"Moggalygi": vinsamlegast ekki sanna það falska fyrirbæri [u]

Upptaka: Trump-samkoma að að kvöldi 5. desember 2020 í Valdosta í Georgíuríki Bandaríkjanna. Tilefnið var fyrirstandandi kosning þingmanna Georgíuríkis til öldungadeildar Bandaríkjanna í janúar næstkomandi

****

KOSNINGASVIK Í BANDARÍSKU FORSETAKOSNINGUNUM ERU Á LEIÐ Í RÉTTINN

Mál um að minnsta kosti mörg hundruð þúsund svikin atkvæði í bandarísku forsetakosningunum hafa nú verið kynnt fyrir réttarkerfinu og dómstólar eru rétt að byrja að átta sig á stöðunni og að beina málunum til réttra staða. En fjölmiðlar reyna að þagga málið niður

Það má heita grátbroslegt að í frétt Moggans á netinu sé það kallað að "fara á svig við lýðæðisleg gildi" að reyna að fá sannreynt hvort að svindlað hafði verið í þeim ríkjum þar sem yfirþyrmandi rökstuddur grunur og eiðsvarinn framburður vitna liggur fyrir, og það svo þungt að forseti Mexíkó vill ekki óska neinum til hamingju með sigur, því hann sjálfur lenti í því að reynt var að stela sigrinum frá honum 2006. Það eru ekki enn komnar niðurstöður úr þessum kosningum sagði hann

Samkvæmt þessari furðulegu (og til háborinnar sammar) kremlarlógíu, voru endurkosningarnar í austurrísku forsetakosningunum fyrir nokkrum árum og sem fram fóru vegna athugasemda um utankjörstaðaatkvæði "bara svigganga við lýðræði" eða hvað? - og hvað þá með endurtalninguna í Póllandi um daginn? Lönd hafa réttarkerfi til að leiða svona mál til lykta, til þess eru þau. Og í sambandsríkjum með 50 sjálfstæð kosningakerfi er réttargangurinn í þannig málum ekkert smámál

Hvað er að? Er persónulegt hatur fréttaskrifarans á Trump að ræna ærunni frá Mogganum á netinu, eins og gerst hefur á flestum meiriháttar svo kölluðum "fjölmiðlum" í Bandaríkjunum og víðar? Ég hef áður þurft að leiðrétta firruskrif mbl-netmiðilsins um "Trump í neðanjarðarbyrgi". Vinsamlegast ekki leggjast svona lágt. Það fer ykkur afar illa. Nóg er af ruslmiðlum fyrir hér á landi, önnum köfnum í miðju harakiri

Í leiðinni er hægt að geta þess að fiskisaga svokallaðra "fjölmiðla" um það sem Bill Barr dómsmálaráðherra Bandaríkjanna átti að hafa sagt í síðustu viku, en sagði ekki, um að engar vísbendingar um útbeidd kosningasvik hefðu fundist, var líklega "fölsk frétt" sem of margir svo kallaðir "fjölmiðlar" vildu að væri sönn

Samkvæmt Catherine Herridge hjá CBS sagði ráðuneytið þvert á móti að "dómsmálaráðuneytið haldi áfram að taka á móti og af fullum þunga sækja öll þau einstöku trúverðugu mál um kosningasvik eins hratt og auðið er og hefur dómsmálaráðherrann ítrekað sagt að enginn ætti að bíða eftir því til að hefja sínar eigin rannsóknir

From a DOJ spokesperson: “Some media outlets have incorrectly reported that the Department has concluded its investigation of election fraud and announced an affirmative finding of no fraud in the election. That is not what the Associated Press reported nor what the Attorney General stated. The Department will continue to receive and vigorously pursue all specific and credible allegations of fraud as expeditiously as possible.

Kjörmenn Bandaríkjanna koma saman til að kjósa forsetann síðar í þessum mánuði. Um leið og þeir hafa gert það og kosning þeirra er kunn, þá fær sá kjörni titilinn "kjörinn forseti" og ekki fyrr (e. president elect). Bandaríska þingið kemur svo saman í janúar til að ákveða hvort þingið samþykki að hinn kjörni fái embætti forsetans, og verði einnig settur í það. Fjölmiðlar kjósa ekki forsetann

Hér á sennilega mikið og margt óvænt eftir að gerast, sýnist mér. Þessar kosningar eiga líklega eftir að renna í sögubækurnar sem óvenjulegustu forsetakosningar Bandaríkjanna nokkru sinni, þó ekki sé nema fyrir tuttugu- og fimmfaldan fjölda póstgreiddra atkvæða, svo ekki sé notað hugtakið "utankjörstaðaatkvæði" sem í augum okkar Íslendinga er allt annað en það klám sem virðist hafa verið liðið með eins konar fimmta flokks póstverslun atkvæða í boði Demókrataflokksins, sem meira að segja virðist hafa sett lög um að bannað sé að krefja kjósendur um skilríki. Allt hitt læt ég bíða þar til síðar, meðal annars tölfræðilegan og sagnfræðilegan ómöguleika kosningaútslitanna, - sem nú eru véfengd

Það var að venju massífur mannfjöldi kominn saman í Valdosta í Georgíuríki í gærkvöldi til að hlýða á orð Donalds J. Trump, sem er vinsælasti forseti í sögu Bandaríkjanna meðal fólksins (en ekki fjölmiðla) sem mynda Bandaríkin. Enginn sitjandi forseti hefur fengið eins mörg atkvæði í kosningum og Trump. Sem merki um það horfðu 49 sinnum fleiri Bandaríkjamenn á kosningaútsendingar Trumps miðað við Biden fyrir kjördag, og í gærkvöldi er talið að um hálf milljón manna hafi horft á samkomuna á netinu, og líklegt má telja að um 40 þúsund manns hafði komið á hana í eigin persónu, til að hlýða á Trump-forseta fólksins. Sá fjöldi sem fylgdist með samkomunni á netinu gæti verið 500 sinnum meiri en sá fjöldi sem hafði fyrir því að hýða á þakkargjörðarávarp Joe Bidens um daginn

Tilefni samkomunnar í gærkvöldi er fyrirstandandi kosning þingmanna Georgíuríkis til öldungadeildar Bandaríkjanna í janúar næstkomandi

Uppfært:

Uppfært að morgni 7. desember 2020, þ.e. á þeim degi er Apollo 17 árið 1972 hélt af stað til Tunglsins með enn fleiri Bandaríkjamenn innanborðs til sumarfrís frá Jörðinni á Tunglinu, en þar lentu þau mönnum sínum 51 ári áður en Kínverski kommúnistaflokkurinn lenti ómönnuðu geimfari á sama hnetti, - já þá hafa rúmlega tvær milljónir manna horft á upptökuna frá Trump-samkomunni hér fyrir ofan - og er hún bara ein af mörgum slíkum

Á þessum degi í Bandaríkjunum eða þann 7. desember 1972: Apollo 17 leggur í hann með Bandaríkjamenn til dvalar á tunglinu. Fimmtíu og eitt ár er liðið síðan að Bandaríkjamenn stigu fyrstir manna fæti og gengu um á tunglinu. Enn sem komið er hefur engin önnur þjóð jarðar verið fær um hið sama

Fyrri færsla

Orkuskortur í Austur-Berlín Reykjavíkurborgar og ekkert sérstaklega kalt

Sýndi engin merki um uppgjöf á fjöldafundi

Athugasemdir

[Ragnhildur Kolka, 6.12.2020 kl. 11:57]

Það er lyginni líkast að fylgjast með því sem er að gerast í BNA þessa dagana. Og ótrúlegt hvað fjølmiðlar rangtúlka það allt. Ég hef reynt að fylgjast með þingnefnda fundunum sem Giuliani hefur haldið og maður bara gapir. Ekki bara yfir framburði vitnanna heldur líka tølfrædinni sem er að birtast og vitnisburði sérfræðinga á sviði tølvunjósna. Þetta er fyrir utan allt glæpsamlega athæfið sem kraftakonan Sidney Powell er að afhjúpa. Ef Kaninn tekur ekki til í kosningakerfi sínu eftir þetta allt þá engin bera virðingu fyrir þessu ríki framar (ekki það að Biden sé líklegur til að reisa eitt né neitt við) 

