Rannsókn: Danmörk varla fullvalda ríki lengur. Lög og reglur í Danmörku koma að mestu leyti frá embættismönnum í Brussel, sem enginn Dani kaus

Mynd: Cepos; Þróun þess hlutfalls löggjafar í Danmörku sem á uppruna sinn að rekja til Evrópusambandsins í Brussel frá árinu 1986

 

Rannsókn: aukin áhrif Evrópusambandsins á lýðstjórn í Danmörku

 

Danska hugveitan Cepos hefur farið í gegnum öll lög og allar reglugerðir sem tekið hafa gildi í Danmörku frá árinu 1986. Niðurstaðan er dapurleg. Meirihluti löggjafar Danmörku kemur frá Evrópusambandinu. 

"En stor del af EU lovgivningen vedtages af Kommissionen – EU’s ”udøvende magt” – hvilket forstærker de demokratiske betænkeligheder ved den massive EU-retlige indflydelse på dansk lovgivning"

Stór hluti laga í Evrópusambandinu er viðrekinn af embættismönnum - framkvæmdavaldi Evrópusambandsins - og sú staðreynd magnar upp þær lýðræðislegu áhyggjur sem hafa þarf vegna massífra áhrifa lagagerðar Evrópusambandsins á löggjöf Danmerkur.

 

Mynd: Cepos; Þróun fjölda tilskipana Evrópusambandsins sem gilda í Danmörku frá árinu 1958 

Í inngangi rannsóknar Ceops segir

Frá og með deginum sem Danmörk gekk í Evrópusambandið árið 1973, hefur magnið af þeim lögum sem eiga uppruna sinn að rekja til ESB í Brussel og þeim ESB-reglugerðum sem byggja á ESB-lagabálkum frá Brussel, stigið mikið. Þetta hefur haft í för með sér miklar takmarkanir á þeim möguleikum sem þjóðþing Dana, Folketinget, getur haft á lagasetninguna í landinu - og þar með þá möguleika sem danska þjóðin getur mögulega haft á tilveru sína í eigin landi. 

Árið 1986 áttu fimm prósent af öllum lögum í Danmörku uppruna sinn að rekja til ESB-laga frá Brussel. Árið 2010 (24 árum seinna) var þetta hlutfall komið upp í 25 prósent. Leggi maður hér við þær reglugerðir sem viðteknar hafa verið af ESB í Brussel og sem byggja á ESB-lagabálkum - og sem hafa bein áhrif í Danmörku - þá kemur í ljós að 50-60 prósent af þeim lögum og reglum sem nú gilda bæði beint og óbeint í Danmörku eiga uppruna sinn að rekja beint til Evrópusambandsins í Brussel. 

ESB-lögin og ESB-rétturinn láta sér ekki bara viðkoma tæknileg málefni og landbúnað, heldur einnig málefni sem hingað til hafa verið talin í höndum og undir verndarvæng fullveldis landsins, eins og til dæmis skattamál, innflytjendamál og refsilöggjöf.

Þessi þróun krefst breiðrar opinberrar umræðu um hvernig hægt sé að tryggja það að almenningur og þjóðþing Dana fái slegið því fast að áhrif þess séu ennþá einhvers gildandi gegn Evrópusambandinu, segir yfirlögmaður Cepos, Jacob Mchangama. 

 

Mynd: Cepos; Þróun fjölda reglugerða Evrópusambandsins sem gilda í Danmörku frá árinu 1958 

Cepos segir að núverandi þróun í Evrópusambandinu sýni að það sé bráðnauðsynlegt að lýðstjórn landsins ákveði hvort gefa eigi meira eftir af fullveldi landsins en þegar er orðið.

 

Meira að segja hinni borgaralegu hugveitu Cepos er farið að blöskra. Þá er ástandið orðið slæmt. 

Det må dog også erkendes, at Danmarks indflydelse, som et lille land blandt 27, er stærkt begrænset og at Danmark derfor risikerer at blive nedstemt af kvalificerede flertalsbeslutninger.

Cepos telur að svo langt sé komið að hægt sé að setja spurningamerki við hvort lýðræði sé ennþá gildandi stjórnarform í Danmörku. Hugveitan segir að Danmörk sé lítið land og hafi litla möguleika á að hafa áhrif á eigin örlög í Evrópusambandinu. Cepos vitnar í rannsókn Open Europe sem segir að lagabálkur Evrópusambandsins rúmist ekki lengur á færri en rúmlega 666 þúsund blaðsíðum.

Og svo halda sumir ennþá að Evrópusambandið sé eitthvað annað en nýtt stórríki í smíðum. Halló!

