NATO-staðan og útgjöld til varnarmála

"Þjóð án minninga um fortíðina á enga framtíð fyrir sér"

– Vladímír Pútín, Volgograd (Stalingrad) 2. febrúar 2023

****

Útgjöld til varnarmála segja ekki allt. Stór hluti þeirra útgjalda hjá NATO-ríkjunum fer til lífeyrismála og hjá Bandaríkjaher er nýting fjármuna slæm og fæst því sífellt minna fyrir peningana þar. Nefna má sem dæmi að 85 prósentur af varnarmálaútgjöldum Belgíu fara til lífeyrismála. Enginn ætti að vanmeta stærð kvöldverðardeildar NATO. Hún er risavaxin. Og í þessari viku sáuð þið xD-farsann um TF-Sif. Snýst TF-Sif þó um sjálfstæðismál íslenskrar þjóðar, þ.e. um frumforsendur

STAÐAN

Franski herinn er rétt svo í standi til að fara í vopnaðar veiðiferðir inn í afmarkaðan hluta Norðurafríku og sýna frumstæðum og varnarlitlum vopnin sín þar. Þýski herinn kemst ekki neitt og á t.d. enga bardagahæfa orrustuþotu sem uppfyllir kröfurnar fyrir þátttöku í NATO-leiðöngrum og sem flogið getur til dæmis í myrkri

Breski herinn er ekki lengur "ágætisher" eins og hann hefur verið flokkaður. Kom það í ljós í síðustu viku og er áfall fyrir þá þjóð. Hann er aflögufær um 30-50 þúsund manns. Er þá hinn evrópski herafli NATO upptalinn, nema náttúrlega pólski landherinn sem er sennilega það skásta sem völ er á þeim megin Atlantsála og sem hertekið gæti allt Þýskaland á einni viku

Á meginlandi Evrópu eru Bandaríkin með 100 þúsund manns en 60 þúsund þeirra eru skriffinnar og stuðningslið

Ekkert bólar á neinum breytingum í hernaðarútgjöldum Þýskalands, enda hafa útflutningstekjur landsins minnkað síðustu fimm árin í röð og er verið að afiðnvæða landið núna með einum grænum glans. Þýskaland lifði á Rússlandi síðustu 30 árin. Nærri helmingur landsframleiðslu Þýskalands kemur frá útflutningi

Bandaríkin eru hvergi landherveldi nema í Norður-Ameríku. Og þegar um alvöru andstæðing eins og Rússland er að ræða, öfugt við til dæmis varnarlítinn Saddam Hussein, þá eru Bandaríkin ekki í standi til að heyja samþætt meginlandsstríð neins staðar í heiminum, utan landamæra þeirra sjálfra

Rússar myndu sökkva flestu sem Bandaríkin eiga áður en það kemst í nálægð við vígstöðuna á landmassa Evrasíu, komi til beinna átaka við Rússa. Rússar myndu einnig taka bandarísku gervihnettina úr umferð að miklu leyti og leggja með skotflaugum hvern einasta flugvöll NATO í Evrópu í rúst, nema kannski allra syðst á Íberíuskaganum. Hvaðan ætla menn þá að taka á loft til að þykjast bomba Rússland sem er með öflugustu loftvarnir veraldar. NATO-ríkin vita ekki hvað loftvarnir eru samanborið við Rússland, því loftborinn gorgeirinn á vesturlöndum hefur verið svo mikill. Þau þóttust ekki þurfa á slíku og slíkri tækni að halda

Utan landsteinanna eru Bandaríkin reyndar ekki með meira en eins konar sjóræningjaher sem siglir út í heim, potar í varnarlitla andstæðinga, og tapar of oft þeim átökum, og siglir síðan heim og er ekki talað ekki meira um það í Kanaveldi. Að því leytinu er Bandaríkjaher sjóræningjaher á borð við sjóræningjaher breska heimsveldisins, hann er einungis 10 sinnum stærri. Siglir út í heim, potar í lönd, tapar og siglir og flýgur síðan heim

Bandaríkjamenn eru ekki vanir því að eldflugum óvinar rigni í höfuð bandarísku þjóðarinnar á heimavelli, en það myndi gerast kæmi til beinna átaka á milli þessara stórvelda. Rússar eiga nóg af slíkum tólum, þau virka og eru nákvæm og slíkar flaugar er ekki hægt að skjóta niður

Annars gengur afvopnun NATO-landana vel. Allt sem þau senda leppstjórninni í Kænugarði er fyrr en síðar skotið í tætlur af Rússum [uppfært daglega] og er þá um leið kallað á meira. Eistland sendi Úkraínu síðustu 155 mm fallbyssur sínar í vikunni og skotfærastaðan í Bandaríkjunum er svo slæm að þau hafa þurft að senda fallbyssur með minni hlaupvídd því 155 mm lagerinn var þurrausinn og framleiðslugetan næstum engin. Treysta Bandaríkin sér til dæmis ekki lengur til að standa við AUKUS-samkomulagið sökum bágborinnar menntunar- og iðnaðargetu

ÞÁ

Það tók Bandaríkin níu mánaða undirbúningsvinnu að flytja og stafla upp því sem þurfti til til að taka Saddam Hussein í karphúsið í "Desert Storm" árið 1991. Þ.e. 700.000 bandarískum hermönnum plús 250.000 hermönnum bandalagsþjóða og búnaði þeirra allra. Þetta tók níu mánuði og voru 12 milljón tonn flutt, skilst mér, og auðvitað yfir hafið að miklu leyti. Hefði Saddam haft kafbáta þá hefði þessi undirbúningur tekið mun lengri tíma og orðið erfiðari. En tegund skriðdreka hefði hins vegar ekki breytt neinu um útkomuna fyrir Hussein

En Saddam Hussein átti enga kafbáta á Atlantshafi né Kyrrahafi og enga gervihnetti, engin geimför né hvað þá hefðbundnar skotflaugar sem ná milli allra heimsálfa veraldar og fljótlega átti hann engan flugher. En slíkt eiga Rússar í ofboðslegum mæli og geta framleitt slík vopn á við restina af öllum löndum veraldar til samans

Landsvæðið sem Bandaríkin og sálufélagslönd tóku þarna um árið 1991 í Írak var ekki svo mikið stærra en það sem nú er á valdi Rússa í Úkraínu. En Úkraína er 40 prósent stærra land en Írak

NÚ

Rússland er með um það bil 100-120 þúsund ferkílómetra af fyrrum Úkraínu á sínu valdi, algjörlega, og var átakasvæðið í Desert Storm fimm sinnum minna en það er núna í Úkraínu. Samt segja Rússar að um eiginlegt stríð sé ekki enn sem komið er að ræða, frá þeirra bæjardyrum séð. Þeir hafa enn sem komið er aldrei notað meira en 20 prósentur af landherafla sínum. Bardagasveitir lýðveldanna tveggja í austri hafa lagt mikið af mörkum, enda vilja og vildu þau ekki láta hið snarbilaða lepplið NATO í Kænugarði þurrka sig út

NATO OG ESB AÐ KENNA

NATO hefur ekki hugmynd um hverju það hefur komið til leiðar. En segja má að NATO og Evrópusambandinu hafi hér með tekist að eyðileggja friðinn í Evrópu og efnahag landa Evrópusambandsins. Já þar kom að því að það tókst, eins og allir hugsandi menn máttu vita allar götur frá morknu og ömurlegu upphafi ESB

Útþensla NATO austur var bæði svik við endir Kalda-stríðsins og hrein geopólitísk vitfirring. En það að NATO-ríkin byggðu frá 2014 til 2022 upp næst öflugasta her Evrópu í Úkraínu, svo gott sem á landamærum Rússlands, var dropinn sem fyllti mælinn. Allt þetta stríð er NATO og ESB að kenna. Rússar voru búnir að vara NATO-ríkin við þessu allar götur frá 2007, en ekki var hlustað. Og ekki er hægt að segja annað en Rússar hafi verið seinþreyttir til átaka. Þolinmæði þeirra í þessu máli hefur verið ótrúleg

MUNA

Rússland er ekki það dvergríki sem fræðimannastóð vesturlanda hafði gert það að frá lokum Sovéttímabilsins og til í dag. Og þeir sem enn halda að Þýskaland sé ríki nasista eru álíka bilaðir og þeir sem enn halda að Rússland sé sovétríki kommúnista

Kommarnir eru allir fluttir vestur og þeir eru þar en ekki hér og þeir eru klikkaðir, segja Rússar, sem hræðast klikkuð vesturlönd sem ráða þar að auki yfir kjarnorkuvopnum og hafa notað þau, án hernaðarlegrar ástæðu. Slíkt getur hæglega gerst aftur hugsa Rússar, sérstaklega þegar vonbrigðin með eigin hernaðargetu og vonleysið gípur um sig á vesturlöndum. Þetta er jú sturlað 16-kynja fólk þarna vestra, og það er þar að auki með "sérfræðinga" á launum sem í tæpt ár hafa sagt ráðamönnum þar að Úkraína sé að vinna stríð við rússneska herinn

Fyrri færsla

TF-Sifjarspjöll

Athugasemdir

[Heiðar (IP-tala skráð) 4.2.2023 kl. 21:08]

A meðan Seðlabankastjóri setur út á Tenetáslu myndir verða fjárútlát ríkisins til Úkraínu að verðbólgu.

Hlutverk Seölabankastjóra á ekki að hafa það hlutverk að vera áróðurspési stjórnvalda.

[Kristinn Bjarnason, 5.2.2023 kl. 13:03]

Þetta er frábær pistill sem sýnir hversu yfirgengilega kjánalegir pólitíkusar vesturlanda eru orðnir. Ég var harður stuðningsmaður bandaríkjanna sem ég leit á sem útverði frelsisins en hafa nú breyst í einhverskonar hryðjuverkasamtök. Hvað skyldi t.d. hafa verið hægt að drepa marga fyrir þennan 2.5milljarð sem Íslendingar hafa sent til Úkraínu? Það er alveg deginum ljósara að ráðamenn vesturlanda vinna ekki í þágu almennings.

Spurning hvort þessi loftborni gorgeir sé smitandi?

[Gunnar Rögnvaldsson, 5.2.2023 kl. 13:30]

Þakka ykkur fyrir Heiðar og Kristinn.

Já Kristinn, staðan er svipuð hjá mér. Bandaríkin hafa gengisfellt sig svo hrikalega í mínum huga með þessu máli að það er orðið verulega erfitt fyrir mig að líta upp til þeirra. Plús það að vesturlönd öll nema þá helst Færeyjar virðast vera í einhverskonar miðju sjálfsmorði og áhuginn á að kála sér sem allra fyrst og sem helgrænast er að verða öllu ofar.

Kveðjur

[Ingólfur Sigurðsson, 7.2.2023 kl. 03:37]

Enn ein góð grein frá þér Gunnar. "Staðan í Úkraínu versnar" er frétt hér á Morgunblaðsvefnum sem staðfestir margt af því sem þú hefur skrifað um lengi, en margir eiga erfitt með að viðurkenna. Þrátt fyrir að Noregur gefi Úkraínu 15 milljarða norskar krónur árlega í fimm ár dugar það ekki til. Peningana á að nota í mannúðarmál og hernaðaraðstoð í Úkraínu.

Í daglegu ávarpi Selenskís til þjóðarinnar síðan stríðið hófst kom nýlega fram að þrátt fyrir alla þessa alþjóðlegu hjálp er staðan heldur að versna hjá þeim. Þrjár borgir í Donetsk héraði standa höllum fæti. 

Allt tal um að Rússar séu að tapa eða hafi verið alveg að tapa síðasta ár innantómt.

Tólf hábyssur sendar að auki til Úkraínu í mánuðinum, en ekki dugar það heldur til.

Skriðdrekar frá Noregi væntanlegir.

BBC greinir frá því að úkraínskir hermenn einangrist og séu í vörn.

Held að það hafi verið í DV nýlega sem loksins eitthvað stórblað úti í heimi fór að halda því fram að Rússar gætu sigrað þrátt fyrir alla þessa hjálp.

Þetta stríð er alveg einstakt hvað varðar falskan fréttaflutning Vesturlanda og svo hversu mörg ríki leggja mikið á sig efnahagslega og í vopnasendingum að láta Rússa tapa, en tekst samt ekki.

Ég tek undir það að þetta er sjálfsmorð Vesturlanda, því miður.

[Gunnar Rögnvaldsson, 7.2.2023 kl. 15:11]

Þakka þér kærlega fyrir Ingólfur.

Aðeins þeir sem halda að Bandaríkin myndu tapa stríði við Mexíkó í Mexíkó halda að Rússar tapi stríði við Úkraínu (í hundabandi NATO eða ekki) í Úkraínu. 

Sameinað NATO gæti heldur ekki unnið stríð við Rússneska herinn í túnfæti Rússlands þó svo að það myndi undirbúa sig í 30 ár. NATO er ekki alvöru her.

Bestu kveðjur

[Ragnhildur Kolka, 8.2.2023 kl. 15:13]

Ég lít nú svo á að þetta leikrit um TF-Sif sé af sama meiði og þegar hækkun á framlögum til heilbrigðismála er á dagskrá. Þá byrjar kórinn að kyrja um lokun hjartadeildar. Við vitum öll hvernig það endar.

Hhvað varðar hernaðarútgjöld Þýskalands, þá sá ég e-s að þeir ætli að hætta að niðurgreiða lokun kolakyndinga en láta þá peninga ganga til endurnýtingar heraflans. Við getum því búist við að net-zero heyri bráðum sögunni til.

[Gunnar Rögnvaldsson, 9.2.2023 kl. 18:16]

Þakka þér fyrir Ragnhildur.

Hóst hóst, já þýskir geta víst ekki lagt niður store bededag til að láta "tapið" ganga til hersins, eins og Mette-minkabani er að reyna að þvinga Dani til í DDR-Light. Þannig að það verða kolin.

Kveðjur