[Kristinn Bjarnason (IP-tala skráð) 6.12.2020 kl. 12:20]

Fréttamiðlar á Íslandi með RÚV fremsta í farabroddi eru eins og í Sovétríkjunum sálugu. Þeir eru rúnir öllu trausti og Mbl þar með í flokki falsfréttamiðla.

Ríkisstjórnir vesturlanda eru samsæri gegn sínum þegnum. Ef einhver vogar sér að vinna fyrir fólkið verður allt vitlaust í valdaelítunni. Ég spyr hvernig er hægt að fá fólk með í þetta?

[Símon Pétur frá Hákoti (IP-tala skráð) 6.12.2020 kl. 14:45]

Mbl.is er lélegasti Pravda vefmiðill landsins.

Og, nei, það eru ekki tilhæfulausar ásakanir.

Mbl.is hefur sannað sig að vera það ítrekað.

[Helga Kristjánsdóttir, 6.12.2020 kl. 14:46]

Sú áleitna spurning hefur plagað mig frá fyrstu reglulegu kynnum af vinstri flokkum þessa lands í hruninu 2008/9; "Hvernig er hægt að fá fólk með í þetta"? Ringuleið eins og verður þegar allt fer á hliðina er kjörin aðstaða fyrir öfgamenn að nýta. En vorið kemur aftur; vorið á Ísland.

[Gunnar Rögnvaldsson, 6.12.2020 kl. 14:58]

Þakka ykkur fyrir.

Ég leyfi mér að vekja athygli á viðtali Steve Bannons við Mo Brooks þingmann Repúblikana frá Alabama þann þriðja desember síðastliðinn. Þar lýsir Brooks því hvernig hann mun sinna skyldum sínum sem þingmaður Alabama í Washington í janúar næstkomandi.

Málið er honum nákomið því árið 1982 var reynt að hafa af honum 25 prósent atkvæðanna með því að falsa kosningar í ríkinu með svo kölluðum kosningavélum það árið. Hann lenti sem sagt sjálfur í því að reynt var að svindla á honum. Viðtalið við Brooks hefst á 35. mínútu útvarpsþáttarins. 

Já fréttaflutningurinn af Donald J. Trump sem frambjóðanda og forseta Bandaríkjanna hin síðustu fimm árin hefur verið mun verri en enginn. Miklu miklu verri en enginn. Og það er skömm. Stafrænt suð er það eina sem hægt er um þann flutning að segja. Og það er synd að fjölmiðlar skuli henda sjálfum sér svona á starfræna bálið og gera sig að suði sem fólk er hætt að hlusta á.

Það eina sem algjörlega hefur staðið upp úr hér á Íslandi er Reykjavíkurbréf Davíðs. Það er algjörlega einstakt, enda fullþroskaður maður með mikla reynslu á ferð.

Kveðjur

[Símon Pétur frá Hákoti (IP-tala skráð) 6.12.2020 kl. 15:29]

Af einhverjum ástæðum er séð svo til

að ritsjóri Morgunblaðsins

fái engu ráðið um ritstjórnarstefnu mbl.is.

Hverjir véla þar um?  Það er spurningin.

Hver er stjórnarformaður Árvakurs?

Er það ekki faðir Áslaugar Örnu Sigurbjörnsdóttur?

Og hverjir eiga svo Árvakur í dag?

Við vitum öll hversu þunnur og fíflalegur

"fréttaflutningur" lélegasta Pravda vefmiðilsins er, en hverjir fóðra fíflin sem þar skrifa?  Eru það ekki eigendur Árvakurs?

[Gunnar Rögnvaldsson, 6.12.2020 kl. 15:55]

Þakka þér Símon Pétur.

