Ríkisfréttastofa Ríkisútvarpsins Ríkisfalsar Ríkisveruleikann og smálýgur að Almenningi Ríkisins

Á fullum launum tekur ríkisrekin fréttastofa Ríkisútvarps Íslands að sér hið gamla hlutverk TASS frá tímum Leonid Brezhnév í Sovétríkjunum hinum sálugu

Þetta er alveg ótrúlegt. Af hverju er þetta fyrirbæri ennþá starfandi og af hverju fá starfsmenn þessa fyrirbæris ríkislaun fyrir að smáljúga upp í opið geðið á almenningi á Íslandi - og víðar!

Eins og flestir vita sennilega núna, þá komst ákveðið viðtal við einn ákveðinn mann á Íslandi, já hann Davíð Oddsson, náðarsamlegast fyrir sjónir þess hluta almennings sem las einn ákveðinn fjölmiðil á Íslandi, nefnilega Morgunblaðið. Í Morgunblaðsviðtalinu við þennan mann, Davíð Oddsson, kemur fram, að fyrir hönd stofnunar sem annast æðstu peningamálefni þjóðarinnar, hafi Seðlabanki Íslands undirritað samninga um þátt Seðlabanka Íslands í viðskiptum Íslands við Alþjóðagjaldeyrissjóðinn

Já humm og ha. Fyrir og undir hönd & hertum handarvendi forsætisráðuneytisins hafi Seðlabanki Íslands ákveðið að vinna samkvæmt lögboðnu hlutverki sínu. Þvílíkt og annað eins. OMG! Hugsið ykkur! Seðlabankinn þarf að lúta að stjórnarskránni! OMG!

Í þessu viðtali við hann Davíð Oddsson, sem tekið var á köldum sléttum Síberíu, eða nánar - í þeim gerræðislegu einangrunarbúðum sem þessum hættulega Davíð var vísað til undir mikið stálstyrktri hönd & handarvendi ríkisins - kemur þessi hroðalegi sannleikur fram (OMG aftur):

<><><><> MBL <><><><> 

„Það er alveg rétt. Þegar samningur er gerður fyrir hönd ríkis við Alþjóðagjaldeyrissjóðinn, þá kemur það annars vegar í hlut fjármálaráðherrans og hins vegar í hlut seðlabankastjórans að undirrita slíkan samning. Hlutverk seðlabankastjórans með slíkri undirritun hefur bara með það að gera að staðfesta að Seðlabankinn muni sinna þeim skyldum sem að Seðlabankanum snúa í samstarfi við Alþjóðagjaldeyrissjóðinn samkvæmt samningnum. Hlutverk Seðlabankans hefur ekkert með það að gera að skuldbinda ríkið til að greiða peninga. Sá þáttur er algjörlega í höndum ríkisins, og að lokum Alþingis.

 

Afstaða mín til Icesave-samningsins liggur fyrir og kemur fram í bréfi sem ég ritaði þáverandi forsætisráðherra, Geir. H. Haarde og hún er óbreytt frá því það bréf var ritað.“ 

<><><><><><><><>

 

En þá skrifar Leonid Brezhnév fréttastofuhorn Ríkisútvarps Tazz á Íslandi þessa spuna & smálygafrétt hér, þ.e. við það sem kemur fram í Síberíuviðtali Morgunblaðsins:

<><><><> RÚV <><><><> 

Staðfesti erlendar skuldbindingar (hringja bjöllum sleðanna hér)

En tæpum mánuði síðar, 19 nóvember, skrifaði Davíð undir orðalag í 9. grein viljayfirlýsingar íslenskra stjórnvalda til Alþjóðagjaldeyrissjóðsins, þar sem hert var á orðalagi, því heitið að virða skuldbindingar á grundvelli innistæðutryggingakerfisins gagnvart öllum tryggðum innlánshöfum. Þetta herta orðalag var, samkvæmt upplýsingum fréttastofu, tekið upp til að tryggja afgreiðslu Alþjóðagjaldeyrissjóðsins á aðstoð fyrir íslendinga. RÚV

<><><><><><><><>  

 

Settu heimsmet. Allt Ríkið sett í útkall 

Aldrei hefur neitt unnist eins hratt á Íslandi eins og þessi smálygafrétt Tazz Ríkisútvarpsins á Íslandi. Og hvað meira gerði Ríkisútvarpið Tazz á Íslandi þessa helgina? Jú þeim tókst að vekja alla þá sem vinna í öllum stofnunum á Íslandi og fá þá til að leita að nokkrum blaðsíðum af gögnum sem hin fyrrverandi manneskja og útlagi Davíð gat um í viðtalinu. Tass segir að Davíð eigi gögnin því þetta séu "gögn Davíðs". Já það tókst að leita í öllum skúffum og tölvukerfum Ríkisins á Íslandi í einni laugardagshendingu hérna mitt um sumarið 2009. Geri aðrir betur! Þetta virkar bara maður!

En auðvitað fundust gögnin ekki þarna á meðan Ríkisútvarpið Tass var í gagngerðu breiðbandssímasambandi við alla starfsmenn allra stofnana íslenska Ríkisins í einu. Þetta ofursímakerfi Ríkisútvarps Ríkisins var byggt í þessum eina tilgangi: að veita almenningi vandaðar og góðar upplýsingar hraðar en ljósið fer undir venjulegum kringumstæðum á Íslandi

Helgin frá 4. til 6. júlí á Íslandi hefur nú þegar komist í heimsmetabók Sovétríkjanna. Þessa helgina unnu fréttastofufanglesi margra fjölmiðla Íslands nefnilega hraðar en ljósið. En ekki nóg með það. Stofnanir Ríkisins unnu hraðar en þær máttu samkvæmt lögum. Miklu miklu hraðar en ljósið. Svo hratt að ekkert fannst og ekkert sást    

 Með kveðjum 

 Útlagastofnun Ríkisins Ríkisins

 fyrir norðan og neðan ísskáp Niðurlagningastofnunar Lagmetisins 

 

Fyrri færsla

• Það barst bréf frá Síberíu. Það er þá kannski ennþá smá von

Athugasemdir

[Haraldur Baldursson, 6.7.2009 kl. 13:52]

Mikið ofboðslega stæði þetta land, þessi litla eyja, betur ef við hefðum óvilhalla fjölmiðla. Fjórða valdið er þetta kallað í frjálsum löndum. Á Íslandi heitir þetta Baugs-Veldið.

• "Útrásin" fór fram í skjóli þessara miðla
• Icesave samþykktin á að fara fram í skjóli þi þessara miðla
• ESB þröngvunin á að fara fram í skjóli þessara miðla

Hefur engum dottið í hug að hreinsa þurfi þarna til ?
Hefur engum fjölmiðlamanni dottið í hug að játa yfirsjónir sínar ?
Mætti ekki skipa Sérstakan saksóknara um fjölmiðla ?

[BB (IP-tala skráð) 6.7.2009 kl. 13:58]

Mikið óskaplega er þetta of dramatíserað hjá þér. Þetta er ekki einu sinni rangfærsla, hann skrifaði vissulega undir þetta plagg. Það að þetta hafi verið á ábyrgð þáverandi fjármálaráðherra, ÁM, og að DO hafi skrifað undir þetta ekki sem ábyrgðarmaður innihaldsins heldur að hann, sem embættismaður, myndi sjá um að framfylgja samningnum hefði vissulega mátt fylgja með... en að þessi tiltekna frétt sé heimsmet í rangfærslum er fáránlegt.

Það er mjög stutt í að þessi umræða uppfylli lögmál Godwins :)

[sandkassi (IP-tala skráð) 6.7.2009 kl. 16:19]

Undirskrift Davíðs hafði ekkert ákvarðannagildi í málinu. Ákvörðunin lá hjá alþingi.

Góður pistill nafni!

[Pétur (IP-tala skráð) 6.7.2009 kl. 16:23]

Hmm, einhvern veginn finnst mér frekar mega líkja aðdáendaklúbbi DO við arfleifð stalínismans en fréttastofu útvarps. Maður sem skipar sjálfan sig seðlabankastjóra og neitar að víkja þegar hann hefur glatað trausti allra nema lítillar klíku fólks sem dýrkar hann eins og guð almáttugan, skipar frænda sinn og spilafélaga hæstaréttardómara, lætur skipa son sinn dómara, o.s.v., líkist nefnilega óhuggulega mikið ýmsum af einræðisherrum sögunnar -- þótt ekki verði honum þó líkt við Jósef Stalín. 

Hvað fréttamennsku varðar þá held ég að enginn þurfi að skamma sín neitt sérstaklega fyrir þetta mál nema Mogginn. Leyniskýrsla sem foringjanum var tíðrætt um fanst nefnilega á netinu og hún reyndist vera frá franska seðlabankanum en ekki OECD og skilaboð hennar voru ekki þau að bankahrun leysti ríki undan ábyrgð á innistæðum, eins og DO hélt fram, heldur að þá tækju við stofnanir á borð við seðlabanka (sem DO var í forystu fyrir). Annaðhvort er minnið farið að svíkja foringjann eða hann skildi ekki skýrsluna. Alvarlegur fréttamiðill hefði kannað hvort fótur væri fyrir ásökunum DO, en AB er blaðafulltrúi aðdáendaklúbbsins og þarf auðvitað engra vitna við -- Kristur hefur talað. Síðan leikur vart neitt vafamál á að DO samþykkti skilmála AGS og lofaði fyrir hönd sinnar stofnunar að fylgja skilmálum hans. Ef honum fannst sáttmálinn jaðra við landráð þá er erfitt að skilja hvers vegna hann neitaði ekki að skrifa undir og sagði af sér bankastjóraembættinu. En það er auðvelt að vera hugumstór eftirá, en valdastólarnir eru svo skratti mjúkir.  

[Ragnhildur Kolka, 6.7.2009 kl. 17:14]

Loksins þegar fjölmiðlar höfðu upp á hefðbundnu hlutverki sínu "að veita stjórnvöldum aðhald" villtust þeir u.þ.b. 5 ár á stjórnvaldi.

En þeim er kannski vorkunn. Hver tekur svo sem mark á flugfreyjunni með jarðfræðinginn á hnénu. Enginn nema fjölmiðlungur.

[Júlíus Björnsson, 6.7.2009 kl. 20:08]

Pólítísk EU ritskoðun er alveg hörmung hér á landi. Regla ekki undantekning.

Niðurstaðan samtalsins var sú sama oft áður. Íslenska þjóðin borgar ekki skuldir glæpamanna.

Margir Íslendingar gætu glaðst yfir að fá tækifæri til að losna við að borga. 

[Húsari. (IP-tala skráð) 7.7.2009 kl. 11:20]

Sæll Gunnar.

Þetta hefur loðað  við Ríkisútvarpið svo lengi sem ég
man eftir.
Eina ráðið hefur verið að hafa vara á sjálfum sér um
fréttir og að fá staðfestingu á þeim með einhverju móti.
Ekki gleyma því að svo láta þeir Textavarpið birta
sömu vitleysuna eins lengi og stætt er.
Textavarpið er nú sérkapítuli því málblómin sem þar birtast
og orðfæri allt er með þeim hætti að á mörkunum er hvort
þar telst skrifað á íslensku. -

Ég man eftir frétt sem birtist nú nýlega um ályktun
Kirkjuráðs þar sem lesa mátti að ráðið hefði purrkunarlaust
skrifað uppá að svifta fyrrum biskup ærunni.
Samkvæmt frétt í Ríkisútvarpi og í Textavarpi var engum blöðum
um það að fletta.
Ég las svo ályktun Kikjuráðs og sá að það var alsaklaust af
slíku. En þetta hentaði 19. júní af einhverjum ástæðum að kokka
ekki-frétt með þeim hætti að Kirkjuráð og fyrrum biskup hefði
sett niður svo ekki sé nú dýpra í árinni tekið ef rétt hefði verið haft
eftir. Menn völdu bara þá búta úr ályktun Kirkjuráðs á þessum bæ
sem viritist henta þeim best í það skiptið.

Bestu þökk fyrir pistilinn; þörf ábending.

Nú sýnist mér augljóst að samningurinn verður felldur, það verða stjórnarskipti innan mjög skamms tíma og Sjálfstæðisflokku kemur
með endurnýjað umboð sem kjölfestan í þeirri ríkisstjórn.

P.S. Eiga þeir Danir ekki gangfært 3ja hraða Tandberg eða Sony
segulbandstæki við góðu verði svo mér takist að bjarga hér menningarverðmætum?! -

Bestu þökk enn og aftur

[Gunnar Rögnvaldsson, 7.7.2009 kl. 16:19]

Þakka ykkur kærlega fyrir innleggin 

Ég er næstum viss um að ummæli stjórnvalda í Schleswig Holstein ríki Þýskalands um að það sé Evrópusambandið sem hafi eyðilagt innviði bankakerfis Þýskalands innanfrá, hafi ekki borist til eyrna RÚV á Íslandi (EU blamed over German bank woes).

En eins og sumir vita kannski þá er bankakerfi Þýskalands að þrotum komið og í raun eignalaust. Það bregst því við þessum aðstæðum á þann eðlilega hátt að hætta að lána útflutningsfyrirtækjum Þýskalands peninga, því fyrirtækin eru ekki lengur lánshæf. Einnig neita til dæmis Ítalskir bankar að senda vaxtalækkanir á húsnæðislánum áfram út til viðskiptavina sinna því bankarnir sjálfir eru mjög illa staddir, trúa ekki á greiðslugetu lánþega og hirða vaxtamuninn sjálfir í eigin vasa, eðlilega, til að mæta þeim áföllum sem munu koma á næstu árum.

Menn geta svo reynt að ímynda sér hvernig allt bankakerfi Íslands væri núna 210% full-stopp ef við hefðum verið í evrulandi þegar þessar peningabykkjur fóru á hliðina. Þá fyrst væri nú ástandið á Íslandi algerlega og hörmulega vonlaust.

En núna er það í raun íslenska krónan sem heldur þjóðfélaginu þó í gangráðnum ennþá. Útflutningur blómstrar og færir vermæti til markaðar og svo aftur gjaldreyrisverðmæti heim. Hagvöxtur MUN taka við sér svo framarlega að hætt sé að gæla inngöngu við ESB-hagvaxtardauðakerfið. Þökk sé krónunni sem vinnur nótt og dag við að afrugla hagkerfið.

Kæri Húsari: ég tel miklu betra að gera þessi viðskipti á innanlandsmarkaði á sjálfu Íslandi því hér er allt svo himnandi dýrt. Einnig bendi ég á að það er hægt að taka upp hljóð á tölvur og diktafóna. Mæli reyndar með diktafónum. Þeir eru handhægir og hægt að hafa við hendina hvenær sem manni dettur eitthvað nýtt í hug að segja tækinu 

Kveðjur

[Júlíus Björnsson, 7.7.2009 kl. 17:40]

Hagvöxtur MUN taka við sér svo framarlega að hætt sé að gæla inngöngu við ESB-hagvaxtardauðakerfið.

Sérstaklega í ljósi reynslunnar síðan 1995.