Leita í fréttum mbl.is

100 ár síðan Bandaríkin lýstu stríði á hendur Þýska heimsveldinu

Apollo 11 Saturn V  - Bandaríki Norður Ameríku 16 júlí 1969

Skipið, þrjú þúsund tonn, sem sigldi af stað tæpum 500 árum eftir ferð Kólumbusar frá Gamla heiminum, var 165 milljón hestöfl frá Boeing. Bara Bandaríkjamenn hafa gengið á annarri jörð en okkar. En litli stafræni sexkanturinn í ferðinni var, eins og áður, einna erfiðastur viðfangs: The Navigation Computer (You Tube, 45 mín)

****

Það var þessa dagana fyrir hundrað árum að þá, því sem næst, þriðja heims landið Bandaríki Norður-Ameríku, lýstu stríði á hendur þýska Wilhelmínu II heimsveldinu, þann 6. apríl 1917

Þar með hófust fyrstu fólksflutningarnir og útflutningur valdaáhrifa frá Nýja heiminum yfir í og á Gamla heiminn. Bandaríkin sendu eina milljón manns og meira til að skerast í leikinn. Til að tryggja sér að enginn einn myndi ráða yfir öllu meginlandi Evrópu, sem er næst minnsta álfa heimsins og útkjálki úr Rússlandi. Þeir endurtóku þetta í Síðari heimsstyrjöldinni

Þarna var Evrópa komin inn í 30 ára ferli, sem eftir 500 ára heims-áhrifatímabil álfunnar, stútaði henni fyrir fullt og allt. Hún endaði þann feril sem hernumin rúst. Síðasta veldi Evrópu með heimsáhrif féll svo um sjálft sig árið 1991, er Sovétríkin hættu að vera til. Frá og með þá hefur Evrópa lítið sem ekkert haft að segja á plánetu okkar

Árið 1985 hætti Atlantshafið að skipta Bandaríkin öllu máli því þá jafnaðist út verslun og viðskipti í stuðurum Bandaríkjanna, sem eru eyja; Kyrrahafsviðskiptin náðu því magni og mikilvægi sem flutt voru yfir Atlantshafið. Þarna breyttist heimurinn svakalega. Asía reis, en er nú að mestu hrunin aftur sem mögulegt stórveldi með heimsáhrif. Loftið fór úr Japan 1989 og Kína er þegar komið í sama ferli

Fram undan eru forsetakosningar í Frakklandi. Frakkland er eina landið í Evrópu sem er bæði í Suður- og Norður-Evrópu. Þetta gerir það að verkum að Frakkland verður alltaf í annarri stöðu en öll hin löndin í álfunni. Og þetta gerir stjórnmál landsins öðruvísi en í öllum hinum löndum álfunnar. Það er ekki hægt að para Frakkland saman við neitt annað land í nágrenni þess, því það hefur aðrar þarfir en þau lönd hafa. Allt aðrar þarfir. Og spennan vegna þessa, eykst bara og eykst

En nú má, með ánægju eða óánægju, segja það staðreynd að allur gamli heimurinn sé -vegna innvortis ólæknandi og erfðafræðilega óleysanlegra pólitískra meinsemda- algerlega fallin spýta. Allur hinn stóri landmassi EvrópuAsíu (e. Eurasia) er fallinn sem áhrifa-pólitískar stærðir. Þetta allt er meira og minna að brotna upp í pólitískar frumeindir sem enginn veit hvernig lenda, ef þær þá nokkru sinni lenda, ásamt Mið-Austurlöndum. En hvað hins vegar kemur út úr þeim, Mið-Austurlöndum, verður okkur ekki gott. Þar býr fjórðungur mannkyns í annarlegu ástandi. Og það vita Bandaríkjamenn manna best

Næstu 500 árin verða í nafni þjóðríkis Bandaríkja Norður-Ameríku. Þau eru eina veldið sem nokkru sinni hefur ráðið öllum höfum heimsins

Skál fyrir Bandaríkjum Norður-Ameríku og Nýja heiminum! Ísland er sem betur fer þar, og rísandi en ekki fallandi, vegna einmitt Bandaríkja Norður-Ameríku. Þetta þurfa íslenskir stjórnmálamenn að skilja og kunna. Þetta er Litla gula hænan þeirra og hana eiga þeir skilyrðislaust að kunna, utanbókar

Krækja: Army Chief of Staff Commemorates World War I Centennial (vefur bandaríska varnarmálaráðuneytisins)

Fyrri færsla

Utanríkisráðherrann skaffar íslenskum fyrirtækjum stjörnusjónauka


« Síðasta færsla | Næsta færsla »

Athugasemdir

1 Smámynd: Valdimar Samúelsson

Gunnar. Wow. I like you. Þetta er algjör 5 stjörnu grein og ég vil nú bæta við ósk mína að Trump taki Ísland traustataki áður en menn Soros og fylgjendur NWO stefnunnar sem kraumar í hér og svo EU sem reyna líka að ná meiri rótum hérna.  

Valdimar Samúelsson, 7.4.2017 kl. 13:44

2 Smámynd: Gunnar Rögnvaldsson

Þakka þér góðar kveðjur að Vestan, Valdimar.

Í dag sjáum við pólitískan útflutning Mið-Austurlenskra áhrifa á borgara á götum og strætum Stokkhólms. Þessi útflutningur Mið-Austurlenskra-áhrifa gat átt sér stað vegna þess að Evrópusambandið er óábyrg lofttæmd abstrakt sjónhverfing úti við ysta sjóndeildarhring, sem er að reyna að tortíma því eina viti sem eftir var í álfunni: þ.e. þjóðríkjum hennar. Þau voru eina verndin sem fólkið á götum úti hefur nokkru sinni haft gegn ömurlegum pólitískum ismum álfunnar. Nú er það imperíal ESB-isminn sem er ábyrgur fyrir því sem er að gerast og verkfæri hennar er pólitísk og efnahagsleg kúgun.

Kveðjur

Gunnar Rögnvaldsson, 7.4.2017 kl. 16:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "samfélags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband