Nítján ríki Bandaríkjanna kæra forsetakosningarnar í fjórum ríkum landsins

Kosningasamkoma Trumps og 47 þúsund stuðningsmanna hans í Butler í Pennsylvaníu nokkrum dögum fyrir kosningar og kjallarauppgöngu Bidens

****

Nú hafa 18 ríki Bandaríkjanna tilkynnt að þau standa að kæru Texasríkis til hæstaréttar landsins, þar sem forsetakosningarnar í Georgíuríki, Michigan, Pennsylvaníu og Wisconsin eru kærðar

Forsetaembættið er eina landskjörna embættið sem öll ríkin eiga sameiginlega, og segja átján þeirra að þau sætti sig ekki við að stjórnarskrár að minnsta kosti fjögurra ríkja hafi verið brotnar til þess að gera kosningasvik möguleg

Um er þá að ræða bæði kosningakerfissvik og atkvæðamisferli. Ríkin 19 sætta sig ekki við að atkvæði kjörmanna að minnsta kosti fjögurra ríkja séu látin hafa annað gildi en þeirra eigin. Það eina sem virðist vanta upp á í Georgíuríki, Michigan, Pennsylvaníu og Wisconsin er að búfénaður hafi á 14 mánuðum fyrir kjördag smám saman fengið kosningarétt og atkvæðum frá honum hent í pottinn - og vissir kjörstaðir í vissum sýslum þessara ríkja hafðir opnir nógu lengi fram yfir kjördag, eða þar til nóg væri komið í hús til að ná sér loksins niðri á Trump, fyrst að hann náðist ekki með viðstöðulausum pólitískum ofsóknum Demókrata, alríkisstarfsmanna og fjölmiðla þeirra í Washington á meira en fjórum árum

Það er gott að þetta er komið fram. Vonlaust er að hægt sé að láta þessi kosningaúrslit standa. Það getur ekki gengið upp og ætti ekki að líðast í neinu lýðræðisríki. Massíf stórvirk og skipulögð kerfissvik og gerræðisleg atkvæðasvik hafa átt sér stað og þau verður að leiðrétta. Arizona bættist í hópinn seint í gær og síðan Ohio og eru það því 19 ríki sem standa að kærunni

Og nú er komið fram að kæran sem hæstiréttur hafnaði í fyrradag og mbl.is sagði að væri frá Trump forseta, var ekki frá honum komin. Reyndar hefur næstum allt sem fjölmiðlar hafa birt um Trump forseta síðastliðin fimm ár verið úr lausu lofti gripinn áróður vinstrimanna. En án Trumps væru þessir fjölmiðlar og sumir félagsmiðlar sennilega komnir í þrot í dag

Í Aþenu hinni fornu gengu róttækir Lýðræðissinnar svo langt að borga fólki fyrir að kjósa. Það líkaði frjálshuga Lýðveldissinnum illa. Reyndar er kosningalöggjöfin eina löggjöfin fyrir utan fóstureyðingar sem róttækir Reykjavíkur-Lýðræðissinnar vilja hafa hve allra frjálslegustu. Flest annað vilja þeir banna

Hér er því ekkert nýtt á ferðinni, þó svo að fyrrverandi þrælahaldandi vinstrimenn Demókrataflokksins reyni að láta líta svo út í fjölmiðlum sínum í dag, eins og lesa má hér

Reyndust það vera fjölmiðlar og Demókratar sem eru "nýr Hitler" hér, en ekki Donald J. Trump forseti. Enginn þekktur einræðisherra lendir í því að verða undir með kosningasvikum gegn sér

Nei væni minn, Pútín sér um sínar kosningar sjálfur og Evrópusambandið lætur bara kjósa aftur þar til "rétt niðurstaða" fæst - eða sendir hvítan reyk bakdyramegin út af hóteli

Ekkert hefur verið að marka fjölmiðla síðastliðin fimm ár. Nákvæmlega ekkert! Betra hefði verið að lesa og horfa á salernispappír en þá, að minnsta kosti þegar að Trump forseta Bandaríkjanna kemur. "Segðu Sjibbólet" er það eina sem fjölmiðlar og embættismenn höfðu um Trump forseta að segja í fimm ár

En Trump dró hins vegar tjaldið frá, svo allir gætu séð hvernig næstum allir fjölmiðlar okkar á Vesturlöndum líta í raun og veru út að innan. Fávitatrúarveldi barnaþroskaðra smámenna blasti þar við. Því miður næstum alls staðar, en þó mest því virtari og frægari sem fjölmiðillinn þóttist vera

Þau 19 ríki sem þá standa að kærunni á kosningunum í Georgíuríki, Michigan, Pennsylvaníu og Wisconsin, eru þessi:

Texas
Alabama
Arizona
Arkansas
Flórída
Indiana
Kansas
Louisiana
Mississippi
Montana
Nebraska
Norður-Dakóta
Ohio
Oklahoma
Suður-Karólína
Suður-Dakóta
Tennessee
Utah
Vestur-Virginía

Fyrri færsla

Texas kærir bandarísku forsetakosningarnar. Louisiana og Alabama bætast í hópinn [u]

Athugasemdir

[Ómar Geirsson, 10.12.2020 kl. 11:21]

Blessaður Gunnar.

Ef menn trúa þá berjast þeir, samt óþarfi að að samsinna sig Kremlartöktum að tala um Moggalygi, borgarlegur fjölmiðill hlýtur alltaf að vitna í aðra borgaralega fjölmiðla.

Árásir á borgarleg gildi eru hinsvegar vinstirmennska, svo við höfum það á hreinu.

Samkvæmt því ert þú gegnheill vinstrimaður eða stjórnleysingi Gunnar.

Svo ég vitni í nýlegt mál, þá drap Bader Meinhof dómara Gunnar, að boði Kremlverja sem þoldu ekki mannréttindi, lög og reglu, þú bara ræðst á þá, enda Kreml dautt.

Svona að gefnu tilefni Gunnar skaltu líta í eigin barm, það væri ráð að vera sjálfum sér samkvæmur.

Lestu svo þessi orð þín;

"sagði að væri frá Trump forseta, var ekki frá honum komin. Reyndar hefur næstum allt sem fjölmiðlar hafa birt um Trump forseta síðastliðin fimm ár verið úr lausu lofti gripinn áróður vinstrimanna. En án Trumps væru þessir fjölmiðlar og sumir félagsmiðlar sennilega komnir í þrot í dag".

Hvaða vinstrimenn ert þú að tala um Gunnar minn, stjórna þeir auð og auðmiðlum, glóbalvæðingunni eða annað sem hefur brotið á bak aftur styrk og sjálfstæði þjóða??

Trump réðst á útvistun starfa, afregluvæddi ok (sbr. kvöð) á starfsemi einstaklingsins og fyrirtækja hans, réðst á frjálst flæði fjármagns í skattaskjól.

Og þú vanvirðir hann Gunnar með því að tala um að vinstrimenn séu á móti þessu.  Vissulega verkfæri en rótin er önnur.

Auðhyggjan sem kennd var við frjálshyggjuna á sínum tíma, og þú fylgdir.  Hún snérist til varnar og fjármagnaði aðförina að Trump.

Þú lofar ekki Thatcher á sama tíma og þú styður Trump, annars vegar er sú hugmyndafræði að brjóta niður samfélög og stuðla að samþjöppun auðs, hins vegar Gunnar er allt sem þú hefur talað um þjóðríki, staðfestu, að vera íhald.

En ef þú feisar ekki raunveruleikann Gunnar minn, þá ertu  bara verkfæri eins og vinstrimenn, þar á meðal vopnabræður mínir sem sviku eftir Hrun.

Það er ekki góður félagsskapur.

Kveðja að austan.

[Gunnar Rögnvaldsson, 10.12.2020 kl. 12:21]

Þakka þér fyrir Ómar.

Ég held að þú sért enn fyrir austan hjá Lúðvík árið 1970 Ómar.

Vissir þú ekki að glóbalistinn Lenín er kominn með vindil?

Kveðjur

[Símon Pétur frá Hákoti (IP-tala skráð) 10.12.2020 kl. 12:29]

18 ríki Bandaríkjanna kæra 

4 ríki fyrir að brjóta og ganga á rétt þeirra.

Þetta er svo stór frétt, að hún ætti m.a.s.

að yfirskyggja helstu frétt mbl.is

Heitasta fyrirsæta heins ætlar að grennaat.

Nei, það ríkir þögnin á mbl.is um

18 ríki Bandaríkjanna kæra

4 ríki fyrir að brjóta og ganga á rétt þeirra

að kjörmannaskipting sé rétt

og það skv. Stjórnarskrá allra Bandaríkjanna 

við kosningu á forseta allra Bandaríkjanna.

[Símon Pétur frá Hákoti (IP-tala skráð) 10.12.2020 kl. 12:48]

DDRÚV og mbl.is og visir.is

Helstu vefmiðlar hér á landi þegja um þetta.

Það er athyglisvert, svo ekki sé meira sagt.

Tittlingaskíturinn um vinstri og hægri

sem Ómar nefnir, skiptir engu í þessu máli,

slík er stærð þessa máls.

[Ómar Geirsson, 10.12.2020 kl. 12:50]

Nei Gunnar, ég er það  ekki og ómeitlað  svar þitt bendir til þess að þér sé orða vant.

Innst inni ert þú að upplifa svipaðar hremmingar og ég á fyrstu vikum og mánuðum eftir Hrun, þegar fólkið sem ég samsinnaði mig við, sveik.

Vinstri menn eiga ekki neitt, hvorki fjölmiðla fjármagn eða annað, og þú veist það.

Mundu svo að sjálfslygi sigrar ekki þann andskota sem við er að eiga.

Hún aðeins ómerkir okkur.

Kveðja að austan.

[Símon Pétur frá Hákoti (IP-tala skráð) 10.12.2020 kl. 13:03]

Rétt skal vera rétt

er það sem þetta mál snýst um.

Málið snýst um sjálfan grundvöll Bandaríkjanna,

og sameiginlegan rétt þeirra allra

til að hvert ríki falsi ekki þar kosningaúrslit

þannig að það bitni á öðrum ríkjum

þegar kjörmenn allra ríkjanna velja endanlega

Forseta Bandaríkjanna allra.

Það eitt er kjarni þessa máls.

[Gunnar Rögnvaldsson, 10.12.2020 kl. 13:13]

Þakka þér fyrir Símon Pétur.

Hinir svo kölluðu "virtu" bandarísku fjölmiðlar sem svo gjarna vitnað er í hér heima, eru því miður of uppteknir við að skrifa um kosningar erlendis, en ekki íhlutun þeirra í kosningarnar hjá sjálfum sér í nóvember.

Það er bara einn maður sem skrifað hefur af viti og mannþekkingu um Trump og bandarísk stjórnmál og það er Davíð Oddsson ritstjóri Morgunblaðsins. Hugsanlega er hann í fíri, eða þá að tíminn er ekki kominn enn.

Margir eru með munnvatnsraka fingur sína á lofti núna, og að þefa, en það var ekki þannig árið 2000, þegar um Bush-Gore var að ræða. Þá kom hver leiðarinn á fætur öðrum, mest Gore í vil.

Bíddu var það ekki um það leytið sem að Valhöll sagði að Mogginn væri kratablað. Kannski var það aðeins fyrr, ég man það ekki. En kratablað var það þá.

Engu er að búast við frá öðrum fjölmiðlum hér heima. Enda nenni ég ekki að lesa þá, það tekur sig ekki.

Kveðjur

[Brynjar (IP-tala skráð) 10.12.2020 kl. 13:28]

Sæll Gunnar.

Þú hamst mikið í " vondum " fjölmiðlum.  Þú talar lítið um " góða " fjölmiðla.  Gamman væri að vita hvaða fjölmiðlar það eru sem þér fynnst flytja sannar og réttar fréttir.

[Brynjar (IP-tala skráð) 10.12.2020 kl. 13:29]

Hamast átti þetta að vera

[Gunnar Rögnvaldsson, 10.12.2020 kl. 13:40]

Ómar.

Demókrataflokkurinn er glóbal-vinstriflokkur í Bandaríkjunum. Hans fólk á fjölmiðlana, félagsmiðlana og Wall Street-félögin núna. Sama sagan er í Evrópu. FT er glóbalista-vinstrablað evrukrataveldisins og það er allt til glóbal-vinstri, eins og ESB. WSJ er orðið kratablað líka og ég er alveg að gefast upp á því eins og ég gafst upp á FT eftir áratug í áskrift. 

Hvar hefur þú alið manninn?

Þú verður að taka þig á og skilja að svo kölluð "frjálshyggja" hér heima var bara barátta fyrir minnkun ofsa-vinstrisins sem hér réði öllu stóru sem smáu. Barátta fyrir meira einstaklingsfersli, því þjóðfrelsi okkkar var þá þegar í höfn.

Þegar múrinn féll og Sovétríkin hrundu ofan á fólkið fór fram hjónaskilnaður meðal íhaldsmanna og líberalista (þ.e. vinstrimanna, en þó ekki komma eins og þér).

Þessir höfðu snúið bökum saman í baráttunni við sótsvartan alræðis-kommúnisma Sovétríkjanna og menn voru farnir að halda að þeir væru ein og sama skepnan. En það voru þeir ekki, þegar til kastanna kom.

Líberalistar (vinstrimenn) fóru í bankana, í afleiðurnar og markaðina. Þeir komu heiminum næstum á hausinn með reiðferð sinni frá 1990 til 2008. Sama sagan hér heima.

Vinstri grænir (Allaballar og batikk-kerlingarnar) urðu nýi burgeisaflokkurinn á Vesturlöndum (er á ríkisjötunni og best launaði yfirborgarinn innan borgarmúranna og veit allt best, eins og venjulega).

Bush I+II voru líberalistar. Þeir áttu heima í Demókrataflokknum. Allt ESB-verkið er vinstraprójekt líberalista. Þeir trylltust af hrifningu þegar EB var breytt í yfirríkið ESB 1992. Þeir sáu fyrir sér nýtt en mýkra sovét.

Trump er búinn að færa Repúblikanaflokkinn aftur til þess sem hann var þegar Reagan gekk í hann. Flokkur vinnandi fólks sem grillar á kvöldin.

Eimreiðarhópurinn voru föðurlandsvinir og að mestu leyti íhaldsmenn, án þess þó að vera alveg meðvitaðir um það, því skilnaðurinn hafði þá ekki enn farið fram. En þeir þoldu ekki kommafélagið þitt SÍS og ófrelsið. Þú ættir að þakka þeim fyrir hið góða líf þitt í dag. Að minnsta kosti stóran hluta þess.

Halló! Það er árið 2020 núna Ómar minn.

Kveðja

[Gunnar Rögnvaldsson, 10.12.2020 kl. 14:10]

Þakka þér fyrir Brynjar.

Ég er yfirleitt ánægður með prentuðu útgáfu Morgunblaðsins eftir að Davíð og Haraldur tóku við ritstjórninni þar. Ég er hins vegar óánægður með netútgáfuna þeirra. Hún er ekki nógu góð og verður það kannski aldrei, því þar getur ekkert borið sig nema að vera nógu mikið Séð og Heyrt.

Annars er ég óánægður með flesta fjölmiðla hérlendis og á vesturlöndum því 8 af hverjum 10 svo kölluðu blaðamönnum þeirra eru vinstrimenn. Vinstrimenn sækja í það svo kallaða fag (blaðamennska er samt ekki fag). Hins vegar er Íslenska fag.

Kannski væri best að fá bara gömlu flokksblöðin aftur, því hitt gengur ekki upp. Flestir svo kallaðir fjölmiðlar eru allir á leið í þrot því þeir eru svo gott sem allir kommaútgáfur. Maður vissi hvað maður fékk fyrir peninginn hjá gömlu flokksblöðunum.

Svo þarf að leggja DDRÚV niður, helst strax.

Kveðjur

[Óskar Kristinsson, 10.12.2020 kl. 14:15]

Blessaður Gunnar!

Þetta  er allavega þarfaverk sem er verið að vinna þarna fyrir vestan núna.Hvernig má það gerast að Forseti sem að sýndi sig verulega vanhæfan 'I mörgum málum, Stórmálum eins og að hjálpa til að koma yfirráðum yfir stærstu AUÐLIND þjóðarinnar til erlendra ríkja, fékk 90% fylgi Í kostningum.

En góður betri bestur Gunnar.

[Ómar Geirsson, 10.12.2020 kl. 14:28]

Gunnar.

Ég er ekkert að rífast við sögugreiningu þína, vissulega var þörf á andófi gegn ofurskattlagningu og kerfisvæðingu hins borgarlega samfélags áttunda áratugarins, en það andóf leiddu fleiri en frjálshyggjan, markmiðin voru þau sömu.

Rök þín eru svipuð og kommarnir vinir mínir notuðu, það var og er margt af borgaralegu samfélagi, misrétti, arfleið frá eldri tíma aðals og landeiganda, að ekki sé minnst á arfleiðina frá frjálshyggjunni hinni fyrri þegar vinnandi fólk var kostnaður, skör lægra en skepnur.

Svarið var ekki samt að bylta hinu borgarlegu samfélagi, heldur að bæta það innan frá, það var það sem hafði þróast, aukið lýðréttindin, tryggt borgurunum frelsi, og var óðum að ráðast á misskiptingu og arðrán.

Á áttunda áratugnum fór í fyrsta skipti saman frelsi borganna til athafna, til tjáningar ásamt jöfnum rétti allra til náms og heilsugæslu, ásamt öflugri samtryggingu.  Sem fór batnandi, ekki versnandi.

Þess vegna var atlaga kommana röng, hún afneitaði staðreyndum, hún vó af því besta sem mannkynið hafði þróað, og það verra var, lausn þeirra var röng, ávísun á kúgun og þrælkun mannsins í hlekkjum hinna Örfáa, nema þeir voru kommisarar einokunarfyrirtækja ríkisins.

Þú skalt því ekki minnast á komma við mig Gunnar, ég var einn af þeim sem slóst við þá á sínum tíma.

Ég viðurkenni hins vegar fúslega að ferskur boðskapur frjálshyggjunnar hafi kunni að hafa glapt, sú  saga var þekkt áður, ungt fólk sá kraft í fasismanum á meðan það upplifði veikleika hins borgarlega samfélags gagnvart upplausn samtímans og útþenslu Sovétsins.

Um það er ég ekki að rífast, deila eða á nokkurn hátt að setja mig í dómarasæti gagnvart.

Ég er að tala um nútímann Gunnar, raunveruleikann.

Sem til dæmis fær mig, manninn sem sannarlega er vinstra meginn við miðju miðjumannsins, til að taka ofan fyrir Trump, þrátt fyrir alla hans galla og sjálfhverfu.  Hann færði flokkinn til þess sem hann var, eins og Nixon lýsti honum, flokkur allra, við skiptum öll máli, höfum öll hlutverk. Það sem kallað var stétt með stétt hér á klakanum.

Eigi veit ég hvað Reagan hugsaði en ég veit hvaða öfl stóðu að baki honum, og hvaða hugmyndafræði fóðraði hann.

Sömu öfl og berjast við Trump í dag.

Og þegar þú tengir þessi öfl við vinstri, að kenningar Friedmans og Hayeks, sem hinn marghöfða þurs glóbalvæðingarinnar og útvistun fyrirtækja og starfa, sem og hið frjálsa flæði Evrópusambandsins sækja rök sín í, sem og að þú tengir auð og auðmagn við vinstri, þá ertu að öfugmæla.

Sem á mannamáli heitir að bulla.

Endurtek aðeins orð mín, ég þurfti sjálfur að takast á við svik minna manna.

"Sjálfslygi sigrar ekki þann andskota sem við er að eiga.

Hún aðeins ómerkir okkur".

Vinstri menn eru vissulega vinnumenn andskotans í dag, en það er ekkert vinstri við þá lengur.

Það sveik, og mun hljóta sinn dóm þegar þar að kemur, en svik þess afsakar ekki að það sé gert að blóraböggli fyrir  húsbændur sína.

Og þeir fái fríspil að ganga að borgarlegu samfélagi okkar dauðu.

Það er undir en ekki hégómi okkar.

Kveðja að austan.

[Símon Pétur frá Hákoti (IP-tala skráð) 10.12.2020 kl. 14:41]

Þetta mál er svo stórt

að það er undir Hæstarétti Bandaríkjanna komið

að ákvarða hvort Stjórnarskrá Bandaríkjanna

verði virt, eða ekki.

Ef Hæstiréttur Bandaríkjanna virðir hana ekki,

þá er sjálfum grundvellinum kippt undan

Stjórnarskránni og jafnframt Hæstaréttinum sjálfum.

Það eru litlar líkur á því.

Meiri líkur eru á því að Hæstiréttur virði

Stjórnarskrána.

Og þar með að Trump verði áfram forseti.

Um það ríkir nú grafarþögn hjá öllum stærstu

fjölmiðlunum.  En sú þögn breytir engu um næsta

vísan úrskurð Hæstaréttar Bandaríkjanna 

í þessu máli. 

Ærandi hávaði mun hins vegar verða

þegar úrskurðurinn kemur.

[Símon Pétur frá Hákoti (IP-tala skráð) 10.12.2020 kl. 15:23]

Nú er orðið ljóst

Forseti Bandaríkjanna

mun skrá sig á lista þeirra 19 ríkja sem ákæra

Georgiu, Michican, Pennsylvaniu og Wisconsin.

Ákæran snýst, auk áðurgreinds,

ekki hvað síst um rétt

hvers einasta borgara í Bandaríkjunum 

til að atkvæði hans sé rétt talið.

Sjálfan grundvöll lýðræðislegra kosninga.

