"Sjálfstæðisflokkurinn, blessuð sé minning hans" (og Evrópu) [u]

Þetta er að minnsta kosti rétt hjá Sigmundi Davíð, þegar atburðir síðustu daga eru skoðaðir, plús nær allt núverandi kjörtímabil xD, plús öll árin frá því að núverandi Bjarni Benediktsson varð formaður þess flokks

Og jafnvel enn dapurlegra er að hugsa til þess að fráfarandi Þorgerður varaformaður xD hefur sennilega alltaf verið eins konar fjölbreytileikkona þar, ásamt Benedikt úr sömu ESB-skúffu, og sem bæði og samstíga virðast komin inn í forstofu líberalismans inn í marxisma; sjá "vinstri velferð" hirt upp úr vösum hægrimanna, sem var slagandi orð hennar og hans upp að altari marxismans fyrir síðustu kosningar

Hvenær skyldi Bjarni hoppa af og yfir til þeirra? Hann þyrfti meira að segja varla að hoppa, því hann hefur séð til þess að xD liggi lágt og rísi ekki. Gæti jafnvel bara labbað yfir. Enginn tæki að minnsta kosti eftir neinu þegar hann opnar munninn næst

Hvað er þá eftir af xD? Ekki mikið, eða eins lítið og við sáum á humarveislunni í fyrradag í því sem áður var dómsmálaráðuneytið. Hvílík hneisa, stjórnleysi, lögleysi og aumingjaháttur. Svona er þetta því miður búið að vera hjá Sjálfstæðisflokknum frá því að Bjarni Benediktsson og lið hans tók við

Bless Evrópa og dead-cat-bouncing Kína, er eiginlega það sem hægt er að lesa út úr þessu öllu. Sérstaklega þegar lesnar eru nýjustu viðbæturnar við þjóðaröryggisstefnu Bandaríkjanna; Western Hemisphere Strategic Framework. En þar segir að frá og með nú sé það fyrst og fremst Vesturhvel jarðar sem móti rammann um þjóðaröryggisstefnu þeirra í efnahagslegu tilliti, þar sem allt verður flutt þangað undir einkunnarorðunum "heimahýsing" og "nærhýsing"

Inter-Amerkíu-þróunarbankinn, en ekki AIIB-útþenslubanki Kínverska kommúnistaflokksins þar sem formaður Sjálfstæðisflokksins situr í bankaráði, er það sem notað verður á Vesturhveli jarðar, plús fimm fjárfestingarstólpar fyrir ríkin á því hveli veraldar; þ.e. í nýja heiminum. Og til marks um nýtt mikilvægi Vesturhvels (Ísland er á Vesturhveli jarðar) hefur Bandaríkjamaður nú tekið við IADB-bankastjórninni í fyrsta sinn í sögu bankans. Lesa má í nýtt mikilvægi IADB út frá því. Norður-Ameríka, Mið-Ameríka og Suður-Ameríka er það sem sá fjárfestingarbanki snýst um, ásamt restinni af ríkjum Vesturhvels

Ísland er auðvitað ekki þar, frekar en dómsmálin eru í humarráðuneytinu. Nei nei, formaður Sjálfstæðisflokksins sá um að henda í Íslandi inn í imperíal-útþenslubanka hins kínverska kommúnistaflokks Kínagúlaga. Hugsið ykkur! Og svo henti hann Íslandi inn í Orkupyntingasamband Evrópusambandsins, þar sem "Þýskaland fyrst" stefna yfirtapara meginlandsins tröllríður hinni hrynjandi spilaborg Evrópusambandsins. Ekkert ríki Evrópu mælist nú eins fjandsamlegt Bandaríkjunum og Þýskaland. Junge Freiheit útskýrir ágætlega sumar ástæðurnar fyrir því í grein blaðsins hér: Sie trommeln weiter

Þýskaland er nú með lélegustu orkuinnviði og versta orkubúskap Evrópu plús lélegustu fjarskiptainnviði nokkurs ríkis Evrópusambandsins. Hið fyrra er í vösum Kremlar og hið síðara er í vösum Húkavéa Kínverska kommúnistaflokksins. Hvernig haldið þið að þetta endi. Jú, varla nema á einn veg

Já, blessuð sé minning Sjálfstæðisflokksins í orku-icesave-pökkum hins ósjálfstæða EES-skrifstofuformanns hans

Tek undir orð Sigmundar Davíðs um að afturkalla verði aðild Íslands að Orkupakkabandalagi taparanna í ESB, ásamt ýmsum öðrum hugmyndum Miðflokksins hér: Vilja lækka tekju­skatt í 24%

Uppfært-

Ég er þó efins um framtíð ferðaþjónustu sem atvinnugreinar á Íslandi. Nýtt og langtum minna normal mun myndast þar eftir faraldurinn. Það þarf þó ekki að vera slæmt til lengri tíma litið, því ef eitthvað eitt sérstakt er hægt að segja um ferðaþjónustu í hálaunalöndum eins og okkar, þá er hún ávallt brautin inn í og um leið afleiðing efnahagslegrar hnignunar. Við vorum með ferðaþjónustu vegna hnignunar, og sú hnignun mun festast í sessi verði ferðaþjónusta eitthvað annað og meira en aukabúgrein sem allir geta verið án, gerist þess þörf og þegar þess þarf, því þetta er ekki síðasta skyndilega stopp greinarinnar. En það þarf samt að takast á við skyndilegt stopp ferðaþjónustu núna og snúa því einhvernvegin Íslandi í hag með krosshagsmunanýtingu milli geira. Og þar er Sigmundur Davíð sérstaklega sterkur, eins og við sáum síðast

Tími sérleiðanna fyrir hina útvöldu er liðinn, enda gáfust þær illa. Sigmundur Davíð er greinilega með herðar og hugmyndir breiðar. Já, breiðar hugmyndir...

Fyrri færsla

Er Trump að hitta í mark? 

„Sjálfstæðisflokkurinn, blessuð sé minning hans“

Athugasemdir

[Símon Pétur frá Hákoti (IP-tala skráð) 27.9.2020 kl. 01:36]

"Blessuð sé minning Sjálfstæðisflokksins"

Amen!  Já, svo sannarlega er hann dauður.

Steindauður.

Miðflokkur Sigmundar Davíðs

er vonarljós okkar sjálfstæðismanna. 

Upprisa okkar.  Svo einfalt er það.

Ég hvet alla sjálfstæðis- og fullveldissina

að ganga til liðs við Sigmind Davíð

svo endurvekja megi grunngildi

sjálfstæðis- og fullveldisstefnu

lands okkar og þjóðar.  

Amen!

[Gunnar Rögnvaldsson, 27.9.2020 kl. 08:46]

Þakka þér fyrir Símon Pétur.

Þú sást viðbrögð Bjarna Benediktssonar og Guðlaugs Þórs við því þegar að Donald J. Trump forseti Bandaríkjanna lokaði á Schengen. Þar sannaðist svo ekki var um villst að jarðsamband forystunnar við veruleikann er ekki til staðar. Það sama gildir um fullveldismálin.

Forysta xD er að fara með flokkinn í gröfina. Og það sem verra er, hún hefur tekið vörumerki flokksins með sér.

Eurosclerosis, þroskaleysi, ósjálfstæði, stuttbuxur og naívisimi verður það sem stendur á dánarvottorðinu.

Kveðjur

[Kristinn Bjarnason (IP-tala skráð) 27.9.2020 kl. 09:25]

Mér hefur fundist hegðun forystumanna sjálfstæðisflokksins undanfarin ár vera að þóknast vinstri mönnum. Þeir virðast hvergi standa í fæturnar og nota hvert tækifæri til að hnýta í Donald Trump sem er einn af fáum sem þora að vera þeir sjálfir. Vinstri mennskan er hratt og örugglega að yfirtaka hinn vestræna heim.Vinstri eembættismannahrúan er að éta allt upp til agna. Ömurlegt. Það þarf að berjast fyrir frelsinu annars er það tekið af okkur.

[Gunnar Rögnvaldsson, 27.9.2020 kl. 09:28]

Rétt hjá þér Kristinn og hafðu þökk fyrir.

Kveðja

[Símon Pétur frá Hákoti (IP-tala skráð) 27.9.2020 kl. 13:53]

Þakka svarið Gunnar.

Algjörlega sammála þér um krufningarskýrsluna.

Og kærar þakkir fyrir þróttmikla pistla þína.

[Halldór Jónsson, 27.9.2020 kl. 14:36]

Bjarni er samt sá eini sem getur svarað fyrir sig sæmilega þó mistakaregistrið sé orðið langt.

Kemur þú Gunnar minn auga á nokkurn krónpríns í þingliðinu sem getur veitt forystu í Sjálfstæðisflokknum? Óli Björn er hugmyndafræðilega í lagi en einhverjir eru á móti honum af einhverjum ástæðum.

Nýstelpurnar? Palli? Biggi?Brynjar? Eða er hægt að breyta Bjarna?

[Gunnar Rögnvaldsson, 27.9.2020 kl. 15:48]

Þakka þér fyrir Halldór minn kæri.

Þetta er ekki spursmál um hvort að einn maður sé snjall og duglegur, eða latur og heimskur, ef allt sem hann gerir er það sem þeir einir gera sem vér einir vita. Þetta er ekki spursmál um það.

Allur þingflokkurinn og innréttingarnar í Valhöll eru eflaust bæði snjallir og duglegir menn, en allt sem þeir gera er hins vegar algjörlega glatað.

Betra væri fyrir flokkinn ef þeir væru bæði heimskir og latir, því það myndi þó forða honum frá því að vera flokkur sem gerir allt rangt og vitlaust.

Þess vegna segir ég enn og aftur að hvaða húsmóðir sem er úti í fiskbúð að kaupa í matinn, væri betri leiðtogi flokksins en þeir sem allt þykjast vita. 

Þetta xD-Stokkhólmsheilkenni fer þér afar illa Halldór minn, því það kemur í veg fyrir framfarir.

Við kjósum annan flokk eins og hin 86 prósent kjósenda sem kjósa Sjálfstæðiflokkinn ekki lengur gera, sökum þess sem ég segi hér fyrir ofan.

Þetta er allt saman algjörlega glatað lið. Algjörlega vonlaust. Það ætti allt að vera og starfa í öðrum flokkum.

Kveðjur

[Guðjón E. Hreinberg, 27.9.2020 kl. 17:45]

Góður pistill og fín eftirskrift um Sjálfstæðissósíalista. Sorglegt ástand að Miðflokkurinn er sannanlega hægriflokkur landsins. Ánægður með tengilinn yfir á bloggsíður Yoram Hazony, gaman að finna hann og fann þar helling af fleiru góðu efni, sérstaklega sáttur að finna Edmund Burke stofnunina.

Það hefur engin alvöru íhaldsstefna verið til hérlendis síðan á dögum Jóns Þorlákssonar, eða síðan 1929. Það væri þó færi að breyta því þann 12.02.2021.

[Gunnar Rögnvaldsson, 27.9.2020 kl. 22:49]

Hafðu miklar þakkir fyrir Guðjón - og megir þú halda sem lengst fast í það sem halda ber í.

Kveðjur

[Símon Pétur frá Hákoti (IP-tala skráð) 29.9.2020 kl. 00:23]

Það er umhugsunarvert, að allir flokkshestar

Valhallar læðast nú með veggjum.  Þora engir að verja hræið.  Nema Halldór blessaður Jónsson, hann reynir þó, en bölvar hræinu svona oftast.

Öngvir sjálfstæðis-, fullveldis- og íhaldsmenn hafa uppi nokkrar varnir fyrir hræið.  Enda hví skyldu þeir gera svo?  Sjálfstæðisflokknum var rænt af frjálslyndum pilsfaldatittum, og allir skyni og viti bornir menn vita og viðurkenna að flokkurinn er dauður. En við sjálfstæðis- og fullveldismenn eru sprelllifandi og við leggjum okkar lóð á vogarskálar SDG og Miðflokksins, þar sem sjálfstæðis- og fullveldisbaráttan lifir.

Virkjum það afl til okkar baráttu fyrir upprisu lands og þjóðar.  Og þjóðlegrar íhaldsstefnu okkar.

Virkjum krafta okkar og björgum okkur frá glötun.

Landið og þjóðin á undir högg að sækja.

Virkjum krafta okkar og fylkjum liði með SDG og Miðflokknum.  Það eitt getur orðið okkar grunngildum sjálfstæðisstefnunnar til bjargar.

Nú liggur lífið við. 

Öll lóð skulum vér nú leggja á vogarskálar Miðflokksins og uppskera sigur

í nafni grunngilda okkar

um sjálfstæðið og fullveldið.