Geðsýki ræður NATÓ-för

STUNDARFJÓRÐUNGI Í GRÁTUR

****

HVORT SKYLDI ÞAÐ NÚ VERA?

Í 15 ár vöruðu Rússar NATO-ríkin við útþenslu bandalagsins í austur. Og þegar Berlínarmúrinn féll var Rússum lofað að NATO myndi ekki þenja sig eina tommu lengra út í austur. Ekki eina tommu! Prinsippið um að ríki geti ekki aukið þjóðaröryggi sitt á kostnað þjóðaröryggis annars ríkis á sérstaklega við um nágrannaríki. Gæti menn ekki að sér þá getur komið til stríðs

Í dag er sagt að Rússar séu að munda sig við að ráðast inn í hin og þessi ríki Evrópu. Í gær var hins vegar sagt að þeir gætu ekkert og væru ekkert, nema þá helst núll og nix. Og að engin ástæða væri til að hlusta á neitt sem frá þeim kæmi, enda var það ekki gert, heldur bara í þá potað og potað í heil 15 ár

Í eftirrétt hjá vitfirringaveldi NATO í Brussel er svo boðaður fastur úrgangur af hlaðborðum hugsýkisveitna hinna nú innvortis rotnandi NATO-ríkja, sem viðstöðulaust boða að rússneska hagkerfið sé á stærð við baunina inni í hausnum á tvíburatrúðnum Johnson-Biden, eða jafnvel melónu á Ítalíu. Allar, næstum undantekningarlaust, eru þessar hugveitur vesturlanda mannaðar fábjánum af verstu sort; háskólamenntuðum menntasnobbs-sérfræðingum í apafræðum og sem nú þegar hafa rústað vesturlöndum, eins og bæði finnst og sést

Maður gapir af undrun yfir heimsku þeirra sem láta sig hafa það að boða að gangi ríki-X ekki í NATO að þá ráðist Rússar á það - og ef það gengur í NATO þá ráðist Rússar líka á þá af því að það gekk ekki í NATO fyrr en klukkan kallaði núll fimm eftir miðnætti. Sem sagt: gangir þú ekki í NATO þá ráðast Rússar á þig, því það er svo mikil vörn í NATO. En ef þú gengur ekki í NATO þá er einnig sagt að þá muni Rússar ráðast á NATO af því að þú ert ekki í því. Allir vita að þetta er grjónaþvæla af verstu stríðsmangara-sort

En það sem er hins vegar mun verra, er að þetta afhjúpar einnig lygaþvættinginn sem viðhafður var að miklu leyti í Kalda stríðinu á vesturlöndum. Nú trúir fólk næstum engu af því sem þá var sagt hér heima og víðar um það. Nú sér óbilað fólk nefnilega hvernig NATO-skápurinn sá er innréttaður

Dagskrá Adolfs Hitlers gagnvart Rússlandi frá því í júní 1941 ræður því enn för innan NATO. Það var nefnilega eftir allt saman ekki kommúnisminn sem NATO snérist um - og í nýlegu viðtali við ítalska dagblaðið Corriere della Sera staðfestir Angela Merkel einmitt það, því hún segir þar "að Kalda stríðinu hafi aldrei lokið vegna þess að þar tókst ekki að gera útaf við Rússland". Þá vitið þið það

Og aldrei á ævinni hefur maður séð annað eins samansafn af framleiðnitortímandi fáráðlingum sem eru svo miklir heimsmála-sérfræðingar að þeir eru með öllu óhæfir til að vera hluti af raunhagkerfum vesturlanda, sökum yfirnáttúrlegrar sérfræðiþekkingar sem aðeins getur átt við um atburði í teiknimyndasögum á öðrum plánetum. Fari þetta framleiðnitortímandi fíflaveldi sérfræðinga til fjandans, því það á alls ekki heima á vesturlöndum. Svona fífl geta varla lengur átt heima hér, því tilvist þeirra er að kála vesturlöndum og hagkerfum okkar öllum

Og auðvitað er hrun í aflátsbréfalegri guðfræðisölu rafbíla út um öll þessi nú vesælu vesturlönd co2-klerkaveldisins. Geymsluþol algjörs trúarbragðaþvættings er ekki lengra en þetta. Það sama á við um rafbíla og NATÓ-PLATÓ. Þvættingurinn um þessi fyrirbæri lifir ekki veruleikann af. Lifir ekki sérfræði-gangster-element vestrænna stjórnmála af. Þarna þarf greinilega ekki að gróðursetja fullt af sænskum trjám --á þeim stendur ekkert-- því við erum nú þegar með heilan frumskóg af þeim, hér og nú!

Kannski lagast þetta þegar Mexíkó gengur í kínverskt varnarbandalag og herstöðvar þess opna við suðurlandamæri Bandaríkjanna. Það styttist óðum í þá stöðu sýnist mér. Áætlunin óhugsandi gæti jafnvel sannað það nú þegar. Skjalaskáparnir fyrir hinar og þessar "áætlanirnar" voru ekki bara í Moskvu. Rússar fylgdust því að sjálfsögðu vel með og gera enn. Þeir vita að geðsýkin og vitfirringin kom úr vestri, öldum saman

Fyrri færsla

"Að sögn" háttsettra í loftbelg

Líklegt að ráðist yrði á Keflavíkurstöð í stríði

Athugasemdir

[Ingólfur Sigurðsson, 24.2.2024 kl. 13:54]

Natóherinn er orðin barbídúkkuher fyrir móðursjúkar smástelpur á öllum aldri og af öllum kynjum - því ekki nægir lengur veruleikinn þessu fólki, það þarf að finna upp nýjan veruleika.

Ég er virkilega hneykslaður á Svíum og öðrum sem tala fyrir Nató að halda því fram að Rússar ætli að gera árás á þeirra lönd. Mér finnst það svo langsótt - að það má kalla það klikkun og móðursýki að halda slíku fram - ekki kannski útilokað - en mjög ósennilegt nú um stundir.

Það eru hin "friðelskandi" Norðurlönd sem espa til stríðs. 

[Gunnar Rögnvaldsson, 25.2.2024 kl. 11:25]

Þakka þér fyrir Ingólfur.

Útgjöld til varnarmála í Kaldastríðinu voru 10,2 prósent af landsframleiðslu í Bandaríkjunum og rétt um fimm prósent í Vestur-Þýskalandi. Í Svíþjóð voru þau fjögur til fimm prósent, en nokkuð minni í Finnlandi vegna "Finnlandiseringar" (betri samskipta Finnlands við Sovétið en Svíþjóð naut)

Svíar hafa ekki lengur efni á svona landvörnum og enginn er að flytja til Finnlands, þrátt fyrir ESB-aðild landsins, og sem því er að deyja fast-handjárnað við ESB-alkahólinn í gegnum evruna. Þar er allt að rotna innvortis og reyna því Finnar og Svíar að leggjast sem þurfalingar upp á NATO til að fá niðurgreiddar landvarnir sínar.

En það er bara eitt stórt vandamál: NATO er ekki félagsmálastofnun þar sem ríki geta verið og hangið á bænum. NATO er því líka að verða gjaldþrota og varnarmáttur þess er eftir því.

Þarna er allt á húrrandi skallanum, og ekki batnar staðan við að þessi árin fer fram ein mesta verðmætatortíming mannkynssögunar í NATO löndunum og hún er í formi raf- og hýbrídbílakaupa almennings í þessum löndum. Sú bóla er mun verri en fjármálabólan sem næstum því tók vesturlönd niður og sem þau hafa ekki jafnað sig á enn.

Þú getur bókað það að þegar sossa-kommar Norðurlanda heimta inngöngu í NATO að þá er fyrirbærið orðið að gjaldþrota félagsmálastofnun í rúst.

Næst á dagskránni er því upplausn Evrópusambandsins og NATO í leiðinni. Ný evrukreppa er við það að skella á.

Lönd þola ekki þvælu stjórnmálamannastéttarinnar endalaust. Eindagi rennur upp.

Kveðjur