Leita í fréttum mbl.is

Bloggfærslur mánaðarins, apríl 2017

100 ár síðan Bandaríkin lýstu stríði á hendur Þýska heimsveldinu

Apollo 11 Saturn V  - Bandaríki Norður Ameríku 16 júlí 1969

Skipið, þrjú þúsund tonn, sem sigldi af stað tæpum 500 árum eftir ferð Kólumbusar frá Gamla heiminum, var 165 milljón hestöfl frá Boeing. Bara Bandaríkjamenn hafa gengið á annarri jörð en okkar. En litli stafræni sexkanturinn í ferðinni var, eins og áður, einna erfiðastur viðfangs: The Navigation Computer (You Tube, 45 mín)

****

Það var þessa dagana fyrir hundrað árum að þá, því sem næst, þriðja heims landið Bandaríki Norður-Ameríku, lýstu stríði á hendur þýska Wilhelmínu II heimsveldinu, þann 6. apríl 1917

Þar með hófust fyrstu fólksflutningarnir og útflutningur valdaáhrifa frá Nýja heiminum yfir í og á Gamla heiminn. Bandaríkin sendu eina milljón manns og meira til að skerast í leikinn. Til að tryggja sér að enginn einn myndi ráða yfir öllu meginlandi Evrópu, sem er næst minnsta álfa heimsins og útkjálki úr Rússlandi. Þeir endurtóku þetta í Síðari heimsstyrjöldinni

Þarna var Evrópa komin inn í 30 ára ferli, sem eftir 500 ára heims-áhrifatímabil álfunnar, stútaði henni fyrir fullt og allt. Hún endaði þann feril sem hernumin rúst. Síðasta veldi Evrópu með heimsáhrif féll svo um sjálft sig árið 1991, er Sovétríkin hættu að vera til. Frá og með þá hefur Evrópa lítið sem ekkert haft að segja á plánetu okkar

Árið 1985 hætti Atlantshafið að skipta Bandaríkin öllu máli því þá jafnaðist út verslun og viðskipti í stuðurum Bandaríkjanna, sem eru eyja; Kyrrahafsviðskiptin náðu því magni og mikilvægi sem flutt voru yfir Atlantshafið. Þarna breyttist heimurinn svakalega. Asía reis, en er nú að mestu hrunin aftur sem mögulegt stórveldi með heimsáhrif. Loftið fór úr Japan 1989 og Kína er þegar komið í sama ferli

Fram undan eru forsetakosningar í Frakklandi. Frakkland er eina landið í Evrópu sem er bæði í Suður- og Norður-Evrópu. Þetta gerir það að verkum að Frakkland verður alltaf í annarri stöðu en öll hin löndin í álfunni. Og þetta gerir stjórnmál landsins öðruvísi en í öllum hinum löndum álfunnar. Það er ekki hægt að para Frakkland saman við neitt annað land í nágrenni þess, því það hefur aðrar þarfir en þau lönd hafa. Allt aðrar þarfir. Og spennan vegna þessa, eykst bara og eykst

En nú má, með ánægju eða óánægju, segja það staðreynd að allur gamli heimurinn sé -vegna innvortis ólæknandi og erfðafræðilega óleysanlegra pólitískra meinsemda- algerlega fallin spýta. Allur hinn stóri landmassi EvrópuAsíu (e. Eurasia) er fallinn sem áhrifa-pólitískar stærðir. Þetta allt er meira og minna að brotna upp í pólitískar frumeindir sem enginn veit hvernig lenda, ef þær þá nokkru sinni lenda, ásamt Mið-Austurlöndum. En hvað hins vegar kemur út úr þeim, Mið-Austurlöndum, verður okkur ekki gott. Þar býr fjórðungur mannkyns í annarlegu ástandi. Og það vita Bandaríkjamenn manna best

Næstu 500 árin verða í nafni þjóðríkis Bandaríkja Norður-Ameríku. Þau eru eina veldið sem nokkru sinni hefur ráðið öllum höfum heimsins

Skál fyrir Bandaríkjum Norður-Ameríku og Nýja heiminum! Ísland er sem betur fer þar, og rísandi en ekki fallandi, vegna einmitt Bandaríkja Norður-Ameríku. Þetta þurfa íslenskir stjórnmálamenn að skilja og kunna. Þetta er Litla gula hænan þeirra og hana eiga þeir skilyrðislaust að kunna, utanbókar

Krækja: Army Chief of Staff Commemorates World War I Centennial (vefur bandaríska varnarmálaráðuneytisins)

Fyrri færsla

Utanríkisráðherrann skaffar íslenskum fyrirtækjum stjörnusjónauka


Utanríkisráðherrann skaffar íslenskum fyrirtækjum stjörnusjónauka

Það er um að gera að reyna að ná til Kínverskra heimila. Flest þeirra lifa á tveimur Bandaríkjadölum á dag. Þetta eru þá heimili um það bil 800 milljón manns sem hafa tvo dali á dag til að lifa á. En bíddu, já það eru heimili 300 milljóna Kínverja sem hafa þrjá dali til að lifa á hvern dag. Þetta munar öllu. En svo eru 200 milljón manns sem hafa meira. Þeir starfa í deildum bandaríska hagkerfisins í Kína, þangað til þeim verður lokað eða þau sett í hafnbann, þar sem hver sjöundi gámur sem fluttur er út frá Kína, fer til Wall Mart í Bandaríkjunum

Það er um að gera að einbeita sér að einkaneyslu í Kína, þar sem hver Kínverji, eins og í Bólivíu, notar 3.500 dali á ári til einkaneyslu, á meðan hver einasti bandaríkjamaður notar 40 þúsund dali til einkaneyslu - á hverju einasta ári

Utanríkisráðherrann gæti skaffað íslenskum fyrirtækjum stjörnusjónauka svo þau geti hafið leit eftir neytendum á landmassa Kína. Svo þau geti þannig kannað heimsveldi fátæktarinnar í Gamla heiminum með sínum eigin augum. En Bólivía krefst hins vegar minni stjörnusjónauka, auðveldara er því að einbeita sér að fátæklingum þess lands, fyrst það er markmið utanríkisráðherrans að einbeita sér að mörkuðum einna fátækustu ríkja veraldar

Hvað með að reyna fyrir sér í sjálfum Bandaríkjunum, herra ráðherra utanríkis? Þau verða ekki sett í hafnbann, því þau ráða heimshöfunum. Ekkert eitt stórveldi mannkynssögunnar hefur áður gert einmitt það. Bandaríkin eru rétt fyrir vestan Ísland. Þau eru nýi heimurinn og verndari okkar

Og svo er það Rússland, herra. Þar áttum við tryggan og dyggan markað fyrir vörur okkar. Hvað með Rússland herra utanríkis? Rússland getur varla beðið, fyrst að lokað verður á öll viðskipti við Evrópusambandið vegna Gíbraltar, sem sambandið hyggst taka og innlima í sjálft sig. Á að láta undan kúgunum ESB? Ætlar Ísland ekki að standa með Bandamönnum* í því máli?

*Bandamenn eru: Bandaríkin, Bretland og Rússland

Fyrri færsla

Krónan notuð sem boxpúði fjármálaráðherra undir vernd Sjálfstæðisflokksins


mbl.is Fjöldi fríverslunarsamninga á næstunni
Tilkynna um óviðeigandi tengingu við frétt

Krónan notuð sem boxpúði fjármálaráðherra undir vernd Sjálfstæðisflokksins

Það er þyngra en hægt er að lýsa hér í nokkrum orðum að Sjálfstæðisflokkurinn skuli hafa tekið að sér enn eina nöðruna til að ala upp sér við hjarta stað. Viðreisn er enn eitt útibú Samfylkingarinnar sem Sjálfstæðisflokkurinn er að ala upp og veita brautargengi sem pólitísku eitri inn í æðakerfi íslenska þjóðríkisins á ný

Embætti forsætisráðherra er til vegna þess að það átti að gefa oft svo ömurlegu ríkisvaldinu persónulegt opinbert æðsta andlit sem talar til þjóðarinnar, þannig að hún sé bara örlítið sannfærð um að hafa ekki verið höfð að fífli

Brjálaður fjármálaráðherra sem notar gjaldmiðil þjóðarinnar sem boxpúða til að kýla upp hverfandi fylgi gegnóheiðarlegs pakka-lygavefs samfylkingarflokks síns, sem heitir Viðreisn, kallar á aðgerðir af hendi forsætisráðherrans

Ef þú bregst ekki við þessum blekkingarvef Viðreisnar, Bjarni Benediktsson forsætisráðherra, þá verður það ekki bara ég sem kýs þig ekki næst, heldur kjölfast bakland Sjálfstæðisflokksins, sem er stærra en formaður þess

Þjóðin þolir ekki meira af þessum peningalega óheiðarleika, esb-pakka-pakki og fikti með framkvæmdaarm og gírkassa fullveldis hennar. Vinsamlegast klæddu þig í vinnufötin og gefðu manninum það spark sem hann á skilið fyrir pakka-pakk sitt. Þetta gengur ekki lengur. Þú ert æðsta pólitíska höfuð Lýðveldisins. Þetta má ekki líða. Út með pakkann. Nánar: Áhlaupið á íslensku krónuna

Fyrri færsla

Einu sinni talaði elítan frönsku - eða dönsku


mbl.is Óbreytt ástand „óforsvaranlegt“
Tilkynna um óviðeigandi tengingu við frétt

Einu sinni talaði elítan frönsku - eða dönsku

Varnarmálaútgjöld Bandaríkja Norður-Ameríku á tuttugustu öld

Mynd: Mynd: Varnarmálaútgjöld Bandaríkja Norður-Ameríku á tuttugustu öld, hlutfall af landsframleiðslu

