Farið að fara um vélstjóra kosningasvikavélar Demókrata

Mynd: Donald J. Trump, hinn skilvirki forseti Bandaríkjanna. Sá eini sem þorði að segja sannleikann um Kína, Miðausturlönd, ESB og NATO. Þennan mann þola embættismenn og fjölmiðlar ekki, því hann dró tjöldin inn til þeirra frá og opinberaði þá sem litla og gagnslausa. Þeir hefna sín á forsetanum og kjósendum

****

ORÐNIR HRÆDDIR

Næstum eins og klukkan slær, er hægt að reiða sig á að þegar Demókratar óttast að upp um þá komist; þá birtast "fréttir", oftast í krafti nafnlausra "heimilda", og upptökum er lekið til "fjölmiðla" um samskipti Trumps forseta við umheiminn. Það eitt að upptöku af samtali forseta Bandaríkjanna við einn ríkisstjóra þeirra skuli hafa verið lekið, sannar að það var einmitt sama fólkið sem stóð að því að stela kosningunum frá forsetanum. Að njósna um og leka upptökum af samtölum forseta Bandaríkjanna eru einmitt svik, svindl og óheiðarleiki af svipuðu tagi og viðhöfð voru í forsetakosningunum, í að minnsta kosti fjórum ríkjum Bandaríkjanna, og á kjörsvæðum er lúta stjórn Demókrata. Og þeir sem framkvæmt geta slík svik og leka eru einmitt þeir sem hafa möguleikana á því, og þar með einnig möguleikana á að koma á fót kosningavikavél þeirri sem óvinnufær Joe Biden drafaði um og minnist á í aðdraganda kosninganna

Þá vitum við það. Demókratar eru orðnir hræddir. Verulega hræddir

Nítján ríki Bandaríkjanna hafa reynt að kæra kosningarnar til hæstaréttar landsins. En sá réttur vill helst ekki vera settur í þá aðstöðu að þurfa að skera úr um hver réttkjörinn forseti er. Að minnsta kosti ekki á meðan bandaríska þingið er með verkfærin til þess. En það gæti hins vegar komið að því að boltinn lendi einmitt á endanum fyrir hæstarétti

Bara það eitt að helmingur bandarísku þjóðarinnar trúi því af einlægni að svindlað hafi verið í kosningunum er út af fyrir sig nógu stórt vandamál til þess að loksins sé litið á sönnunargögnin fyrir rétti og þingi. En slíkt hefur enn sem komið er ekki verið gert, og allir sem hugsa vita hvers vegna

Fyrri færsla

Dópstöðin EES

Athugasemdir

[Sigfús Ómar Höskuldsson, 5.1.2021 kl. 00:40]

Það sem einn getur skrfað um ekki neitt.

Ríkisstjórinn sem tryggði sitt eigin sannleiksgildi með þvi að birta upptökur eftir langlokusamtal sitt við taparann Trump sem getur ekki, frekar en höfundur og all margir gesti hans, ekki sætt sig við skýr úrslit þann 3 nóv s.l.

Búið er að hrekja í einum 30 liðum flest öll þau atriði sem komu fram í rausi taprans.

Dæmi: Taparinn segir 5000 manns hafi kosið þau dauðir væru. Það rétta er það eru 2, tvö, dos, kaksi, tilfelli. 

Ríkisstjórinn er svo í sama flokki og taparinn alltént ef hann verður ekki klofinn í tvo flokka eftir fyrirhugaðar æfingar þann 6 jan n.k. Enda liggur fyrir að þingið (Senatið) getur ekki breytt úrslitum forsetakosninga, aðeins ríkin sjálf og auðvitað eru þau öll búin að staðfesta úrslitin !

Klúðrið sem GOP er búinn að koma sér í hefur ekkert að gera með Demókrata. Klúðrið er GOP með taparnn í öndvegi.

Svo tala menn nú niður ríkisstjórann fyrir að birta upptöku en fögnuð svo ummunaði þegar birta átti einkagögn (sem aldrei hafa birst, hversu mikið sem höfundur skrifaði) af stolinni tölvu sem talin er hafa verið í eigu sonar sigurvegarans Biden. Það var augljóslega nayðsynleg aðgerð og réttlætt hér á þessum vegg ítarlega.

Hræsni höfundar er í bezta falli barnaleg.