Og þar með að kjörmenn hvers ríkis

endurspegli þann vilja borgara hvers ríkis

og þau gagnvart hvert öðru.

Ríkin 4 sem talin eru hafa vanvirt þá skyldu sína, gagnvart borgurum sínum og öðrum ríkjum,

hafa frest til 15:00 í dag, að bandarískum eastern time, að skila inn greinargerðum sínum og andsvörum.

[Heimir Lárusson Fjeldsted, 10.12.2020 kl. 15:48]

Hvenær má vænta niðurstöðu Hæstaréttar Bandaríkjanna?

[Gunnar Rögnvaldsson, 10.12.2020 kl. 16:16]

Þakka þér fyrir Heimir.

Mér skilst að ríkin hafi til í dag eða á morgun til að svara ákærum hinna átján.

Niðurstaða hæstaréttar, komi hún, verður sennilega fyrst og fremst í sambandi við kjörmenn ríkjanna og löggjafann - og ef til vill annað, en það var hann sem forðum tilnefndi kjörmenn og hefur enn heimild til þess og sennilega skyldur líka, sé um sviknar kosningu að ræða. En ég er samt ekki með það á hreinu.

En það er löggjafinn í hverju ríki fyrir sig sem setur lög og reglur um kosningar. Ekki dómarar og embættismenn eins og virðist hafa átt sér stað í ríkjunum fjórum.

Síðan má gera ráð fyrir að málið endi fyrir Bandaríkjaþingi í janúar því það eitt ber endanlega ábyrgð á því að forsetinn sé réttkjörinn. Málið verður  þá þar með pólitískt, en ekki fyrst og fremst laga og réttarfarslegt.

Það verða líklega læti. Minna má á að staðan í forsetakosningunum 1876 var þannig að báðir framjóðendur sögðu að svindlað hefði verið. Og svo urðu einnig miklar deilur um einn kjörmann í Oregon, sem lýst var sem ólöglegum og eftir miklar deilur var honum skipt út (kannski staðan í dag). En það tókst ekki leysa deilurnar um kosningasvindlið fyrr en að Demókratar samþykktu Hayes sem sigurvegara með þeim skilyrðum að hann myndi fjarlægja alla hermenn alríkisstjórnarinnar úr suðurríkjunum. Þar með eyðilögðu Demókratar, þ.e. þrælahaldaraflokkurinn, endurreisnina og þann ávinning sem blökkumenn höfðu fengið.

Ekki veit ég hvað flokkarnir geta boðið hvor öðrum núna, nema hnefana. Trump er með sterka hnefa og tromp.

Kveðjur

[Gunnar Rögnvaldsson, 10.12.2020 kl. 16:20]

Ómar.

Það er allt vinstri við vinstrimenn í dag.

Þeir eru glóbalistar þ.e. gamli nallinn; Alþjóða-alþjóða. Þeir eru háir skattar. Þeir dýrka ódýrt innflutt vinnuafl (þrælahald eins og var í sovét) og þeir trúa miklu meira á miðstýrt sovéskt loftslag og fyllta skurði en þeir trúa á Guð. Og þeir eru að smíða nýtt sovét í ESB.

Þeir hata þjóðríkið, en elska umboðslausar alþjóðastofnanir á borð við París-Komintern, Schengen-Stalínflutningana og EES-pakkapakk. Og ef það væri ekki fyrir Biblíubeltið í Bandaríkjunum þá væru hin gömlu Sovétríki vinstrimanna enn á lífi í dag. Það var Guðleysi Sovétríkja vinstrimanna sem fór mest í taugarnar á bandaríska Biblíubeltinu. Það óttaðist Imperíal-Guðleysi kommaskrímslanna um alla jörð, eins og yfirlýst markmið þess var.

Vinstrið er enn Guðlaust í dag, og fer fram á sovéskar fóstureyðingar fram að fæðingu barna. Hvílík viðurstyggð. Það eina sem hefur breyst er að Lenín þeirra er kominn með rándýran vindil.

Sérðu ekki hina ríkisþrútnu sovésku steinsteypubikkju Svandísar Sjúkra-Sovéts og umhverfisguðs flokksins og vinstrimanna allra, Ómar?

Bjarni Ben formaður xD er einnig vinstrimaður eins og Þorsteinn var, enda sést það á náfylgi flokksins og leiðtogavonleysi hans, hásköttum og landssölu hans til erlendra. Bjarni er ekki sjálfstæðismaður.

Ómar þú verður að gera þér grein fyrir því að vinstrið er orðið ríkt í dag og er sennilega efnaðasti hluti þjóðarinnar, því þeir skammta sér sjálfir úr vösum hægrimanna.

Vinstrið er í svo mikilli málefnanauð að það þarf að flytja inn erlent próletaríat til að punta sig með í kommasófanum.

Þetta er fólkið sem situr í öryggi á bak við skjáina í dag og heimtar að bara litli maðurinn fari á hausinn en ekki það. Það er með allt sitt á þurru eins og í Sovétríkjunum. Kommar, viðurstyggð, miðstýrðir landsölumenn og áhættufælnir vesalingar.

Kveðja

- að vestan

[Ómar Ragnarsson, 10.12.2020 kl. 16:34]

Ef allt þetta blasir við sem nú er kært útaf, hvers vegna var það ekki kært um leið og það kom fram?  Hefði það ekki verið betra?

[Gunnar Rögnvaldsson, 10.12.2020 kl. 16:45]

Þakka þér fyrir Ómar R.

Svarið er það að þá hefðu menn sagt að það hefði ekki enn reynt á þetta og eftir engu væri að koma, því engar kosningar hefðu enn farið fram. Og síðan verða menn að muna að staðan milli sýslna í hverju ríki var ekki eins. En heildarstaðan er víst þannig að Demókratar notuðu síðustu 14 mánuðina fyrir kosningar til að reyna þynna lögin út með 300 kærum með hótunum með meðal annar vísan í rasisma oþh. og þú veist hvernig það úrverk vinstrimanna spilar á embættismenn og dómara.

Kveðja

[Heimir Lárusson Fjeldsted, 10.12.2020 kl. 16:51]

Þakka ítarlegt svar.

[Símon Pétur frá Hákoti (IP-tala skráð) 10.12.2020 kl. 17:25]

Mig langar til að þakka þér kærlega fyrir Gunnar, að hafa vakið athygli lesenda þinna á þeirri miklu frétt sem þetta mál er.

Og einnig fyrir ítarleg og góð svör þín í athugasemdum.  Bandaríkin standa nú á krossgötum.  Og það er allt undir.

[Kristinn Bjarnason (IP-tala skráð) 10.12.2020 kl. 17:28]

Sæll Gunnar,

Er algjörlega sammála þessari greiningu á vinstri mönnum.

Þetta er fólkið sem situr í öryggi á bak við skjáina í dag og heimtar að bara litli maðurinn fari á hausinn en ekki það. Það er með allt sitt á þurru eins og í Sovétríkjunum. Kommar, viðurstyggð, miðstýrðir landsölumenn og áhættufælnir vesalingar.

[Ómar Geirsson, 10.12.2020 kl. 19:37]

Já Gunnar þú segir það.

Takk fyrir spjallið.

Kveðja að austan.

[Sigfús Ómar Höskuldsson, 10.12.2020 kl. 23:16]

Það er augljóslega tár í tómi að tala um staðreyndir á þessum vegg. 

Það hefur aldrei virkað, enda staðreyndum oft ruglað saman af höfundi. Það er hans, ekki mitt vandamál.

Staðreyndin í þessu málið að fulltrúi á vegum Texas-ríkis (sem er jú eitt þeirra rikja í ríkjasambandinu USA sem telur sjálfsstæði hvers ríkis út af fyrir, eitt aðalmálið), valið að "kæra" annað ríki innan ríkjasambandsins fyrir þeirra kosningaaðferðir/reglur og þá um leið staðfesta niðurstöðu.

Gott og vel, Texas má það, þó hefðin sé nú ekki beint til staðar.

En að halda því fram að 18 önnur ríki séu á kærunni til Scotus er hreinlega rangt.

Staðreynd, dómsmálaráðherra þeirra ríkja eða ígildi þess embætttis hafa lýst yfir stuðningi við ferlið/ákæruna. Þau riki eru þá ekki á þeirri ákæru. 

Það sem er undarlegt og höfundur hefur kosið að sleppa er að ræða hvers vegna það gangi upp að eitt ríki kjósi að kæra kosningaferlið og niðurstöður, þá þannig um stjórnarskrábrot sé að ræða, þegar á sama kjörseðli, skiptir þá litlu hvort sá seðill var utankjörfundar eða sendur í pósti, mátti velja einn forseta og þá um leið þingmann til þings eða öldungardeild, ásamt öðru sem þau ríki völdu að láta velja þennan dag.

Það hlýtur að vera e-ð skakkt að ríki eins og Pennsilvaniu þar sem Biden sigraði, að þar vann GOP sæti til þingsins. En það er samkvæmt kæru Texas aukaatriði, samt á sama seðli í sömu kosniningum.

Það hljóta allir að sjá, nema höfundur, að þetta sé annað hvort upphaf þess að Texas ríki vilji brjóta upp ríkjaskipan USA, hreinlega léleg lögfræðitilraun eða aumkunaverð örvæntingaleg tilraun til að kasta rýrð á verðandi forseta USA.

Höfundur skilur svo bara það sem hann vill skilja.

[Helga Kristjánsdóttir, 11.12.2020 kl. 00:35]

Það skiptir einmitt máli hvernig kjörseðill og ekki síður glás af þeim er sendur/ir,talinn og á hvaða tíma. Nú á eftir að bera þá saman við þá löglegu sem hafa að geyma örlítið vatnsmerki (ríkisins) sem augað ekki sér.

[Gunnar Rögnvaldsson, 11.12.2020 kl. 08:14]

föstudagur, 11. desember 2020 kl. 08:14:11

19 ríki standa nú að kærunni. Ohioríki bættist við í gær.

Í þessu máli eru sönnunargöngin margfalt fleiri en þau voru í lögsókn Demókrata í þinginu á hendur Trump í Rússaþvælumálinu, sem þess utan var byggt að nafnlausum heimildum. Hér eru nöfn og eiðsvarinn vitnisburður tuga ef ekki hundruða manna að baki.

Og nú er komið í ljós að sonur Joe Bidens sætir rannsókn vegna fjármálamisferlis. Það hefur FBI staðfest.

En Twitter og Facebook og hinir "virtu fjölmiðlar" ritskoðuðu burt allt um það mál fyrir kosningar, meira að segja hjá forsetanum sjálfum, plús það að þessar kompur vinstrimanna fjarlægðu einnig krækjur á heimildina, sem var Washington Times.

Nú er vitað að rannsóknin var hafin fyrir kosningar en Joe Biden laug því að ekkert væri hæft í neinu slíku,  plús það að kappræðustjórnendur neituðu Trump að nefna það mál á nafn og allir meiriháttar fjölmiðlar dönsuðu með Bidenfjölskyldunni í málinu, og sem er samsæri gegn þjóðinni.

Fjöldagröf hinna "virtu" fjölmiðla stækkar bara og stækkar og bráðum verður mokað yfir svo hundaþúfur geti myndast þar sem þeir voru.

[Sigfús Ómar Höskuldsson, 11.12.2020 kl. 12:08]

Eitthvað er höfundi að fatast flugið hér.

M.v fréttir frá vestri, þá Ohio ekki sammála því öllu sem Texas stendur fyrir með sínum ævíntýfaleiðangri, sem verður vonandi vísað frá en auðvitað aldrei að vita hvað vinir Trumps í Hæstarétti þeira í USA taka upp á, það þarf jú að borga greiðann til baka.

Ef litið er þenna hlekk, þ.e fyrir þá sem vilja vita meir en vaðalill í höfundi, þá má sjá á þessum hlekk hvar dómsmálaráðherra Ohio gagnrýnir málatilbúnað Ken Paxton sjá hér: https://www.cleveland.com/open/2020/12/ohio-ag-dave-yost-opposes-texas-lawsuit-challenging-biden-win.html

Hér hefur svo höfundur ítrekað talað um að hin og þessi ríki séu "bætast við á ákæruna". Augljósleg rangt, því ef litið er til ákærunnar sjálfrar að hálfu Texas ríki vs Michigan, Winscosin, PA og Georgiu, þá er bara einn stefnandi. Sjá hér: https://www.supremecourt.gov/DocketPDF/22/22O155/163346/20201210125506698_TX%20v%20PA%20-%20Amicus.PDF

Nú kýs höfundur svo að gera sér mat úr rannsókn FBI á syni Biden og blanda því saman við það sem sagt var og ekki í kosningabaráttunni sem Biden vann með milljónaatkvæða mun. Þar var sigurvegarinn aldrei spurður um fjárhagsmál sonar síns ,heldur hitt að hvort hann, sigurvegarinn Biden hafi þegið fé frá erlendum ríkjum. Öll vitum við rétta svarið við því.

Ánægjulegt svo að sjá að höfundur kýs gera vægi FBI mikilvægt aftur, vonum við hin að hann haldi áfram trú sinni á þeirri stofnun þegar Trump verður svo rannsakaður fyrir sín skattamál.

Nú úr því að ég er með höfund á línunni og við að mæra FBI, þá er einn í viðbót sem FBI er með til skoðunnar. Það ku þá vera sá sem fer nú fyrir Texas í þessum ævintýraleiðangri, Ken Paxton en hann ku vera sjálfur í vanda með fjármál, gjafir og greiða til vina og vandamanna. Sjá hér: https://apnews.com/article/ken-paxton-austin-texas-crime-f8413d14842d848e69cf81bb4d2e87e2

Höfundur má augljóslega vera í aðdáendahópi Trump, ég er það augljóslega ekki.

Ég hinsvegar kýs að lesa mér til um báðar hliðar og móta mér skoðun af því.

Höfundur kýs að gera allt annað, að mínu mati.

[Gunnar Rögnvaldsson, 11.12.2020 kl. 19:37]

Þakka þér fyrir Sigfús.

Í lögsögu hæstaréttar Bandaríkjanna hafa ríkin beinan aðgang að málum sem þau varða, og hafa 18 ríki gert málið sem Texas kærir að sínu, með álitum þeirra og sérstöðu hvert fyrir sig og sem rétturinn hefur móttekið.

Bendi á að kosningakerfin í Bandaríkjunum eru jafnmörg og ríkin. Þar er ekkert miðlægt, nema náttúrlega sjálft forsetaembættið og hæstiréttur.

Nú er bara að bíða afstöðu réttarins til málsins.

Kveðja

[Sigfús Ómar Höskuldsson, 11.12.2020 kl. 21:10]

Gunnar, þú veist það sjálfur að stefnandi er Texas, stefnendur eru 4 ríkin, þar á meðal ríki sem er stýrt af GOP fólki, WI, PA GO og MI.

Hin ríkin 18 eru ekki stefnunni. 

Þeir mega hinsvegar lýsa yfir stuðningi við málið í heild sinni, þá sem pólitísk afstaða þeirra sem þar stjórna.

[Símon Pétur frá Hákoti (IP-tala skráð) 11.12.2020 kl. 21:55]

Takist að sanna það fyrir Hæstarétti Bandaríkjanna, að nafngreindir embættismenn í ríkjunum fjórum 

hafi sveigt kosningareglur

og það án lagastoðar viðkomandi fjögurra ríkja,

þá er augljóst að Hæstiréttur mun, og getur ekki annað en dæmt Texas og ríkjunum 18 í vil.

"Rigged election" í einu ríki er "rigged election" á kostnað allra hinna.  Og við það getur ekki, og mun ekki verða unað.

Alveg sama hvað Sigfús Ómar segir og skrifar. 

[Gunnar Rögnvaldsson, 11.12.2020 kl. 22:00]

Sigfús.

Það virðast vera tvær leiðir. Að ríkin segi réttinum með "amicus brief" að taka málið upp, því það varði þau líka, og svo að gerast beinn málsaðili með Texas. Að minnsta kosti sex ríki hafa til þessa óskað eftir beinni aðild að málarekstrinum með Texas. Hin eru "amicus brief". Og svo hefur forsetinn óskað eftir beinni málsaðild líka. Einnig hafa að ég held 101 þingmaður Repúblikana óskað eftir því að rétturinn taki málið upp.

Ég sé að þér er mjög órótt yfir þessu máli. Ekki hræðast réttarfarsleiðina eins og í Icesave.

[Guðmundur Örn Ragnarsson (IP-tala skráð) 11.12.2020 kl. 23:20]

Það sem hér hefur verið fjallað um og skeggrætt í tvo daga er mjög athyglisvert. En ég held að við komumst dýpra inn í málavexti ef við hlutstum á Bandaríkjamenn sjálfa fjalla um þetta.  Hér eru einmitt fjórir mætir hugsuðir sem skiptast á skoðunum um þessi mál og þeir láta sér ekki duga minna en eina og hálfa klukkustund til að kryfja málið. Þátturinn er frá því í gær á The Victori Cannel.

https://www.youtube.com/watch?v=EX3BKO_D_Mk

[Gunnar Rögnvaldsson, 11.12.2020 kl. 23:24]

Þakka þér fyrir Guðmundur Örn.

Alaska hefur nú bæst í hópinn: Sjá hér.

Kveðja

[Húsari. (IP-tala skráð) 11.12.2020 kl. 23:53]

Sæll Gunnar.

Þakka þér fyrir pistla þína um þessar kosningar.

Það er ljóst að Bandaríkin öll sem
marktækt lýðræðisríki er undir og
miklu skiptir að tekið sé á þeim
vanda sem liggur fyrir; kosningasvikum
sem tæpast gerast öllu alvarlegri og
eiga Bandaríkin allt sitt undir að
hrista af sér það rakkarapakk sem
baki þeim stendur og er nú meiri ógn heildarhagsmunum BNA en allar undangengnar styrjaldir
sem þau hafa þreytt til þessa.

[Sigfús Ómar Höskuldsson, 12.12.2020 kl. 00:03]

Gunnar, svona fór um sjóferð þá....

https://www.nbcnews.com/politics/supreme-court/supreme-court-rejects-texas-effort-overturn-election-fatal-blow-trump-n1250883

Líklega er þá næstu pisltar um fjölskyldu verðandi forseta USA ?

[Ingólfur Sigurðsson, 12.12.2020 kl. 05:13]

Við skulum ekki afskrifa Trump alveg strax. Jafnvel þótt hann verði ekki næsti forseti kann hann að hafa einhver "tromp" uppí erminni, vonandi. Það er sterk hreyfing á bak við hann, og nóg er komið fram til að staðfesta að undarlegar voru þessar kosningar og ekki í samræmi við það sem hefði átt að gerast.

Greinilega mikil valdabarátta bakvið tjöldin, og spennandi enn.

[Gunnar Rögnvaldsson, 12.12.2020 kl. 08:50]

laugardagur, 12. desember 2020 kl. 08:49:30

Þakka ykkur fyrir.

Hæstiréttur hafnar að taka málið upp.

Hæstiréttur Bandaríkjanna segir hér með að hann vilji ekki blanda sér í málið því það sé ekki í hans verkahring. Hann er að segja að aðrir verði að leysa vandamálin við þessar kosningar.

Rétturinn neitar sem sagt að taka málið upp. Hvað þýðir það? Það þýðir að staðan er óbreytt og málið sé ekki úr sögunni, því það er enn óleyst. Þá er það væntanlega þingið og stjórnmálamenn sem glíma verða við það.

[Símon Pétur frá Hákoti (IP-tala skráð) 12.12.2020 kl. 10:22]

Verð að segja að það vekur furðu að Hæstiréttur Bandaríkjanna vísi málinu frá.

Málið er vissulega snúið, en að Hæstiréttur taki strútinn á þetta mál var það lélegasta sem hann gat gert.  Að hann treysti sér ekki til að fjalla efnislega um málið og kveða upp úrskurð.

[Símon Pétur frá Hákoti (IP-tala skráð) 12.12.2020 kl. 13:41]

Málið er enn óleyst Jósef.

Efni kærunnar stendur enn.

Og það er ekkert á förum.

[Sigfús Ómar Höskuldsson, 12.12.2020 kl. 15:24]

Það að eitt ríki geti kært annað ríki fyrir sína eigin löggjöf er augljóslega út af borðinu.

Eins að einhver Trump hafi unnið kosningar þann 3 nóv sl, það er út af borðinu.

Á meðan eru alla "sögur" um stórkostlegt kosningasvindl ósannaðar gróusögur, enda búið að hrekja þær allar.

Best væri svo að taparinn Trump mætti ekki til embættistöku sigurvegarans Bidens þann 20 jan n.k. Þá myndi sú litla arfleið sem taparinn mun skilja eftir sig verða enn snautlegri.

Málinu lokið. Næsta mál....

[Kristinn Bjarnason (IP-tala skráð) 13.12.2020 kl. 12:15]

Kínverski kommúnistaflokkurinn (CCP), eða fyrirtæki honum tengd keyptu Dominion fyrirtækið fyrir 400 milljónir dollara mánuði fyrir kosningar í BNA. Talningavélin sem tengist netinu og var notuð var í BNA er s.s. í eigu Kína, atkvæðin voru svo send til Spánar til leiðréttinga (svindl) og þaðan aftur til baka og síðan send til Þýskalands til geymslu. Mér skilst að þetta brjóti allt lögin sem Trump setti árið 2018. Forritið sem stýrir talningavélinni var reyndar hannað hjá Microsoft.

 

https://www.youtube.com/watch?v=9w3VhdL8jn0

CCP Invested Into Dominion 1 Month Before Election? - YouTube

PayPal Donation: http://paypal.me/soundofhopemedia

www.youtube.com