Gorbatsjov allur

Blessuð sé minning Gorbatsjovs, þrátt fyrir allt

Hann var kommúnisti allan sinn valdaferil og ætlaði sér að vera kommúnisti áfram og hafði engan áhuga á að hætta því

Að reyna umbæta kommúnisma hvar sem hann finnst, er eins og að ætla að reyna að lækka hitastig jarðar með því að stofna nýjan vestrænan kommúnistaflokk

Kommúnisma er ekki hægt að umbæta. Það eina sem er hægt að gera við hann er að drepa hann

Og af því að Gorbatsjov var ekki nógu sterkur leiðtogi, þá dó kommúnisminn í Rússlandi óvart í hans höndum. Það var ekki ætlun hans en gerðist samt. Fyrir vikið líta sennilega flestir Rússar á Gorbatsjov sem veikburða leiðtoga sem tókst ekki að halda heimsveldi kommúnismans saman, þó svo að það hafi verið vont

Valdímír Pútín forseti Rússlands sagði að upplausn Sovétríkjanna hefði verið "einn stærsti geopólitíski sorgleikur síðustu aldar". Hann sagði líka að "þeir sem sakna ekki Sovétríkjanna séu hjartalausir", en samtímis sagði hann "að hver sá sem óski sér þau til baka sé heilalaus"

Það sem Valdímír Pútín forseti átti við er það að 1) skyndilega stóðu tugir milljóna manna fyrir utan landamæri fæðingarlands síns. Og 2) að þeir sem sakna ekki á einn eða annan hátt þess lífs sem þeir bjuggu við í 70 ár og börðust jafnvel mjög svo hart fyrir, séu hjartalausir. En 3) að óska sér Sovétríkin til baka jafngildi heiladauða. Allt saman rétt og satt hjá honum

Þjóðverjar glíma einnig við svipaðan vanda með þær 12-14 milljónir Þjóðverja sem lentu utan nýju landamæra Þýskalands við stríðslok og urðu þar með landlausir. Sá draugur á eftir að taka sig upp í því landi á ný

En nú eru gömlu Sovétríkin ekki til lengur og þar var mönnum lengst af bannað að fara burt af landi þeirra. Bannað að yfirgefa þau

Ekki þurfti þó að bíða þess lengi að nýtt sovétríki yrði til á meginlandi Evrópu og heitir það Evrópusambandið í dag. Þar mælast ókjörnir valdamenn til þess að Rússar fái ekki að koma inn í hið nýja sovétríki þeirra í dag

Er þetta ekki magnað; sovétlausir Rússar eiga ekki að fá að koma inn í hið nýja sovétríki Evrópusambandsins í dag

Gamla Sovétríkið var hins vegar einna fyrst ríkja til að viðurkenna sjálfstæði Íslands 1944

En í dag, árið 2022, vill hið nýja sovétríki Evrópusambandsins helst ekki að neitt aðildarríki þess sé fullvalda. Takið eftir að ég er ekki að tala um sjálfstæði aðildarríkjanna, því ekkert aðildarríki að Evrópusambandinu er sjálfstætt lengur. Þau eru öll undirríki því Evrópusambandið er hið nýja og sjálfstæða yfirríki þeirra

Ég hef á tilfinningunni, eftir að hafa kynnt mér málefni Rússlands og þar á undan Sovétríkjanna frá báðum hliðum þ.e. líka frá sjónarhorni Rússa en ekki bara frá sjónarhorni Vesturlanda, að Rússar líti svo á málin að Vesturlönd eigi frekar lítinn þátt í falli Sovétríkjanna. Ég held að Rússar líti þannig á málin að þeir sjálfir hafi tekið Sovétríkið niður með því að hafa hætt stuðningi við hina pólitísku hugmynd um Sovétríkið - og kommúnisma þess

Ég held líka að Sovétríkin sálugu hafi verið woke og stundað Metoo-ofsóknir. Þar voru styttur rifnar niður (e. iconoclast) og reynt að drepa hefðir, kirkjur brenndar og útlendingar látnir fá hærri rétt en þeir innfæddu. Til dæmis voru allir leiðtogar Sovétríkjanna eins konar útlendingar nema einn:

Eiginlega held ég að Rússum lítist lítið á Vesturlönd lengur. Þeir sjá þar í dag of margt sem minnir þá á gömlu Sovétríkin - og á Gorbatsjov, þar sem flest liðast í sundur

Þjóðarleiðtogar Rússlands frá 1894 til 2022:

Síðasti þjóðarleiðtogi Rússlands fyrir valdarán kommúnista:
Nikulás 2. frá Pétursborg. Frá Vladímír

Leiðtogar Sovétríkjanna (allt rússneskt bælt niður):
Lenín => Innfluttur, af ýmsu bergi brotinn. Ekki kjarna-rússneskur
Stalín => Georgíumaður. Ekki kjarna-rússneskur
Malenkov (2,5 ár) => Balkanskagamaður. Ekki kjarna-rússneskur
Khrústsjov => Úkraína, meira og minna. Ekki kjarna-rússneskur
Brezhnev => Úkraínumaður. Ekki kjarna-rússneskur
Andropov => Stavropol. Ekki kjarna-rússneskur
Chernenko => Krasnoyarsk, Síbería. Langt austan Úralfjalla. Ekki kjarna-rússneskur
Gorbatsjov => Stavropol. Ekki kjarna-rússneskur

Enginn leiðtogi frá sjálfum Vladímír

Millibil (undantekningarástandið = hrun Sovétríkjanna):
Boris Yeltsin => Frá Sverdlovsk. En samt kjarna-rússneskur. Hefði þó aldrei komist til valda í venjulegu árferði

Framhald á Rússlandi
Vladímír Pútín => Pétursborg. Frá Vladímír

Sem sagt: þetta með leiðtoga Sovétríkjanna minnir okkur óþyrmilega á valdklíku Evrópusambandsins þar sem allir fá völd yfir öllum, nema heimamenn. Þetta er það sem kallað er "fjölbreytileiki" í dag (e. diversity). Þetta er einn stór alþjóða-nalli út í gegn þar sem heimamenn skulu ráða sem minnstu, því vér einir, útlendingar, vitum allt miklu betur því við erum nýja evrópumennið/sovétmennið (nú í NSU)

Solzhenítsyn sagði að með tilkomu Pútíns sem þjóðarleiðtoga væri Rússum í fyrsta sinn í mjög langan tíma gert kleyft að vera Rússar í sínu eigin landi. Allt hitt, þ.e. sovéttíminn, gekk út á að bæla hið rússneska niður og helst að tortíma því

Skiptir þetta atriði máli núna í stríðinu sem geisar í Úkraínu? Já, það held ég

Það stríð er hins vegar Vesturveldunum að kenna

Fyrri færsla

Tyrkland kaupir fleiri rússneskar eldflaugar

Gorbatsjov lagður til hinstu hvílu á laugardaginn

Athugasemdir

[Ingólfur Sigurðsson, 1.9.2022 kl. 14:49]

Mjög áhugaverður pistill. Það sem er hér alveg nýtt fyrir mér og sennilega flestum lesendum er að Woke-hreyfingin er ekkert ný samkvæmt þessu, það er mjög sláandi að sjá hvernig Sovétkommúnisminn byggðist á sömu hugmynd. Þó er þessi pólitíski rangtrúnaður, sem kallaður er rétttrúnaður þannig að aðrir eru kallaðir gamaldags, sem vilja frelsi einstaklings og þjóðfélaga, þjóðerniskennd og virðingu fyrir manninum en ekki regluverkinu.

 

Þetta sýnir enn fremur hvernig áróður og innræting getur þaggað niður í skynsemi, og í krafti rangra upplýsinga völdum haldið og stefnunni til streitu. 

 

Verst er að nú er meira í húfi en áður, meira og minna öll Vesturlönd eru í sömu súpunni sem létu Sovétríkin hrynja um 1991. Evrópusambandið og þess lönd hafa verið de facto gjaldþrota lengi, en ofurríkir glóbalistar haldið þeim gangandi með því að vera eigendur stofnana og hluti af kerfinu. Jón Baldvin hefur lýst þessu á Útvarpi Sögu. Einstaklingar innan glóbalismans eru ríkari en löndin sjálf.

Kreppan 2008 var ekkert nema rán á þeim sem voru of frjálsir innan þessa kerfis. Okkar útrásarvíkingar smápartur af þeim sem voru gerðir gjaldþrota, og margir saklausir borgarar. 

Kreppa ætti að vera komin núna, og vissulega er heimurinn í hálfgerðri kreppu, en þegar bönkum alþjóðakerfisins er stjórnað ofanfrá er hægt að afneita því að kreppa sé komin.  Það þýðir að almenningur tapar, verðhækkanir, verðbólga, millistéttin nánast þurrkast út... En eins og í Sovétríkjunum þorir almenningur ekkert að gera. Trump og Boris Johnson settu það kerfi í hættu, því þeir eins og Mikail Gorbatsjov bentu á galla við kerfið. 

Allur heimurinn er mjög nálægt efnahagshruni eins og því sem varð 1929. Ekki er gott að segja hvort af því verður. Spennandi að fylgjast með.

Mjög góður pistill.

[Gunnar Rögnvaldsson, 1.9.2022 kl. 15:47]

Þakka þér fyrir innlitið og afar áhugaverða athugasemd þína Ingólfur.

Að sumu leyti má skoða þróunina á vesturlöndum með sömu gleraugum og notuð eru til að skoða endasprett Sovétríkjanna sem fór fram í umsjá þriggja leiðtoga: 1 Andropovs, 2 Chernenkos og 3 Gorbatsjovs.

Vestanhafs, og þar með á meginlandi Evrópu líka, eru það þrír forsetar, þrár persónur, sem standa fyrir endaspretti og framkvæmd hugmyndafræðinnar um glóbal-heimsveldi líberalismans, er fram fór á valdatíma Bandaríkjanna sem hins eina heimsveldis jarðar eftir að Sovétríkin hrundu.

Sá uni-polar heimur (einn póll = eitt heimsveldi) er hruninn núna. Þessir þrír forsetar voru Bill Clinton, George Bush yngri og Barack Obama.  Þeir samsvara sovésku þrennunni í óförum hugmyndafræði sem étur ríki þeirra upp til agna innanfrá. 

Síðan kom Donald J. Trump og reyndi að enda þessa hugmyndagloríu og dauðastríð hennar með því að búa í haginn fyrir nýtt hlutverk Bandaríkjanna í fjöl-póla-heimi (multi-polar) og var hann þess vegna átlitinn stórhættulegur maður. Tilkoma Bidens er hins vegar eins konar Gorbasovésk-afturganda í líkkistum þremenninganna.

En unipólar tímabilið er búið frá og með nú, og það er ekki hægt að koma því á aftur. Frá og með nú er heimurinn multipólar. Úniversal-kommúnismi og úniversal-líberalismi (sami mjöður á tveimur mismunandi flöskum úr vínkjallara sósíalismans) eru dauðir. Hvorugt var hægt að "umbæta".

Trumpisminn er og lifir. Hann er framtíðin.

Kveðja

[Gunnar Rögnvaldsson, 1.9.2022 kl. 16:54]

Í þeim þrípólaheimi sem nú er að verða til, eru það Bandaríkin, Rússland og Kína sem mynda pólana og þau geopólitísku stjórnmál sem þar af leiða.

Alþjóðastofnanirnar sem settar voru á laggirnar við síðustu heimsstríðslok verða þunnar og mun þynnri en í dag. Þær munu þó hanga uppi, en ekki spila stórt hlutverk nema á sviði eftirlits með að vopnaeftirlitssamningum sé framfylgt, því þessir þrír pólar munu ekki vilja að pólarnir verði fleiri í þessari nýju skipan heimsmála.

Bandaríkjadalur mun áfram verða mynt númer eitt í heiminum, en samt ekki einráður í heimshúsinu eins og áður.

Evrópa verður ekki póll nema þá sem áframhaldandi hjálenda Bandaríkjanna á eins konar langlegu- eða líknardeild fyrir fyrrverandi heimsveldi.

Samkeppnin á milli pólanna þriggja mun fyrst og fremst fara fram á sviði hernaðar- og varnarmála og sem einu sinni enn munu knýja efnahagslegar framfarir áfram og skapa undirstöðurnar undir hverjum pól fyrir sig. Samkeppnin verður hörð.

[Gunnar Rögnvaldsson, 1.9.2022 kl. 17:15]

Það eina sem gæti breytt stöðu meginlands Evrópu er að Þýskaland taki lokaákvörðun um að leiða til fullnustu þær efnahagslegu samfarir við Rússland sem það hefur stundað síðustu 30 árin og láti Rússland um að verja þær bólfarir með því að gangast undir kjarnorkuvopnaregnhlíf Rússlands. Gerist það er staða og áframhaldandi tilvist Evrópusambandsins í húfi.

Enginn veit í raun hvað Þýskaland er að hugsa. Það er enn að endurreikna stöðu sína í heiminum og hefur sá útreikningur staðið allt frá 1945.

Þetta er jóker í spilinu um meginland Evrópu sem ég hef lengi velt fyrir mér og talið raunhæfan möguleika og tel svo vera enn. En líkurnar á þessu hafa þó minnkað til muna eftir að stríðið í Úkraínu hófst. En hver veit.

[Símon Pétur frá Hákoti (IP-tala skráð) 1.9.2022 kl. 20:01]

Þakka fróðlegan pistil og efnismiklar athugasemdir. 

Já, maður er einnig að velta þessum málum mikið fyrir sér þessa dagana.

T.d. bankaráðssamfarir Bjarna í kínverska innviðabankanum.  Verður fróðlegt að fylgjast með því hvort hann umpólist úr JúróBrusselkrata í Kínakomma.

[Gunnar Rögnvaldsson, 1.9.2022 kl. 21:19]

Þakka þér fyrir Símon Pétur.

Já einmitt stofnun Kína á AIIB-fjárfestingarbankanum 2015 er tilraun Kína til að setja á flot sínar eigin "alþjóðastofnanir" á sínum eigin en tortímandi forsendum og sem eiga að keppa við þær alþjóðastofnanir sem Bandaríkin settu á laggirnar í stríðslok. Dæmi: IMF stofnaður 1945 og Alþjóðabankinn einnig stofnaður 1945.

Að Bjarni skuli hafa hoppað þar með Ísland um borð lýsir best þeim kratísku háheimskingjum sem borað hafa Veturlönd út innanfrá með því að fylgja í blindni sértrúarsöfnuðinum sem heitir glóbal líberalismi.

En nú er tími slíkra manna liðinn.

Kveðjur

[Símon Pétur frá Hákoti (IP-tala skráð) 1.9.2022 kl. 22:26]

Heyr heyr, Gunnar.

Já, við skulum svo sannarlega vona að sá tími sé liðinn!

Annars reikna ég með að Bessastaðaviðundrið dansi grænslepjuvalsinn eitthvað áfram með Gvendi umhverfis eitthván og þeim fleiri vaffgéunum.  Fruss á öll þessi idjót.

[Gunnar Rögnvaldsson, 1.9.2022 kl. 23:17]

Það er grátbroslegt að horfa upp á ESB-Evrópu þessa dagana. Árum saman hafa vindmyllu-valdamenn þar tíst um töframátt hins mjúka valds (e. soft power) og þulið þær kennisetningar upp yfir veröldinni að stríð séu úrelt fyrirbæri og að aðeins aumingjaháttur af þriðju gráðu og almennt tannleysi geti komið í veg fyrir þau.

Og árum saman hafa sömu sérfróðu vindbarnings-menn frætt heiminn um hversu "lítið, smátt og vesælt" rússneska hagkerfið sé. En núna sitja þessir sömu sérfróðu háskólamenn valdastéttarinnar skjálfandi í hjólastólum sínum og reyna að halda á sér hita með rússnesku gasi til að geta tíst út til umheimsins hversu vondir Rússar séu fyrir að voga sér að neita að samþykkja eldflaugakerfi NATO inni í sjálfri forstofu Rússlands.

Í vetur ætla svo þessi grænu gáfumenni ESB-Evrópu að safna gamla fólkinu saman í hella til að geta haldið á því hita með því að kveikja eld eins og á tímum Neanderdalsmanna.

Ef ég væri þýskur kjósandi þá myndi ég leggja til að Gerhard Schröder, Angela Merkel og Olaf Scholz verði pressuð í eina stóra salernispappírsrúllu svo að þýska þjóðin geti þerrað sig á þeim í vetur og þannig fengið að minnsta kosti meira notagildi út úr þeim en ekki neitt í samfellt 25 síðustu ár.

Ég óttast að tími byltinga í Evrópu sé ekki á enda runnin enn, því á næstu vetrum geta valdamenn meginlands taparanna ekki einu sinni boðið lýðnum upp á að borða bara kökur.

[Símon Pétur frá Hákoti (IP-tala skráð) 1.9.2022 kl. 23:31]

Æðsta fyrirmenni Tékklands sagði nýverið það sem vit er í:  

-- Þessi grænu geðveiki er undirrót alls okkar böls.  Henni verður að linna. --

Rétt, græna geðveikin lýsir sér sem sjálfsmorðsmanía þeirra ríkja sem hún herjar á.

Grænalepjungar í Þýzkalandi mæra nú kolin.  Þar snýr núna allt á hvolf, Öll vesturtota Evrasíu er að fara á límingunum,

[Gunnar Rögnvaldsson, 1.9.2022 kl. 23:48]

Nú vill ekkert af þessu fólki sem lét afmynda sig saman með Grétu Thunberg kannast við hana og myndir og skilti af henni sem nýjum dýrlingi eru teknar niður. Biðröðin við hvíta handvaskinn í þeim efnum lengist dag fyrir dag.

Sótsvart í framan burstar þetta græna-fólk nú skorsteina sína og fellir tré til eldiviðar fyrir komandi vetur.

Brenni er alls staðar uppselt og heilu þorpin gera nú bestu menn bæjarins út á mörkina til eldiviðarleitar.

Líf og strit Neanderdalsmanna er fyrirmyndin.

[Gunnar Rögnvaldsson, 2.9.2022 kl. 00:46]

Ég biðst velvirðingar á þessu með þýsku kanslarana þrjá. En ég held að margir þýskir kjósendur séu innanundir orðnir mjög svo sammála mér í þessari táknrænu samlíkingu um hvert notagildið hafi verið af þeim sem stjórnmálamönnum í samfellt 25 ár.