Hver verður næsti dómsmálaráðherra Bandaríkjanna undir Trump?

SÍÐASTA FRÉTT FYRIR LAG

Bill Barr hættir sem dómsmálaráðherra Bandaríkjanna í ríkisstjórn Trumps. Sú frétt brast á rétt áðan og fer Barr í kveðjubréfi mjög svo lofsamlegum orðum um Trump forseta

Kosningateymi Trumps segist ætla að berjast í réttarsölum landsins hvern einasta dag fram til 20. janúar, fyrir því að meint kosningasvik verði sönnuð, viðurkennd og núverandi úrslit leiðrétt. Að minnsta kosti nítján ríki Bandaríkjanna eru á sama máli

Hver tekur við af Bill Barr það sem eftir er kjörtímabilsins? Verður það bróðir Trumps eins og John F. Kennedy gerði þegar hann skipaði Róbert bróður sinn sem dómsmálaráðherra? Eða verður það einkalögfræðingur Trumps eins og Rögnvaldur Reagan gerði?

Kjörmenn Repúblikana í meintum kosningasvikaríkjum hafa í dag kosið Donald J. Trump sem valkost og halda þar með lagalegum leiðum fyrir kjöri Trumps opnum, skyldu málin fara þannig að þau ríki gefi út nýjar staðfestingar á kosningaúrslitunum, eins og gerðist 1960

Hver tekur við af Bill Barr - og hvað gerist næst, því þetta er ekki búið

****

UM "FJÖLMIÐLA"

"All entities that are not explicitly right-wing will become left-wing over time."
– John O’Sullivan

- Fóðrið ekki tröllin

Fyrri færsla

Nítján ríki Bandaríkjanna kæra forsetakosningarnar í fjórum ríkum landsins

Athugasemdir

[Helga Kristjánsdóttir, 15.12.2020 kl. 00:39]

Hverjir eru betur til þess fallnir en þeir sem alast upp við að bera sannleikanum vitni og hafa góðan málsstað að verja.

[Húsari. (IP-tala skráð) 15.12.2020 kl. 00:42]

Sæll Gunnar.

Þetta eru athyglisverð tíðindi og
bendir til þess að einhverjir þeir leikir
séu enn í stöðunni sem verði leiknir og peðin 
nógu eitruð til að endataflið verði hallkvæmilegt.

[Ívar Ottósson, 15.12.2020 kl. 01:12]

Þú verður nú að gera heimavinnuna þína betur en þetta, yngri bróðir Trumps lést í ágúst sl. svo maður gerir nú ekki ráð fyrir honum sem meðlim á þessum síðustu vikum sirkusins.

[Gunnar Rögnvaldsson, 15.12.2020 kl. 01:34]

Þakka ykkur fyrir.

Ívar: Þar sem látið fólk sannarlega hefur kosið Joe Biden fyrir forseta, þá hlýtur Trump að mega skipa annan hvorn látinna bræðra sinna sem Dómsmálaráðherra Bandaríkjanna.

Hér gildir jafnræðisreglan, ekki satt?

Kveðjur

[Ívar Ottósson, 15.12.2020 kl. 01:38]

Haha.....bara húmor hér...góður....:-)

Annars var Biden (loksins) að vinna, kjörmennirnir voru/eru að skila atkvæðum sínum og eftir það er þetta búið spil fyrir Trumpinn. Nú er bara að skemmta sér við að sjá hann eins og naut í flagi þessar fáu vikur sem hann á eftir.....liklega notar hann þær bara til að spila gólf eins og undanfarið...Ekki er hann að mæta í vinnuna að manni skilst...

[Helga Kristjánsdóttir, 15.12.2020 kl. 01:41]

Það tók sig upp gamalt bros! 

[Ívar Ottósson, 15.12.2020 kl. 01:50]

Nei Helga...frekar nýtt....:-)

[Gunnar Rögnvaldsson, 15.12.2020 kl. 01:55]

Þú reyndist ekki sannspár um Trump í október 2019 Ívar, svo ekki sé meira sagt.

Þetta kemur allt í ljós.

