnvel aðeins þriggja blautra handklæða á snúrustaur. Spurningunni um hve lengi tólf handklæði á snúrustaur úti í garði væru að þorna, fyrst að þrjú handklæði á sama staur væru þrjár klukkustundir að þorna, var af spjallmenninu svarað af slíkri "greind" að ekki er hægt að hafa það eftir. Slíkt er einfaldlega ekki á borð berandi fyrir lifandi verur

Og viti menn. Eftir 60-mánaða storm í vatnsglösum greiningardeilda stórbanka á borð við Morgan Stanley, er niðursuðan á gervigreind orðin að eftirfarandi horslettu á þerripappír frá þeim: Jú gervigreind eða vélgreind er orðin að betri kóða og náttúrlega engu öðru. Ekkert merkilegt er á ferðinni, fyrir utan blautu handklæðin, og lítið merkilegt mun koma annað en það sem til dæmis nýr iPhone er nú þegar með og verður sífellt meira með; þ.e. betri kóða til handa betri örgjörvum sem geta meira og sem engar ofurtölvur þarf lengur til að keyra. Það er bara nóg að hafa til dæmis A17 Pro SoC örgjörva-kerfi Apple á örflögu, því hún getur framkvæmt 35 billjón aðgerðir á sekúndu og er sú flaga nú þegar um borð í iPhone 15 Pro- og Max útgáfunum, og sem enga gervigreind þarf til að kaupa og nota. Sérhæfðar rannsóknarstofur sem fást við til dæmis merkja-greiningar sem hjálpað geta að sumu leyti til við rannsóknir á til dæmis þróun sjúkdóma þurfa náttúrlega öflugri græjur, en við öðru var hvort sem er ekki að búast á því þrönga sviði, sem alls ósýnilegt með öllu er almenningi veraldar - og þannig hefur þróunin í þeim geirum alltaf verið

Samt treystir Morgan Stanely stórbankinn sér ekki til að spá fyrir um verðþróun hlutabréfa í Apple lengra en kannski tvo mánuði fram í tímann. Bankinn er þannig með 210 USD í 12-mánaðaspá sem er 14,8 prósentu hækkun miðað við lokun markaða í gær og sem litla greind og enga greiningardeild þarf til að sjá og spá fyrir um að náist í hús á næstu örfáu mánuðum, þekki maður Apple-fyrirtækið jafnvel og bankinn ætti að gera. En auðvitað vita stórbankamennin hjá Morgan Stanley að þeir vita ekkert annað en það sem mögulegt er að vita: þ.e. að um betri kóða er einungis að ræða og að þvaðrið um gervigreind undanfarin ár var að sjálfsögðu ekkert annað en múgsefjun á borð við "deilihagkerfið", "fjártækni-fyrirtæki", "græna hagkerfið", "rafmyntir", "sjálfkeyrandi bíla", "örbrugghús", "ping-pong-borð" og "rafmagnsbíla" ásamt þeirri staðreynd að allar þessar þvælu-bólur eiga heimkynni sín innan í risabólu-þvættingnum um "hlýnun jarðar af mannavöldum", þ.e. í risabólu af völdum rómantískrar náttúrudýrkunar albjána, sem áður, í töluvert langri sögu mannkyns, neyddust til að láta sér nægja að faðma tré og drekka hina nýju kaffiplöntu hins nýja Vesturheims úr trjábarkarbollum og dansa hinn nýja Indíánadans eins vel og þeir gátu, til að fá nú að vera með og predika nýju vísindin yfir lýðnum við heimkomuna

Dansið því endilega, það er alltaf betri kóði í aðsigi, nema náttúrlega í Evrópusambandinu sem orðið er fastlæst í óstöðvandi hringiðu hnignunar (hvað sagði ég)

Google rafmagns-strætisvagn nóvember 2023

Mynd: Alrafmagnsknúinn strætisvagn frá Google missti aflið á leið upp Castrostræti í San Francisco í þessari viku, með þeim afleiðingum að hann rann afturábak niður brekkuna og varð þar með sjálfkeyrandi og klessti 7-9 bíla í leiðinni og sendi fólk á sjúkrahús. Eru níðþungar og sílekandi rafhlöður vagnsins að öllum líkindum hlaðnar með dísilknúnum rafstöðvum. Gerist Græni-geðsjúkdómurinn varla sýnilegri en þetta. Krækja

EFTIRMÁLI

Það fyrsta sem gerist þegar bólur springa og falla saman, er það að sérfræðingarnir sem skapa þær koma þá skyndilega og illa leiknir út úr loftköstulum sínum og beita "tímaskalanum" fyrir sig: "þetta tekur greinilega miklu lengri tíma en ég hélt", segja þeir, eins og Francois Chollet "gervigreindarsérfræðingur" hjá Google sagði í síðustu viku: "Fyrir sex árum héldu allir, og þar á meðal ég sjálfur, að bílar gætu ekið sér sjálfir árið 2023"

Þessi Google-maður er auðvitað bara venjulegur bjáni og grasasni í níðþröngu og lokuðu 101-bóluglasi, þó svo að hann geti ýmislegt annað en að vera bara venjuelgur bjáni. Bílar munu nefnilega aldrei geta ekið sér sjálfir, nema ef væri á lokuðu og mannlausu vernduðu svæði og varla það, eins og best sést á járnbrautarlestum í 5000 tonna blóðklessuformi þar sem mannslíkin bara hrannast upp

Síðan tekur við tímabil aðgerða- og vonleysis þar sem sérfræðingarnir bakka sjálfum sér inn í skúrinn á ný. En síðan koma þeir út aftur og blása og búa til súrefnið sem menn anda að sér í ráðuneytum hinna helgrænu grasasna, og svo koll af kolli

Það hefur alltaf verið miklu auðveldara að blekkja fólk, en að segja því að það hafi verið blekkt, því að viðurkenna slíkt krefst sjálfsgagnrýni

Fyrri færsla

Sjálfstæð "Palestína" sýnir morðgetu sína á tvo kanta


Sjálfstæð "Palestína" sýnir morðgetu sína á tvo kanta

Gaza-svæðið er í reynd eins konar sjálfstætt ríki með eigin ríkisstjórn. Ísrael hersetur það ekki frá og með 2005 og er ekki með hermenn þar. Og það eru engin búsetusvæði Gyðinga á Gaza. Reyndar hafa Gazamenn séð til þess að engir Gyðingar búi á Gaza, því samkvæmt þeirra höfðum á Gaza-svæðið að vera, og er, "judenfrei" eða júðahreint eins og Adolf Hitler kanslari Þýskalands orðaði og vildi hafa það - alls staðar í heiminum

Þetta eins konar sjálfstæða Gaza-ríki hefur nú sýnt hvað í því býr og hverslags stjórnarfar þar ríkir. Þeir sem endalaust hafa talað fyrir að "tveggja-ríkja-lausn" "leysi málin" fyrir botni Miðjarðarhafs, hafa hér með fengið það sem þeir vildu: heilsteypt og sjálfstætt hryðjuverkaríki er nefnist Gaza, þar sem enginn Gyðingur býr

Tvær milljónir Araba búa hins vegar í Ísraelsríki og eru með ísraelskan ríkisborgararétt og vilja að sjálfsögðu ekki búa í helvíti hryðjuverkaríkis, heldur í Ísraelsríki

Lesendur athugi að það eru engir sérstakir "Palestínuarabar" til. Palestína er grískt nafn sem klínt var á konungsríkið Ísrael í fjarveru þjóðar sem þá hafði verið gerð útlæg úr landi sínu af heimsveldi sem í dag líkist Evrópusambandinu. Það var 700 árum fyrir Krist

Í dag herjar hið sjálfstæða ríki Gaza bara á ríki Gyðinga. Takið eftir að Gaza-ríkið herjar ekki á landamærin í vestri sem snúa að Egyptalandi, því þar eru engir Gyðingar, heldur arabar sem ekkert vilja með Gazamenn hafa

Ísraelar skaffa hins vegar Gazabúum rafmagn og hleypta inn til þeirra vörum og olíu og öllum hinum mikla "stuðningi" til áframhaldandi hryðjuverka sem streymir til Gaza frá Vesturlöndum, sökum þess að Vesturlönd hvíla á siðferðilegum sökkli Gamla testamentisins - eða hvíldu að minnsta kosti á þeim sökkli, þar til þau, eða visst fólk innan þeirra, hófu stuðning við til dæmis hryðjuverk en sem í raun er illkynja blanda af friðþægingarstefnu, dyggðflöggun og illkynja vinstrimennsku

