Evran lokar banka- og fjármálakerfum Grikklands

Ókjörinn umboðslaus og ESB-sósíalistískur Framhandleggur Brusselveldisins hefur um hríð með kúgunum og hótunum sótt fast að bola þjóðkjörinni ríkisstjórn Grikklands frá völdum með því að leggja blásýrupillur á borðið handa henni í Grikklandi. Tæki ríkisstjórnin blásýrupillur ESB-klíkunnar myndi hún leysast upp og landið halda áfram í endalausu blásýrubaði Evrópusambandsins samkvæmt áætlun ESB um endurbyggingu Evrópu. Tæki hún þær hins vegar ekki, myndi Framhandleggur Imperial-ESB leysa peninga- og fjármálakerfi landsins upp

Pillan var ekki tekin og lokuðu því banka- og fjármálakerfi Grikklands gærkveldi. Í dag mánudag eru þau einnig lokuð og kauphallir eru lokaðar því að TARGET2 kröfukerfið, sem er sjálf evran og innbyrðis gengi hennar á milli evrulanda, er lokað og svo verður áfram. Enginn veit hvenær fjármálakerfi Grikklands opna aftur. Þeim var lokað með ESB-fjarstýringu frá Frankfurt í Þýskalandi. Rafmagnið var tekið af þýskri mynt Grikklands og því lokaði fjármálakerfið allt

Björt-, Samfylkt-, Vinstruð Græn-, Píratavædd- og Viðrekin framtíðin blasir því nú við í öllu Grikklandi. Því landið er BÚIÐ að vera þrjátíu-og-fjögur-ár í Evrópusambandinu. Búið er að byggja upp nýtt Grikkland, eins og lofað var með aðild landsins að sambandinu árið 1981

60 evrur á dag fást kannski götumegin úr hraðfrystum bönkum landsins frá og með þriðjudegi, eða á meðan þær endast og á meðan ekki þarf að kveða herinn á vettvang til verndar áfyllinga á evruhraðfrystibanka landsins

Nú er bara að bíða eftir því að umsóknargengið Össur Skarphéðinsson, Jóhanna Sigurðardóttir og Steingrímur J. Sigfússon taki af skarið og sendi út fréttatilkynningu um sigurför evrunnar yfir Evrópu, við undirleik hirðfíflasveitar DDRÚV

Aldrei hefur fullvalda og sjálfstætt Ísland þurft að ganga í gegnum slíka niðurlægingu eins og þessa, að sitja ESB-örkumla og ESB-ósjálfbjarga undir sósíalistískum kamarfossi samfylkingarhyskis ESB-Evrópu

ESB-steinöld

• úttektarhöft
• fjármagnshöft
• gjaldeyrishöft
• yfirfærslulokun
• millifærslulokun
• bankalokun
• kauphallarlokun
• greiðslukerfislokun
• Samfylking
• Vinstri grænir
• Björt framtíð
• Píratar og Viðreisnin
• allt þetta er nú í þjóðareign

ESB-steinöld ríkir

Og fyrst nú 34 árum eftir ESB-aðild Grikklands er þjóðnýttum stjórnmálum í löndum sambandsins svo skemmti- og blásýrulega háttað, að í fyrsta skiptið í sögu Grikklands á að fara fram þjóðaratkvæðagreiðsla um eitthvað er varðar ESB-aðildina. Eftir heil 34 ár! Og hvað á að kjósa um, Gunnar minn? Jú kjósa á um hvort að hið háa blásýrugengi sem eyðilagt hefur landið, eigi áfram að vera hátt með því rústa til grunna öllu því sem eftir er af landinu? Þetta er allt saman í besta Samfylkingarstíl sósíalista

Hindra verður nú og allra helst að prentaðar grískar evrur flýi landið í of miklum mæli, því þær eru verðlausar erlendis eins og er, og myndu því hugsanlega geta virkað sem smitberi í peningakerfi annarra blásýrulanda evrunnar og kveikt þar neista virðis-kreppu (value crisis) - og þar með borgarastyrjaldar númer III

DDR=ESB

Fyrri færsla

Íslenski fáninn 100 ára

Íslenski fáninn 100 ára

 

Í dag - 2015

Í dag er íslenski fáninn 100 ára

Húrra, húrra, húrra, húrra, húrra!

 

 

Þá - 1907

Lögbergsgangan 1907:

Baráttan fyrir fullveldi, sjálfstæði og fána Íslendinga

 

Til hamingju Íslendingar!

Og þakkir til forfeðra okkar. Já, fingurkoss til þeirra!

 

Fyrri færsla

Þjóðhátíðardagurinn 17. júní 2015 

Íslenski fáninn 100 ára

Þjóðhátíðardagurinn 17. júní 2015

 

Í dag er þjóðhátíðardagur íslenska lýðveldisins. Lengi lifi lýðveldi Íslendinga! Húrra, húrra, húrra, húrra. Og einu sinni enn; húrra! - og upp með fánann!

Við sendum forfeðrum okkar í leiðinni ljúfan fingurkoss og hlýjan hug fyrir baráttu þeirra sem leiddi okkur til hart unninna sigra. Þeirra verður minnst. Og við sjálf getum ekki verið þeirra eftirbátar í baráttunni fyrir framtíð fullveldis íslenska lýðveldisins. Fyrir lýðveldinu. Fyrir heimili Íslendinga, um aldur og ævi: Húrra!

Einu sinni var kóngurinn talinn æðri. Þurfti jafnvel ekki að lúta lögum og löggjöf manna (já, gjöfin!). Og sem var með alveg sérstaklega sérstakt æðakerfi. Nú er það heimsálfu-kóngurinn ESB sem tekið hefur stað hans í hjörtum vissra manna. En af hverju ekki bara að ganga alla leið og láta að stjórn þess konungs sem allir vita hvort sem er að þeim er stjórnað af; sjálfu Almættinu

Klipp úr sjálfstæðisbaráttunni miklu:

 

Þingvallafundurinn

Valurinn
6. Júlí 1907

Blaðsíðu 2 (196)

. . . og allir þeir dansklundaðir Íslendingar, sem klístrað hafa ættjarðarmiðanum utan á sig, neyðast nú til að koma fram úr skúmaskotum sínum og sýna sig í dagsbirtunni. Héðan af ætti greinarmunurinn að verða ljós milli sannra Íslendinga og danskra Íslendinga. . . .

(Bannað að skrifa svona í dag. Bannað.)

Þegar kóngurinn kemur.

Nokkrar hugleiðingar.

Blaðsíðu 3 (191)

. . . Engar hafa menn sögur af því, að forfeður vorir væru konungsþrælar, en hitt hafa menn fyrir satt, að trúir voru þeir og vinveittir góðum konungum. Svo skyldi og enn vera, og svo mun enn vera hjá öllum sönnum Íslendingum, sem ekki eru »bastarðar«, eða komnir af þessum »kaghýddu ættum«, sem Þorsteinn Erlingsson talar um. . .

. . . Til eru menn í landi voru, sem svo eru skapaðir, að þeim mundi það eðli næst, að ganga á fjórum fótum. Þeir eru félagslyndir að því leyti, að þeir þurfa altaf að halda sér aftan í einhverri halarófu og styðja sig við einhverja »hærri veru«. Þeir eru grautdýrkendur að trú, og ofstækismenn í trúnaði sínum. Hver ylgeisli valda- og grautarsólarinnar gengur inn í hvert skúmaskot sálar þeirra, og hver rödd »að ofan« fær þá til að titra á beinunum og sendast í allar áttir, svo fljótt sem fæturnir bera þá. . . .

(Bannað. Bannað. Bannað. Bannað. Bannað!)

*****

Bein krækja: Valurinn (blað Vesturlands) þennan umrædda dag. En þar birtist hið ofangreinda ásamt í mörgum öðrum landsmálablöðum á sama tíma

Óska ég öllum gleðilegs þjóðhátíðardags

Fyrri færsla

Smjörþefurinn af bönkum í eigu útlendinga

Smjörþefurinn af bönkum í eigu útlendinga

Nú hafa Íslendingar kynnst bönkum í eigu erlendra aðila. Er þetta ekki svakalega frábært? Yndislega æðislegt? Sjálfur arðurinn af náttúruauðlindinni þér í þjóðinni í eigu útlendinga. Hver skyldi lærdómurinn verða? Kannski ný ESB-umsókn Steingríms J. Sigfússonar og co-sósíalista hans?

Allt bankakerfi Lettlands er í eigu Svía. Þar hefur frá 2008 átt sér stað versta hrun landsframleiðslu nokkurs lands í mannkynssögu síðari tíma, sé litið burt frá Grikklandi sem er brunnin rúst evruvillimanna. Í Lettlandi halda sænskir bankar ríkisstjórninni í gíslingu sem svo heldur heilli þjóð í viðvarandi ömurlegasta gereyðingarástandi og sem flýr landið í svo massífum mæli að annar eins hefur varla sést. Verndari kúgara Lettlands er stórpólitískt Evrópusambandið og seðlabanki þess. Ný mynt Lettlands er auðvitað kolakynt þýsk stálfátæktar evra. Upptökuskilyrðin voru mjög einföld; dauðinn

Annað dæmi:

Nokkrum árum áður en fullveldi, sjálfstæði og lýðræðislegri sjálfsstjórn Nýfundnalands og 380 þúsund íbúa þess sjálfstæða ríkis var hent sem endanlegu veði inn í bankahólfin í sambandsríki Kanada árið 1949, hafði landið misst allt bankakerfi sitt til útlendinga. Það sama gerðist með fragtskipaflotann og alla vinnu þjóðarinnar við hann. Það sama gerðist í myntmálum Nýfundnalendinga. Þeir höfðu álpast til að bindast við og taka síðar upp Kanadadal

Ein afleiðing þess að bankakerfi Nýfundnalands komst alfarið á erlendar hendur, og gengið hvarf með gengisbindingu Nýfundnalandsdals við Kanadadal, varð sú að Evrópa og Bretland versluðu frekar við Íslendinga, því þeir voru skyndilega komnir með vélknúin gufuskip og gátu afhent fiskinn á samkeppnishæfu verði samkvæmt stundaskrá. Þetta gátu Nýfundnalendingar ekki því að þeir réðu ekki lengur yfir samkeppnishæfum skipaflota, gátu ekki endurnýjað hann, því að þeir höfðu misst gengið, bankakerfið og þar með markaðina. Þeir gátu lítið annað gert en það sem Grikkland, Spánn, Portúgal og Írland hafa nú orðið fyrir — að deyja lokuð inni innan eigin landamæra við umsátur þeirra sem ráða orðið alfarið peningamálum þessara landa

Undir myntum annarra ríkja á Íslandi yrði erfitt að starfrækja alvörubankakerfi sem þjónað gæti íslenska hagkerfinu eins og er frómasta hlutverk alvörubankakerfa. Nýfundnaland missti bæði fullveldi og sjálfstæði sitt sem ríki árið 1949 vegna skulda. Í aðdraganda ferlis, sem hófst með þátttöku Nýfundnalands í heimsstyrjöldinni fyrri og í kjölfar mikillar skuldsetningar landsins vegna hennar, lenti Nýfundnaland í svipuðu skuldafangelsi og Grikkland og fleiri myntbandalagslönd Evrópusambandsins eru nú komin í. Þá var óhugsandi að þjóð í heimsveldi bresku krúnunnar yrði leyft að fara í nauðsynlegt ríkisgjaldþrot. Þvinguð björgunaraðgerð, sem bjarga átti mannorði breska heimsveldisins, kostaði hins vegar Nýfundnaland tilveru sína. Það hætti að vera til sem ríki

Sjá: Áhlaupið á íslensku krónuna

Lettland:

Coppola: How do you say “dead cat” in Latvian?

Krugman: Latvia: The Thrill Is Gone

Fyrri færsla

Erlent vinnuafl snýr heim frá Noregi

Erlent vinnuafl snýr heim frá Noregi

Á föstudaginn var dönsk skaðafrygðar-grein í Berlingske. Ein þúsunda slíkra um hinn ríka Noreg sem birst hafa reglulega á síðum danskra fjölmiðla frá því að Norðmenn sýndu nágrönnum sínum hvað í norska sveitastráknum býr; ráðdeild og aftur ráðdeild, áræðni, þor, skynsemi, sjómennska og einstaklingshyggja sem illa er þoluð af samyrkjuþrotabúinu Svíþjóð og niðurslitinni Danmörku í föstu gengisfyrirkomulagi við þýska rass þann sem landið er pólitísk bóla á

Stungu fátækir sveitastrákar bornum niður í þjóðar-arðlausa Ekofiskjörðina undir heilu hafi. Þetta pot fór fram skömmu eftir að Noregur af sunnanelítum Evrópu var skilgreindur sem fátækur “útkjálki” álfu þeirrar sem elítan nú íklædd klæðum olíufatalauss ESB-keisara hefur sviðið niður í eitraða grasrót meginlandsins, svo að gufan úr gamla kommúnismanum sem þar er fæddur og stríðsalinn megi þrýsta út nasavængjum friðardúfunnar sozialismus - og sem er þýsk háþróuð leðurblökutegund, ja

Eftir hátt í tvö hundruð boraðar holur voru þeir við það að gefast upp. Ekkert fannst. En svo kom gjöfin frá hinum arðlausa sjávarbotni Noregs rétt fyrir frekar fátækleg jólin 1969. Jú, þeir höfðu stungið prikinu ofan í stærsta olíusvæði veraldar undir sjó. Restina þekkja allir. Og þó...

Margir þekkja ekki til þess verðs sem verður að fást fyrir olíuna bara til þess eins að tröllrisavaxnar fjárfestingar Noregs í þessu dóti beri sig, þannig að úr þessu verði ekki bara tap, eða réttara sagt, ein stór færsla kreditmegin í bókhaldi undir lyklinum “skuldaarfur í þjóðareign”, sem auðvitað er hægra megin við debet-dálk græðginnar. Fari maður alveg út úr bókhaldinu má jafnvel líta á þann hryllilega dálk sem verandi vinstra megin við veruleikann. Í þjóðareign!

Nú má ætla að hin íslensku þjóðnýtingaröfl hér heima fari fram á að almenningurinn Sigurlaug Urmulsdóttir og fjölskylda hennar fái að gera út á Drekamið með Black og Decker borvél sína knúna þjóðartapsraflostinu úr Kárahnjúkum. Það ætti jú að nálgast mannréttindi því þá myndu ljósin slokkna í Reykjavík og björgunarskipið Harpan láta út höfn. En hvað um það

Eftir 30 ár sem ríkir, hafa Norðmenn uppgötvað að olíuverð er fallið um 60 prósent og að lítil trygging er fyrir því að það muni ná sér aftur upp 2002-2013 þrep hráefnabólustiga ECB. Og það sem meira er, olían úr arðsömustu holunum er að verða búin. Restin kostar skilding þann sem haldið er fast um undir umsjón “þjóðararðssjóðsins” sem fjárfesti honum til dæmis í Rússlandi og kolaiðnaði um víða veröld svo að Danmörk gæti áfram búið til rafmagn til að framleiða vindmyllur sem Þjóðverjar nota til að kæla kolaverkin sín sem eru mun sunnar

Þetta hefur þýtt það að sveitastrákurinn er byrjaður að læsa hurðinni. Já hann er ennþá til, sprelllifandi, þrátt fyrir að hafa slegið um sig síðustu tvo til þrjá áratugi, that is all, smá skitin 30 ár. Á teikniborðið er því kominn niðurskurður (jafnvel útskurður) og 20.000 manns hent úr olíunni eins og skot. Og svo kemur restin af sjálfu sér, þ.e.a.s. gamlir nýrnasteinar og þvagsýra komin í bígerð (bí bí bí bíbb)

Þetta hefur strax haft þau áhrif að erlent “vinnuafl” er byrjað að yfirgefa Noreg. Það borgar sig ekki lengur að vinna þar til að geta svo sent peningana heim til ESB sem er á hausnum. Verið er að endurhugsa norska vinnumarkaðinn. Enda veitir ekki af, því á hverju eiga Norðmenn að lifa í framtíðinni, þegar allt er svona hrikalega dýrt að þeir hafa verðlagt sig út af gamla landakorti sveitastráksins. Hér mun verða gengið miskunnarlaust til verks. Og þessi húsnæðisbóla sem hangir yfir landinu, hún er alls ekkert grín. Einn títuprjón, ekki þarf meira til

Men under overfladen ulmer en krise, og den er så betydelig, at erhvervsavisen Dagens Næringsliv rapporterer om, at flere fremmedarbejdere rejser tilbage til deres hjemlande. Det kan ikke længere betale sig for dem at tage et arbejde i Norge og sende lønnen hjem | Berlingske

Fyrri færsla

Barnaveikin og bólusetningar og þjóðnýting

Barnaveikin og bólusetningar og þjóðnýting

Þegar ég las fréttina hér að neðan um viðbrögð foreldra þessa barns sem tekið hefur barnaveiki, sem vegna fyrirbyggjandi bólusetninga hefur verið óþekkt í 30 ár, þá datt mér í hug þvælan hér á landi um svo kallaða “þjóðareign”

Þegar sjávarútvegurinn smitast af barnaveiki þeirra sem svífast einskis í falsáróðri sínum um “arð af auðlindinni” - þá munu þeir eins og foreldrar þessa barns gera sér ljóst hvað þeir eru að missa, er sjávarútvegurinn skaffar þeim og landinu okkar ekki lengur það og þá velmegun sem hann arðbær hefur gert og slegið heimsmet í þeim efnum handa þjóðinni

Þá munu þessir þjóðareignar-afglapar kenna hvor öðrum um og sjóða af bræði. En aldrei munu þeir sjálfir axla neina ábyrgð. Það gera sósíalistar yfirleitt ekki

Þá mun krafan um að þvæla þeirra (tapið) verði sömuleiðis sett í þjóðareign verða öskruð fram af hinum sömu sósíalistum, sem því miður eru krónískt veikir af hinum banvæna sjúkdómi; sozialismus

Krækja

Fyrsta barna­veikitil­fellið í tæp 30 ár

Fyrri færsla

Spurningatími um sósíalisma og ESB

Svikin af andmælendum bólusetninga

Spurningatími um sósíalisma og ESB

Lykilorð:

Sósíalismi - Nasismi - Kommúnismi - Evrópusambandið - 1941 og hið Stórþýska Efnahags- og Evrópusamband - EMU rangtúlkun

Vegna hugleiðinga minna í gær um muninn á bandalagi og sambandi varpaði Arnór Baldvinsson í Bandaríkjunum fram góðum og gildum spurningum um Evrópubandalagið og Evrópusambandið og setti spurningamerki við það sem þú ekki sérð málað á vegginn um sósíalismann, en sem samt er á honum

Svar mitt er þetta

Þakka þér fyrir innlitið og skrif Arnór

Eins og ég sagði:

Engar framfarir geta orðið nema að rétt nöfn í tungumálinu séu notuð yfir hið sanna ástand og eðli hlutanna. Þessi leikur með tungumálið þarf að stoppa. Þessi confusion er afar slæm, því hún kemur í veg fyrir framfarir. Menn fela sig og hanna veruleikann

Nasismi (Nationalsozialismus) er sósíalismi þar sem fólkið er þjóðnýtt í þágu pólitísks málstaðar. Það þótti hagkvæmara og gefa betri árangur en að þjóðnýta atvinnutækin eins og gert var í Sovétríkjunum. Bæði nasistar og kommúnistar hötuðu þjóðríkið sem manngæskuberandi stofnun

Fremst á dagskrá sósíalistískrar ríkisstjórnar Adolfs Hitlers var að útrýma þjóðríkjunum og að bakka Þýskalandi burt af leið þess inn í þjóðríkið (Nation State) og aftur út í heimsveldið (Imperial State). Svipað má segja um sósíalistana í Kreml. Þeir hötuðu einnig þjóðríkið og höfðu stofað heimsveldi (Imperial State).

Hefði hið sósíalisíska morðgengi nasista sigrað í styrjöld þess gegn frelsi mannanna, þá hefði ríki þeirra orðið nákvæmlega eins og Austur-Þýskaland kommúnistanna varð. Terrorríki. Svona er sósíalisminn

Í hinu sósíalistíska Evrópusambandi hafa hins vegar sjálf stjórnmálin verið þjóðnýtt í þágu málsstaðar sem er pólitískur samruni Evrópu

Stjórnarskrá og dómstólar sambandsins minna mjög á stjórnarskrá gömlu Sovétríkjanna, lagaheimspeki þeirra og æðstu dómstóla þar sem kommúnismi var eina löglega lífsformið innan landamæra þeirra

Í Evrópusambandinu er það hins vegar Evrópusamruninn sem er eini löglegi lífsmátinn innan landamæra Evrópusambandsins. Allur laga- og reglugerðarammi ESB undir hæstarétti Evrópusambandsins (European Court of Justice, ECJ) byggir á hinni pólitísku hugmynd sem er "Une certaine idée de l’Europe" eða á "hinni sérstöku hugmynd um Evrópu(sambandið)". Þessi hugmyndagloría um sameinaða Evrópu er dómstólinn sjálfur, lög hans og túlkanir. Hún er dottin niður til Jarðar sem framandi geimvera. Hún er illfygli mikið og hún er sósíalismi eins og kommúnisminn og nasisminn eru. Lagaheimspekin sem lög og reglur Evrópusambandsins og dómstóla þess byggja á, á ekkert skylt við þá heimspeki sem liggur að baki Magna Carta allar götur frá 1215 né boðskap Kristninnar sem leiddi af sér frelsi manna

"Réttindi" borgranna eru af ECJ-dómstólnum aðeins leyfð ef þau stuðla að "meiri sameiningu" (e. integration)

Varðandi nafngiftina:

Evrópusambandið varð sjálfstætt yfirríki (Independent State) yfir aðildarlöndunum frá og með 1. nóvember 1993 með tilkomu Maastrichtsáttmálans. Þar með var ekki lengur um bandalag að ræða, heldur eitt yfirríkislegt "samband" (Union)

Markmið Evrópusambandsins er að útrýma þjóðríkjunum sem er hinn sami sósíalistíski draumur eins og áður er um getið, en sem þá var hersóttur undir nasisma í "Grosswirtschaftsraum Deutschlantis" (Nazi-Þýskalönd) og svo undir kommúnisma í Sovétríkjunum (Sovét Union)

Til að ESB geti loksins komið út úr skápnum sem fullvalda einræðisríki og heimsveldi með gervilýðræði, þá er eins og er, stanslaust verið að dæla fullveldinu hægt og rólega úr aðildarríkjunum og yfir í yfirríki Evrópusambandsins, sem þá verður bæði fullvalda OG sjálfstætt ríki og Union sem þá er orðið Imperial State með ekkert sameiginlegt Demos, Ethos né Telos og þar sem allir borgarar verða jafn-framandi-ekkert, Aliens, undir mjög lélegri manngæsku (humanity)

Bandaríkin eru hins vegar þjóðríki (Nation State), Eða "ein ósundranleg þjóð undir Guði" eins og þar stendur. Og þeir berjast sem slíkir undir þjóðfána sínum

Einnig er rétt að geta þess hér, Arnór, að hinum "efnahaglsega samruna" Evrópusambandsins lauk formlega undir nafngiftinni "European Economic Community" eða EEC, sem Íslendingar þýddu á hinn vafasama hátt sem "Evrópubandalagið". Lagaramminn fyrir hinn efnahagslega samruna undir EEC dugði ekki lengra á hinni löngu vegferð sambandsins. En hann dugði samt til hins efnahaglsega samruna

Hinn pólitíski samruni, hins vegar, og sem menn þorðu ekki að opinbera fyrir kjósendum fyrr en að of seint væri að snúa af braut þeirri sem þegar var hugmyndafræðilega fullsamin áður en fyrri heimsstyrjöldin braust út, varð hins vegar að framkvæma undir nýjum og stórhertum lagalegum ramma og sáttmálum og sem nú ná yfir næstum allt líf borgarana í ESB-löndum

Þessi nýi sáttmáli var Maastricht sáttmálinn. Og ofan á hann hafa svo bæst enn hertari sáttmálar, síðast með sjálfri stjórnarkrá ESB sem til fegrunar er nefnd "Lissabon-sáttmálinn". En sem sagt; með tilkomu og undir Maastricht var hægt að hefjast handa á hinum pólitíska samruna Evrópu. Brautin var rudd og allir vel blekktir

1940, 1941 og EMU:

Og svo ber einnig að nefna það hér að hluti hönnunar-teikninganna af EMU Myntbandalagi Evrópusambandsins (sem inniheldur þrjá fasa, ERM1+2+3), og sem aðeins gat orðið raunveruleiki með tilkomu Maastricht-sáttmálans sem gekk í gildi 1. nóvember 1993, já þeir hlutar voru sóttir aftur til ársins 1941 úr efnahagslegri samrunadeild hinna hernumdu svæða undir þýska seðlabankanum undir Adolf Hitler

Sá sem var ábyrgur fyrir þeim hluta sameiningar Evrópu undir Adolf Hitler var Bernhard Benning yfirmaður myntmála (sat sem stjórnandi í Reichs-Kredit-Gesellschaft) hinnar nýju Evrópu sem Nasistar voru að byggja. Bernhard Benning átti svo eftir styrjöldina og fimm ára fangabúðavist í Rússlandi feril í Bank deutscher Länder og síðan í seðlabanka Þýskalands --Bundesbank-- sem er fyrirsætan á málverkinu af ECB-seðlabanka Evrópusambandsins 

Þar sat Benning svo í Directorate Bundesbankans fram til 1972, eða þar til að seðlabankastjórn Helmuts Schlesingers yfirtók myntbandalags teikningar hans frá 1941 svo þær mættu á sem hagkvæmastan hátt nýtast komandi nýjum peningayfirvöldum yfir meginlandi Evrópu

"Efnahagssvæði Evrópu" hins Þriðja ríkis álfunnar undir ríkisstjórn Adolfs Hitlers gerði í áætlununum frá 1941 ráð fyrir að þýska markið (German Reichsmark) yrði hin leiðandi mynt svæðisins frá byrjun og helsta mynt veraldar og þá önnur af tvennum forðamyntum heimsins. Breska pundið var sem sagt af nasistum talið af

Innan myntblokkar Þriðja ríkis Evrópu undir nasistum yrði strax innleitt fastgengisfyrirkomulag á milli allra mynta svæðisins til að ryðja brautina fyrir mynt- og tollasamband Þriðja ríkisins, sem koma skyldi

Nýr Bank of Europe (Seðlabanki Evrópu) yrði stofnaður. En af "stjórnmálalegum ástæðum" taldi ríkisstjórn Hitlers að það myndi skaða leifarnar af sjálfstrausti hinna hernumdu ríkja ef að sameiginleg mynt yrði látin útrýma eigin mynt landanna frá byrjun. Það yrði því um vissan aðlögunartíma að ræða. En í staðinn yrðu hin hernumdu lönd að samþykkja óafturkallanlegt fastgengi við German Reichsmark

Þetta fyrirkomulag yrði kallað mark-svæðið (Reichsmarkzone) hins þýska stórefnahagssvæðis (German Grosswirtschaftsraum)

Aðildarlönd svæðisins (R-mark zone) yrðu frá byrjun fyrst og fremst Þýskaland (hér undir innlimuð Austurríki, Bohemia og Moravia) og svo Holland, Belgía (og þar undir Lúxemborg sem hafði verið í myntbandalagi við Belgíu frá 1926), Danmörk, Noregur, Svíþjóð, Slóvakía, Rúmenía, Búlgaría, og Ungverjaland

Hin öxulveldin, Ítalía og Japan, myndu hins vegar stjórna sínum eigin útibúum af stórefnahagssvæðum með Spán, Grikkland og Tyrkland undir Ítalíu

Í þessu sambandi verða menn að hugsa smávegis. Hugtakið myntbandalag er ekki það sama og hið íslenska hugtak myntbandalag, sem því miður er villandi rangtúlkun

Myntbandalag er á ensku "Currency- and/or Exchange Rate Union" (þ.e. mynt- og/eða gengisbandalag)

Monetary Union er hins vegar allt allt annað. Hér heima er þetta líklega af slæmum og meðvituðum embættismannalega pólitískum ásetningi, kallað "myntbandalag" til að blekkja almenning og sem er algert rangnefni. Og ég tala nú ekki um Economic and Monetary Union (EMU), sem er það sem Myntbandalag Evrópusambandsins heitir hér heima. Að nota orðið myntbandalag yfir EMU er ófyrirgefanlega villandi

Málið er nefnilega það að þegar um Monetary Union er að ræða, þá erum við komin yfir í sjálf stjórnmálin. Þá erum við komin að hinum peningapólitíska hluta hagkerfisins sem liggur í höndum stjórnmálamanna en ekki í höndum aðila markaðarins

Þess vegna var ekki hægt að byggja og stofna Myntbandalag Evrópusambandsins undir þeim sáttmálum sem gerðu hinn efnahaglsega samruna ESB lagalega mögulegan, því að sá samruni krafðist ekki þess að löndin afsöluðu sér öllu peningapólitísku fullveldi ríkjanna

Þess vegna þurfti Maastricht til, því hann færði fullveldi ríkjanna yfir til hins nýstofnaða sjálfstæða yfirríkis sem Evrópusambandið við þann áfanga varð

Myntbandalagið (EMU) er því hluti af hinum pólitíska samruna Evrópu undir sósíalistísku Evrópusambandi. Það er ekki bara einfalt mynt- og gengisbandalag; það er stórpólitík og Seðlabanki Evrópusambandsins (ECB) er fyrst og fremst stórpólitísk stofnun

Þetta hefur skaffað Þýskalandi það sem ekki tókst að skaffa því undir til dæmis Hitler; þ.e. skaffað því sitt langþráða Grosswirtschaftsraum sem Bernard Connolly á ensku nefnir co-prosperity zones. Barbarismi og þjóðnýting meginlands Evrópu heldur bara áfram

Fyrri færsla

Sumir segja og skrifa "bandalag" í stað "sambands". Skiptir það máli?

Sumir segja og skrifa "bandalag" í stað "sambands". Skiptir það máli?

Tekið hef ég eftir því að þegar rætt er um Evrópusambandið að þá er stundum notað hugtakið "bandalag" sem þá yrði "Evrópubandalagið" í stað "Evrópusambandsins". Skiptir þetta máli?

Já. Eins og eftirfarandi sýnir þá skiptir þetta máli. Yfirfærum þetta snöggvast yfir á Íslenskar aðstæður. Alþýðusambandið er jú "samband" og þar er þessi "forseti" þess á mjög háum launum á kostnað "þræla" sinna. Ef við notuðum "bandalags" hugtakið yfir þetta, þá myndi Alþýðusambandið verða Alþýðubandalagið!

Skiptir það máli? Já, því eins og í Evrópusambandinu er þar enginn kjörinn af neinum nema örfáum og oft engum. Allir sitja umboðslausir á löngu útrunnu umboði sem aldrei var neitt alvöru umboð frá upphafi og véla um stjórnmál sem þeir aldrei hafa verið kjörnir til. Alþýðusambandið stundar stjórnmál

Alþýðubandalagið var þó kjörið af kjósendum sem umboðsmenn þeirra á þingi

Að þessu leyti er mikill munur á Alþýðusambandinu og Alþýðubandalaginu. Og sá mikilvægi grunnleggjandi munur var auðvitað sá að þingmenn Alþýðubandalagsins stunduðu stjórnmálin sín á þjóðarsamkundunni Alþingi í umboði kjósenda, að minnsta kosti að mörgu leyti

Það gerir hins vegar dulbúið Alþýðubandalag undir nafni Alþýðusambandsins ekki. Það samband er skrímsli eins og Evrópusambandið sem einnig er samband sósíalista. Alþýðusambandið stundar stjórnmál sem það á ekki að gera. Og notar til þess peninga hinna sjónvarps-auglýstu "þræla" sinna 

Kommissarar Evrópusambandsins eru stjórnmálamenn þó svo að reynt sé að slá ryki í augu borgarana sem allir borga undir það, um að svo sé ekki. Kommissarar eru umboðslausir stjórnmálamenn. Enginn hefur kosið þá. Og skrumskælt þykjustu-umboð þeirra hefur aldrei verið endurnýjað, enda myndi það ekki fást endurnýjað undir stjórnarformi er lýðræði kallast - og sem sósíalistar flestir ávallt hafa hatað

Það er meðal annars þessa vegna sem Evrópusambandið er skrímsli sem kveikt hefur í Evrópu á ný. Hún logar glatt og mun springa

Nafn Sjálfstæðisflokksins er réttvísandi. Það er ekki notað sem "Alþýðubandalag" sem var framboðssamband kommúnista, eða "Alþýðusamband" sem er dautt Alþýðubandalag, eða Kvennaframboð, eða Samfylking komma og sósíalista, eða "Píratar" sem eru ekki ekta þjófar og glæpamenn heldur bara sósíalistar og kommúnistar, til að dekka yfir úldinn kommúnisma sem þolir ekki dagsins ljós undir sínu rétta nafni. Nasismi og kommúnismi eru bara sósíalismi, tvær hliðar á sama pening annarra. Þessi gíslataka þarf að hætta

Engar framfarir geta orðið nema að rétt nöfn í tungumálinu séu notuð yfir hið sanna ástand og eðli hlutanna. Það sagði Konfúsi einhver. Þessi leikur þarf að stoppa. Þessa confusion á að stoppa

Fyrri færsla

Vanabindandi slitlag í borgríkinu?

Krækjur

EU-talskvinde: Kommissærer er også politikere

Þrælabúð ASÍ

Vanabindandi slitlag í borgríkinu?

Best væri ef að íbúum borgríkis Reykjavíkur yrði bannað að aka út á land á vetrum til að ógna þar umferðarörygginu á felgunum og að landsbyggðinni yrði bannað að aka um í Borgríkinu til að minnka þar útrýmingarhættu

Þá getur saltpækill borgríkisins andað að sér söltu loftinu og einbeitt sér að svífandi ryki innandyra

Innflutningur á geislavirku graníti með úran-radongasuppgufun væri hins vegar bestur fyrir Borgríkið. Hagkvæmast og best því það kemur jú frá alþjóðasamfélaginu

En hvað með að nota tóbakstjöru sem vanabindandi slitlag í borgríkinu?

Þeir sem eru ósáttir við rykþróun borgríkis Reykjavíkur þurfa ekki annað en að gefa sig- og telja fram tekjurnar við næsta sveitafélag

Fyrri færsla

Telur að Ísland hafi aldrei verið umsóknarríki

Mengun yfir heilsuverndarmörkum

Telur að Ísland hafi aldrei verið umsóknarríki

Guðmundur Steingrímsson hefur talað (sjá krækju á frétt Mbl. neðst)

Tilvitnun:

• Ég lít svo á
• og mér finnst
• Kannski
• til dæmis
• myndi þá gera ráð fyr­ir
• Það get­ur vel verið
• bara Alþingi eða þjóðin
• Ég held
• en ég held

Tilvitnun lýkur.

En hér fyrir neðan og til tilbreytingar er viss staðreynd

Formáli

Forysta stjórnmálaflokksins Vinstri hreyfingin grænt framboð, gerðist eftir stórkostlegan kosningasigur flokksins í Alþingskosningunum í apríl 2009 umboðsmaður annarra en þeirra fjölda Íslendinga er veitt höfðu flokknum umboð sitt og brautargegni inn í ríkisstjórn lýðveldisins. Andstæðingar Evrópusambandsaðildar Íslands leiddu flokkinn til sigurs í ofangreindum Alþingiskosningum þannig að úr varð stórsigur fyrir þann flokk

Í stjórnarmyndunarviðræðum er umboði kjósenda flokksins hins vegar að miklu leyti varpað fyrir róða í þessu örlagaríka máli og eins konar opinber skömm verður til og er látin ráða för við stjórnarmyndun og síðan málafærslu ríkisstjórnar Samfylkingar og VG um þetta mál

Þingmenn flokksins neyðast því næst til að gera sérstaklega grein fyrir umboðslausu já-atkvæði sínu er umsókninni inn í Evrópusambandið er við atkvæðagreiðslu þjösnað gegn umboði og sannfæringu þeirra í gegnum æðstu stofnun Lýðveldisins

Án þessara svika við kjósendur hefði umsóknin aldrei getað orðið til og hvað þá send af stað. Miklum meirihluta kjósenda var troðið á og máttur atkvæðis þeirra að engu gerður

Þingmenn sækja umboð sitt til kjósenda. En ekki öfugt. Þeir höfðu ekki umboð frá okkur Íslendingum og fyrir hönd Íslands til að senda umsókn þessa inn til Evrópusambandsins. Umsóknin er því opinber skömm. Þetta þolir Ísland ekki sem lýðræðisríki. Þetta varð að afmá með því að draga umsóknina til baka og fella hana alveg niður

Þjóðarvilji bar ekki umsóknina til Brussels. Í umsókninni hvíldi því ekki vilji íslenskrar þjóðar. Umsóknin var án umboðs. Ísland var aldrei umsóknarríki

Eftirmáli

a) Meirihluti alþingis —ríkisstjónarflokkar Íslands sem er ríkisstjórnin (e. the Icelandic Republic Government)— hefur nú dregið umsóknina til baka. Það ber að þakka. Málið er dautt

b) Ei er hægt að halda ofangreindu og nú afturkölluðu umsóknarferli áfram með einhvers konar þjóðaratkvæðagreiðslu um ofangreind umboðs- og kosningasvik. Í því myndi felast að bæta gráu ofan á svart. Hin opinbera skömm, sem umsóknin var, myndi við þann gjörning einungis verða stærri

Íslandi, mánudagur, 1. júní 2015

- Gunnar Rögnvaldsson

 

Fyrri færsla

Spurningatíminn: Helferð ESB gegn þjóðríkjum Evrópu

Telur Ísland enn umsóknarríki