Varðskipið Týr eldra en Áslaug Arna - og veit meira

Fyrst að "notuð en nýleg" skip eru svona ódýr og á góðu verði núna, af hverju eru þá ekki keypt þrjú svona skip, fyrst að þau henta svona vel? Það bráðvantar tvö ný varðskip og eitt til vara. Og fyrst að um framfarir á að vera að ræða, þá er um að gera að undirstrika að ganghraði þessa fyrirhugaðra Lloydsman-klumps er minni en gangharði v/s Týs - og þeir velta meira. Svo eru þeir alveg hroðalega ljótir. Meira að segja v/s Baldur-togari var fallegri og myndi sennilega enn fá að koma inn og leggja að við Gorgónsalahallir Reykvíkurborgar, þar sem markaðsvirði og jafnvel notagildi dómsmálaráðherra er ekkert, og fást þeir því fyrir ekki neitt

Varðskipið Týr var 45 ára á síðasta ári og ekkert var gert. Þá var Áslaug Arna dómsmálaráðherra eins og núna, og eyddi sennilega 15-20 milljörðum í peningahælisleitendur frá öðrum plánetum

Árið áður var v/s Týr meira að segja 44 ára og þá var Áslaug Arna jafnframt dómsmálaráðherra líka. Þá eyddi hún sennilega 10-15 milljörðum í peningahælisleitendur. Þegar þessi árssóun í peningahælisleitendur frá öðrum sólkerfum og DDRÚV er lögð saman, þá birtist einn nýr og sérsmíðaður v/s Þór annað hvert ár. En sé hins vegar nýr v/s Þór bara látinn birtast á fimm ára fresti, þá er þar að auki hægt að fá nýtt vegakerfi fyrir stóran hluta Íslands að minnsta kosti tvisvar á hverri öld

Áslaug Arna hefur ekkert markaðsvirði, en samt er hún af einhverjum ástæðum talin nothæf - og rekstur hennar er ekki ókeypis. Hún er mun yngri en v/s Týr og veit því lítið. Hún vissi til dæmis ekki að v/s Týr var árinu yngri í fyrra, en það var árið sem hún gerði ekki neitt

Það eru ekki rök að v/s Týr sé orðinn 45 ára. Ef hann hentar enn vel sem sérsmíðað gæðaskip með 19 sjómílna ganghraða og sem þolir ís –og íshaf– og ekkert nema viðhald amar að honum (viðhald kostar alltaf), þá hlýtur það að gilda sem rök, fyrst að aldurinn skipti ekki máli þegar sjálf Áslaug Arna var sett í ráðherraembættið, vitandi minna en v/s Týr

Neyðar- og örvæntingarlyktin sem frá þessu máli öllu leggur, er nákvæmlega sú sama og öll bóluefnislaus ríkisstjórn Stóra aumingjadóms ESB-taglhnýtinga lyktar af. Og hún samsvarar stækjunni sem leggur frá fjandsamlegu óheilbrigðiskerfi Svandísar sovéts. Þið hafið næstum því svelt Landhelgisgæsluna til dauða

En svo koma náttúrlega þrír milljarðar í breytingar, því slíkt er næstum óhjákvæmileg regla, frekar en undantekning, þegar ráðherrar svíkjast um. Plús kostnaðurinn við að sitja uppi með skip sem aldrei mun passa fullkomlega í hlutverkið sem varðskip Íslands

Af þessu má ráða að þarna er allt í volli og ekkert hugsað, svo ekki sé minnst á skömmina sem fylgir því að vera ekki enn komin í gang með ekta íslenskt varnarlið sem sinnt getur loftrýmisgæslu í lofthelgi Íslands, í stað þess að ausa peningum skattgreiðenda í atvinnuleysisbætur til handa innfluttum Schengen-láglaunaþrælum hinnar ávallt tapsgefandi ferðaþjónustu og svo í byggingariðnaði, ásamt í innfluttar plágur peningahælisleitenda frá öðrum plánetum

Hvar eru NATO-prósentin okkar tvö? Eru þau nokkuð orðin fimm? - en þeim hins vegar sólundað í pólitísk séráhugamál delluhokrara og loftslagsgerðarmanna?

Þessi dapra staða íslenskra stjórnmála vegna Evrópusamstarfs um rekstur þjóðdrekkingarhyls ásamt tortímingu fullveldis og sjálfstæðis ríkja, leiðir huga okkar að því hversu mikið stórveldi í Norðurhöfum við Íslendingar vorum þegar við höfðum þor og efnahug á að láta byggja tvö ný og sérsmíðuð varðskip fyrir okkur sjálf og engan annan, og það hjá einni ríkustu þjóð veraldar, en sem hrapað hefur heldur nú betur herfilega á þeim skala sökum ofangreinds "samstarfs" og plága. Vorum við þá bara 200 þúsund manns, en sem betur fer laus við þann þjóðdrekkingarhyl Evrópusamstarfs sem EES og Schengen hafa sökkt okkur í. Passlegt er hér að leggja óþakkarsveig við árangursleysi og skaðræði beggja - og frussa og hrækja!

Fyrri færsla

Varnar- og sóttvarnarmál eru stjórnmál. Klúður Merkels orðið krónískt. ESB stöðvar útflutning á Oxford/Spitfire til Ástralíu [u]

Áslaug tilkynnti kaup á varðskipinu Freyju

Athugasemdir

[Sigurður Kristján Hjaltested, 6.3.2021 kl. 10:50]

Engvu vid ad baeta. Snilldarpistill

[Jóhann Elíasson, 6.3.2021 kl. 10:59]

Stórkostlegur pistill og ætti að vera skyldulesning hjá Dómsmálaráðherra.....

[Snorri Gestsson, 6.3.2021 kl. 11:29]

Takk fyrir, ótrúleg skammsýni hjá fólki

[Birgir Loftsson, 6.3.2021 kl. 11:46]

Er eitthvað vitað um hvers konar eða hvaða gerðar þetta nýja varðskip á að vera?  Það er ótrúlegt hve lengi íslensk stjórnvöld reka ríkisskip.  Svo er að sjá að Ægir sé ennþá í þjónustu, smíðaður 1968! Rannsóknarskipið Bjarni Sæmundsson er t.a.m. smíðaður 1970 og fleiri skip eru komin á aldur. Þessi skip (og loftför) eru höfð svo lengi í rekstri, að mun hagkvæmara væri að smíða ný skip. Nýjar vélar þurfa minna viðhald og eyða minna eldsneyti.Fyrr má nú nýta hlutina en þetta er út í hött.   

[Símon Pétur frá Hákoti (IP-tala skráð) 6.3.2021 kl. 12:18]

Svona er að hafa formann flokks

sem handvelur sér puntudúkkur til ráðherradóms.

Ábyrgðin hvílir öll á þeim flokki.

Eitt sinn naut sá flokkur allt að 45% fylgis.

Nú þegar hefur það, skiljanlega, hrunið í 22%.

Ástæðurnar?  Um þær má lesa í pistlum þínum.

Takk fyrir enn einn skýringarpistil þinn

um hvað valdið hafi hruni Sjálfstæðisflokksins.

[Gunnar Rögnvaldsson, 7.3.2021 kl. 08:49]

Þakka ykkur fyrir.

Ég veit ekki mikið um þessi fréttaskip. En næstum öll skip sem þjónusta og aðstoða olíuútgerðina og sem nefnd eru í fréttinni, líta næstum eins út. Þ.e.a.s. eins og stór þríhjóla tvígengis-tralli af síldarplani með pall að aftanverðu og of þungan mann sitjandi fram á; alveg við það að falla fram yfir sig, og sökkva þau því sennilega hraðar.

Þetta eru í raun eins konar dráttar- og akkerisskip með birgða- og athafnapalli. Kannski eins og gamall frambyggður Bedford-vörubíll sem klesst er felgulausum ofan á pramma með skrúfum. Sérhönnuð blanda af dráttarbáti og pramma.

Dæmi: Boa  Þessi skip skjóta sér að minnsta kosti ekki að til að klippa á neina togvíra í hvelli.

Ef af verður, mun byssan sennilega verða sett aftan á, þ.e. megi hún yfirhöfuð vera um borð fyrir löggæsluofnæmi vinstrisins. Nema að krossfesta eigi skyttuna framan á brúna. Skipið verður þá að bakka að skotmarkinu, áður en því sjálfu er sökkt. Það getur að minnsta kosti ekki neitt í líkingu við þetta.

Þessi skip eru svo sérhæfð að þau seljast náttúrlega alls ekki. Til dæmis máttu lánadrottnar 2017 samþykkja endurskipulagningu Boa Offshore sem varð illa úti er hrun Kína sprengdi síðustu hrávörumarkaðsbólu í tætlur 2014, og sem allir eru búnir að gleyma við skoðun kínverskra glansmyndasería sinna í dag.

Skilst mér að norska ytri-landhelgisgæslan hafi leigt Boa Jarl systurskip þessa skips í 5-10 ár.

Vélin er náttúrlega frammí. Vinur minn var yfirmatreiðslumeistari á svona aðstoðarskipi hjá Mærsk, mest norður af Skotlandi, og vélin sagði sitt allan tímann um borð. Þeir sjómenn sem þekkja langveruna í smugunni um borð í togara með vélina frammí vita vel hvað kleppur er.

En hitt veit ég að ráðherrann hefur ekki unnið heimavinnu sína sökum yfirþyrmandi þjóðdrekkingaranna og er því gripið til bráðabirgða-andlitsfarðans núna, til að fela rauða roðann út austri, sem einkennir þessa ríkisstjórn alla.

Það er óþolandi hvernig þetta þjóðdrekkingarlið og taglhnýtings-vesalingar umgangast helgidóma hins nýja lýðveldis okkar Íslendinga frá 1944. Er eins og að það sé ekki í þjóð með okkur lengur. Næstum búnir að svelta Landhelgisgæslu Íslands í hel, á meðan hrikalegum summum af skattfé skattpínds almennings og sjávarútvegs er bókstaflega sturtað eins og úr hlandkoppi út um gluggana, til að halda því sjálfu á floti og í glóbalista-áliti erlendis, sérstaklega hjá einangrunarbúðum Evrópusambandsins.

Kveðjur