[Ívar Ottósson, 15.12.2020 kl. 02:00]

Nú Gunnar...getur það verið að mér skjátlist stundum.....ólikt þér sem hefur alltaf rétt fyrir sér....get nú lifað með því að ég held....

Hvað var það annars sem ég sagði 2019?

[Kristinn Bjarnason (IP-tala skráð) 15.12.2020 kl. 07:53]

Það er skrítið að sjá Styrmi Gunnarsson lýsa spenningi yfir að Joe Biden endurreisi Bandaríkin. Það er stórmerkilegt hvað fjölmiðlar geta heilaþvegið fólk. Maður sem tilkynnti að hann þyrfti ekki á atkvæðum fólkssins að halda því hann væri með öflugustu kosningasvindlmaskínu í heiminum er ekki að fara endurreisa neitt.

Ég held því fram að DJT sé besti forseti Bandaríkjanna fyrr og síðar. Ef það tekst að stela Bandar. frá fólkinu þá er hinn frjálsi heimur í mikilli hættu.

[Guðmundur Örn Ragnarsson (IP-tala skráð) 15.12.2020 kl. 10:48]

Meirihluti Íslendinga og reyndar meirihluti heimsins vill trúa lygi. Þetta er andlegt. Í 2. Þessalónikubréfi 2. kafla og 10. versi getum við lesið: "Þeir veittu ekki viðtöku og elskuðu ekki sannleikann, svo að þeir mættu verða hólpnir. Þess vegna sendir Guð þeim megna villu (falsfréttir) til þess að þeir trúi lyginni."

Styrmir Gunnarsson og allur heimurinn hefur fyrir framan sig SANNLEIKANN en vill fremur trúa lygi. 

Þess vegna er það stórkostlegt að mikill meirihluti Bandaríkjamanna skuli trúa á SANNLEIKANN og kjósa Donald J. Trump aftur sem forseta.

Kosningaúrslitunum verður ekki stolið frá þeim. Guð leyfir það ekki. 

[Brynjar (IP-tala skráð) 15.12.2020 kl. 11:36]

Menn mega trúa því sem þeir vilja.  Dómstólar þurfa þó að horfa á þau gögn sem eiga að styðja kröfur Trumps um kosninga svindl.  Enn hafa slík gögn ekki verið lögð fram og í öllum þeim 26 málum sem hafa verið lögð fram við mismunandi dómstig í USA hefur þessum kærum verið vísað frá.

Að venju eru hér menn og konur að nota orð eins og " sannleikur, falsfréttir og nú síðast að Guð sjálfur muni ekki leyfa þessum úrslitum að standa.

Er ekki nóg komið.  Ef til væru gögn til að stiðja þessar fullyrðingar að þá væru þau komin fram og dómstólar búnir að viðurkenna þau.

Trump sjálfur veit að hann tapaði.  Biden fékk 8 milljónum fleirri atkvæði og í heildina fóru þessar kosningar nokkurn vegin eins og kannanir spáðu.

Það segir mikið um persónu manna og kvenna hvernig þau taka því að tapa.

Í þessu máli eru falsfréttirnar ykkar megin.

Gleðileg jól.

[Gunnar Rögnvaldsson, 15.12.2020 kl. 16:25]

Þakka ykkur fyrir Kristinn, Guðmunur Örn og Brynjar.

Fjölmiðlar kjósa ekki forseta Bandaríkjanna. Það gera kjörmenn þjóðarinnar. Ef Biden fékk nógu mörg atkvæði þeirra í gær, sem þó virðist ekki öruggt og jafnframt skilyrt því sem gerast mun fram til 20. janúar 2021, þá getur hann fyrst nú kallað sig "kjörinn forseta" (e. president elect). En það hafa hins vegar fjölmiðlar kallað hann frá og með 4. nóvember síðastliðinn og það með röngu.

Bixímatur fjölmiðla þarf þó þarf þó ekki að vera réttur í neinum skilningi frekar en áður, því svo ótal margt bendir til að rangt hafi verið haft við. Og nú þegar bandaríska þjóðin er búin að horfa á Demókrata hafa rangt við síðastliðin rúmlega fjögur árin, þá trúa 80-100 prósentur Repúblikana, og 10-30 prósentur Demókrata því, að rangt hafi verið haft við í kosningunum.

Enginn virðist hafa áhuga á Joe Biden nema fjölmiðlar Demókrata. Þannig horfðu ekki nema 15 þúsund manns á útendingu Joe Biden úr kjallaranum í gær, sem var í tilefni kosningu kjörmanna, þar sem fram virðist hafa komið að fjarframbjóðandinn Biden sé loksins nú orðinn kjörinn forseti, en ekki þann 4. nóvember eins og fjölmiðlar hafa sagt. Þetta er þá 0,045 prósenta af þeim fjölda Bandaríkjamanna sem horfðu á samkomu Trumps í að kvöldi 5. desember 2020 í Valdosta í Georgíuríki Bandaríkjanna.

Það að sumir undirdómstólar hafi vísað sumum málum frá þýðir ekki að gögnin sem lögð hafa verið fram sanni ekki að rangt hafi verið haft við. Það þýðir oft ekki annað en að 3 dómarar útnefndir af Demókrötum gegn 2 dómurum útnefndum af Repúblikönum hafi komið í veg fyrir að málin séu tekin fyrir.

Þess vegna tekur þetta mál tíma því vegurinn upp dómsstigin er langur og strangur, því Bandaríkin eru réttarríki, en ekki Icesave-gunguveldi stjórnmálamanna með kjarkinn fljótandi í skónum.

Líklegt má telja að rannsóknarnefnd verði sett á laggirnar til að rannsaka kosningarnar og að vinna hennar taki næstu tvö árin. Þjóðin vill fá þetta mál á hreint og hún á skilið að þarna sé tekið til og gert hreint og að kafloðinn kosningafeluleikurinn hætti. Hvernig verður með forsetaembættið á meðan veit ég ekki. En þjóðin mun þakka Trump fyrir að taka þarna til og fyrir að þvo skammarblett Demókrata af landi hennar.

Að íslenskir pennar sem ekkert af viti hafa sagt um Trump síðastliðin fjögur ár, segi áfram það sem þeir segja, er bara sama framhaldið á þeim sjálfum. Þeir geta ekki annað en truflast áfram er Trump ber á góma.

Tek ég hattinn ofan fyrir Repúblikönum, fyrir að fylgja sannfæringu sinni. Þannig fordæmdu 34 af 38 kjörmönnum Texas hæstarétt Bandaríkjanna í gær fyrir að vilja ekki skoða málið.

En hins vegar má segja að tími hæstaréttar sé ekki enn kominn í þessu máli, því löggjafinn á Bandaríkjaþingi er með útslitavaldið í sínum fórum, eins og sannaðist 1960 - og svo 1876 þegar báðir flokkar sökuðu hvorn annan um kosningasvindl.

Hæstiréttur telur því enn sem komið er að aðrir en hann hafi ennþá verkfærin til að ákveða hver sé réttkjörinn forseti, hvað svo sem síðar gerist.

Kveðjur

[Gunnar Rögnvaldsson, 15.12.2020 kl. 17:10]

þriðjudagur, 15. desember 2020 kl. 17:09:16

Mo Brooks þingmaður Repúblikana í Alabama segir hér að hann ætli að vefengja og því hafna niðurstöðu kjörmanna sem kosið hafa Biden því kosning hans sé ólögleg. Það ætlar hann að gera er þingið í Washington kemur saman í janúar til að fara yfir atkvæði kjörmanna. Sjá Lou Dobbs ræða við Brooks í gær (krækja leiðrétt).

Málið er Brooks nákomið því reynt var að stela frá honum kosningum 1984, með aðstoð 1/4 hluta talningavéla.

[Theódór Norðkvist, 15.12.2020 kl. 17:23]

Þakka þér Gunnar fyrir að flytja alvöru fréttir af þessu alvarlega máli, sótthreinsaðar af pólitískri rétttrúnaðarfölsun og yfirhylmingu á sannleikanum til að þóknast skuggalegum öflum.

Það er nú bara komin fram vísindaleg sönnun á því að Dominion vélarnar voru með allt að 70% skekkju og algjörar svindlmaskínur.

Ekki af því að þær voru svona illa gerðar. Þetta var innbyggt í vélarnar. Þær voru hannaðar til að svindla í kosningum.