****

Eitt lítið brotabrot af þeim sem búa í löndum Evrópusambandsins segjast vera "heimsborgarar". Segja að þeir þurfi ekkert eitt land og ekkert þjóðríki

Þetta fólk elskar sjálft sig. Og engan annan. Nefna má til dæmis þá sem vinna við að rústa ríkjum Evrópu, til dæmis Grikklandi, sem einn kjarnahóp í þessum flokki. Þeir eru á launum hjá hinum ríkislausu sem vinna hart að því að stofna sitt eigið ríki, þar sem þeir einir geta verið kóngar. Í ríkislausri verklýsingu þeirra er að rústa heimili sínu, svo að þeirra eigið nýja ESB-ríki sé hægt að byggja á rústum þess sem þeir næstum hafa lagt að velli

Þegar óféti hinna ríkislausu heimsborgara hefur náð hápunti sínum, þá byrja styrjaldirnar. Og þá uppgötva heimsborgararnir allt í einu, að þeir eiga land

Og það sama gildir um fjármagnið sem einnig þykist vera heimsborgari án ríkisfangs og landamæra. Þá uppgötvar fjármagnið að það á land

Sömu sögu er að segja um gáfumennin, sem þykjast vera heimsborgarar svo lengi sem franskan eða danskan er töluð vegna innrásarliðs verndara þeirra, inn í önnur lönd. Þá komast einnig þeir að því, að jafnvel þeir eiga land

Þetta er það sem bíður meginlands Evrópu. Hún er í biðstofuferlinu núna. Bráðum byrjar ballið á ný

En bíddu hægur, ballið er reyndar þegar byrjað:

- Styrjöld og fangabúðir á Balkanskaga var mál sem Evrópa átti að taka sig af, en gerði ekki, af því að hún gat það ekki

- Georgía var mál sem Evrópa átti að taka sig af, en gerði ekki, af því að hún gat það ekki

- Krím var líka mál sem Evrópa átti að taka sig af, en gerði ekki, af því að hún gat það ekki

- Sömu sögu má segja um Úkraínu

- Og Rússland er mál sem Evrópa átti að taka sig af, en gerði ekki, af því að hún gat það ekki, getur það ekki, og mun aldrei geta það

- Og holskefla af hryðjuverka-vígamönnum (heimsborgurum) sem flæddi svo inn á götur og stræti borganna. Það var mál sem Evrópa átti að taka sig af, en gerði ekki, af því að hún gat það ekki

- Og nú er Tyrkland að bætast í evrópska suðupottinn

Sem sagt: enginn friður og engin velmegun, sem Evrópusambandið lofaði til að réttlæta tilvist sína. Bara ný fátækt og nýjar ógnir sem sambandið ræður ekkert við, því það er að leysa flest gott og gagnlegt upp í Evrópu

Það styttist óðum í ragnarök meginlands Evrópu, því Evrópa er ekki til og hefur aldrei verið til, nema sem landfræðilegt örnefni hinna ríkislausu afglapa hennar. Og nú er búið að afglapavæða álfuna á ný, þökk sé Evrópusambandinu

Það væri nú dálitið skemmtilegt tilraunaverkefni að taka vegabréfin af heimsborgurunum, svona til að skoða viðbrögð þeirra

Og láta þá svo hafa reikning fyrir tilverunni í afglapalandi. Henda reikningi í hausinn á þeim

Einu sinni skutu Rússar upp 58 sentímetra gervihnetti sem hét Spútnik. Bandaríkin í vestri brugðust við þeim atburði með því að henda Apollo 11 til baka í hausinn á Rússum. Máninn er þrátt fyrir allt ekki neitt gervitungl. Stendur það tungl því enn

Kannski verður reikningurinn sem Bandaríkin henda í hausinn á Evrópu af svipaðri stærðargráðu. Ég veit það ekki, því risinn í vestri kann sér stundum ekki afl, loksins þegar hann bregst við. Bregst við því sem ei getur staðist

Það þarf vissa stærð til að koma vitinu fyrir svo stóran massa af fábjánum. Donald J. Trump hefur því valið -á meðan útreikningar vegna Þýskalands fara fram- að byrja á frönsku ostunum. Þeir eru því miður fjögur hundruð, sagði de Gaulle

Þegar Roosevelt bauð sig fram og var kjörinn, þá sögðu fjölmiðlar að þar færi maður "gerilsneiddur öllum hæfileikum", sem langaði bara til að verða forseti. Og þegar Reagan bauð sig fram og var kjörinn, þá sögðu fjölmiðlar að þar færi "pólitískur afrakstur sjónvarpsþátta". Vondur maður, sem Carter kallaði rasista

Fyrri færsla

Skálum þrefalt fyrir Bretlandi. Útgangan hafin!


mbl.is Telja rétt að ganga úr ESB
Tilkynna um óviðeigandi tengingu við frétt

« Fyrri síða

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband