Sig­ríður: "Tals­vert eft­ir­lit í gangi" [u]

Mynd: Kosningasamkoma (mótmæli hah!) Trumps í Norður-Karólínu í gær. Alltaf eins: Svartur síður frakki, tveggja fermetra hálsbindi og sami Queens-hreimurinn hvar sem hann fer. Breytist ekki. Þeir sem teknókratía sérfræðinga dæmdi úr leik sem "hina fyrirlitlegu", fagna hugrökkum leiðtoga sínum ákaft, enda ekki um teknókrata að ræða. Samkvæmt trúarsetningum sérfræðinga eru "hinir fyrirlitlegu" hin risastóra hvíta iðnaðar-millistétt í hjarta Bandaríkjanna og afkomendur hennar. Fellibylur hennar sækir nú í sig veðrið og rífa mun hún margt upp með rótum og storma annað um koll. Hún var skilin ein eftir á fjóshaug sérfræði-glóbalismans, allt frá því að Rögnvaldur Reagan fór frá völdum

****

Nú jæja? Í hvaða gangi skyldi það eftirlit vera. Frígangi? Stofugangi?

Jú, ekkert eftirlit er með ríkisstjórninni -sem annað hvort er í felum eða vísað úr landi- nema það, að sjá til þess að hún haldi áfram að troða veirum inn í landið okkar. Hún er auli og án einkaframtaksins væri hún örverpi

Ekkert eftirlit er með þeim geimverum sem vísa á úr landi, nema það, að strangt eftirlit er haft með því að ríkisstjórn Íslands -sjálft framkvæmdavaldið- ráði engu hér í okkar eigin landi. Æðislegt. Gersamlega sprenghlægilegt. Þetta er eina "eftirlitið" sýnist mér

Rosalegt "eftirlit" er hins vegar haft með því að útlendingar stjórni óáreittir Íslandi. ESB, EES, Schengen, Orkupakkar og E-sáttmálar bla bla bla. Þetta er orðinn einn allsherjar samsærispakki gegn þjóðinni. Enginn kjósandi trúir lengur öðru en því að íslenska ríkisstjórnin, ambáttar-embættismenn Brussels, stjórnkerfið og flokkarnir séu samsæri gegn þjóðinni. Og ekki mun takast að sannfæra kjósendur um neitt annað svo lengi sem þessi E-fíflagangur keyrir sem sjálfskiptur gæsagangur

Ekkert eftirlit er haft með að Víðir-lögga sé áfram lögga. Nú er hann kannski veira, og það er ekki gott. Við þurfum á Víði að halda sem löggu

Það eina sem við höfum er Kári. Þökk sé Guði fyrir hann. Gott væri nú ef mögulegt væri að klóna Kára. Ég fyrirgef honum alla gallana, því eins og herra Andrew Jackson, þá er það hugrekki hans eitt og sér sem jarðar alla hugsanlega galla hans og gerir hann að leiðtoga sem um munar. Kári, Jackson og Trump. Þetta eru mínir menn. Hugrakkir menn. Um þá munar

Húmbúkkið Hmpf! og Vesalingarnir virðast hins vegar vera af óendanlegri stærð

Getum við ekki bara fengið hugrakkan Davíð aftur? Þetta gengur ekki upp lengur

Uppfært

Horfið vestur um haf, því þar býr nú stórþjóð sem sannfærst hefur um að þingið og framkvæmda- og embættismannavald lýðveldisins sé orðið einn heilsteyptur samsærispakki gegn henni. Bandaríkin eru FIFO. Fyrst inn og fyrst út; sem þýðir að boltinn sá hefur nú þegar rúllað hingað, og héðan mun hann rúlla yfir á Meginland taparanna

Pólitískar ástríður- og áhugi eiga rætur sínar að rekja til þess að kjósendur og stjórnmálamenn trúi því að þeir skipti máli. Kjósendur hafa misst þá trú, og stjórnmálamenn trúa ekki lengur á að þeir sjálfir skipti máli. Þannig virkar stjórnarfyrirkomulagið technocracy

Sérfræðiteknókratía eftirstríðsáranna -arfleið Síðari heimsstyrjaldarinnar- var í fyrstu gerð að pólitískri hugmyndagloríu um næstum öll Vesturlönd. En síðan varð hún að pólitískum trúarbrögðum. Allt þetta er að byrja að enda núna, því sérfræðingar þessarar trúarhreyfingar hafa næstum því náð að eyðileggja Vesturlönd. Þeir reyndust nefnilega ekki vera sérfræðingar. Sannaðist það rækilega 1991, 2008 og 2020 - plús loftslagstrúarþvælan úr sömu skúffu

It is not the Economy, stupid! Ekki lengur

Fyrri færsla

Háskólabólutímabilið er að enda, ekki byrja

Sigríður: „Talsvert eftirlit í gangi“

Athugasemdir

[Gunnar Rögnvaldsson, 21.9.2020 kl. 06:17]

Allir hljóta að sjá núna að einokun ríkisins í heilbrigðismálum Íslendinga hefur orðið fyrir slíku sleggjurothöggi að ekkert getur lengur réttlætt þá einokun. Ekkert. Hún er trúarlegur þvættingur úr svörtustu miðöldum kommúnismans og DDRÚV. Og þeir sem enn viðhafa ríkisþvættinginn eftir Wuhanveiru-gjaldþrot ríkisrekstursins núna, ættu að láta skanna í sér heilann svo að Stalín hans sé fundinn sem fyrst og skotinn út með laser. Í góðu lagi er að skjóta loftslags-Stalíninn líka -finnist hann í sömu skönnun- með sama skoti.

Það er ekki hægt að bjóða fullorðnu fólki upp á þennan þvætting lengur. Hann á engan rétta á sér. Engan. Hér væri allt á Wuhan-veiru kamrinum ef ekki væri fyrir einkaframtakið. Massíft einkaframtak er það sem við þurfum í þessum efnum. Nóg er komið af Svartnætti Svandísar. Ríkið er búið að bræða úr sér í þessum efnum.

[Gunnar Rögnvaldsson, 21.9.2020 kl. 06:27]

Teknókratar að viðhalda sjálfum sér. Það er það sem um er að ræða - og ekkert annað.

[Gunnar Rögnvaldsson, 21.9.2020 kl. 17:57]

mánudagur, 21. september 2020 kl. 17:56:29

Með því að opna á erlenda ferðamenn í sumar skóf ríkisstjórnin sennilega 2-3% extra burt af landsframleiðslunni þetta árið. 

1. Íslendingar sem annars hefðu eytt, drógu sig til baka og hættu við eyðslu í ágúst og september og eru einmitt núna að loka sig af og buddunni líka. Jólin hanga því á bláþræði núna.

2. Núna keyra því mörg stórfyrirtæki landsins á aðeins hálfu afli því búið er að rústa því rekstraröryggi sem skapaðist með því að stöðva að mestu innflæði veira fyrriparts sumars.

3. Svona mun ríkisstjórnin halda áfram að stíga í spínatið, eingöngu af ótta við samtök-gjaldþrota-geirans og útlanda-fetisma (skríður alltaf fyrir öllu sem frá útlöndum kemur, sleikir gólfið með lafandi tungu hvar sem útlendingar hafa gengið og ekið).

4. Stefnuleysið og barnaskapurinn kemur í veg fyrir allt, nema útbreiðslu Wuhan-veirunnar. Sjávarafurðir frá Íslandi gætu farið að hanga á frekar þunnu hári núna. Allt getur farið að gerast vegna aulaskaps ríkisstjórnarinnar.

5. Með því að proppa upp ferðaþjónustu sem þegar var orðin svo gott sem gjaldþrota um síðustu áramót, þá er verið að henda góðu fé í ónýta atvinnugrein sem litla framtíð á fyrir sér. Samt er ríkið að eyða milljörðum í það sem ríkisstjórnin kallar "stjórnun ferðamála" (hún stýrir engu þar, nema núllum).