ESB: Segir Austurríki vera á leiðinni á . . . . á . . . . á hausinn

Nóbelsverðlaunahagfræðingurinn Paul Krugman segir að Evrópusambandsríkið Austurríki sé að fara á hliðina á eftir Íslandi og Írlandi. Krugman segir að bankakerfi Austurríkis sé núna í svo mikilli hættu vegna útrásarherferðar til Austur Evrópu að búið sé að veðsetja stóran hluta af þjóðarframleiðslu Austurríkis. Auðvitað fyrir skuldbindingum bankanna á þessum slóðum

Ekki er hægt að segja að Austurríkismenn séu ánægðir með þessar vangaveltur hagfræðingsins í Nýju Jórvík. Reyndar segir viðskiptaráðherra Austurríkis, Björgvin G. Sigurðsson, . . . (hlé) . . . afsakið . . . 

Reyndar segir fjármálaráðherra Austurríkis, Josef Pröll, að vangaveltur Nóbelsverðlaunahagfræðingsins séu byggðar á vanþekkingu hans á málefnum og bankakerfi Austurríkis. Einnig segir fjármálaráðherra Josef Pröll að þessi gagnrýni byggist á öfundsýki yfir velheppnaðri útrás austurrískra banka til Austur Evrópu, þar sem þeir hafa náð verulegri markaðshlutdeild

Réttum 7 vikum áður en bankakerfi Íslands hrynur til grunna var eftirfarandi sagt á íslensku

Þann 5. ágúst 2008 sagði bankamálaráðherra Íslands, yfirmaður Fjármálaeftirlitsins, viðskiptaráðherra Samfylkingarinnar og núverandi frambjóðandi Samfylkingarinnar, Björgvin G. Sigurðsson, eftirfarandi um bankakerfi Íslands:

"Auðvitað skortir ekki úrtölur eða þá sem telja sig knúna til að tala útrás og fjárfestingarævintýri Íslendinga erlendis niður. Þannig eru nú hlutirnir einu sinni og því er það mikilvægt nú þegar hægir tímabundið á útrásinni vegna þrenginga á erlendum mörkuðum að halda frábærum árangri þessara flaggskipa atvinnulífsins okkar ríkulega til haga. Þetta eru okkar voldugustu fyrirtæki og nokkrar af helstu undirstöðum efnahagskerfis okkar til lengri tíma". 

Hvar liggja Austurríkismenn á ósýnilegu banka-landakorti Fjármálaeftirlits Íslands og frambjóðenda Samfylkingarinnar? Hvergi.

Simon Johnson tók saman eftirfarandi banka-landakort síðasta haust. Þetta er banka-landakort sem nær allar greiningadeildir íslenskra banka, banka-hagfræðingar þeirra, háskólahagfræðingar og 32 sammála hagspekingar á íslandi töluðu sjaldan eða aldrei um á opinberum vettvangi á Íslandi. Ekki heldur kom þetta bankalandakort úr í morgunkornum eða Íslandsálagskortum Glitnis, Kaupþings og Landsbankans. Kortið kom aldrei til umræðu á þessum auglýsingadeildum bankanna. Aðeins einn maður talaði um þetta kort og varaði við þessari þróun, ítrekað og á tungumáli sem allir haglærðir menn hefðu átt að skilja betur en allir aðrir. Þessi eini maður var Davíð Oddsson, þáverandi seðlabankastjóri.

Stjórnmálaflokkurinn sem bar ábyrgð á bankamálum Íslands gerði það því að fyrsta forgangsverkefni sínu að koma Davíð Oddssyni út úr Seðlabanka Íslands. En vegna alls þessa getur bankamála- og viðskiptaráðherra Íslands 2007-2009, yfirmaður Fjármála-eftirlits Íslands árið 2008 og núverandi frambjóðandi Samfylkingarinnar árið 2009, sagt með alveg hreinni samvisku að hann hafi aldrei vitað eitt né neitt. Því sé hann í framboði á ný, fyrir Samfylkinguna. Þvílík hörmung.

Hvar er þjóðstjórnin sem ætti að vera við full störf á Íslandi núna? 

Bara ef Davíð Oddsson væri leiðtogi þjóðarinnar núna. Hann er einn af fáum góðum mönnum Íslands sem getur tekist á við svona risastór og erfið verkefni sem bíða Íslands og Íslendinga á næstu árum. Leiðtogi sem alltaf er trúr sinni sannfæringu. Hann er ekki lufsa. Og af hverju í ósköpunum er ekki þjóðstjórn við full störf á Íslandi núna og ekki þessi Óstjórn sem núna situr. Af hverju? Svar: vegna þess að þá getur Samfylkingin ekki keyrt hina einu og svo lengi leyndu dagskrá sína í friði. Þetta er eina málefnið á dagskrá Samfylkingarinnar, nefnilega, að gefa útlendingum Ísland. Að koma Íslandi og auðæfum þess undir Evrópusambandið. Gefa Ísland burt. Jarða og gefa Ísland eins og við höfum þekkt landið okkar svo lengi. Í 1000 ár. Þetta er eina málefni Samfylkingarinnar og það getur ekki beðið á meðan þjóðin er hædd og örvæntingarfull. Því án ótta Íslendinga á Samfylkingin ekki séns. Ekki séns. Það er nefnilega eðli Evrópusambandsins að auðgast og vaxa í óttanum. Í óttaköstum þjóða stækkar það. 

Mynd: Skuldbindingar ýmissa bankakerfa miðað við landsframleiðslu landa þeirra 2007

Tengt efni

• Tilvitnun: Til varnar stórfyrirtækjum
• Tilvitnun: Náðarfaðmur jafnaðarmanna
• Sagt í trúnaði: það er að kvikna í banka- og hagkerfi okkar
• Samfylkingin og Jóhanna Sigurðardóttir krefst brottreksturs bankastjórnar seðlabanka Evrópusambandsins

Fyrri færsla

• Vélarbilun í gerfihjarta ESB: spáir 12% samdrætti í þjóðarframleiðslu Þýzkalands

Forsíða þessarar bloggsíðu 

Skrár tengdar þessari bloggfærslu:

• Björgvin G. Sigurðsson Útrás og árangur bankanna.pdf

Athugasemdir

[Sveinn Tryggvason, 16.4.2009 kl. 23:59]

Takk fyrir þetta. Góð lesning. Nú get ég farið að sofa og látið mig dreyma um að Ísland verði áfram frjálst land utan ESB.

[Adda Þorbjörg Sigurjónsdóttir, 17.4.2009 kl. 09:03]

Frábær grein hjá þér. Verst að mér sýnist sem svo að þorri þjóðarinnar sé föst í því að horfa í baksýnisspegilinn og taka þátt í nornaveiðum til þess að fá útrás fyrir reiði sína í stað þess að horfa á lausnir og hvert þeir vilji stefna í framtíðinni. Vinstri flokkarnir virðast ætla að ná að setja allan kostnaðinn við endurreisn bankakerfisins innanlands á skuldsett heimili undir dynjandi lófaklappi frá almenningi.

[Hjörtur J. Guðmundsson, 17.4.2009 kl. 09:17]

Austurrískur Evrópusambandsþingmaður sagði við mig fyrir þremur vikum síðan að Austurríki væri miklu verra statt efnahagslega en almennt væri vitað. Það ætti eftir að koma upp á yfirborðið.

[Ína (IP-tala skráð) 17.4.2009 kl. 12:03]

Mér finnst alltaf jafn furðulegt að rekast á pislana þína. Þú rekur gengdarlausan áróður gegn ESB en býrð samt í ESB landi og rekur fyrirtæki þar. Af hverju ertu ekki löngu kominn heim ef allt er svona ómögulegt þarna?

[Haraldur Baldursson, 17.4.2009 kl. 13:22]

Paul Krugman er ekki bara einhver gutti með Hagfræðipróf. Þó hann sé ekki óskeikull, þá er mikið mark á honum takandi. Spurningin er hvort Samspillingarfólkið gengst við þeim sannleik að ekki er allt jafn yndislegt og af er látið í ESB-landinu.

[Marteinn Unnar Heiðarsson, 20.4.2009 kl. 20:03]

Manni er farið að gruna að sambó hafi lofað ESB ráðherrunum eitthvað og þegið mútur styrki frá ESB í staðin og sama má sega um formenn ASÍ og marga aðra sem lofa ESB í hástert allavega er þetta fólk ekki að hugsa um hag þjóðarinnar það er einhverjar skrýtnar kendir þar að baki!!!!Afhverju vill þetta fólk ekki ræða um Dollar sem gengi fljótar fyrir sig og ekki þarf að láta fullveldi landsins á móti einsog sambó og ASÍ vilja gera.Það þarf ekki að fara í aðildarviðræður við vitum um 98% reglunum og hvað við fáum en það eru þessi 2% sem eru aðalmálið og allt snýst um .Það er nóg að senda 2 fúlltrúa þarna út til Brussel með eitt bréf sem í stendur þetta er það sem við viljum halda að fullu hér semsagt fiskimiðin-landbúnaðurinn-og okkar dýrmæta orka og náttúra og hvað viljið þið gera?ekki einfaldara.Og svarið verður stutt og laggott frá ESB farið bara heim aftur við höfum ekkert við ykkur að tala.Muna bara að kjósa ekki þennan spyllinga flokk sem vil afsala okkar sjálfstæði.