Íslensk lög og reglur Ögmundar til sölu fyrir einn stól

Af furðufuglum hræsninnar 

 

Það var gaman að fylgjast með stoltum ráðherra Vinstri grænna í gær. Hér á ég við Ögmund Jónasson sem kom fram í ríkissjónvarpi Evrópusambandsins á Íslandi, ESB-RÚV, og sagði íslenskri alþjóð frá því að "íslensk lög og reglur giltu á öllu Íslandi". Á sama tíma vinnur hann fyrir Samfylkingu Evrópusambandsins við að leggja niður fullveldi Íslands.

Það var hreint ótrúlegt að heyra þessi orð Ögmundar, því á þeirri stundu sem hann sagði þau vinnur hann og lagsmenn hans hörðum höndum við að selja þetta fullveldi Íslands og lýðveldis okkar Íslendinga, sem stofnað var til fyrir aðeins 66 árum. Blekið er varla þornað ennþá.

 

Í eftirfarandi málum krefst þingflokkur Vinstri grænna og Samfylkingarinnar að fullveldi Íslands verði afnumið - og er þetta einungis byrjunin á tilurð stórríkis Evrópusambandsins. Hér er svo að segja allt fullveldi Íslands gefið öðrum löndum fyrir ekki neitt. Auðséð er að Ögmundur Jónasson átti engan þátt í því að skaffa sér þetta fullveldi Íslands sem hann var svo stoltur af í gær. 

Þingflokkur Samfylkingar Vinstri grænna gegn Íslandi krefst eftirfarandi:

• Að við töpum öllu fullveldi Íslands í peninga, vaxta og myntmálum
• Að okkur verði skylt að leggja niður okkar eigin mynt
• Að við megum aldrei aftur gefa út okkar eigin mynt
• Að við töpum öllu fullveldi Íslands yfir fiskveiðum og landbúnaði
• Að við töpum öllu fullveldi Íslands yfir viðskiptum
• Að við töpum öllu fullveldi Íslands yfir yfirráðarétti æðstu löggjafar
• Að við töpum öllu fullveldi Íslands yfir lagasmíðum
• Að við töpum stórum hluta fullveldis Íslands yfir refsilöggjöf
• Að við töpum næstum öllu fullveldi Íslands yfir löggjöf atvinnumarkaðar
• Að við töpum næstum öllu fullveldi Íslands yfir viðskiptaeftirliti 
• Að við töpum hluta af fullveldi Íslands í skattmálum
• Að við töpum öllu fullveldi Íslands yfir utanríkisstefnu
• Að við töpum stórum hluta fullveldis Íslands yfir varnarmálum
• Að við töpum stærstum hluta fullveldis Íslands í innflytjenda og flóttamannamálum
• Að við töpum stórum hluta fullveldis Íslands yfir ríkisfjármálum og þar með fullveldi okkar í velferðarmálefnum

Þingflokkur Samfylkingar Vinstri grænna gegn Íslandi krefst alls þessa fyrir að fá að sitja klístraður í ráðherrastóli eins og þeim sem Ögmundur Jónasson situr í núna - og gapir þaðan sem fljúgandi furðufugl hræsninnar. 

Segið svo að pólitísk græðgi sé efnahagslegri græðgi göfugari. Ábyrgðarleysi Ögmundar og sviksemi lagsveina hans er hér landráðum næst.

 

Næst verður gaman að fylgjast með viðbrögðum Ögmundar og lagsmanna hans í Vinstri gungum og druslum við social dumping Evrópusambandsins - sem þeir berjast svo hart fyrir að innleiða á Íslandi. Viðbrögð þeirra munu þá fyrst og fremst ráðast af því hvort valdastóll sé í nánd eða ekki. Af ávöxtunum skuluð þið þekkja þá.

 

Íslensk lög og reglur, ha ha ha ha ha. Kanntu hann annan Ögmundur Jónasson?

 

Krækja: Veifuðu bandarískum herpappírum 

 

Fyrri færsla

 

Er alltaf bankahrun á Möltu? 

 

Er alltaf bankahrun á Möltu?

Atvinnuleysi: Malta - Ísland, 35 ár

Smellið á myndina og smellið svo aftur til að stækka hana alveg 

Velmegun landa verður bara til á atvinnumarkaði þeirra

Myndin sýnir 35 ár úr lífi atvinnumarkaða tveggja landa, Möltu og Íslands. Atvinna og atvinnuþátttaka er undirstaða þjóðfélaga og alls efnahags þeirra. Atvinna og atvinnustig býr til greiðslugetu og lánstraust ríkissjóðs - og alls almennings. Allt veltur á því að hjól atvinnulífsins snúist, því þar verður öll velmegun þjóðfélagsins til. Hinn opinberi geiri getur ekki búið til velmegun. En stundum reynir hann þó að búa til velferð, en það krefst velmegunar. Hinn opinberi geiri lifir á þeirri velmegun sem atvinnulífið býr til. Velmegun er allt annað en velferð. Þetta er mikilvægt að vita.

Malta gekk í ESB árið 2004. Því fór sem fór. 

Fyrri færsla

Hótel Evrusvæði krefst aflimunar og steglu. Bara járnrúm í boði 

Hótel Evrusvæði krefst aflimunar og steglu. Bara járnrúm í boði

 

 

Beinapartar frá Evrópu

Fjármálamaðurinn George Soros líst illa á gang mála á evrusvæðinu núna. Hann segir í viðtali við Financial Times að verið sé að Þýskalandsvæða allt evrusvæðið. Hann gagnrýnir Þýskaland fyrir að krefjast niðurskurðar af öllum löndum evrusvæðis, sama í hvaða ástandi hagkerfin séu. Hann segir að þetta gerist í krafti efnahagslegra yfirburða Þýskalands yfir öllu meginlandi Evrópu og yfirþyrmandi áhrifum þeirra í stofnunum Evrópusambandsins.

"Þeir [Þjóðverjar] hafa birst sem æðsta ráðið yfir evrulöndunum. Þeir hafa sett stefnuna fyrir öll löndin. Þeir hafa skrifað og gefið út allrar starfsreglurnar fyrir nýrri sameiginlegri stefnu í ríkisfjármálum allra evrulanda. Vegna þessara mórölsku- og yfirmennskulegu tilburða Þýskalands yfir öllum hinum evrulöndum, trúi ég því að Evrópa standi frammi fyrir löngu tímabili af efnahagslegri stöðnun - og líklegri efnahagslegri hnignun. 

George Soros líkir þessari niðurskurðar-efnahagsstefnu sem Þjóðverjar krefjast af evrulöndunum við aðferðir sem getið er um í grískum goðsögum um Procrustes, þ.e.a.s hvernig maður sker af of langa fætur og teygir of stutta líkama lengri svo þeir passi nákvæmlega ofan í rúm úr járni sem fórnarlömbunum er boðið að sofa í.

 

“That is what is currently being imposed on the rest of Europe,” he said. “That is liable to cause resentment.”

 

 

Ef bíllinn þinn skríður skyndilega út í kant, segir Soros, þá kemur maður í veg fyrir útafakstur og kemst aftur inna á rétta braut með því að stýra í þá átt sem afturendinn sveiflast. Ekki með því að slá hart í bak. Svona er þetta líka með ríkisfjárlagahallann og skuldamálin. Í byrjun krefst lækningin þess að maður eyði enn meiru en orðið er til þess að geta komist inn á beinu brautina á ný; FT

 

Fyrri færsla

Steingrímur, Össur og Jóhanna hafa ekki sótt um byssuleyfi 

Steingrímur, Össur og Jóhanna hafa ekki sótt um byssuleyfi

Heimsins snjallasti fjárfestir, Warren Buffet, sagði þetta: "þó þú byðir mér eina milljón Bandaríkjadali - nefndu jafnvel hvaða upphæð sem er - fyrir að taka mér skammbyssu með einni kúlu í hönd, bera hana upp að höfði mér og hleypa af í þeirri von að ég hitti á eitt af fimm tómum skothólfum byssunnar, þá mun enginn fá mig til að gera einmitt það. Heldur ekki ef byssan hefði milljón skothólf og kúla væri bara í einu þeirra.

Þessi áhætta sem ég myndi taka með því að toga í gikkinn, hefur EKKERT jákvætt í för með sér fyrir mig (upside risk). En allir hljóta að koma auga á hina eyðileggjandi áhættu sem ekkert annað getur gert fyrir mig en slæmt (downside risk)."

Kæri Íslendingur. Telur þú hag þínum best borgið með því að toga í gikkinn? Viltu skoða í kúluna? Eða viltu standa alveg utan við þessa áhættu?

Þegar þjóðir ganga í Evrópusambandið þá eru bara tvö skothólf í byssunni. Eitt með jafnvel banvænni byssukúlu - en hitt er tómt.

Stjórnglæframennirnir Steingrímur J. Sigfússon kosningasvikari og Össur Skarphéðinsson (að eigin sögn fjármálaóviti) eru að falast eftir svona byssu til að nota á þig, þína og landið þitt. Þessir tveir eru skammbyssumenn Íslands. Þeir spila hazrarspil með landið okkar Ísland og alla framtíð íslensku þjóðarinnar. Við eigum bara þetta eina land og þetta eina fullveldi sem kostaði íslenska þjóð hrikalega mikið. 

Þessir tveir ásamt forsætisráðherranum vilja hætta því sem við höfum og verðum að hafa fyrir það sem við þurfum ekki á að halda og getum svo auðveldlega verið án. Þetta er uppskrift blábjána á algeru hruni. Þetta eru undirmáls vafningar stjórnmála undirmálsmanna.

Össur, Steingrímur og Jóhanna hafa ekkert byssuleyfi frá þjóðinni. Þau hafa gert sig að umboðslausum örverpum Íslandssögunnar með því að þvinga í gegn umsókn Íslands að Evrópusambandinu. Alvöru þingmenn sækja umboð sitt til kjósenda 

Warren Buffet sagði líka - "við kappkostum meira að tapa ekki verðmætum okkar en að græða þau". Steingrímur J. hefur "blind spot" fyrir ráðherrastólum. Það vitum við núna.

Warren Buffet seigist ætla að fylgjast með Össurmyntinni evru úr mikilli fjarlægð. 

 

Warren Buffet talar við unga námsmenn - hluti 2 af 6

(sjá 3 min. 4 sek. inni í myndskeiðinu) 

 

 

Fyrri færsla

 

Evrulöndum fórnað á vígvelli evrunnar 

Evrulöndum fórnað á vígvelli evrunnar

Norski vefmiðillinn E24 er með grein þar sem spurt er hvers vegna verið sé að fórna samfélögum landa evrusvæðis á vígvelli evru myntar. Ef kostnaðurinn við að bjarga myntbandalaginu er pólitískt ójafnvægi, blómstrandi áhrif stjórnmálalegra öfgaflokka og efnahagsleg stöðnun - hvers vegna velur Evrópusambandið að fórna öllu til að bjarga þessu myntbandalagi?

Þetta er góð spurning. Ótti fólks við svarta framtíð sem felur í sér mikið og áframhaldandi þungt ESB-atvinnuleysi, fátækt og litla möguleika fyrir sig sjálft og börnin sín, gefur öfgaöflum vind í seglin. Fólk vill einföld svör og grípur þau í örvæntingu hjá vaxandi öfgafullum öflum innan 27 ólíkra landa Evrópusambandsins. Matseðillinn er stór. 

Jafnvel ekki 40 prósent atvinnuleysi meðal ungs fólks í Evrópusambandinu fær steingerða Evrópusambandsmenn til að velta málunum fyrir sér á ný. Ekkert nema þetta eina myntbandalag kemst að í kolli þeirra. Því skal bjargað alveg án tillits til þess að það hefur ekki gert neinu landi neitt gagn (frekar unnið þeim ógagn) og að meirihluti þegna Evrópusambandsins hefur slæmar bifur á þessari sameiginlegu mynt sem elíta ESB-landanna brennur svo heitt fyrir. 

Við þetta má bæta að fyrir botni Eystrasalts fer fram eins konar Evru-Víetnam-styrjöld í þrem löndum. Styrjöld sem ríkin komast ekki út úr aftur. Hér á ég við ERM II ferli Eistlands, Lettlands og Litháen. Þetta er ERM II draumur yfirstjórnar ASÍ fyrir Ísland.

 

Lettland hefur sett heimsmet í efnahagssamdrætti því þar er einn þriðji af hagkerfinu einfaldlega horfinn. Þetta er verra enn samdráttur Bandaríkjanna varð í kreppunni miklu 1930. Atvinnuleysi í Lettlandi og á Spáni er það mesta í Evrópusambandinu eða yfir 20 prósent. 

Svar elítu Evrópusambandsins við hamförunum er að skrifa út fleiri og stærri lyfseðla með enn meira magni af yfirríkislegu valdboði, - og algerlega án samþykkis neinna kjósenda í löndum Evrópusambandsins. Hvað köllum við svona fyrirbæri? Öfgasamband?

 

Tengt efni

• Failed State Latvia; Latvia: Re-electing the "best" crew for the Titanic
• Irish Independent ; Leaving the euro might well be our 'least bad' option
• Edward Hugh - Roubini: Latvia: The Demographic Price Of Procrastination

• Draumur ASÍ; ERM-land myntbandalags Evrópusambandsins setur heimsmet í hruni efnahags. 

 

Fyrri færsla

 

ESB-draugahraðlest Uffe Ellemann-Jensen

 

ESB-draugahraðlest Uffe Ellemann-Jensen

Í 28 ár hafa Danir þurft að hlusta á ræður þessa manns um að Danmörk sé að missa af, eigi á hættu að missa af og muni missa af draughraðalest Evrópusambandsins, þ.e.a.s ef hitt eða þetta breytist ekki (sjá frétt Morgunblaðsins hér að neðan). Aldrei, aldrei, aldrei er nógu mikið af Evrópusambandi í Danmörku. Danir eru alltaf að "risikere" að eiga á hættu að missa af þessari lest hans Úffa. Danir lifa og hrærast því í eilífri hættu í háspennu rafmagnsstól Evrópusambandsins, sem gengur fyrir ótta. 

En það kom bara aldrei nein járnbrautarlest til Danmerkur. Það komu hins vegar margir hvassir járnrimlar sem læstu Danmörku inni í stofufangelsi Evrópusambandsins. Þar situr hún núna, ófullvalda og föst í Brussel-dýflissunni. Hún ræður litlu um eigin málefni lengur. Danska þjóðin er ennþá hrædd við Evrópusambandið eftir að hafa verið í því 38 ár, eins og Uffe Ellemann bendir réttilega á. Bara þessi staðreynd ein og sér segir okkur margt slæmt um Evrópusambandið, en ekki um frændur okkar Dani. 

Það er alveg rétt hjá Uffe Ellemann-Jensen að Danmörk sé orðin að útkjálka og það meira að segja inni í miðju Evrópusambandinu. En hið sama gildir líka um öll lönd ESB sem heita ekki Þýskaland eða Frakkland. En þau tvö lönd eru ekki með neina kjálka lengur. Þau eru tannleysingjar. Þau eru hið fyrrverandi af öllu fyrrverandi í þessum heimi. Þau tvö sækja sér fjarvistarsönnun fyrir tannleysinu með því að þykjast vera herra og frú Evrópusamband. Það gefur þeim svo miklu betri tannpínu en að vera bara Þýskaland eða hvað þá Frakkland. Hver vill vera Þýskaland eða Frakkland í dag? Enginn!

Um 800 þúsund Danir gera ekki neitt í dag. Þeir eru afraksturinn af 25 árum í Evrópusambandinu og af undraverkum hins ólæknandi ESB-sjúkdóms Uffe Ellemanns. Úffi vill því auðvitað ólmur hirða hina "hæfu starfskrafta" af ódýrari löndum ESB. Líka þá sem vinna fyrir 14 krónur DKK á tímann í byggingavinnu. ESB er svo gott. Það er hlaðborð af alls konar. Það er auðvitað ekki hægt að nota neina Dani lengur. Ekki hægt að nota þessa 800.000 sem gera ekki neitt. Hagvöxtur í Danmörku var sá fimmti lélegasti í OECD á síðustu 10 árum. Á næstu 15 árum verður hann sá næst lélegasti segir þetta sama OECD. Danmörk hrapar neðar og neðar á skala OECD yfir ríkustu þjóðir heimsins. Mikið neðar og hratt. Svona er að vera í ESB.

Tillaga: að ESB byggi þrælabúðir í Danmörku fyrir erlenda þræla til að hýrast þar í svo myndavélar nýríkra karlkerlinga vesturlanda þurfi ekki að horfa uppá álíka barnavinnu og fór fram í öllum þessum löndum áður þau urðu rík í innbrotafaraldrinum undir nýlendustefnu Evrópu.

Útsöluáróður virkar alltaf; að segja einhverjum að hann sé að "missa af" einhverju virkar yfirleitt vel. Þessi áróður virkaði svo vel í Danmörku að hún hrapar neðar og neðar á skala ríkustu þjóða heimsins. Danmörk keypti "missa af" þvaður herra Uffe Ellemann Jensen. Því fór sem fór. 

Það er greinilegt að miklu erfiðara er að lifa af sem þjóð innan ESB en utan þess, því nú undirbýr danska ríkisstjórnin Bruss-elskan niðurskurð á altari myntbandalagsins sem verður enn verri en sá frægi kartöflukúr sem þurfti þar til árið 1985, svo Danmörk gæti skriðið á öllum fjórum inn í ríkisfjárlagaklúbb Evrópusambandsins. Megi Uffe Ellemann og hans útkjálka blaður í draugaharðlest ESB á leið til fjandans, hvíla í friði. Ég ráðlegg honum að skaffa sér nýja þjóð.

Danmörk hefði aldrei átt að ganga í Evrópusambandið. En það gerði hún heldur ekki. Danmörk gekk upphaflega í EB. En svo kom draugahraðlest Uffe Ellemann Jensens og tók dönsku þjóðina með sér inn í svartholið. Á meðan glansa fullvalda Sviss og Noregur í Evrópu. Þau sigla um öll heimsins höf í snekkjum fullveldis. Ísland er hér aðeins tímabundið í slipp. Svo mun Ísland sigla með þessum tveim fullvalda þjóðum Evrópu á höfum heimsins á ný. Á meðan er og verður ESB strandaður útkjálki. 

Flýtið ykkur! þið eruð að missa af . . flýtið ykkur . . eruð að missa af . . eruð að missa af . . útkjálki . . einangrun . . einangrun . .einangrun . .einangrun . .missa af . . . já komið börnin mín upp að altari EMU og fórnið ykkur þar - á evruna við trúum. 

 

Tengt efni

• ESB-aðildin kostaði Danmörku 220 miljarða á síðasta ári - og 55.000 atvinnutækifæri á næstunni
• Nauðungaruppboð í Danmörku - september

Fyrri færsla

 

Þingmenn sækja umboð sitt til kjósenda 

 

Uppbót. Maðurinn!

 

Ellemann-Jensen vill nýja stefnu

Þingmenn sækja umboð sitt til kjósenda

Þegar þú kýst flokk í Alþingiskosningum þá ertu að veita þeim flokki sem þú kýst umboð þitt. Með öðrum orðum: þingmenn sækja umboð sitt til kjósenda. Þetta er hornsteinn lýðræðis. Atkvæði þitt er það umboð sem þú veitir þingmönnum þess flokks sem þú kýst.

Vinstri grænir kynntu sig sem verandi andstæðingar Evrópusambandsins og andstæðingar þess að Ísland sækti um og hvað þá gengi í Evrópusambandið. Þetta umboð frá kjósendum fengu þeir með glæsibrag og urðu í krafti þessar stefnu meira að segja sigurvegarar kosninganna. Þá óskaði ég þeim til hamingju með kosningasigurinn og bað þá um að fara vel með valdið. Og ekki nóg með það. Þeir fengu þar að auki umboð frá mörgum nýjum kjósendum sem annars hefðu kosið Sjálfstæðisflokkinn, ef sá flokkur hefði þorað að kynna sig á sama hátt og Vinstri grænir gerðu fyrir kosningar; sem sterkir andstæðingar Evrópusambandsvæðingar Íslands. En því var ekki að heilsa, því turnspíra Sjálfstæðisflokksins vildi bæði hafa mjöl í munni og blása. Yfirstjórn þess flokks hóstaði, kúgaðist og valt út af. Hún hóstaði fram blátt andlit og uppskar meðvitundarleysi turnköfnunar.  

Næst þegar einhverjum á Alþingi dettur í hug að sækja um inngöngu í Bandaríkin, þá ættu þeir fyrst og fremst að sækja sterkan stuðning til þingflokks Vinstri grænna. Sá þingflokkur er nefnilega þekkur fyrir stórvirk kosningasvik. Stuðningur þeirra er vís ef í boði eru nokkrir ráðherrastólar.

Örverpi Íslandsögunnar stýra Vinstri grænum í fullkomnu umboðsleysi kjósenda. Þingflokkur Vinstri grænna er orðinn þjóðhættulegur og umboðslaus kosningasvikari. Ég sé enga ástæðu til að óska þeim til hamingju með þessi stórkostlegustu kosningasvik Íslandssögunnar. 

Öll umsókn Alþingis og ríkisstjórnarinnar inn í Evrópusambandið fer fram í ALGERU umboðsleysi þjóðarinnar.

Fyrri færsla

Þriðjungur spænskra sveitafélaga á leið í gjaldþrot. Greiðslustöðvanir hafnar.

Skorað á þingflokk VG að fylgja ESB-stefnu flokksins

Þriðjungur spænskra sveitafélaga á leið í gjaldþrot. Greiðslustöðvanir hafnar.

Hamingja myntbandalags Evrópusambandsins dynur nú á 46 milljón Spánverjum. Sökum þess hversu ofur fullvalda Spánn er í Evrópusambandinu má landið ekki gefa út peninga. Það má hvorki prenta peninga né stunda myntsláttu. Enginn vill lána spænskum bönkum peninga. Spánn er nefnilega í myntbandalagi Evrópusambandsins. Þar rignir nú eldi og brennisteinum niður úr pakkanum. Spánverjar sitja í miðju kaffiboði á öskuhaugum Evrópusambandsins í 21 prósent atvinnuleysi og með kjarnorkusprengdan efnahag. Hagkerfi þeirra var sprengt í loft upp með hörmulega rangri peningastefnu seðlabanka Evrópusambandsins í Þýskalandi. Svona virka neikvæðir raunstýrivextir (mynd: Edward Hugh hagfræðingur á Spáni) 

 

 

Myndir; E24 Noregi 

Staðreynd: ef Spánn væri fullvalda ríki þá myndi það fella gengið eins og skot. Það er 60-80% of hátt fyrir efnahag landsins. Tekjur sveitafélaga eru að þorna upp vegna atvinnuleysis, óstjórnar og öngþveitis. En í stað gengisfellingar sem myndi koma hjólum atvinnulífsins af stað á ný, mun Spánn fá ríkisfjárlagafallhlífahersveitir Brussels í heimsókn. Herdeildin verður steinsteypt niður við öll skrifborðin í fjármálaráðuneyti þessa ofur fullvalda ríkis. Spánn hefur ekkert gengi og enga peninga.  

Velkomin í Evrópusamband Össurar Joly og einnota Steingríms. J. Sigfússonar kosningasvikara - og í 41 prósent atvinnuleysi ungs fólks á Spáni. Þetta er bara allt að gera sig. Þessir tveir menn munu verða ráðnir til að bjarga málunum þegar seðlabanki Evrópusambandsins verður gjaldþrota, áhrif þeirra verða þá svo rosaleg. Ritari verður Eva Joly.

 

Síðasti einræðisherra Spánar hét Francisco Franco. Hann fór frá völdum rúmlega ári áður en þáverandi sjálfstæðir Íslendingar færðu landhelgi íslenska lýðveldisins út í 200 sjómílur. Þá voru gungur og druslur ekki komnar í boðtísku meðal flugfreyja og örverpa Íslandssögunnar eins og nú. 

 

Krækja: FT/A 

 

Fyrri færsla

 

Sir Winston Churchill fékk fimm hjartaáföll á ævinni

Sir Winston Churchill fékk fimm hjartaáföll á ævinni

Það fyrsta gerðist um nótt þegar hann var að loka glugga í Hvíta Húsinu í heimsókn hjá Franklin D. Roosevelt forseta Bandaríkjanna. Erindi Churchills í þessari heimsókn var að biðja Bandaríkjamenn um stuðning. Þá stóð sem hæst baráttan um Bretland. Bretar stóðu þá aleinir í styrjöldinni gegn sameiningu Evrópu undir stjórn sósíalistans Adolfs Hitler. Læknir Churchills var auðvitað með í förinni og annaðist hann. En hvorki var hægt að segja Churchill sjálfum né umheiminum frá þessu hjartaáfalli. Það hefði grafið undan baráttuþreki bresku þjóðarinnar og orðið að vatni á myllu illra afla hins evrópska meginlands. 

Ef Sir Winston Churchill væri í heimsókn hjá Samfylkingunni og Vinstri grænum á Íslandi núna, fengi hann líklega hjartaáfall á hverjum degi. Ekki vegna hrifningar, heldur vegna sorgar yfir því hversu innilega fjandsamleg hin hreina vinstri ríkisstjórn Íslands er gegn landi sínu, íbúum þess og menningu Íslendinga. En Íslendingar standa því miður einir gegn ríkisstjórn Íslands, sem er á mála hjá þjóðfjandsamlegum öflum meginlands Evrópu.  

 

Ég er íhaldsmaður. Mér ofbýður.

 

Fyrri færsla

 

Veit Axel Weber að myntbandalagið mun leysast upp á næstunni?

 

Veit Axel Weber að myntbandalagið mun leysast upp á næstunni?

Bankastjóri þýska seðlabankans, Deutsche Bundesbank, heitir Axel A. Weber. Hann er fulltrúi Þýskalands í stjórn seðlabanka Evrópusambandsins, ECB. Hann hefur verið talinn líklegur eftirmaður núverandi stjóra ECB, Jean-Claude Trichet, sem lætur af störfum bráðum. 

En hvað gerir Axel Weber til þess að fá þetta embætti? Jú, hann mótmælir öllu sem Jean-Claude Trichet segir og gerir. Hann er ósammála núverandi stefnu ECB í öllum megin atriðum. Vextir ECB eru vitlausir segir Axel. Hann var andsnúinn því að brjóta grundvallareglur myntbandalagsins þegar bjarga þurfti evrunni frá því að leysast upp í maí í vor. Hann krefst þess að vextir séu hækkaðir og að ECB hætti að prenta evru seðla til að eyða þeim í uppkaup á rusl-ríkisskuldabréfum Grikklands. Hann gerir og segir allt sem þarf til þess að hann fái ekki þetta embætti. Hann segir allt það sem foringjaráð evru vill ekki heyra.  

Veit Axel Weber eitthvað sem við vitum ekki? Veit hann að myntbandalagið mun leysast upp á næstunni? Af hverju vill hann ekki starfið? Verður það hann sem mun leysa það upp og færa Þýskalandi á ný alvöru mynt, þýskt mark, hert í bak og fyrir. Svoleiðis er ekki hægt að gera innan frá úr ECB. Þennan greiða við Evrópu er aðeins hægt að gera henni utan frá; úr steinsteyptum aðalstöðvum Deutsche Bundesbank. Hver vill þá vera seðlabankastjóri ECB?; sennilega enginn.      

Við skulum ekki gleyma því að áður en evran komst á koppinn var Frakkland FPIGS-land. Það sat í framsæti Club Med öskubílsins, sem bílstjóri.

Allir sem þekkja til mála myntbandalags Evrópusambandsins vissu alltaf að eina landið sem myndi passa upp á að þessi mynt yrði ekki að gjalli í höndum Club Med og PIIGS-landa yðri Þýskaland. Myntbandalagið hvílir á velvilja og aga Þýskalands í peningamálum. Krækjur: (FT | WSJ) 

 

Björgun evrunnar í maí 2010

1. Bandaríkin rifu evruna upp á hársverði 16 landa myntbandalagsins
2. Annar hluti: björgun myntbandalags ESB vorið 2010. Kvöldverður á gjábakka hyldýpis
3. Þriðji hluti: Björgun evrunnar. Þess vegna eru Össur og Jóhanna hættuleg

 

Tengt

• Evru lygarar - "Die EZB hat den Rubikon überschritten" 
• Koss dauðans er sestur að í aðalstöðvum ECB, segir Handelsblatt
• Þá voru 155 hagfræðingar sammála um eitt

 

Svo dönsum við á tómri skjalatösku hins sósíaldemókrataíska metrópólítanmanns Evrópusambandsins

 

 

 

 

 

Fyrri færsla

 

Opnað fyrir fuglaskoðun á borði ríkisstjórnarinnar. Úrræði handan heimil(d)a