Æðsta markmið ríkisstjórnar Jóhönnu Sigurðardóttur og Steingríms J. Sigfússonar er að leggja niður lýðræði á Íslandi með því að ganga í Evrópusambandið. Og þar með verður endanlega lagt niður lýðveldi Íslendinga, sem stofnað var til á Þingvöllum árið 1944. 

Laugardagurinn 17. júní árið 1944 er dagurinn sem ríkisstjórn Íslands þolir ekki.

 

Í ríkisstjórn Íslands sitja á skrifandi stundu stjórnmálaflokkarnir Samfylkingin og hreyfing Vinstri grænna. Saman hafa þau fyrir hönd allra Íslendinga sótt um inngöngu Íslands í þetta nýja stórríki embættismannaveldis Brussels. Þessa umsókn þarf að draga til baka umsvifalaust. Hún á engan rétt á sér og er afar illa og óheiðarlega tilkomin.  

 

Krækjur

• Cepos, rannsókn: EU-rettens stigende indflydelse på Danmarks demokratiske styreform | Bein slóð á PDF
• Folkebevægelsen mod EU: CEPOS: Flertallet af lovene kommer fra EU 

Fyrri færsla

• Það sem Írar vilja skilja að, vill ríkisstjórn Íslands sameina á ný

Danske dager, geta innihaldið geðveiki

Mér til hryllings sá ég heilsíðu auglýsingu frá Haglkaupum . . nei nei. . . frá Hagkaupum . . já þarna kom það. Auglýsingin birtist . . merkilegt nokk . . í Morgunblaðinu. 

Hryllingur minn varð ekki til við að sjá auglýsingu frá Hagkaupum í blaðinu mínu, þvert á móti. Nei hann varð til við að lesa yfirskrift eða slagorð auglýsingarinnar. Þar stóð að það væru danske sager . . nei nei nei . .  hvað er þetta . . aftur . . að það væru "danske dager" í verslunum Hagkaups. Hvað er að gerast hér?  

Ég spyr; hvað er "danske dager"? Hvað er það? Orðið dager er ekki til í danskri tungu. Ef þetta hefði átt að vera rétt - korrket og með ordnung ja! - þá hefði átt að standa "danske dage". 

Den dag, mange dage, nogle dage, lange dage, sorte dage, modbydelige dage, hvelveds dage, vilde dage, danske dage, islandske dage, svenske dage osv. 

Þeir sem gerðu auglýsinguna vissu ekki hvað þeir voru að gera en tóku sér líklega vel borgað fyrir verkið. 

En þetta er svo sem hægt að fyrirgefa og er ekkert miðað við sumar málfarsvillur stærstu fyrirtækja Íslands í dönskum blöðum og tímaritum.

 

Hollenskur sælgætisframleiðandi hóf markaðsfærslu á nammi sínu í Danmörku. Á umbúðunum varð innihaldslýsingin auðvitað að vera á dönsku. Þar varð að koma fram hvaða efnum maðurinn hafði blandað út í nammið. Og eins gott var að lesa vörulýsingu mannsins vandlega áður en dottið yrði í það. Nammið innihélt nefnilega geðveiki. Já, ekta geðveiki - "kan indeholde sindsyge" - sem þýðir - "getur innihaldið geðveiki".

 

Eftir smá stund skildi maður hvað gerst hafði. Framleiðandinn hafði tekið enska textann og þýtt hann yfir á dönsku með annað hvort Google Translate eða orðabók. Textinn "could/can contain nuts" varð allt í einu að "kan indeholde sindsyge". Allir sem þekkja ensku vita að fólk sem er nuts er annaðhvort geðveikt eða hnetur. Rétt hefði því verið að skrifa "kan indeholde nødder", "getur innihaldið hnetur",  sem er alls ekki geðveikt. Men så be'r de fandme også selv om det!

 

Og kæru Hagkaup. Ekki reyna að telja Íslendingum trú um að Jakabov sé næstum því matur. Það er hann svo sannarlega ekki. Að minnsta kosti ekki í augum Dana.

Ofurmáni - ofurvél - ofurmenn

Kraftaverk árið 1969, þykir mér   

Í kvöld er Máninn okkar um það bil 55.000 kílómetrum nær Jörðu en hann er þegar hann er sem lengst frá okkur. Ég var úti að horfa á tunglið rétt í þessu og fannst það aðeins stærra en venjulega. Að minnsta kosti all nokkuð bjartara. 

Fyrir tæplega 42 árum sendu Bandaríkjamenn þessi þrjú þúsund fjörutíu og fimm tonn, sem sjást hér á myndskeiðinu fyrir ofan, þráðbeint upp í loftið. Förinni var heitið alla leið til Mánans. Líklega er þetta öflugasta vél sem hefur verið byggð hér á Jörðinni. Ég efast stórlega um að til séu menn í umferð í dag sem kunna að byggja svona gígantískar græjur. Og við skulum ekki minnast á fjárveitinguna til svona verkfæra. Allt þetta fyrir 42 árum síðan. Merkilegt. Hljóðið í endanum á myndskeiðinu er engu líkt. 

Hér er mynd af þeim sem fóru með tækinu til Mánans og komu svo svífandi all léttari heim aftur

Apollo 11 Official Crew Portrait

 

Það sem Írar vilja skilja að, vill ríkisstjórn Íslands sameina á ný.

Rætt um væntanlegt ríkisgjaldþrot Írlands og skuldir banka & ríkis hins vegar

 

Horfið vinsamlegast á þátt úr írsku sjónvarpi; sönn hrollvekja um banka og ríkisskuldir. Portes, Martin Wolf, Simon Johnson, David McWilliams og fleiri koma við sögu. Hefst ca. 10 mínútur inni í fréttaþættinum á RTÉ ONE.

 

Mynd RTÉ ONE: Áætluð skuldastaða Írlands árið 2014 

Það sem hugsanlega getur ennþá bjargað írska ríkinu frá ríkisgjaldþroti er að skilja á milli skulda ríkis og bankakerfis Írlands. Þetta er það sem ríkisstjórn Íslands vill sameina á ný með Icesave. Ríkisstjórn okkar er ekki bara geðvillt, hún er vanvita. Hún ætlar að leysa næstum nú þegar óviðráðanlega skuldastöðu Íslands með enn meiri skuldum. Enn meiri skuldum. Gera Ísland að alvöru fábjánalandi. 

En Írinn Davíð McWillimans segir; "við ætlum ekki að borga skuldir óreiðumanna". 

Evru-bankakerfi Írlands er ekki einu sinni treyst fyrir peningum yfir nóttina lengur. Allt bankakerfi Írlands er lokað úti frá umheiminum. Þetta er enn ein skjaldborg Samfylkingarinnar, evrusvæðið. Overnight lending CLOSED !  

Það er alveg sama hvað Írum mætti finnast um allt sitt - það verður Evrópusambandið sem ræður því hvað verður um Írland. Svona er að missa fullveldið og svona er að vera í myntbandalagi Evrópusambandsins. Þá er maður sem smáþjóð neydd til aðgerða eins og þeirra sem komu Írlandi í öll vandræðin í byrjun; a) að búa við neikvæða raunstýrivexti seðlabanka Evrópusambandsins í 8 ár sem sprengdu efnahag landsins í tætlur og b) með ríkisábyrgðum að reyna að forða sér frá því að allar bankainnistæður atvinnulífsins og almennings hyrfu ekki úr landi þegar fárviðri alþjóðlegra fjármála geisaði á evrusvæðinu haustið 2008 og sem fékk lönd myntbandalagsins til að heyja nokkurs konar innri fjármálalega borgarastyrjöld, svo allt fjármagn þeirra sem minna mega sín í EMU hyrfi nú ekki úr landi og hrynjandi verð hlutabréfa í fjármálastofnunum landa þeirra myndi ekki gera banka þeirra eignalausa og þar með knýja fram instant þjóðnýtingu.

Bara ef DDRÚV gæti gert svona þátt. En það getur sú stofnun ekki gert því hún er ríkisstjórnarfjölmiðill að hætti DDR sáluga. Og svo er bara Baugs-Samfylkingar-sjónvarpið eftir.

 

Hér á Íslandi féll enginn múr. Hér féll bara allt frá austri til vesturs og ríkisstjórn aumingjaháttar úr 15 ára útlegð flæddi yfir okkur öll í formi nýrrar ríkisútrásar þar sem skipa á út skattatekjum þjóðríkis okkar næstu áratugina. Þetta er eins og að reyna að halda hita á ríkissjóð með því að kveikja í skattatekjum ríkisins. Að dáleitt forystulík Sjálfstæðisflokksins skuli taka undir þessi getum-ekki-stjórnmál er svo heimskulegt að verra getur það ekki orðið. Asnar!

 

Krækjan; Horfa á þáttinn 

 

Tengt

• Sannleikurinn um efnahagsmál Írlands

Fyrri færsla

• Ný vekjaraklukka ríkisstjórnarinnar

Ný vekjaraklukka ríkisstjórnarinnar

Þetta vekur hana að morgni. Spilað hraðar en hún getur hlustað. Nægir til að rugla ríkisstjórnina allan daginn. Dag eftir dag.

 

Og þetta heldur henni áfram vakandi um miðnættið. Þessi klukka gengur endalaust og öruggt. Mick Cadillac Fleetwood eftir 800 þúsund kílómetrana er eins og ónotaður.

 

Svo fer hún að ganga í svefni - en þá byrjum við bara aftur á lagi númer eitt. Klukkan hringir aftur og aftur

 

_____________________________ 

Fyrir okkur sem enn dreymir, skulum við hlusta á leikmann spila stykkið "The Dreamer" eftir Keith Emerson sem spilaði of hratt hér í lagi númer eitt. Okkur dreymir um betri, heiðarlegri og sannari ríkisstjórn. 

 

Fyrri færsla

Fjármála paradís evrusvæðis 

Fjármála paradís evrusvæðis

 

Mynd: Fundur í miðstjórn ráðstjórnar ESB. Seðlabankastjóra ECB vantar á myndina. Hann var of upptekinn við þið vitið hvað. 

 

 

Hjálenda ESB

 

Grikkland fær engin lán hjá alþjóðlegum fjárfestum. Það er nefnilega í myntbandalagi Evrópusambandsins. Sama gildir um bankakerfi Grikklands. Um helgina hófst fyrsti hluti ríkisgjaldþrots Grikklands.

Liggjandi forsætisráðherfi landsins hefur með dráttarvél Angelu Merkel verið sendur ESB-listi (útfylltur) yfir það sem hann á að gera, ekki gera, selja og ekki selja í landi sínu sem varð gjaldþrota eftir 29 ár í faðmi ESB, fékk 60 miljarða í bæjarhjálp frá ESB og asnaðist einni evrunni of langt inn í Evrópusamband Brussels. Grikkland var einu sinni land. Atvinnuleysi 14 prósent. 

 

Hjálenda ESB

 

Ríkissjóður Írlands fær engin lán hjá alþjóðlegum fjárfestum. Það er nefnilega í myntbandalagi Evrópusambandsins. Sama gildir um bankakerfi Írlands. Um helgina hófst fyrsti hluti ríkisuppboðs Írlands. Ríkið fær engin lán, getur ekki prentað peninga, á enga peninga og getur ekki rekið haglabyssuna upp í kokið á tröllvöxnu bankakerfi landsins og hleypt af, því þá drepst allt lifandi dautt bankakerfi ESB í leiðinni. Getur ekki ráðið sköttum. Getur ekkert og er ekkert. Írland er nefnilega í ESB. Atvinnuleysi 14 prósent.

 

Hjálenda ESB

 

Portúgal fær engin lán hjá alþjóðlegum fjárfestum nema á okurvöxtum. Það er í myntbandalagi Evrópusambandsins. Bankakerfi Portúgals hefur verið afskorið frá umheiminum í heilt ár. Engin lán, engin fyrirgreiðsla. Landið bíður nú með húfuna í hendinni eftir komu dráttarvélar kanslara Þýskalands sem í 12 ár hefur múgrakað til sín peningum jaðarlanda evrusvæðis með því að misnota aðstöðu sína í læstu gengisfyrirkomulagi við þau fábjánaríki Evrópu sem hentu mynt sinni fyrir róða - og létu evruna rífa sig á hol aftanfrá. Atvinnuleysi 12 prósent.

 

 

ESB-Lettland er í meðferð hjá Alþjóða Gjaldeyrissjóðnum

Er skyldugt til að taka upp evru og afsala sér öllu fullveldi í peningamálum 

 

 

 

ESB-Rúmenía er í meðferð hjá Alþjóða Gjaldeyrissjóðnum

Er skyldugt til að taka upp evru og afsala sér öllu fullveldi í peningamálum 

 

 

ESB-Ungverjaland er í meðferð hjá Alþjóða Gjaldeyrissjóðnum

Er skyldugt til að taka upp evru og afsala sér öllu fullveldi í peningamálum

 

 

ESB-Belgía er að leysast upp. Er í myntbandalagi Evrópusambandsins

 

Suckers! 

 

 

Fyrri færsla

 

Írskt efnahagslegt evru-sjálfsmorð í vændum? Örvænting grípur um sig á Írlandi 

   

Írskt efnahagslegt evru-sjálfsmorð í vændum? Örvænting grípur um sig á Írlandi

Aðild Írlands að myntbandalagi Evrópusambandsins hefur komið landinu fram á hengibrún ríkis- og fullveldisgjaldþrots. 20 ára efnahagskreppa bíður Írlands ef þeir afhenda ekki restina af fullveldi landsins til Berlín og Brussel. Strax.

Fyrir helgina reyndi ráðstjórn ESB-sovétríkjanna að þvinga Írland til að hækka skatta á írsk fyrirtæki svo loksins megi takast að miðstýra viðskiptum og atvinnulífi frá Írlandi og inn að kjarna ESB-sovétríkjanna sem vantar meiri atvinnu og meiri völd. Írar segjast vera útkjálkaland á hjara ESB-sovétríkjanna og að fullveldi í skattamálum sé eina fullveldið sem landið á eftir. Allt hitt hefur verið gefið eftir til miðstjórnar sovéts ESB. Gegn restinni af fullveldi Írlands lofa ESB-sovétríkin að lækka vextina á lánum þeim sem þau þvinguðu upp á Írland til að bjarga m.a. gjaldþrota bankakerfum Þýskalands. Þetta eru sólrúnir brenndar á Írland, eins og reynt var við Ísland. 

 

International aviation tycoon Ulick McEvaddy said it was crucial for Ireland to retain one of the few competitive advantages it had.

"We are a small island on the edge of Europe, we need some advantage in order to attract companies here," he said. 

Fari þessi afgangur af fullveldi landsins mun þetta útkjálkaland þurfa að horfa á eftir atvinnu og viðskiptum hverfa úr landi og hagnaði verður þá öllum útskipað til kjarna ESB-sovétríkjanna, eins og gerðist hjá Nýfundnalandi eftir að það afsalaði sér fullveldi landsins til sambandsríkisstjórnar Kanada árið 1949, aðeins fimm árum eftir að Ísland fagnaði stofnun lýðveldis okkar hér heima. 

 

"The corporation tax rate was one of the main reasons I opposed the Lisbon Treaty the first time around. We then got the guarantee on it. [..] It is also one of the few things the Government "has full control over", having already ceded functions such as setting interest rates to the EU.

Írar velta því nú fyrir sér hvernig þeir geti sloppið út úr ESB-sovétríkjunum og undan sovét-evrunni. Þeir segja, sem rétt er, að helsti bandamaður þeirra í atvinnu og viðskiptum sé Stóra Bretland og vonast til að Bretland hjálpi þeim til að losna undan ofurvaldi hinnar sovésku myntar Evrópu, evrunni, og hleypi þeim inn í breska Sterlings-pundið. Fyrir þetta verða Írar örugglega ásakaðir um að vera andevrópskir og að stunda andevrópskan áróður. 

Við höfum séð þetta allt áður. Sovét er flutt til Berlín og Brussel og heitir nú bara Evrópusambandið.

 

Krækja, Irish Independent; 'Suicide' if we give in to EU on taxes

 

Fyrri færsla

 

Gagn og Gaman myntbandalags Evrópusambandsins. Fræðslupistill. 

 

Gagn og Gaman myntbandalags Evrópusambandsins. Fræðslupistill.

Myntin Evra var byggð á setti af reglum, þ.e. regluverki, því hún er ekki eins og alvöru mynt sem byggð er á þegnum sem saman mynda einn bakhjarl myntarinnar, sem er ríkisjóður eins þjóðríkis. Samanber þeirri staðreynd að ef ég fjarlægði sambandsríkisstjórn Bandaríkjanna og fjárlög hennar úr bandaríska þjóðríkinu þá myndi Bandaríkjadalur samstundis breytast í evrusvæði (myntsvað), þar sem 50 fylki og jafn margar fylkisríkisstjórnir þeirra þyrftu að koma sér saman í hvert skipti sem sameiginlegur seðlabanki þeirra prentaði einn dal í viðbót við þá sem nú þegar eru í umferð. Hver fær nýja peninga seðlabankans og aðgang að peningahirslum hans?  

 

Regluverk evrusvæðisins var þannig að löndin sem nota myntina evru máttu ekki koma ríkisfjármálum sínum í uppnám með því að reka ríkissjóði sína með meira en max 3 prósent tapi og svo urðu skuldir ríkissjóðs landanna að vera það lágar að ríkisskuldabréfin sem bankakerfi ríkjanna nota sem veð til að sækja sér peninga í umferð hjá prentsmiðju seðlabankans, myndu ekki enda sem veðsafnarusl í kistum seðlabanka Evrópusambandsins og þannig grafa undan mynt allra 16 landa myntsvæðisins samtímis. 

En allt var þetta brotið og áhættutöku einkageirans var þar að auki smyglað yfir á ríkisjóði landanna þegar bankakerfum þeirra var bjargað frá hruni. Þetta voru þvílík regin mistök að núna hangir líf myntarinnar á bláþræði. Seðlabanki Evrópusambandsins er nú þegar að verða gjaldþrota, bæði álitslega, peningalega og pólitískt séð, því hann er kominn út í horn og allar aðgerðir hans til úrbóta munu bara kála enn frekar ríkisfjármálum þeirra landa sem standa að myntinni. Hættan við sameiginlegu mynt ESB var ávalt sú nágranni þinn gat eyðilagt mynt þína, eins og er að gerast núna, og án þess að þú hefðir gert neitt rangt sjálfur. Þú og þjóð þín áttu heima á peningalegri eldavélarhellu sem 16 lönd stýrðu. Nú eru nokkur landanna orðin ristuð rauðspretta. Brunarústir myntbandalagsins.     

Fyrst þverbrutu Þjóðverjar og Frakkar allar reglur myntbandalagsins á árunum 2002-2005. Svo brutu Grikkir þær. Svo brutu 11 lönd reglurnar. Það gerðist vegna þess að einn peningur, einir og sömu vextir og ein peningapólitík getur aldrei gengið í 16 ólíkum löndum án þess að um "transfer union" sé að ræða, þ.e.a.s án þess að eitt þjóðríki með einum ríkissjóði standi á bak við myntina og færi peninga á milli landanna eins og þeir eru fluttir á milli landshluta Íslands. Sjúkratryggingar, atvinnuleysisbætur og svo vinnuafl til Kárahnjúka og Austfjarða. Gamli heimabær minn var byggður svona, Siglufjörður, og hann lifir enn vegna þess að hann er hluti af þjóðríki Íslendinga. Hann gaf stórt og örlátlega til þjóðríkisins á meðan hann gat og nú fær hann kannski smá stuðning til baka. Hann fór ekki á hausinn þó svo að síldin hyrfi því hann er í þjóðríki Íslendinga.       

 

Í þessu læsta myntsamstarfi, sem er eins og læst gengisfyrirkomulag, hefur Þýskaland stundað massífa innvortis gengisfellingu í 12 ár og rakað til sín viðskiptahagnaði sem nemur 1000 miljörðum dala. Til þess að hægt sé að laga þennan ójöfnuð og drepa öxulvald þessa miðflóttaafls í miðju myntbandalagsins, þarf að flá þessa kínverja Evrópu inn að skinninu, þannig að þeir skilji hvað fór fram undir nefinu á milljón embættismönnum tröllabandalags Evrópusambandsins og undir stjórn seðlabankans ECB sem hefur massíft skrúfað peningapólitík sína saman eftir þörfum Þýskalands, only. Nú er payday. Þýskaland; borgið 800 miljarða evrur strax. Greiðist við kassa eitt, takk.

 

Þetta var Gagn & Gaman um myntbandalag Evrópusambandsins (EMU). Ef þú ert álíka fróður um EMU eins og 99,99 prósent af þeim sem tóku upp evru; þ.e.a.s 100 prósent clueless um allt nema um útlit peninganna, þá skil ég þig afar vel, en það hjápar bara ekkert í þessu máli. Skilningur þeirra landa og þess fólks sem býr í þeim löndum Evrópusambandsins sem tóku upp evru var ekki meiri en 0,01 prósent. Þau gerðu bara eins og stóð í auglýsingabæklingunum frá Brussel. Því eru þau að verða ríkisgjaldþrota í dag og verið er að ræna þjóðríkinu frá þeim, innan frá.  

Þetta áttu íslenskir stjórnmálamenn og þeir sem berjast fyrir inngöngu Íslands í Evrópusambandið að vita. Fyrir rúmlega tveimur árum sagði ég ykkur frá því að hinum efnahagslega samruna landa Evrópusambandsins væri lokið. Sá lagarammi væri kominn og það sem fram færi í Evrópusambandinu núna væri hinn pólitíski samruni landa sambandsins - að þau væru að renna saman í eitt ríki; Bandaríki Evrópu. Þetta verður að gerast ef myntin á að lifa af. En þá hlógu menn að mér. 

Grundvallar gallinn við þetta allt er sá að ekkert land sem gekk í ESB hafði hugsað sér að leggja niður þjóðríki sitt og verða bara fylki í embættismanna heimsveldi Bandaríkja Evrópu í Brussel.

Evrópusambandið hefur drepið friðinn í Evrópu. Read my lips: friðurinn sem lýðræðið í þjóðríkjunum skaffaði Evrópu frá lokum seinni heimsstyrjaldar er úti, því Evrópusambandið er að drepa þetta lýðræði í öllum löndum sambandsins samtímis. Og velmegun og hagsæld Evrópu er á sömu leið; á leiðinni til fjandans.

 

Núna þurfa íslenskir stjórnmálamenn að láta renna af sér og verða allsgáðir. Börn Íslands þola ekki drykkjuskap ykkar lengur. Framtíð Íslands næstu þúsund árin er hér í húfi. Draga þarf illa tilkomna umsókn Samfylkingarinnar fyrir hönd Íslands inn í Evrópusambandið til baka. Strax!

 

* Sameiginleg mynt hefur ekki leitt til meiri viðskipta á milli evrulanda 

 

Fyrri færsla

 

Dönsk uppreisn gegn ESB-aðild að mótast? 

 

 

Dönsk uppreisn gegn ESB-aðild að mótast?

 

Mynd; landsfundur KU

 

Ungliðahreyfing danska íhaldsflokksins, konservativ ungdom, krefst þess að Danmörk segi sig úr Evrópusambandinu. Hvorki meira né minna. Unga fólkið vill út úr ESB. Út!

 

Jeg mener at Grundloven er den vigtigste del af vore danske love, og at denne lov er ukrænkelig i forhold til det at være dansker [. . ] Og hvad mener EU om vor Grundlov? Tillad mig at citere EU’s forfatning: ”Forfatningen og den ret, der vedtages af Unionens institutioner (…) har forrang frem for medlemsstaternes ret (artikel 1-6)” Dette betyder at den lovgivende magt, bliver givet fra nationalstaterne til EU og at linjen mellem en selvstændig stat, og en forbundsmagt bliver udvisket.

Um stóran meirihluta fyrir þessari ákvörðun hreyfingarinnar var þó ekki að ræða. En fyrir mér hljómar þetta eins og viss súpubylting. Þetta eru að minnsta kosti alveg nýjar bollur í súpunni sem Danmörku hefur verið hellt út í. Miklar fréttir. Og meira að segja fyrrverandi Nyrup-formanni danskra sósíaldemókrata blöskrar þróunin í ESB  svo mikið að hann getur ekki orða bundist. Hvar er lýðræðið spyr hann. Maðurinn sá er farinn að skilja að hann er að drukkna í naglasúpunni sem hann eldaði fyrir þjóð sína.     

Síðustu 25 árin ól ég manninn í Danmörku. Það besta við Danmörku er ekki ESB aðild landsins. Nei, það besta við Danmörku eru Danir. Margir Íslendingar uppgötva Dani aldrei því þeir halda að Danmörk sé Ráðhústorgið í Kaupmannahöfn. Þar býr enginn Dani. Að fara til náms á ensku í Danmörku er svona eins og að horfa á Danmörku í gegnum sjónvarpið heiman að frá.   

Eitt það versta við Danmörku fannst mér hins vegar vera orðið Evrópusambandsaðild landsins. Þegar ég flutti til Danmörku var Evrópusambandið ekki til. Og ári eftir komu okkar til landsins fullvissaði forsætisráðherrann dönsku þjóðina um að Evrópusambandið yrði heldur aldrei til. Að ESB væri andavana fædd hugmynd og steindauð. Níu árum seinna sat þessi kaldi karl sem þingmaður á þingi þess Evrópusambands í Brussel sem átti ekki að vera orðið til - og þáði þar laun fyrir að hafa logið þjóð sinni svona hratt en örugglega að feigðarósi fullveldis. 

Nú um mundir státa svona galeiðuþrælar Brusselveldisins sig á laun af því að Evrópusambandið sé Bandaríki Evrópu í smíðum. Önnum kafið við að slíta barnsskónum. Að ESB hafi náð því sem svarar til fyrstu 50 áranna af sameiningarferli Bandaríkja Norður Ameríku. Hinum megin við sundið laug svo sænski Persson-forsætisráðherrann því að Svíum að heldur ekki þeir væru að skríða inn í skipasmíðastöð Bandaríkja Evrópu. Danmörk, Svíþjóð, Burmeister & Wain, Kocums, Volvo og allt heila dótið er nú orðið að frímerkjasleikjurum í stað strokka í eigin aflvél. Og vélarvana er þetta orðið, trúið mér.

 

 

Iceland vs Greece; The first difference is that Iceland was a direct, relatively isolated banking crisis. (Iceland is a relatively independent, in the sense of uncorrelated, entity, whereas Greece clearly is not.) Greece is one sovereign aspect of a broader European situation that we see as generally a banking crisis; FT/Alpaville

 

Engum af 500 milljón þegnum landa Evrópusambandsins hefur þó verið sagt frá þessu. Að þeir búi í bakaraofni Bandaríkja Brussels. Hinu andstæða hefur stanslaust verið logið að þeim af litlum körlum eins og til dæmis þáverandi forsætisráðherra Danmerkur og Uffe Ellemann Jensen, sem er sá krossfari Evrópusambandsins í Danmörku sem riðið hefur hve lengst á þeim stolnu hestum sem hann og kumpánar í leyfisleysi hafa hnuplaði frá kjósendum. Engin er virðing mín fyrir þessum ESB-fíklum lengur. Þeir eiga mikla skömm skilið fyrir að vera orðnir blindir ESB-dópistar sem selt hafa land sitt fyrir þorskklapp á báðar axlir frá torfustofum Brussels. Nei, þetta er ekki rétt hjá mér. Búið er að spenna þorskinn fyrir þessa menn. Hann löðrungar þá stanslaust á óþreytandi sundi sínu um þvagsíkin í Brussel. En út mun hann brjótast.   

Á 25 árum sá ég hvernig þetta skrímsli hefur þróast án samþykkis þjóðarinnar í reynd. Illa gefin aðild Danmerkur að ESB er orðin að handjárnum og hugarfarslegri spennitreyju fyrir dönsku þjóðina. Hjálparleysið er algert. Danmörk bara er próvins í ESB eins og Grikkland er það. Hún getur hvorki lifað né dáið.

 

Shit og lort er ekki það sama. 

 

Krækjur

 

Ud af EU! - Konservativ Ungdom

Vejen ud af EU - Konservativ Ungdom

Nyrup går imod Rompuys europagt - Folkebevægelsen mod EU

 

Fyrri færsla

 

CDS markaðurinn veðjar á ríkisgjaldþrot Grikklands, Írlands og Portúgals. Spánn og Ítalía í biðstöðu og sleppa í bili [u] 

CDS markaðurinn veðjar á ríkisgjaldþrot Grikklands, Írlands og Portúgals. Spánn og Ítalía í biðstöðu og sleppa í bili [u]

Bloomberg segir að skuldatryggingamarkaðurinn veðji nú á ríkisgjaldþrot evruríkjanna Grikklands, Írlands og Portúgals. Í gær þurfti ríkissjóður Portúgals að greiða 6 prósent vexti til að fá lán til fjögurra ára. Í september var þessi tala 4,1 prósent. Ef um 10 ára lán er að ræða þá þarf ríkissjóður þessa evrulands að greiða 7,49 prósent í vexti til alþjóðlegra fjárfesta. Alveg er lokað á öll erlend lán til alls bankakerfis Portúgals og hefur verið svo í heilt ár.

 

Láns- og vaxtakjör evruríkja eru orðin hrikaleg og óbærileg. Óstöðvandi snjóboltaáhrifa í skuldastöðunni fer að gæta. Næstum öruggt er að Portúgal mun lenda í faðmi AGS og EFSF og í framahaldi af því í ríkisgjaldþroti eins og Grikkland. Írinn David McWilliams óttast nú að írska ríkið hirði peninga fólksins til að halda sér gangandi um stund í evru klúbbnum. 

Þeir Íslendingar sem ætla að feta í fótspor Írlands, Grikklands og Portúgals með því að samþykkja að yfirtaka tröllauknar Icesave skuldir gjaldþrota banka, þurfa að hugsa sig vel og vandlega um. Hugsa sig betur um en þegar fólk á sínum tíma lét þessa nú gjaldþrota banka plata inn á sig ólöglegum lánum og óreiðufjármangi í tonnatali, sökum eigin fjármálalegs ólæsis og glæfra bankamanna.

 

Markaðurinn mun ekki taka neinum vettlingatökum á ríkisfjármálum Íslands ef svo skyldi fara að erlendar skuldir Landsbankans lendi á ríkissjóði með samþykki þjóðar. Ríkisfjármál Íslands eru nógu slæm fyrir. 

 

Uppfært

 

Rétt í þessu lækkaði Moody's lánshæfnismat Spánar frá Aa1 til Aa2 og aðvarar um enn frekari lækkun. Ástæðan? Jú, það mun kosta landið næstum þrefalt meira að koma bankakerfi landsins ofansjávar á ný en ríkisstjórnin hafði áætlað (munið þið allar Icesave áætlanir sósíalista ríkisstjórnar Íslands?) og spænska ríkið mun ekki ráða við þær skuldbindingar án mikillar skuldsetningar og hún mun svo koma niður á hagvexti sem Moody's segir að verði á ísaldarlegum skriðjökulshraða. Nú mun CDS-markaðurinn væntanlega taka Spán til endurskoðunar. Atvinnuleysi á Spáni er nú um 20,4 prósent og 43,1 prósent hjá ungu fólki undir 25 ára aldri. 

 

Yfir-skuldsett ríki geta ekki vaxið. Þau fara bara í gjaldþrot. Ríkisstjórnir Spánar og Íslands eiga að minnsta kosti tvennt sameiginlegt; þær eru sósíalistar og vanmeta áhættu, þrefalt! 

 

Krækjur; Bloomberg | David McWilliams: Keep an eye on your savings – you can be sure the State is

 

Fyrri færsla

 

Síðasta styrjöld meiri-menntunar fetishista? Fallandi eftirspurn eftir heilum. Hagtölur 4jórða voru því alger hryllingur