Bara ef Stalín hefði haft tölvur og snjallsíma

Ég er farinn að hallast að því að Sovétríkin hefðu gengið upp ef að Stalínar þeirra hefðu haft tölvur og snjallsíma. Þá væri nefnilega ekkert nema gott fólk í Sovétríkinu. Allt vonda fólkið væri horfið. Góða fólkið hefði bara sent Stalín sínum tölvu- og snjallsíma skilaboð um hve allt vonda fólkið væri vont og það hefði einfaldlega verið sótt og fjarlægt, vegna alls þess vonda sem það sagði og hugsaði. Í næstu lotu hefði svo algóða fólkið klagað góða fólkið fyrir að vera ekki nógu gott. Þegar búið væri að fjarlægja það góða fólk, já þá væri algóða fólkið eitt eftir. Og allt væri ofboðslega ofboðslega gott

Raflosti sló sem eldingu niður í sveitastjórnarmeðlim stærsta og mest sveitó sveifafélags landsins í Reykjavík á kassanum. Hún var kosin til að sjá um stórvirka aumingjavæðingu en nennti því svo bara ekki og fór. Aðeins einn maður í landinu (Bj.Bj.) virðist hafa komið auga á að með þessu sveik hún þá kjósendur sem gerðu hana að góða fólks fulltrúa aumingjavæðingar Samfylkingarinnar á sveitinni í Reykjavík. Þetta er frekar furðuleg staða og hún orðin vond, þ.e. fulltrúinn

Evrópsk útgáfa af Mið-Austurlöndum í smíðum

Þá styttist óðum í að góða fólkið í Evrópu fái sína eigin útgáfu af Mið-Austurlöndum heima hjá sér. Ekki bara þá fjarlægu pixel-útgáfu sem það heiladautt ornar sér við úr DDRÚV sovét sjónvörpunum inni í stofum sínum, heldur er það loksins að fá þá útgáfu sem það sér út úr sjálfu sér. Beint út úr sínu eigin húsi, í sinni eigin götu, í sínu eigin samfélagi sem var þjóðfélag sem er að breytast í vígvöll, þökk sé góða fólkinu sem ætlar að reisa sér minnisvarðann á kostnað annarra - á kostnað vonda fólksins

Morð og líkamlegar sem þjóðfélagslegar nauðganir verða brátt daglegt brauð. Götubardagar verða í landshlutum án laga og réttar. Áhlaup á skattafjármagnaðan ríkissjóð sem góða fólkið lítur á sem gjafabúð til að byggja sér minnisvaraða sína úr. Fátæktin kemur aftur. Hryllingurinn kemur allur aftur

Evrópusambandið er að breytast í alræðisríki. Þegar terrorinn er orðinn slíkur að engin von er lengur fyrir í íbúa álfunnar, þá verða minnisvarðar góða fólksins að útrýmingarbúðum þess sjálfs

Örstutt frelsis- og velmegunarblíbb í sögu Evrópu er nú liðið. Miðaldir eru komnar og nýr Svarti dauði lúrar handan við hornin á hönnunarhúsi helvítis Evrópusambandsins

Já og svo boðaði Ayatollah Khamenei andlegur leiðtogi múslíma tortímingu Ísraelsríkis innan næstu 25 ára í fyrradag

Screw them Bibi!

Fyrri færsla

Margföldunaráhrif: "Segir Ólaf ætla að hætta"

Margföldunaráhrif: "Segir Ólaf ætla að hætta"

pró­fess­or í stjórn­mála­fræði

- við fyrstu sýn er hann greini­lega (ok, ég skil)
- finnst þetta vera nokkuð af­drátt­ar­laus yf­ir­lýs­ing (javel?)
- gefið ákvörðun sína skýrt til kynna (ég skil)
- ef hann hefði það bak við eyrað (jasåh)
- óvenju snemma í þessu núna (jahá)
- er kom­inn á elli­líf­eyris­ald­ur (já er það?)
- ef út í það er farið (aha)
- auðvitað gam­all maður (og þú ert hve gamall væni minn?)
- kannski vill hann gera eitt­hvað annað (gera annað!)
- vera kannski frjáls­ari en hann er (Ólafur frjálsari?)
- ef rétt reyn­ist, að hann hafi ákveðið (já já)
- geti þetta breytt stöðunni tölu­vert (ég skil)
- ef að ég túlka þetta þannig (auðvitað)
- sem ég hall­ast nú að (aha)
- í raun og veru (ja hérna)
- ég held (aftur?)
- gæti breytt stöðunni fyr­ir væn­lega kandí­data (hvaða stöðu?)
- það held ég að opni á fleiri mögu­leika (opni?)
- það er það sem breyt­ir þess­ari stöðu (einmitt)
- það er ör­ugg­lega eitt­hvað af fólki þarna úti (á útibleiks?)