Öll þau ríki sem neitað hafa að hvíla á hinum djúpa og bjargfasta siðferðilega sökkli Gamla testamentisins og sem Vesturlönd sköpuðust upp af, og hvíla á, og sem veist hafa að Gyðingum af því að þeir eru Gyðingar, liggja hins vegar í rúst í ruslatunnum sögunnar. En einmitt þeim ríkjum fylgja Gazamenn nú til heljar. Og á hinni löngu leið til heljar, sem Gazamenn fylgja, liggja Faraóar, Amalekítar, Rómverjar og Nasistar sem gjall á veginum út um allt, því þessir neituðu að hvíla á hinum siðferðilega sökkli Gamla testamentisins og töldu sig frjálsa til að útrýma smáþjóðum á borð við Gyðinga

Sem betur fór réðu Rússar niðurlögum hins yfirþýska imperíal-morðgengis nasista, því hvorki Frakkar, Bretar né Bandaríkjamenn höfðu kjark né getu til þess, því illkynja smit heimsvaldasinnans Hitlers náðu vítt og breitt út til heimsbyggðarinnar og átti það gengi mikla stuðningsmenn í valdastöðum á Vesturlöndum, og eiga enn, eins og sést á aðförinni að Rússlandi sem hófst 1941 og stendur yfir enn. Þannig fögnuðu þingmenn Kanada stormsveitar-nasista Hitlers um daginn með tvöföldu standandi lófaklappi í þinghúsi þeirrar þjóðar í Norður-Ameríku, sem virðist vera að breytast í heimsálfu sem fest hefur sig í sessi á afglapaskarði

Bandarísk herskip undan ströndum Ísraels liggja því ekki þar til verndar Ísraelsríki, heldur til stuðnings klerkaveldi Írans. Með öðrum orðum; til að koma í veg fyrir að Ísrael raski heimskuveldi Hvíta hússins á afglapaskarði

USCENTCOM eða "U.S Central Command" með aðalstöðvar sínar í Katar sér um aðgerðir þessara herskipa og eru þær slóðir lítið annað en Hamas-sjoppa er skaffað hefur Hamas búðarglugga til að selja sig í á þeim peningaflæðis-slóðum

Íranaðdáandinn Robert Malley úr friðþægingarteymi Baracks Obama leiðir nú samningateymi Bidens stjórnarinnar á afglapaskarði við Íran - eða réttara sagt hann leiðir peninga-á-pöllum-til-Klerkaveldis-stefnu Bidens í nafni "samþættingar"- og fjölhelvítisbreytileikanna. Eru Bandaríkin og Norður-Ameríka öll því orðin svo langt leidd á afglapaskarðinu sem þau grófu sér, að þau eru hvorki fær um að reka innanríkis- né hvað þá utanríkispólitík í löndum sínum

En nú vita hirðfífl Vesturlanda í hvað stuðningurinn frá þeim til "Palestínu" hefur farið. Hann fór í að grafa jarðgöng undir Ísrael, kaup á þúsundum eldflauga og vopnum, og til skipulagningar á því hvernig þurrka skuli Ísraelsríki út af yfirborði jarðar

Fyrri færsla

Benjamín Netanyahu hringdi strax í Zelensky. Hvers vegna?


Benjamín Netanyahu hringdi strax í Zelensky. Hvers vegna?

Hvers vegna hringdi Benjamín Netanyahu forsætisráðherra Ísraels einna fyrst í Kænugarðs-Zelensky? En það gerði hann þegar á fyrsta sólarhring árásar Hamas á Ísraelsríki

Ef það var ekki Netanyahu sem hringdi þá var það Zelensky sem gerði það, því skýrt var látið vita að samtal milli þeirra fór fram

Sem sagt: Ísraelsríki verður fyrir árás á sjálfa tilvist sína, því yfirlýst markmið Hamas er að þurrka Ísraelsríki út. Og eitt það fyrsta sem forsætisráðherra Ísraels undir árás gerir, er að hringja í eða taka á móti símtali frá gerspilltum Kænugarðs-Zelensky

Hvað fór þeim á milli?

