Gatið í veltutúkalli ferðaþjónustu

NÝ-TRÚ ENDAR

"How do you like the uppbygging", spurði Halla-Hásing Holskefludóttir

Hún kom en hann kom ekki þegar rápherrann lagði síðasta hálmstárið á altarið og fórnaði sér sem úrbeinuðum karlmanni á altari náttúrunnar. Engin börn voru til staðar, eðlilega ekki. Hófst þá prédikunin. Því næst hófst alenskur upplestur úr bæklingum ferðaþjónustunnar, sem flutt hafði þjóðina til útlanda, svo byggja mætti píramídana miklu á Íslandi. Nóg var grjótið. En þjóðin var því miður fyrir. Hana þurfti því að fjarlægja úr landinu

Ný þjóð var flutt inn og uppbygging númer endalaust núll hófst. Frá og með þarna hét öll byggingarstarfsemi uppbygging. Enginn nema herra halló byggði. Allir uppbyggðu og uppbyggðu

Veltan jókst og jókst en hagnaðurinn ekki. Hann kom ekki. Lét aldrei sjá sig. Enda óafsakanlegt fyrirbæri í trúfélögum

Náttúra náttúra náttúra. Ó hvar ert þú, mitt síðasta uppselda hálmstrá. Náttúra náttúra og umhverfi - helvítis. Helvítis umhverfi. Djöfulsins umhverfið. Umhverfi djöfulsins. Meira umhverfi helvítis náttúru leysisins. Peninga leysisins í veltunni. Gatið í veltutúkallinum. Nátúrar!

Engin önnur atvinnugrein –ef svo mætti kalla þessa kirkju– krefst þess að þjóðin sé annað hvort flutt úr landi eða sett á safn. Að hún sé ekki að flækjast fyrir í landi ferðaþjónustunnar

Amma mín er til sýnis eftir kl 16:30. Komið! Komið og skoðið ömmu mína. Stingið túkalli í ömmu mína. The road ends here. Pavement ends. Open, closed. The end...

Til fjandans með þessa tapútgerð sem aldrei hefur skilað hagnaði. Farið hefur fé betra, enda hefur túrhestabransinn haldist sem óbreytt og krónískt gjaldþrota láglaunagrein frá því á tímum Krossferðanna, og jafnvel fyrr

Hamborgarinn, væni minn, er ofsteiktur og of dýr hjá þér. Sama viðbrennda hlið og síðast, á glataða grillinu hjá glötuðum þér. Hérna væni minn, taktu túkall, hentu hamborgarnaum í mig og ak þú mér í borholuna. Og sjá: ný hola til helvítis helvítis. Velt þú nú mér á hina veiruna, væna mín. Veltu mér...

Náttúrbólan sem sprakk. Í henni bjó bóla ferðaþjónustunnar. Vegur endar. Tapið endar hér. Og kemur aldrei aftur, sem betur fer

Fyrri færsla

Er Trump að svæla Biden upp úr kjallaranum?

Athugasemdir

[Símon Pétur frá Hákoti (IP-tala skráð) 26.8.2020 kl. 12:35]

Algjörlega sammála Gunnar.

Þessi túrismabóla má fara aftur til fjandans,

því frá honum kom hún.

Engri þjóð hefur massatúrisminn fært gæfu.

Hann sundurbrýtur og lítilsvirðir hverja þjóð,

mígur og skítur á land hennar og ælir.

Hér þarf núna að skjóta styrkum stoðum undir 

heilbrigða og fjölbreytta atvinnustarfsemi.

Og ekki efast ég um elsku þjóðarinnar

til móðurmálsins og föðurlandsins.

Þjóðin mun standa saman,

um leið og hún fær frið til þess.

[Gunnar Rögnvaldsson, 26.8.2020 kl. 13:00]

Þakka þér fyrir Símon Pétur.

Já. Íbúar um alla jörð vona nú að erlendu ferðamennirnir komi aldrei aftur. "Ég vona að þeir komi aldrei aftur" sagði japönsk kona í Koyoto um erlendu ferðamennina er verið hafa sem sídritandi engisprettufaraldur þar. Og Rómverjar fá nú loksins að nota borgina sína sjálfir.

WSJ: Coronavirus Chased Off Tourists. Lots of Locals Dont Want Them Ever Flocking Back

Það verða auðvitað alltaf einhverjir erlendir ferðamenn. En þetta er í eðli sínu svo glötuð atvinnugrein að enginn ætti að byggja neitt á henni, heldur aðeins að taka það sem sjálfsprottið frá henni gefst. Allir ættu að miða líf sitt við að geta þrifist vel án hennar. Hún er aðeins góð sem aukabúrgrein. Dropar sem öðru hvoru falla ókeypis til jarðar.

Strategía stjórnvalda var misfóstur vanvita. Þeir voru meðskapendur tapsgefandi atvinnugreinar sem aldrei getur borið eða borgað sig nema í fátækum löndum.

Þess utan er náttúrubóla síðustu áratuga á Vesturlöndum búin að vera. Hún er sprungin og er að falla saman. Innan í henni bjó ferðamannabólan.

Kveðjur

[Símon Pétur frá Hákoti (IP-tala skráð) 26.8.2020 kl. 13:20]

Takk fyrir svarið Gunnar.

Já, höfum í huga að samdrátturinn verður hér

að hámarki um 8%.

Það er engu þjóðríki vorkunn að vinna 

snarlega bug á 8% samdrætti; að því gefnu

að stjórnvöld þvælist ekki fyrir þjóðinni.

Fái þjóðin frið til þess að byggja upp

fjölbreyttan og sjálfbæran atvinnurekstur, 

þ.m.t. heilbrigða og sjálfberandi ferðaþjónustu,

þá munu hagvaxtartölur verða hér iðagrænar

innan mjög svo skamms tíma

og byggðir landsins blómstra.

En bóludrifinn massatúrismi sem engin innistæða er fyrir mun ætíð verða af ætt andskotans.  Megi hann aldrei koma aftur, megi hann til fjandans fara.

[Símon Pétur frá Hákoti (IP-tala skráð) 26.8.2020 kl. 13:43]

Og svo ég segi það hreint og beint, þá finnst mér það ógeðfellt hvernig Icelandair hafa, líkt og flestir hafa orðið varir við, um langa hríð gefið það í skyn í auglýsingum sínum á erlendri grundu að íslenskar konur séu lauslátar. 

Mér er það nokkur undrun að allt mítú liðið hafi þagað um það og girt sig tabúi um það mál, eins ógeðfellt og það er.

[Símon Pétur frá Hákoti (IP-tala skráð) 26.8.2020 kl. 13:56]

Að selja flugferðir er eitt, annað er að gera lítið úr íslenskum konum og falbjóða þær, að þeim óspurðum; slíkt lýsir því hversu mikil lítilmenni halda þar um stjórnartauma.

[Haukur Árnason, 26.8.2020 kl. 16:39]

Jamm Gunnar. Nú er þér nóg boðið. eins og mér. Takk.