Vinstri grænir töpuðu fjórðungi kjósenda á fjórum árum

FJÓRÐUNGUR KJÓSENDA HVARF

Heyrst hefur það meðvirknisvol- og væl að Vinstri grænir hafi ekki tapað nema einu þingsæti í þessum kosningum. Það er ótrúlegt að hlusta á svona meðvirknisvol- og væl á hægrivæng stjórnmála. Slíkt lyktar af samsæri gegn kjósendum

Staða Vinstri grænna, flokks grændellunga, er sú að þeir töpuðu fjórðungi kjósenda sinna á laugardag. Töpuðu fjórðungi kjósenda á fjórum árum. Rúmlega átta þúsund færri kjósendur kusu einmitt þennan flokk miðað við síðast. Og hann fékk ekki nema átta þingsæti núna miðað við ellefu síðast. Engu máli skiptir hvað gerðist í rauðu kolapokum flokksins í millitíðinni

Firran í þessum flokki er slík að þar er gott vont, og vont gott, eins og kom fram hjá rústaverkstjóra DDR-flokksins í Austur-Berlín Reykjavíkurborgar. Hún sagði: "Þetta er stórkostlegt". Altsaa Svandís; "í raun og veru"!

Fyrri færsla

Kosningarnar: Græna myglan búin að vera 

Athugasemdir

[Ómar Geirsson, 1.10.2021 kl. 16:39]

Mikið rétt Gunnar, mikið rétt.

En eiginlega áttu þeir að þurrkast út af þingi fyrir að hafa leitt ríkisstjórn sem náði að fá vit í upplausnarstjórnmálin fyrir um 4 árum síðan, fyrir svo að hafa staðið sig nokkuð vel, miðað við að í raunheimi er hægt að standa sig miklu verr.

Fyrir stöðugleika og skynsemi.

Út af þessu var vegið að VG og flokkurinn stóðst þá atlögu.

Hún kom frá vinstri, hún kom frá stjórnleysi og anarkisma.

Það er óþarfi hjá góðu fólki að taka undir þá sundrungu og glundroða.

Kveðja að austan.

PS.  Gaman að heyra í þér á ný Gunnar, eiginlega stórgaman.

[Gunnar Rögnvaldsson, 1.10.2021 kl. 18:25]

Þakka þér fyrir Ómar.

Vinstri grænir eru krónískur stofnana-ruglflokkur háskólamenntaðra nýburgeisa Ómar. Nýburgeisar eru opinberir starfsmenn með sogrörið ofan í þjóðarauðinn, svipað og svo kallaðir "vísindamenn". 

Vinstri grænir eru hagsmunastamtök opinberra starfsamanna. Íslendingum líst hvorki á stjórnmál, málefni né flokk Vinstri grænna. Þess vegna kusu 87 prósentur þjóðarinnar hann ekki. Hann er jafnglataður og málefni hans. Enda fækkaði kjósendum flokksins um fjórðung! Er það mjög svo skiljanlegt því allir nema menn með sovéskt hannaðan hálm í heilastað sjá að græna ruglið er algjör þvæla og út í gegn og eldrauð að innan.

Sjálfstæðiflokkurinn tapaði einnig á því að vera með Vinstri grænum í ríkisstjórn. Hann tapar á því að fórna sínum málum fyrir ekki neitt nema fullkomna kolruglsþvælu Vinstri grænna. Fyrir algjört fís og rugl. Sama rugl og sama söng þessara komma og um Sovétið forðum daga. Ekkert hefur breyst nema liturinn á þessum allsherjar-kommum.

Það er með réttu hægt að kalla svona samstarf fyrir samsæri gegn kjósendum. Það stendur hvergi að stjórnmál eigi að vera laus við glundroða og læti. Það versta sem komið getur fyrir ríkisstjórn fólksins er að hún breytist í fetisma-ríkisstjórn postulínshlandkopps á stofuskáp, eða svipað hlandgagn og EES er.

Enginn flokkur óskar sér stöðugleika í lélegu fylgi kjósenda. Þvílíkur þvælusöngur um "stöðugleika". Íslendingar þola ekki stöðugleika því hann er réttnefni á stöðnun.

Kveðjur

[Óskar Kristinsson, 1.10.2021 kl. 20:15]

Blessaður Gunnar!

Flestir Óskuðu eftir að GRÆNÆLAN hefði farið oní skurðina með loftlagsþvælunni, en þá ætlar frasókn að draga óþverrann aftur upp á bakkann.

Alveg hreint með endmum ef af verður,klúður aldarinnar og þó lengra væri farið.

Kveðja

[Gunnar Rögnvaldsson, 1.10.2021 kl. 22:09]

Þakka þér fyrir Óskar

Laskaður xD með næst verstu frammistöðu flokksins í sögu hans, og vitavonlaus VG, ásamt sigursælli Framsókn, virðast ætla að halda áfram að moka hvort öðru ofan í skurðina. "Má ég vera skóflan núna" spyr Framsókn. Já "ég skal vera skurðurinn" segir Bjarni, og VG leggst lágt á rekuna, tottandi græna snuðið. Síðan koma næstu kosningar og þá er henst í að afspila samsærið gegn kjósendum í þrjár vikur, afturábak.

Hvað varðar þetta fólk um kjósendur? Hvað kemur kjósendum við hvað þetta fólk er að gera?

Ef VG fær forsætisráðuneytið á ný þá vitum við að það ráðuneyti er einskis virði og að Sjálfstæðisflokksmaður verður aldrei forsætisráðherra Íslands á ný - nema þá sem ráðherra örverpisflokks. Allt stefnir í það. Þetta kallar maður samhæfðar innvortis pólitískar gengisfellingar í helvítis-evrópustíl.

Kveðjur

[Ómar Geirsson, 3.10.2021 kl. 12:21]

Blessaður Gunnar.

Eftir að Kínverjar kynntust upplausn og glundroða í fyrsta skiptið, þá leituð þeir í smiðju Konfúsíusar, fengu stöðugleika, og mátu hann svo mikils, að í hvert skipti sem upplausnin og glundroðinn bankað á dyrnar og komst inn, þá var alltaf leitað til gamla meistarans í aga og skipulagi, núna síðast eftir menningarbyltinguna, þeirra MeeToo.

Gjaldið er nefnilega svo dýrt af glundroðanum.  Og það er eðlismunur á honum og átökum (konfliktum)í stjórnmálum, það síðarnefnda er drifkraftur þar sem hugmyndir takast á, það fyrra er kaos, eyðileggingarafl sem drífur aðeins niður á við, í skítinn.

Það eru engin stjórnmálaleg átök á Íslandi í dag, stjórnmálaflokkurinn er í meginatriðum sammála leikreglum hins frjálsa flæðis og myglu, og kýs að vera ósjálfstæð hjáleiga Brussel, glundroðinn er hins vegar fjármagnaður af öflum sem sjá aur í upplausninni, og sá aur á að koma úr þínum vasa Gunnar, og mínum vasa, úr vasa allar sem við köllum almenning.

Glundroðinn er flýtileiðin inní ESB, flýtileið ofurskattlagningu á landsbyggðina í gegnum veiðigjöld, að ekki sé minnst á eignaupptökuna sem kölluð er innköllun kvóta.

Glundroði er orkupakki 4.

Og þú ert fótgönguliði hans Gunnar í færslu þinni hér að ofan.

Kveðja að austan.

PS, góð lýsing hér að ofan á VG, þeim arma svikaflokki, en hún nær aðeins broti af því sem hægt er að segja, mér er til efs að til sé mannlegt mál sem nái utan um að lýsa dýpt þeirrar fyrirlitningar heiðarlegs fólks á þeim sem sviku sín helgu vé fyrir forfrömun og völd.

Svei attan.