Forsetakosningarnar orðnar mesta hneyksli sögunnar

Victor Davis Hanson er gestur John Batchelor-þáttarins. Efnið er fjölmiðlar, og kannanabransi snjalla og góða fólksins. Njótið

****

Mánuðum saman fyrir kosningar, lýstu nær allir fjölmiðlar því fyrir bandarísku þjóðinni og heiminum öllum, hvernig Joe Biden væri með yfirburðarstöðu í forsetakosningum. Mánuðum saman kyrjuðu sérfræðingarnir og fjölmiðlar þá "staðreynd" að Biden væri með algjöra yfirburðarstöðu. Kjósendur máttu vita að engin séns var á öðru en sigri Bidens. Sögulegum yfirburðarsigri

En nú eru liðnir heilir sex dagar frá kosningum og enn vita menn ekki hver næsti forseti Bandaríkjanna verður. Svo mikil og stór var lygi fjölmiðla, kannanabransans og háskólamenntaðra greiningardeilda góða fólksins

Aldrei hefur eins stór stétt eyðilagt sjálfa sig eins mikið og núna. Litlu og jafnvel engu er að trúa sem frá þessum sérfræðingum og fjölmiðlum kemur. Ekki einu sinni síðunúmerum. Nú eru stéttir þessa fólks lítils og sennilega einskis virði

Og síðan er það hitt hneykslið: sjálft kosningamisferlið. Það verður vonandi lagfært. En það er ekki hægt að lagfæra fjölmiðlana, sérfræðingana og skoðanabransa góða fólksins. Þeir eru ónýtir. Enginn trúir því fólki aftur

Fyrri færsla

Óskar engum til hamingju [u]

Athugasemdir

[Símon Pétur frá Hákoti (IP-tala skráð) 10.11.2020 kl. 12:04]

Þessu hneyksli hafa forsetinn á Bessastöðum, forsætisráðherra og utanríkisráðherra Bjarna Benediktssonar fagnað.

Þau hafa öll hoppað á tossavagninn og jarma heimskulega eftir blístri stórfjölmiðlanna.

Ábægjulegt að sjá hins vegar Björn Bjarnason stinga þau með broddi sporðdreka halans. 

Það gerir hann með því að leggja út af grein Brendan ONeill:

The Real Resistance.

[Gunnar Rögnvaldsson, 10.11.2020 kl. 12:45]

Þakka þér fyrir Símon Pétur.

Forsetar Rússlands og Mexíkó ætla ekki að segja neitt um þessar kosningar eða óska neinum til hamingju með það sem ekki er vitað, fyrr en að staðfest opinber úrslit liggja fyrir.

Þessi sem þú nefnir eru allir í Ósjálfstæðisflokknum. Og þar segja menn svona. En sama er mér hvað þeir segja. Ég hlusta ekki lengur á það fólk. Það er tímasóun.

Kveðjur

[Theódór Norðkvist, 10.11.2020 kl. 12:59]

Fraudogate.

[Theódór Norðkvist, 10.11.2020 kl. 13:03]

Annars hlýtur það að teljast brandari aldarinnar, þó ekki sé mikið búið af henni, að það þurfti Mexíkó og Rússland til að kenna vestrænum fjölmiðlum út á hvernig lýðræðislegar kosningar virka. Hvað þá Kína.

Ef einhver hefði spáð því fyrir nokkrum árum, hefði viðkomandi sennilega verið lagður inn á geðdeild.

[Gunnar Rögnvaldsson, 10.11.2020 kl. 13:16]

Þakka þér fyrir Theódór.

Forseti Mexíkó lenti í því sama og Trump er að glíma við núna. Reynt var að stela 2006-kosningunum frá honum og Spánn óskaði keppinaut hans til hamingju með sigurinn, en varð síðan að draga þá heillaósk til baka, og skammast sín.

Rússlandsforseti þarf ekki að búa við svona. Hann sér um sín kosningaúrslit sjálfur. En hann á hins vegar mikið undir Bandaríkjunum komið, svo þar eru það þjóðarhagsmunir Rússlands sem knýja hann til að fara sparlega og varlega með flaðrið.

Kveðja

[Theódór Norðkvist, 10.11.2020 kl. 13:43]

Alveg rétt. Maður gæti haldið að Biden og félagar hefðu farið á námskeið hjá Pútín í skapandi kosningum (creative counting í staðinn fyrir creative accounting).

[Gunnar Rögnvaldsson, 10.11.2020 kl. 23:31]

þriðjudagur, 10. nóvember 2020 kl. 23:31:01

Mike Pompeo utanríkisráðherra Bandaríkjanna segist ekki efast um að valdatímaskiptin yfir í nýtt kjörtímabil Donalds Trump sem forseta Bandaríkjanna sem hefst í janúar, verði örugg og ánægjuleg. Hann segir að heimurinn geti verið alveg öruggur um það að utanríkisráðuneytið muni starfa og virka alla daga fyrir og eftir kaflaskiptin sem stjórnarskrá Bandaríkjanna skipar fyrir um. Horfa má á yfirlýsingu utanríkisráðherrans hér.

Áfram heldur að kvarnast úr nú mjög svo þunnum meirihluta Demókrata í fulltrúadeild Bandaríkjaþings. Hverjum þingmanni þeirra á fætur öðrum hafa kjósendur sparkað út, eftir því sem framvinda atkvæðatalningar skríður fram.

[Gunnar Rögnvaldsson, 10.11.2020 kl. 23:51]

þriðjudagur, 10. nóvember 2020 kl. 23:50:30

Mitch McConnell leiðtogi öldungadeildar Bandaríkjaþings, stendur fast með Trump forseta og segir að Demókratar hafa eytt síðustu fjórum árum í að afneita niðurstöðum forsetakosninganna 2016, og að þeir hafi í öll þau ár hrópað að þær kosningar hafi verið ólögmætar. Ganga þarf úr skugga um að öll lögleg atkvæði séu talin og að þeim sem ólögleg eru sé kastað burt. Báðar fylkingar verði að fylgjast með talningu, og við erum með réttarkerfi og dómstóla til að skera úr um vafamál og leysa úr ágreiningi, með því að beita lögum landsins.

[Gunnar Rögnvaldsson, 11.11.2020 kl. 00:13]

miðvikudagur, 11. nóvember 2020 kl. 00:13:27

Lindsey Graham formaður laganefndar öldungadeildar Bandaríkjaþings, segir að Bandaríkin þurfi ekki leyfi vinstrimanna og fjölmiðla til að rannsaka meint misferli og kosningasvindl. Hann segist einnig hafa frétt að 25 þúsund manns á mismunandi hjúkrunarheimilum aldraðra víðs vegar um Pennsylvaníuríki hafi á akkúrat sama augnablikinu beðið um að fá tilsenda kjörseðla til póstkosninga. Horfa má á þetta athyglisverða viðtal við Graham hér.

[Gunnar Rögnvaldsson, 11.11.2020 kl. 00:39]

miðvikudagur, 11. nóvember 2020 kl. 00:39:32

Félagsmiðillinn Parler er nú í fyrsta sæti efstur á lista app-verslunar Apple yfir félagsmiðla. Kemur þetta í kjölfar ritskoðunartilburða Twitter, Facebook og Google. Sjálfur er eg er ekki á þessum svo köllum (sam)félagsmiðlum, en tók eftir þessum vef fyrir nokkrum dögum þegar ég í vafra var að lesa tíst Newt Gingrich  því þar benti hann lesendum sínum á að fylgjast með sér á Parler. Einnig virðist að sviptingar séu að eiga sér stað á sjónvarpsmarkaðnum. Fox news virðist vera komið út í kuldann hjá hægrimönnum sem nú leita til Newsmax í kjölfar kosninganna, þannig að sú fréttastöð slær víst nýtt met í áhorfi. Þetta er í fyrsta skiptið sem ég heyri minnst á þá stöð, enda horfi ég næstum aldrei á sjónvarp.

Á kosninganótt í síðustu viku horfði ég í fyrsta sinn á Fox news í meira en nokkrar mínútur og var ekki hrifinn. Skildi ekki undirgefni þeirra í garð svo kallaðra sérfræðinga á kosninganótt. Og þar var einmitt á vakt kappræðustjórnandinn Chris Wallace, sem eins og CNN-Candy Crowley, mun aldrei verða látinn stjórna neinu aftur.

[Gunnar Rögnvaldsson, 11.11.2020 kl. 01:33]

miðvikudagur, 11. nóvember 2020 kl. 01:32:46

Hjá Fox News á kosninganótt komu "sérfræðingar" stöðvarinnar fram og sögðu næstum í byrjun talningar að öruggt væri að Arziona myndi fara til Biden, því útilokað væri að fjórfalt staðalfrávik myndi eiga sér stað þar. Enn eru samt úrslit þar óviss og er forskot Bidens næstum horfið, og enn er verið að telja atkvæðin. Enn getur allt gerst þar því forskot Bidens er komið niður í 0,4 prósent. Þetta minnir mig á stjórnendur vogunarsjóðsins Long-Term Capital Management L.P. þar sem mestu gáfur í einu fyrirtæki þóttu samankomnar og þar á meðal var Nóbelsverðlaunahafi. Þeir sögðu að allt væri svo öruggt hjá þeim og vel reiknað út að jafnvel fimmfalt "sigma event" myndi ekki geta "snert þá". En sjóðurinn fór samt þráðbeint á hausinn og er sennilega eitt besta dæmið í langan tíma um hroka menntamanna. Öryggisformúlur þeirra sögðu ekkert fyrir um framtíðina. Allar kannanir og spár Fox News og allra annarra helstu stöðva í þessum kosningum reyndust úr í hött og stóðust ekki. Um vísvitandi áróður var að ræða, svipað og gildir um loftslagsáróðurinn.

[Gunnar Rögnvaldsson, 11.11.2020 kl. 02:29]

miðvikudagur, 11. nóvember 2020 kl. 02:29:47

Og síðan er víst óþarfi að geta þess, en ég geri það samt, að það eru kjörmenn Bandaríkjanna sem kjósa forseta þeirra og það gera þeir í desember er þeir í eina skiptið koma saman til að kjósa hann. Og nú þegar annar frambjóðandinn hefur ekki viðurkennt þau úrslit sem sumir fjölmiðlar hafa kynnt, byggð á tölfræðilíkönum, þá vandast málið. Haldið verður því áfram að telja án þess að niðurstaða fjölmiðla sé viðurkennd og almennt viðtekin sem sú rétta. Og síðan eru það allar lagalegu athugasemdirnar. Þær munu taka langan tíma að bæði koma fram, þróast, vinda upp á sig og leysast, séu þær taldar réttmætar, og þær virðast bara velta fram í endalausum bunum, vegna þess hve margir kusu á óhefðbundinn (og greinilega óöruggan) hátt. Þessar kosningar ætla sem sagt að verða öðruvísi en kosningarnar 2016, 2012, 2008 og 2004, því annar frambjóðandinn hefur neitað að viðurkenna útreikninga þeirra fjölmiðla sem þegar hafa gefið út úrslit byggð á líkönum, á meðan sumir fjölmiðlanna sem treyst er fyrir að segja úrslit, hafa ekki gert það enn. Niðurstaða fæst því ekki fyrr en öll atkvæði hafa í reynd verið talin og þeim sem ekki eiga heima í kjörkassanum er kastað burt - og þá kjósa kjörmenn Bandaríkjanna forsetann.

[Símon Pétur frá Hákoti (IP-tala skráð) 11.11.2020 kl. 13:33]

Hafðu þakkir fyrir Gunnar

að halda þessa dagbók um framvindu mála.

Mig langar aðeins til að bæta við

því sem furðu margir skilja ekki enn,

að Trump er ekki stjórnmálamaður.

Hann er forseti Bandaríkjanna og jafnframt

hershöfðingi "the deplorables"

"plebbanna" gegn fámennri valdaelítu.

Á sama hátt er hann táknmynd baráttu þjóðríkja

undan oki glóbalískrar valdaelítu.

Trump er sér meðvitaður um þetta,

og því mun hann aldrei játa ósigur,

eins og Styrmi finnst hann eigi að gera,

heldur mun hann berjast til sigurs.

Alveg sama hvað það kostar

og hvílíka þrekraun það mun hafa.

Þannig, og einungis þannig, mun hann skrá sig

í sögubækurnar. 

Uppgjöf kemur ekki til greina.  Og hann veit það.

[Gunnar Rögnvaldsson, 11.11.2020 kl. 15:24]

Þakka þér fyrir Símon Pétur

Forsetinn þekkir nú orðið Demókrataflokkinn og embættismannaveldi hans af aðeins slæmu. Og eftir rúmalega fjögurra ára valdníðslu þeirra, sem var svo svæsin að margir handlangarar flokksins í opinberum stöðum eiga yfir höfði sér ákærur og sumir þeirra hafa þegar verið reknir með skömm, þá veit Trump að þeim er trúandi til alls.

Já hann mun ekki gefast upp á að finna skýringu á því af hverju Biden er með svona miklu hærra fylgi en Obama fékk í einungis og akkúrat bara vissum sýslum í 10 sving-ríkjum, en ekki hvergi annarsstaðar. Kjörsóknin er út í hött í sumum þeirra, og heilum ríkjum líka, eða akkúrat í þeim ríkjum sem Biden þurfti á því að halda.

Og einmitt þar eru hundruð þúsunda kjörseðla þar sem aðeins er krossað við nafn Bidens, en ekki hirt um að kjósa neina þingmenn. Næstum allir sem kusu Trump á þessum stöðum kusu hins vegar einnig þingmenn. Það er venjan.

Og síðan er það höfnun á póstatkvæðaseðlum. Venjulega er höfnunin 3% í til dæmis Pennsylvaníu. Fólk hefur ekki fyllt kjörseðlana rétt út og ekki gengið rétt frá þeim. En í þessum kosningum er hins vegar ætlast til að menn trúi því að höfnun sé aðeins 0,03% eða 100 sinnum minni en venjulega. Þarna hefur bara allt flogið í gegn eins og að kjósendur hafi aldrei gert annað en að fylla út póstsendingarkjörseðla. Í New York var 21 prósentum póstkjörseðla hafnað í forkosningunum þar. Í heildina lítur þetta og margt annað furðulega út.

En sannanir verður forsetinn að koma með. Ég vona að hann finni þær. Nú, ef ekkert er að, þá hljóta menn að fagna því. En þannig held ég nú ekki að þetta muni fara. Ég held að þetta verði langdregið og átakamikið.

Trump gefst ekki upp fyrr en hann er búinn að sanna eða afsanna grun sinn. Þetta eru ekki bara grunsamlegar kosningar, heldur líka mjög óvenjulegar, vegna þess hve ofsafengið margir kusu einmitt á þann máta þar sem auðveldast er að svindla.

Já Trump er hreint ótrúlegur baráttu- og bardagamaður. Hann er Pattontýpan af Guðs náð. Hann mun ekki gefast upp án þess að finna sannleikann.

Kveðja

[Gunnar Rögnvaldsson, 11.11.2020 kl. 15:38]

Og þar sem Demókrataflokkurinn með Hillary Clinton og Obama í baksætinu, hefur ásakað Rússa í fjögur ár um að hafa blanda sér í kosningarnar í Bandaríkjunum, bæði með áróðri og tölvuafbrotum, þá ætti Trump að skoða Windows 7 stöðvarnar sem halda utan um kjörstaði. En það er hvorki meira né minna mest hakkaði hugbúnaður í heimi (fyrir utan NT4). Og skipta Rússum út fyrir Demókrataflokkinn. Hver veit hvað hann mun finna þar. Til dæmis það að viss hluti atkvæða merkt Trump í vissum sýslum lendi á öðrum stöðum en kjósendur sögðu fyrir um.

[Guðmundur Ásgeirsson, 11.11.2020 kl. 21:42]

Trúir þú því að Trump hafi unnið kosningarnar?

[Ragnhildur Kolka, 11.11.2020 kl. 21:45]

Ekki skal ég abyggjast hverju Gunnar trúir, en eitt er víst að Trump á fullan rétt á að vita hvort staðið hafi verið rétt að þessum kosningum. 

[Guðmundur Ásgeirsson, 11.11.2020 kl. 21:54]

Eins og hann þurfti að vita hvort rétt hefði verið staðið að kosningunum áður en hann lýsti yfir sigri á Twitter?

[Gunnar Rögnvaldsson, 12.11.2020 kl. 01:18]

Þakka þér fyrir Guðmundur.

Það fer eftir því á hvaða tíma dagsins þú spyrð mig. En ég hugsa að ég sé eins og 75% Repúblikana, sem trúa því að rangt hafi verið haft við í þessum kosningum og þær ekki frjálsar.

Að minnsta kosti höfðu Demókratar rangt við síðustu fjögur árin og fjölmiðlar þeirra í aðdraganda kosninganna. Taktu eftir að ekki allir þeirra hafa gefið út spádómsúrslit sín byggð á tölfræðilíkönum. Biden er að minnsta kosti ekki sigurvegari enn hjá RCP. En kosningaúrslit byggjast ekki á trú, heldur á löglegum atkvæðum.

Innanríkisráðherra Georgíu, Brad Raffensperger, tilkynnti í dag að öll atkvæði verða handtalin upp á nýtt. Þar treysta menn sér ekki til að standa við unnið verk.

Kveðja

[Gunnar Rögnvaldsson, 12.11.2020 kl. 01:28]

fimmtudagur, 12. nóvember 2020 kl. 01:28:15

Það var farið að fara um Demókrata þrátt fyrir yfirburða stöðu þeirra í nú öllum fölskum skoðanakönnunum fyrir kosningar. Hér segir kona í hópi aðdáenda Bidens að Trump sé "ólögmætur forseti" og hún óttast að þeir sitji uppi með Trump sem forseta næstu árin. Biden tekur undir og býður henni að verða varaforsetaefni sitt.

Og hér ráðleggur Hillary Clinton að Biden megi undir engum kringumstæðum viðurkenna sigur Trumps yrði hann reyndin eftir kosningar. Það sagi hún þarna FYRIR kosningar á meðan skoðanakannanir sögðu að Biden væri 12 prósent yfir Trump á landsvísu og 17 prósent yfir í Wisconsin, en þar eru þeir jafnir. Allar þessar kannanir voru greinilega sérhannaðar til að drepa móralinn hjá stuðningsmönnum Trumps. Falsar fréttir og falskar kannanir H/F (vörumerki Demókrata).

[Gunnar Rögnvaldsson, 12.11.2020 kl. 02:38]

fimmtudagur, 12. nóvember 2020 kl. 02:37:10

Í Connecticutríki uppgötvuðust þau mistök að engin atkvæði frá einum kjörstað höfðu verið skráð og talin með í úrslitunum til þingsins þar. Er þau voru skráð þá missti þingmaður Demókrata sætið sitt. Starfsmaður einn rakst á þessa villu. Endurtalning mun fara fram.

[Jónas Gunnlaugsson, 12.11.2020 kl. 13:06]

Skoða þetta, hverju eigum við að trúa?

https://projectcamelotportal.com/2020/11/05/the-sting/

Sýnishorn úr textanum. 

(110.920 fleiri greiddu atkvæði en voru á kjörskrá)

4.  Wisc  is now reporting 3,239,920 votes cast when there are only 3,129,000  registered voters on record.   More people voted than actually  registered.

Egilsstaðir, 12.11.2020   Jónas Gunnlaugsson