Bandaríkin: klínískum prófunum lokið, bóluefni AstraZeneca öruggt og afar virkt

Skjáskot: Grein Wolfgangs Münchau í Eurointelligence á laugardag

****

BÓLUEFNI ASTRA-ZENECA DÆMT ÖRUGGT Í BANDARÍKJUNUM

Niðurstöður eru komnar úr klínískum prófunum á bóluefninu frá AstraZeneca í Bandaríkjunum. En bóluefnið er kennt við háskólann í Oxford í Stóra-Bretlandi, þar sem það var fundið upp

Í frétt Wall Street Journal í gærkvöldi kemur fram að klínískum prófunum sé nú lokið þar vestanhafs og að bóluefni AstraZeneca sé öruggt. Það er talið 80 prósent verndandi fyrir 65 ára og eldri, en sá aldurshópur í klínísku prófununum vestanhafs var mun stærri en þegar efnið var prófað austanhafs. Fær bóluefnið einkunnina 100 prósent í því að koma í veg fyrir alvarlegar sýkingar og sjúkrahúsinnlagnir hjá fólki á öllum aldri og kynþáttum

Engin vandamál með blóðtappa komu fram í prófunum. Hefur bandaríska ríkisstjórnin þegar pantað 300 milljón skammta af bóluefninu og þar af mun varnarmálaráðuneytið fá 200 milljón skammta. Um það bil 32.500 manns sem eru 18 ára og eldri tóku þátt í prófinu og var fimmtungur þeirra eldri en 65 ára

Framleiðandinn AstraZeneca segist muni halda áfram að rýna í niðurstöðurnar og ætlar að sækja um markaðsleyfi fyrir bóluefnið í Bandaríkjunum. En Donald J. Trump forseti lét Bandaríkin veita 1,2 milljarði dala til þróunar þess er hann setti Ljóshraðaáætlun sína til þróunar, framleiðslu og dreifingar bóluefna gegn kínversku Wuhanveirunni á laggirnar í mars 2020. Hátt í 20 milljarðar dala voru settir í áætlunina og hóf hinn fámenni en velmannaði vinnuhópur sem að áætluninni stóð, þegar greiðslur úr þeim poka af peningum í mars 2020. Þremur vikum síðar tók hinn litli vinnuhópur Borisar Johnsons til starfa við sama verk, austan Atlantsála í Bretlandi

En þá var hið helsjúka Evrópusamband, sem lífshættulegt er heilsu manna, ekki einu sinni vaknað í málinu og drattaðist það síðan síðast allra í veröldinni af stað í þessum málum. Varla hefur eins viðurstyggilegt og lífshættulegt fyrirbæri og Evrópusambandið skriðið um á evrópskri jörð á friðartímum, síðan að Adolf Hitler kanslari Þýskalands undirbjó sig þar síðast. Evrukreppan sem hófst 2008 var 10 ára hryllingur þjóðpyntinga og varir enn; Flóttamannamisfóstrið 2014 er enn að rústa Evrópu; Og núna síðast er það massadauði íbúanna vegna misþyrminga Evrópusambandsins á sjúkdómavörnum í löndum sambandsins. Tugir og aftur tugir þúsunda manna munu láta lífið af völdum Evrópusambandsins á þessu ári

Fáir nema vesælir og veiklunda menn og vitsmunaskertir einfeldningar leggja lag sitt við Evrópusambandið

Fyrri færsla

Eldgosið tekur fram úr álverinu í Straumsvík

Athugasemdir

[Ingólfur Sigurðsson, 23.3.2021 kl. 19:04]

Þú ert ekki trúaður á samsæriskenningar Gunnar, en Þórdís Björk, Jóhann Elíasson og nokkrir aðrir eru tortryggnari. 

 

Við höfum nú oft verið sammála um að Trump hafi verið betri kostur en Biden, en samt finnst mér það enginn gæðastimpill á AstraZeneca bóluefnið að hann skuli hafa lagt fjármuni í þróun þess. Hann hefur svo sem gert margt gagnrýnivert. 

 

Er hægt að treysta þeim sem framkvæma þessar klínísku prófanir? Það er búið að varpa rýrð á stórfyrirtæki, lyfjafyrirtæki, (sérstaklega Bill Gates) og Biden er hlynntur alþjóðavæðingunni, hans ríkisstjórn er ekki að reyna að skoða hina hliðina. 

 

Er það ekki grunsamlegt að þeir hækka þessa tölu frá 70% uppí 80% eða meira um virkni AstraZeneca einmitt þegar traustið á það minnkar?

 

Kemur Bill Gates hvergi nærri AstraZeneca?

[Gunnar Rögnvaldsson, 23.3.2021 kl. 20:42]

Þakka þér fyrir Ingólfur

Eina samsærið sem ég sé og sem er ekki kenning heldur staðreynd, er samsæri ríkisstjórnarinnar með Evrópusambandinu um að ræna þjóðina fullveldinu í sjúkdómavörnum og orkumálum. Það mál er ekki kenning heldur staðreynd. Þarna mun ég hefna mín og minna heldur betur í haust. Grimmilega.

Almenningur hefur ávallt skemmt sér með samsæriskenningum um hitt og þetta og er það bara eðlilegt. Til dæmis mætti velta því fyrir sér hvort að það sé samsæri að svo erfitt skuli vera að opna umbúðir utan um lyf, að til dæmis fólk með gikt geti ekki lengur opnað Íbúfen-pilludósina, sem inniheldur lyfið við giktinni. Ég er að vísu ekki með gikt, sem betur fer, en þetta fór í taugarnar á mér í dag. Þarna virðist eins konar verndar"fasismi" um vatterað líf vera á ferð.

Ef ég réði þá myndi ég skylda margar bólusetningar, eða eins og rætt er um í Bretlandi í dag.

Þegar ég var ungur á Siglufirði og í Kópavogi var maður ekki spurður, og tókst það án undantekninga allt vel.

Kveðja

[Daníel Sigurðsson, 23.3.2021 kl. 22:09]

Þessar bandarísku niðurstöður breyta engu um þá staðreynd að tvær ungar íslenskar konur fengu blóðtappa eftir að hafa verið bólusettar með Astra Zeneka nú nýverið.   Önnur dó í kjölfarið en hin mun enn liggja þungt haldin á gjörgæslu.  Svipaða sögu er að heyra frá Noregi. Þetta bóluefni var þegar komið með vafasamt orð á sér víða erlendis áður en þett kom upp hér.

Svo talar þú digurbarkalega um að ef þú réðir Gunnar að þú myndir skylda margar bólusetningar.   Hið tiltölulega lága hlutfall dauðsfalla af völdum Covid réttlætir á engan hátt skyldubólusetningu á meðan Astra Zenika liggur undir mjög sterkum grun um að valda blóðtappa og dauða. 

[Símon Pétur frá Hákoti (IP-tala skráð) 23.3.2021 kl. 23:27]

Mæli með að Daníel Sigurðssom og einnig Ingólfur lesi nýjasta pistil Þórdísar Bjarkar Sigurþórsdóttur, þar sem hún fjallar nokkuð hlutlægt um bóluefnin þrju, samanburð aukaverkana þeirra.  Þar kveður við nokkuð ný tón úr þeim ranni, eða sem hún segir kemur Moderna verst út hvað alvarlegar aukaverkanir varðar.  Og síst að AstraZeneca komi verr út en Pfizer.  Minni á að AstraZeneca er um 10 sinnum ódýrara en hin bóluefnin tvö, mRNA bóluefnin.

Það er gleðilegt að fólk eins og Þórdís sé nú byrjuð að fjalla hlutlægt um málið, en lélegra að Daníel sé fastur í sinnu þvermóðsku og villu.

[Gunnar Rögnvaldsson, 23.3.2021 kl. 23:45]

Þakka þér fyrir Daníel.

Oxford/Spitfire bóluefnið frá AstraZeneca veitir ekki vörn gegn því lífi og fylgikvillum þess sem það er framleitt til að vernda. Allir sem fá bóluefnið munu halda áfram að fá hitt eða þetta og þar á meðal bóltappa í mælinum X á hverjar tíu þúsund manneskjur, eins og gengur og gerist alla daga ársins, hvert einasta ár.

Þó svo að lífið haldi áfram eftir bólusetningu þýðir það ekki að allir kvillar þess séu bólusetningunni að kenna.

Það fólk sem fengið hefur til dæmis Röra- og Þjóðveramóðursýki eftir að hafa verið bólusett með Oxford/Spitfire bóluefninu, er hluti af óhjákvæmilegum aukaverkunarsönnum fyrir því að bóluefnið virkar. Þær aukaverkanir eru kosturinn við efnið en ekki galli.

Annars leiðist mér þessi bóluefna-elítuismi. Ef efnið er viðurkennt og samþykkt þá ættu menn að nota það í stað þess að keyra rógburðarherferðir gegn því.

Kveðjur

[Ómar Geirsson, 24.3.2021 kl. 08:52]

Sem er kjarni málsins;

"Ef efnið er viðurkennt og samþykkt þá ættu menn að nota það í stað þess að keyra rógburðarherferðir gegn því.".

Eðlilegt líf er í húfi, og menn eru í svona sandkassaleik.

Ótrúlegt.

Kveðja að austan.

[Ingólfur Sigurðsson, 24.3.2021 kl. 13:56]

Ómar og Gunnar, ég lít á ykkur sem ákveðna bloggvini mína og kann vel við ykkur. Ég var að enda við að skrifa pistil sem byggir á nýjustu upplýsingum og viðtali við Kára Stefánsson, þar sleppi ég öllum hártogunum um bóluefni en vind mér beint í kjarna málsins, sem er að vekja athygli á boðskap Kára, að kannski sé fjórða bylgjan hafin.

 

Ég hef stundum lesið útlend og innlend samsærisblogg og haft gagn og gaman af, finnst mér, og kannski orðið fyrir of miklum áhrifum. Mínar athugasemdir reyni ég að hafa málefnalegar sem innlegg í eðlilega andmælaumræðu, en forðast rógburðarherferðir. Hins vegar má vera að daðri maður við ákveðinn málstað sé maður farinn að tengjast slíku óvart.

 

Eins og ég segi í mínum pistli tel ég rökræður um bóluefni grafalvarlegt mál en ekki sandkassaleik, því vísindamenn viðurkenna að full reynsla verður ekki komin á þau fyrr en að lengri tíma liðnum.

 

Taki maður mark á Kára er þó fjas um bóluefni óþarft, og nauðsynlegt að fara eftir þeim sem vara við, herða sóttvarnarreglur. Hvet ykkur til að skoða viðtalið við Kára.  

[Daníel Sigurðsson, 24.3.2021 kl. 15:41]

Ég leyfði mér aðeins að benda á þá grafalvarlelgu staðreynd að tvær ungar íslenskar  konur fengu blóðtappa í kjölfar bólusetningar með bóluefninu Astra Zeneca með þeim afleiðingum að önnur lést og hin mun enn liggja þungt haldin á bráðadeild eftir því sem ég best veit.

Ég frábið mér aðdróttanir um að ég sé þar með haldinn þvermóðsku og villu,eins og þú vænir mig um Símon Pétur, hvað þá að um sé að ræða rógburðarherfeð eins og þú Ómar kemst að orði.

Svona gífuryrði eru ykkur til  skammar í þessu viðkvæmu máli og hreinlega móðgun við aðstendendur  þessara ungu kvenna.

Það kemur ekki fram í pistli Þórdísar Bjarkar sundurliðun á hverskyns alvarlegar aukaverkanir er um að ræða.   Staðreyndin mun sú að bólefnið Astra Zeneca sker sig úr varðandi tlfelli með blóðtappa.  Því er auðvitað í hæsta máta eðlilegt að ráðandi aðilar á Íslandi og Noregi staldri við varðandi þetta bóluefni.   Hafa ber í huga að sklyrtur lagalegur þróunar- og tilraunatími með ný bóluefni munu vera 10 ár. Því er hér um algerar undantekningar að ræða að öll þessi bóluefni skulu vera komin á markað eftir margfalt styttri tíma.  Það er því fullkomlega eðlilegt að yfirvöld staldri við þegar um banvæn alvarleg ný tilfelli er að ræða.

Þó bóluefni sé viðurkennt og samþykkt, eins og komist er að orði hér að ofan,  þá hitta men aðeins sjálfan sig fyir ef þeir hinir sömu væna aðra um rógsherferð sem benda einfaldlega á staðreyndir um dauðsföll í kjölfar bólusetninga. 

Ef svona ótímabærum dauðsföllum í kjölfar bólustneingar fjölgar, ekki síst meðal yngra fólks,  þá er fullkomlega eðlilegt að hver og einn veltI því alvarlega fyrir sér hvor kosturinn sé skárri brúnn eða rauður,  annars vegar að láta bólustetja sig eða taka hina áhættuna og veikjast hugsanlega af COVID-19.   

Þið kjaftaskarnir hér að ofan skulið ekki láta hvarfla að ykkur að þið getið með gífuryrðum  stungið upp í þá sem benda á ógnvekjandi staðreyndir um neikæðu hliðarnar á bóluefnum þessum en þar eru vitaskuld ekki öll kurl komin til grafar einfaldlega vegna þess að tilraunatiminn er margfalt styrttri en lög kváðu á um.

[Ómar Geirsson, 24.3.2021 kl. 15:52]

Blessaðir þið félagar þarna hörundsáru hér að ofan.

Ég held að það blasi við öllu að Gunnar var í athugasemd sinni að fjalla um málið út frá því sem er að gerast á alþjóðavettvangi þar sem ákveðin bóluefni hafa verið tekin í gíslingu pólitískra hagsmuna.

Þið eruð ágætir, en ég allavega var að innslaga hér að ofan eftir lestur pistils hans, og fannst hann ná kjarna málsins vel.

Að öðru leiti er það Gunnars að fjalla um einstakar athugasemdir.

Kveðja að austan.

[Ómar Geirsson, 24.3.2021 kl. 22:01]

Sælir aftur félagar.

Rakst á þessa ágætu stöðufærslu á feisbók hjá Bigga löggu. 

Birti hana lítt stytta hér að neðan, lesist með hliðsjón af þessum orðum Gunnars; "Oxford/Spitfire bóluefnið frá AstraZeneca veitir ekki vörn gegn því lífi og fylgikvillum þess sem það er framleitt til að vernda. Allir sem fá bóluefnið munu halda áfram að fá hitt eða þetta og þar á meðal bóltappa í mælinum X á hverjar tíu þúsund manneskjur, eins og gengur og gerist alla daga ársins, hvert einasta ár.".

Biggi lögga;

"Berum saman tvö lyf.

Meðal algengra aukaverkanna, þ.e. yfir 1% þess fyrra eru m.a.;

Höfuðverkur, þreyta, svimi, kviðverkir, meltingartruflanir, magaóþægindi, svartar eða blóðugar hægðir, blóð í þvagi, syfja, svefnleysi, uppköst, uppþemba, brjóstsviði og æsingur eða viðkvæmni. Auk þess hefur verið sannað samhengi lyfsins og aukinnar hættu á hjartastoppi!

 

Hjá hinu lyfinu hefur komið í ljós hugsanleg tengsl þess við blóðtappa í 25 tilfellum af 20.000.000. Orsakasamhengi hefur samt ekki verið sannað.

Seinna lyfið er hið margumtalaða Covid bóluefni frá Astrazenica. Hið fyrra er Íbúfen.

 

Stundum er gott að setja hlutina í smá samhengi. Ég tek Íbúfen þó ég sé bara með hausverk og ég hefði svo sannarlega líka þegið bóluefni Aztrazenica á núll einni. Þar er ábatinn talsvart mikið stærri og mikilvægari.".

 

Það er nefnilega svo að það hefur ekki ennþá verið fundið upp lyf með virkni, sem hefur ekki óæskilegar hliðaverkanir sem við kennum við auka.

 

Til dæmis þá hafa bresk heilbrigðisyfirvöld mælt með notkun magnyls til að draga úr líkum á blóðtappa, hvort sem það er í heila eða hjarta.  Sagt eftir minni en mig minnir að það hafi átt að auka lífslíkur hundruð þúsunda.  Meinbaugurinn var auknar líkur á heilablæðingu hjá tugþúsundum.

 

Það er ekkert annað hvort eða í þessu dæmi öllu saman.

 

Kveðja að austan.