Lögin og bandarísku forsetakosningarnar

BANDARÍSKU FORSETAKOSNINGARNAR 2020

Nú er komið í ljós að svo kallaðir leiðtogar Demókrata (maður getur varla borið það heiti fram lengur) gerðu í fyrra miklar og stórkostlegar athugasemdir við kosningavélarnar og hugbúnaðinn sem notaður er við talningu atkvæða. Það má sjá hér

Og í september leiddi rannsókn í ljós að 1,8 milljón fleiri skráðir kjósendur voru í 353 sýslum í 29 ríkjum Bandaríkjanna en fjöldi manna á kosningaaldri var þar í september: fréttatilkynning 16. október 2020

NYTSAMIR EN EINNOTA KJÁNAR

Demókrataflokkurinn lét Jill Stein staðgengil sinn í örverpi Græna flokksins keyra málshöfðanir vegna forsetakosninganna í Michigan, Wisconsin og Pennsylvaníu eftir kosningarnar 2016. Málshöfðanirnar voru keyrðar með tilvísun í kosningasvindl með þessum svo kölluðu kosningavélum sem notaðar eru við atkvæðagreiðslu og talningu. En þegar ekkert hafðist upp úr því létu Demókratar fjölmiðla sína fá það viðfangsefni að þeir yrðu að sannfæra bandarísku þjóðina um að kosningarnar væru svindl og að farið yrði fram á að kjörmenn Bandaríkjanna myndu sýna "þjóðskyldu" sína og "hollustu" og hafna því umboði sem þjóðin trúði þeim fyrir og þar með hafna kjöri Trumps 2016. Þannig að þeir sem enn eru með bara vott af vitglóru í kollinum sjá að þetta er bara að byrja hjá Trump núna, því í þetta sinn er það einnig hinn ótrúlegi, einstaki og tröllslegi fjöldi póstgreiddra atkvæða sem hrúgast hefur á bálið sem Demókratar bjuggu til

REYKUR OG SPEGLAR

Taka ber ei mark á því sem íslenskir langlegu-kratar segja um þetta mál og fjölmiðlar. Þeir vita ekkert nema það sem þeir lesa í speglasalnum hjá kollegum sínum og á esb-fyrirbærum á borð við lygaveitu Der Spiegel. Það tekur sig ekki að hlusta á þá menn. Það sjá menn ákaflega vel í ljósi hinnar afar erfiðu reynslu þjóðanna af langlegu-krötum allar götur frá 2007 - og jafnvel alla leið frá 1989, er þeir hugðust opna Harward í Moskvu og kratfletja plánetuna út

Vel getur hugsast að Trump hafi þegar verið kominn með nægan atkvæðafjölda til að vinna kosningarnar er kjörstaðir áttu að loka að kvöldi kosningadags. Það er hugsun sem leitar á marga. En eftir lokun héldu atkvæði bara berast og enginn veit enn hvernig fara á með þann fjölda kvæða sem bætt var þannig í bunkann. Kannski fer málið á þann veg að það lendi á borði þingsins að skera úr um lögmæti umboðs kjörmanna. Nokkur ríki þurfa að gera upp hug sinn núna og taka ákvörðun um að standa við það sem gerst hefur með fjölda atkvæða eftir að kosningum lauk, eða útnefna nýja kjörmenn til að endurkjósa Trump sem forseta

GAAR DEN SAA GAAR DEN

Mörg ríki Bandaríkjanna og dómstólar þeirra eru þekkt fyrir tilraunir til að reyna að sér-stjórna Bandaríkjunum öllum á ýmsa vegu, bæði með löggjafanum á heimavelli eða með dómstólum ríkjanna. Nýlegt dæmi um það var þegar ríkisdómstóll reyndi að taka sér það vald að stjórna því hver fengi að koma inn í öll 50 ríki Bandaríkjanna eða ekki. Um var að ræða ferðabann sem Trump forseti hafði sett á íslamista inn í Bandaríkin. Eitt ríki reyndi þá taka sér vald yfir öllum aðkomuleiðum inn í öll Bandaríkin með því að setja forsetann til hliðar, en þeirri tilraun var auðvitað kollvarpað. Ekkert eitt ríki stjórnar öllum forstofum og dyrum inn í öll Bandaríkin. Eins er það með ríkin og kosningar núna. Þau reyna. Málin munu að sjálfsögðu enda á þeim stöðum sem stofnendur Bandaríkjanna ætluðust til og verða afgreidd þar, fyrst að löggjafinn í sumum ríkjum Bandaríkjanna getur ekki komið að borðinu með lögleg kosningaúrslit

2016 og 2020 EÐA 2024+2028 - TÓLF EN EKKI ÁTTA?

