Hætt að flagga í hálfa stöng vegna "erlendra ferðamanna"

E. "How do you like the Iceland we hate?"

Ís. "Hvernig líkar þér ónýta Ísland?"

- Albert Einstein

Framvegis verður líklega bara flaggað í hálfa stöng á óendanlega skipulagsbreyttri Húsavík ef að "erlendir ferðamenn" skyldu biðja um það og þar með setja bæjarstjórnina á safn fyrir "erlenda ferðamenn"

Það er náttúrlega agalegt að þurfa að segja "erlendum ferðamönnum" frá því að flaggað sé í hálfa vegna einmitt þess að enginn þjóðhöfðingi sé við- né látinn, heldur vegna þess að einn þeirra sem borgaði brúsann fyrir bæjarstjórnina sem er á bænum, sé einmitt látinn. Að flaggað sé vegna brottfarar hans, en ekki þeirra sem þiggja launin frá honum, né úrkomu "erlendra ferðamanna" niður í buxur bæjarstjórnar, sem þar með loksins er orðin "normal"

Veghefillinn, - kom sá og sigraði. Hmpf!

Fyrri færsla

Svíþjóð í aðskilnaðar-sjálfsmorði fólks og ríkis

Hætt að flagga í hálfa stöng

Athugasemdir

[Halldór Egill Guðnason, 27.10.2015 kl. 14:47]

Hauglatir, virdingarsnaudir og yfirborgadir opinberir starfsmenn á Húsavík. Svo mikid er víst og baejarstjórn til mikillar minnkunnar ad nenna ekki ad flagga í hálfa stöng fyrir látnum baejarbúum. Mikill fnykur af gjörningi thessum, svo ekki sé meira sagt.

Gódar stundir, med kvedju ad sunnan.

[Anna Dóra Gunnarsdóttir, 27.10.2015 kl. 15:51]

Ég vissi ekki af þessum húsvíska sið, en hann er fallegur og virðingarverður, enda virðingarvert í sjálfu sér að flagga í hálfa stöng þegar þegn bæjarfélags fellur frá. Útlendingar þurfa svosem ekkert að vita hverjir deyja í landi þar sem þeir þekkja hvorki haus né sporð á íbúum. Langi þá að vita það, er ekkert mál að segja þeim það.

[Gunnar Rögnvaldsson, 27.10.2015 kl. 19:58]

Þakka ykkur

Það liggur við að maður æli þegar ónýta-Íslands pakkið talar, skrifar, treður, kýs og traðkar landið okkar niður á innlendum vettvangi á meðan það snýr sig úr hálsliðnum við að spyrja 1 af 50 milljónmanna þjóðar erlenda ferðamann spurningarinnar "how do you like Iceland" og býst við lofsöng um það sem það sjálft níðir niður hér heima.

Þess verður varla langt að bíða að pasta og makkarónur hangi hér í hálfa stöng á opinberum byggingum sem borgararnir hafa byggt yfir hið opinbera Ísland sem virðist um megn að manna stöður sínar sökum rauðvínskynslóðans sem hangir aftan í því á eftir lattébolla glingurherfinu sem alla er að æra með skrölti.

Auðvitað eigum við að gera áfram það sem við erum.

Kveðjur

[Hrólfur Þ Hraundal, 27.10.2015 kl. 21:11]

Svo sýnist sem að í flestum minni þéttbýlistöðum á Íslandi sé sá siður bæði gamall og reglulegur að setja upp fána samkvæmt reglum þá spyrst af andláti eða jarðaför.

Yfirvöld á viðkomandi stað bregðast svo við hafi þau ekki haft vitneskjuna fyrirfram.  Þessu verður ekkert breitt þó yfirvöld á einhveri vík, sér til vansæmdar nenni ekki að sinna þessu nema við andlát bæjarfulltrúa.

Það er ýmislegt sem gerir okkur öðruvísi en stórþjóðir og höldum í það svo lengi sem dugar og þökk sé Morgunblaðinu fyrir að gefa okkur færi á minningagreinum en þann dag í dag og skemmtileg er undrun erlendra manna þegar þeir átta sig á því hvað þetta er.     

 

[Tómas Ibsen Halldórsson, 27.10.2015 kl. 23:07]

Ekki vissi ég að Húsvíkingar flögguðu í hálfa stöng fyrir útlendinga eða ferðafólk.  Ég hélt að það væri til heiðurs og minningar hinna látnu.  Þann góða sið á að viðhalda og varðveita, ekki útlendinganna vegna heldur vegna bæjarbúa sjálfra, hvort heldur þeir hafi þekkt hinn látna eður ei.  Það er alger óþarfi að taka upp einhverskonar meðvirkni gagnvart aðkomufólki.

[P.Valdimar Guðjónsson, 28.10.2015 kl. 01:46]

Rétt.   Þetta er skringileg undirlægja að blanda erlendum ferðamönnum þarna inn.

[Helga Kristjánsdóttir, 28.10.2015 kl. 02:43]

Koma ekki margir útlendingar og vilja kynnast venjum okkar og lifnaðarháttum.Hve oft höfum við ekki lesið frásagnir ungra íslendinga eftir dvöl í framandi löndum,þeir rétt eins og mörg ættmenni mín,segja frá af auðsýnni virðingu,þótt ekki vildu þau hafa það þannig heima hjá sér.-- Er þetta eitthvað í minninu,frá því að þeir litu furðuleg fyrirbæri mannlegrar hegðunar í útlöndum og hlógu að. Engum þarlendum varð meint af,en margur heldur mig sig.

[Gunnar Rögnvaldsson, 28.10.2015 kl. 08:50]

Þakka ykkur

Sveitastjórn Húsavíkur segir ekki beinum orðum að hætt sé að flagga í hálfa stöng vegna erlendra ferðamanna. En hún segir:

„Mér fannst þessi siður vera orðinn úr­elt­ur, enda er þetta sam­fé­lag gjör­breytt frá því sem var. Í bæ­inn hef­ur flutt fólk sem veit kannski eng­in deili á hinum látna og túrist­ar voru hissa. Töldu kannski að þjóðhöfðingi væri lát­inn.“

Í þessum orðum liggur að siðir og hefðir eigi að víkja  vegna þess að þeir séu hugsanlega ekki "IN" og vegna þess að mývargsfyrirbærið "erlendir ferðamenn" hafi spurt um siðinn.

Væntanlega mun eitthvað "open" eða "pay here" flagg í staðinn verða dregið í fulla stöng - og Húsavík endurupphugsuð í eftirmynd allra landa sem hvorki fljúgandi fugl né syntur fiskur undir "Dictatorship of Relativism"

Hefði herra Erlendur ekki rekið inn nefið, þá hefði þetta ekki gerst. Þetta er sveitamennska.

Nú mun útsvarið á Húsavík að sjálfsögðu lækka, þar sem flaggpósturinn þarf ekki að senda neinum nein merki um neitt sem máli skiptir, nema ef vera skyldi eina mynd af svo sem einum stöðluðum óætum N1 túrhesta hamborgara hangandi við fullan hún.