Leita í fréttum mbl.is

Bloggfærslur mánaðarins, maí 2016

Guðna Th. "betur borgið" með annan lýð

*** "Alveg ósatt" ***

Ég "fávís lýðurinn", hef komist að þeirri niðurstöðu að íslenska þjóðin henti ekki forsetaframbjóðandanum Guðna Th.

Og ekkert af því sem Guðni segir ætti að túlka bókstaflega, segir hann þegar hentar

Forsetaframjóðandinn Guðni Th. er ekki til í neinni bókstaflegri merkingu. Maður sem ekki er til, mun aldrei hitta sjálfan sig, því hann er ekki til

Mín spurning er því þessi. Hver blés upp þennan mann sem forsetaframjóðanda. Hver gerði manninum þennan grikk?

Hvert skyldi lénsherrann, "vegna plássleysis", flytja hann næst. Og hvernig verður Guðni þá fluttur "fávísum lýð" í nýrri útgáfu

Fyrri færsla

Merkilegt af forsetaframbjóðanda


mbl.is Túlki ummælin ekki bókstaflega
Tilkynna um óviðeigandi tengingu við frétt

Merkilegt af forsetaframbjóðanda

Hefði hin íslenska þjóð verið svikin í Icesavemálinu, þ.e. með því að neita henni um að sækja lagalegan rétt sinn í málinu, þá hefði sá gjörningur getað endað svo illa að hægfara borgarastyrjöld yrði alls ekki hægt að útiloka sem afleiðingu

Þetta segi ég vegna þess, að það, að þurfa að lifa sem íslensk þjóð í meira en hálfa öld með skuldaklafa og greiðsluklafa sem nagar og borar sig inn í sál þjóðarinnar í svo langan tíma, hefði getað komið af stað svo miklum innri ófriði meðal okkar, að friður hefði verið útilokaður í landinu

Hvert einasta ár hefði þjóðin verið rukkuð og hvert einasta ár hefði hún spurt sjálfa sig um lög- og réttmæti rukkarans, og einnig þeirra sem í upphafi gengu erinda hans og neituðu þjóðinni um að leita réttar síns - og hræddu hana með Norður-Kóreuneistaflugi í bensíntanki vinstristjórnarinnar. Var þetta virkilega rétt og lögmætt?, hefði þjóðin spurt ár eftir ár, áratugum saman. Efinn og reiðin hefði borað sig djúpt niður í þjóðarsál og vitund okkar Íslendinga

En kannski var það einmitt tilgangurinn. Að reyna þannig að kollvarpa þjóðríki Íslendinga innanfrá. Og þannig að koma því til leiðar að sundruð og óréttmætt skuldug þjóð hefði verið neydd til að skríða inn í það Evrópusamband sem allan tímann lá að baki hræðsluáróðurs og sundrungar- og uppgjafarstjórnmála vinstri stjórnarinnar (Samfylkingar og Vinstri grænna)

Ísland ætti aldrei að gera samning sem það getur ekki staðið við. Það er því í hæsta máta furðulegt að í framboði til Forseta Íslands skuli vera maður sem hefði getað komið, ýtt og hvatt, þjóðinni inn í þá óbærilegu aðstöðu, hefði hann verið forseti þá. Hér á ég við forsetaframboð Guðna Thorlacius

Icesave mun koma aftur. Ekki í sömu mynd, en það mun koma aftur og þá gæti forsetavaktin fyrir þjóðina, eins og síðast, skipt sköpum um framtíð Lýðveldisins. Hvorki meira né minna

Fyrri færsla

Evrópa er skáldsaga


Skrár tengdar þessari bloggfærslu:

Evrópa er skáldsaga

Evrópa Evrópusambandsins er skáldsaga. Og forsetaframbjóðandinn Guðni hefur lifað sig svo sterkt inn í þessa skáldsögu að hann trúir henni. Það sama gildir um hirðskáldið Andra. Þetta sá maður greinilega í sjónvarpi Stöðvar tvö

Þetta passar ágætlega við þá upplifun mína að báðir þessir sögu-persónu frambjóðendur til forsetaembættisins séu einnig skáldverk. En hver ætli hafi skáldað upp að þetta framboð af þeim sé eitthvað annað en offramboð. Það þætti mér gaman að fá að vita

Sama skáldun er í gangi varðandi "nýju stjórnarskránna" sem öngvir nema skáld nýju skálmaldar hafa beðið um, til þess eins að hægt sé að troða landinu inn í skáld-sögu þeirra

Eftir stendur bruninn, skammstafað ESB

Fyrri færsla

Hve lengi eru menn að jafna sig á ungdæmi sínu?


