Gott: Pólland fái kjarnorkuvopn. Slæmt: Hvítarússland fái kjarnorkuvopn

ÞEGAR GOTT VARÐ SKYNDILEGA SLÆMT

Þegar Pólland lagði það til síðasta haust að það fengi bandarísk kjarnorkuvopn til Póllands, þá hoppaði Stoltenberg aðalhagfræðingur PLATÓ sennilega 30 sinnum af gleði ofan á 30 hnjáliðum NATO-samsteypunnar, eins og hann gerði þegar hann undirstrikaði getuleysið í vopnaframleiðslu aðildarlandanna og gleymdi þar alveg hversu "óvarlega" hann talaði á meðan hann hoppaði... "many times"

Pólland er því komið með kjarnorkuvopn. En þau eru bara hinumegin við landamærin. Hinumegin við hoppla-hopp Stoltenbergs

Er það vandamál?

Já það er vandamál, því vopnin beinast meðal annarra landa að Póllandi og þykja ekki eins mikil fagnaðarvopn og þau sem Pólland vildi fá og sem beinast áttu að því sem þá hoppaði bara alls ekki af gleði þeim megin við landamærin sem þau áttu að beinast að

Svona er að tala óvarlega

En nú eru vopnin sem sagt komin, eða réttara sagt; þau verða sett upp þann fyrsta júlí - hinumegin við landamærin

Af hverju átti það sem Pólland sagði síðasta haust að vera svona gott fyrst að þetta sem Hvítarússland fær núna er svona vont; samkvæmt Rússaþvæluhausum vesturlanda

Rússland hefur aldrei notað kjarnorkuvopn. En það hafa Bandaríkin hins vegar gert - til að koma sér hjá bardaga

Það er hreint ótrúlegt að horfa upp á Pólland láta Engilsaxa troða sér sem áleggi inn í samloku á milli Rússlands og Þýskalands, einu sinni enn

Hvað varð um Intermarium?

Engilsaxar bæði sigla og fljúga - burt. Ríki þeirra eru nefnilega ekki landhverveldi

Fyrri færsla

Samskonar kjarnorkuvopn og Bandaríkin geyma í fimm Evrópulöndum

Hótanir Pútíns liður í áróðrinum

Athugasemdir

[Ragnhildur Kolka, 3.4.2023 kl. 16:42]

Það er beinlínis hlægilegt þegar mogginn vísar í ummæli BB, sjálfan áróðurs meistarann,um áróður Pútíns. Hinsvegar finnst mér harðlínu afstaða gagnvart Rússum í leiðurum moggans undanfarið hafa nánast jaðrað við trúarbrögð.

[Gunnar Rögnvaldsson, 3.4.2023 kl. 20:30]

Þakka þér fyrir Ragnhildur.

Held að það sé þannig að um tvennt ólíkt er að ræða.

Björn er einfaldlega steingerður í afstöðu sinni til geópólitískra mála og einkum til Rússlands. Öndverð spegilmynd af Birni er Þýskalandshatari sem sér Þjóðvera enn sem nasista og þýska sambandsríkið sem nasistaríki.

EES-sovétríki Björns í byggingu er spaugilega hliðin á einum vesælum viðskiptasamningi - álíka og Fjölmiðlasovétríkið sem Framsókn vill byggja upp til þess eins að réttlæta tilvist Ríkisútvarpsins.

Davíð fékk bágt fyrir að segja satt um þriðja orkupakkann og myndi fá enn harðari högg ef hann segði sannleikann um NATO og fíflaganginn þar-vestra núna. Þannig að hann spilar bara gömul þekkt lög af gömlum hljómplötum í málinu, en veit auðvitað betur eins og alltaf.

Það þýðir ekkert að viðhafa varalestur í þessu máli. Það dugar ekki hér. Málið er of stórt til þess.

Góðar kveðjur