Mýtan um Evrópusambandið

Hlaðvarp Spiked um ESB-útópíuna og bóluefnismálið. "Hvernig heimsfaraldurinn afhjúpaði ESB gersamlega" má síðan lesa hér

****

Ekki þýðir annað en að birta hér á útlensku um það málefni sem hver fjölmiðill með virðingu fyrir sjálfum sér ætti að birta hér heima en gerir ekki, nema Morgunblaðið. Og hér er alveg sérstök ástæða til að benda á lokaðan ríkisfjölmiðilinn DDRÚV. En hann hefur á hinum síðustu árum loksins fundið gluggatjöldin sem Halldór Laxness sagði að væri það eina sem Sovétríkjunum vantaði, því ekkert um ástandið í Vesturlöndum-nær sleppur út úr DDRÚV. Sérstaklega ekki um ESB-gjaldþrotasambandið. Aðeins þær fréttir sem passa við stefnuskrá DDRÚV sleppa út

Nú segir Ursula von der Leyen forseti framkvæmdastjórnar ESB að sambandið sé framar Afríku í bólusetningum gegn kínversku Wuhanveirunni. Er þetta ekki stórkostlegt. Meginlandsfyrirbærið ESB er að breytast í eins konar Norður-Afríku

En þá ber að geta þess að sá/sú stjóri/ína er sérstakur útsendari Angelu Merkels, sem aðstoðarritstjóri breska Telegraph segir að sé ofmetnasti stjórnmálamaður sinnar kynslóðar á meginlandi Evrópu. Hvorki meira né minna. Allt sem hún kemur nálægt leggur hún í rúst

Merkel og forseti Frakklands hafa nú breyst í eins konar bólusetningar-afneitara sökum þess hversu vel nýfengið fullveldi og sjálfstæði Bretlands virkar fyrir það þegar að lífsmikilvægum málum eins að verja þjóðina í og gegn heimsfaraldri kemur. Þar æða Oxford/Spitfire um Stóra-Bretland og hafa nú þegar bólusett 17 prósent þjóðarinnar á meðan, sem sagt, Evrópusambandið miðar sig við Afríku

Ekki gleyma að minnast hér á þriðja flokks orkupakka Evrópusambandsins Gunnar, því nú er svo kalt í veðri í turni ESBhrópsins að Svíar mega helst ekki ryksuga heima hjá sér vegna ESB-hugmyndafræðilegs orkuskorts og pappírsverksmiðjur landsins neyðast til að loka niður, því þá er rafmagnið svo dýrt. Þarna er draumur rafbílasovétsins sannarlega að rætast; bara má keyra á sunnudögum? Hjarðónæmi meðal forystu Sjálfstæðisflokksins gegn kjósendum hans hefur hins vegar verið náð. Það er þó eitthvað

Og hugsa sér. Nú er ástandið á Ítalíu svo "rosalega gott", eina ferðina enn, að ókjörinn Mario Draghi fyrrum ECB-seðlabankastjóri er að setjast þar við stjórnartaumana, einungis vegna þess að hann þekkir fólk um borð í seðlabanka evrunnar. Kjósendur koma hvergi nærri. Hvert skyldi nú aftur ítalska skútan vera á leiðinni? Tvær aðrar samsteypuríkisstjórnir riða nú til falls á meginlandi Evrópu: í Hollandi og Austurríki

Það besta sem gerst gæti fyrir Ísland er að viðurkenna að við Íslendingar eins og Bretland, getum ekki búið við meginland Evrópu því við erum ekki í Evrópu, og að við leggjum því aftur aðaláherslur okkar í utanríkisviðskiptum á Stóra-Bretland og Norður-Ameríku og nágranna þess í norðri, því ein og sér eru Bandaríkin stærri, öruggari og mun betri og þróaðri viðskiptamarkaður en allt meginland Evrópu. Á því meginlandi er nefnilega flest viðstöðulaust á leið til nýrrar heljar

Segja þarf EES-samningum upp og forða Íslandi út af lögsögu Evrópusambandsins áður en hún dregur okkur lengra niður í meginlandssvað hins þriðja farrýmis hagkerfa. En þar hefur Þýskaland nú náð því nýja en samt gamla þróunarstigi á ný, að það myndi endurframleiða næstum hvað sem er til aftöku á hverju sem er hvar sem er, græddi það túkall á því. Þar býr gömul púðurtunna sig undir nýjar hæðir, einu sinni enn

Bara þetta árið munu hundruð þúsunda manna missa lífið á meginlandi Evrópu vegna pólitískar hugmyndafærði elíta þess um ESB. Sovétríkin voru líka þannig. Þannig hugmyndir kosta nefnilega mannslíf, því þær eru drápsmaskínur

Fyrri færsla

Pútín hinn almáttugi? eða hvað

Athugasemdir

[Jónatan Karlsson, 7.2.2021 kl. 11:01]

Er það ekki undarlegt að enginn stjórnmálaflokkur hér á skerinu hafi það skýrt og skorinort á stefnuskrá sinni að tafarlaust beri að slíta öll tengsl við EES og Schengen, auk auðvitað allra annara leyndra loðinna hálfkveðinna umsóknardrauma í sjálft ESB ríkið?

Hvernig stóð annars á því að tillaga Flokks fólksins þess efnis að kosið yrði hreint og beint á Alþingi Íslands með nafnakalli um formleg slit umsóknarviðræðna Íslands í ESB - fór aldrei fram?

[Gunnar Rögnvaldsson, 7.2.2021 kl. 16:07]

Þakka þér Jónatan.

Ekkert sem heitir "umsóknarviðræður" er til. Aðeins innlimunareftirlit fer fram.

Alþingi getur hvorki sótt um né hætt við umsókn í ESB, því það er ekki pólitískt yfirhöfuð Íslands.

Evrópusambandið dílar einungis við pólitísk yfirhöfuð ríkja (e. Heads of States). Það dílar ekki við þjóðþing ríkja. Innanríkispólitískar deilur, rykmekkir og stjórnarskrárbrot þingmanna og ráðherra er ekki þess mál.

Ísland er ekki umsóknarríki lengur. Ríkisstjórn Íslands (e. Head of State) hætti henni.

Kveðjur

[Grímur Kjartansson, 7.2.2021 kl. 17:03]

Nær allir flokkar, fyritæki og lífeyrissjóðir hafa verið að mæra eitthvað sem þeir kalla grænar fjárfestingar.

Nú er komið í ljós að ESB ætlar sér að ákveða hvaða fjárfestingar  eru grænar og hverjar ekki. Einsog er þá er skógrækt ekki græn

EU:s förslag att ta bort skog på listan över hållbara investeringar oroar Sverige | SVT Nyheter

Svíarnir eru á leið til Brussel til að reyna hafa áhrif á konóristana með öllum ráðum þar með talið Namibíu aðferðum.

[Gunnar Rögnvaldsson, 7.2.2021 kl. 19:14]

Þakka þér fyrir Grímur.

Þú manst eflaust eftir delluguðspjalli bankabóluáranna.

Græna bólan er alveg eins; þ.e. á leið í allsherjarþrot.

Ég man ennþá eftir "Nýja hagkerfinu" í höfðum stjórnmálaelíta og fjárfesta á dot.com bóluárunum. Það rugl hrundi líka og veruleiki flatbrauðs með hangikjöti snéri auðvitað aftur, og delluna niður. Jafnvel hátæknisalerni Bill Gates hættu að anda.

Þegar menn taka bólutrú þá eru þeir í reynd að reyna að tryggja sig gegn því að líta út sem bjáni í augum nágranna og kollega (e. hedging against stupidity). Þannig er ferill allra bóla.

Kveðjur

[Jónatan Karlsson, 7.2.2021 kl. 21:35]

Þegar ég tala um að loðin endalok umsóknar Íslands, þá virðist Wikipedia og þá væntanlega ESB sömuleiðis einungis vera á þeirri skoðun að aðildarviðræður hafi einungis verið stöðvaðar og ekkert nánar um hvað lengi, eins og sjá má á eftirfarandi texta:

Aðildarríki og stækkunarlotur:

Sex ríki eru opinberlega umsóknarríki, sem þýðir að þau hafi hug á að ganga í ESB og verið sé að meta það hvort þau uppfylli skilyrði sem ákveðin voru á leiðtogafundi í Kaupmannahöfn árið 1993.[2] Þau eru Albanía, Ísland, Fyrrverandi Júgóslavíulýðveldið Makedóníu, Svartfjallaland, Serbía og Tyrkland. Ríkisstjórn Íslands hefur þó ákveðið að stöðva aðildarviðræður.

[Gunnar Rögnvaldsson, 8.2.2021 kl. 00:49]

Jónatan.

Sjálft Wikipedia veit ekki neitt. Það er bara samkomustaður fólks í gratís-geira veraldar (fólk sem fær oft hvergi vinnu og er á framfærslu skattgreiðenda) og sem hefur gaman af því að láta líta svo út að það viti eitthvað. Og sem heimildir notar það í yfirgnæfandi mæli vinstrisinnaða fjölmiðla, hugveitur og þá sem segjast vera en eru ekki vísindamenn nema að nafninu til. Wikipedia er því að mörgu leyti aðeins áróðurstæki fólks sem aðrir hafa hafnað. Og því hrakar stöðugt.

Wikipedia veit til dæmis ekki hvaða ríki ganga næst úr Evrópusambandinu. Það vissi heldur ekki að Bretland myndi ganga út Evrópusambandinu fyrr en eftir að það gekk úr Evrópusambandinu. Wikipedia veit heldur ekki hvað Evrópusambandið er.

Þér er frjálst að trúa því, en þú verður ávallt að stóla fyrst og fremst á þínar eigin rannsóknir og hugsanir. Að vitna í Wikipedia er löngu liðin tíð. Þannig enda öll prójekt gtatís-geira vinstrimanna.

[Gunnar Rögnvaldsson, 8.2.2021 kl. 01:56]

Og ég minni þig á Jónatan að þú heldur áfram að tala um "aðildarviðræður". En þær eru ekki til. Það eina sem fram fer er innlimunareftirlit. Engar aðildarviðræður eiga sér stað þegar sótt er um inngöngu í Evrópusambandið. Ekki frekar en aðildarviðræður um dómsniðurstöður við dómara hæstaréttar eða ökukennara fara fram. Allar þjóðir sem sækja til dæmis um inngöngu í Ísland verða að taka upp íslenska löggjöf. Um ekkert er að semja.

[Jónatan Karlsson, 8.2.2021 kl. 06:58]

Jæja Gunnar, við náum líklega ekki lengra með þennan ágreining okkar varðandi trúverðugleika uppsagnar ESB umsóknar okkar, sem ég vona þó innilega að leiði að lokum í ljós að neikvæður efasemdarmaðurinn ég, lúti í lægra haldi.

[Símon Pétur frá Hákoti (IP-tala skráð) 8.2.2021 kl. 10:58]

Jónatani til varnar, að nokkru, minni ég á að Styrmir hefur margsinnis og ítrekað haldið fram því sama og Jónatan varðandi að enn liggi aðildarumsóknin dormandi í skúffu í Brussel.  Og að hún hafi því aldrei verið dregin formlega til baka.  Hvað veldur því að Styrmir hefur ítrekað haldið því fram?  

[Gunnar Rögnvaldsson, 8.2.2021 kl. 11:13]

Þakka þér Símon Pétur.

Þú verður að spyrja Styrmir um það. 

Gjörðu svo vel, beint frá bákninu: Candidate Countries and Potential Candidates.

Sumir virðast halda að Jóhanna S sé enn á þingi og að kjósendur hafi ekki degið hana formlega til baka. En hún er samt farin.

Uppákoman í þinginu á sínum tíma var vegna þess að ríkisstjórnin hafði ekki meirihluta í þessu máli, og svo til heimabrúks því henni var ætlað að gefa umsókninni einhverskonar lögmæti og að dreifa sök í málinu um kosningasvik Vinstri grænna, sem voru svo yfirgengilegt að aldrei hefur annað eins sést.

Ríkisstjórn Samfylkingar og Vinstri grænna hafði ekki meirihluta í þessu ákveðna máli. Hún neyddist til að fiska eftir nokkrum marhnútum í þingsalnum og fann þá í formi persónulegrar pólitískrar ofsagræðgi þar sem þingmenn seldu sál sína fyrir stóla - og síðan með hjásetu til dæmis Þorgerða Katrínar Gunnarsdóttur, og auðvirðislegheita Ragnheiðar Ríkharðsdóttur.

Þarna stofnaði Samfylkingin sitt eigið pólitíska sláturhús er kjósendum hennar varð síðar ljóst að um ekkert var að semja nema beina aftöku Íslands. Hún varð því fimm komma sjö prósentu flokkurinn á þingi.

Og sömuleiðis byggðu Vinstri grænir þér þarna sína eigin fallöxi, og hjó hreyfingin sig niður úr tæpum 22 prósentum niður í tæplega 11 prósent.

Alþingi hafði ekkert með umsóknina að gera.

Kveðjur

[Símon Pétur frá Hákoti (IP-tala skráð) 8.2.2021 kl. 11:41]

Takk fyrir svarið Gunnar.

Þetta vissi ég, en það vekur mér furðu hvað valdi því að Styrmir hafi ítrekað reynt að rugla fólk í ríminu og af hvaða ástæðum hann geri það. 

Hann og Björn Bjarnason héldu lengi úti vefriti, evrópuvaktinni, svo maður hélt að þeir væru einarðir í andstöðu sinni, en annað hefur, beint og óbeint, komið í ljós.  Enda eru þeir einungis trúir forystu "Sjálfstæðisflokksins."  Og forysta þess flokks er ESB sinnaðri en andskotinn sjálfur, loðin og talar tungum tveimur.

[Gunnar Rögnvaldsson, 8.2.2021 kl. 11:47]

SP.

Styrmir er algjörlega gegnheill í þessu máli. Algjörlega andsnúinn ESB-innlimun. Og það ber að virða.

[Gunnar Rögnvaldsson, 8.2.2021 kl. 11:52]

Og Styrmir barðist einnig gegn þriðja orkupakkanum. Mjög svo og kröftuglega.

[Símon Pétur frá Hákoti (IP-tala skráð) 8.2.2021 kl. 12:01]

Gott Gunnar.

Já, það ber að virða en af einhverjum ástæðum heldur hann því fram að aðildarumsóknin sé enn hálfvirk ofan í skúffu og hún hafi aldrei verið formlega dregin til baka.  Við skulum vona að hann geri betur grein fyrir þessu áliti sínu.

[Gunnar Rögnvaldsson, 8.2.2021 kl. 12:30]

Sumir halda þetta, já. 

En ég er viss um að það er ekki rétt.

Þetta er misskilningur sem ég held að byggist á EEC(EB)-tímunum fyrir 1993 og tilkomu Acquis. Sést sá misskilningur einnig á því að sumir halda enn að eitthvað sé til sem heitir "aðildarviðræður". En þær eru ekki til. 

Allt það fór út um gluggann þegar ESB varð sjálfstætt yfirríki með tilkomu Maastricht, og skaffaði sér sína eigin stjórnarskrá sem dikterar Acquis.

[Símon Pétur frá Hákoti (IP-tala skráð) 8.2.2021 kl. 12:50]

"Aðildarviðræður" eru vitaskuld ekki til;

þar er eingöngu um aðlögunarferli að ræða.

Og aðlögun að ESB er augljóslega á fullu gasi

á  vakt, og með tilstuðlan, forystu

"Sjálfstæðisflokksins."

Kaflinn um sjávarauðlindir var skilinn eftir,

en orkuauðlindirnar eru falboðnar ESB

á vakt, og með tilstuðlan, forystu

"Sjálfstæðisflokksins."

[Theódór Norðkvist, 8.2.2021 kl. 14:44]

Hvað varðar Wikipediu, þá er ég ekki viss um að ég sé sammála þér. Mér hefur alltaf fundist fyrirbærið hafa verið góð hugmynd, að hafa ókeypis alfræðiorðabók á netinu.

Þó er varla hægt að segja að Wikipedian sé alveg ókeypis. Ég fékk stanslaust tölvupósta á tímabili, því ég styrkti þá einhvern tímann um einhverjar 100 krónur (sænskar) einu sinni eða tvisvar.

Ég held það sé reyndar rétt að það er komin veruleg vinstri slagsíða á Wikipedia-skútuna. Svo mikil að það er hætta á að hún sökkvi. Eins og öll skip (lesist: samfélög, stofnanir) sem fá á sig vinstri slagsíðu. Þau enda alltaf á hafsbotni.

Var að lesa umfjöllun Wikipedia um ásakanirnar um kosningasvindlið í BNA og þeir éta bara upp eftir vinstri Fact-twisters síðunum (eða hvað þær heita). Þeir munu ekki fá krónu frá mér aftur, hvorki íslenska né sænska.

Kannski er niðurstaðan sú að ekkert er ókeypis. Bara spurning um hverjir borga brúsann.

[Theódór Norðkvist, 8.2.2021 kl. 14:50]

Um ESB-umsóknina, ef hún er til, þá eiga þeir sem vilja halda henni til streitu einfaldlega að byrja að taka lyfin sín aftur.

Það er ekkert til að kjósa um. Það er ekki hægt að kjósa um það sem er ekki til staðar. Við getum það svo sem alveg, við getum kosið um hvort jörðin sé flöt. Verður hún flöt ef það er samþykkt af meirihlutanum?

Á sama hátt breytist ekkert eðli ESB, sama við hvað við x-um á einhverjum kjörseðli. Það er að vísu klárt mál að ESB mun þróast, en einungis niður á við. Þeir munu bara heimta meiri völd fyrir afæturnar í Brüssel, ekki mnni.

Eitt mesta heimsveldi mannkynssögunnar náði rétt svo að sleppa úr hrammi ESB og fór þaðan sundurtætt, þ.e. breska ljónið.Á hvaða lyfjum eru þeir sem halda að Ísland geti bara fengið hvað sem þeir heimta frá ESB?

[Guðmundur Ásgeirsson, 8.2.2021 kl. 22:13]

Jónatan.

Wikipedia er ágæt en hefur þó þann ókost að upplýsingar þar eiga til að úreldast og vera ekki uppfærðar fyrr en löngu seinna. Tilvitnun þín er skýrt dæmi um það.

Ég hef núna uppfært viðkomandi texta til samræmis við þá staðreynd að Ísland er ekki umsóknarríki.

Takk fyrir ábendinguna.

[Gunnar Rögnvaldsson, 9.2.2021 kl. 00:49]

Þakka þér fyrir innlitið og skrif Theódór - og þakka þér fyrir Guðmundur.

Get ekki annað en flissað dálítið ofan í kaffið mitt.

Kveðjur

[Árni Thoroddsen (IP-tala skráð) 9.2.2021 kl. 01:26]

Við Íslendingar erum í aðstöðu til að setja ESB afarkosti sökum legu landsins, og auðvitað hefur þetta komið fram í stríðsleikjum sem usa og nato hafa leikið.
Vitneskjan úr þessum stríðsleikjum er sú að véla verður fullveldi íslendinga frá þeim með öllum tiltækum ráðum, og helst skipta þjóðinni út fyrir sígauna, deila og drottna svo hún geti ekki látið ESB leggjast á knén til að biðja ísland um leyfi til halda áfram ógæfulegri tilvist sinni í eitt eða tvö ár í viðbót.

Og vissulega þurfum við að fara að íhuga hvort við getum leyft þessari vesælu eftirmynd ráðstjórnarríkjanna að tóra degi lengur.

[Helga Kristjánsdóttir, 9.2.2021 kl. 09:33]

Sæll Gunnar,blaðsíður þínar fullar af snilld,líka frá gestum; Afhverju þurfum við þá að þola þessa ríkisstjórn? Ein perlan þín er rituð á bloggi pallVill í dag,týmdi ekki að spilla henni með upphrópun.