Hve lengi eru menn að jafna sig á ungdæmi sínu?

Þetta er ekki stór spurning. En það er hægt að gera hana að stórmáli með því að kjósa rangan forsetaframbjóðanda. Það er ekki gott að þjóð þurfi að þjóna forseta sem tilraunastofa. Það er ekki gott þegar eldar loga

Í dag er umræðan í þjóðfélagi okkar þannig að við liggur að menn VERÐI að hafa aldrei gert neitt né átt neitt og þénað neitt, til þess að hægt sé að þræða þá í gegnum hið óefnislega nálarauga líðandi stundar. Nálarauga sem hannað er af að minnsta kosti ekki hinni íslensku þjóð sjálfri. Heldur af þeim sem vilja koma henni og þjóðarheimili hennar inn í brennandi hús. Húsi hönnuðu af brunaliðinu sem kveikti í Evrópu. Brunaliðinu sem kveikti í þjóðarheimilum Evrópu; þjóð-ríkjum hennar

Það sem sameinar þá sem allt í einu núna, þykjast vilja "færa valdið til fólksins", er að þeir vilja allir færa það yfir til Evrópusambandsins!

Er þetta ekki furðulegt og nær algerlega þegjandi samsæri flestra forsetaframbjóðenda gegn þjóðinni, nema alveg örugglega eins manns (Davíðs Oddssonar, sem einn hefur alltaf staðið algerlega á móti) til þess sem þeir kalla lýðræðis. Þannig vilja þeir kveikja í Íslandi. Það rennur aldrei af þessum evrukrötum, aldrei. Bensínbrúsinn bíður alltaf við höndina um leið og kjörklefunum er lokað í enda kjördags. Þá verður kveikt í

Fyrri færsla

Aðskilnaður komma og ríkis


Aðskilanður komma og ríkis

Nú þegar kommar og kratar Íslands undir allskonar fánum hinna og þessara samtaka og flokka keppast við að brjóta Ísland niður, væri þá ekki rétt að skoða það hvort ekki sé loksins kominn tími á aðskilnað kommúnisma og ríkis?

Einnig mætti skoða aðskilnað öfgamiðju og ríkis. Þetta tvennt fjármagnar sitt pólitíska líf með því að stunda eins konar dópsölu stjórnmála; með því deila út dópi úr skattafjármögnuðum ríkiskassa til að kaupa sér atkvæði og til að gera kjósendur háða sér. Í kringum fjörutíu prósent af landsframleiðslunni er bara tekið til handa þessum öflum - og þau heimta meira og meira, verða aldrei södd

Á meðan er póstþjónusta á öllu Íslandi, auðvitað fyrir utan DDR-kústskaftaveldi Austur-Berlínar Reykjavíkurborgar, mafíusvæðis pírata, komin hundruð ára aftur í tímann. Fólk og fyrirtæki bíða dögum saman eftir að póstur brjótist út í gegnum borgarmúrana, sem bréfdúfur komast ekki lengur yfir. Er þetta ekki aðskilnaður ríkis frá hinum örfáu frumskyldum sínum?

Sósíalistaríki hætta alltaf á endanum að hafa efni á sjálfum sér. Í Danmörku sósíalismans og (já þið munið: uppreisnarinnar frá miðju (Viðreisnar) hósta hlægja og gráta hér) sem Danir sjálfir kalla DDR-Light, var póstþjónustan nýlega færð aftur til þess sem var árið 1624. Slík er sigurgagna hins norrænda sósíalisma | Postvæsnet er sendt tilbage til 1624

Á meðan dreifir U.S. Mail pósti í heilli heimsálfu eins og að drekka vatn

Aumingjar

Fyrri færsla

Klaustur Íslands betur vopnuð árið 1523 en lögreglan er í dag


Klaustur Íslands betur vopnuð árið 1523 en lögreglan er í dag

egar biskup vísiteraði þar árið 1523 var í klaustrinu borðbúnaður fyrir 70 manns en það bendir til töluvert stórs mötuneytis. Tjöld skildu að matsal vígðra og óvígðra. Þá voru þar 53 kýr og um 500 ær en við útreikninga á fjölda fólks í fæði er venjulega miðað við eina kú, eða sex ær, fyrir hvern og einn. Á staðnum voru níu orf en ljáir 15, tíu stjórar, tveir pálar, einn járnkarl, átta kvíslar, fimm rekur og sex sigðir til að skera korn eða mel. Þá lítur út fyrir að á staðnum hafi verið níu varðmenn en níu pansarar, sem voru einskonar albrynjur, voru til í Þykkvabæjarklaustri þetta sama ár"