P.s Svo var það bara eitt ríki, Texas, með kæru til hæstaréttar USA vegna kosninga í PA. Hin 16-17 ríkin voru stuðningsaðilar kærunar, voru ekki skráðir málsaðilar. Kannski sem betur fer enda Ken Paxton, sem fór fyrir málinu sjálfur til rannsóknar fyrir fjármálamisferli. Aldeilis liðið sem taparinn treystir á......

[Gunnar Rögnvaldsson, 5.1.2021 kl. 03:41]

Þakka þér fyrir lesturinn Sigfús.

Það væri í hæsta máta óeðlilegt að hafa ekki þá skoðun sem helmingur þjóðarinnar hefur í þessum óvenjulegustu kosningum í sögu Bandaríkjanna; að þær séu svikin vara.

Hið ofsafegna ofstæki vinstrimanna sem sjálfir fyrr í sögunni hafa heimtað það sama í ósköp venjulegu kosningaárferði, styður eitt og sér undir kröfur Repúblikana um að sérstök rannsóknarnefnd verði sett í að taka þessar kosningar fyrir og annað hvort sanna eða afsanna ásakanir um atkvæða- og kosningakerfissvik. Að henni sé fengið það verkefni að leiða hið sanna í ljós.

Hvers vegna í ósköpunum ætti nokkur maður að hafa á móti því?, spyr til dæmis Jonathan Turley prófessor í lögum við Harwardháskólann.

Satt að segja minnir þú Sigfús mig á froðufellandi stuðningsmenn Svafarssamningsins forðum.

Jólin hjá Grant forseta í Hvíta húsinu 1876 fóru í það að undirbúa útgöngubann og herlög í borginni til að reyna að koma í veg fyrir að tvær innsetningarathafnir færu samtímis og samhliða fram í Washington D.C. í janúar 1877. En þá var málið um kosningavik og spillta kjörmenn afgreitt og leyst með samningum í þinginu.

Þetta er því ekkert nýtt, nema það að framkvæmd póstsendra atkvæða var ný núna og sennilega er það þar sem hið massífa svindl fór fram í nóvember 2020. En skráð tilfelli af kosningasvindli í Bandaríkjunum eru að mig minnir um það bil 1200.

Flokksskírteini er ekki undanþáguheimild til svika. Ríkisstjórinn gæti þess vegna verið það sem kallað er "aldrei-Tump maður" eins og Mitt Romney flokksbróðir Trumps, og þess utan hefur ríkisstjórinn ekkert sagt um eða staðfest hvort það var hann sem lak samtalinu til svo kallaðra fjölmiðla. En þú manst kannski að vegna gyðingaandúðar kölluðu sumir franskir þingmenn "frekar Hitler en Blum" í franska þinginu í aðdraganda hertöku Þjóðverja á landi þeirra Frakklandi. Skíthælar eru til út um allt.

Stór hluti skráðra Demókrata segist einnig sannfærður um að kosningarnar í nóvember 2020 séu svikin vara.

Kveðjur

[Brynjar (IP-tala skráð) 5.1.2021 kl. 09:56]

Sæll Gunnar.   Ekki er langt síðan Trump hældi Brad Raffensperger mikið fyrir störf sín.  Það breytir því ekki að nú eru flestir að fá gjörsamlega nóg af þessu bulli í Trump.  Hann er ekki og hefur aldrei verið með neinar sannanir fyrir neinum kosningasvikum.

Ef Trump hefði sannanir að þá væri hann búinn að koma þeim á framfæri.  Það eina sem hann hefur gert er að koma fram með eitthvað bull sem búið er hafna í 50 dómsmálum.

Síðan skil ég ekki þetta tal þitt um vistri menn í USA.  Biden er langt hægra megin við Sjálfstæðisflokkinn sem þú segist kjósa. 

[Gunnar Rögnvaldsson, 5.1.2021 kl. 11:49]

Þakka þér fyrir Brynjar.

Fjölmiðlar í höndum Demókrata (dæmi: CNN + CNBC  + Washington Post + New York Times) eru ekki "flestir" í Bandaríkjunum. Reyndar eru þeir ekki annað en fámenn uppblásin og heilaþvegin vinstriklíka sem útvarpar skoðunum og heldur ræður í stað þess að segja fréttir og spyrja spurninga.

Þannig að þessir sem þú kallar "flestir" er ekki bandaríska þjóðin. Hún hins vegar hefur fengið nóg af þessum svo kölluðu fjölmiðlum því aldrei í sögunni hefur vantraustið á þessum fjölmiðlum og Hollywood plasti þess verið meira en nú. Bandaríkjamenn treysta fjölmiðlum landsins ekki lengur (og sem þú kallar "allir").

Um er að ræða tvenns konar meint kosningasvik. 1) Atkvæðasvindl og 2) kosningakerfissvindl. Og það er kerfissvindlið sem 19 ríkin reyndu að kæra til hæstaréttar þar sem þau telja að stjórnarskrár fjögurra ríkja hafi verið brotnar til að auðvelda kerfissvindl með póstgreiddum atkvæðum.

Búið er að koma tonnum af sönnunargögnum á framfæri, en sönnunargögnin í málinu hafa þó hvergi verið tekin fyrir og rannsökuð af dómstólum. Slegist hefur hins vegar verið um að fá að taka málin upp í þeim ríkjum þar sem meint atkvæðasvindl og kerfissvik áttu sér stað, og það gengur illa þar sem meiri hluti dómara eru tilnefndir af Demókrötum.

Leiðin upp dómsstigin í Bandaríkjunum getur verið löng og ströng. Oft taka dómsmál nokkur ár. En þetta er sérstök staða því um kosningar er að ræða, og er það því þingið sem hefur úrslitavaldið ásamt hæstarétti.

Það blæs enginn á annan helming þjóðar án þess að slíkt hafi alvarlegar afleiðingar. Rannsaka verður málið.

Stjórnmál eru ekki eins í neinum löndum heimsins, sem betur fer. Bandaríska vinstrið er Demókratar og hægrið þar er Repúblikanar. Í sögu stjórnmálaheimspeki vesturlanda allt frá Aþenu, Spörtu og Róm, er það hægrið sem þýðir frelsi og vinstrið sem þýðir jöfnuður, og sem hægrið segir að leiði ávallt meira eða minna til sovétríkja. Þú veist vonandi að Demókrataflokkurinn var flokkur þrælahaldaranna.

Í Bandaríkjunum væri Sjálfstæðisflokkurinn sagður kommúnistaflokkur, sérstaklega undir Bjarna Ben, og í Bretlandi væri hann Líberalistaflokkurinn (glóbal-kommar) og í Danmörku væri hann vinstra megin við Venstre sem er vinstramegin við Íhaldsflokkinn.

Í Þýskalandi er hins vegar bara einn flokkur eins og í Rússlandi: þ.e. þríeyki úr sér genginna fyrirtækja gamla þýska aðalsins, bankarnir og eruophiles. Þingið (kjósendur) ræður engu þar, enda er það samansafn bjána með falsaðar prófgráður, eins og sést best á Friedrich Merz hinu nýja kanslaraefni CDU-flokksins, sem sagði í gær að ESB ætti að bjóða Tyrklandi sömu samninga og Bretland gerði við ESB fyrir áramót. Sjálft kanslaraefni CDU vissi sem sagt ekki að Tyrkland er með í tollabandalagi ESB og því í miklu nánara slímfaðmlagi við ESB en Bretland nokkru sinni er í dag. Maðurinn er næstum því verri en sjálf Merkel frá DDR.

Kveðja

[Sigfús Ómar Höskuldsson, 5.1.2021 kl. 12:33]

Betra að vera froðufellandi og fara rétt með staðreyndir en að vera hluit af klára fólkinu eins og þú sjálfur.

Klára fólkið hér, virðist einfaldlega lepja upp það sem misgóðir fjölmiðlamenn á Foxnjúvs, QAN og Newsmax halda fram.

Höfundur er líklega klárari en við öll til saman en það eitt og sér lagar ekki ásýnd og framkomu taparans Trump sem hótar þeim sem gerir ekki það sem hann vill.

Á meðan hefur taparinn Trump ekki enn komið með eina sönnun fyrir ásökunum sínum sem dómstóll hefur samþykkt.

Klára fólkið veit auðvitað betur.

[Kristinn Bjarnason (IP-tala skráð) 5.1.2021 kl. 17:28]

Ég get bara sagt þér það strax Gunnar að það er ekki hægt að rökræða við heilaþvegna kommúnista sem halda að Biden sé góði gæinn en ekki Trump.

Trump og SDG eiga það sameiginlegt að vera algjörlega óútreiknanlegir, þeir standa við kosningaloforð. Það verður að fjarlæja þá.

[Gunnar Rögnvaldsson, 5.1.2021 kl. 19:15]

Þakka þér fyrir Kristinn.

Já nóg er af heilaþvegna ný-vinstrinu sem sennilega er heimskasta vinstri sem nokkru sinni gengið hefur um á jörðinni. Það virðist halda að ekkert hafi gerst á jörðinni fyrr en það sjálft fæddist inn ofgnóttina sem forfeður okkar sköffuðu því og sem það virðist umfram allt hata; það virðist halda að allt sé að gerast í fyrsta sinn í sögunni. En það er oft svo ofdekrað að það kann ekkert, veit ekkert og getur ekki einu sinni pissað hjálparlaust, þannig að úrkynjun Rómar rifjast upp fyrir þeim sem þekkja söguna sem Heiðnikirkjuveldi háskólanna er hætt að geta kennt sökum framskriðins grænkommúnisma og pólitísks rétttrúnaðar af apaplánetutegund fyrir foss fjár frá skattpíndasta almenningi sögunnar.

Sjáðu til dæmis Sigfús gargsossa: Einu rök hans eru þau að ekkert sé að marka neitt né neinn nema að það segi Sjibbólet með réttum framburði.

En það er það eina sem menn hafa út á Trump að setja, að hann sagði Sjibbólet ekki með réttum óhljóðum, plús það hversu öflugur hann er og setur þá sjálfa getuleysingjana í slæmt ljós. Hann dró tjöldin frá og opinberaði fjölmiðla, jettsettið, embættis- og stjórnmálamenn sem litla og oft gagnslausa menn. Hann neitaði að hlusta á hugveitur gáfaða fólksins sem kunni að segja Sjibbólet rétt, og allar "stofnanirnar" sem fróa sér á ofurlaunum við ekkertið inn í hina óendalegu tómu þvælu um ekkert og endalaus núllin. Má þar nefna Kína, ESB, NATO, Miðausturlönd, framleiðslu á heimavelli og ógeð úthýsingar, kosti verndartolla, örugg landamæri og skaðræði þjóðfélagseitrunar af völdum óhefts innflæðis geimvera frá löndum sem gera í því að flytja vandamál sín út til annarra landa.

Kveðjur

[Óskar Kristinsson, 5.1.2021 kl. 20:24]

Gleðilegt nýtt ár Gunnar!

Mér dettur nú bara í hug þegar Vinur okkar Davíð Oddsson var að híða ingibjörgu sólrúnu í þinginu forðum, þegar þú flengir hann sigfús greiið.

Takk fyrir öll þín skrif.

Kv Óskar

[Gunnar Rögnvaldsson, 5.1.2021 kl. 20:27]

Þakka þér Óskar.

Já gleðilegt nýtt ár!

Kveðjur

[Gunnar Rögnvaldsson, 5.1.2021 kl. 21:03]

Skilaboð hafa borist:

Þekktur lesandi og Valhallarmaður, en samt ósjálfstæðismaður, hafði beint samband við mig og benti mér á að stöðu danska íhaldsflokksins í pólitísku litrófi Danmerkur væri varla að finna lengur, vegna þess hversu lítill hann er orðinn.

Já segi ég. Það er rétt. Poul Schluter formaður flokksins og forsætisráðherra eyðilagði flokkinn með Evrópusambandssýki sinni, lygum og falsi og stútaði honum eins og Bjarni Benediktsson er að stúta Sjálfstæðisflokknum. Lesa má um það hér: Evrópusambandið er steindautt

Danski Íhaldsflokkurinn lét lífið vegna Evrópusambandsdýrkunar forystunnar. En hann er þó samt enn hægramegin við Venstre; það sér eðli Íhaldsstefnunnar í sjálfri sér um, og er flokkurinn því ekki enn orðinn hálfsovéskur heiðnikirkju- og skattheimtuflokkur eins og Venstre, og sem nú virðist eiga í verulegum vandræðum vegna hins sama.

Sendi ég kveðju til spyrjandans

[Björn. (IP-tala skráð) 5.1.2021 kl. 21:25]

Góð skrif hjá þér Gunnar,það er ekki fyrir hvern sem er að eiga orðastaf við heilaþvegna sanntrúaða vinstri menn.Kristaltær sannleikur sem Kristinn Bjarnason skrifar hér fyrir ofan,og ekki í fyrsta skipti.

[Gunnar Rögnvaldsson, 5.1.2021 kl. 21:44]

Ég þakka þér fyrir góðar kveðjur Björn.

Kveðja

[Gunnar Rögnvaldsson, 5.1.2021 kl. 23:35]

Bæti því hér við, því það er viðeigandi, að það sem þú segir Björn um það sem Kristinn skrifar um Sigmund Davíð hér fyrir ofan; er rétt að því leytinu að SDG er fyrirsjáanlegur í því að hann efnir kosningaloforð sín, en hvernig hann nálgast lausn hinna ýmsu mála er samkvæmt lögmálinu um vogarstangarafl ófyrirsjáanleikans.

Hann er ekki bundinn á klafa pólitísks rétttrúnaðar við lausn mála. Hann er hugrakkur, þorir og fælnimáttur hans er því virkt vopn sem hann kann að beita landi okkar til hagsbóta og farsældar, eins og sást í glímu hans við kröfuhafana og við að koma leiðréttingunni til framkvæmda og skila.

[Sigfús Ómar Höskuldsson, 6.1.2021 kl. 11:09]

Sé það Gunnar að þú ert mun klárari en ég mögulega gat haldið.

Enda bera öll merki um skrif þín og svör, já og hjá þínum gestum, skýr merki um mikla málefnagleði og merkilegheit.

Á meðan er ég augljóslega ekki eins klár og þú.....

[Brynjar (IP-tala skráð) 6.1.2021 kl. 13:43]

Þetta eru gáfulegar samræður hér.  Ef þú hefur ekki sömu skoðun og ég að þá ert þú geðveikur.  Þetta er mjög svona Sovét.

Ég játa mig sigraðan og best ég fari bara aftur á hælið.

Góðar kveðjur til ykkar allra.

[Sigfús Ómar Höskuldsson, 6.1.2021 kl. 21:17]

Gunnar; þinn maðar aldeilis að gera gott mót í höfuðborginni núna.

Þegar lögin virka ekki, þá er besta að taka þau í eigin hendur og þramma inn með stuðningsfólkið á þingið....

[Gunnar Rögnvaldsson, 6.1.2021 kl. 22:03]

Þakka ykkur fyrir Sigfús og Brynjar.

Það er hægt að hafa ýmsar skoðanir á forsetakosningunum í Bandaríkjunum. En miðað við það sem þið vinstrimenn stóðuð fyrir hér á Íslandi eftir alþjóðlegu fjármálakreppuna, eru þetta smámunir sem eru að gerast í Washingtonborg núna.

Og þetta eru smámunir miðað við það sem Demókratar heppuðu áfram í Bandaríkjunum síðasta vor og sumar, þar sem vinstriskríll hertók borgarhluta og brenndi niður einkaeigur og lífsverk saklausra borgara.

En staðreyndin er samt sú að 46 prósent bandarísku þjóðarinnar trúir því í einlægni að kosningarnar séu svikin vara. ÞAÐ ER vandamál og sem ætti ekki að gerast. 

Við erum líklega að horfa á stofnanakreppu (e. institutional crisis). En samt hafa Bandaríkin ekki fallið niður á planið sem Evrópusambandið hefur verið á í 30 ár: að krefjast þess að kosið sé aftur þegar því líkar ekki úrslit kosninga og að vinna að því að ógilda þjóðaratkvæði bresku þjóðarinnar í fjögur ár.

Það góða er þó það að Bandaríkjamen munu ekki leyfa stofnanakreppu á borð við Evrópusambandið að þróast óáreitta í 30 ár, án þess að nokkuð sé gert aðhafast til að stöðva hana og bæta úr málum.

Þetta núna og kosningarnar 2016 þar sem Demókratar heimtuðu líka rannsókn á kosningunum og reyndu að fá þær gerðar ógildar í að minnsta kosti þremur ríkjum, er merki um að fólk sé hætt að treysta þeim stofunum sem á að vera hægt að treysta.

Að öðru leyti vísa ég ykkur á næstu verslun þar sem snuð fyrir smábörn fást. Væl ykkar er aumkvunarvert.

Kveðjur