Frjálsir fjölmiðlar hafa auðvitað frelsi til að skrifa það sem þeim sýnist í löndum sem enn kallast geta frjáls. Og hið sama gildir um lesendur þeirra. Lesendur geta bæði gripið til pennans og hætt að lesa blöðin og að horfa á sjónvarp. Og það er það sem gerst hefur.

Hins vegar finnst mér ekki að ríkisfjölmiðill eigi að njóta slíkra réttinda, því hann situr ekki við sama borð. Hann eyðileggur fjölmiðlamarkaðinn og kengríður honum.

Og svo eru það félagsmiðlarnir sem lauma sér framhjá lögunum um fjölmiðla og þeir neita að bera ábyrgð á innihaldi sínu. Lögin um tjáningarfrelsi á Vesturlöndum eiga ekki við um nafnleysingja og fjölfaldaðar gervipersónur.

Félagsmiðlar eru að eyðileggja gróðurmold frjálsrar fjölmiðlunar á Vesturlöndum, og komir hálfa leið í vasa vafasamra og ósýnilegra afla. Þeir haga sér eins og járnbrautarbarónar 19. aldar. Þeir bæði ritskoða og falsa birtingarupplýsingar notendanna eins og þeim sýnist. Þykjast vera yfirherrar alheimsins núna.

Kveðja

[Guðjón E. Hreinberg, 6.12.2020 kl. 17:31]

Horfði á ræðuna/samkomuna í gær og hugsaði með mér "skyldu Íslenskir Staðleysumiðlar fjalla um þetta?"

[Guðjón E. Hreinberg, 6.12.2020 kl. 17:33]

Gleymdi að bæta við, ef ég má: Íslendingum er sagt fá "augljósum kosningasvikum" í Hvítrússlandi þó það sé ósannað, en fá ekki að vita staðreyndir um kosníngasvik sósíalista í Bandarkjunum.

[Jón Steinar Ragnarsson, 6.12.2020 kl. 19:16]

Svona fréttamennska er bara kranablaðamennska hirt af NYT, Wasington Post og CNN. Ætla ekki að það séu blaðamenn á MBL. Sjaldan eða aldrei er efnið samið af morgunblaðsmanni.

Það sýnir hvað MBL er afturábak að þar halda menn virkilega að Ofangreindir fjölmiðlar ásamt Times Magasine, séu virtir og óhlutrægir fjölmiðlar. Þessvegna veigra þeir sér ekki við að éta allt upp hrátt frá vinstri kratapressunni í USA.

[Heimir Lárusson Fjeldsted, 6.12.2020 kl. 22:00]

Ég hélt að RÚV væri botninn í fréttaflutningi af Trump, núna sé ég að mbl.is er enginn eftirbátur.

[Guðmundur Örn Ragnarsson (IP-tala skráð) 6.12.2020 kl. 22:28]

Auk Ritstjóra Morgunblaðsins, Davíðs Oddssonar, er rétt að nefna Útvarp sögu, til SÖGUNNAR um trúverðugleika.

[Gunnar Rögnvaldsson, 7.12.2020 kl. 00:02]

Þakka ykkur fyrir.

Já tálsýnin um "hlutlausa" fjölmiðlun var ávallt einungis tálsýn, og sérlega hollt er að muna það þegar hugsað til DDRÚV og til dæmis ruslblaðamennskunnar sem réði úrslitum í Watergatemálinu á sínum tíma. Þar drógu bandarískir fjölmiðlar þjóð sína á tálar og því hefur hún ekki gleymt og mun aldrei gleyma.

Heiðarlegra er að segja bara: "Við erum vinstrisinnaður fjölmiðill sem hötum Donald J. Trump og hægrimenn, og álítum að það sé ólöglegt að vera ekki vinstrisinnaður - og við áskiljum okkur rétt til að framleiða ekki neitt heldur bara afrita það sem aðir hafa afritað."

Þá vita lesendur það, og geta valið og hafnað er þeir kaupa inn eða skemmta sér við gratísbrunninn.

