Rangt: Trump ekki fluttur í Bidenholu [u]

Mbl-rifnar-gallabuxur-on-line skrifar: "Leyniþjón­usta Banda­ríkj­anna hef­ur skotið vopnaðan mann utan við Hvíta húsið í Washingt­on. Blaðamanna­fundi for­set­ans var slitið í snatri og for­set­inn færður í byrgi sitt."

Rangt. Hér fyrir ofan er umræddur blaðamannafundur og á fyrstu mínútu þessarar upptöku af honum kemur fram að forsetinn fór bara örskotsstund inn á skrifstofu sína (smella á upphafsreit upptökunnar). Engin hnattræn blaðamannahlýnun þarna

Prent-Mogginn er ekki svona. Rólega.. rólega.. er mitt ráð

"Take it easy, take it easy. Don-t let the sound of your own wheels drive you crazy"

Uppfært: 11. ágúst 2020 kl. 23:59:28

Frétt Mbl hefur nú verið leiðrétt og uppfærð. Fínt mál. Þakkir

Fyrri færsla

Kuldamet slegið í Ástralíu

Maður skotinn við Hvíta húsið

Athugasemdir

[Guðmundur Ásgeirsson, 10.8.2020 kl. 23:35]

Hann var í "byrginu" allan tímann (Hvíta húsinu).

Hann segir orðrétt að þegar fundurinn var tímabundið stöðvaður hefði hann dregið sig til hlés á skrifstofu sinni (Oval office) sem er einhver mest varði staður jarðar.

Vissulega er það ekki alla leið ofan í neðanjarðarbyrgið sem er langt undir jarðhæð, enda varla þörf á því vegna skotbardaga lögreglu við glæpamann í nágrenninu en slíkt er ekki óalgengt í þessari annars ágætu borg.

Undir slíkum kringumstæðum er skynsamlegt að hafa varann á og ekki tilefni til að lesa meira úr því en að öryggisgæslan hafi einfaldlega starfað eftir sínum ströngu rútínum.

Ef það brytist út skotbardagi í miðbæ Reykjavíkur myndi ég búast við að öryggisverðir stjórnarráðsins myndu bregðast svipað við. Vonandi kunna þeir rétt vinnubrögð.

[Ragnhildur Kolka, 10.8.2020 kl. 23:41]

Það var svoldið fyndið að sjá hvað blaðamennirnir voru fljótir að gleyma 2 metra reglunni þegar DT yfirgaf herbergið. Það var eins og þeir hefðu allt í einu fattað að þeir væru fréttamenn og að scoopið skipti máli. 

[Guðmundur Ásgeirsson, 10.8.2020 kl. 23:49]

Er einhver 2m regla í BNA? Er ekki bara grímuskylda?

Veit ekki allt því fréttir eru ónákvæmar.

[Ómar Ragnarsson, 11.8.2020 kl. 00:23]

Það hefur verið 2ja metra regla.  Að minnsta kosti var það þannig á þeim blaðamannafundum Trumps, sem ég sá. 

[Gunnar Rögnvaldsson, 11.8.2020 kl. 00:34]

Þakka ykkur fyrir.

Já Ragnhildur þetta er sprenghlægilegt.

Guðmundur. Sóttvarnir eru á höndum einstakra ríkja Bandaríkjanna, þar sem hvert ríki er með sitt eigið heilbrigðskerfi, en þau njóta hins vegar öll þess neyðarstuðnings frá alríkisstjórninni sem þau þurfa. Og innan hvers ríkis fyrir sig taka "social distancing" eða félagslegar aðskilnaðarreglur (6-fet o.s.f.v.) mið af stöðunni í hverri sýslu fyrir sig innan hvers ríkis. Um 330 milljón manna land er þarna að ræða.

Hérna getur þú séð yfirlit yfir stöðuna í heild fyrir Bandaríkin og fyrir hvert ríki Bandaríkjanna fyrir sig, og síðan hverja sýslu innan hvers ríkis, og smellt á krækjuna "projcetions" til að sjá nánar um félagslegar aðskilnaðarreglur og kröfur viðkomandi ríkis um persónulegar sóttvarnir í því ríki og sýslum þess.

Bandaríkin eru 9,8 milljón ferkílómetrar og þar búa 33 persónur á hverjum ferkílómetra þannig að plássið er nóg, nema stórborginni Nýju Jórvík sem stendur fyrir (of) stórum hluta dauðsfallanna, enn sem komið er,  svipað og í París gerir í Frakklandi.

En sem betur fer hafa Bandaríkin ekki enn náð sænsku dauðastöðunni, sem er ein sú versta í heiminum, með 571 dauðsfall á hverja milljón íbúa norrænnar "velferðar" í hæstu sköttum veraldar.

Kveðjur