Í helgarblaði Morgunblaðsins var fróðleg grein um fornminjar frumkristni-klaustra á Íslandi og rannsóknir á þeim. Þau voru níu. Tvö nunnu og sjö munka, segja þeir. Sennilega eru konungslostnir eigendur þeirra ekki í fasteignaskrá í dag, því við erum að tala um allt frá tólftu öld. En ég efast samt um að formlegt afsal sé til neins staðar eða hafi verið gert, því að viss kóngur annarrar þjóðar tók þetta til sín til þess að gamna sér með

Gamla Testamentið segir samt réttilega að enginn megi vera kóngur nema yfir einni þjóð - sinni eigin þjóð. Þarna sjáið þið hvað brot á lögmálum undir og nálægt Móses hafa í för með sér,- allt sullast úr landi. Þetta gildir enn þann dag í dag. Og frá og með þarna -þökk sé konungi annarrar þjóðar- hélt nískan líklega innreið sína á Íslandi. Já Guðni, þetta "nálgast" auðvitað rasisma í mér. Og auðvitað er það ömurlegt og tandurhreinn rasismi að Gyðingar skuli halda því fram að þeir hafi fært mannkyninu þessa miklu gjöf; þjóð-ríkið - en það gerðu þeir samt

En þessi Guðni Thorlacius Jóhannesson forsetaframbjóðandi sagði einmitt í fyrirlestri sínum á miðri Bifröstinni yfir um til ESB þann 3. maí 2013, að það "nálgast rasisma" að halda svona löguðu fram. Að eitthvað betra hér en þar hafi jafnvel haft þýðingu. Þarna, eftir um það bil 15 mínútur, hætti ég að geta hlustað á yfirlesturinn og slökkti, sálar minnar vegna. Fari svona niðurtal til fjandans og helst til útlanda herra sagnfræðingur. Sá fjandi hlýtur að vera betri en þessi hér

Charles Krauthammer segir að Vantrú sé ólíklegasta trú sem til er. Því er ég sammála. Góður maður í Borgarfirði sagði við mig: ég trúi til að skilja,- og þar lærði ég mikið. Ég trúi sem sagt ekki á Vantrú. Neibb, það geri ég ekki

En hvað um það. Mér sýnist að klaustur Íslands í frumkristni hér á landi hafi verið hlutfallslega betur vopnum búin til varna en ríkislögreglan okkar er í dag. Jafnvel betur búin til varna en allt Ísland er í dag. Er þetta ekki frekar skammarlegt. Munka- og nunnu reglan var örlátlegar útbúin til varna en lög reglan er í dag. Hverslags regla er þetta orðin eiginlega. Ekki skortir lögin. En hvar er öll reglan?

Fyrri færsla

Algerlega Guðlaust fyrirbæri - og heldur því auðvitað ekki


Algerlega Guðlaust fyrirbæri - og heldur því auðvitað ekki

Umræður um réttarríkið og sannleikann spunnust í athugasemdum vegna síðustu bloggfærslu minnar: Hvað er Marxísk menningarstyrjöld?

Bara svo það sé alveg á hreinu þá neyðist ég til að benda á og undirstrika að Evrópusambandið sem stofnun er algerlega Guðlaust fyrirbæri. Það þyrfti að minnsta kosti krufningalækni til að finna leifarnar af hornsteinum Vesturlanda í líkinu af ESB: Hornsteinn Vesturlanda er Jerúsalem. Honum hefur sambandið þegar afneitað og það hatar hann. Og annað vesturlenskt segir sambandið að sé handónýtt og að það þurfi því að "bjarga Evrópu" frá sjálfri sér.

