Bara gleðilegt

Sjá frétt af mbl.is neðst: "Fimm tilraunir og vindmyllan stendur enn"

Árið 2017 brennur þessi a. afarensis erectus í Þykkvabæ og stuttu síðar brennur "hin myllan" líka. Sagt var þá að þetta væri "mjög sorglegt". Mér finnst þetta hins vegar mjög svo gleðilegt. Líftími svona a. afarensis erectus er sagður 25 ár

Þessar tvær eru frá 2014 e.B., eða frá 34 árum eftir fæðingu bjána. Það eru fjórar til fimm vindmyllur á landinu öllu og afföllin eru þá 40-50% á ca. fjórum árum. Fyrirtækið (Bi­okraft: ekki rugla saman við Bíókraft) sem á myllurnar varð síðan gjaldþrota 2019 og nýir bjánar, eða þá þeir sömu, hafa stofnað nýtt sem heitir "Háblæs". Ja hérna

Það er skortur á hugmyndarflugi að sprengja þetta niður, því það væri hægt að búa til "ferðamannaparadís" úr þessu fyrirbæri með því að láta þyrlu Landhelgisgæslunnar (skattgreiðendur eins og venjulega) festa risastórt vatnssalerni ofan á rörið og hafa það opið þannig að rigningarvatn og fugladrit geti safnast þar saman, tala nú ekki um smá gosösku. Svo þegar erlendir ferðamenn (sérkynstofn: flying erectus) koma til landsins og þegar veður er mjög heitt (gerist náttúrlega mjög oft) þá lesa þeir á rörskiltið og toga í spottann og sturta niður, og fá ókeypis drullubað, og senda síðan smáskilaboð í beinni útsendingu, auðvitað, út um allan heim um að enginn ætti koma til Íslands. Þarna myndi maður sannarlega slá tvær fúlar flugur í einu höggi

En til að skilja nú engan útundan, þá væri hægt að bjóða sigrihrósandi ráðherrum, þingmönnum og jafnvel forsetanum að klífa rörið og planta baunagrastrjám í fyrirbærið. Svo ekki sé minnst á það að rörtoppurinn væri auðvitað ákjósanlegur til að hafa altari náttúrudýrkunar á - og þar með slá sjálfan Móses á fjallinu út. Postular Co2-kirkjunnar geta síðan sótt (um) styrk til að rýna í dritið í salerninu

- Gleðilegt nýtt ár, kæru lesendur
- og niður með vindmyllur!

Fyrri færsla

Hvað segir bimbósettið í Valhöll núna?

Fimm tilraunir og vindmyllan stendur enn

Athugasemdir

[Ragnhildur Kolka, 11.1.2022 kl. 22:44]

Gleðlegti ár Gunnar og takk fyrir þetta áramótasprell. Ekki veitti af eftir það sem okkur var boðið uppá á Gamlárskvöld. Þetta Þykkvabæjarævintýrir sló allt sem þar kom fram út enda einhver vitlausasta hugmynd sem hugsast getur. Öllum ætti að vera ljóst að þessar myllur þola bara takmarkaðan vindstyrk og hann er ekki í boði í Þykkvibænum.