Útnefning Joe Cheatens sem Bandaríkjaforseta er álíka trúverðug og kosning Ferdinand Marcos eða Hugo Chávez á sínum tíma.

Enda notaði Chávez sömu svindlvélarnar og CNN fjallaði um það á sínum tíma sem gróf kosningasvik.

When the shoe is on the other foot, eins og þeir segja. CNN er ánægt með kosningasvindl og ver það, ef það eru þeirra drullusokkar sem eru að svindla.

IT WAS SYSTEMIC-PURPOSEFUL FRAUD: Clark County Nevada Dominion Machines ALSO Kicked out About 70% of Ballots – It Was in the Settings!

[Gunnar Rögnvaldsson, 15.12.2020 kl. 23:58]

Þakka þér fyrir Theódór.

Já, það verður fróðlegt að fylgjast með þessu atriði málsins, plús stjórnarskrárbrotin.

Rússar, Rússar, Rússar:

Ég rakst á þessa upptöku áðan. Hún er um upplýsingaþvætti fjölmiðla og kengboginna penna þeirra sem allir hallast til vinstri. Allir. Það voru og eru ekki bara bankar sem stunda þvætti: Upptakan.

Spennandi verður að fylgjast með gjaldþrotaferli þessara svo kölluðu "fjölmiðla" næstu árin. Um flugeldasýningar verður að ræða, því þegar fjölmiðlafyrirtæki falla þá gera þau það yfirleitt með alveg sérstaklega skautlegum hætti.

Kveðjur

[Ívar Ottósson, 16.12.2020 kl. 00:02]

"Leiðtogi Repúblikana í öldungadeild Bandaríkjaþings, Mitch McConnell, óskaði verðandi forsetanum Joe Biden til hamingju í dag og viðurkenndi þar með í fyrsta sinn sigur hans í kosningunum sem fram fóru fyrir rúmum mánuði.

„Kjörmannaráðið hefur talað,“ sagði McConnell í ræðu á þinginu nú fyrir skemmstu. Svo að í dag vil ég óska kjörnum forseta, Joe Biden, til hamingju.“

Svo er skrifað af morgunblaðinu nú fyrir skemmstu...og hvenær lýgur morgunblaðið..ég bara spyr...

Er ekki kominn tími á að þú og aðrir hætti þessu fordæmalausu ásökunum um svindl þar sem nákvæmlega engar sannarnir liggja fyrir og hæstréttur sem of aðrir dómstólar í BNA hafa gert allar þessar ákærur Trumps aftureka.

Komdu nú með sannarnirar Gunnar eða hættu þessu, þessar samsæriskenningar eru orðnar hrein tímaeyðsla og hreinlega hlægilegar, maður þarf bara að horfa á Giuliani hefst að til að sjá hverskonar sirkus þetta er orðið.

Svo bíð ég spenntur að vita hvað ég hafi haft rangt fyrir mér um Trump í bréfaskrifum okkar í oktober 2019....búin að lesa það vel yfir og kem ekki auga á það, þyrfti hjálp þina við það, betur sjá augu en auga.

Hér er hlekkurinn fyrir þig og aðra að lesa..nú og kommenta: 

https://tilveran-i-esb.blog.is/blog/tilveran-i-esb/entry/2241030/

[Gunnar Rögnvaldsson, 16.12.2020 kl. 00:56]

Þakka þér fyrir að lesa bloggsíðuna mína svona vandlega Ívar.

Það er ekki undir mér komið í hvað þú eyðir tíma þínum, þannig að hjal þitt um "tímasóun" gefur aðeins til kynna að sért hjálparvana í þeim efnum.

Í október 2019 sagðir þú að Donald J. Trump forseti Bandaríkjanna væri á leið í það sem þú kallaðir "ríkisréttinn" vegna símtals hans við forseta Úkraínu.

Maður sem trúði þeim þvættingi Demókrata um Trump þá -og sem þess utan var byggður á nafnlausum heimildum- og jafnvel þvættingi þeirra um Trump öll síðastliðin fjögur ár, hlýtur að trúa hverju sem er, nema því sem hentar honum ekki.

En eitt er víst. Nítján ríki Bandaríkjanna eru á því að rangt hafi verið haft við í þessum kosningum og að stjórnarskrár að minnsta kosti fjögurra ríkja hafi verið brotnar til að gera kosningakerfissvindl mögulegt og sem síðan hefur leitt af sér atkvæðasvindl.

Fyrst að þú heimtaðir ekki sannanir í október 2019, hvers vegna ertu þá að heimta þær núna? Getur þú ekki bara sjálfur afsannað það sem málið snýst um, eða bara hætt að lesa það sem ég skrifa, og haldið áfram að trúa. Við búum í frjálsu landi.

[Ívar Ottósson, 16.12.2020 kl. 01:06]

Takk Gunnar, ákkúrat, jag sagði á 2 stöðum í téðu bloggi að Trump væri á leið fyrir ríkisrétt og ef minnið svíkur ekki þá er það einmitt það sem gerðist. Svo hvar var ég ekki sannspár?...fræddu okkur endilega um það.

Og ég gat nú ómögulega beðið um eða heimtað sannarnir á kostningasvindli i oktober 2019 vegna kosninga í november 2020...svona svona Gunnar....:-)

[Ingólfur Sigurðsson, 16.12.2020 kl. 02:38]

Mér finnst Gunnar standa sig hetjulega í þessu moldviðri gegn Trump. Engu að síður, nú þarf að horfa fram á veginn og vona að Biden standi sig vel, miðað við að vera umlukinn hræðilegu liði rugludalla kommúnismans. Ég held að þetta sé ágætis maður, hann Joe Biden, kannski mikill einfeldningur, en bezta grey. 

En eitt er víst: Falsfréttir sem aldrei fyrr munu vaða uppi og tröllríða bandarískum fjölmiðlum í stjórnartíð Bidens og Harris. Falsfréttirnar sem Repúblikanar hafa staðið fyrir hafa í raun verið ekkert nema andsvar við falsfréttamoldviðrinu frá Demókrötum í áraraðir. Trump sigraði með því að fella þá á þeirra eigin bragði, nota mælsku, persónutöfra og hagræða sannleikanum. 

Þótt malbikað sé yfir sannleikann hverfur hann ekki.

[Húsari. (IP-tala skráð) 16.12.2020 kl. 04:30]

Sæll Gunnar.

Það er athyglisvert að þungaviktarmenn í pólitík íslenskri
sem eru vel inní málum er kemur að kosningum í BNA telja
að engu hafandi margra klukkustunda vitnaleiðslur sem fram hafa farið og virðast telja það sem og þær athugasemdir sem Texas og 
önnur ríki hafa haft í frammi marklaust moldviðri og ósannindi.

Hvað kemur til Gunnar, að við eigum það sameiginlegt að vera slegnir slíkri blindu að sjá þetta ekki í því ljósi?
Hvorugur hefur hagsmuni að ég best veit að ganga um
ljúgandi, dragandi vísvitandi fram það sem alrangt er.

Við teljum sjálfsagt báðir ef svo fer að Biden
verði forseti BNA að þau teljist ekki lengur til
lýðræðisríkis og hugsanlega innsetningu 20. janúar
ólöglega sem og líklega til að hafa alvarlegar afleiðingar
langt inní framtíðina.

Ekki hafa menn einusinni uppburði til að hvetja flokkana til
að heita kjósendum því að taka þá þætti sem nú hafa
verið í eldlínu átaka til athugunar eða öryggisþætti kerfisins.

Drífa þetta af! Því má treysta að kjósendur eru ekki annað en
heilalaus gögl og gott ef ekki hauslausir líka!

Er skýringin annars sú að hagsmunaöfl varði ekkert um stjórnmál;
gull er alltaf gull og annað skiptir engu máli.

Illur fengur illa forgengur!

[Gunnar Rögnvaldsson, 16.12.2020 kl. 11:57]

Þakka ykkur fyrir Ingólfur og Húsari.

Þeir sem heimta sannanir á borðið, ganga nú fremstir í flokki fyrir því að bannað sé að skoða þær. Enginn dómsfundur í neinum rétti hefur enn verið haldinn í málinu þar sem sönnunargögnin eru tekin fyrir og skoðuð. Þeir og meðreiðarsveinar þeirra sem svindluðu vilja ekki að slíkt sé leyft og reyna allt hvað þeir geta til að koma í veg fyrir að sannleikurinn, hver svo sem hann er, sé kortlagður og sýndur almenningi.

Ég minni á Icesave-málið þar sem ótrúlegasta fólk gerði sig að veraldlegum nagdýrum sem nöguðu orð tungumálsins svo í sundur að slæmt fékk meininguna gott og nei þýddi já. Ekki mátti til tals koma að látið væri reyna á málið fyrir rétti og að eina siðferðilega rétta leiðin væri farin, þjóðinni til heilla, hver svo sem niðurstaðan yrði. Það var ekki fyrr en þjóðin veitti þessum pólitísku nagdýrum þrefalda ráðningu að rétt varð rétt.

Ekkert fyrirbæri manna hefur brugðist þjóðum sínum eins hroðalega og ríkisstjórnir og þingmenn sögunnar. Og þegar þær og þeir bregðast og hafa lokið sér af við að tapa ærunni, þá henda þeir og þær sér yfir stofnanir eins og Biblíuna, sem dugað hefur mönnum hve allra best og sem byggði upp Vesturlönd og kynnti sjálfsákvörðunarrétt þjóða, landamærin, réttarríkið og þjóðríkið fyrir þeim. Enginn annar heimshluti hefur haft slíka aburða stofnun, enda vilja öll ríki jarðar apa allt upp eftir okkur, en þó án þess að skilja innihaldið og inntak þess, eins og afbökuð ásýnd þeirra flestra er til vitnis um.

En þegar ríkisstjórnir og þingmenn bregðast þá nota þeir hana til að þurrka af sér, og sjálfa sig upp, í stað þess að fara í meðferð hjá henni. Fólk er almennt orðið svo illa að sér -þingmenn líka- að það heldur að flest sem gerist í dag hafi aldrei gerst áður. Þannig virka afskólarnir í dag. Á sofandi vakt villuráfandi stjórnmálamanna hafa þeir á síðustu 30 árum Nýja-glóbalismans orðið sovéskir að eðlisfari, því jafnvel glóbalisminn og misfóstur hans er ekki neitt nýtt af nálinni.

Kveðjur

[Theódór Norðkvist, 16.12.2020 kl. 20:40]

Enginn annar heimshluti hefur haft slíka aburða stofnun [Biblíuna], enda vilja öll ríki jarðar apa allt upp eftir okkur, en þó án þess að skilja innihaldið og inntak þess, eins og afbökuð ásýnd þeirra flestra er til vitnis um.

Bingó! Varla hægt að orða þetta betur. Nema að ég vil meina að aðrar þjóðir og heimshlutar hafi haft Biblíuna. Þeir hafa bara ákveðið að drulla yfir boðskap hennar og uppskera eftir því, dauða sorg og hungur eins og Biblían sjálf boðar sem afleiðingu af þeirri höfnun. Það er kannski annað mál, engu að síður.

Hér er ein hetja sem er ekki í miklum vandræðum með að hrekja lygar Dominion (eða Demonion?) forstjórans. Hún var vitni í Michigan og hefur lýst yfir að Demókratar hafi lagt líf hennar í rúst, eyðilagt alla atvinnumöguleika o.þ.h.

Sannkölluð hetja og fíflin sem fullyrða að einstaklingar séu að koma svona fram og hætta á að vera gjörsamlega eyðilagðir og jafnvel drepnir, bara til að bulla eitthvað út í loftið - ég veit ekki hvort það er til nógu öflug geðheilbrigðisstofnun til að vista það fólk.

Mellissa Carone refutes Dominion CEOs statement to Michigan Senate: HE IS LYING!

[Kristinn Bjarnason (IP-tala skráð) 19.12.2020 kl. 10:48]

Þetta voru að sjálfsögðu algjörlega tilhæfulausar ásakanir Bidens um að þeir væru með svo öfluga kosningasvikamaskínu að þeir þyrftu ekki atkvæði fólkssins.

Þetta er engin sönnun þó að þetta hafi verið í sjónvarpinu.