Þar sem framtíð Bandaríkjanna er talin liggja, þ.e. í ríkjum eins og Flórída og Texas og á hinu risavaxna upptakasvæði Mississippifljóts –en það er stærsta samhangandi landbúnaðarsvæði veraldar og gæti hæglega brauðfætt heiminn allan– féll boðskapur Trumps mjög svo vel í geð kjósenda hjá öllum hópum manna af öllum kynþáttum af báðum kynjum. Þykir það ágætis vegvísir um hvert stefni í Bandaríkjunum. Langlegu-kratismi hins barnlausa útrásar-stórborgarvinstris í háhýsakompum með veirulyftum og garð í potti, er að úrkynjast og deyja út. Útdáningarkvöl þess hluta atvinnulífsins hófst með miðflótta hins góða fólks til Kína. Og hin stafræna "hátækni" Kísilsdalsins er ekki lengur hátækni heldur aðeins vara á borð við sæmilegan en tóman ísskáp. Og fjármálageirinn? - já hann fór með sjálfan sig í skammarkrókinn í byrjun aldar og er ekki lengur svipur hjá sjón. Bankavísitalan virðist orðin varanlega marflöt. En þar eins og núna snéru fagmenn sig og fag sitt úr hálsliðnum í trúarpólitískum tilgangi einum. Núna eru það svo fjölmiðlarnir og akademían sem standa hálsbrotin á brókinni sem hífð verður til aðhláturs við hún í Hvítu húsi - skyldu kosningarnar að lokum skila nöktum og barnlausum borgarkompu-Demókrötum í varanlegri útrýmingarhættu þangað inn núna

DING-DONG (OG SVO HIÐ NÍUNDA KÍNVERSKA TÓNVERK?)

Og nú er komið í ljós að þingmenn Demókrata og fjölskyldur þeirra eru stóreigendur í því fyrirtæki sem býr til hugbúnaðinn sem notaður er við atkvæðatalninguna. Það er ekki að því að spyrja. Langlegu-kratar eru alls staðar eins. Og sannið til: ef dómstólar og þingið komast að þeirri niðurstöðu að Trump sé réttkjörinn forseti núna, eins og síðast, þá mun Evrópusambandið samstundis hringja öllum kjósum-aftur bjöllum og hvítan reyk leggja út um eyru langlegudeildarmanna kratismans. Hressilegir tímar eru því framundan og okkar maður er ekki krati, eins og sést. Bara alls ekki!

Og nú fæ ég mér heimagerðar og heitar fiskibollur úr fiski frá Rifi í morgunmat, restar frá því í gær, og franskar með því

Fyrri færsla

Minna en helmingur Bandaríkjamanna telur Biden hafa sigrað

Athugasemdir

[Ragnhildur Kolka, 14.11.2020 kl. 13:01]

Þú kannt að koma orðum að því, Gunnar. Við verðum að sjá til hvort tekst að sanna tilvist kosningasvindlsins í tæka tíð, en öll bönd berast að því. Talningavélarnar og hugbúnaður þeirra er meira en lítið suspect og nú er komið í ljós að ríkisstjóri Tx hafnaði notkun þeirra. Þótti þær óöruggar.

[Benedikt Halldórsson, 14.11.2020 kl. 14:51]

Gunnar, takk. 

[Óskar Kristinsson, 14.11.2020 kl. 20:44]

Eg segi líka bara Gunnar magnaður mange mange tak...

[Gunnar Rögnvaldsson, 14.11.2020 kl. 20:57]

Þakka ykkur fyrir Ragnhildur, Benedikt og Óskar.

Ligg á meltunni eftir kindasviðin í kvöldmat ístoppinn frá Emmess. Fallegt kvöld.

Kveðjur

[Helga Kristjánsdóttir, 15.11.2020 kl. 02:53]

Kvöldið,?Já fagurt og hlýtt eins og allt og allir hér.Þakka þér Gunnar.

[Gunnar Rögnvaldsson, 15.11.2020 kl. 09:32]

Þakka þér Helga.

Kveðja

[Gunnar Rögnvaldsson, 15.11.2020 kl. 10:56]

sunnudagur, 15. nóvember 2020 kl. 10:55:40

Mikill mannfjöldi safnaðist saman í höfuðborg Bandaríkjanna, Washington D.C., í gær. Þar kom bandarískur almenningur saman og hélt ræður, söng þjóðsönginn og bað um styrk í baráttunni fyrir réttvísandi kosningum. Sjá má myndir frá viðburðinum og hinum massífa mannfjölda hjá Mollie Hemingway  Hægt var að horfa á beina útsendingu hjá Breitbart útgáfunni og kíkti ég þar við annað slagið og sá að allt fór friðsamlega fram hjá stuðningsmönnum forsetans, sem ók hjá á leið hans eitthvert annað. Sagt er að víða annars staðar í Bandaríkjunum hafi mannfjöldi komið saman um um þetta mál, þ.e. kosningamálið.

En í borgríki Washingtonborgar og sem ber nafnið "District of Columbia" (skammstafað D.C.) búa margir embættismenn alríkisstjórnarinnar. Í þessum kosningum kusu 93 prósent íbúa Washington D.C. framjóðanda Demókrataflokksins, Joe Biden. Svo auðvelt er að sjá að mýri er réttnefni og að slagorðið "drain the swamp" eða "ræsum út mýrina" á einkar vel við um  Washington D.C.

Þar býr nú tekjuhæsta stétt landsins í fyrsta sinn í sögu Bandaríkjanna. Áður var það ávallt einkaframtakið sem státað gat af að hafa hæst launuðu stétt landsins.

[Gunnar Rögnvaldsson, 15.11.2020 kl. 11:42]

sunnudagur, 15. nóvember 2020 kl. 11:42:19

Bandarískir Demókratar og reyndar fylgismenn þeirra á nær öllum vesturlöndum, hafa verið vitstola af sturlaðri reiði síðastliðin fjögur ár yfir því að aðkomumaður skyldi hafa sigrað þá og establissiment þeirra í kosningunum 2016.

Hafa þeir og stofnana- og fjölmiðla-pakt þeirra nú hamast og nítt Trump forseta niður í fjögur ár, keyrt hverja "rannsóknina" á fætur annarri á forsetann og misnotað aðstöðu og vald sitt á hinn grófasta hátt. Ekki hefur liði sú stund í meira en fjögur ár að þessir langlegu-kratar sem þykjast vera lýðræðissinnar, en eru það ekki, hafi ekki froðufellt af bræði hvern einasta dag í rúm fjögur ár yfir því að Trump en ekki þeir skyldi hafa náð kjöri hjá þjóð sinni 2016.

Bræði þeirra núna er hins vegar svo mikil og óheft að þeir þola ekki að Trump fái nokkrar vikur til að rannsaka hvort að rétt hafi verið haft við í kosningunum þann 3. nóvember.

Sem sagt: Þeir sem froðufellt hafa af bræði og keyrt reiðirannsóknir um Rússa- og Úkraínuþvælur plús allt annað í samtals fjögur ár, eru að farast núna yfir því að Trump forseti hafi réttinn sín megin til rannsókna á kosningunum. Ráðast þeir og trausti rúnir fjölmiðlar þeirra nú með offorsi á lögfræðiteymi forsetans, og bendir það til þess að Trump forseti hafi víðtækar og réttvísandi grunsemdir um einmitt framkvæmd kosninganna. Það er farið að fara um langlegu-kratana á vesturlöndum öllum.

[Jónatan Karlsson, 15.11.2020 kl. 15:34]

Langlegu kratismi Vesturlanda - Vel að orði komist.

[Gunnar Rögnvaldsson, 15.11.2020 kl. 15:57]

Þakka þér fyrir Jónatan.

Já, það verður fróðlegt að sjá hvort að Joe Biden eða öðru nafni Luca Brasi laganefndar öldungadeildar Bandaríkjaþings verði næsti forseti Bandaríkjanna - eins og Bruce Thornton sagnfræðingur kallar Joe Biden í grein sinni: "This Is A Time For Fighting, Not For "Healing".

En Luca Brasi var lögfræðingur mafíuforingjans Don Corleone í skáldsögunni Guðfaðirinn.

Kveðja

[Guðmundur Ásgeirsson, 15.11.2020 kl. 23:10]

Það er klikkun að nota tölvur til að telja atkvæði, hvað þá við kosninguna sjálfa. Margoft hefur verið sýnt hversu mikill barnaleikur er að hakka slíkan búnað.

[Gunnar Rögnvaldsson, 16.11.2020 kl. 09:22]

Þakka þér fyrir Guðmundur.

Tek undir það.

Og merkilegt að þessi talningakerfi skuli líka vera tengd vistunarþjónum erlendis.

Kveðja