DDRÚV og aldarafmæli svikamyllu Ponzy

Í gær árið 1920 var Charles Ponzi handtekinn fyrir fjármálamisferli í Boston. Hann hafði svikið sex milljónir dala út úr fjárfestum sem hann hafði afvegaleitt

En Ponzi borgaði þó fjárfestum sínum peningana til baka 90 dögum síðar, með því að taka fé frá nýjum fjárfestum, eða eins og dómarinn orðaði það; "þú rændir Pál til að geta greitt Pétri". Síðan þá hafa slík píramídaspil verið kölluð "Ponzy svikamylla" - eða á ensku "Ponzi scheme"

Það gæti verið þarna sem hugmyndin að nefskatti til uppihalds vinstrimanna DDRÚV fæddist: Pétur er rukkaður til að Páll-DDRÚV geti greitt laun vinstrisinnaðra starfsmanna hans

Pétur bað hins vegar ekki um neitt frá DDRÚV, notar ekkert frá því og fær því ekkert frá DDRÚV, nema það að hann fær þukla á reikningnum sem hann er píndur til að borga

Segið svo að DDRÚV-einkahlutafélag vinstrimanna á Ponzy-forminu "opinbert hlutafélag" (vinstrimanna) kunni ekki sitt fag

Ef ég réði þá myndi ég banna DDRÚV, þó ekki væri nema siðferðisins vegna. Því miður get ég ekki bannað mínum að nota það, en það myndi ég gera ef ég gæti. Sjálfur nota ég það aldrei og fyrirlít það

Það jaðrar satt að segja við sturlun að ætla að fara byggja heilt nýtt fjölmiðla-sovétríki í kringum þessa svikamyllu vinstrimanna, með þeim rökum einum að hún sé til. Hvað er að fólki?

Leyfum þeim að borga fyrir og halda DDRÚV uppi sem vilja nota það. En þegar það verður lagt niður vegna þess að vinstrimenn vilja ekki borga nógu mikið til að halda því uppi, þá er hægt að bjóða þeim ókeypis áskrift að Lögbirtingarblaðinu, því þar fræðast þeir meira um hagi landsmanna og um íslenska landafræði en þeir fá út úr fimmföldu DDRÚV

Við fáum aldrei frambærilegan, ábatasaman og skilvirkan fjölmiðlamarkað með verðugri og spennandi samkeppni, svo lengi sem DDRÚV-svikamyllan er á lífi

Tilvist DDRÚV drepur einkaframtakið, sköpunarviljann og sjálfsbjargarviðleitnina. Ekkert borgar sig svo lengi sem sovétríkið DDRÚV lifir. Það er reynslan úr öllum sovétríkjum veraldar

Fyrri færsla

Samherji svarar loksins fyrir sig 

Athugasemdir

[Kristinn Bjarnason (IP-tala skráð) 13.8.2020 kl. 16:05]

Það hljóta allir sem eitthvað sjá og heyra að gera sér grein fyrir því að Rúv rekur grjótharða vinstri pólitík. Þetta er svo yfirgengilegur dónaskapur að neyða fólk sem er ekki á þessari línu að greiða fyrir þessi herlegheit. Þessi yfirgangur hins opinbera er orðinn yfirþyrmilegur mjög víða. Það er markvisst búið að heilaþvo fólk í skólum landsins og fjölmiðlum. Ég segi nú bara eins og Yuri Bezmenov ef þú ert ekki orðinn hræddur núna þá er ekkert sem hræðir þig.

[Gunnar Rögnvaldsson, 14.8.2020 kl. 03:18]

Þakka þér fyrir Kristinn.

Amen.

Kveðja

[Halldór Jónsson, 15.8.2020 kl. 10:56]

Já, af hverju ekki að gera það valkvætt. Þeir kommar sem vilja, borga. Ég myndi samt áreiðanlega borga til að byrja með af því að ég er ístöðulaus ekkiprínsípmaður. Ég ber mikla virðingu fyrir svona mönnum eins og þér Gunnar sem ekki einu sinni stelast í flöskuna þegar enginn sér til.

[Halldór Jónsson, 15.8.2020 kl. 10:57]

En samlíkingin við hann Paonzi er góð.Ponzi var snjall og margir vildu Lilju kveðið hafa síðan þá.

[Gunnar Rögnvaldsson, 15.8.2020 kl. 15:14]

Þakka þér Halldór fyrir innlit og skrif.

Já gerðu endilega húsleit í DDRÚV flöskunni og drekktu vinstrasullið þeirra; endurvarp úr sovétríki.

Kveðja

[Helga Kristjánsdóttir, 16.8.2020 kl. 10:08]

Hversu oft hef ég deilt við þá sem vita allt sem gerist í heiminum og sanna það með "ég heyrði það sjálf(ur)í Rúv")....