Mín ágiskun:

a) Ef það var Zelensky sem hringdi þá sagði hann líklega: "það var ekki ég sem seldi þeim vopnin"

b) Ef það var Netanyahu sem hringdi, þá sagði hann líklega: "Hamas hefur ráðist á okkur með vopnum og peningum frá þér"

Á fyrstu 30 árum tilvistar Ísraelsríkis byggðu Gyðingar í sárum upp glæsta höll á hæstu hæð, þar sem áður var visnuð ruslahrúga

Á fyrstu 30 árum Úkraínu sem sjálfstæðs ríkis, frá upphafi tímatals, þá byggðu þarlendar ríkisstjórnir upp hvað? Jú fátækasta ríki Evrópu í auðlindaríkasta landi álfunnar. Byggt var niður, bæði efnahagslega og stjórnarfarslega. Það eina sem byggt var upp, var spilling og fátækt

Og síðan hófu Kænugarðsmenn að slátra Rússum árið 2014, með aðstoð Bandaríkjanna (NATO) - sennilega fyrir peninga

Fyrri færsla

Hlýtur að vera Rússum að kenna [u]


Hlýtur að vera Rússum að kenna [u]

ALLT RÚSSUM AÐ KENNA

Þarna sést að Rússland stendur auðvitað fyrir þessu stríði á hendur Ísraelsríki því það flutti jú sendiráð sitt til Jerúsalem og það sendi ekki þá sex milljarða dala sem Biden-stjórnin lofaði írönskum eigendum Hamas fyrir að láta fimm Bandaríkjamenn lausa úr haldi þann 19. september síðastliðinn

Einnig er það náttúrlega og að sjálfsögðu Rússum að kenna hversu Biden-stjórnin í Washington hefur verið fjandsamleg í garð Ísraela, einkum Benjamíns Netanyahu, en vinveitt eigendum Hamas í Íran. Bandaríkin fjármagna því ef til vill óbeint eins konar stríð á hendur Ísraelsríki og það er að sjálfsögðu Rússum að kenna - eins og allt annað sem gerist og gerist ekki í þessum heimi

Hvað skyldi Hillary Clikkton hin fremsta klikk-stjarna Bandaríkjanna á sviði atvinnu-Rússahaturs segja núna. Jú hún mun segja: Hvað sagði ég? Allt Rússum að kenna!

At all costs, America believes that it must do whatever is necessary to prevent the Israeli state from exercising its sovereign right under Bibi’s restored leadership to balance between the US-led West’s Golden Billion and the Sino-Russo Entente in the New Cold War instead of decisively take the former’s side against the latter. ]

Það kæmi mér alls ekki á óvart ef að hin Ísraelsfóbíska og Rússahatandi vinstristjórn í Washington stæði að baki þeim innri óróa og ólgu sem plagað hefur Ísrael undanfarin tvö ár - með það fyrir augum að koma þar á innri óstöðugleika sem leitt gæti til innri upplausnar, eins og Bandaríkjastjórn reyndi í Hvítarússlandi í fyrra undir stjórn Jósefs Bidens og tókst í Úkraínu 2014 undir Barack Obama

Orðrómur um að vopnin sem Hamas notaði til árása á Ísraelsríki komi frá Úkraínu, geisar nú þegar á netinu

Uppfært

Síðastliðinn júní greindi tímaritið Newsweek frá þungum áhyggjum Ísraelskra hersins vegna þess risavaxna vopnabúrs sem Bandaríkin skildu eftir sig í Afganistan er þau gáfust upp og flúðu þaðan. Liðsforingjar í Ísraelsher voru þá farnir að sjá þau vopn í höndum Palestínumanna á Gazasvæðinu. Og í október í fyrra sagði finnska lögreglan að vestræn vopn frá Úkraínu væru þegar farin að sjást í höndum glæpalýðs í Finnlandi, Svíþjóð og Hollandi. Lítið sem ekkert eftirlit hefur verið haft með því hvað hin gerspillta Kænugarðsstjórn gerir við þau vopn og fjármuni sem til hennar fossa frá NATO-löndum og víðar að

Og nú hljóta nasistarnir í Kanada að fagna og standa viðstöðulaust upp á þjóðþinginu þar í boði þingforseta ("fábjána sem fór greinilega ekki í skóla", skv. Vladímír Putín) og forsætisráðherra landsins

Hvað ætla skotfæralaus og stríðsörend Bandaríkin að gera núna? Bomba Færeyjar? - eða prenta fleiri dali til að senda á pöllum? En slíkt gæti verið varasamt því Rússar gætu í staðinn sent kosningaeftirlitsmenn til að biðja bandaríska kjósendur um persónuskilríki skyldu þeir álpast þar á kjörstað á næsta ári til að láta hafa sig að fíflum, einu sinni enn

ESB hvað? - jú að kjósa aftur og aftur þar til rétt niðurstaða fæst!

Fyrri færsla

Þjóðverji með ónýta mynt á Zetros


mbl.is Segja stríð hafið í Ísrael
Tilkynna um óviðeigandi tengingu við frétt

Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband