Ísland særir sig svöðusári á viðkvæmum markaði fyrir traust og siðmennt í heiminum

Það má vel færa rök fyrir því að atburðir undanfarinna mánaða og vikna sem náðu hámarki í gær með þeim andlýðræðislega stjórnmálalega afleiðugjörningi innherjaviðskipta sem Alþingi Íslands samþykkti í trássi við kjósendur landsins, muni grafa enn frekar undan trausti umheimsins á laga- og viðskiptalegu umhverfi á Íslandi

Þessi atburður mun einnig veikja samstarfsvilja Evrópuþjóða sem annarra í garð Íslands og Íslendinga. Þessi vilji mun nú breytast í kúgun. Þetta er álitshnekkur og undirlægja sem getur haft afdrifaríkar afleiðingar fyrir landið okkar. Nú verður enn einn fyrirvarinn i viðbót settur á svo margt í samskiptum umheimsins við Ísland. Nú hefst einnig einangrunar og einstefnuaksturinn inn í hið efnahagslega og lýðræðislega öryrkjabandlag Evrópu, Evrópusambandið

Þessu spellvirki þurfti Ísland ekki á að halda. Þessi ógagnsæu krosseignatengdu afleiðuviðskipti með lýðræði á Íslandi er smánarlegur blettur á landi okkar. Nú verður hlegið ennþá hærra hér erlendis að okkur fáráðlingunum frá Íslandi. Og trúið mér, mikið hefur verið hlegið hér að vindbelgjum og aulabárðum Íslands. Beljur Íslands á alþjóðasvellinu bættu í gær gráu ofaná svartan mykjuhaug sinn. Að vera Íslendingur á erlendri grundu hefur aldrei verið eins smánarlegt og nú. Það var ekki nóg með að allt viðskipta- og fjármálaeftirlit á Íslandi brást landi okkar gersamlega í höndum Samfylkingarinnar. Nei, sjálf eftirlits- og framkvæmdastofnum lýðræðis á Íslandi brást einnig í höndum Samfylkingarinnar & Co í gær og sem nú hefur jafnað flest við jörðu á Íslandi. Jafnt skal það verða væni minn. Veghefillinn Samfylkingin & tossa græningjar lýðræðis halda ferðinni áfram um landið okkar

Í staðinn fyrir hvítan hest forfeðra okkar fáum við veghefil jafnaðarmanna og græningja tossa. Lítið er stolt mannanna í vegheflinum og mikil er gleðin hjá elítuinni í ESB, því nú er Ísland loksins stigið ofan af hvíta hest forfeðra okkar. Hestinum sem svo margir hér í Evrópu og víðar öfunduðu okkur af. Nú er allt jafnað kolsvart og fótum troðið. Aulabárðar og dekurdýr

Fyrri færsla 

• Stjórnarskrárdómstóll Þýskalands segir að Evrópuþingið sé andlýðræðisleg samkunda

Athugasemdir

[Ragnhildur Kolka, 17.7.2009 kl. 08:29]

Þetta verður ekki betur sagt, "krosseignateng afleiðuviðskipti með lýðræði á Íslandi", dapurlegt sem það er.  

Spilling Samfylkingarinnar kemur engum á óvart, en að þeim skyldi takast að draga Vg í svaðið með sér á þessum örstutta tíma hlýtur að vera heimsmet. Steingrímur, Ögmundur og þeir hinir sem tóku þátt í svikunum eiga eftir að iðrast þessa dags. 

"V-ið" í Vg stendur nú fyrir VÖLD, hvað sem þau kosta.

[365, 17.7.2009 kl. 08:49]

Ógurleg svartsýnis bábylja er þetta hjá þér maður.  Hvaða hvíta hest ertu að tala um?

[Þór Gíslason (IP-tala skráð) 17.7.2009 kl. 09:37]

Já takk fyrir kærlega.

Og þú hefur kosið að búa hvar? Og er verið að hlægja að þér þar?...greyið!!!

Ég þekki þá tilfinningu að mega ekkert slæmt heyra, segja eða hugsa um ástkæra fósturjörð og þjóð, búandi á erlendri grund. Það voru einmitt þær tilfinningar sem kölluðu mig heim og hafa á erfiðum tímum, þegar ég hef efast umágæti þjóðarinnar, haldið mér hér, staðföstum í að vilja hvergi annarsstaðar búa, með kostum þess og göllum.

Mér er líka hlítt til þess landssvæðis þar sem ég óx úr grasi. Ég hef sterkari tilfinningar til þess svæðis en þar sem ég nú bý. Ég læt þó af vera að hæðast að þeim sem þar búa eða andskotast út í ákvarðanir þeirra þrátt fyrir að vera þeim ekki sammála. Það er þeirra sem þar búa að ráðskast með sína hagi, ekki mitt. Ég fór á vit þess sem ég taldi vera betra, hagkvæmara, þægilegra... skynsamlegra?

Ef það er svona há andskoti bölvað að búa í ríki innan ESB, tilfinningar þínar gagnvart fósturjörðinni svona sterkar og þú klárlega með það á hreinu hvernig við Íslendingar sem hér kjósum að búa eigum að haga okkur, af hverju flytur þú þá ekki bara heim á Frón og tekst á við að hjálpa þjóðinni úr þeim forarpytti sem hún er búin að koma sér í?

Reyndar held ég að þú sért best geymdur í Dana veldi. Miðað við heyftina og foráttu munnsöfnuð þinn í garð þeirra sem hér á Íslandi búa á sennilega við þig eins og máltækið segir, oft gellur hæst í tómri tunnu.

Góðar stundir

[Sigurbjörn Sveinsson, 17.7.2009 kl. 09:55]

Er hægt að taka þennan málflutning alvarlega?

"Nú verður hlegið ennþá hærra hér erlendis að okkur fáráðlingunum frá Íslandi. Og trúið mér, mikið hefur verið hlegið hér að vindbelgjum og aulabárðum Íslands. Beljur Íslands á alþjóðasvellinu bættu í gær gráu ofaná svartan mykjuhaug sinn. Að vera Íslendingur á erlendri grundu hefur aldrei veið eins smánarlegt og nú. Það var ekki nóg með að allt viðskipta- og fjármálaeftirlit á Íslandi brást landi okkar gersamlega í höndum Samfylkingarinnar. Nei, sjálf eftirlits- og framkvæmdastofnum lýðræðis á Íslandi brást einnig í höndum Samfylkingarinnar & Co í gær og sem nú hefur jafnað flest við jörðu á Íslandi. Jafnt skal það verða væni minn. Vefhefillinn Samfylkingin & tossa græningjar lýðræðis halda ferðinni áfram um landið okkar"

[kop, 17.7.2009 kl. 14:06]

"Nú verður hlegið ennþá hærra hér erlendis að okkur fáráðlingunum frá Íslandi. Og trúið mér, mikið hefur verið hlegið hér að vindbelgjum og aulabárðum Íslands. Beljur Íslands á alþjóðasvellinu bættu í gær gráu ofaná svartan mykjuhaug sinn. Að vera Íslendingur á erlendri grundu hefur aldrei veið eins smánarlegt og nú."

Miðað við þessi skrif þín, þá er ég ekki hissa að það sé hlegið að þér. Ekki vera að yfirfæra vitleysuna í þér yfir á okkur hina Íslendinga erlendis. Ég bý í sama landi og þú, kannast engan veginn við að það sé hlegið að mér fyrir að vera Íslendingur eða að það sé smánarlegt, hvorki fyrr né nú. Þetta er sennilega bara bergmál í hausnum á þér, enda ertu búinn að tuða sömu tugguna svo lengi.

Þú mátt auðvitað hafa þína skoðun, en ekki bland mér í þetta með þessum hætti.

Svo verður þú að sætta þig við, að sumir, margir, kannski meirihluti Íslendinga sjá ýmislegt jákvætt við

ESB.

[Gunnar (IP-tala skráð) 17.7.2009 kl. 14:20]

Það er ótrúlegt að maður sem hefur illsku ESB á heilanum hefur kosið að búa innan þessa "ólýðræðislega sovétveldis", frekar en hoppa upp á hvíta klárinn okkar hérna í Atlantshafinu. Skyldi honum vera haldið nauðugum? Það er kannski ekki ferðafrelsi í ESB? Spyr sá sem ekki veit, en samúð okkar hér í frelsinu er óskipt!

[Erla J. Steingrímsdóttir, 17.7.2009 kl. 14:50]

Pistlarnir frá þér Gunnar, eru mjög fróðlegir og holl lesning fyrir alla esb sinna.  Ég gæti ekki verið meira sammála þér. Ég á svo bágt með að trúa að alþingismönnum á Íslandi sé bara alveg sama um landið sitt og láti stjórnast af persónulegum ávinningum sem koma í kjölfarið á innlimun Íslands.  Þeir ættu að skammast sín.

[Þorsteinn Egilson, 17.7.2009 kl. 19:06]

Agæti ESB-búi, vona að þú sætir ekki illri meðferð í dk.

Hvað sem því og þér líður, þá hugnast mér ESB betur og betur því meir sem ég les eftir þig, Jón Val  Jensson eða Loft Altice Þorsteinsson -hvort sem ESB er umræðuefnið eða ekki.

Kveðja,
-þ

[Helgi Jóhann Hauksson, 17.7.2009 kl. 20:43]

Því miður Gunnar minn sýnir það sig enn einu sinni hve skáldlega þú umgengst sannleikann og staðreyndir þegar þú segir ESB-umsókn vera í andstöðu við vilja Íslendinga.

Hér er listi yfir skoðanakannanir (smella) um ESB afstöðu Íslendinga.

Sjá líka myndir hér að neðan:

[Óskar Helgi Helgason (IP-tala skráð) 18.7.2009 kl. 01:44]

Heill og sæll; Gunnar - sem þið önnur, hér á síðu hans !

Betur meitlaðan texta; hefði vart nokkur getað látið, frá sér fara, við þessar skelfilegu kringumstæður, Gunnar.

Helgi Jóhann !

Ég hygg þig; ei slæman dreng vera, en lágkúra sjálfum gleði þinnar, er því aumkunarverðari, með þessum keyptu og leiðandi línuritum. Trúi því vart; þá örlög ráðast endanlega, um framgang þessa máls, þá þar að kemur, að Íslendingar séu svo heillum horfnir, að gangast undir þessa kolbýta vestrænnar heimsvalda stefnu, sem arðræningja gömlu nýlendnanna, víðs vegar um heim, Helgi minn.

Með beztu kveðjum; úr Árnesþingi /

Óskar Helgi Helgason   

[Gunnar Rögnvaldsson, 18.7.2009 kl. 07:25]

Þakka ykkur öllum fyrir innlitið.

Ég veit að mörg ykkar hafa ekki prófað að búa í ESB. Að búa í ESB í 25 ár og horfa á þá þróun (af-þróun) sem veður á heimilisbúskap ríkjanna er dýrmæt reynsla.

Ef Þór Gíslason á erfitt með að hlusta á gagnrýni frá Íslendingi erlendis og sem vill landi sínu og þjóð það besta, þá verður viðkomandi væntalega ennþá minna glaður yfir þeirri gagnrýni, tilskipunum og eyðileggingu sem mun koma frá hinu erlenda Brussel veldi útlendinga. Þegar Brussel sendur skipanir, tilskipanir sínar og gangrýni til Íslands og Íslendinga með sendimönnum, með pósti og í gengum fjölmiðla um það hvernig Íslendingar eigi að rífa samfélag sitt í tætlur innanfrá

Til stjórnmálafræðingsins Helga vil ég segja þetta: Þú ert menntaður maður Helgi, en hvar gekkst þú í skóla. Í Moskvu, Brussel eða Bifröst? Síðan hvenær eru skoðanakannanir blaða og fjölmiðla Alþingiskosningar? Síðan hvenær? Síðan hvernær hafa þingmenn sótt umboð sitt frá kjósendum í gegnum skoðanakönnunum?

Til þessa höfum Alþingiskosningar Helgi minn. Stjórnmálaflokkarnir leggja fram stefnuskrá flokkana þar og kjósendur segja annaðhvort já eða nei. Kjósa flokkinn eða kjósa han ekki. Það var mikill minnihluti kjósenda á Íslandi sem veitti þingmönnum Alþingis umboð til að sækja um fyrir hönd ísland inní  hið efnahagslega og lýðræðislega öryrkjabandlag Evrópu, Evrópusambandið.

Þú hefðir átt að vera hér í Danmörku í gær Helgi. Hér kom það nefnilega fram að bændur í Danmörku neyðast til að plægja grænmetisuppskeru sína niður í jörðina aftur því þeir geta ekki keppt við verðlag innfluttra landbúnaðarvara frá drullupyttum landbúnaðarlegrar gereyðingar landa sem svífast einskis í meðferð sinni á landi og auðæfum innan sem utan ESB.

Semsagt: við getum ekki lengur fengið danskt grænmeti hér í há-season vegna þess að búðarveldið vill ekki kaupa þær inn og það er því flutt hingað frá hinummegin af jörðinni og frá drullupyttum efnahernaðar neytendum til "hagsbóta" eins og þið ESB sjúklingarnir kallið svona þróun.

Hagræðing Samfylkingartrúarinnar fyrir veru Danmerkur í ESB hefur gert Danmörku að dýrasta landi í ESB. Danskur fiskur selst ekki einusinni lengur því hann kemur frá hinummegin af hnettinum eða úr þrælakistum útgerðar í Langtíburtustan

Svona mun fara fyrir sjávarútvegi Íslands. Við fáum innfluttan fisk því Ísland veður orðið svo dýrt land að engin íslensk útgerð mun geta flutt út svo mikið sem eitt tonn af fiski frá Íslandsmiðum. Íslandsmiðin veðra hinsvegar þétt setin af útgerðum erlendra þrælahaldara og Ísland orðið gjaldþrota því Íslandi þraut gjaldið sitt sem það gat ekki lengur prentað og stýrt sjálfir. Búnir að verðleggja sig út af landakotinu þér og öllu samfélaginu til "Samfylkingarlegra hagsbóta" (örorkubóta)

Allt þetta í skiptum fyrir hækjur og einn bolla af Café Latté fyrir þig og jón Baldwin Chamberlain-son á bar niðri í Brusselbælinu.

Svei ykkur aulabárðum Íslands. þið eruð 100% clueless um hvað bíður ykkar.  

Kveðjur

[Gunnar Rögnvaldsson, 18.7.2009 kl. 10:11]

Uppskera danskra bænda eyðilögð

Garðyrkjubóndinn Kaj Stengaard er hér að eyðileggja hálft tonn af þeim 50 tonnum af tómötum sem hann þarf að eyðileggja núna. Hann er með býli sitt á Fjóni.

30% af Icebreg salat uppskeru hans hefur hann þurft að plægja niður í jörðina aftur.Það er ekki samkeppnihæft við innflutt grænmeti

Þessir bændur geta ekki keppt við erlent grænmeti, til þess er Danmörk orðið of dýrt land. Einokun og fákeppni í verslun í Danmörku og flestum ríkjum ESB er gersamlega hræðileg og hana flytja Íslendingar nú inn í stórum stíl í gengum EES samninginn. Ég giska á að það séu tveir til þrír ESB dreifingaraðilar sem sjá Íslandi fyrir öllu. Einoka á Íslandi.  

Í Danmörku eru það raunverulega 2-3 persónur sem ákveða hvað danska þjóðin á að borða. Það eru innkaupastjórar fákeppnisaðila markaðarins. Matvöruverslanarisinn CoOp Nordic segir að danskir bændur séu ekki samkeppnishæfir og verði að "þróa" vörur sínar (van-þróa). Þeir eru gamaldags segir Coop.

Samkvæmt nýrri skýrslu hagstofu Eurostat var matur ennþá dýrari í ESB-löndunum Danmörku, Finnlandi og Írlandi en á Íslandi árið 2008

[Haraldur Baldursson, 18.7.2009 kl. 22:37]

Það er svona haugur sem bíður íslensks landbúnaðar...að vísu aðeins öðruvísi, því það þarf bara að henda einu sinni. Íslenskur landbúnaður verður ekki til. Ílsnad mun ekki geta fætt sína þjóð komi til neyðar vegna aðfanga, eða af því að bretum og hollendingum dettur í hug að best kunni að vera að svelta íslendinga til að borga eitthvað meira, en Icesave samningurinn kveður á um. Þeir gætu til að mynda svelt okkur til að skirfa upp á veiðiréttindi....fæðuöryggi Íslands verður kastað útbyrðis.

[Helgi Jóhann Hauksson, 19.7.2009 kl. 01:07]

Gunnar, þú bjóst nú hér þegar Dagblaðið sýndi á forsíðu fyrir 25 - 30 árum öskuhauga fulla af flottum, rauðum tómötum, eða þegar frosnu lambalærin fylltu haugana. Það var löngu fyrir tíma EES, WTO og umsóknar um ESB aðild - og það var hér.

[Helgi Jóhann Hauksson, 19.7.2009 kl. 01:10]

„Getur ekki keppt við“ er merkingalaust þegar menn kjósa sjálfir að eyðileggja uppskeru sínaog fá ekkert fremur en að selja því verði sem býðst.

[Gunnar Rögnvaldsson, 19.7.2009 kl. 11:16]

Helgi minn

Þú gætir ímyndað þér hvernig ástandið væri ef íslenskt lambakjöt þyrfti að keppa við erlent. Þá þyrfti sennilega ekki að henda neinum íslenskum offramleiddum lambaskrokki því það væri enginn sauðfjárbúskapur á Íslandi - og það þyrfti því að eyða dýrmætum gjaldeyri í að flytja inn öll íslensk matvæli. Gjaldeyri sem væri t.d. hægt að nota til að kaupa inn lyf og græjur fyrir heilbrigðiskerfið.

Ef danskur landbúnaður getur ekki keppt við erlendan landbúnað þá á landbúnaður á Íslandi varla mikinn séns. Enda er stór hluti landbúnaðar í Danmörku fluttur úr landi til Austur Evrópu. Það væri svona álíka ósanngjörn samkeppni eins og fyrir dönsk kolaknúin raforkuver að reyna að keppa við hitaveituna á Íslandi eða vatnsaflsvirkjanir þar. Hræddur um að Íslendingum myndi bregða við að þurfa að greiða yfir 100.000 íslenskar krónur í orku fyrir 120 fm hús á mánuði. Fyrri ellilífeyrisþega hér er þessi reikningur oft óyfirstíganlegur og því sitja þeir oft í kulda eða hita aðeins upp hluta af húsnæði sínu.

Engar þjóðir þola að missa undirstöðuatvinnuvegi sína.

Það er sjúkt að fara hér í búðir í Danmörku og sjá fisk frá Víetnam og lambakjöt frá Nýja Sjálandi, kínverska kjúklingavængi og rækjur frá Indónesíu. Ég svitna þegar ég hugsa um íslenskan landbúnað ef Ísland gengur í ESB þegar ég versla hér. Ég man þá tíð hér að íslenskt lambakjöt var hægt að fá í verslunum. En svo kom það nýja sjálenska og hið íslenska sást aldrei eftir það. Það hvarf bara enda vonlaust að keppa í verði við það framleiðslumagn sem kemur frá Nýja Sjálandi.

Ég svitna þó ennþá meira þegar ég hugsa um íslenskan sjávarútveg ef Ísland gengur í ESB. Því ég veit að undir evru og með mynt sem Íslendingar ráða engu um myndi Ísland verðleggja sig útaf landakortinu á nó time og enginn myndi kaupa af þeim fiskinn, því neytendum er andskotans sama hvaðan varan kemur ef hún kostar lítið. Gengisfallið á krónunni er núna að bjarga efnahag Íslands sem sjálfstæðu landi því annars væri útflutningur FULL STOPP og Ísland svo að segja gjaldþrota.

Engum Íslendingi skyldi detta í hug að ein einasta persóna í innkaupastöðu fyrritækja á smásölu- og heildsölumarkaði neinsstaðar myndi kaupa fisk af Íslendingum bara af því að hann kemur frá Íslandsmiðum. Enginn mun gera það er verðið er "vitlaust".

Ef maður hjálpar sér ekki sjálfur sem þjóð þá gerir það enginn fyrir mann. Enginn!

[Kristján Oddsson (IP-tala skráð) 19.7.2009 kl. 11:37]

VG= Valda gráðugir. Þakka þér Gunnar fyrir frábær bloggskrif...þú átt alllan heiður skilið...

[Elle_, 19.7.2009 kl. 17:08]

Lýðræðið var brotið niður í þúsund mola sl. fimmtudag þegar þjóðinni var meinað að hafa fyrsta orðið. Og óskiljanlegt finnst mér að nokkur maður skuli geta fagnað ofbeldi gegn lýðræðinu.