Mikið er gott að hvorki skammsýnir stjórnmálamenn, stjórnlagaránið, "eitthvað fólk þarna úti" né stjórnmálafræðingar, stýri Ólafi Ragnari Grímssyni forseta lýðveldis okkar Íslendinga

****

Hér má sjá forseta Íslands flytja ræðu sína við setningu Alþingis þann 8. september 2015: krækja

Hér má lesa ræðu hans á PDF-sniði: krækja

Fyrri færsla

Hver á að taka við flóttamönnunum frá Evrópusambandinu?

Segir Ólaf ætla að hætta

Hver á að taka við flóttamönnunum frá Evrópusambandinu?

Sýrland er eins og Evrópusambandinu er ætlað að verða. Sambruni margra þjóða. Í sumri þessu á Sýrlandi búa nú fimm þjóðir, innan hannaðra landamæra með Schengen bragði. Landið er hannað af Frökkum eins og Evrópusambandið, sem arkitektónískt og stjórnsýslulega er einnig frönsk hönnun elíta þess miðstýrða lands. Franska sýrlenska hönnunin er sprungin og samsteypan brennur. Stendur bara í ljósum logum sem algert misfóstur fyrir borgarana. Evrópusambandið brennur einnig. Það logar. Klerkaveldi þess hefur kveikt marga elda. Og eldar þessir skapa vakúm. Í vakúmi þessu skjóta ömurleg öfl rótum og vaxa sig sterk

Svona er að neita að horfast í augu við þá staðreynd að þjóðríkið er fremsta manngæskuberandi skipan veraldlegra mála. Þess vegna vill Evrópusambandið drepa þjóðríkið. Drúsar þurfa til dæmis þjóðríki eins og Gyðingar, en hafa það ekki. Þeir leita ásjár í Ísrael, sem er eina lýðræðisríkið í Mið-Austurlöndum 

Vegna ESB-dýrkandi fjölmiðla og afglapa margra Vesturlanda er þjóðríkið Ísrael nú jafn hatað í Evrópu og Norður-Kórea er. En þökk sé þó fyrst og fremst sjálfu afglapaveldinu ESB, sem hatar Ísrael af því að það er nýtt þjóðríki og bara þjóðríki og sem þorir að verja sig og borgara sína. Það er frumskylda hverrar kjörinnar ríkisstjórnar að verja líf, limi og eignir borgarana. Alger lágmarks frumskylda!

Evrópusambandið er að búa til vakúm, sem verður fyllt upp. Flóðgáttirnar eru opnar, fyrst og fremst fyrir of mörgu illu. Hvert eiga þjóðir Evrópu þá að flýja, er ESB samkvæmt miðstýrðum áætlunum elíta þess, logar stafnana á milli og komandi blóðugir bardagar byrja að geisa?

Fyrri færsla

"Samstaðan" að ofan - eins og síðast

"Samstaðan" að ofan - eins og síðast

Það sprenghlægilega hefur nýlega gerst, að "samstaða vestrænna ríkja" hefur fengið nýja meiningu, af því að hún ógnar ekki mér. Ég er nefnilega með NATO í rasshendinni, viðskiptasamningana í hinni og fjarvistarsönnun frá sjálfum mér. Ég er ekki ég

Þegar Vestur-Þýskaland uppgötvaði að Pólland og Sovétríkin slökuðu á ferðaófrelsi fólksins í gegnum landamærin 1989, þá var ekki lengur gaman í Bonn, því það þýddi að toppurinn í Vestur-Þýskalandi gat ekki lengur notað peninga og viðskipti --í skiptum fyrir að sumt fólk fengi að yfirgefa samkvæmi kommanna í austri-- til að sleikja upp kommúnistaveldin, með það markmið fyrir augum að þau ríki yrðu smám saman fyllilega viðurkennd sem sjálfstæð! og fullvalda!, af því að á því gætu elítur Vestur-Þýskaland þénað