Tígulgosinn var til dæmis heiðarlegt blað. Og Vikan var sennilega eitt besta blaðið á Íslandi; reyndu ekki að villa á sér heimildir.

Kveðjur

[Gunnar Rögnvaldsson, 7.12.2020 kl. 01:18]

Þess er rétt að geta hér í leiðinni að það sem kallað er "vísindin" eða "vísindamenn" er samskonar fyrirbæri og fjölmiðlar. Vísindamenn eru bara menn og stór hluti þeirra er geðbilaður og annar hluti þeirra vangefinn og spilltur, eins og gengur og gerist um flesta hópa manna - og síðan er enn annar hluti þeirra ofsatrúarmenn. Til samans mynda þeir sem hópur sérlega hlutdræga summu fólks.

Þannig að þegar menn segja "fylgjum vísindunum" þá þýðir það "fylgjum skoðunum viss hluta þessa fólks og ekki hins hluta þess sem ósammála er trúboði dagsins". Líka þetta, þ.e. "vísindin" er orðið að ruslahrúgu og bremsuklossi á framfarir.

Það er ekkert merkilegt við vísindamenn sem kannski ekkert annað hafa fundið upp en þvælu og að þiggja laun fyrir að vera með. Og til að vera framúrskarandi í vísundum þá þurfa menn að sýna afrek sem aðrir ná varla utan um. Til dæmis eins og Bohr, en Einstein gat aldrei viðurkennt vísindi hans svo lengi sem hann lifði. Bohr gat ekki tjáð sig óbrenglað fyrir framan meira en ca. fimm manns, svo erfiður var hann. Sannir vísindamenn koma ekki í hópum og alls ekki í kippum. Þeir eru mjög svo sjaldséðir fuglar - eins og góðir fjölmiðlar.

Ég hugsa ekki að Einstein gæti fengið neitt birt eftir sig í svo kölluðum "vísindatímaritum nútímans" væri hann að hefja feril sinn í dag, þar sem þau virtustu hafa breytt sér í vinstritrúarrit, og háskólarnir sem útskrifa þá sem ritstýra þeim eru orðnir jafn lokaðir og nautheimskir fyrir öllu og þeir voru fyrir stríð og G.I. Bill.

En oft gagnast svo kölluð vísindi og vísindamenn ekki til neins, nema til að baka fólki erfiðleika og vonbrigði. Ástæðan fyrir því að ég hef talið skynsamlegt að fylgja því sem Þórólfur, Alma og Víðir hafa að segja er sú, að þau þykjast ekki vera vísindamenn. Þau þekkja öll þrjú þau vísindi að tómatur er ávöxtur, en vísdómur þeirra hefur hins vegar sagt þjóðinni að tómatar eiga ekki heima í ávaxtasalati. En til að vita það, þá þarf vísdóm en ekki vísindi. Vísdómur kemur aðeins með aldrinum og þess vegna þurfum við öldungadeild.

Hvernig Trump segjir orðið Sjibbólet hefur mótað fjölmiðla í fimm ár. Lengri er fimm ára þvæla þeirra um hann sem persónu, stjórnmálamann og stjórnmál hans ekki.

[Theódór Norðkvist, 7.12.2020 kl. 11:57]

Ótrúleg þessi þöggun í kringum þetta stóra mál. Allt bandaríska kerfið virðist vera rotið af spillingu, miðað við hvað mörgum ákærum hefur verið vísað frá.

Þetta getur ekki verið bara fjaðrafok út af engu. Ég man ekki eftir neinum svona stórum ásökunum í kringum neinar kosningar.

Þar sem er reykur þar er eldur og það er mikill reykur. Svo mikill að ekki er óhætt að senda neina aðra inn en reykkafarana. Vonandi kafna þeir ekki úr spillingarfnyknum.

[Gunnar Rögnvaldsson, 7.12.2020 kl. 15:28]

Þakka þér fyrir Theódór.

Það er ansi fróðlegt að hofa á nýjasta þátt Marks Levin um þetta mál. Hann segir margt.

Kveðja