Sprenghlægilegt. Af hverju að byggja heilt heimsveldi til að bjarga því sem sambandið segir að sé ónýtt? Mótífið hér er afar gruggugt og réttarlæknirinn þarf því að skera dýpra til að finna eitthvað sem til kynna gæti gefið að um vitsmunalegt líf gæti verið að ræða innan sáttmála Evrópusambandsins og politic þess

En það er hins vegar til nóg af Róm(arríki) í Evrópusambandinu (imperial state building = heimsveldishönnun). En Róm með sínu réttarríki er samt ekki nóg sem lím til að halda saman vænlegu ríki fyrir borgarana. Borgarar farsælla ríkja verða að hafa eitthvað meira en bara lög-og-rétt sem þeir geta sameinast um. Hið Opinbera torg getur ekki þrifist nakið. Borgararnir þurfa eitthvað stærra til að sameinast um og þar erum við, í fyrsta skiptið í þessum þræði, komnir að því stærsta af öllu, en það er það að einstaklingurinn er fæddur frjáls, eins og kristnin boðar

Það er ekki fyrir neitt að útgangan af Egyptalandi (Exodus) markar upphaf Vesturlanda, þar sem þrælaríkinu var sagt að fara til andskotans. Næstu 2500 árin eða svo var Gamla Testamentið notað til að byggja upp hornsteina Vesturlanda og til að stjórna þeirri uppbyggingu í formi þjóð-ríkja. En leiðarljósið var samt þessi undursamlega opinberun að einstaklingurinn fæddist frjáls. Að hann fæddist ekki sem þræll

Nefndur er "sannleiki" í fleirtölu. En margir sannleikar eru ekki sannleikur. Þeir eru bara skoðanir. Ef allir álíta að skoðun sín sé "sannleikurinn" og að skoðanir annarra séu "þeirra sannleikur" - þá er þar með úti um réttararíkið. Réttarríkið byggir á þeirri einföldu forskrift að það sé bara einn sannleikur; að rétt sé rétt og að rangt sé rangt

En eins og áður er sagt: þá getur réttarríkið alls ekki staðið eitt og sér. Það er ekki nóg til að halda saman góðu og lífvænlegu þjóðríki. Í Hinum heilögu ritningum finnst eina forskriftin að þjóðríkjum Vesturlanda sem til er í veröldinni. En þjóð-ríkið var eina vörn litla og óbreytta mannsins gegn heimsveldagræðgi og þrælaríkjum. Og landamærin eru einnig komin úr Gamla testamentinu. Þau eru sett til að vernda borgarana og til að hindra að ríki þenji þau út til að gleypa önnur ríki. Að kóngur geti aðeins verið kóngur yfir einni þjóð. Og að þjóðir munu áfram verða, til enda tímans

Og lagaheimspekin sem liggur á bak við lögfræðina er að stórum hluta byggð á kristinni trú. Lagaheimspeki er eina heimspekin sem notast við því sem næst allar aðrar greinar heimspekinnar. Dæmi: tilvistar og trúarheimspeki, stjórnmála heimspeki, vísindaheimspeki

Mín skoðun er sú að ESB-Evrópa sé í þann veg að detta út úr skilgreiningunni Vesturlönd, af því að hún hefur hent áttavitanum fyrir borð: hent Hinum heilögu ritningum fyrir borð. Lýður Evrópu gengur því til frétta við trédrumb og spyr hann til átta

Bandaríkin horfa ekki lengur til Evrópu. Þau horfa yfir hana, beint til Jerúsalem. Lestin styttist. Evrópa mun ekki verja hinn frjálsa himinn yfir Vesturlöndum. Svartur himinn færist því yfir Evrópu

Fyrri færsla

Hvað er Marxísk menningarstyrjöld?


Hvað er Marxísk menningarstyrjöld?

Myndband 7,5 mín.: Hvað er Marxísk menningarstyrjöld?

Til þess að skilja hvað til dæmis stjórnmálaaflið DDRÚV stendur fyrir, þá þurfa menn að vita hvað Marxísk menningarbylting er. Marxísk menningarstyrjöld er DDRÚV + pólitískur rétttrúnaður + femínismi + píratar + góða fólkið sem drepur með heimsku sinni + fólk sem vill drekkja sinni eigin þjóð með annarri þjóð + umhverfðir kommar á umhverfismála og + Evrópusambandið. Þetta er það sem er vouge núna. Tær Marxisminn inn um bakdyrnar - ókjörinn að venju

