Eldgosið tekur fram úr álverinu í Straumsvík

Tónverkið Charmaine í byltingarkenndri útsetningu hljómsveitar Mantovani 1951 - og sem kom í stereó-útgáfu hjá Decca í Lundúnum 1959. Þarna var um eina stærstu byltingu í hjómtækni nútímans að ræða. Hin svo kallaða strengjahrina (e. cascading strings) þar sem örlítil seinkun er viðhöfð á fiðlubogum hljómsveitarinnar, fær strengina til að magnast upp og mynda þennan ótrúlega stóra og breiða hljóm, ekki svo fjölmennrar strengjasveitar. Þarna fæddist brautryðjandi síðari tíma geimferðatónlistar, og það áður en rafmagnshljómborðin komu til sögunnar sem eftirhermur. Já, fiðlan er ótrúlegt hljóðfæri. Verkið passar ágætlega við eldgos (í myrkri) og jafnvel við álframleiðsluna í Straumsvík líka. Hljómborð Chopin eru samt uppáhald mitt, en þá verður viss herra Horowitz helst að sitja við þau og spila verk hans, bremsulaus

****

30 TONNA FRÉTTAGOS Á SEKÚNDU

Já þetta er "lítið" og "ræfilslegt" eldgos, eða um það bil ca. 30 tonn á sekúndu núna (10 m3 á sekúndu með eðlismassa hrauns á ca. 2,7) og er þetta litla og krúttlega eldgos þá búið að framleiða hálfa milljón tonna af hrauni síðan í gærkvöldi. Það er tvöföld þyngd ársframleiðslu álversins í Straumsvík. Síðast þegar gaus á Reykjanesskaga, þá var það víst á tímum Snorra í kringum árið 1240 og þá gaus í ca. 30 ár. Þessu gosi núna aflýstu "sérfræðingar" hins vegar klukkan 18 í gær, eða áður en það hófst. En virðist sú aflýsing þó ekki hafa tekist alveg, þannig að úr varð fréttagos

Séótveir eða Co2 frá þessu fréttagosi mun náttúrlega drepa jörðina á núll komma fimm, samkvæmt helgi-trúarritum Rauðu lofthita-kirkjunnar, því lofttegundin Co2 er samtals 0,04 prósent af gufuhvolfi jarðar. Rosalegt maður! Sem sagt: búið ykkur undir dauða alls og allra um alla eilífð, þvi massi allra 7,8 milljarða manna á jörðinni er 0,0000000000078 prósent af þyngd hennar - og eru þá heilabúin talin með og hver lifandi maður því settur á 60 kílógrömm. En massi jarðar er 5.973.600.000.000 milljarðar tonna (5,9736×10 í 24. veldi kg.) Allur massi manna á jörðinni vegur því hlutfallslega 213 þúsund sinnum minna á jörðinni en ein 1-milligramma höfuðlús vegur á höfði eins manns

Framleiðsla áls í heiminum er 64 milljón tonn á ári og þar af framleiðum við tæpa milljón tonn hvert ár hér heima og þar af er Straumsvík ca. 0,25 milljón tonn á ári. Þetta litla hobbýgos núna myndi þá framleiða alla þyngd þess heims-brædda massa á einum mánuði, eða 65 milljón tonn. Eldgosið í Holuhrauni 2014 var 100 m3 á sekúndu, eða tæp 16 þúsund tonn á mínútu, og hefði verið þrjá daga að gubba upp 64 milljón tonnum af bræddum massa, eða hér um bil

Já það má reyna að vona að fólk fari sér ekki að voða núna. En þar sem massíft of margir halda að þeir séu með snjallsíma-heiminn í hendi sér og því ódauðlegir, þá má búast við öllu

Og nú gæti einhver kverúlantinn með háskólagráðu, og sem því kallar sig "vísindamann", fundið upp á því að segja að "nýtt gat í ózonlaginu" sé að myndast yfir Íslandi vegna gossins, og hrætt fólk upp úr (vegan-plast) skónum næstu 20 árin og fengið okkur (ykkur, en ekki mig) til að hætta að nota-eða-gera A, B eða C. En þannig var það með síðasta "gat" í því lagi, sem þá varð mikið spilað dægurlag í hinum rauðu miðaldahöllum nýSovét-vísindanna seint á síðustu öld. Allt saman eitt stórt fís, kjaftæði og histería, en þó samt ekkert miðað við allsherjarþvælu hinna rauðu loftslags-kirkjutrúarmanna núna

Nú hljóta líka allar síður hinnar rauðu Wikipedíu að verða uppfærðar og settar í stílinn, því þetta eldgos breytir auðvitað öllu, ekki satt? Til dæmis mætti klína þar inn tengingu við hvað við menn eru vondir, og að við höfum kallað þarna fram reiði Rauðu loftslagsguðanna. Ja hérna...

En ef þetta verður eins og síðast á tímum Snorra, þá er ansi líklegt að fólk verði orðið frekar þreytt á gosinu eftir 30 ár og því búið að flytja höfuðborgina til Akureyrar og flugvöllinn líka. Hmm kannski hugmynd að spekúlasjón á fasteignamarkaði... tralla la la....

Fyrri færsla

P-pillan að verki hjá "sérfróðum" í Noregi?

„Pínulítið gos“