Hvað mun nýi sjálfstæðisflokkurinn heita?

 

 

 

 Hvað mun

nýi sjálfstæðisflokkurinn

heita? 

 

 

 

====================================

Sjálfstæðisuppgjöf tilkynnt í útlöndum 

Einn kostur, ekkert val 

==================================== 

Forsíða þessa bloggs 

 

Fyrri færsla: Hvað þarf til þess að drepa nýju stjórnarskrá Evrópusambandsins ?

 

• Ingibjörg Sólrún: Bankakerfi Evrópusambandsins þoldi ekki Íslandsálagið 
• Þokulúðrasveit ESB aðildar 

 

Mynd Morgunblaðið: formaður og varaformaður Sjálfstæðisflokksin kveðja - landið?- eða sjálfstæðisflokkinn?

"Jeg tror ikke Island har noe valg etter den knekken vår valuta har fått". 

Þorgerður Katrín Gunnarsdóttir varaformaður Sjálfstæðisflokksins - Einn kostur, ekkert val

Er útrás Sjálfstæðisflokksins hafin? 

Með því að smella hér getið þið skoðað útgáfu dagsins af Klassekampen. 

Meira 

Hvaða kröfur gerði ESB vegna Icesave?? 

 Vladimir Lenin sagði -

"besta leiðin til að henda samfélagi eða samfélagsskipan úr stólnum, er að pilla við gjaldeyri þess. Því þá mun manni takast að grafa undan trú flestra á valdhöfum og á sitjandi samfélagsskipan. Þá mun manni jafnvel takast að grafa undan trú harðsvíruðustu kapítalista á markaðssamfélagi sínu". Þegar verðgildi og eignir flytjast til á tilviljunarkenndan hátt, og þar sem allir eru Birnir og Bearish, jafnvel án þess að vita af því. Allir verða spekúlantar án þess að vita af því. Og þeir munu alltaf spekúlera á móti markaðinum, á móti þeim sem eiga verðmætin. Bjarnaröld ríkir. Ísar og ísbirnir koma. Lenín verðbólga

 

Þetta hefði verið einfalt

 

Í viðtalinu við norska blaðið Klassekampen sagði varaformaður Sjálfstæðisflokksins að það væru peningamálin sem þyrftu að komast í lag strax. En þá hefði varaformaður Sjálfstæðisflokksins, sem greinilega hefur minna en ekkert vit á peningamálum, átt að hlusta á aðvaranir Seðlabanka Íslands. En  í stað þess sagði hún honum að þegja. Svona varaformaður, og sem er haldinn svona skelfilegu þekkingarleysi á málefnum Evrópusambandsins, og ofan í það að vera clueless í peningamálum, ætti ekki að vera formaður fyrir eitt né neitt, og allra síst varaformaður stjórnmálaflokks sem hingað til hefur haft sjálfstæði Íslands sem hornstein og leiðarljós stefnu sinnar.

 

Sem menntamálaráðherra ætti hún einnig að vita manna best að það þarf greinilega að loka eitthvað af skólum sem kenna á háskólastigi á Íslandi, því aldrei hefur eins mikið magn af hámenntuðum fíflum horft eins fast, lengi og aðgerðarlaust á eins fáa fábjána sem fengu góðfúslegt leyfi þeirra til að keyra Ísland í þrot á meðan þeir svo horfðu á nafnspjöldin með titlunum sínum hátt uppi á vegg. Það er fleira rotið en bara eitthvað í Danmörku. Mikið!

 

Afleiðing en ekki orsök

 

Því lagðist allt bankakerfið gjaldþrota úti í evrópusambandinu ofaná gjaldmiðil Íslands heima hjá sér? Enginn gjaldmiðill þolir svona meðferð. Enginn! En af því að krónan okkar er góður gjaldmiðill þá lifir hún af og vinnur aleinn sem ofurmenni, dag og nótt, við að afrugla hagkerfið aftur. Krónan mun einnig í leiðinni koma í veg fyrir Evrópusambandslegt atvinnuleysi hjá launþegum á Íslandi, hann þjónar nefnilega Íslendingum þessi gjaldmiðill okkar. Það þarf meira til að ganga frá svona góðum gjaldmiðli en heilt gjaldþrota bankakerfi á vaxtarhormónum í vasanum á útrásar kumpánum, vanhæfa menntamenn, herskáa Breta og lamaða fjölmiðla. En gjaldmiðillinn okkar á svo sannarlega betri meðferð skilið en þá meðferð sem hann hefur mátt þola síðastliðin mörg ár. En seig er hún krónan okkar. Hefði einhver annar gjaldmiðill þolað þessa slæmu meðferð? Nei og aftur nei. Ónýtir gjaldmiðlar

Athugasemdir

[The bigot, 15.12.2008 kl. 13:38]

Sting upp á réttnefninu "Sjálftökuflokkurinn".

[Guðmundur Jónas Kristjánsson, 15.12.2008 kl. 13:48]

Sæll Gunnar. Já allt bendir til að Sjálfstæðisflokkurinn klofni í janúar
og ESB-sinnar taki hann yfir eins og Framsókn með tilheyrandi
fylgishruni. Bind miklar vonir við að í kjölfar þessa verði stofnaður
nýr borgaralegur stjórnmálaflokkur á ÞJÓÐLEGUM grunni, já
flokkur sjálfstæðissinna í Evrópumálum sem vilja standa vörð um
sjálfstæði og fullveldi Íslands, þjóðmenninguna og íslenzka tungu.
Að þarna komi öll ÞJÓÐLEG ÖFL úr Sjálfstæðisflokki, Framsókn og
Frjálslyndum og stofni þennan flokk. Gæti ekki síður orðið þörf
uppstokkun á mið/hægrikannti stjórnmála á Íslandi eftir öll þau
ósköp sem undan er gengið. Það sem mjög marg heiðarlegt
borgarasinnað fólk vill kalla eftir í dag.

En hvað yrði nafnið á slíkum flokki? Góð spurning.  Hvað með
Þjóðlegi Frelsisflokkurinn?

[Haraldur Baldursson, 15.12.2008 kl. 13:50]

Þjóðarflokkurinn

[Haraldur Hansson, 15.12.2008 kl. 14:04]

Ef ESB sinnar yfirtaka þann gamla mun sá nýi heita Fullveldisflokkurinn.

[Jón Gunnar Bjarkan, 15.12.2008 kl. 14:49]

Afdankaði sveitakallaflokkurinn.

[Sigurjón Þórðarson, 15.12.2008 kl. 14:59]

Það er engu líkara en að Samfylkingin hafi beygt formann og varaformann Sjálfstæðisflokksins.  Ég heyrði í vinkonu minni hér á Króknum eftir viðtalið við ISG þar sem hún hafði í hótunum við Sjálfstæðisflokkinn og það var á henni að heyra að hún vildi fá Davíð aftur. Mér sýnist sem að Geir Haarde, Þorgerður Katrín og Illugi Gunnarsson í Glitni þyki erfitt að ræða erfiða stöðu mála í kjölfar þess að þau sváfu á efnahagsvaktinni og taki því fegins hendi ef umræðan beinist í aðrar áttir s.s. Evrópu. 

Hver veit nema að Evrópustefna Geirs Haarde og Þorgerðar Katrínar verði undir á flokksþinginu? 

[Arnar (IP-tala skráð) 15.12.2008 kl. 15:30]

Mafía Íslands

[Magnús Þór Hafsteinsson, 15.12.2008 kl. 16:58]

Nú fer að blána í eggina. Sjá þetta:

http://www.magnusthor.is/default.asp?sid_id=23965&tId=2&fre_id=80725&meira=1&Tre_Rod=006|&qsr

[sandkassi (IP-tala skráð) 15.12.2008 kl. 17:57]

Jæja nafni, Nú er lag að spyrna við fótum gegn þessum vágesti sem ESB er.

Þetta vita þeir Magnús og Sigurjón vel og skora ég nú á þig Magnús að þínir menn hættið að sitja hjá í atkvæðagreiðslum í þinginu þegar kemur að Icesave deilunni. Það hefði Sverrir ekki gert. Þið eigið að snúa við blaðinu í afstöðu ykkar til ESB og taka til við ykkar upphaflegu áform um að losa okkur við gjafakvótakerfið.

Ég legg til að við kýlum upp vefsíðu Gunnar þar sem við söfnum saman öllu því sem þjóðin áttar sig ekki á um ESB, upptökur úr Evrópuþinginu, greinar og fleira, af nógu er að taka.

[Ragnhildur Kolka, 15.12.2008 kl. 21:37]

Þorgerður Katrín hefði gert betur að girða sig áður en hún gaf viðtalið. Einbeiting Alfs hefði þá eflaust verið betri, þ.e. að segja hafi hann haft rangt eftir henni..

[Kommentarinn, 16.12.2008 kl. 09:33]

Þú vísar þarna í grein þína um ónýta gjaldmiðla. Auðvitað sveiflast allir gjaldmiðlar eins og dollar og evra. Enginn gjaldmiðill sveiflast hinsvegar eins dramatískt og krónan hefur gert síðustu áratugi. Íslenskt atvinnulíf byggir nánast allt á viðskiptum við önnur lönd - við flytjum út og inn vörur. Lang stærsti hluti viðskipta okkar er við evrulönd og með því að taka upp evru erum við þá búin að útrýma allri gengisáhættu í viðskiptum við þessi lönd. Þetta er þannig ekki bara spurning um hvort hinir og þessir kalli krónuna ónýta þegar hún fellur. Við viljum losna við sveiflurnar og það gerum við með því að taka upp evru

[Gunnar Rögnvaldsson, 16.12.2008 kl. 10:15]

Kærar þakkir öll fyrir innlitið og innlegg.

.

Sæll Kommentari:

Frá því að krónan var sett frjáls árið 2001 þá sveiflaðist hún ca. 5% meira gegn evru en dollar gerði fram til ársins 2006. En svo rotnaði bankakerfið innafrá og tók mynt okkar sem gísl. Ábyrgð bankanna í eigu fámennings-kumpána er því mikil.

===============================

Gjaldmiðlahreyfingar fyrstu 20 dagana í október

===============================

AUD-JPY -23.51%

CAD-JPY -21.25%

AUD-USD -16.63%

NZD-JPY -16.02%

EUR-JPY -13.92%

USD-CAD +12.74%

GBP-JPY -11.59%

GBP-AUD +9.61%

NZD-USD -9.61%

CHF-JPY -8.95%

GBP-CAD +7.99%

EUR-AUD +7.74%

EUR-USD -7.61%

===============================

Peso: mynt 110 miljón manna þjóðar

Þess er einnig hægt að geta að Mexíkó hefur um tíma átt í erfiðleikum með að halda uppi eðlilegum gjaldeyrisviðskiptum með peso. Markaðurinn hefur ekki trú á peso og fáir vilja kaupa eða eiga mynt mexíkönsku þjóðarinnar sem telur 110 miljón manns. Peningarnir flúðu yfir til myntar Bandaríkjanna. Gegnið peso gangvart dollara féll um 12% á einum degi. Á tímabili var fallið 15% innan sama dags

===============================

Í stærstu fjarmálakreppu heimsins síðan 1914 þá gerast ýmsir óvenjulegir hlutir. Að eiga svo ofaní kaupið myglað bankakerfi bætir ekki slæma stöðuna. En samkæmt ESB sinnum og varaformanni Sjálfstæðisflokksins þá hefði Ísland átt að ganga í Sovétríkin í kreppunni miklu. Þá værir þú og hún kanski glöð og hamingjusöm í dag, með nýju rússneksu rúbluna, í stað rússneskar rúllettu íslenska bankakerfisins. Enginn gjaldmiðill er nógu traustur og öflugur til að bjarga þeim vonlausu, þeir eiga því að FARA Á HAUSINN !!

Kveðjur

[Loftur Altice Þorsteinsson, 16.12.2008 kl. 11:54]

 Ég er í nokkrar vikur búinn að bjóða þingmönnum kynningu á því fyrirkomulagi peningamála sem nefnist Myntráð. Sumir hafa sýnt nokkurn lit, en ekki Þorgerður Katrín. Ef menn leyfa sér að segja, að engin lausn sé tiltæk nema ESB-aðild, þá fara þeir með harðsoðnar lygar.

Ef menn vilja í alvöru taka upp stöðugan gjaldmiðil og öðlast þar með litla verðbólgu, lága vexti, stöðva eignarýrnun og afnema vísitölutryggingu, ættu menn að leggja við eyrun þegar Myntráð er nefnt.

Með Myntráði höldum við áfram innlendum gjaldmiðli, en bak-tryggjum hann með US Dollar. Þetta fyrirkomulag er það sama og var við lýði um allan heim, á stöðugleikatímabilinu 1944 - 1971, enda var þá US Dollar bak-trygging gjaldmiðlanna, sem á sama hátt stóð á gull-fæti.

Fulltrúar frá 44 löndum bandamanna úr heimsstyrjöldinni komu sé saman um þetta kerfi, sem reyndist svo frábærlega vel. Samningurinn er kenndur við Bretton Woods, ef menn hafa áhuga á að kynna sér málið. Richard Nixon tókst að eyðileggja þetta kerfi, eins og svo margt annað. Samt eru fjölmörg lönd sem notfæra sér þetta fyrirkomulag, sem á sér nær 200 ára sögu.

Höfum í huga að reynslan af myntráðum er 100% góð. Engin myntráð hafa lent í gjaldþurrð, eða klúðrast af öðrum tæknilegum völdum. Berum það saman við sögu seðlabankanna. Myntráð hafa víða verið lögð niður en það er ávallt vegna ásælni stjórnmálamanna og oft að kröfu IMF, ekki af tæknilegum ástæðum.

Þetta er fyrirkomulag sem ekki getur brugðist og sem kostar mjög lítið (10 starfsmenn), auk þess að hægt er að taka það í notkun Strax (á 60 dögum). Það er algjör misskilningur sem sumir halda fram, að efnahagslegt jafnvægi þurfi að vera til staðar við upptöku Myntráðs. Við eigum að taka það upp Strax og stöðva þannig gengissveiflur, verðbólgu, eignarýrnun og vísitölutryggingu.

Íslendskan Dollar Strax með Myntráði Íslands og USD sem grunn-mynt !

[Guðmundur Ásgeirsson, 17.12.2008 kl. 13:04]

Réttnefni á hinn "nýja" sjálfstæðisflokk verður að sjálfsögðu: Fasistaflokkur Íslands.