Fyrri færsla

Veðurstofan gerði það samt - furðuleg áhættutaka


Veðurstofan gerði það samt - furðuleg áhættutaka

Átti "bara" eftir að tengja - "býst við"

"Haf­dís seg­ir að mögu­leik­inn á bil­un í kæli­búnaðinum hafi verið fyr­ir hendi. „Þetta er það sem við vor­um hrædd­ust við. Við vor­um til­bú­in með vara­leið, sem á eft­ir að tengja,“ seg­ir hún og býst við því að það verði gert á morg­un. „Þetta á ekki að geta gerst en það er oft þannig að ef eitt­hvað get­ur farið úr­skeiðis þá ger­ir það það.“"

Spurning mín er þessi: Af hverju hættuð þið því sem þið máttuð ekki við að missa, fyrir það sem þið gátuð vel verið án (snemmbært start)? Af hverju gerðuð þið þetta ekki eftir bókinni og biðuð eftir að öryggi og rekstraröryggi væri tryggt?

Af hverju takið þið alla þessa miklu áhættu? Ef þið væruð banki, þá væri Veðurstofan gjaldþrota nú. Horfin. Tæmd

Hvað með að starta nú þeim litla vefþjóni sem á að þjónusta okkur Íslendinga, sem borgum launin ykkar, með veðurfregnum og spám í farsíma. Sá vefur ykkar hefur nú legið niðri í fimm daga, að minnsta kosti. Sá niðurtími er líklega heimsmet. Hvað er að??

--- m.vedur.is ping statistics ---
10 packets transmitted, 0 packets received, 100.0% packet loss

Mér hefur alltaf verið ákaflega hlýtt til Veðurstofu Íslands. En hér hristi ég hausinn í vantrú, það verð ég að játa. Reikningurinn frá Slökkviliðinu verður líklega engin smásmíði, býst ég við. Og hvað skyldi DMI segja? Cray þeirra næstum því kominn í flugeldabransann

Fyrri færsla

m.vedur.is ping og opinbert fé Ríkisskattstjóra et. al.


mbl.is „Þetta á ekki að geta gerst“
Tilkynna um óviðeigandi tengingu við frétt

m.vedur.is ping og opinbert fé Ríkisskattstjóra et. al.

--- m.vedur.is ping statistics ---
10 packets transmitted, 0 packets received, 100.0% packet loss

Nú er á annan sólarhring farsímavefur Veðurstofu Íslands dauður. Ofurtölva þessarar ríkisstofnunar hefur líklega étið þann þjón almennings. Nema að hann sé hýstur í skattaskjóli. Frekar vonlaust er að nota aðalvef Veðurstofunnar sökum ofgreidds ónothæfis

Og svo Pósturinn sem er "opinbert hlutafélag", já hann hefur ekki lengur efni á að bera út póst í landinu sem hann hefur ekki efni á að starfa í, þannig að nú hættir hann sér ekki lengur út fyrir borgarvirki Austur-Berlínar Reykjavíkurborgar, nema annan hvern virkan dag. Borgríkispóstur Íslands ætti að flytja í minna land. Til dæmis til Monaco

Svona er hið opinbetra. Eyðsluskylda þess gagnvart almenningi virðist komin í greiðslufall (default), þrátt fyrir að það hirði um 40 prósent landsframleiðslunnar í skattheimtufrekjur. Aumingjar!

Þess utan er ótrúlegt að vefur Veðurstofunnar skuli enn þann dag í dag, gera ráð fyrir því að *Flash sé á tölvum árið 2016 e.Kr.. *Flash er einn eitraðasti hugbúnaður sem upp hefur verið fundinn og framleiðandinn hefur meira að segja sjálfur gefist upp á honum og öllum þeim sem nota hann. Halló! Og þetta var algerlega og alltaf fyrirfram vitað af öllum þeim sem vit hafa á STÖÐLUM. Af hverju hlustuðuð þið ekki á þá? Þeir sem eytt hafa opinberu fé í *Flash, eru ekki starfi sínu vaxnir. Hvorki þá né nú!