Þegar 380 þúsund manns flúðu þar af leiðandi kommabælin í Austri yfir til Vesturs árið 1989 og 400.000 manns árið eftir, var skaðinn skeður í Vestur-Þýskalandi og "útlendingar" strax orðnir skotspónn pólitískra afla þess lands ásamt endurkomu-enduruppréttingum framhandleggja þar í landi. Meira þurfti ekki til, en að fólkið og afkomendur þess sem átti eitt sinn heima í landi þessu, snéri sér vestur án þess að biðja elítuna um leyfi í skiptum fyrir einn pening að ofan niður í vasa þeirra í Austri, sem svo drukku hann út saman með þeim frá Vestri. Skipulagt og díalektískt miðstýrt frelsi að ofan, í skiptum fyrir viðskipti sem enn frekar hertu tökin um hálsa hinna kúguðu og grófu enn frekar undan lélegum efnahag þeirra og stækkuðu samspillinguna. Eins konar Brussel

Svo þegar pólska Solidarnosc (Samstaða) fór af stað með byltingu fólksins að neðan og upp í gegn, þá hneyksluðust vesturþýsku yfirvöldin og fóru hjá sér af vandlætingu og skömm yfir því að fólkið í Póllandi, sem Þýskaland ávallt hefur litið niður á, ætlaði ekki að sætta sig við miðstýrða byltingu elíta að ofan undir Ostpolitik sem skiptimyntar-díalektískan djöful með NATO í rasshendinni og samningana í hinni

Pólska Samstaða fældi hina vesturþýsku miðstýrðu frá hugsjóninni um frelsi. Enda þurfti pólska Samstaðan ekkert á þýskum peningum að halda því að ódíalektískir rangt-er-rangt og rétt-er-rétt-menn í Bandaríkjunum studdu pólsku Samstöðu bæði móralskt, pólitískt og fjárhagslega. Pólska Samstaðan var því alls ekki á neinum heimsóknarlista er Hans-Dietrich Genscher sótti Varsjá heim í mars 1981 og malbikaði í leiðinni braut Jaruzelskis til valdbeitingar og setningu herlaga yfir Pólverjum í desember sama ár. Jólagjöfin frá Vestur-Þýskalandi til Póllands. Ostpólitíkusinn Egon Bahr, hægri hönd Brandts, skrifaði náttúrlega með penna til veraldarinnar að heimsfriðurinn væri mun mikilvægari en Pólland, einu sinni enn

Ef að landamæri Þýskalands lægju upp að Úkraínu en ekki Póllands og annarra núll ríkja austar í augum Þýskalands, þá væri ekkert að gerast á þeim vígstöðvum annað en þið vitið hvað í dag. Svo langt nær samstaða vestrænna ríkja. Altsaa, þangað, en ekki lengra. Þegar um okkur er að ræða þá gilda nefnilega allt önnur lög og mál. Við hegðum okkur alltaf eins og síðast. Sem aular með NATO í rasshönd. Og nú íklæddir fjarvistarsönnunargagninu fræga, helvítis Evrópusambandinu

Að Bandaríkjamenn hafi nokkru sinni þolað bandamenn eins og Þýskaland og Frakkland í NATO, er hreint kraftaverk á stórskala. Og þau, gerast sko ekki alla daga

NATO var stofnað sem verjandi fullvalda ríkja af fullvalda ríkjum

En fullvalda ríki eru hins vegar bara alls ekki á dagskrá Evrópusambandsins. Þar er nefnilega unnið neyðarnótt sem ónýtan dag í reykfylltum bakherbergjum pólitískra vændishúsa við að útrýma þeim sem slíkum og öllu fullveldi þeirra. Fullvalda ríki er einnig bannorð í orðabók Evrópusambandsins. Ég er því bæði hneykslaður og gapandi af undrun yfir þessari heimsku og einfeldningshætti gagnvart þeim sem blása í gömlu glæðurnar sér til gróða og áhrifa austur. Halda mætti að þeir hefðu atvinnu af glapræðinu -- eins og í ESB, þar sem þrír-til-sex í rústum þeirra sjálfra hófu blásturinn í gömlu glæðurnar á ný árið 1950, vegna þess að þeir þoldu ekki lýðræðið og friðinn sem Bandaríkin með algeru lögmæti og ofurefli plöntuðu í gróðurmold landa þeirra. Með og úr því óþoli fyrir friði og lýðræði var Evrópusambandið steypt upp

Fyrri færsla

Bí bí og miðstýrt púff