Bankaríkisstjórn Evrópusambandsins ?

Það er eins og mig minnir að núverandi forseti framkvæmdastjórnar Evrópusambandsins sé hinn fyrrverandi forsætisráðherra Lúxemborgar, Jean-Claude Juncker. Frá landinu sem er banki. Síðasti ESB-forseti þessa félagsskapar frá sama landi, Jacques Santer, var ekki rekinn út fyrir spillingu í þessu embætti, fyrr en hún flæddi út um gluggana og varð þar með of sýnileg. Enginn gat rekið þetta fólk. Enginn gat fjarlægt það. Það varð því að bíða og vona að Santer-framkvæmdastjórnin segði sjálf af sér! Ekki er því skrýtið að viðreisn og píratar sæki í svona félagsskap sem enginn kýs og enginn getur fjarlægt. Þetta er betra en var í Sovét

rannsóknarskýrslan: - the report stated that they had not found a single person showing the slightest sense of responsibility

Mig minnir einnig að þessi Juncker-maður hafi sagt að hann gripi til lyga þegar þess þyrfti, sem líklega er, miðað við brunarústina ESB, ansi oft. Maður veit bara aldrei hvenær

En mig minnir líka að 60 prósent vinnuafls Lúxemborgar séu ríkisborgarar annarra landa sem búa í nágrannalöndum stórhertogadæmisins. Þessi maður vill auðvitað engin landamæri, það er skiljanlegt. Nema þau landamæri sem gera honum, og ESB-hagstofu hans, mögulegt að stilla þjóðhagsreikningum sínum þannig upp, að landsframleiðsla Lúxemborgar á hvern íbúa sé bara á hvern íbúa sem býr í landinu, en ekki utan landamæra þess. Þá henta landamærin honum mjög vel. Og auðvitað skorar landið því afar hátt í alþjóðlegum samanburði, á hvern íbúa

Það var vægast sagt sérlega athyglisvert og heillandi að horfa á Theresu May forsætisráðherra Bretlands segja Bretum frá því hvernig hún muni koma landi þeirra út úr þessum félagsskap. Ég hvet alla hugsandi menn til að horfa á forsætisráðherrann segja þjóð sinni frá, því að fátt annað verður mikilvægara fyrir okkur á Íslendinga á næstu árum, en að fylgja einmitt þessum vinum okkar út úr hinum slæma félagsskap sem ESB og EES er:

Horfa: Sögulegasti pólitíski atburður heillar kynslóðar að hefjast

Sögulegasti pólitíski atburður heillar kynslóðar að hefjast

Theresa May, Birmingham 2-5. október 2016 (bein krækja)

Flokksþing breska Íhaldsflokksins stendur yfir. Þar greindi Theresa May forsætisráðherra Stóra Bretlands, frá því hvernig Bretland mun yfirgefa Evrópusambandið

Hún sagði: Brexit þýðir Brexit. Það er ekki til neitt sem heitir "mjúk Brexit" né "hart Brexit". Brexit þýðir einfaldlega að Bretland mun yfirgefa Evrópusambandið og öll lög sambandsins veða afmáð úr breskri lögsögu og réttarkerfi

Um komandi ný tengsl Bretlands við Evrópusambandið, sagði frú May:

"Þetta verður ekki norska módelið (EES). Þetta verður ekki Svissneska módelið. Brexit mun þýða samkomulag á milli sjálfstæðs og fullvalda Bretlands og Evrópusambandsins". Hún bætti við: "við skulum hafa það alveg á hreinu, að við erum ekki að yfirgefa Evrópusambandið til að láta nokkru sinni aftur af hendi fulla stjórn okkar yfir innflytjendamálum og við erum ekki að yfirgefa Evrópusambandið til þess að snúa aftur inn undir lögsögu Evrópudómstólsins. Eins og ávallt þegar um alþjóðlegar viðræður er að ræða, þá munu fara fram samningaviðræður. Þær munu krefjast þess að aðilar gefi og taki."

Frú May sagði ennfremur:

"Ég vil hámarka tækifæri breskra fyrirtækja til viðskipta og starfsemi á hinum innri markaði meginlandsins og gefa evrópskum fyrirtækjum tækifæri á að gera hið sama hér í Bretlandi", - en, bætti hún við, -"við munum verða algerlega sjálfstætt og fullvalda ríki á ný - ríki sem ekki er lengur hluti af pólitísku sambandi (European Union) með yfirríkislegar stofnanir sem valta yfir þjóðþing og dómstóla lands okkar."

***

Bjarni Benediktsson: sýndu okkur 1944 á ný !

Breski Íhaldsflokkurinn er systurflokkur Sjálfstæðisflokksins. Báðir þessi flokkar eru sögulegar stofnanir um varðstöðu lýðræðisþjóða. Sjálfstæðisflokkurinn er eini slíki stjórnmálaflokkurinn á Norðurlöndum. Ekkert hinna Norðurlandanna getur státað af að hafa slíkt stjórnmálafl í ríkjum sínum. Einn flokk þar sem allir á hægrivæng við miðju fylkja sér saman undir einum fána (e. catch all)

Þessi sögulegi atburður í Bretlandi sem Íhaldsflokkurinn þar er að setja í framkvæmd og leiða til lykta, mun setja Sjálfstæðiflokknum ný viðmið, sem ekki verður undan vikist

Sjálfstæðisflokkurinn nýtur einn íslenskra stjórnmálaflokka eðlislægs styrks, breiddar og forystu sem fær er um að taka á þessu máli og leiða lýðveldið Ísland úr úr yfirríkislegri lögsögu erlends valds sem aftekur með öllu að lúta þjóðþingi okkar og dómstólum. Þjóðþing Íslendinga er Alþingi og æðsta stofnun Lýðveldisins - og það á að vera svo í sannleika. EES-samningurinn er fyrir löngu kominn fram úr því sem hann átti og mátti verða. Þannig fer með allt sem hefur með Evrópusambandið að gera. Það verður að umboðslausum yfirdrætti sem hvergi er til innistæða fyrir. Yfirdrættinum er því þegjandi kyngt og framlengt með biturð í 28 löndum, því annars fer þessi gjaldþrota ESB-banki einfaldlega á höfuðið og hrynur yfir borgarana. Það er hann reyndar nú þegar byrjaður að gera. Það hrun og umbrotaferli getur orðið skelfilegt og ekki er hægt að útloka stríð. Það ættu menn ekki að gera. Hvaða lönd munu yfirgefa Evrópusambandið næst, mun ég fjalla um á næstunni

Bjarni Benediktsson er rétti maðurinn til að leiða Ísland aftur inn á þjóðbraut sjálfstæðra og fullvalda þjóða og á ný inn í þéttan félagsskap með okkar mestu og bestu bandamönnum, sem jafnframt eru voldugustu ríki veraldar: Bandaríki Norður-Ameríku og Stóra-Bretland. Noregur mun fylgja efir, ef hann verður ekki á undan okkur. Á landsþingi norsku verkalýðsfélaganna næsta vor mun norska ASÍ senda ríkisstjórn landsins einróma ályktun þar sem þau krefjast úrsagnar Noregs úr EES

Það þarf engan nýjan stamstarfsgrundvöll í neinu svo hallærislegu eins og í svokölluðum "Evrópumálum". Samstarfsgrundvöllurinn er hér nú þegar og nógu hart var berist fyrir honum á sínum tíma. Hann hefur verið til það lengi að of margir menn vilja helst eyðileggja hann, áður en hann nær að blómstra að fullu. Hann er þessi: sameiginlegir hagsmunir fullvalda þjóða um, að það er fullveldi þjóða sem geir þeim kleift að starfa sem fullvalda þjóðir með öðrum fullvalda þjóðum. Það er þetta sem er hornsteinn þess sem við erum: Vesturlönd

Um daginn gekk ég í Sjálfstæðiflokkinn. Hann er eini stjórnmálaflokkurinn sem ég hef gengið í á æfi minni. Og ég ætla að kjósa hann. Sé þér annt um Ísland, ættir þú að gera hið sama og kjósa með landi okkar, en ekki á móti því. Ég tel mig ekki lasta aðra flokka með þessu, en staðan er eins og hún er; Hinu pólitíska öngþveiti í kjölfar hruns EES-bankabólunnar og upplausnar Evrópusambandsins, verður að linna. Pólitískir hrægammar hættulegir fullveldi og sjálfstæði Íslands sveima um loftin í leit að enn fleiri ESB-hörmungum, Íslandi til skaða á höndum og fótum. Látum okkur því sjá 1944 á ný

Fyrri færsla

Pólitísk leit eftir Samfylkingu hafin

Pólitísk leit eftir Samfylkingu hafin

Einu sinni var til EEC-ístruklúbbur manna með vindil. En svo gerðist það að Lenín missti tökin austan landamæra lífs og dauða. Þá var hinum gamla ístruklúbbi EEC breytt í ESB og úr því varð sjálfstætt ríki sem fékk yfirríkilegt vald yfir öllum með ístru, en einnig og samtímis, öllum sem ekki höfðu haft efni á vindlum. Allt gamla Lenín dótið fékk þarna nýtt ríki fyrir sig. Og það hrúgaðist þar inn. Allt sósíalistastóðið fékk nýtt hlutverk að leika í nýju ríki: að drottna yfir öllum. Og Öllum og öllum var lofaður vindill eins og áður

Rigndi nú nýrri löggjöf niður í gjörvallt hið nýja ríki. Og ESB-Lenínveldið bætti nýjum lagasviðum við ofríki sitt í endalausum bunum. Umhverfismál, mannréttindi og pólitískar ofsóknir á hendur heilum ríkjum urðu hvunndagsmál. Ofsóknir á hendur Kirkjunni og Kristni gátu hafist á ný og fengu nýtt lögmæti. Hinar Heilögu ritningar boða nefnilega þjóðríki og landamæri til að halda ríkjum innan þeirra, svo komið sé í veg fyrir að Ofríkið éti allan heiminn upp til agna. Þessi nýófrelsishyggja gekk svo vel að henni tókst að blása stærstu miðstýrðu fjármálabólu veraldar upp í henni allri, með dyggri hjálp bræðra kommúnistanna í Kína: með miðstýrðri evrumynt og bankakerfum. En nú er þessi bóla sósíalistanna að springa. Og Jón Baldvin er genginn aftur - nýófrelsishyggjumaðurinn sjálfur og sem misst hefur trúna. Hvar endar þetta, segi ég bara

Tapað - fundið, verða menn því að lesa hér og hafa lúmskt gaman af Smá-krydd í pólitísku tilveruna

Fyrri færsla

Þýsk stórfyrirtæki styðja bankann sinn

Þýsk stórfyrirtæki styðja bankann sinn

Stjórnendur stærstu fyrirtækja Þýskalands hafa nú lýst yfir stuðningi við Deutsche Bank sem á í miklum erfiðleikum. Þeir eru samt ekki viljugir að styðja við bankann með því að hella ofan í hann nýjum og ferskum peningum í stað þeirra sem bankinn hefur brennt. Þessi bla bla stuðningur stjórnenda stærstu fyrirtækja Þýskalands mun því ekki bæta bókhald bankans, heldur fæla frá þá sem kunna á debet en sérstaklega kredit. Þýskir stjórnmálamenn eru farnir að skjálfa sínum venjulega gamla skjálfta og saka Bandaríkin um að standa að baki bankabruna stjórnmálamanna Þýskalands, þar sem sjálf ríkisstjórnin samkvæmt gamalli venju er bankinn. Sem betur fer var bankafrídagur í Þýskalandi í dag og þeir lokaðir

Síðast ég þegar og opnaði fyrir einhvers konar "Víðsjárþátt"á DDRÚV, þá var stofnunin útrásar- og bankaútvarp. Þar voru fréttamenn stofnunarinnar andaktugir í beinni útsendingu til íslenskrar þjóðar að pissa á sig af hrifningu yfir þeim sem þá voru að tæma bankana. Þá lokaði ég, og hef ekki opnað fyrir DDRÚV síðan. Þegar svo danski endurskoðandinn minn sendi mér glansmyndað íslenskt útrásarpopp á dönsku í bréfpósti, og sem jafnvel hann trúði á, og sem sanna átti snilld íslenskra bankasuga, þá varð ég algerlega viss um að ég hafði rétt fyrir mér. Og það sama gilti um þá glóballar samkundu sem réði lagavali á öllum DDRÚV stöðvum öreiga allra landa. Fékk ég mjög vont fyrir hjá flestum. Þá var vinsælasta nafnið í veröldinni Allir. Sem er sama nafnið og gildir í dag

Þýskaland er útflutningsbóla sem er að springa

Andrés Önd er alltaf betra en DDRÚV

Fyrri færsla

Merkingarleysi DDRÚV-ríkisútvarpsins í Undralandi

Merkingarleysi DDRÚV-ríkisútvarpsins í Undralandi

Mynd: Hin marktæka markleysa góða fólksins

Þjóðaratkvæðisgreiðsla sem ESB og DDRÚV geðjaðist ekki að, fór fram í Ungverjalandi um helgina. Og þar sem þjóðar-atkvæðisgreiðslan var ESB og DDRÚV ekki þóknanleg, þá var hún gerð vond og sú ríkisstjórn sem fólkið hefur kosið í Ungverjalandi var gerð vond. KGB fréttadeild DDRÚV talað því við einn íslensku mælandi útlending sem var á skoðunarferð um sovésk samyrkjubú ESB í landinu vonda, og sem er voða góð. Hún var í miðjum örlátum og það sló því útí fyrir henni af góðmennsku með annarra manna land. Gjörið svo vel, borgið DDRÚV við kassa eitt, fyrir ekki neitt

Þessi atkvæðagreiðsla snérist um að sýna Evrópusambandinu og Brussel-elítum að til staðar er þjóðkjörin ríkisstjórn í landinu, sem algerlega er mótfallin því að fjarlæg klíka ókjörinna embættismanna ráði því hver úr hvaða landi sem er, fái að búa í landinu og hvernig Ungverjaland gætir þjóðarhagsmuna sinna. Þetta land varð verst fyrir barðinu á holskeflu af fólksflóði frá Mið-Austurlöndum á síðasta ári. Ekkert land í Evrópu fór eins illa út úr þeim atburðum eins og Ungverjaland, miðað við fólksfjölda. Því sjálfu langar ekki að verða enn eitt Mið-Austurlandið í viðbót. Sýni ríkisstjórnin íbúum landsins ekki hver ræður í landi þeirra, þá er vert að geta þess hér, að til eru þeir sem með ánægju vilja að það sem DDRÚV segir að sé vont, verði enn verra

Til einföldunar: "Við í Ungverjalandi erum ósátt við það stjórnleysi og upplausn sem Evrópusambandið og keisari þess hefur skapað. Það erum við sem erum í eldhúsinu að matreiða það sem þið étið. Það erum við sem þurfum að þola hitann. Við skjótum því hér með einu aðvörunarskoti fyrir framan bóg þess sökkvandi skips sem þið sjósettuð og selduð sem verandi björgunarbát, en sem reynst hefur álfunni verr en brunagildra. En við erum samt ekki enn klár til að sökkva ykkur. Erum ekki enn alveg tilbúin til að segja fyrir fullt og allt skilið við Evrópusambandið eins og það leggur sig, því við erum að byggja annað skip sem heitir öðru nafni með þeim ríkjum sem við vegna geo-pólitískrar legu okkar erum dæmd til að deila örlögum okkar með. Þegar að því kemur að reyna þurfi á þá byggingu þá eruð þið í Brussel á annarri plánetu miðað við þjóðarhagsmuni okkar. Á meðan málin eru eins og þau eru, þá leyfum við hér með ykkur, sem enginn hefur kosið, að fljóta áfram til ykkar feigðaróss. Skyttan með föstu skotin var látin halda sig heima í þetta skiptið. En aðvörunarskotið er hins vegar sent. Niðurstaðan er sú að umboð ríkisstjórnarinnar stendur og er staðfest. Skyldum við þurfa að skjóta á ný, þá verður skotið fast og beint í mark. Hunskist af bökum okkar. Það eruð þið sem hafið kveikt í Evrópu, en ekki við."

Af þeim sem kusu sögðu 98,33 prósent nei við Brussel, eða 3.282.723. Þeir sem sögðu já við Brussel voru 1,67 prósent eða 55.758. Á kjörskrá voru 8.261.394 kjósendur. Hreint nei við Brussel sögðu því 39,7 prósent þjóðarinnar. Þeir sem heima sátu voru hins vegar þeir sem samþykktu endanlega markmið kosninganna: Að senda aðeins aðvörun til Brussel, en ekki stóru bombuna núna. Þeir hefðu vel getað mætt á kjörstað og sagt nei við tillögu ríkisstjórnarinnar. En þeir héldu sig til hlés og stóðu vakt sína með því að láta þetta verða það aðvörunarskot sem það átti að verða. Miðað við þessar kosningar, ýmsar aðrar þjóðaratkvæðagreiðslur í ESB og kosningar til Evrópusambandsþingsins þá er þessi kosningaþátttaka okkar núna ekki neitt sem hægt er að fúlsa við. Evrópusambandsþingsins kosningar voru síðast haldnar árið 2014 og þá tóku 28,97 prósent ungverskra kjósenda þátt. Þátttakan núna er talin vera 40 til 43 prósent, þegar fullri talningu lýkur.

Ef setja á þetta í samhengi við sumar þær þjóðaratkvæðagreiðslur sem farið hafa fram um aðild þeirra landa sem hent hefur verið inn í Evrópusambandið án nokkurra athugasemda, þá lítur dæmið svona út

Þjóðaratkvæðagreiðsla um aðild Króatíu að Evrópusambandinu þann 22. janúar 2012:

44 prósent greiddu atkvæði og af þeim sögðu aðeins 66 prósent já eða 29 prósent kjósenda. Þetta var látið standa, gagnrýnislaust! En 54 prósent tóki ekki þátt vegna þess að ríkisstjórn Króatíu hafði tilkynnt kjósendum að ef ekki fengist rétt niðurstaða (já), þá yrði kosið aftur þar til rétt niðurstaða fengist. Þetta gerði ríkisstjórnin vegna skoðanakannana sem sögðu að 57 prósent kjósenda ætluðu að segja nei við inngöngu Króatíu í Evrópusambandið. Um það bil 84 prósent Króata tóku hins vegar þátt í þjóðaratkvæðagreiðslunni um sjálfstæði Króatíu frá Júgóslavíu árið 1992. Á aðeins tuttugu árum hafði þar með tekist að varpa virku lýðræði og þar með virku fullveldi Króatíu fyrir róða með því að taka upp lyfjagjöf Evrópusambandsins í Brussel. Sú lyfjagjöf virkar eins og Roundup á allt grænt sem vex í görðum þjóða. Það visnar og deyr.

Sjálf setti ríkisstjórn Ungverjalands markið hærra en ESB og DDRÚV gerðu þegar Króatía small upp á lyklakippu Evrópusambandsins. Þeim atburði var hinsvegar fangað með samstundis-útgáfu velþóknunar Brussel elítunnar og útibúi hennar hér á landi sem er DDRÚV og sérvaldir framboðsflokkar þess hér á landi

Merkingarleysi DDRÚV ríkisútvarpsins hefur enga þýðingu. Þú munt því áfram verða rukkaður um peningana sem fara í að halda hinu sérpólitíska apparati þess gangandi eins og heilu Evrópusambandi: sem óskabarni vissra elíta með vissar skoðanir

Framburður DDRÚV í þessu máli á svo gott sem ekkert skylt við fréttamennsku. Nauðbeygður viðskiptavinur sem hlýðir á boðskap DDRÚV í stað alvöru fréttar um málið, er engu nær um ástand mála. En þeir sem kunnugir eru málinu, vita hinsvegar vel að þarna heyrði pólitískt blindravinafélag ESB á Íslandi hvítan ullarlagð falla með þrumugný

Oft safnaði ég ullarlögðum þar sem ég var í sveit. Það gat ég vegna þess að þeir sástu fastir á gaddavír. Ég lagði þá inn í Kaupfélagið. Ekkert slíkt er hægt að gera við tætlur DDRÚV. Þær hafa enga merkingu. Eru mark-lausar og því hvergi hægt að leggja inn, án þess að vera sakaður um þjófnað

Aðild Króatíu að Evrópusambandinu samkvæmt boðskap ESB og DDRÚV er hinsvegar marktæk markleysa. Sovétríki ESB hafa greinilega engin landamæri, frekar en landamæri frumútgáfunnar höfðu. Draslið DDRÚV flýtur því enn

Upplausn Evrópusambandsins heldur áfram og ekkert lýðræðislegt afl getur lengur stöðvað þá þróun, Tilvistargrundvöllur sambandsins hefur aldrei rúmast innan lýðræðislegs stjórnarfars. Hann getur aðeins rúmast innan einræðislegs stjórnarfars. Staða mála er því eins og hún er: klikkun

Úr klikkunardeildum sósíalistaklúbbs ESB

Breska hagkerfið er stærra en það franska. Þegar það fer úr ESB þá fjölgar fátæklingum Evrópusambandsins hlutfallslega mikið, og þeim ríku fækkar til muna. Þeir sósíalistar sem allt ESB hefur snúist um frá og með Maastricht 1992, ættu þar með að gleðjast mikið. Fátækum fjölgar og ríkum fækkar. Ný miðstýrð paradís er að verða til: Evrópuöreigasambandið!

Skríði Þýskaland ekki á fjórum fótum að Brexit-samningaborðinu, þá er úti um 7-10 prósent af heildarútflutningi Þýskalands, sem fer til Bretlands, þar á meðal milljón bílar, og landsframleiðsla Þýskalands getur dregist saman um helming þeirrar tölu ef illa fer.

Skríði allt ESB ekki einnig á öllum fjórum að samningaborði Bretlands, þá hringir Boris bara úr símanúmeri Bretlands í forseta Bandaríkjanna og er kominn með fríverslunarsamning við ekki bara öll Bandaríki Norður-Ameríku fjórum klukkustundum síðar, heldur og einnig við allt NAFTA í næstu viku (tímalengdin fyrir Ísland yrði þó sennilega tvöfalt lengri). Evrópa hefur hins vegar ekkert símanúmer til að hringja í neinn úr

Viðbrögð sumra landa í Mið-Evrópu, og þar með talið er Tékkland og Ungverjaland, minna mig á öfugt vor í Prag. Innrás Sovétklíkunnar i Prag átti að sýna öðrum ríkjum undir hæl Kremlarveldisins hvað gerist þegar lönd ætla að yfirgefa Kommúnistaguðspjallið. Nú á að reyna að beita sömu aðferðum við Bretland - og það af fórnarlömbunum sjálfum! (Stokkhólms heilkennið?). Hreint ótrúlegt

Fyrri færsla

Þýska bankakerfið í miklum vandræðum

 

Þýska bankakerfið í miklum vandræðum

Margir hafa heyrt um alvarleg vandamál stærsta banka Þýskalands, Deutsche Bank. Lánasöfn bankans eru að falla saman og rekstur hans er í járnum. Næst stærsti banki landsins, Commerzbank, berst fyrir lífi sínu og hefur gripið til neyðarráðstafana. Reka á 10 þúsund starfsmenn og 40 prósent af virði hans er horfið úr vösum eigenda á aðeins 9 mánuðum. Vonast bankinn til að með þessum aðgerðum geti hann sýnt umheiminum einverja jákvæða afkomu

Deutsche Bank hefur nú fengið 14 milljarða dala sekt í Bandaríkjunum fyrir misnotkun á undirmálslánum á húsnæðismarkaði. Stærstu bankar Þýskalands og Landesbank NORD, sem stjórnmálamenn Þýskalands stýra, eiga í klemmu 100 milljarða dali sem þeir fjárfestu í skipaflota til sjóflutninga, sem meðal annars siglir þýskum útflutningi til áfangastaða, undir vernd bandaríska Kyrrahafsflotans, sem Þýskaland hefur fordæmt fyrir flest, og sem einn hefur staðið vörð um siglingarleiðir þýsks útflutnings í meira en 70 ár. Þetta er fjórðungur allra lánveitinga í veröldinni til þessa geira. Þau pólitískt bökuðu lánasöfn eru að rotna í bankabók Þýskalands í takt við tekjuhrun fragtskipaflota veraldar. Þar sem stór skip gátu á bóluskeiði þénað 200 þúsund dali á dag, en sem í dag mega þakka fyrir að geta skrapað inn 30 þúsund dölum á dag, fyrir sömu vinnu og sama tilkostnað. Í síðasta mánuði fór eitt stærsta skipafélag heimsins í gjaldþrot

Segja nú sumir að Angela Merkel geti ekki bjargað þýskum bankamálum af því að hún sé búin að fordæma Bandaríkin svo hart fyrir undirmálslánin sem hún keypti og sem banki hennar er nú að fá sekt fyrir þar vestra, en sem hann með góðu móti á ekki fyrir. Og menn segja enn fremur að mórölsk sprengjuvarpa þýska kanslarans hafi nú þegar skotið bankakerfi flestra ríkisstjórna Suður-Evrópu í kaf, fyrir að vera í svipaðri aðstöðu og sem hún og fyrirrennari hennar komu þeim sjálfum fyrir í, með því að endur-uppsetja þýska hagkerfið þannig að það er nú útflutningsháðasta hagkerfi veraldar, af þeim stærri. Þýskt hagkerfi þar sem helmingur landsframleiðslunnar er fluttur út til annarra landa. Helmingur hans fer til þeirra ESB og evrulanda sem hún og ECB-aukaseðlabanki hennar hafa tekið af lífi með fjármálabólu undir neikvæðum raunstýrivöxtum og þýskri banka-export-bólu

Bandaríkin sem eru nettó-innflytjandi flytja hins vegar aðeins 13 prósent landsframleiðslu sinnar út og helmingur hans fer til Kanada og Mexíkó. Ekkert fylki Bandaríkjanna er háð útflutningi og síst af öllu til Evrópu og Asíulanda. Falli útflutningur Þýskalans um helming, þá mun einn fjórði hluti hagkerfis þess þurrkast út, nema að nýir markaðir séu opnaðir með hvelli. Þeir einu sem eftir eru í hinu pólitíska skiptiborði landsins, eru fyrir austan Austur-Evrópu, sem þá verður að hindrun

Heimsviðskiptin eru á fallanda fæti og farin að dragast saman. Sú glóballar-þróun sem fór í gang 1991 er að snúast við. Það elítuveldi sem til varð undir þeim breytingum er komið í vandræði víða um heim. Meira en helmingur almennings á Vesturlöndum hagnaðist ekki á glóbelli þessara elíta. Og sennilega hefur sá hluti liðið tap. Þessi hluti þjóðanna hefur nú hoppað í gömlu björgunarbátana, þjóðríkið og landamæri þess, og ætlar sér ekki að láta þá af hendi til þeirra sem kveikt hafa í þjóðarheimilum hans

Þýskaland er að hitna. Það þokast í stjórnleysisátt og hin pólitískt ráðandi elítuöfl eru farin að þreytast og örmagnast. Við mun taka enn frekara stjórnleysi

Ekki er með öllu útilokað að spá Beatrix von Storch í AfD-flokknum í þýska ARD sjónvarpinu, um að Angela Merkel kanslari, öryggis síns vegna, neyðist til að flýja Þýskaland eftir gömlum flóttaleiðum til Suður-Ameríku, þegar hún fer frá völdum, muni rætast. Angela Merkel, sagði hún, hefur eyðilagt Þýskaland það mikið að leita þarf aftur til ársins 1945 til að finna álíka eyðileggingarafl í Þýskalandi og Evrópu. Þetta er sú flóttaleið sem Erich Honecker flokksfélagi Angelu Merkel úr DDR fór - og fleiri á undan honum

Öllu sem kanslarinn kemur nálægt klúðrar hún með ákvarðanatökufælni og pólitísku hug- og getuleysi. Mín skoðun er sú að útflutningsfíkn Þýskalands sé að éta fjármálakerfi landsins upp innanfrá. En því er hins vegar haldið vandlega leyndu fyrir almenningi. Export- og bankaelítan á lítið gott í vændum

Sú forna og heilaga móralska regla Þýskalands, að viðskiptajöfnuður (e. trade balance) sé jöfnuður sem byggist á að Þýskaland græði á meðan aðrir tapa -flytji út en aðrir neyti- getur ekki gengið upp. Ekki núna, frekar en nokkru sinni áður í langri sögu ófara landsins. Skoða ber stofnun Þýskalands 1871 með þeim augum. Sá fæðingargalli mun ávallt fylgja landinu. Pólitískar samkeppnisaðgerðir geta aldrei orðið að góðu ríki - þ.e.a.s fyrir hinn almenna borgara

Fyrri færsla

Kjörfylgi Deutsche Bank komið niður í einn tölustaf - og fundi frestað