Það er auðvitað þess vegna sem að Tíund tímarit Ríkisskattheimtu-frekjunnar kemur út sem *Flash og JPG (OMG!) og er útgáfan að sjálfsögðu framtalshýst erlendis í "skattaskjólum". Danmörk er númer 42 á lista yfir "skattaskjól" (betra en Botswana í Afríku), en zmags.com sem Ríkisskattheimtufrekjan á í vefviðskiptum sínum við með Tíund sína, er með svo mörg heimilisföng fyrir utan Danmörku að þau hljóta að enda annað hvort í botnlausu gjaldkeri Samfylkingarinnar eða í skjólum annars staðar

Þetta er nú meiri brandarinn. Að geta ekki framleitt einn andskotans PDF eða birt þessa fjórföldu Tíund sem HTML í Hypertext Transfer Protocol (HTTP). Ekkert slær HTTP og HTML út, nema kálfaskinn

Sökum vankunnáttu í starfi þarf Ríkisskattstjóri að leita til aflandsfélaga til að hýsa 60,4 Mb af ónothæfum gögnum eins tölublaðs Tíundar í formi sjötíu og tveggja mynda, sem kunnandi maður hefði getað komið fyrir í texta í HTML ásamt mynd-skreytingum á 3 til 4 Mb vefsetri hér heima, fyrir næstum ekki neitt og ofaní kaupið hefði Ríkisskattstjóri fengið skattatekjur af vinnunni við hýsinguna. Til hvers er höfuðborgarbeyglan með alla þessa ljósleiðara ef ekki er hægt að koma frá sér svona smotterí þaðan

Að vista texta á myndformi er þess utan eins og að segja: "Við handreiknum allar tölur hér hjá Ríkisskattstjóra. Við notum ekki tölvur af því að við kunnum ekki á þær. Við notum einungis tölvur til að hita tevatnið á þeim", eins og fröken skúringakona aflandsfélaga herra Ustinov gerði í Hot Millions 1968. Hvaða aular eru þetta?

Ég bendi þeim sem eru ekki með *Flash á að þeir geta leikið á aflandsbæli Ríkisskattstjóra og skoðað tölvuklámmyndirnar af Tíund sem JPG (OMG!), með því að tilkynna sig sem "User Agent" iOS í vafra (dæmi: OS X, virkja Debug-menu í Safari og nota viðeigandi "User Agent" og opna nýjan ramma (frame))

Já, þetta er greinilega opinber "stjórnsýsla" í skýjum - peningunum er bara hent í sjóinn og Akamai! notað til að skjóta risasmíðuð mistökin niður úr skýinu. Hugtakið "skýjatölvun" er tískuorð yfir þvælu og sölugas, eins og *Flash var á sínum tíma, selst vel til fáráðlinga eins og er

Einu sinni keypti ég nokkrar "ónýtar" Wang tölvur sem Alþingi "henti út" og velti 15 milljón dollara vörusölu og þjónustaði 30 þúsund viðskiptavini á þeim. Þær voru ekki ónýtari en það. Sóun er fánýti

Ofan í þetta kemur svo nýr ónýtur vefur Seðlabanka Íslands sem viðist ekki hafa hundsvit á neinu er tengist virðugleika, notendaviðmóti og einhverju stærra en að heimagerð saumavél knýi silakeppavef stofnunarinnar afturábak, því ekki fer hann áfram sá vefur. Barn virðist hafa hannað vefinn

Við skulum heldur ekki tala um nýja vef Hagstofunnar sem unninn var af leikskólaráðunautum, eða nefnd. Sá nýi vefur er ekki nema 20 sinnum verri en síðasta fíaskó Hagstofunnar. Það tók ekki nema tæplega eitt ár að koma RSS efnisveitu vefsins í það horf að hægt væri að nota hana. Húrra fyrir aulahætti! Stofnunin er ekki einu sinni fær um að hýsa ársrit sitt sjálf, heldur leiðir hún þann almenning sem borgar brúsann inn í áskrift! að enn einu erlenda skattaskjólinu

Ef að Landhelgisgæslan, eða jafnvel sjálfur Voldemort, myndi missa klippurnar niður fyrir vestan og austan land, þá myndi Hið Opinbera hrökkva af hjörunum, því allt allt of mikið af vefumsvifum þess er hýst erlendis í skattaskjólum. Hvers eiga innlendir hýsingaraðilar sem greiða skatta á Íslandi að gjalda þegar þið hagið ykkur svona. Eruð þið aumingjar eða hvað?

Það er alveg greinilegt að hið opinbera kann ekkert með skattfé borganna að fara. Vér ættum því að neita að borga!

*Flash ® skrásett Shitware

Fyrri færsla

Kýs ekki broskall Kannskis


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband