Leita í fréttum mbl.is

Bloggfærslur mánaðarins, nóvember 2015

Stýrivöxtur ESB er sá að búa stanslaust til nýjar hörmungar

Evrópusambandinu tókst með miklum ágætum að búa til nægilega skemmandi kreppu, áföll og hörmungar með stofnun EMU myntbandalagsins, til að geta nú loksins fyrir alvöru kynnt til sögunnar "sameiginlega ríkisstjórn" kinkandi elíta sambandsins, sem af himnum dottna lausn á þeirri hörmungakreppu sem það sjálft bjó til henni til handa

Árið 1991 hefði það kostað ESB-elítuna það mikið of mikið að kynna þá þegar nýtt sovétbandaríki Evrópu fyrir síðustu kúnnum slíkrar kúgunar, að þess í stað var milliþrepið Myntbandalag ESB látið nægja. Það hefur nú unnið sitt verk. Það hefur tætt Evrópu niður í efnahagslega brunarúst sem á sér um aldur og ævi engrar mannsæmandi viðreisnar von

Tætlurnar af þeirri Evrópu sjást nú hangandi sem frjálst flögrandi borðtuskur á Schengen snúrustaurum Lissabonsamsteypu sáttmálaveldisins, sem frá upphafi átti að rústa því sem vannst með sigri Anglosphere yfir barbaraveldi Evrópu. Líkamlegur stýrivöxtur hins mannlega í Evrópu er því nú í höndum glæpagengja í stað friðarumgjarðar engilsaxneskra Bandamanna. Evrópa er orðin "lífsrými" utanáliggjandi glæpagengja og sáttmálabundið ófriðar- og lýðræðislegt barbarí

Streyma nú geislandi úraníum eindirnar stjórnlaust og ábyrgðarlaust undir stjórn glæpagengja inn sem nýr og efnilegur krítískur massi í tímasprengju elíta Evrópusambandsins í gegnum niðurbrotin landamæri, sem frá upphafi vernda áttu löndin gegn því sem er að gerast. Landamæri þessi búa nú í Brussel. Og beðið og beðið er til beljanna þar. Eins og að allt gott sé nú hafnað þar eins og var í Kreml Sovétríkjanna. Þar hét vont gott

Svo verður nýtt járntjald úr þessu nýja óefni reist yfir Evrópu. Því að vernda og gæta verður þessa nýja innvortis vopns elíta Evrópusambandsins gegn eyðileggjandi lýðræðisárásum frá eftirlifandi uppreisnarmönnum á öskuhaugum þjóð-ríkjanna. Fullveldisklofningnum inni í kjarnakljúf Evrópusambandsins skal tryggð næring, hvað sem það kostar

Allar góðar lausnir eru nú bannaðar. Ekkert skal fá að eyðileggja þennan krítíska massa Evrópusambandsins. Hans verður gætt eins vel og ósamrýmanlegu sameiginlegu myntarinnar sem vann sinn óverknað svo vel

Fyrri færsla

Þegar "ef marka má" er hárnákvæmt


Þegar "ef marka má" er hárnákvæmt

Kvöldvers

Af göngu úr Skagafirði í Hvalfjörð

...neyðin er allt um kring. Dimmt er í heimi hér, hættur er vegurinn...

HAGVÖXTUR

Hér um þessar mundir er söngurinn um hagvöxtinn eitraða sunginn hátt af þeim sem efnahagsvöxturinn hefur skolað lifandi upp á fjörur íslensku þjóðarinnar. Sumum ónýta-Íslandsmönum er greinilega farið að leiðast vistin í Austur-Berlínarheimi Reykjavíkurborgar DDRÚV. Þeir hafa það sennilega of gott og langar í stálfátækt til að spóka sig í. DDR-nostalgían kallar. Þetta virðist vera ólæknandi sjúkdómur, eins og vantrúarofstæki svo kallaðra siðmenntamanna sem boða sína non-religion religion eins og nasistar og kommúnistar boðuðu sósíalisma sinn

Í tengdri frétt má sjá dæmi um hvaða afleiðingar það hefur þegar bakkað er um nokkur prósent í hagvexti, sem þá er orðinn samdráttur og brotthvarf hluta velmegunar - sem er ekki það sama og velferð. Hluti hagkerfisins skorinn burt. Allt í einu hefur íslensk þjóð þá ekki lengur efni á 5,8 sjúkrarúmum á hverja þúsund íbúa þjóðfélagsins, eins og hún hafði árið 2007. Hrunið í landsframleiðslunni vegna bankahruns þýddi að fimm árum síðar hafði þjóðin aðeins efni á 3,5 sjúkrarúmum á hverja þúsund íbúa. Mismunurinn er fallið í landsframleiðslu sem bakkaði, vegna bankahruns, álíka og aflahruns

Í frétt Morgunblaðsins er gefið í skyn að ekki sé alveg öruggt að marka megi fullyrðingar "Legatum Institute". Þessi varnagli er mjög svo réttmætur, því ekki er allt sem sýnist. Engin samantekt er fyrir neitt land, sem bendir til frekar þunns skilnings á þeim. Ekkert "summary" er að finna um neitt land

Þessi Legatum "stofnun" (með peningalegt aðalsetur í Sharíalaga ríkjum) setti í efnahagshluta skýrslu sinnar fyrir árið 2010, íslenska hagkerfið við hliðina á Líbanon, eða í sextugasta sæti. Engum fullvita manni sem þekkir til mála hefði dottið slíkt í hug. En í þessari nýju skýrslu "stofnunarinnar" er íslenska hagkerfið hins vegar tosað upp um 20 sæti vegna þess að "lánum í vanskilum" í fjármálakerfinu hefur fækkað! Og vegna þess að Gallup skaffaðar tölur segja að landsmenn líti bjartari augum á atvinnuhorfur. Á þetta að vera brandari?

Svona pappír er ekki hægt að taka alvarlega né nota til neins. Og sérstaklega er ekki hægt að taka þennan pappír alvarlega vegna frammistöðu hans mörg síðustu ár. Í topp sæti þessa lista trónaði nefnilega Finnland árum saman. Finnland er í dag "hinn sjúki maður Evrópu". Og sjúklingurinn sá er meira að segja álitinn ólæknandi. Og í Danmörku, sem færst hefur ofar á listnaum vegna þess að Finnland er búið að vera, já, þar velta menn alvarlega vöngum yfir þeim horfum sem blasa við; japönsk stöðnun næstu mörgu áratugina. Enginn hagvöxtur. Ekkert nema niðurslit á hagkerfinu sem eitt sinn var

Svo. Hvað er þá hægt að nota þennan löngu liðinn Legatum pappír í? Ekkert, nema til að þerra sig með. Stofnunin ætti að hefja framleiðslu á baksýnisspeglum. Nema að þetta sé bara PR-stunt

Fyrri færsla

Hætt að flagga í hálfa stöng vegna "erlendra ferðamanna"


mbl.is Færist niður um eitt sæti
Tilkynna um óviðeigandi tengingu við frétt

« Fyrri síða

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband