Háskólabólutímabilið er að enda, ekki byrja

Það sjá vonandi allir að þetta tímabil sögunnar -háskólabólan- er að enda en ekki að byrja, því það gengur einfaldlega ekki upp; hvorki í rekstri þess, arðsemi né í tengslum þjóðfélagsgerðar við þjóðir og stofnanir þeirra, og sérstaklega ekki í tengslum við lýðveldisstofnunina sjálfa sem gengur út á það að sjálfstætt fólk haldi henni á beinu brautinni og uppi og stundi pólitík, en ekki nýr aðall sérfræðinga, opinberra óstarfsmanna og smekksdómara

Fyrst að hæstaréttardómarar Bandaríkjanna gátu hér áður fyrr verið hæstaréttardómarar án þess að hafa farið í háskóla og lært lögfræði, þá segir það sig sjálft að við erum komin langt langt fram úr því sem þolanlegt er í menntabólunni. Hún skilar ekki því sem ætlast er til og er þar með orðin léleg fjárfesting fyrir alla, nema háskólana sjálfa sem komnir eru í stöðu eins konar bankabólubransa. Þess utan er menntabólan orðin skaðleg fyrir þjóðfélag lýðveldisins. Dæmin eru út um allt: Strassborgar hér og þar, ESB, EES, Schengen, beinar gúrkur og endalaust týranní E E E ... plús það að háskólarnir eru eins og við var að búast orðnir forstofur inn í marxismann

Gerum háskólana ábyrga fyrir námslánum nemenda, fái þeir í stórum stíl ekki vinnu við það sem háskólinn seldi þeim. Þessi óútfyllti tékkabisness sem háskólanir stunda má að minnsta kosti ekki hafa neitt með skattgreiðendur landsins að gera

Ég veit að Lilja vill vel í þessum efnum, því þannig er hún; velmeinandi. En ég held að enn ein fimmfalda 5-ára áætlun skipulagasmiðanna, ofan í allar hinar, sé úti í móa. Þess utan þá þarf að gera alþingi mun erfiðara fyrir að setja ný lög. Það er allt of auðvelt að setja ný lög, enda árangurinn eftir því. Klessukeyrsla og bremsuklossafabrikkur út um allt

Fylgist vel með Bandaríkjunum í þessum efnum því þar eru miklar breytingar í þessum málum í deiglunni. Þau eru alltaf FIFO-fyrst. Sérfræðingar knýja ekki framtíð landa. Þeir stöðva hana, enda dóu Sovétríkin úr menntun og náttúruauðæfum upp í háls

Fyrri færsla

Evrópa á leið í lokun-2. Jólin komin í vaskinn?

Ein stærsta áskorun samfélagsins

Athugasemdir

[Gunnar Rögnvaldsson, 18.9.2020 kl. 21:05]

Gott dæmi um skaðleg áhrif háskólamenntunar sást til dæmis þegar Michael Bloomberg með háskólagráðu frá Johns Hopkins University og Harvard Business School bauð sig fram sem forsetaefni Demókrata á þessu ári, og sagði þar að ekkert mál væri að vera bóndi í Bandaríkjunum. "Maður gerir bara holu í jörðina og hendir einverju þar niður", sagði hann. Þetta væri eins einfalt mál og hugsast gæti.

En hver varð svo árangur hans sjálfs? Jú hann boraði stóra holu í jörðina og henti einum milljarði dala ofan í hana og ekkert kom upp. Ekkert!

Þetta er það sem kallað er grjótheimska og sem auðveldlega er hægt verða fyrir með því að hafa haus sinn of lengi fastan inni í háskóla, háskólaumhverfi og gráðusmiðjum.

Þess fyrir utan þá er Bloomberg-maðurinn sá fastur ofan í vösum Kínverska kommúnistaflokksins (100% heiladauði) og það sama gildir um fjármálasjónvarpsstöð hans. Þar sést því aldrei neitt neikvætt um Kína.

Mér er sagt að flestar metsölubækur í klassískum færðum, heimspeki og sögu séu eftir áhugamenn, hin síðustu mörg árin.

Háskólamenntað fólk veit yfirleitt ekkert um pólitíska heimspeki Biblíunnar sem byggði Vesturlönd og þjóðhagfræðingar vita til dæmis yfirleitt lítið sem ekkert um hvað þjóð er, og hafa jafnvel aldrei lesið Gamla testamentið, sem að stórum hluta er um þjóðina, þjóðríkið, og var í 1500 ár hin óformlega stjórnarskrá Vesturlanda og sem allar aðrar byggja á. Þarna eru háskólar í dag bara eins og tómar frystigeymslur. Fullar af gufum marxismans og horfnum sovétríkjum.

[Kristinn Bjarnason (IP-tala skráð) 19.9.2020 kl. 08:08]

Það eru nokkrar heilagar kýr á Íslandi og menntakerfið er ein af þeim. Allar skatttekjur einstaklinga duga ekki fyrir menntakerfinu. Það er hægt að læra nánast hvað sem er frítt. Það á hver og einn að standa undir sinni menntun. Það er eins og það sé þegjandi samkonumlag allra stjórnmálamanna að halda lýðnum á horriminni, meðferð á almanna fé er með þeim hætti. Mér skilst að það séu 560 flóttamenn á atvinnuleysisbótum.

Við erum að kafna í kommúnisma sem stefna að því að allir verði fátækir.

[Gunnar Rögnvaldsson, 19.9.2020 kl. 14:59]

Þakka þér fyrir Kristinn.

Tek undir og segi amen.

Kveðja